VEDLEGG 1 Strategisk plan for Høgskolen i Telemark 2010-2014 Vedtatt av styret 25.11.10
2 I Verksemdsidéen Høgskolen i Telemark (HiT) skal oppfylle samfunnsoppdraget sitt ved å tilby utdannings-, forskings- og formidlingstenester av høg kvalitet med basis i regionale og nasjonale behov. HiT skal vere regionalt forankra, ha godt nasjonalt omdømme og vere internasjonalt orientert. Høgskolen skal setje studentane i sentrum, vere endringsdyktig, og fremje innovasjon og entreprenørskap i samfunns- og næringsliv. II Våre verdiar HiTs verksemd byggjer på følgjande verdiar: Heilskap i mangfald Eit rikt og variert fagleg og sosialt miljø skal vere berar av identiteten vår. Vi gir rom for og verdset mangfaldet og arbeider for heilskap og felles ansvar. Involvering Samhandling og kommunikasjon i høgskolen skal vere prega av rausheit, dialog og respekt. Vi stiller krav til kvarandre og vi støttar kvarandre. Kvalitet Kvalitet skal prege alle delar av verksemda. Den faglege verksemda skal vere driven fram av nyfikne, djervskap og sanningssøking. Utvikling Vi skal møte utfordringar og nye krav ope og utviklingsvillig. Vi skal stimulere til kreativitet og nyskaping. Vi skal skape lyst og evne til å strekkje oss mot nye mål. III Fundamentet for den strategiske utviklinga i planperioden Den strategiske utviklinga av HiT i planperioden skal byggje på følgjande fundament: 1. HiT har universitetsetablering, eventuelt vidareutvikling av universitetsfunksjonane i Telemark, som mål, og skal realisere det gjennom samanslåing eller utvida forpliktande samarbeid med andre institusjonar. 2. Det skal avklarast om det er aktuelt med meir forpliktande samarbeid eller fusjon anten med Universitetet i Agder eller med høgskolane i Buskerud, Vestfold og Østfold. 3. Noverande studiestadstruktur, inkludert Drammen, skal liggje fast til 2014. 4. Det skal gjerast eit særleg løft for å vidareutvikle kompetansen i alle delar av høgskolen, og særleg innanfor primærverksemda (undervisning, forsking og formidling). 5. HiT skal leggje stor vekt på kvalitetsarbeid, både i primærverksemda, i støttetenestene (administrasjon, bibliotek, drift og IKT) og i samarbeidet med Studentsamskipnaden i Telemark.
3 6. HiT skal vere langt framme mellom dei høgare utdannings- og forskingsinstitusjonane når det gjeld å ta i bruk e-læring og ny teknologi innan primærverksemda og støttetenestene. 7. HiT skal leggje vekt på nyskapande verksemd, og medverke til innovasjon og fornying i samfunns- og næringsliv. 8. HiT skal ha ein tydeleg miljøprofil, og skal gjennom verksemda si skape medvit om og aktivt møte miljøutfordringane. Miljøprofilen skal vere integrert i arbeidet med utvikling av primærverksemda og støttetenestene. 9. HiT skal delta aktivt i arbeidet med å fremje samarbeid, arbeidsdeling og konsentrasjon (SAK) i universitets- og høgskolesektoren i Noreg. 10. HiTs fagprofil skal kjenneteiknast av to berande element, som er integrerte. Det eine er dei etablerte og planlagde doktorgradsprogramma og eksisterande studieprogram som støttar opp under desse. Det andre er profesjonsutdanningar og andre yrkesretta utdanningar. Det skal leggjast til rette for utvikling av sterkare forskingsmiljø knytte til desse utdanningane. 11. HiT skal arbeide aktivt for å få sin del av den forventa veksten i talet på studentar. Målet for planperioden er minst 6 000 heiltidsekvivalentar. Auken i studenttalet skal følgjast opp ved nødvendig utbygging av infrastrukturen ved dei ulike studiestadene. IV Utdanning og læringsmiljø Sektormål 1 HiT skal tilby utdanning av høg internasjonal kvalitet som er basert på det fremste innan forsking, fagleg og kunstnarleg utviklingsarbeid og erfaringskunnskap. Verksemdsmål 1.1 HiT skal utdanne kandidatar med høg kompetanse med relevans for samfunnet sitt behov. a) Talet på førstevalssøkjarar i Samordna opptak skal auke frå 2 301 i 2009 til minst 2 900 i 2014. b) Talet på studentar (eigenfinansierte heiltidsekvivalentar) skal auke frå 4 947 i 2009 til minst 6 000 i 2014. Verksemdsmål 1.2 HiT skal tilby eit godt læringsmiljø med undervisnings- og vurderingsformer som sikrar fagleg innhald, læringsutbytte og god gjennomstrøyming.
