HORDALAND FYLKESKOMMUNE Fylkesrådmannen Juridisk seksjon Arkivsak 200800089-6 Arkivnr. 015 Saksh. Aardal, Sigrid Helene Saksgang Klagenemnda Fylkesutvalet Fylkestinget Møtedato 28.01.2009 18.02.2009 17.03.2009 ÅRSMELDING 2008 - KLAGENEMNDA SAMANDRAG Klagenemnda handsama årsmeldinga for 2008 og saka vert lagt fram for fylkestinget til orientering. FORSLAG TIL INNSTILLING Fylkestinget tek klagenemnda si årsmelding for 2008 til orientering. Paul M. Nilsen Sigrid Helene Aardal
FYLKESRÅDMANNEN, 05.01.2009: 1.Innleiing. Klagenemnda legg her fram årsmeldinga for arbeidet i klagenemnda i 2008 7. Heimel for klagenemnda. Klagenemnda er oppretta av Fylkestinget med heimel i forvaltningslova 28, 2. ledd. Klagenemnda si kompetanse er tildelt gjennom reglement vedtek av fylkestinget i sak 37/95. Oppgåver. Klagenemnda har til oppgåve å handsame klager på enkeltvedtak fatta av fylkeskommunalt organ, med unntak av fylkestingsvedtak. Kommunaldepartementet er klageorgan over enkeltvedtak fatta av fylkestinget. Enkeltvedtak er vedtak som generelt eller konkret er avgjerande for rettar og pliktar til ein eller fleire personar. Kompetanse. Klagenemnda kan prøve alle sider av det vedtaket som det er klaga over, rettslege spørsmål, sakshandsaminga og forvaltningsskjønnet. Ein skal og ta omsyn til nye omstende og tilhøve som ikkje vart vurdert i samband med førsteinstansen si handsaming. Klagenemnda handsamar mellom anna klager over vedtak etter veglova der fylkeskommunen er klageinstans. Det følgjer av at vegsjefen høyrer inn under fylkeskommunen i saker som gjeld fylkesvegar. I praksis inneber dette at klagenemnda gjennom åra handsamar ein del klager over vegsjefen sine vedtak i saker som til dømes gjeld avkjørsler frå fylkesvegane og likeeins klager på vegsjefen sine vedtak om dispensasjon frå byggegrense etter veglova. Sakshandsaming. Handsaminga i klagesaker følgjer forvaltningslova sine reglar om sakshandsaming. Den instansen som har fatta vedtaket skal handsame klagen som førsteinstans og kan ta klagen til følgje, forkaste klagen eller omgjere vedtaket. Dersom førsteinstansen ikkje tek klagen til følgje går klagen vidare til Klagenemnda. Overprøving. Klagenemnda sine vedtak kan ikkje overprøvast forvaltningsrettsleg, men etter vanlege prinsipp i norsk rett kan vedtak i klagenemnda og vedtak av departementet overprøvast i rettsapparatet. 2. Samansetjing Valbolken 2007 2011 Medlemer 1. A Christopher Beckham 2. Frp Oddvar Tvedten 3. H Inger Sjong 4. KrF Øystein Ådland, leiar 5. V Sølvi Merete Mangerøy, nestleiar Varamedlemer 1. A Åshild Eikefet Lien 2. A Magnus Johannessen 3. A Irene Hope 1. Frp Rosalind Fosse 2
2. Frp Vidar Arnesen 3. Frp Karin Groth 1. H John Torsvik 2. H Annil Rastum 3. H Annichen Rokne 1. KrF Randi Veland 2. KrF Kåre Lutro 3. KrF Asbjørn Heidal 1. SV Jorge del Pino 2. Sp Anna Kristina Valle 3. Sp Jon Steinar Haugsvær 3. Klagenemnda sine saker i 2008 Saknr. Arkivsak Saktittel 1/08 200800089-1 Årsmelding 2007 - Klagenemnda 2/08 200707747-5 Klage på avgjerd om læretid i matrosfaget 3/08 200707749-5 Klage på avgjerd om læretid i matrosfaget 4/08 200705318-5 Klage på avgjerd om læretid i matrosfaget 5/08 200705319-7 Klage på avgjerd om læretid i matrosfaget 6/08 200707739-5 Klage på avgjerd om læretid i matrosfaget 7/08 200709069-3 Klage på munnleg eksamen i 2 kjemi 8/08 200709767-3 Klage på munnleg eksamen i 2 fysikk 9/08 200709386-5 Klage på munnleg eksamen i nyare historie 10/08 200709511-3 Klage på munnleg eksamen i eldre historie AA2020 11/08 200709201-3 Klage på munnleg eksamen i engelsk 1 2 12/08 200708882-4 Klage på vedtak om ikkje godkjent oppmelding til fagprøve i butikkfaget 13/08 200706708-13 Klage over avslag på krav om sakskostnader 14/08 200800101-7 Klager - transportordninga for funksjonshemma 15/08 200709646-4 Klage på annullering av eksamen 3
