saksframlegg Dato: Referanse: Vår saksbehandlar: 02.04.2012 19538/2012 Lage Lyche Saksnr Utval Møtedato Samferdselsutvalet 25.04.2012 Fylkesrådmannens tilråding Fylkesutvalet 21.05.2012 Fylkestinget 11.06.2012 Regional transportplan for Midt-Norge - ny politisk handsaming Bakgrunn Fylkestinget vedtok planprogrammet for ei regional transportplan (RTP) for Midt- Norge i sak T-35/10 i juni 2010. Arbeidet med RTP har vore organisert gjennom ei administrativ arbeidsgruppe og ei politisk styringsgruppe. Rambøll har vore innleidd konsulent og har skreve RTP rapportane. RTP rapportane har vore på høyring og det kom inn 31 høyringsinnspel til Møre og Romsdal fylkeskommune. I tillegg har Sør-Trøndelag og Nord-Trøndelag fylkeskommune motteke til saman 60 høyringsinnspel. Totalt er det kome inn 91 høyringsinnspel i saka. Eit samandrag av høyringsinnspela til Møre og Romsdal fylkeskommune er vedlagt saka. Dei tre fylka har valt å utarbeide ein felles transportplan som ser transportutfordringane i regionen i samanheng, og synleggjer dei viktigaste transportbehova. Hensikta er å gi eit samordna innspel til NTP-prosessen. Samtidig skal planen ha fokus på nokre av dei viktigaste felles utfordringane som dei tre fylkeskommunane sjølv må løyse innanfor dei rammer dei har til rådigheit gjerne gjennom samarbeid. RTP skal være eit overordna strategisk plandokument for drift og investering i samferdselssektoren i Midt-Noreg. RTP skal difor ikkje vere for konkret og tiltaksorientert. I tillegg til den felles regionale transportplanen, utarbeider kvar enkelt fylkeskommune fylkesvegplanar og andre strategiar/planar som grunnlag for konkrete samferdselsprioriteringar i dei enkelte fylka RTP for Midt-Noreg vart handsama i Samferdselsutvalet den 07.03.2012. Saka vert utsett til samferdselsutvalet sitt møte 25. april 2012 vidare for handsaming i Fylkestinget i juni 2012. Samferdselsutvalet kom også med ein rekkje innspel til RTP dokumentet.
Side 2 RTP skal opp til politisk handsaming i Sør-Trøndelag i april. Saka skal opp i Samferdselskomiteen den 11.04.2012 og i fylkestinget den 25.04.2012. Fylkesrådet i Nord-Trøndelag handsama saka den 20.03.2012 og fylkestinget i Nord-Trøndelag skal ha den opp den 25.04.2012. Vurdering Høyringsutkastet til den regionale transportplanen syner store udekte transportbehov i heile regionen og i alle transportsektorar. Dei økonomiske rammene er avgrensa og det vil ikkje vere mogleg å innfri alle behov i nær framtid. Det er difor naudsynt å prioritere dei utfordringane som har størst betyding for busetnad og næringsliv i regionen. Dei tre Midt-Norske fylka har gjennom høyringsutkastet forsøkt å få fram dei transportbehova som er viktigast å få innfridd på kort sikt og strategiar og tiltak som er naudsynte for å tilfredsstille desse transportbehova. Det er i denne samanheng særleg lagt vekt på dei regionale behova, dvs utanfor dei største byane. Også byområda har store behov og utfordringar ift transport, men desse er tenkt handsama meir inngåande i andre planar/strategiar. Administrasjonane i dei tre fylkeskommunane har hatt eit tett samarbeid ifm høyringa og har samkjørt sine politiske saksframlegg. Det er også teke omsyn til dei innkomne innspela som Samferdselsutvalet i Møre og Romsdal kom med i møtet den 07.03.2012. Innspel frå Samferdselsutvalet Generelt om RTP RTP bør spissast i langt større grad, her bør fokuserast på riksvegar og innehalde berre fylkesvegar som er prioritert i fylka. Fylkesoverskridande fylkesvegar er aktuelt å ta inn i