4 c) Talet på eigenfinansierte nye 60-studiepoengseiningar skal auke frå 4 038 i 2009 til minst 4 900 i 2014. d) Talet på uteksaminerte bachelorgradskandidatar skal auke frå 686 i 2009 til minst 830 i 2014. e) Talet på uteksaminerte mastergradskandidatar skal auke frå 108 i 2009 til minst 130 i 2014. Strategiar 1) HiT skal tilby doktorgradsstudium innan teknologi, kulturstudiar, økologi og helsefremjande arbeid, og vurdere å utvikle slikt studium med basis i forskingsmiljø innanfor læring og formidling. 2) HiT skal utvide tilbodet av mastergradsstudium med slike studium i engelsk og norsk - fagdidaktisk retning, i pedagogikk med vekt på didaktikk og leiing, og i opplevingsøkonomi. 3) Tidleg i planperioden vil styret handsame prioritering av og framdriftsplanar for etablering av nye master- og doktorgradsstudium, på grunnlag av vurderingar av m.a. fagleg og økonomisk bereevne og tenleg arbeidsdeling i sektoren. 4) HiT skal omarbeide vidareutdanningane i helse- og sosialfag slik at desse kan gå inn i mastergradsstudium anten ved HiT eller ved andre institusjonar. 5) HiT skal tilpasse eksisterande mastergradsstudium innan aktuelle fagområde slik at dei høver for lærarar. 6) HiT skal vidareutvikle grunnskolelærarutdanningane på trinn 1-7 og trinn 5-10 på Notodden, i Porsgrunn og som nettbaserte studium, med vekt på fagleg prioritering, kvalitetsutvikling, praksisorientering og forskingsbasering. 7) HiT skal utvide og forbetre tilbodet av fleksible studium og spesielt bruken av e-læring. Dette gjeld også etter- og vidareutdanningar. 8) HiT skal søkje om å få status som Senter for framifrå utdanning. 9) HiT skal vidareutvikle system for kvalitetssikring slik at det femner om heile utdanningsprosessen frå rekruttering til avslutning av studia. Det skal leggjast særleg vekt på dei forbetringsområda som NOKUT har peika på. 10) Internasjonalisering skal innarbeidast i planar for og i gjennomføring av alle studieprogram. 11) HiT skal utforme læringsmiljøet sitt etter prinsipp om universell utforming slik at flest mogleg blir inkluderte i løysingar som fungerer for alle studentar, og dette prinsippet skal speglast i alle aktuelle planar.
