Hovudtillitsvalde Ikkje offentleg: Offl 14 Dykkar ref: Dykkar dato: Vår ref: Vår saksbehandlar: Vår dato: 52898/2012/512 Iver Kåre Mjelve, 71 25 87 92 12.09.2012 - Lokale lønnsforhandlingar 2012, HTA kap. 3, 4 og 5 - økonomisk ramme, lokale prosessar, verkty m.m. Denne informasjonen gjeld lønnsforhandlingane etter kap. 4 B, 4 C, kap. 3 og kap. 5 i hovudtariffavtalen (HTA). Brevet med vedlegg klargjer føringane for dei lokale prosessane relatert til disponeringa av den enkelte driftseining si arbeidsramme. Målgruppa for dette informasjonsbrevet er hovudtillitsvalde for arbeidstakarorganisasjonar som har medlemmer som kjem inn under dei nemnde kap. i HTA. Brevet med vedlegg klargjer m.a. føringane for dei lokale prosessane og byggjer på konklusjonane frå det lønnspolitiske drøftingsmøtet 31.8. og 4.9.2012 1. Disposisjon 1. Lønnsforhandlingar for tilsette i HTA kap. 4 B og C side 1-7 2. Lønnsregulering for tilsette i HTA kap. 3 og 5 side 7-9 1. Lønnsforhandlingar for tilsette i HTA kap. 4 B og C Til lokale forhandlingar etter HTA kapittel 4, pkt. 4.A.1 er det avsett midlar tilsvarande 1,2 % av lønnsmassen. Den økonomiske ramma for 4.A.1-forhandlingane (1,2 % av lønnsmassen) er berekna til kr. 8.987.334,- Partane er samde om at forhandlingspotten i 4.A.1-forhandlingane skal delast mellom HTA 4 B og C med utgangspunkt i delkapitla sin del av den samla lønnsmassen i HTA kap. 4. Dette gir slik fordeling: HTA 4 B 21 % = kr. 2.094.553,- HTA 4 C 79 % = kr. 6.892.781,- Forhandlingane skal førast samla med verknadsdato 1.8.2012. Dei lokale tillegga frå 4.A.1 forhandlingane (per 1.8.10/1.1.11) / kompetansetillegg (2010) vil kome i tillegg til ny sentral minsteløn per 6.6.2012. Dette er en flyte-oppå føring som ser bakover og berre gjeld ved iverksetting per 6.6.2012. Vidareføringa av lokale tillegg gjeld på ny minsteløn og ikkje ny grunnløn. Viser elles til PP-presentasjon nytta på lønnspolitisk dagsamling for skolane den 07.09.12 som ligg tilgjengeleg på våre intranettsider. 1.1 Fordeling mellom fylkesramme og arbeidsramme Prinsippet for fordeling mellom ei fylkesramme og ei arbeidsramme, blir også lagt til grunn i 2012. Fylkesramma er den delen av forhandlingsramma som partane på fylkesnivå disponera uavhengig av innspel frå skolane. Dette vil handle om overgripande tiltak, t.d. funksjonstillegg til bestemte grupper uavhengig av tenestestad m.v. Arbeidsramma er den delen av forhandlingsramma som den enkelte driftseining/skole gjer framlegg om basert på føringar/kriteriesett og individuelle vurderingar. 1 Våre intranett sider: https://mrfylke.no/intranett/arbeidsgivar-hr/arbeidsgivarpolitikk/loenn-tariff/lokale-loennsforhandlingar Postadresse: Fylkeshuset, 6404 Molde Besøksadresse: Telefon: 71 25 80 00 Telefaks: e-post: post@mrfylke.no www.mrfylke.no