RTP. Tabellar i ferjestrategi må oppdaterast til 2011 tall. RTP må sterkt presisere behovet for å få bort vedlikehalds-etterslepet. Når det ligg an til auke på 45 prosent på riksvegar, må dette føljast opp med tilsvarande auke også når det gjeld fylkesvegar. Ferjefri E39 fjordkryssingar E39 Møreaksen gir størst regionutvikling for Møre og Romsdal E39 Hafast E39 Halsafjordsambandet Nytteeffekten i transportmodellar må synleggjerast. Finansiering: Det skal vurderast alternative måtar å organisere finansiering og utbygging av vegprosjekt for raskare og meir effektiv gjennomføring, som OPS-kontrakter, prosjektfinansiering eller nye kontraktsformer med entreprenørar. Rv 70 Rv oppgraderast. Fylkesvegar Fv 659 Nordøyvegen Fv 670 Trollheimstunnelen
Side 3 Høghastighetstog Samferdselsutvalet ser at høghastighetstog vil ligge fram i tid. Men for Møre og Romsdal fylkeskommune er det viktig å sikre at ein framtidig trasè for høghastighetstog mellom Oslo og Trondheim går gjennom Gudbrandsdalen Nytt ferjesamband Aure-Hitra Møre og Romsdal fykeskommune vil saman med Sør-Trøndelag jobbe vidare med prosjektet, der ein har spesielt fokus på eit pilotprosjekt for batteriferje. Andre moment Stadt skipstunnel må komme med i NTP 2014-2023 Flyrutetilbodet må tilpassast næringslivets behov. Auke frekvensen mellom Trondheim og Ålesund Transportkorridoren langs kysten må utviklast, og avgiftene forenklast slik at det kan overførast meir transport av gods frå land til sjø. Dobling av rassikringspotten. Logistikknutepunkt og utvikling av nasjonalhamn til Ålesund Utgreiing av nytt ferjesamband mellom Hitra og Aure som FOU prosjekt for å utprøve miljøvennleg teknologi Sykkelvegnettet er ein flaggsak for heile regionen og satsing på dette bør aukast betrakteleg. Bypakkar og kollektivtrafikk i og mellom byane må få sterkt fokus. Trafikksikring må prioriterast sterkt i alle typer prosjekt og utbetringar. Høyringsinnspel I det føljande går administrasjonen gjennom dei viktigaste momenta frå høyringsinstansane i Møre og Romsdal. Fylkesrådmannen har vurdert kvart enkelt høyringspel og kommentert det som er aktuelt å ta inn i den endelege planen. Generelt er høyringsinstansane positive til at det blir utarbeidd ein RTP for Midt- Norge, og det er også stor tilslutnad til dei fleste hovudstrategiane i kapittel 9 i delrapport 1. For Møre og Romsdal sin del er også mange av høyringsinnspela samkøyrde då dei fleste kommunane som har kome med høyringsuttale syner til Orkide, Samspleis og/eller Sunnmøre veginvest sine uttalar. Ferje Som ledd i arbeidet med RTP er det utarbeidd ein eigen ferjestrategi (delrapport 2). Denne bygger på Møre og Romsdal sin ferjestrategi som blei vedteken i fylkestinget i 2005. Mange av høyringsinstansane peikar på at standarden som blir lagt til grunn i den nye felles ferjestrategien for Midt-Norge er for dårleg. På riksvegsambanda og også dei mest trafikerte fylkesvegsambanda bør det mellom anna bli lagt opp til avgangar kvart 15 minutt. Den nye ferjestrategien må ta omsyn til den sterke trafikkveksten som har vore på ferjesambanda dei seinare åra. Det blir gjort framlegg om ein felles prosess for rullering av gjeldande ferjestrategi (Møre og Romsdal) i dei tre fylka. Strategien bør vedtakast av fylkestinga i 2012. Fylkesrådmannen meiner at det er naudsynt å ha fokus på oppdatert standard i ferjesambanda, og ønskjer derfor å ta inn eit punkt om dette i kapittel 9.2 når det gjeld riksvegsamband og i kapittel 9.3 når det gjeld fylkesvegsamband i det endelege RTP dokumentet.