16/08 200701897-14 Klage frå opplæringskontoret i Nordhordland over vedtak om avslag på søknad om godkjenning som lærebedrift 17/08 200800241-13 Klager- transportordninga for funksjonshemma 18/08 200800744-6 Klager- transportordninga for funksjonshemma 19/08 200802313-6 Klager - transportordninga for funksjonshemma 20/08 200801214-13 Klage - avslag på tildeling av reservedrosjeløyve tilknytt Norgestaxi 21/08 200804003-6 Klage på vedtak om ikkje godkjent oppmelding til fagprøve i elektrikarfaget 22/08 200806053-2 Klager - Transportordninga for funksjonshemma 23/08 200800350-14 Klage på vedtak om flytting av kablar i bybanetrasèen 24/08 200808191-12 Klage - tildeling av drosjeløyve R-89 tilknytt Kvinnherad Taxi med stasjoneringsstad Husnes 25/08 200808936-7 Klage på berekning av ansiennitet - tildeling drosjeløyve 26/08 200808230-8 Klage på avslag om særskilt skyss mellom heim og busshaldeplass 27/08 200805715-20 Klager - Transportordninga for funksjonshemma 28/08 200807933-6 Klage på avslag om særskilt skyss 29/08 200810504-2 Klage på vedtak om avslag på avkjørsel til Fv 276 på Garnes i Bergen kommune 30/08 200802871-17 Klage på hevingsvedtak 31/08 200811575-2 Klager - transportordninga for funksjonshemma 4. Samandrag. Klagenemnda har hatt 6 møter. Klagenemnda har handsama 56 klager fordelt på 31 saksnummer. Årsaka til at det er større tal klager enn saker er at fleire klager er handsama i ei sak. Dette gjeld klager i samband med transportordninga for funksjonshemma. I tillegg kjem behandlinga av årsmeldinga 2007, slik at totalmengde saker er 57. 4
Klagene fordeler seg på ulike sektorar. Dette gjeld samferdsle ( transportordning for funksjonshemma, skuleskyss og drosjeløyve), opplæring ( skule og fagopplæring) og vegsektoren ( avkøyrsle og flytting av leidningsnett i veggrunn). Hovudtyngda av saker gjeld transportordninga for funksjonshemma. Talet på klager er litt høgare enn i 2007. Årsaka til dette er at det har vore fleire saker knytt til opplæringssektoren. Talet på dei andre type saker er om lag uendra frå 2007. 5. Kort om dei ulike saksområda som klagene fell inn under. Område Tal klager Klage teke til følje Transportordninga for funksjonshemma. 33 0 Skulereisekort / særskild skyss. 2 0 Heving av lærekontrakt 1 0 Klage på munnleg eksamenformelle feil Ikkje godkjent oppmelding til fagprøve / manglande praksis Godkjenning som lærebedrift/ tilbaketrekking av godkjenning som lærebedrift Avgjerd om godkjenning av læretid Klager vedkommande saker frå Statens vegkontor 5 0 2 0 1 0 5 0 2 0 Annullering av eksamen 1 1 Sakskostnader 1 0 Drosje tildeling løyve ansiennitet.o 3 0 a. Transportordninga for funksjonshemma. Talet på klager for 2008 er på same nivå som i 2007. Desse klagene fordeler seg om lag likt når det gjeld nye søknader og søknader om fornya godkjenning. Innan dette feltet er det klare retningsliner om kva som skal til for å koma med i ordninga. Det går på om ein er i stand til å nytta offentleg transportmiddel eller ikkje. I svært mange tilfeller går klagene på at det ikkje er offentleg transportmiddel som kan nyttast der vedkommande er busett eller det er dårleg kommunikasjon. Dette er eit moment som i følje det som ligg til grunn for ordninga ikkje kan leggjast vekt på. Saksgangen i klagesakene er at papira i søknaden, samt klaga vert oversendt 3 legar ( som er med i ei legenemnd på 5 stykk). Desse 3 legane vurderer eigenerklæring(søknad), legeerklæring frå søkjaren 5