5 12) I samarbeid med Studentorganisasjonen i Telemark og Studentsamskipnaden i Telemark skal det arbeidast ut årlege handlingsplanar for å vidareutvikle nivået på studentretta tenester og studentvelferd ved kvar studiestad. V Internasjonalisering Verksemdsmål 1.3 HiT skal ha eit utstrekt internasjonalt utdanningssamarbeid av høg kvalitet, som medverkar til auka utdanningskvalitet. f) Talet på utvekslingsstudentar (ut-/innreisande) skal auke frå 132 i 2009 til minst 250, av dei 100 utreisande, i 2014. g) Talet på utvekslingar på over 1 månad av tilsette via programavtalar skal auke frå 9 i 2009 til 20 i 2014. 13) På alle gradsprogram skal det etablerast tilbod om studentutveksling med tilrådde fagpakker hjå utvalde partnarar, særleg for å auke talet på utreisande studentar frå HiT. 14) Talet på gradsprogram som har emne som blir underviste på engelsk, skal auke. 15) Ved prioriteringa av ressursar skal det leggjast vekt på område og tiltak som koplar utdanning, forsking og studentutveksling. 16) HiT skal prioritere samarbeid med institusjonar med høgt fagleg nivå. 17) HiT skal òg samarbeide med utanlandske institusjonar ut frå eit bistandsperspektiv med sikte på å bidra til å byggje opp kompetanse i utdanning og forsking hjå partnarane. VI Forskings- og utviklingsarbeid Sektormål 2 HiT skal oppnå resultat av høg internasjonal kvalitet i forsking og fagleg og kunstnarleg utviklingsarbeid. Verksemdsmål 2.1 HiT skal gjennom nasjonalt og internasjonalt samarbeid tilby forskarutdanning av høg kvalitet. Forskarutdanninga skal vere innretta og dimensjonert for å stette behova i sektoren og samfunnet elles.
6 h) Talet på avlagde doktorgradar tildelte av HiT skal vere 5 i 2014. i) Talet på avlagde doktorgradar av personar HiT har arbeidsgjevaransvar for skal vere 10 i 2014 mot 7 i 2009. Verksemdsmål 2.2 HiT har som statleg høgskole eit særskilt ansvar for profesjonsretta forsking, utviklingsarbeid, kompetanseutvikling og nyskapande verksemd i regionen. Samstundes skal høgskolen innrette forskingsinnsatsen sin slik at det vert oppnådd resultat av høg internasjonal kvalitet innan fagområde der høgskolen tildeler doktorgrad, og samarbeide nasjonalt og internasjonalt om forsking og utviklingsarbeid. j) Talet på publikasjonspoeng totalt skal auke frå 56 i 2009 til minst 100 i 2014. 18) HiT skal styrkje FoU-verksemda. Interne forskingsfremjande verkemiddel skal vere differensierte og rettast inn mot dei to berande elementa i fagprofilen til høgskolen etter behov, sjå kapittel III. 19) HiT skal styrkje og profilere praksisnær forsking knytt til profesjonsutdanningane. 20) HiT skal skape større og meir robuste forskingsmiljø gjennom samarbeid, arbeidsdeling og konsentrasjon internt i høgskolen og eksternt. 21) Det skal etablerast fleire samarbeidsprosjekt mellom HiT og forskingsinstitutta i Telemark. 22) HiT skal delta i nasjonale/internasjonale forskarskolar og forskingsnettverk. 23) HiT skal auke den eksterne finansieringa av forsking og fagleg og kunstnarleg utviklingsarbeid, jf. strategiar under kapittel VII. 24) Aktive, publiserande forskarar skal prioriterast ved avsetjing av tid til samanhengande FoU-verksemd. 25) Fleire studentar skal få høve til å delta i forskingsprosjekt.
