MØTEPROTOKOLL Formannskapet Møtestad: Rådhuset Møtedato: 12.02.2015 Kl: 10.30 14.00 Medlemmer: Harald N. Offerdal, ordførar Arnstein Menes Råmund Nyhammer Frode Bøthun Forfall: Varamedlemmer: Frå adm. (evt. andre): Dato for innkalling: 05.02.15 Merknader: Saker som vart handsama 1/15-11/15 Siv M. Lidal Lars Trygve Sæle Arne Abrahamsen, kommunalsjef for tekniske tenester Margrethe Vie Myren, kommunalsjef for helse og omsorg Kari Rønnestad, kommunalsjef for oppvekst og kultur Ken Heine Bakke, leiar servicekontoret Johannes Sjøtun, næringssjef Svein Feidje, økonomisjef Vi stadfester at det som er ført i møteboka er i samsvar med det som vart vedteke på møtet. Balestrand, ----------------------------------------------- ------------------------------------------------ Side 1 av 12
SAKLISTE Saksnr. Arkivsaksnr. Tittel 1/15 10/879 Endring av retningslinene for gåvekontoen ved Balestrand helsetun 2/15 15/90 Lån frå kraftfond 1- vurdering av rente 3/15 14/1003 Høyringsfråsegn - overføring kommunal skatteinnkrevjinga til skatteetaten 4/15 13/688 Plan og kostnadsoverslag - Utviding og omtaksering av eigedomsskatt 5/15 13/794 HOVUDPLANAR VATN og AVLØP 6/15 15/64 Dispensasjon frå reguleringsplan Bruksendring frå industri til bustadføremål 7/15 13/131 Beredskapsplan for Balestrand kommune - rullering av plan for 2015 8/15 12/807 Kommunedelplan for idrett, friluftsliv og fysisk aktivitet - rullering av handlingsprogram 9/15 15/32 Kjøp av husvære 10/15 15/11 Årsmelding 2014 for Balestrand kommune sitt næringsfond 11/15 15/39 Skriv og meldingar Møte i formannskapet 12. februar Side 2 av 12
Orienteringar og drøftingar: Oppfølging av vedtak 2. halvår Utdelt oversyn vart teke til orientering. Formannskapet var godt nøgde med oppfølging av sakene. Arbeid med heimeside Orientering ved leiar for servicetorget. Nedsett arbeidsgruppe arbeider med ny heimeside. Vurderer plattform og utforming som heimesida til Molde kommune. Arbeid med skulebruksplan Orientering ved kommunalsjef for oppvekst og kultur. Knut Sanden frå stiftelsen Imtec er engasjert til å bistå arbeidet med å lage utkast til ein Skulebruksplan for Balestrand kommune. Det vart delt ut notat av 06.02.15 om ramme for arbeidet; om innhald, prosess og framdrift. Formannskapet slutta seg til dette, men peikte på at planen måtte leggjast ut på høyring før vedtak. Orientering om Nordmannhuset Orientering ved kommunalsjef for oppvekst og kultur. Utbetring av skogsveg Saurdalsvegen Orientering ved skogbrukssjef og næringssjef. Notat 11.02.15 var delt ut. Formannskapet gav ut i frå dette sin tilslutning til at administrasjonen saman med grunneigarane for Saurdalsvegen, kunne søke fylkesmannen om tilskot i mars 2015. Formannskapet tok atterhald om at kostnadsfordeling og ev. finansiering vert å ta stilling til i eiga sak etter fylkesmannen si handsaming av tilskotssøknaden. Status tilflyttingsprosjekt Orientering ved næringssjef. Kommunestyret har gjort vedtak om at Balestrand kommune i samarbeid med kommunane Høyanger og Vik skulle gjennomføre eit tilflyttingsprosjekt føresett at ein fekk fylkeskommunalt tilskot. Dette får ein ikkje. Ein vurderer difor no om og korleis prosjektet ev. kan gjennomførast. Det vert lagt fram politisk sak om dette når dette er avklart. Økonomirapport 2014 Orientering ved økonomisjef. Orientering om investeringsprosjekt Orientering ved kommunalsjef for tekniske tenester. Det vart orientert om tilbod for prosjekta Molo og Friområde i Hittunsfjøra, Sanitærbygg i Hittunsfjøra og Gateløp i Balestrand sentrum. Formannskapet gav ut i frå dette sin tilslutning til at administrasjonen kunne inngå kontraktar for prosjekta. Budsjett messig justering mellom prosjekta vert gjort i samband med tertialrapport i 1. tertial. Det vart vidare orientert om innkomne tilbod på Eplehagen omsorgsbustader. Formannskapet gav ut i frå dette sin tilslutning til at administrasjonen kunne inngå kontrakt for prosjektet. Rådmannen og ordførar vurderer dette endeleg, når tilboda er detaljert gjennomgått og vurderte. Budsjett messig justering av ramme kan bli gjort i samband med tertialrapport i 1. tertial eller seinare. Side 3 av 12