sin lege og klaga, samt det som elles er dokumentasjon i saka. Legane vurderer ut frå det medisinske om søkjaren er sterkt nok rørslehemma til å tilfredstilla krava som er nedfelt i retningslinjene for ordninga. Legane kjem med ei tilråding i saka. Finn desse legane at vedkommande etter ei medisinsk vurdering ikkje tilfredstiller krava til å koma med i ordninga er det svært mykje som skal til før klagenemnda etter ei totalvurdering av saka finn at søkjaren kan godkjennast som brukar. I dei tilfella det vert klaga og det er nye og endra opplysningar i saka, vert vedtaket i dei fleste tilfeller omgjort av underinstansen (samferdselssjefen). Saka vert då ikkje lagt fram for klagenemnda. Dette er grunnen til at det er svært få saker som vert omgjort av klagenemnda. Samferdselsavdelinga har gjeve opplysningar om tal på søknader for 2008. Det er og opplyst cirkatal for innvilga søknader, avslag og klager. Talet på godkjende brukarar i transportordninga for funksjonshemma i Hordaland er rundt 11.900. Det er om lag behandla 3.000 søknader om godkjenning i 2008. Desse søknadane fordeler seg med om lag med 55% i Bergen og 45% i resten av Hordaland.. Ca. 13%( 394) av total søkjarmengde fekk avslag på sine søknader. Av desse avslaga vart ca. 13% klaga på. Av desse vart ca. 45% omgjort (innvilga godkjenning) etter at klaga med eventuelle nye opplysningar var handsama av samferdsel etter ein ny vurdering i legenemnda. Dei resterande sakene har vore til behandling i klagenemnda. Av dette går det fram at det er eit lite tal av søknadane som vert klaga på. Det som går vidare til behandling i klagenemnda er dei sakene der det ut frå innsendt dokumentasjon synes klart at søkjarane ikkje tilfredstiller krava til nedsett mobilitet. Saker der klaga innheld nye opplysningar og betre dokumentasjon vert omgjort av førsteinstansen (samferdselssjefen) og vert då ikkje sendt til klagenemnda for behandling. Eit moment som kan vera medverkande til at så ein liten del av avslaga vert klaga på er at mange søkjer på nytt i staden for å klaga. Det kan ha samanheng med at ein har fått ny dokumentasjon eller at søkjaren sin situasjon i høve vilkåra for å koma med i ordninga har endra seg vesentleg.den Får ein avslag har ein mogelegheit til å søkja på nytt. b. Skulereisekort / særskild skyss Talet på klager på skuleskyss har dei siste åra vorte redusert. Grunnen til dette er at det innføringa av ordning der elevar som har rett til fri skuleskyss i staden må nytta retten til å kjøpa Ungdomskort. Sakene det vert klaga på gjeld stort sett søknad om særskild skyss. Dette gjeld elevar som har meir enn 6000m. mellom heim og skule og som har rett på fri skyss/ungdomskort. I følje skyssreglementet må elevane sjølv koma seg til oppsamlingsplass/busstopp. Som rettleiande avstand har ein sagt at dersom det er meir enn 3000m. mellom heim og busshaldeplass kan ein få innvilga særskild skyss for denne strekninga. Det er i samband med slik særskilt skyss mellom busshaldeplass og heim at det har vorte klaga. c.opplæring / Fagopplæring. Sakene som har vore til behandling i klagenemnda gjeld heving av lærekontrakt, ikkje godkjent oppmelding til fagprøve p.g.a. manglande praksis, godkjenning av læretid, ikkje godkjenning/tilbaketrekking av godkjenning som lærebedrift, annullering av eksamen og klage på formelle feil ved avvikling av munnleg eksamen. Talet på denne type klagesaker som gjeld fagopplæring har vore stabilt dei siste åra, og det er eit lågt tal sett i høve til talet saker og vedtak som vert gjort på dette fagområdet. I 2008 hadde klagenemnda og til behandling saker som galt klage på formelle feil ved avviklinga av munnleg eksamen. Dette er saker det vert klaga over etter eksamen er avvikla og dei må avgjerast raskt slik at eventuell ny eksamen kan gjennomførast før det er søknadsfrist til anna utdanning. Dette gjeldt spesielt eksamenar som vert avvikla om våren. Dette medfører at sakene bør behandlast omgåande. Slik klagenemnda sin møtefrekvens er var det vanskeleg å gjennomføra dette utan store 6
