HELSE BERGEN Haukeland universitetssjukehus Informasjon til pasientar og pårørande ReHabiliteringsklinikken Haukeland universitetssjukehus Avdeling fysikalsk medisin og rehabilitering
Innhold Velkommen til Avdeling fysikalsk medisin og rehabilitering...3 Om rehabiltering...3 Kompetanse i Avdeling fysikalsk medisin og rehabilitering...4 Samarbeid i Avdeling fysikalsk medisin og rehabilitering...5 Pasientrettar...6 Generell informasjon...6 Praktiske opplysningar og reglar...7 2
Velkommen til Avdeling fysikalsk medisin og rehabilitering! Vårt mål er å få til eit godt samarbeid med deg som pasient og dine pårørande. Vi ønskjer at opphaldet skal opplevast nyttig for deg. Vi skal gjere det vi kan for at du som pasient skal trivast her, og for at dine pårørande skal føle seg velkomne og ivaretekne som ein viktig ressurs både for deg og for oss. Om rehabilitering: Føremålet med rehabilitering er å styrkje meistringsevna di, slik at du kan fungere best mogleg i dagleglivet. Rehabilitering er ein prosess i møte mellom deg og fagpersonane i avdelinga. Fagpersonane bruker spesialkompetansen sin for å støtte deg i å nå dine mål. Rettleiing, behandling og funksjonstrening er deira bidrag i rehabiliteringa. Samtidig er vi avhengige av din innsats, din kunnskap og dine meiningar både om korleis du opplever situasjonen din, og kva verdiar og mål som er viktige for deg. Di deltaking i prosessen er viktig for sluttresultatet. 3
Kompetanse i Avdeling fysikalsk medisin og rehabilitering I vår avdeling arbeider ulike yrkesgrupper som kan bidra i rehabiliteringa di: Legar, sjukepleiarar, hjelpepleiarar, nevropsykologar, ergoterapeutar, fysioterapeutar, logopedar og sosionomar. Ved sida av direkte pasientkontakt, har alle faggrupper plikter som krev tid til administrasjon og dokumentasjon. Avdelinga har gjennomført fleire opplæringsprogram slik at heile personalet har mykje felles kunnskap om rehabilitering og nye behandlingsmetodar. I tillegg til fagutdanninga har mange spesialisert seg innan eige fagområde. Alle faggrupper har undervisningsplikt i forhold til studentar, ettersom vi høyrer til eit universitetssjukehus. Det inneber at du i periodar kan møte studentar under rettleiing av personale. Avdeling fysikalsk medisin og rehabilitering satsar på å forbetre tilboda sine gjennom fagleg utvikling, forsking og jamlege brukarundersøkingar. Alle faggrupper som yter tenester i vår avdeling deltar i planmessig utviklingsarbeid og kvalitetsarbeid. 4
Samarbeid i Avdeling fysikalsk medisin og rehabilitering Samarbeidet mellom deg, dine pårørande og personalet byggjer på god informasjon, felles planlegging og arbeidsdeling under opphaldet. Det er viktig å vere klar over at alle tilsette i avdelinga har teieplikt. Kvar pasient får eit tverrfaglig rehabiliteringsteam knytt til seg. Teamet vert leia av pasientansvarleg lege. Dette teamet består av ei gruppe fagpersonar som arbeider tett saman om ditt rehabiliteringstilbod i avdelinga. Det er dine behov som er avgjerande for kva fagpersonar som inngår i rehabiliteringa di. Det er derfor ikkje sikkert at du vil ha kontakt med alle fagpersonane som arbeider i avdelinga. Samarbeidet om rehabiliteringsprosessen din krev noko møteaktivitet. Personalet ønskjer at du og dine pårørande kan delta i møter for å planleggje og følgje opp rehabiliteringa di. Med utgangspunkt i dine mål og prioriteringar blir det utarbeidd ein konkret rehabiliteringsplan for opphaldet. I tråd med denne planen vil du få ein vekeplan som gir deg oversikt over timeavtalane dine. For at du skal oppleve eit samanhengande tilbod av tenester, vil representantar frå heimkommunen din bli kontakta og eventuelt bli invitert til møte saman med oss. Aktuelle samarbeidspartar kan då for eksempel vere representantar frå helsetenesta, skuleetat eller NAV, avhengig av kva som er dine behov når du er ferdig her. Slike møte skjer berre i samråd med deg, og det er ønskje om at du og dine pårørande er til stades. 5
Pasientrettar Som pasient har du blant anna rett til: Informasjon Å medverke i eiga behandling / rehabilitering Innsyn i eigen journal Vern om opplysningar Samtykkje Individuell plan Å klage Å vende deg til pasientombodet Dersom du ønskjer meir informasjon om rettane dine som pasient, finst Lov om pasientrettigheter tilgjengeleg i avdelinga som eiga brosjyre, eller ved å gå inn på internett: http//:www lovdata.no Generell informasjon Alle pasientar ved Haukeland universitetssjukehus kan kontakte Prestetenesta ved behov. For pasientar med anna livssyn, kan Prestetenesta formidle kontakt med respektive trussamfunn. Lærings- og meistringssenteret i Helse Bergen formidlar tenester mellom brukarar, pårørande og fagpersonar gjennom informa sjon og kurs. Permisjon i helgane kan avtalast når det er ønskjeleg eller nødvendig. Pasientane må då dekkje eigne reiseutgifter i samband med permisjonen. 6
Praktiske opplysningar og reglar Måltid: Kvar sengepost har eigen buffet med 4 måltid kvar dag. Vask av tøy: Må så langt som mogleg bli ivareteke av pårørande. Dersom ein ikkje har pårørande, eller det er andre vanskar, kan ein få hjelp til vask av tøy i avdelinga. Verdisaker: Alle pasientrom har eigen safe til oppbevaring av verdisaker. Besøkstid: Det er anledning å ta imot besøk heile dagen frå kl. 09.00 til 22.00. Besøkande må ta omsyn til pasienten sine måltid, treningstider og kvilebehov. Bruk av mobiltelefon: Eigen mobiltelefon kan nyttast. Likevel oppfordrar vi til avgrensa bruk i fellesområda, og at telefonen blir slått av / blir sett på lydlaus etter kl. 22.00 av omsyn til medpasientane dine. Mobiltelefonar kan også brukast til å ta bilete, video- og lydopptak. Dersom andre enn du sjølv og dine pårørande kan kome med på biletet / opptaket, er det viktig å spørje om lov først. Dette er av omsyn til personvernet til pasientar og tilsette ved avdelinga. Bruk av eigen PC: Trådlaust nettverk gjer det mogleg å bruke eigen PC under opphaldet. Sikkerheitsrundar: Om nettene går sikkerheitsvakter rundar for å ivareta alle sin sikkerheit. Rusmiddel: Bruk av rusmiddel er ikkje tillate. Røyking: Det er ikkje lov å røyke i våre avdelingar. Dei som ønskjer å røyke, må nytte tilviste plassar på uteområda våre. Legemiddel: Alle pasientar som er innlagde i avdelinga får den medisinen som er nødvendig under opphaldet. Ein treng derfor ikkje ta med privat medisin. Brann: Av omsyn til brannfare er det ikkje tillate å brenne stearinlys på pasientromma. Sjå elles oppslag om branninstruks på postane. 7
Ønskjer du å lese meir om avdelinga vår kan du bruke adressa nedanfor: http://www.helse-bergen.no/omoss/avdelinger/fysmed/ 202 3676 - Bergen Grafisk - 15.06.11