Side 4 Godstransport Mange av høyringsinstansane i Møre og Romsdal er skeptiske til å ta med etablering av eit nytt logistikknutepunkt i Trondheimsregionen som ei felles strategisk sak i RTP. Plana bør innehalde meir generelle formuleringar om kva som skal til for å flytte gods over frå veg til sjø og bane, er mellom kommentarane. Til dømes bør planen ha meir generell fokus på utvikling av stamnetthamnene i regionen, og at veg og/eller bane fram til stamnetthamnene blir gitt prioritet innafor dei statlege budsjetta. Fylkesrådmannen ser at logistikknutepunkt i Trondheimsregionen kan gi signal som kan mistydast og gjer difor framlegg om at ein omtalar skiping av knutepunkt på meir generell basis, og at det blir eit meir generelt fokus på intermodalitet og stamnetthamner. Samstundes kan Fylkesrådmannen forstå at det i Trondheimsområdet er behov for ein ny jernbaneterminal. For at jernbanen skal oppretthaldast og styrke sin posisjon, er Trondeimsregionen avhengig av at eit slikt logistikknutepunkt prioriterast med løyvingar og vidare planlegging. For vidare utvikling av stamnetthamnene vil statens rolle i større grad vere tilrettelegging i form av tilknytingar og gjennomgang av avgiftene innanfor sjøtransporten. Punktet om å etablere logistikknutepunkt i Trondheimsregionen får ny overskrift som meir generelt omhandlar godsproblematikk, og kor logistikknutepunktet i Trondheimsregionen blir omtalt som eit eksempel på eit viktig prosjekt ift til å få gods over på jernbane. I tillegg bør viktigheta av å utvikle Ålesund hamn kome fram i rapporten. Byutfordringar Gjennom høyringa blir det også teke opp at det er manglande meksemd på utfordringane i byane. Mellom anna blir det vist til arbeidet med bypakkane som går føre seg både i Ålesund, Molde og Kristiansund. Fylkesrådmannen ser at det er store uløyste behov i byområda, og foreslår at dette blir presisert i innleiinga til RTP. Dei spesielle utfordringane i byane bør omtalast meir inngåande i andre planar, men Fylkesrådmannen gjer likevel framlegg om at byområda blir eitt av felles satsingsområde som får omtale i kapittel 9.3 i RTP. Ikkje minst er det viktig at dei tre fylkeskommunane her har merksemd på heilskapleg areal og transportplanlegging. Konkrete tiltak Enkelte av høyringsinstansane syner også til at RTP er for lite konkret når det gjeld investeringsprosjekt både på riks- og fylkesveg. Prosjekt som Møreaksen, Halsafjordsambandet, Trollheimstunnelen, Langfjordtunnelen, Talgsjøtunnelen og Gossen-Otrøya sambandet blir spesifikt nemd. Fylkesrådmannen syner til at RTP skal være eit overordna strategisk plandokument for drift og investering i samferdselssektoren i Midt-Noreg. RTP skal difor ikkje vere for konkret og tiltaksorientert. Ein vil komme tilbake til prioritering av tiltak i seinare handlingsprogram og fylkesvegplaner for dei enkelte fylka. Det viktigaste innspelet til Nasjonal transportplan er at rammetilskota må aukast slik at fylka får handlingsrom til å løyse utfordringane.