7 VII Formidling, samfunnskontakt og verdiskaping Sektormål 3 HiT skal medverke til å spreie og formidle resultat frå forsking og fagleg og kunstnarleg utviklingsarbeid, og medverke til innovasjon og verdiskaping basert på desse resultata. Høgskolen skal også leggje til rette for at tilsette og studentar kan delta i samfunnsdebatten. Verksemdsmål 3.1 HiT skal gjennom formidling og deltaking i offentleg debatt tilføre samfunnet resultata frå FoU-verksemda. Verksemdsmål 3.2 HiT skal medverke til samfunns- og næringsutvikling gjennom innovasjon og verdiskaping. k) Omfanget av den samla bidrags- og oppdragsfinansierte aktiviteten (BOA), alt utanom tildelt løyving over statsbudsjettet, skal auke frå 17 mill. kroner i 2009 til minst 40 mill. kroner i 2014. 26) HiT skal utvikle insentivordningar som fremjar søknader om ekstern finansiering av forsking og fagleg og kunstnarleg utviklingsarbeid, og som honorerer gode resultat oppnådde innan BOA generelt. 27) HiT skal hente ein større del regionale utviklings- og forskingsmidlar og midlar frå Noregs forskingsråd, EU og andre kjelder m.a. gjennom å samarbeide med eksterne partnarar om å arbeide ut gode søknader. 28) Fagmiljøa knytte til doktor- og mastergradsstudia skal ha eit særskilt ansvar for at større delar av FoU-verksemda blir eksternt finansiert (akkvisisjonsplikt). 29) HiT skal motivere og kvalifisere studentane for innovasjonsarbeid og entreprenørskap, m.a. gjennom arbeidet med studentføretak. 30) HiT skal etablere og aktivisere fleire eksterne referansegrupper/fagfora knytte til høgskolen sitt fagmiljø, organisert gjennom avdelingane, for å styrkje kvalitets- og relevanskrava. 31) Høgskolen si forsking, kunnskapsutvikling og andre faglege ressursar skal gjerast tilgjengelege gjennom opne kanalar, men slik at det blir tatt omsyn til opphavsrettar etter åndsverklova. 32) HiT skal ha tiltak for å dyktiggjere studentar og tilsette i akademisk skriving og populærformidling.
8 33) HiT skal gjennomføre kandidatundersøkingar og/eller etablere alumniordningar. 34) HiT skal utarbeide fleire etter- og vidareutdanningstilbod i samarbeid med samfunns- og næringsliv. 35) HiT skal medverke til å auke kommersialiseringa av forskingsresultat m.a. ved å søkje midlar til dette frå Noregs forskingsråd (FORNY eller andre program) og gjennom samarbeidet med Universitetet i Agder om Technology Transfer Office. 36) HiT skal uvikle vidare retningsliner og avtalar for handtering av immaterielle rettar for tilsette og studentar ved høgskolen. VIII Personal- og økonomiforvaltning Sektormål 4 Høgskolane skal organisere og drive verksemda si på ein slik måte at samfunnsoppdraget blir stetta best mogleg innanfor ramma av disponible ressursar. Verksemdsmål 4.1 HiT skal sikre ei god og effektiv forvaltning av ressursane. l) Kostnader per produsert 60-studiepoengseining skal vere kr 145 000 i 2014 mot kr 127 500 i 2009 (nominelle tal). 37) Langtidsbudsjettet skal rullerast årleg. Det skal også omfatte eksterne inntekter og gje tydelege prioriteringar for utvikling av høgskolen i samsvar med rullert strategisk plan. 38) Det skal gjerast ein årleg gjennomgang av studieporteføljen, der inntekter og kostnader, studiepoengsproduksjon, registrerte studentar og tal på søkjarar vert knytte opp til kvart enkelt studieprogram. Verksemdsmål 4.2 HiT skal gjennom personalpolitikken sin medverke til eit høgt kompetansenivå, eit godt arbeidsmiljø og eit mindre kjønnsdelt arbeidsliv. m) Del første- og toppstillingar av det totale talet på undervisnings-, forskings- og formidlingsstillingar totalt skal auke frå 0,38 i 2009 til minst 0,55 i 2014.