Side 2 Lønnsmessige tiltak som går inn i fylkesramma skal ikkje vidareførast som tiltak i arbeidsramma. I lønnspolitisk drøftingsmøte 22.05.12 vart partane samde om att tidlegare utvikla kriteriesett for individuell lønnsvurdering og eige kriteriesett for undervisningspersonale skal leggast til grunn for disponering av arbeidsramma. Fylkesramma som ikkje blir disponert blir lagt oppå den lokale profilen/innretninga i disponeringa av arbeidsramma. Arbeidsramma for den enkelte driftseining går fram av reknearka (4 B og 4 C) som følgjer som vedlegg til dette brevet (sjå pkt. 1.6.1). Arbeidsramma som den enkelte driftseining får tildelt, er berekna relativt ut frå eininga sin lønnsmasse i kap. 4 B og C. 1.2 Gjennomgåande kriterium og føringar for 4 B og 4 C Tillegg flyte oppå problematikken Tillegg gitt i 2010 og 2012 skal handsamast utanfor den definerte potten for forhandlingane i 2012 ved at arbeidsgivar skyt inn midlar: Tillegg gitt i 2010 og 2012 skal flyte oppå også for dei arbeidstakarane som får ansiennitetsopprykk i perioden fram til neste minstelønnsheving i samband med mellomoppgjeret per 01.05.13 (gjeld 102 personer). Rekrutteringsutfordringar Partane er samde om at lønnsmessige tiltak for å møte rekrutteringsutfordringar, jf. kriterium 4 i lønnspolitisk plan, skal også finansierast innafor ramma. Dette vil også omfatte tillegg til medarbeidarar i driftskritiske funksjonar med ein kompetanse som er svært viktig å behalde, og som er vanskeleg å erstatte. Der det er behov for ekstraordinære lønnsmessige tiltak som vanskeleg kan finansierast innafor arbeidsramma for å rekruttere og behalde vil dette kunne løftast ut i særskilte forhandlingar etter HTA 4.A.3 på vanleg måte. Vurdering av kompetanseelementet Gjeldande føresetnader i høve til vurdering av kompetanselønnstillegg: Bruken av lønnsmidlar skal understøtte ein strategisk forankra kompetanseutvikling, jf. AGPff. Gjennomførte kompetanseutviklingstiltak som vil gi grunnlag for lønnsendring skal vere Kompetansegivande etter- og vidareutdanning med eit omfang på minimum 3 månader (tilsvarande 15 studiepoeng) Hospiteringsordningar, alternativ praksis, forskningsoppdrag etc som tilførar arbeidstakaren ny erfaringskompetanse Avtalt/planlagt mellom leiar og medarbeidar, og registrert i kompetansemodulen i Visma, jf. rettleiar for medarbeidar-/utviklingssamtale Relevant og blir nyttiggjort i jobben Det vil ikkje vere grunnlag for lønnsendring der kompetanseendringa: Har gitt uttelling gjennom stigane i kompetanse-/minstelønnssystemet Inngår som ein del av krava til grunnutdanning for stillinga For kompetanse anskaffa etter 1.8.2012 vil ny sentral forhandlingsbestemmelse i kap. 4 4.A.4. Kompetanseforhandlingar gjelde saman med lokalt kriteriesett(sjå ovanfor): 4.A.4 Kompetanse Partene lokalt kan uavhengig av øvrige forhandlingsbestemmelser forhandle om endret lønn når en arbeidstaker har gjennomført relevant etter-/ videreutdanning. Kommer partene ikke til enighet ved forhandlinger vedtas arbeidsgivers siste tilbud. Merknad: I henhold til kapittel 3.2 legges den lokale lønnspolitikken til grunn for forhandlingene. Det kan i denne forbindelse også vurderes innplassering i annen stillingskode eller i avansementsstilling i henhold til kriterier fastsatt i den lokale lønnspolitikken. Det vises også til kapittel 3.3, der betydningen av kompetanseutvikling vektlegges, herunder etter-/videreutdanning, kompetansegivende oppgaver og annen opplæring av betydning for stillingen, spisskompetanse, og utvikling av realkompetanse. Dei lokale kompetansekriteria (sjå ovanfor), ligg til grunn ved dei lokale lønnsforhandlingane 2012.