Side 5 Ferjesamband Hitra og Aure og Stadt skipstunnel Etablering av nytt ferjesamband mellom Hitra og Aure er eit prosjekt som er nemnd i fleire innspel. Det same gjeld Stadt skipstunnel, som ein meinar er viktig for tryggleik, miljø, samt auka reiseliv og gods over på sjø langs heile kysten. Fylkesrådmannen har fokus på Aure-Hitra prosjektet, mellom anna som eit utgreiingsprosjekt for batteriferje. Prosjektet er også omtalt i RTP men ikkje flagga som ei felles strategisk sak. Ein vil jobbe vidare med prosjektet, men utanom RTP. Fylkestinget vedtok å ikkje gå inn med aksjekapital i prosjektet gjennom sak T- 41/08, men ga heller eit tilskot til vidare utgreiing av sambandet. Fylkesrådmannen foreslår difor at det ikkje blir tatt omsyn til dette høyringsinspelet i RTP. Når det gjeld Stadt skipstunnel har ikkje Trøndelagsfylka stor fokus på dette. Fylkesrådmannen syner til at tunnelen har fått brei omtale gjennom Vestlandsrådssamarbeidet og foreslår ikkje å fokusere på saka i RTP. Jernbane Når det gjeld jernbane saknast merksemd på Dovrebanen og Raumabanen på kort sikt og høghastighetstog gjennom Gudbrandsdalen på lang sikt. Fylkesrådmannen meinar at Dovrebanen og Raumabanen er viktig for Møre og Romsdal. Dovrebanen betyr mykje også for Trøndelagsfylka. Rådmannen meiner difor at det er viktig å ha fokus på disse banestrekningane både med tanke på person og godstransport, og gjer framlegg om eit eige punkt om dette i RTP med merksemd på oppgradering og regularitet. Raumabanen betyr også mykje for reiselivet i Møre og Romsdal. Jernbaneverket (JBV) har utgreidd 3 nasjonale og 2 internasjonale korridorar for høghastighetsbane på konseptnivå. Dette gjeld korridorane mellom Oslo og hhv Stavanger, Bergen, Trondheim, Gøteborg og Stockholm. For kvar strekning vil reisetida ligge på 2-3 timar, og samla er utbygginga kostnadsrekna til over 1000 mrd. kr, eller omtrent eitt statsbudsjett. Fylkesrådmannen meiner dette har så høge kostnader og vil ligge så langt fram i tid at ein ikkje ønskjer ta opp dette i RTP. Fylkesrådmannen ser at det for MRFK vil vere mange grunnar for å få høghastighetkorridoren mellom Oslo og Trondheim via Gudbrandsdalen, men synes det enno er så mykje usikkerhet knytt til saka, at det er vanskeleg å anbefale noko konkret om dette i RTP. Fylkesrådmannen vil kome tilbake til denne saka når den er meir moden. Finansiering Mange høyringsinstansar har også vore opptekne av at dei tre fylkeskommunane må flagge eit felles strategisk punkt om alternativ finansiering når det gjeld nye investeringsprosjekt. Fylkesrådmannen ser dei store investeringsbehova i samferdselsektoren og det vil derfor være fornuftig å flagge inn kreative løysingar når det gjeld finansiering. Det blir derfor tatt inn eit punkt om dette i RTP. Kystekspressen Det er ei klar oppfatning i høyringsinnspela at Kystekspressen må oppretthaldast med gjennomgåande rute og minst dagens frekvens mellom Kristiansund og Trondheim. Dette er eit av alternativa som det blir gjort framlegg om i delrapport 3. Fylkesrådmannen meiner Kystekspressen også i dei neste ti åra vil vere eit viktig transporttilbod mellom kystregionen på Nordmøre og Trondheimsregionen, og støttar at tilbodet blir oppretthalde. Noko som også er tilrådinga i delrapport 3.
Side 6 Transportmodellar og samfunnsøkonomiske analyser Nokre av høyringane fokuserer på modellane som Statens vegvesen nyttar i dei samfunnsøkonomiske lønnsomhetsutrekningane. Mellom anna meiner ein at trafikkanalysane som er eit viktig grunnlag i høve desse utrekningane gir for låge trafikkprognoser. Det betyr at dei estimerte talla generelt blir for låge og mange prosjekt blir ulønsame. I tillegg blir det fokusert på at ikkje alle nytteeffektane kommer med i analysane. Ringverknader av meir robuste bu- og arbeidsmarknader som følgje av ny og betre samferdselsinfrastruktur kjem ofte ikkje med og dei samfunnsøkonomiske analysane gir dermed ikkje totaleffektane av prosjekta. Fylkesrådmannen er bekymra for den regionale utviklinga så lenge dei fleste utbyggingsprosjekta i Midt-Noreg blir samfunnsøkonomisk ulønsame gjennom Statens vegvesen sine analyser, og gjer framlegg om at dette blir tatt opp i RTP. Fylkesrådmannen syner til det pågåande arbeidet med å utvikle analysene i Finansdepartementet og har forhåpningar til dette arbeidet. Drift og vedlikehald Drift og vedlikehaldsetterslepet blir teke opp i mange av høyringsinnspela og det blir