Voss kommune Kommunalavdeling for tekniske tenester Planbeskrivelse P-ID 08011 Detaljreguleringsplan Skipleseidet hyttefelt Utarbeidd av: Anda & Hirth ANS Plankart datert 15.08.2012 sist endret 04.12.2012 Føresegner datert 15.08.2012 sist endret 04.12.2012 Planskildring datert 15.08.2012 sist endret 04.12.2012 Vedtatt i Voss kommunestyre: 14.02.2013, sak 08/13 Sign: Arkivsak i Voss kommune: 08/940 Sakstittel: Detaljreguleringsplan Skipleseidet hyttefelt Planidentitet: 08011 Saksbehandlar i Voss kommune: Magnhild Gjengedal Sign:... Saksbehandling: Kunngjøring om oppstart av planarbeid 13.12.2008 Kunngjøring av planarbeid, endra planområde 24.08.2011 Plankart datert 15.08.2012 sist endret 04.12.2012 Føresegner datert 15.08.2012 sist endret 04.12.2012 Planskildring datert 15.08.2012 sist endret 04.12.2012 Vedtak i FPL om utlegging til offentleg ettersyn den 20.09.2012, sak 87/12 Utlegging til offentleg ettersyn frå 29.09.2012 til 19.11.2012 Innstilling frå FPL den 24.01.2013, sak 3/13 Vedtak i KST om godkjent plan den14.02.2013, sak 8/13 Kunngjering av godkjent plan Hordaland avisa den 23.02.2013 Innhald: 1.0 BAKGRUNN FOR PLANEN. 1.1 Overordna mål. 1.2 Planprosess med merknader og kommentarar. 1.3 Utgreiing om området. 1.4 Utnytting av planområdet. 1.5 Landskap/estetikk. 1.6 Hyttestorleik 1.7 Universell utforming. 1.8 Veg, vatn, kloakk.
1.9 Straumforsyning 2.0 ROS vurdering. 2.1 Trafikk / trafikktryggleik. 2.2 Skredfare 2.3 Jernbane. 2.4 Radon. 2.5 Kulturminne. 2.6 Renovasjon. 2.7 Diverse vedlegg. 2.8 Konsekvensar av planforslaget 1.0 BAKGRUNN FOR PLANEN. 1.1 Overordna mål. Grunneigarane på Skiple, gnr. 140 bnr.1, 2,4,5 og 10 ynskjer å leggja til rette for bygging av 25 nye hytter på Skipleseidet mellom Skiple og Reimegrend. Planen er i tråd med gjeldande kommuneplan for 2011-2022. 1.2. Planprosessen med merknader og kommentarar. Tidlegare har det vore igangsett planarbeid på Skipleseidet etter vedtak i FPL- Sak 08/940. Det var då ei større område som låg på begge sider av fylkesvegen og det var då tilsaman 50 hytter. Seinare har det vore ein del innvendingar om plasseringa av hyttene og det er i den nye kommuneplanen lagt inn at det kan byggjast 25 hytter på nordsida av fylkesvegen. Det er sendt ut varsling på nytt den 25.08.11. og oppstart av planarbeidet vert kunngjort i avisa Hordaland 27.08.11. Det er ikkje helde nytt oppstartsmøte og ein baserer seg på referatet 09.10.08. Det kom inn fyljande innspel til denne kunngjeringa: Statens Vegvesen Brev av 11.10.11. Merknader: Statens Vegvesen har teke opp tilhøve med tilkomst, byggegrense og parkering i sitt skriv. Kommentar: Det er lagt inn frisiktsonar og byggegrense og parkering er lagt på eigen grunn. NVE Brev av 20.11.11 Merknader: Det må gjerast ei nærare vurdering av skredfaren i samband med planarbeidet. Det bør og gjerast greie for korleis vassforsyninga er tenkt løyst. Kommentar: Skredfaren har vore vurdert av COWI As. Det skredutsette området ligg utanfor planen, men det er lagt inn tiltak for sikring på tomtene 9 og 11. COWI har og skissert løysingar for vassforsyning. Jernbaneverket Brev av 08.11.11 Merknader: Ein må gjera nøye greie for risiko og konsekvens knytt til etablering av hytter innafor det aktuelle planområdet.
