Budsjett 2017 Økonomiplan 2017-2020
INNLEIING: Venstre legg med dette fram sitt forslag til budsjett 2017/økonomiplan 2017-2020. Budsjettframlegget er basert på rådmannen sitt budsjettframlegg slik det vart presentert i kommunestyret 01. November 2016, samt andre opplysningar og fakta som har komme fram i løpet av budsjettprosessen. Skulle det komme fram opplysningar som gir auke i inntekta til kommunen i løpet av budsjettprosessen kan budsjettframlegget justerast deretter. OVERORDNA FØRINGAR: Vi er heldige i Os som har ein kommuneadministrasjon og kommunalt tilsette som gjer ein formidabel jobb til tross for manglande ressursar i fleire einingar. Over fleire år har det vore lagt ned stort arbeid i å drifte effektivt, og med små ressursar administrativt. Os kommune scorar godt på effektiv drift som et resultat av arbeidet gjort administrativt og politisk. Samstundes er det viktig å ha med seg et perspektiv om at kvalitet i tenestene ikkje må bli gløymd i eit forsøk på å levera dei mest kostnadseffektive tenestene. SIO blir eit stort og omfattande prosjekt for kommunen sin del. Kommunen har dyktige leiare og tilsette som jobbar hardt for å gjere kommunen klar for oppgåva. Det er mange utfordringar knytt til SIO, men det er viktig at heile organisasjonen jobbar saman for å finne dei beste løysingane. Utbygginga på Lurane er godt i gang og det vil være eit stort løft for heile kommunen når bygget er ferdig. Kommunen sin aukande gjeld må vere eit viktig fokusområdet i framtida. Det er liten tvil om at prioriteringar av store prosjekt, dårleg planlegging og dårleg vedlikehald har vore medverkande årsaker til at gjelda er høg. Samstundes er det store utfordringar knytt til folketalsveksten i Os. Det er lagt opp til ein ambisiøs, men nødvendig, investeringsplan over dei neste åra. Det gjer at det er viktig at vi som politikarar er edrueleg i forhold til prioriteringane vi gjer, og er spesielt fokusert på det viktigaste først. Skuler, sjukeheimsplassar etc. må komme i første rekke. Ein skal også ha på minne at noko av gjelda er sjølvkost, og noko er knytt opp mot framtidig utvikling av kommunen. På sikt vil det være investeringar som kan gje avkastning. Kommunen bør søke OPS der det er mogleg.
DRIFTSBUDSJETT: Venstre er samd i rådmannen sine anbefalingar i forhold til å ikkje bygge opp tenestetilbodet for mykje. Når utbygginga på Lurane står ferdig vil det være behov for en betydeleg auke i driftsbudsjettet, og det er viktig at kommunen er klar for å takle auken. Det har vore ein strategi å sette av midlar til fondsoppbygging og Venstre er samd i den strategien. Rådmannen har lagt til grunn ein moderat auke i fri inntekter. Venstre finn det forsvarleg å auke skatteinngangen med kr. 6 450 000. Det er ikkje aktuelt for Venstre å innføre eigedomsskatt. Endringar 2017 2018 2019 2020 INNTEKTER Auke skatteanslag 6 450 000 6 450 000 6 450 000 6 450 000 UTGIFTER Felles Næringsfond 1 000 000 1 000 000 1 000 000 1 000 000 Tilskot Søfteland IL 50 000 Oppvekst og kultur: Gratis halleie 500 000 500 000 500 000 500 000 Vidareføring stillingar 4 000 000 4 000 000 4 000 000 4 000 000 Samfunnsutvikling: Støyskjerming Søfteland skule 300 000 Tiltak fleire bussar 150 000 Ny utgreiing E39 200 000 Planarbeid 250 000 Sum utgifter 6 350 000 Sum varige utgifter 5 550 000 5 550 000 5 550 000 5 550 000
FELLES NÆRINGSFOND Venstre sett av kr 1 000 000 til eit næringsfond i kommunal regi. Eit kommunalt næringsfond skal nyttast til å styrke nyskaping, innovasjon og næringsutvikling i kommunen. Tildeling av midlar bør gjerast av formannskapet etter innstilling frå næringssjefen. TILSKOT REGULERING SØFTELAND Venstre set av kr 50 000 i tilskot til Søfteland Turn og Idrettslag til arbeidet med regulering av området mellom Eikhaugen og Bergstø (som vist i møtet i formannskapet i september 2016). OPPVEKST OG KULTUR: GRATIS HALLEIE Venstre legg inn ein sum på kr 500 000 til gratis leie av idrettshallane i kommunen for barn og ungdommar. Ei slik ordning vert praktisert i fleire andre kommunar i fylket, og Venstre meiner at det er på tide at ein det blir etablert ei slik ordning i Os. HALHJEM BARNESKULE Venstre meiner at det er på tide med ein revidering av skulebruksplanen. I det arbeidet bør det komme ein utgreiing av Halhjem Barneskule som 1-7 skule. Det er ein betydeleg folkeauke på Halhjem og skulen er allereie ein 2-parallell skule. Ein bør samstundes vurdere å byggje ein idrettshall i tilknyting til skulen. SFO SØFTELAND Venstre vil at kommunen skal, slik skulen har bedt om, sikrar at brakkebygget på Moldmyra (som var mellombels barnehage) vert disponert som nye SFO lokalar for skulen. Dei