peika på at offentlege styresmakter må ta dette meir på alvor, og at rammene på dette området må aukast monaleg i åra som kjem. Vidare er ein oppteke av det blir satt av nok midlar i budsjetta til sikring av rasfarlege område på vegnettet. Fylkesrådmannen vil vere klar på at forfallet på vegnettet ikkje er akseptabelt og dette må komme tydeleg fram i RTP. Rassikring er ivaretatt i høyringsutkastet. Fylkeskryssande kollektivtrafikk Når det gjeld satsing på eit framtidig kollektivtilbod mellom Molde/Kristiansund og Trondheim er mange av høyringsinstansane opptekne av kor dette tilbodet bør gå, og dei fleste meinar at ei bussrute bør gå langs fv 65 frå Halsa til Orkanger. Fylkesrådmannen meiner at eit godt regionalt kollektivtilbod mellom Møre og Romsdal og Trøndelagsfylka er viktig for den regionale utviklinga. Det viktigaste fokuset på fylkeskryssande kollektivtrafikk er organisering og finansiering. Konkret ruteval vil ein kome tilbake til gjennom andre planar og strategidokument. Det blir mellom anna vist til kollektivstrategien i Møre og Romsdal som blir vedteken i disse dager. Gjennomføringsevne veginvesteringar Det er gitt signal om at gjennomføringsevna når det kjem til veginvesteringsprosjekt er for dårleg. Det er peika på at noko av grunnen til dette er plankapasiteten i sams vegadministrasjon som ligg hjå Statens vegvesen. Fylkesrådmannen har sett i gang tiltak for å betre rutinane når det gjeld gjennomføringsevne. Problemområdet er såpass alvorleg at det også blir gjort framlegg om å ta dette inn i RTP. For ein meir detaljert gjennomgang av høyringsinnspela blir det vist til vedlagte oppsummeringar med kommentarar. RTP dokumentet er endra ift til innkomne innspel og det er også teke omsyn til innspela frå Samferdselsutvalet i Møre og Romsdal. Den reviderte utgåva følgjer saka. Det er først og fremst gjort endringar i kapittel 1, kapittel 6 og kapittel 9 i delrapport 1: Regional transportplan Midt-Norge Transportstrømmer og udekka transportbehov.
Side 7 Det vil også bli lagt opp til å utarbeidde eit samandrag av RTP etter fylkestingshandsaminga. Forslag til tilråding 1. Fylkestinget vedtek Regional Transportplan for Midt-Norge (RTP) 2014-2023. 2. Fylkestinget legg følgjande til grunn for å få til felles innspel frå dei Midt norske fylka til Nasjonal transportplan (NTP) 2014-2023 2.1. Auka rammetilskot til samferdselsformål i fylka, slik at fylkeskommunane er i stand til å løyse utfordringane. Midt-Noreg er til dømes ein region med mange fylkeskommunale ferjesamband og ferjekaiene i mange av desse sambanda må rustast opp. Dette må det takast omsyn til i rammetildelinga til fylkeskommunane. 2.2. Auka framdrift på viktige riksvegprosjekt på E39 og E6. Staten bør leggje til rette for og setje i gang prøveordning med prosjektfinansiering langs viktige strekningar på riksvegnettet. Staten bør foreta ein grundig gjennomgang og oppdatering av sine transportmodellar og sine modellar som blir brukt til samfunnsøkonomiske analyser. Riksvegane må planleggjast og byggjast ut ikkje bare for personbil, men også for kollektivtrafikk og gåande og syklande. 2.3. Elektrifisering av Trønderbanen og Meråkerbanen, samt utbetring og betre regularitet på Dovrebanen og Raumabanen 2.4. Betre standard på riksvegferjene NTP-standarden må ta høgde for den høge trafikkutviklinga som har vore i ferjesambanda. 2.5. Meir midlar til rassikring Rassikringspotten må doblast for å kunne løyse dei viktigaste problema i regionen. 2.6. Overføring av gods frå veg til sjø og bane. Det er viktig at det leggjast til rette for at ein større del av godstransporten kan gå føre seg på miljøvennlege transportformar. Det krev innsats både innan infrastruktur og rammeføresetnader. Stamnetthamnene i regionen må styrkast i form av betre vegtilknyttingar. I Møre og Romsdal er det særleg viktig å utvikle Ålesund hamn med m.a. meir effektiv vegtilknytting. For å styrke jernbanetransportens konkurransekraft i åra framover, er det naudsynt å flytt dagens godsterminal i Trondheim og etablere eit nytt logistikknutepunkt slik at det tilstrekkeleg kapasitet kan bli oppnådd til framtidas godstransport på bane. I NTP er det sett fokus på at dei mange avgiftene på sjøtransport bidreg til å svekke konkurranseevna for sjøtransport ift lastebil. Det er behov for ein samla gjennomgang av rammeføresetnadene med tanke på å utnytte sjøtransportens fordelar der dette er hensiktsmessig ift bil.