Side 3 Krav om kompetansetillegg frå organisasjonane vil bli vurdert i samsvar med desse kriteria. Dette er avgrensa til å omfatte tilsette som etter tilsetting har fått ny kompetanse i perioden 1.8.2010 til 1.8.2012. Partane er samde om at kompetanseelementet skal finansierast av fylkesramma. Partane er samde om felles referansebeløp som grunnlag for å vurdere storleiken på kompetansetillegg tilsvarande det som vart lagt til grunn ved lokale forhandlingar 2010. Eige skjema for vurdering og tilråding av kompetansetillegg skal følgje med dokumentasjonen som skal oversendast frå den enkelte organisasjon. Der det er lokale drøftingar på skolenivå om disponering av arbeidsramma skal kompetansetillegg vere drøftingstema, sjølv om kompetansetillegget vert belasta fylkesramma. Felles kompetanseskjema blir då oversendt frå skolen, jf. pkt. 1.5 nedanfor om dokumentasjon av drøftingar på skolenivå. Vi er takksame for at organisasjonane vil minne sine medlemmer om at CV n og kompetansemodulen i Visma må oppdaterast fortløpande. Likelønn Likelønn er eit gjennomgåande kriterium for alle forhandlingskapitla. Likelønnsutfordringane omfattar lik lønn for likt arbeid av same kvalitet, innsats og resultat og mogleggjere lik lønnsutvikling uavhengig av kjønn. Ut i frå eit likelønnsperspektiv bør arbeidstakarar i adopsjons-, fødsels- og andre lønna permisjonar ha tilnærma lønnsutvikling som andre tilsette gjennom lokale forhandlingar. Nytilsette og vikarar Når det gjeld nytilsette og vikarar m.m. skal, med mindre noko anna er avtalt (jf. nye malar for tilsettingsbrev), alle tilsette på forhandlingstidspunktet vere omfatta av det generelle tillegget (gjeld berre kap. 4C). Tilsette som har fått vurdert sin lønn etter verknadstidspunktet (01.08.) skal som hovudregel ikkje omfattast av andre individuelle tillegg. Det same vil gjelde for mellombels tilsette med kontraktar for 1 år eller kortare og fast tilsette som har vore i den nye stillinga i kortare tid enn 6 månader før 1.8. Lønnsvurdering knytt til fast stilling Lønnsvurdering/lønnstillegg til tilsette i permisjon og konstituerte/vikarar i leiarstillingar skal vere knytt til den faste stillinga. I lønnsoversiktene som sendast ut i samband med førebuinga til forhandlingane er alle tilsette oppførte i lønnsoversiktane med den stillinga dei p.t. fungerar i. 1.3. Særlege kriterium og føringar for HTA 4 B Partane er samde om ei langsiktig målsetting om at konsulentane skal koplast til høgskolegruppa. Ved nyrekruttering til konsulentstillingane i dag er høgskulenivå ofte stilt som kompetansekrav eller ønska kompetanse. Mange av konsulentane med lang tenestetid har imidlertid ikkje høgare utdanning, men har fått omnormert stillingane frå sekretær grunna endra jobbinnhald til meir sjølvstendige sakshandsamingsoppgåver. Etter drøfting vart partane samde om følgjande føringar i kap 4 B: Fylkesramma i 4 B: Sikre minimum lønnsutvikling på 4,5 % for konsulentar der ein ser det sentrale og det lokale oppgjeret i samanheng. Ei førebels utrekning indikerer ein kostnad på o kr. 349 803,- av 4 B-ramma på totalt 2 094 553,-. Overføring av 13 konsulentar med høgskuleutdanning til høgskolegruppa med ein kostnad på kr 97 377,-, blir handsama utanom potten ved at arbeidsgivar skyt inn midlar. Partane set i tillegg av kr 250 000 av FR for å skape handlingsrom ved dette oppgjeret for å kome nærare målet om å kople konsulentgruppa til minstelønn for høgskolegruppa. Partane vil løfte fleire av konsulentane over til minstelønnsnivå for høgskolegruppa, basert på innspel og grunngjeving frå driftseiningane innanfor denne ramma. Ved dette oppgjeret prioriterar vi dei av konsulentane utan høgskuleutdanning som har omfattande ansvar og arbeidsportefølje, samt realkompetanse som tilsvarar minimum ei årseining/grunnfag på høgskulenivå og som er relevant og nyttiggjort. Kompetanselønnstillegg blir vurdert etter innspel frå driftseiningane (sjå eige skjema). Arbeidsramma i 4 B: skal disponerast med utgangspunkt i kriteria nedfelt i lønnspolitisk plan, sist revidert 2004. Når det gjeld tillegg til leiarar i 4 B skal driftseiningane først identifisere og rydde i kodebruk (spesielt leiande reinhaldarar og vaktmeistrar) og sikre desse ei lønnsutvikling på minimum 4% når ein ser det sentrale og lokale oppgjeret under eitt.