9 39) HiT skal søkje systematisk etter kandidatar til faglege første- og toppstillingar på bakgrunn av kunnskap om kva verkemiddel som er mest effektive. Det skal leggjast særleg vekt på rekruttering av kvinner. 40) HiT skal arbeide målretta med å rekruttere kvinner til leiarstillingar med dei verkemidla som er tilgjengelege. 41) HiT skal leggje til rette for at fleire tilsette kan kvalifisere seg for personleg opprykk til professor/dosent. Det skal vere eit særleg fokus på kvinnelege medarbeidarar. 42) HiT skal utgreie og setje i verk tiltak for å redusere talet på mellombelse tilsetjingar. 43) HiT skal avklare forventningar og definere roller og krav til helse-, miljø og tryggleiksarbeid som gjeld dei ulike delane av høgskolen. 44) HiT skal gjennomføre prosessar som styrkjer kommunikasjon og samkjensle i organisasjonen, med særleg vekt på den rolla leiarane har i slike prosessar. Verksemdsmål 4.3 HiT skal syte for høg kvalitet i økonomiforvaltninga. I dei strategiske prioriteringane skal det takast omsyn til god intern kontroll og effektiv ressursforvaltning. Verksemdsmål 4.4 HiT skal medverke til at nasjonale kunnskapsressursar blir forvalta heilskapleg og til at oppgåver blir løyste og ansvar blir fordelt gjennom samarbeid. 45) HiT skal følgje aktivt opp avtalen med Universitetet i Agder om institusjonelt nettverkssamarbeid, og fagleg fundert samarbeid med fagmiljø ved andre universitet og høgskolar skal styrkjast og vidareutviklast. 46) HiT skal inngå nye avtalar og samarbeidsrelasjonar for å bidra til betre samarbeid, arbeidsdeling og fagleg konsentrasjon i sektoren. IX Infrastruktur og støttetenester Verksemdsmål 4.5 (eigendefinert) HiT skal ha ein fysisk og teknisk infrastruktur, IT-, bibliotek- og drifts- og administrative tenester som medverkar til å oppfylle høgskolens primæroppgåver. 47) HiT skal utvide bygningsmasse og annan infrastruktur i Porsgrunn i tråd med prognosar for utviklinga i talet på studentar og tilsette.
10 48) HiTs infrastruktur for IKT skal til kvar tid ha kapasitet og kvalitet for nye tenester og vekst i bruk og innhald. 49) HiT skal leggje vekt på fri programvare og standardiserte format og utstyr, i tråd med offentleg IKT- og innkjøpspolitikk. 50) HiT skal ha gode og tenlege verktøy for e-læring, videokonferansar og nettbaserte tenester. 51) HiT skal ha solid eigenkompetanse på IKT-infrastrukturen og ta del i samarbeid om IKTtenester for universitets- og høgskolesektoren. 52) HiT skal tilby nettbasert tilgang både på og utanfor høgskoleområdet til ei tilfredstillande mengd vitskaplege databasar, elektroniske tidsskrift i fulltekst og andre elektroniske informasjonsressursar, og arbeide for auka bruk av slike ressursar. 53) HiT skal gjere mest mogleg av forskingsarbeida produserte ved HiT tilgjengelege i HiTs institusjonelle arkiv TEORA. Dette inkluderer òg mastergrads- og doktorgradsavhandlingar. 54) HiT skal gjere ulike typar kvalitetssikra materiale om Telemark tilgjengeleg på internett via Digitale telemarkskjelder, ein kunnskapsbank om og for Telemark. 55) HiT skal arbeide for auka regionalt og nasjonalt samarbeid om utnytting av eksisterande bibliotekressursar. 56) HiT skal auke sin kompetanse og kapasitet for å kalkulere, styre og administrere forskingsprosjekt og andre typar av prosjekt med heil eller delvis ekstern finansiering. 57) HiT skal leggje til rette tenester og ordningar slik at dei blir tilfredsstillande og likeverdige også for utanlandske studentar og tilsette. X Rullering og oppfølging Denne strategiske planen skal rullerast årleg. I samband med rulleringa skal det gjevast ein rapport om utviklinga, sett i høve til dei måla planen fastset. Planen skal følgjast opp gjennom årsplanar for alle høgskolen sine driftseiningar og gjennom den årlege budsjetthandsaminga. Med utgangspunkt i den strategiske planen kan det bli fastsett særskilte handlingsplanar på spesielle område. Det vert teke eigne avgjerder om kva handlingsplanar som skal arbeidast ut, på område der det ikkje er lovfesta at det skal vere slike.