Kommentar: Det vart teke kontakt med Jernbaneverket for å klarleggja ristriksjonar i samband med tunnellen under planområdet. Her har Jernbaneverket kome med tilbakemelding om kva krav som må takast omsyn til. Dette er lagt inn i føresegnene. Det er og teke kontakt med Voss Energi AS for tilrettelegging av straum og plassering av nettstasjon. Det same gjeld dimmensjonering av faresonen ved høgspentlina og vurdering av magnetfeltet. Tidlegare er det kome inn 4 merknader til det fyrste planområdet som låg på sørsida av vegen. Dette var: Hordaland Fylkeskommune - Kultur og idrett Brev av 05.01.09 Merknader: Kultur og idrettsavdelinga har ikkje kjennskap til automatisk freda kulturminne i det aktuelle området. Kommentar: Grunneigarane i området kjenner heller ikkje til noko kulturminne. Fylkesmannen i Hordaland. Landbruksavdelinga Brev av 16.12.08 Merknader: Dei hadde ingen landbruksfaglege merknader til saka. Fylkesmannen i Hordaland. Miljøvernavdelinga Brev av 07.01.09 Merknader: Fylkesmannen hadde her innvendingar på plasseringa av hyttefeltet på sørsida av vegen på grunn av natur, vilt eller friluftsinteresser. Kommentar:Feltet er no i si heilheit flytta på nordsida av vegen og redusert til 25 hytter. Dette er avklart gjennom dialog med Voss kommune. Statens Vegvesen Brev av 20.01.09. Kommentar: Dette brevet inneheld dei same opplysningane som brev av 11.10.11. og det er den same avkøyring som var tenkt då og. Merknader til utlegging av plan til offentleg ettersyn. Statens vegvesen Brev av 15.11.12 Avkøyrsla til fylkesveg 307 må ha ei sikt på 6x 115 m. Svingradius må stetta krava som gjeld for at bossbil skal koma inn og ut av denne avkøyrsla. Byggegerense langs fylkesveg 307 må vera minimum 20 m frå midtline fylkesveg. Alle bygg og parkeringsplassar skal liggja utanfor denne grensa på 20 m. Desse endringane er retta opp i planen og føresegnene. Fylkesmannen i Hordaland. Dei hadde ikkje merknader etter utlegging. NVE. Brev av 09 11.12 Har ein kommentar om felles vassforsyning. Elles ingen merknader.
Voss Naturvernlag. Brev av 19.11.12. Dei har ein del innspel og kommentarar til korleis ein skal ta omsyn til opparbeiding av hyttefeltet og allemansretten ved ei slik utbygging. Dette er teke omsyn til i planlegginga. Målsetjinga er å få opp planen til behandling i møte FLP i 30.09.12 1.3 Utgreiing om området. Planområdet ligg på Skipleseidet ca 550-600 m over havet. Deler av området vender mot sør/ sørvest og har fin utsikt og sværet gode solforhold. Andre deler vender mot søraust med utsikt mot Reimegrend og har og bra solforhold. Delar av området er noko ulendt med små skrentar/bergalag som gjer det uegna til jordbruksland men dei flataste partia oppe på platået egnar seg godt til hytteområde. På utsette stader der det er skrentar er det gjort ein vurdering av sikring av Cowi. Det går ei høgspentline på 50Kv gjennom planområdet. Det går og ei 22 Kv høgspentline nord for planområdet. Det er denne lina feltet skl få straum i frå. Sjå og pkt 1.9. Fylkesvegen til Mjølfjell går delvis langs feltet og gjennom feltet.
Området har ligg på eit høgdedrag der Raundalselva går i ein halvsirkel rundt eit stort platå som ligg ca 100-150 m høgare enn elva. Platået består for det meste av fjell i dagen, men og store innslag av myrer inni mellom. Vegitasjonen er for det meste glisen furuskog. I området finst innslag av hjort, elg, og ulike fugleartar. Sjå foto vedlegg nr 8. 1.4 Utnytting av planområdet. Feltet vil få totalt 25 tomter. Frå fylkesvegen vert det laga ei avkøyring som er plassert slik at det vert gode siktforhold i begge retningar. Vinterparkeringa er fordelt på 3 parkeringsplassar der den eine dekker den nordlege delen av området og dei 2 andre den sørlege delen. Her er planlagt 38 p-plassar som er 1.5 pr hytte. Om ynskjeleg kan bilvegen forlengjast inn i feltet slik at dei fleste hytteeigarane får bilveg fram til si tomt. Vegen skal og kunna brukast av grunneigaren til vedlikehald av skog etc. Det er rikeleg med leikeareal i områda både utanfor og innanfor planen og det er regulert inn ein felles leik/ opphaldsplass inne i feltet.