Side 4 Til orientering vil vi opplyse at vi vil rydde i stillingskodebruken for leiande teknisk driftspersonale på skolane. Vi har bedt skolane leggje følgjande føresetnader til grunn for dette ryddearbeidet: Vaktmeister med eit fagleiaransvar for anna teknisk driftspersonale/vaktmeistrar skal fortrinnsvis stå i stillingskode 6542 med hovudnemning Fagleiar vaktmeistertenester (lokal st.kode). Vaktmeister som eventuelt i tillegg har eit personalansvar (gjennomfører medarbeidar-/utviklingssamtale med underordna medarbeidarar) skal plasserast i stillingskode 6543 med hovudnemning Leiande vaktmeister (lokal st.kode). Reinhaldar med eit fagleiaransvar for anna teknisk driftspersonale/reinhaldarar skal fortrinnsvis stå i stillingskode 7211 med hovudnemning Fagleiar reinhaldstenester (lokal st.kode). Reinhaldar som eventuelt i tillegg har eit personalansvar (gjennomfører medarbeidar-/utviklingssamtale med underordna medarbeidarar) skal plasserast i stillingskode 7213 med hovudnemning Leiande reinhaldar (lokal st.kode). Vaktmeistrar og reinhaldarar med fagbrev skal minimum ha ei minstelønn knytt til fagarbeidarnivået. Leiande vaktmeistrar og reinhaldarar skal då som hovudregel ha ei lønn som ligg over dette. 1.4 Særleg om kriterium og føringar for HTA 4 C Partane samde om følgjande føringar i kap 4 C: Fylkesramma i 4 C: 21,76 % av 4 C-ramma går til FR, dvs. kr. 1 499 600,- av kr. 6 892 781,- for å finansiere: Justering av funksjonstillegg (kontaktlærartillegg, rådgivartillegg, HVO/ATV tillegg) Kompetanselønnstillegg blir vurdert etter innspel frå driftseiningane. Tillegget skal handsamast innanfor potten med ei ramme på kr 200 000,- Det blir satt av ein buffer til uavklarte forhold med ei kostnadsramme på kr 150 000,- innanfor FR Den delen av FR som evt. ikkje blir disponert blir lagt oppå den lokale profilen/innretninga i disponering av AR Arbeidsramma i 4 C: 78,24 % av 4 C-ramma går til AR på driftseiningsnivå, dvs. kr. 5 393 181,-, skal disponerast i samsvar med kriterium for undervisningspersonale. I arbeidsramma skal det ligge eit generelt tillegg til alle på 0,25 %. Resten av arbeidsramma skal fordelast på grunnlag av individuelle vurderingar gjort ut i frå kriteriesettet. Partane på skolenivå skal ikkje fremje forslag om ytterlegare lokale lønnsmessige tiltak på område som partane fylkesnivå har omfatta i sin dialog om bruk av fylkesramma. Dette gjeld gjeldande eller nye funksjonstillegg, samt generelle tillegg utover 0,25%. Kriteriesettet for undervisningspersonale, jf. eigen matrise og støtte-/kravskjema koplar lønnsmessige tiltak ved den enkelte skole til arbeidet med kvalitetsområde i lokal kvalitetsplan. Her vil det vere naturleg både å ha eit tilbakeskuande perspektiv med kopling til kvalitetsplan for 2011-15 og eit framoverskuande perspektiv til perioden 2012-16. Kriteria for undervisningspersonale tek også opp i seg dei 3 gjennomgåande kriteria i lønnspolitisk plan om marknad og rekruttering, likelønn og seniorpolitikk. 1.5 Dokumentasjon av drøftingane på skolenivå om disponeringa av arbeidsramma Vi legg stor vekt på å få til gode prosessar på skolane. Leiinga skal drøfte med dei arbeidsplasstillitsvalde (ATV) korleis dei tilrår at arbeidsramma skal disponerast. Resultatet av denne drøftinga skal dokumenterast skrifteleg og oversendast fylkesnivået gjennom: a) eit rekneark som viser fordeling av kroner ned på individnivå (sjå punkt 1.6 nedanfor) b) eit samleskjema med tilråding om evt kompetansetillegg ( Lokale forhandlingar 2012 kompetansetillegg ) c) eit referat som - kort oppsummerar prosessen med milepelar lokalt på den enkelte skole - oppsummerar korleis kriteriesettet er nytta for å grunngi ulike tillegg - eventuelt beskriv kva partane ikkje blir samde om