noverande lokala (det gamle biblioteket i skulen) er lite egna og ein slit mellom anna med mykje støy. Ein ser også alt at skulen vil ha bruk for meir areal med den sterke folkeveksten i bygda. STILLINGAR UNGDOMSSKULEN Venstre set av kr. 4 000 000 til vidareføring av 2 stillingar ved Os ungdomsskule, samt 2 nye stillingar ved Nore Neset ungdomsskule. Innanfor dei midlane skal også ein stilling vidareførast i meistringsteamet. Os ungdomsskule står i en vanskeleg posisjon etter at dei ikkje lenger får midlar til dei fem statlege finansierte stillingane som dei fekk tidlegare. Det er viktig at begge ungdomsskulane får like vilkår å jobbe etter, så vi ser det difor som rett å sette av pengar til begge skulane. SAMFUNNSUTVIKLING NY RAPPORT, FERJEFRI E39 Den statlege planen om ny ferjefri E39 gjennom Os er det største inngrepet i naturen og bumiljøet i Os nokosinne. Dimensjonane og konsekvensane er så store at utgreiingane som er gjort i regi av Vegdirektoratet bør veies opp mot utgreiingar tinga av ein annan oppdragsgivar enn SVV. Venstre foreslår difor ei utredning om støy, miljø og naturkonsekvensar frå planane om ny E39 Os-Stord. Venstre set av kr 200 000 til tiltaket. VEG SØFTELAND LYSEPARKEN Os Venstre vil at kommunen snarast startar arbeid med å sikra at det vært planlagt og bygd ny veg mellom Lyseparken og Søfteland. Vegen som i dag går over Langedalen er ikkje egna til å ta den trafikkauken som vil koma når nye E39 opnar. I dag er denne vegen kommunal. Med den veksten som kjem vil ein ny veg truleg bli fylkesveg (som mot Lysefjorden). Vegen må inn på prioriteringslista til fylket og kommunen må setja av midlar i langtidsbudsjettet for ei eventuell forskottering av midlar. STØYSKJERMING SØFTELAND SKULE Venstre legg inn ein sum på kr 300 000 til støyskjerming ved Søfteland skule. Støy i uteområda ved Søfteland skule er ei stor plage for alle som oppheld seg der. Området er nyleg også lagt fint til rette for aktivitetar utanom skuletida. Ein støyskjerm ville også kunna
skjerma anlegga for anna forureining frå vegen. Då vegen alltid har vore der - kom før skulen - er reglane slik at Statens Vegvesen ikkje har ansvar for slik skjerming, sjølv om trafikken har mangedobla seg og det er mange fleire som dagleg nyttar området. Kommunen må derfor ta saka og syta for at dette kjem på plass i 2017. TILTAK FOR FLEIRE BUSSRUTER I OS Venstre setter av kr.150 000 til tiltak for fleire bussar i Os. Mange som bur i grendene etterlyser fleire bussavgangar. Dette er særskilt viktig for dei unge som ynskjer å ta del i aktivitetar andre stadar i kommunen eller i Bergen. Venstre foreslår å bruke midlar til å gjennomføre ein innbyggjarundersøking og sjå på moglege private alternativ til Skyss for å betre busstilbodet i alle delar av Os. I tillegg må det arbeidast politisk i fylkeskommunen for å betre Skyss sitt rutetilbod. TURSTIAR: Os kommune har motteke 3,5 millionar frå Staten i tiltaksmidler i tilknyting til den aukande arbeidsløysa på Vestlandet. Venstre foreslå å bruke av disse til oppbygging av turstiar /rekreasjonsområdet. Vi ynskjer mellom anna å fylgje opp forslaget frå Bjørnafjorden Golfklubb omring tursti på nordsida av golfbanen med tilknyting til Nordmarka/Knutabrua. I tillegg ynskjer Venstre at delar av tiltaksmidlene skal gå til fleire lærlingplassar i kommunalt regi. PLAN FOR NÆRSENTER Venstre vil auka posten som er sett av til planarbeid med kr 250.000 (til kr. 1.250.000) for å utarbeida plan for nærsentera og koma i gang med klima og miljøregnskap for kommunen. INVESTERING NÆRINGS/KULTURBYGG Venstre meiner at hotelltomta ved Oseana bør nyttast til eit kommunalt bygg som blant anna skal innehalde bibliotek, ein mindre sal til kultur, kontor og møtelokale for næring,
næringsklynge/hub(som rådmannen har foreslått), samt leilegheiter på dei øvste plan.. Kommunen kan søkje utviklingsmidlar innan den nye statlege satsinga på kultur og næring. VERBALFORSLAG: Framlegg til vedtak: Os kommunestyre vedtek at det skal lages eit utkast til plan for nærsentera i kommunen Framlegg til vedtak: Os kommunestyre vedtek at klima og miljøplanen skal reviderast og innarbeid og innarbeida mål om at kommunen skal bli sertifisert som Miljøfyrtårn innan 2018. Framlegg til vedtak: Os kommunestyre vedtek at kommunen skal søke tilskot til klimatiltak for kommunen Framlegg til vedtak: Os kommunestyre vedtek at kommunen kjøper opprinnelsesgaranti for straum. Framlegg til vedtak: Os kommunestyre vedtek at kommunale bygg skal nytte solcellepanel der det er praktisk mogleg Framlegg til vedtak: Os kommunestyre vedtek ein gjennomgang av aksjeportofolien med mål om å trekke Os kommune ut av aksjar innan kull, olje og gass verksemder. Framlegg til vedtak: Os kommunestyre ber rådmannen starte arbeidet med ein ny strategisk næringsplan for Os.