1.5 Landskap/estetikk. Hyttene ligg i eit område med litt open furuskog og ein del av feltet mot nordaust er hogd ut. Hyttene vil gli fint inn i landskapet og verta lite synleg frå avstand. På dei høgaste områda må ein vera varsam med å hogga ut for mykje skog slik at hyttene vert litt skjerma. Dersom ein vel fargar på hyttene som ikkje er skarpe og dominerande så vil hyttene gli fint inn i landskapet. Utbygginga av feltet må skje skånsomt. Det er viktig at deler av feltet ikkje vert snauhogd. Berre skog som står i byggjegrube, vegar og som stengjer for utsikt bør fjernast. Vegskråningar skal ikkje væra brattare enn 1:2 og skal tilsåast. Eventuelle murar utførast av naturstein. Hyttene skal tilpassast terrenget og landskapet. 1.6 Hyttestorleik. Maks. BYA er sett til 110m2 for hyttene og 20 m2 for uthus/ garasje. Totalt BYA vert då 130 m2. Byggegrensene er 4 m for hyttene og 1 m for uthus/garsaje. 1.7 Universell utforming. Terrenget er delvis flat eller litt skrånande så det ligg an til å oppnå stor grad av universell utforming i området. Ein tenkjer at i fyrste omgang så byggjer ein berre dei 3 felles parkeringsplassane. Dei regulerte bilvegane og mindre parkeringsplassane inne i området kan byggjast ut seinare. Der terrenget er litt brattare må ein prøva å laga gode gangstiar fram til hyttene med stigning på maks 1:12. 1.8 Veg, parkering, vatn, kloakk. Tilkomsten til feltet vert frå fylkesvegen til Mjølfjell. Krysset er plassert slik at ein har god sikt til begge sider. Det er laga 3 parkeringsplassar som skal dekkja vinterparkeringa. Den eine ligg mot nord og dei 2 andre ligg innover ei lågare parti i terrenget mot vest. Her går det ei sløyfe som dekker tomtene mot sør og vest med nokre mindre felles parkeringsplassar. Ein vil prøva å basera vassforsyninga på grunnvatn. Ut frå kapasitet og kvalitet kan ein velja mellom innlagt vatn til alle hyttene eller vasspostar sentralt plassert i feltet. Vert det innlagt vatn må det koplast til felles reinseanlegg (minirenseanlegg) med infiltrasjon til grunnen av avløpsvatnet. Sjå vedlegg nr. 1 frå COWI. VA plan skal utarbeidast og godkjennast av kommunen før det vert sett i gang arbeid innanfor planområdet. 1.9 Straumforsyning. Nå det gjeld straumforsyning føreset Voss Energi AS at en legg høgspentkabel frå deira 22 Kv line som går nord for feltet og så etablerer ein ny nettstasjon inne i feltet. Vidare fordeling skjer via 4 undersentralar og lågspentkablar fram til kvar hytte. Nettstasjonen er vist på plankartet og skal ha tilkomst for lastebil og kran. Det er og føreteke måling av magnetfelt langs kraftlina og ut i frå målingane er det ikkje noko som tyder på fare for for folk å opphalda seg i nærheita av linja. Sjå vedlegg nr. 2 og 3. Dei målte verdiane for dei tomtene som ligg næraste linja er frå 0.04-0.06 mikrotesla.