Side 5 Dersom leiinga og ATVane ikkje blir samde om bruk av arbeidsramma skal det dokumenterast skriftleg kva dei lokale partane er samde om (jf. pkt. a og b over) og kva dei ikkje er samde om (jf. pkt. c over). Det blir vist til informasjon gitt under den lønnspolitiske temadagen 7. september i Ålesund og vi ber organisasjonane bringe dette vidare til dei ATV som ikkje hadde høve til å møte. Dette inneberer: Arbeidstakarorganisasjonane skal ikkje levere rekneark og evt kompetanseskjema med forslag til lønnsendringar (jf.pkt.1.6) for medlemmer som inngår i resultatet av dei lokale drøftingane på den enkelte skole. På skolar der det ikkje er etablert eit lokalt ATV-nivå (gjeld primært 4 B) skal arbeidstakarorganisasjonane levere rekneark (jf.pkt.1.6.1) og evt kompetanseskjema med krav om lønnsendringar for sine medlemmer. I desse driftseiningane vil leiinga gi ei tilråding til fylkesnivået på lønnsendring som grunnlag for forhandlingane. 1.6 Verktøy for tillitsvalde i arbeidet med å førebu lønnsendringar (HTA kap. 4) 1.6.1 Rekneark (informasjonen under må lesast nøye før talverdiar blir lagt inn i reknearka) Vedlagt dette brevet vil kvar organisasjon få to rekneark med oversikt over medlemane i kap. 4 B og C per 4. september 2012, samt oversikt over uorganiserte i eit eige ark. Lønnsoversikten er generert frå lønnssystemet og skal nyttast som grunnlag for prioriteringane inn mot forhandlingane. Dersom det gjennom dei lokale drøftingane kjem fram opplysningar om organisasjontilknyting som avvik frå det som går fram av reknearket, må dette meldast særskilt til berit.dahl@mrfylke.no innan fristen som er sett for tilbakemelding, 05. oktober. I reknearka står alle tilsette som var lønnsaktive på det tidspunktet vi henta opplysningane ut av lønnssystemet (fast tilsette, vikarar og andre utan fast tilsetjing) med den stillingskoden og det lønnsnivået dei hadde på dette tidspunktet. Dette betyr at tilsette som har permisjon frå ei fast stilling for å vikariere eller er konstituert i andre stillingar, berre står oppført med den stillinga dei p.t. fungera i. Arbeidstakarar som er ute i permisjonar utan løn eller som er langtidssjukmeldte utover ordinær sjukelønnsperiode er ikkje omfatta av oversikten. Arbeidsgivar har i sin tenking lagt til grunn at personlege tillegg (basert på personvurdering opp mot kriteriesettet) som hovudregel skal gis i forhold til arbeidstakarens faste stilling og ikkje i forhold til tidsavgrensa arbeidsforhold. Vi ber organisasjonane om å kvalitetssikre lønnsoversikten, slik at alle medlemmer som skal vere omfatta av eventuelle lønnsendringar er tatt med. Eventuelle nye namn, som manglar i lønnsoversikten og som skal vere omfatta av lønnsendringar, skal leggast inn nedst i reknearket (rosa felt). Begge reknearka viser lønnsnivå som følgje av dei sentrale tillegga i tariffoppgjeret. Krav til lønnsendring for det enkelte medlem skal registrerast i reknearka. I reknearka ligg det informasjon om arbeidsramma sin storleik og de vil kunne følgje disponering av ramma ved registrering av tillegg (sjå øvst til høgre i arket). Konsekvensar av føringane for bruken av fylkesramma og arbeidsramma for tilsette i kap. 4 C er/blir synleggjort i reknearket slik: Alle i 4 C skal ha eit generelt tillegg på 0,25 % av arbeidsramma (alle tilsette på forhandlingstidspunktet skal ha det generelle tillegget med mindre noko anna er fastsett ved tilsetting). Generelt tillegg må leggast inn av dykk, og inngår som del av samla lokalt tillegg som skal registrerast i kolonne T. I kolonne V finn de informasjon om %tillegg gitt av