endringar. I andre saker som gjeld klage på eksamen har ein oppretta fleire ulike klagenemnder for dei ulike felta. Dette er delegert til fylkesrådmannen. Det var berre klage på formelle feil som var lagt til den fylkeskommunale klagenemnda. På bakgrunn av at sakbehandlinga må skje fortløpande vart det lagt fram sak for fylkestinget i mars 2008. I sak 6/08 vart det fatta vedtak om å oppheva at klagenemnda skulle behandla desse sakene. Det er fylkesrådmannen som nemner opp klagenemnder for desse sakene på lik line med andre klagesaker som gjeldt eksamen. d. Vegsektoren. Innan vegsektoren/fylkesvegar er det stort sett saker som gjeld avkøyrsle som har vore klaga på. Det er eit svært lite tal klagesaker og dette har vore stabilt lågt i fleire år. I 2008 var det og ei klagesak vedrørande ansvar for flytting av kablar i fylkesveg. 6. Saksbehandlingstid Saksgang Enkeltvedtak er vedtak som kan klagast på. Når vedtaksinstansen får inn klage på eit enkeltvedtak må den som førsteinstansen sjølv først behandla klaga. Førsteinstansen skal gjere dei undersøkingar som er naudsynt for at saka og det klaga grunnar seg i er så godt opplyst som mogeleg. Førsteinstansen gjer vedtak i saka. Vedtaket kan vera å fasthalda sitt eige vedtak ( avslå klaga), oppheva vedtaket eller endra det (gjera nytt vedtak).dersom førsteinstansen opprettheld sitt vedtak skal saka sendast klagenemnda for endeleg avgjerd. Juridisk seksjon førebur og skriv saksframlegg med fylkesrådmannen si innstilling til vedtak i saker som vert lagt fram for klagenemnda. Sakene vert sendt medlemmane i klagenemnda i god tid før møta skal vera.( seinast ei veke før møtet). Når det gjeld saksbehandlingstida for klagesakene, kan denne delast i to. 1. Tida frå saka vert motteken av juridisk seksjon for saksførebuing til klagenemnda Alle klagesaker som vert oversendt klagenemnda vert behandla i første møte klagenemnda har etter at dei er mottekne oversendt frå førsteinstansen. Det vil seia at saksbehandlingstida aldri er lenger enn tidsintervallet mellom nemnda sine fastsette møter. Dette er vanlegvis ca. 2 månader. Dersom det er saker som hastar eller det er stor mengde saker vert det innkalla til ekstramøte. Det vanlege er at førsteinstansen oversender klagesakene ca. 1 månad før møtet i klagenemnda skal vera, slik at den normale saksbehandlingstida er om lag ein månad. 2. Tida frå klagen vert motteken av førsteinstansen til den vert oversendt klagenemnda (juridisk seksjon) for saksførebuing. Alle klagesaker skal fyrst behandlast av førsteinstansen før dei vert oversendt klagenemnda. Førsteinstansen skal gjere dei undersøkingar som er naudsynt for at saka og klaga skal vera så godt opplyst som mogeleg. Det er dei sakene der klaga ikkje vert teken til følje som skal behandlast og avgjerast endeleg av klagenemnda. Av dei sakene som har vore behandla av klagenemnda i 2008 ligg saksbehandlingstida hos førsteinstans gjennomsnittleg på ca. 2 månader. For enkelte saksområde slik som saker som gjeld transportordninga for funksjonshemma kan saksbehandlingstida for enkelte klagesaker vera opp mot 6 månader. Når ein samanheld desse to saksbehandlingstidene vil det i dei fleste sakene gå ca. 3 månader frå klaga kjem inn til førsteinstansen til klagaren får saka si behandla og avgjort av klagenemnda. 7