Grenseverdien for befolkningen er 100 mikrotesla. Det er sett eit utredningsnivå på 0.4 mikrotesla for vurdering av langvarig eksponering. 2.0 ROS vurdering. Viser til vedlagde ROS analyse. Sjå vedlegg nr. 4. Dei vigtigaste momenta i ROS analysen er eit bratt parti som ligg utanfor planområdet mot vest, tiltak i høve til tunnellen som går under planområdet, høgspenlina gjennom feltet og avkøyring frå Fylkesvegen. 2.1 Trafikk-/trafikktryggleik. Tilkomst. Avkøyringa er plassert på ein stad der det er god sikt til begge sider langs vegen. Dette er gjort etter synfaring med Statens Vegvesen. Det er lagt inn avstand 6m frå vegkant og 115m i lengderetningen i sikttrekanten. Byggegrense. Her er lagt inn byggegrense på 20 m frå senterlinje veg. Alle vegar og parkeringsplassar ligg minst 20 m frå vegkant pga snø, brøyting etc. Sjå vedlegg nr. 5 Statens Vegvesen. 2.2 Skredfare Viser til skriv frå NVE om at deler av planområdet var synt som potensielt skredutsett i deira aktsemdkart. I plan prosessen har ein kome til at dette området ikkje er naturleg å ha med i planen. Sjølve hytteområdet ligg hovedsakleg oppe på eit platå og har ikkje noko naturleg kontakt den vegen det skredutsette området ligg. Det som kan vera naturleg og nødvendig å gjera er å setja opp skjerming/ gjerde langs skrentar/ stup langs platået. Tomteeigarane må i fellesskap vurdera kvar det skal etablerast gjerde/ skjerming. Sjå vedlegg nr. 6 NVE. 2.3 Jernbane Det går jernbanetunnell under hyttefeltet ( ca 80-90 m) og Jernbaneverket har ein del ristriksjonar til dette som boring, rystelsar etc. Ein har i samarbeid med Jernbaneverket kome fram til formuleringar i føresegnene og valg av omsynsone for området rundt tunnellen. Sjå vedlagde korrespondanse. Sjå vedlegg nr. 7. Jernbaneverket 2.4 Radon. Det er ikkje førteke radonmåling i feltet, men i alle hyttene skal det byggjast inn radonsperre. 2.5 Kulturminne. Ein kjenner ikkje til at det er kulturminne i dette området. 2.6 Renovasjon Felles bosplass vert etablert like ved avkøyringa frå fylkesvegen på den fyrste parkeringsplassen. PP1. Arealet er vist på plankartet.
2.7 Diverse vedlegg. Sjå oversiktskart Vedl. 1 Skriv frå COWI AS VA og skredfare Vedl. 2 Skriv Voss Energi AS - Straumforsyning Vedl. 3 Skriv Voss Energi AS Magnetfelt i hyttefelt på Skipleseidet. Vedl. 4 Skjema for Ros analyse. Vedl. 5 Statens vegvesen. Brev av 11.10.11. Vedl. 6 NVE. Brev av 20.09.11 Vedl. 7 Jernbaneverket. Brev av 08.09.11. vedk. tunell. Vedl. 8 Diverse bilder ( 1-12) med oversiktskart. Vedl. 9 Diverse innspel til planforslaget på sørsida av vegen. 2.8 Konsekvensar av planforslaget. Magnetfelt. Ein del av hyttene ligg like ved ei 50Kv kraftline som gå gjennom feltet. Etter måling av Voss Energi AS er magnetfeltet ikkje skadeleg for dei i hyttefeltet. Skredfare. Det er ikkje registrert tidlegare skred i området for reguleringsplanen.tomtene 9,11,24 og 25 ligg oppe på platået og ligg ikkje rasutsett til. Sjå nærare utgreiing i rapport frå Cowi AS. Vedl. 1 Trafikktryggleik. Trafikkmessig har dette feltet med 25 hytter som brukar denne avkøyringa liten konsekvens for trafikkbilete då det er lite trafikk på denne vegen generelt. Dei 2 tomtene som ligg på austsida av fylkesvegen og har parkering på vestsida må kryssa fylkesvegen. På begge sider av avkøyringa er det lange strekningar med god oversikt (115m siktsonar) slik at ein vurderer dette som ei forsvarleg løysing. Voss, 15.08.2012 Retta 04.12.12 Pkt. 2.1 Trafikk-/trafikktryggleik og pkt. 2.8 Trafikktryggleik. Endra frisikt i lengderetningen og byggegrense til fylkesveg.