Side 6 arbeidsramma (må minimum utgjere 0,25% pga det generelle tillegget). I kolonne AA finn de informasjon om kor stort %tillegg den enkelte har fått av fylkesramma og arbeidsramma etter at de har lagt inn generelt tillegg + andre individuelle tillegg basert på kriteriesettet. Justering av funksjonstillegg inngår ikkje i dette). Sjå elles ovanfor under nytilsette og vikarar om kven som hovudregel ikkje skal ha andre lokale tillegg enn det generelle. Kompetansetillegg skal synleggjerast som eit sjølvstendig tillegg og belastast fylkesramma (skal førast på kolonne R for 4 C). Konsekvensar av føringane for bruken av fylkesramma og arbeidsramma for tilsette i kap. 4 B er/blir synleggjort i reknearket slik: Konsulentar i 4 B har fått synleggjort eit lønnstillegg på minst 4,5 % (dvs. summen av sentrale tillegg og bruk av fylkesramma). Dersom ein konsulent skal ha tillegg utover 4,5% skal dette belastast arbeidsramma i kolonne X eller kolonne T for konsulentar som er særs viktig å kople til høgskulegruppa (sjå føring omtalt ovanfor under pkt 1.3). Kompetansetillegg skal synleggjerast som eit sjølvstendig tillegg og belastast fylkesramma (skal førast på kolonne V for 4 B). Leiarar i 4 B skal ha ei lønnsutvikling på minimum 4% når ein ser det sentrale og lokale oppgjeret under eitt. I kolonne AE finn de informasjon om kor stort samla %tillegg den enkelte har fått av etter at de har lagt inn lokale tillegg. Ved behov for å endre/rette stillingskode og/eller nemning skal kolonnene P og Q nyttast. Dette kan også bli aktuelt som eit ledd i sjølve forhandlingane, jf. informasjon ovanfor om rydding i kodebruk for leiande reinhaldar/vaktmeister. Pga. av førehandsdefinerte verdiar og formlar, er reknearka beskytta, slik at berre enkelte celler er opne for registrering. De kan registrere i cellene med rosa farge. Reknearket gir også informasjon om fordeling av rammene på kjønn slik at vi får kunnskap om innretning og bruk av potten i eit likelønnsperspektiv. 1.6.2 Støtteskjema og kravskjema, kap. 4 Kriteriesettet for undervisningspersonalet, jf. eigen matrise, skal leggast til grunn for lønnsvurderingane av undervisningspersonale i 4 C relatert til arbeidsramma ved den enkelte skole. Revidert støtteskjema/kravskjema for tilsette i kap. 4 C (jfr. lønnspolitisk dagsamling 7.9) er tenkt nytta som verktøy av partane på skolenivå i samband med dei lokale prosessane. For tilsette i kap. 4 B, 3 og 5 gjeld oppdaterte versjonar av krav-/støtteskjema tilsvarande dei som er nytta tidlegare. For desse gjeld lønnspolitiske vurderingskriterium slik dei går fram av lønnspolitisk plan (august 2004) samt det oppdaterte kriteriesettet. Utfylte støtteskjema/notat skal vere tilgjengeleg for organisasjonane sin forhandlingsleiar under forhandlingane, og skal ikkje oversendast arbeidsgivar før forhandlingane.
Side 7 For å kvalitetssikre kompetansetillegg skal den enkelte organisasjon i tillegg til reknearket omtalt ovanfor i pkt. 1.6.1 fylle ut eige skjema Lokale forhandlingar 2012 kompetansetillegg. Kompetanseskjema saman med reknearka for 4 B og 4 C skal oversendast fylkesnivået, jf. dog likevel pkt. 1.5. nest siste avsnitt merka gult (gjeld ikkje der det er gjennomført skolevise drøftingar). Alle skjema er tilgjengeleg på på våre intranettsider: http://mrfylke.no/intranett/arbeidsgivar- HR/Arbeidsgivarpolitikk/Loenn-tariff/Lokale-loennsforhandlingar 1.7 Framdrift og fristar, kap. 4 Arbeidsgivar og arbeidstakarorganisasjonane vil utveksle krav/tilbod i eit fellesmøte den 16.oktober 2012. Krav frå organisasjonane skal og sendast elektronisk til arbeidsgivar rett før/under nemnde møte til arbeidsgivar ved berit.dahl@mrfylke.no, på tilsvarande vis vil arbeidsgivar sende over sitt tilbod. 