Side 8 2.7. Fylkeskommunen må få eit heilskapleg ansvar for kjøp av transporttenester i fylka også femnar om sjuketransportar. 2.8. Fylkeskryssande kollektivtrafikk. Staten bør gå gjennom dei organisatoriske og finansielle tilhøva i samband med kjøp av fylkeskryssande regionale bussruter. Ein bør sjå dette ift kjøp av tilsvarande regionale togtilbod mellom byar i Norge. 2.9. Drift og vedlikehaldsetterslepet både når det gjeld riks og fylkesveg må på kort sikt ikkje aukast. På lang sikt må etterslepet bli monaleg redusert på dei viktigaste vegstrekningane. Dette må også gjenspeglast i rammeoverføringane til fylkeskommunane. 2.10. Statens vegvesen må bygge opp nok plan- og prosjekteringskapasitet i sams vegadministrasjon til å kunne gjennomføre plan og byggeprogramma knytt til nye investeringar i rett tid både når det gjeld riks og fylkesvegar. 3. Fylkestinget vil at følgjande strategiar skal leggjast til grunn for samarbeid mellom Møre og Romsdal, Sør-Trøndelag og Nord-Trøndelag. 3.1. Fylkeskryssande kollektivtrafikk. Tilrettelegging av eit samanhengande høgfrekvent kollektivtilbod internt i regionen. På aksen Volda-Ålesund- Molde-Kristiansund-Trondheim-Namsos er det behov for eit samanhengande forutsigbart tilbod. 3.2. Dei tre fylkeskommunane vil samarbeide om ein samla strategi for kollektivtransport i distrikta. Det er viktig med betre samordning av kollektivtilbodet og andre offentleg betalte transportar. Det kan vere syketransport, men i distrikta også skuleskyss og tilrettelagt transport for bevegelseshemma. 3.3. Samarbeid om utvikling av byområda i regionen. Viktige fokusområde her vil vere: Kollektivtransport, transport og arealbruk, gange og sykkel, parkering og vegprising. 3.4. Ferjestrategi. Det blir føreslått eit samarbeid mellom dei tre fylka når det gjeld å utvikle og oppdatere ein ny felles ferjestrategi for Midt-Norge som tek høgde for den store trafikkveksten ein ser på mange av ferjesambanda. 3.5. Utgreie moglegheita for auka samarbeid om innkjøp av transporttenester, herunder alternative organisasjonsmodellar. Forholdet til sams vegadministrasjon når det gjeld kjøp av ferjetenester bør takast med i denne vurderinga. 4. Fylkestinget tek til orientering at det blir jobba med følgjande strategiar og planar for Møre og Romsdal fylkeskommune sitt eige ansvarsområde når det gjeld samferdsel. 4.1. Handlingsprogram for Samferdsel ifm fylkesplanarbeidet for 2013-2016. Plan og byggeprogram samt investeringsprogram blir rullert årleg for å ha kontroll og oversikt over alle planlagte investeringar på fylkesvegnettet.
Side 9 4.2. Kollektivstrategi for Møre og Romsdal fylke er på høyring og vil bli handsama av fylkestinget i oktober. 4.3. Trafikktryggingstrategi for Møre og Romsdal fylke er også under arbeid. 5. Fylkesrådmannen for fullmakt til å utarbeide eit samandrag av RTP på bakgrunn av tingbehandlinga. Arild Fuglseth samferdselssjef Vedlegg 1 RTP uttale Miljøutvalet 14 03 2012 2 RTP uttale Ungdomspanelet 10 03 2012 3 Sammendrag høyringsuttaler del 1 4 Sammendrag høyringsuttaler del 2