2. Lønnsregulering for tilsette i HTA kap. 3 og 5 For stillingar innplasserte i HTA kap. 3 og 5, skjer all lønnsregulering lokalt gjennom årlege lønnsforhandlingar mellom partane på fylkesnivå. Desse stillingane er per dato omfatta av forhandlingane i kap. 3 og 5: HTA 3.4.1 Fylkesrådmann, st. kode 9450 Fylkesrevisjonssjef, st.kode 9451 Kontrollsjef, st.kode 9451 Avdelingssjef (etatsleiar), st.kode 9451 Personalsjef, st.kode 9451 HTA 3.4.2 Rektor, st.kode 9951 Assisterande rektor, st.kode 9952 Avdelingsleiar, st.kode 9954 (overført frå HTA kap. 4 C, st. kode 7954 m.v.f. 01.05.09) Overtannlege, st. kode 9451 Assisterande avdelingssjef, st. kode 9451 Juridisk sjef, st. kode 9451 HTA 5.2 Rådgivar, st. kode 8530 Ingeniør, st.kode 8084 Arkitekt, st. kode 8535 Konservator, st. kode 8103 Spesialbibliotekar, st. kode 8112 Tannlege, st. kode 8301 Leiar, st. kode 8451 Det skal ikkje gjennomførast skolevise drøftingar (tilsvarande kap. 4 C) som grunnlag for disponering av skolens økonomiske ramme i kap. 3 og 5. 2.1 Økonomisk ramme for forhandlingane i kap. 3 og 5 Lokale forhandlingar 2012 skal ha ei samla økonomisk ramma på 4,07 %. Avdelingane blir med bakgrunn i dette tildelt ei økonomisk arbeidsramme på 3,80 %. Med utgangspunkt i ei samla ramme på 4,07 % vil ein på denne måten kunne få noko meir handlingsrom og fleksibilitet til å om fordele midlar og følgje opp prioriterte lønnsmessige utfordringar. Bemanningsoversikt per 3.9.2012 er lagt til grunn for berekning av lønnsmasse og arbeidsramme for forhandlingane Partane er elles samde om at det skal ligge eit generelt tillegg i botn til alle som tilsvara 2,5 %. Det generelle tillegget tek høgde for at ingen skal oppleve reallønnsnedgang. Den økonomiske ramma til den enkelte avdeling blir berekna og fordelt pro rata i forhold til lønnsmasse.
Side 8 2.2 Føringar for forhandlingane i kap. 3 og 5 Driftseiningane skal legge dei etterfølgjande punkta til grunn for forslag til lønnsendringar for tilsette i driftseininga: a. Kriterium for individuell lønnsvurdering skal ligge i botn (jf. lønnspolitisk plan og operasjonalisering av kompetansekriteriet) b. Lønnsmessige tiltak for å møte rekrutteringsutfordringar, jf. kriterium 4 i lønnspolitisk plan, skal også finansierast innafor ramma. Dette vil også omfatte tillegg til medarbeidarar i driftskritiske funksjonar med ein kompetanse som er svært viktig å behalde, og som er vanskeleg å erstatte c. Partane skal vidareføre sitt fokus på likelønnsproblematikk, jf. HTA pkt. 3.2 og lønnspolitisk plan. Likelønnsutfordringane omfattar lik lønn for likt arbeid av same kvalitet, innsats og resultat og lik moglegheit for lønnsutvikling uavhengig av kjønn. «Lønnspolitikken skal medverke til auka grad av likestilling mellom kvinner og menn i samsvar med fylket sin plan for likestilling og mangfald. Det er viktig å sikre eit riktig lønnsnivå for alle tilsette og hindre at uønska og utilsikta lønnsforskjellar oppstår. Kriteriet er derfor relevant i samband med oppretting av lønnsmessig forskjell som ikkje kan relaterast til funksjon, innsats eller resultat.» Arbeidstakarar i adopsjons-, fødsels- og andre lønna permisjonar skal også ha lønnsutvikling gjennom lokale forhandlingar. Når det gjeld nytilsette og vikarar m.m. skal, med mindre noko anna er avtalt (jf. nye malar for tilsettingsbrev), alle tilsette på forhandlingstidspunktet vere omfatta av det generelle tillegget. Tilsette som har fått vurdert sin lønn etter verknadstidspunktet (01.05.) skal som hovudregel ikkje omfattast av andre individuelle tillegg. Det same vil gjelde for mellombels tilsette med kontraktar for 1 år eller kortare og fast tilsette som har vore i den nye stillinga i kortare tid enn 6 månader før 1.5. d. Leiarlønn vil som før bli vurdert spesielt i forhold til resultatoppnåing personalleiing og økonomistyring likestilling; kvinner i leiarstillingar skal prioriterast utfordringar knytt til å behalde leiarar med ein særleg kompetanse som vil vere svært vanskeleg å erstatte ved rekruttering Sjå elles nytt kriteriesett for lønnsvurdering av skoleleiarar e. Lønnsvurdering/lønnstillegg til tilsette i permisjon og konstituerte/vikarar i leiarstillingar skal vere knytt til den faste stillinga (og ikkje den ein p.t. fungerar mellombels i) f. Det vises elles til signal gitt i høve tannhelsesektoren når det gjeld justering av funksjonstillegg, jf. referat frå lønnspolitisk drøftingsmøte 31.08. og 04.09.12. 2.3 Verktøy for tillitsvalde i arbeidet med å førebu lønnsendringar 2.3.1 Reknearket Vedlagt dette brevet vil kvar organisasjon få tilsendt eit rekneark med oversikt over medlemmer i kap. 3 og eit rekneark over medlemmer for kap. 5 per 03.09.12, samt ein oversikt over uorganiserte i desse kap. 5. Lønnsoversikten er generert frå lønnssystemet og skal nyttast som grunnlag for prioriteringane inn mot forhandlingane. Vi ber organisasjonane om å kvalitetssikre lønnsoversikten, slik at alle medlemmer som skal vere omfatta av eventuelle lønnsendringar er tatt med. I reknearket har vi ført opp tilsette som var lønnsaktive pr. september 2012 (fast tilsette, vikarar og andre utan fast tilsetting). Alle er oppført med den stillingskoden, stillingsprosenten og det lønnsnivået dei hadde på det tidspunktet vi henta opplysningane ut av lønnssystemet. Dette betyr at tilsette som har permisjon frå ei fast stilling for å fungere mellombels i anna stilling, berre står oppført med den stillinga dei p.t. fungerar i. Vi gjer merksam på at lønnsvurdering/lønnstillegg skal vere knytt til den faste stillinga. Tilsette som har slutta før september 2012, er ute i permisjon utan lønn eller som er langtidssjukmeldte utover ordinær sjukelønnsperiode, er ikkje omfatta av oversikten. Dersom de finn
Side 9 å prioritere lønnsregulering for tilsatt i ei fast stilling som ikkje er ført opp i reknearket, må vedkommande førast opp i det farga feltet nedst i reknearket. Vi gjer merksam på at tillegg til desse arbeidstakarane ikkje vil bli belasta arbeidsramma då desse heller ikkje inngår i lønnsmassen som dannar grunnlaget for berekning av arbeidsramma. Vi vil presisere at evt tillegg relatert til nye namn ikkje bør ligge over snittet for lønnstillegg som blir belasta arbeidsramma. Organisasjonane sitt krav til lønnsendring for den enkelte tilsette skal leggast inn i reknearket. Pga. førehandsdefinerte verdiar og formlar, er reknearket beskytta, slik at berre dei farga cellane er opne for registrering. Cellen som skal registrerast med verdiar ligg i Kolonne O. Her skal driftseininga sitt forslag til kronetillegg (tilsvarande lønnstillegg i 100 % stilling) registrerast. Føringa på at alle tilsette i kap. 3 og 5 skal ha eit generelt tillegg på 2,5 % må synleggjerast i reknearket. Dette generelle tillegget er ikkje lagt inn på førehand i og med at det ikkje er automatikk i at t.d. nytilsette i kap. 5 skal ha eit lønnstillegg (sjå ovanfor under føringar om nytilsette og vikarar). 2.3.2 Støtteskjema og kravskjema For tilsette i kap. 4 B og 5 gjeld dei same krav-/støtteskjema. For desse gjeld lønnspolitiske vurderingskriterium i lønnspolitisk plan, samt det operasjonaliserte kompetansekriteriet. For skoleleiarar i kap. 3 vil vi ettersende eit nytt krav-/støtteskjema basert på det nye kriteriesettet. For tannhelsesektoren gjeld eit tilpassa støtteskjema operasjonalisert for tannhelsesektoren. Utfylte støtteskjema/notat skal vere tilgjengeleg for organisasjonane sin forhandlingsleiar under forhandlingane, og skal ikkje oversendast arbeidsgivar før forhandlingane. 2.4 Framdrift og fristar Utfylt rekneark, jf. pkt. 2.3.1, skal oversendast elektronisk til fylkesnivået v/ berit.dahl@mrfylke.no innan utgangen av fredag 5. oktober. I veke 44 vil de bli gjort kjent med arbeidsgivars tilbod for medlemmane i kap. 3 og 5 slik at dette er kjent før forhandlingane tek til. Spørsmål om den føreståande forhandlingsprosessen kan rettast til Iver Kåre Mjelve, tlf. 976 92 994/ 71 25 87 92 eller Dag Lervik, tlf. 71 25 84 30. Med helsing Dag Lervik personalsjef Iver Kåre Mjelve rådgivar