1/15 Endring av retningslinene for gåvekontoen ved Balestrand helsetun Retningslinene for gåvekontoen ved Balestrand helsetun vert endra til: 1.Gåvekontoen ved Balestrand helsetun er oppretta for å kunne nyttast ved innbetaling av minnegåver, testamentariske gåver og andre gåver til institusjonen 2. Gåvekontoen skal nyttast til beste for pensjonærane/pasientane (trivsels- og nytteføremål). 3. Øyremerka gåver skal nyttast til det føremålet gjevaren har bestemt Midlar frå gåvekontoen skal ikkje gå inn i den vanlege drifta av institusjonen. 4. Eit utval samansett av 2 brukarrepresentantar, 2 tilsetterepresentantar, avdelingsleiar ved Helsetunet og rådmann, ev. delegert, gjere vurderingar og vedtak om bruk av desse midlane. Ved tvil om disponering skal saka leggast fram for politisk handsaming. Rådmannen avgjør dette. 5. Rådmannen eller den han delegerer til har fullmakt til å foreta enkeltkjøp på inntil kr 20.000 6. Rådmannen syter for rekneskap for gåvekontoen og at det vert lagt fram revidert årsrekneskap for formannskapet. Revisjonen skal utførast av kommunen sin revisor Formannskapet røysta over tilråding frå rådmannen. Retningslinene for gåvekontoen ved Balestrand helsetun vert endra til: 1.Gåvekontoen ved Balestrand helsetun er oppretta for å kunne nyttast ved innbetaling av minnegåver, testamentariske gåver og andre gåver til institusjonen 2. Gåvekontoen skal nyttast til beste for pensjonærane/pasientane (trivsels- og nytteføremål). 3. Øyremerka gåver skal nyttast til det føremålet gjevaren har bestemt Midlar frå gåvekontoen skal ikkje gå inn i den vanlege drifta av institusjonen. Side 4 av 12
4. Eit utval samansett av 2 brukarrepresentantar, 2 tilsetterepresentantar, avdelingsleiar ved Helsetunet og rådmann, ev. delegert, gjere vurderingar og vedtak om bruk av desse midlane. Ved tvil om disponering skal saka leggast fram for politisk handsaming. Rådmannen avgjør dette. 5. Rådmannen eller den han delegerer til har fullmakt til å foreta enkeltkjøp på inntil kr 20.000 6. Rådmannen syter for rekneskap for gåvekontoen og at det vert lagt fram revidert årsrekneskap for formannskapet. Revisjonen skal utførast av kommunen sin revisor 2/15 Lån frå kraftfond 1- vurdering av rente Det vert vist til lån til Balestrand Næringsbygg AS gitt i k-sak 98/0088 frå Kraftfond 1. Noverande rentevilkår for lånet blir å endra frå 5 % rente til standard rentevilkår for lån frå Kraftfond 1, som er rente 1 % over innskotsrente på fondskapitalen. Endringa gjeld frå 1.01.2015. Nedbetalingstid og låneform blir uendra. Formannskapet røysta over tilråding frå rådmannen. Det vert vist til lån til Balestrand Næringsbygg AS gitt i k-sak 98/0088 frå Kraftfond 1. Noverande rentevilkår for lånet blir å endra frå 5 % rente til standard rentevilkår for lån frå Kraftfond 1, som er rente 1 % over innskotsrente på fondskapitalen. Endringa gjeld frå 1.01.2015. Nedbetalingstid og låneform blir uendra. Side 5 av 12
3/15 Høyringsfråsegn - overføring kommunal skatteinnkrevjinga til skatteetaten Balestrand kommune meiner at skatteoppkrevjarfunksjonen framleis må vera ei kommunal oppgåve. Dette blant anna av di det er positiv samanheng mellom skatteinnkrevjing og kommunal innkrevjing og økonomistyring. Vi meiner at ved ei overføring av skattoppkrevjinga til staten, vil kommunen missa kompetane og innfordringsarbeidet vil bli mindre robust. Bortfall av denne funksjonen i kommunen vil og føra til at kommunane misser særnamskompetanse, i alle fall i ein overgangsperiode. Ein vil og misse tilgang til arbeidsgjevar-/arbeidstakarregegisteret og SOFIE, noko som må til for å ivareta personvernomsyn. Konsekvensen/kostnaden av lågare effektivitet i kommunane er ikkje utgreia av Finansdepartementet Kvaliteten på skatteinnkrevjinga er god. På landsbasis blir 98,8 % av samla krav for dei viktigaste skatteartane betalt. Det er ei omfattande risiko ved omorganisering. Sjølv ei marginal svekking av innkrevjingsgraden vil føre til at inntektene vil bli redusert meir enn Finansdepartementet sitt anslag for innsparing ved statleggjering, jfr. skatterestansane i Danmark økte etter statleggjering frå 50 mrd i 2006 til 82 mrd. i 2012 ifølgje den danske Riksrevisjonen. Utrekning basert på rapport frå Oslo Economics viser at ved ein reduksjon i innkrevjingsgrad på 0,05 0,15 prosentpoeng vil framlegget frå departementet bli ulønsamt sjølv med føreslått reduksjon i tilsette.. Balestrand kommune meiar tidspunktet for å ta opp dette temaet er heilt feil. At framlegget er fremja som eiga sak uavhengig av pågåande kommunereformarbeid er etter Balestrand kommune si meining uheldig og i strid med kommunereforma. Framlegget burde vore ein naturleg del av denne drøftinga/prosessen. Balestrand kommune meiar det kan vera mogeleg å forbetra tenesta. Dette kan gjerst innanfor ramma av framleis kommunalt og lokalt ansvar for skatteinnkrevjinga, og må sjåast saman med kommunereforma. Formannskapet kom samla fram til følgjande vedtak Vedtak: Balestrand kommune meiner at skatteoppkrevjarfunksjonen framleis må vera ei kommunal oppgåve. Dette blant anna av di det er positiv samanheng mellom skatteinnkrevjing og kommunal innkrevjing og økonomistyring. Med ei overføring av skattoppkrevjinga til staten vil kommunen dessutan miste kompetanse og innfordringsarbeidet vil bli mindre robust. Bortfall av denne funksjonen i kommunen vil også føra til at kommunane misser særnamskompetanse., Ein vil også miste tilgang til arbeidsgjevar-/arbeidstakarregegisteret og SOFIE, noko som må til for å ivareta personvernomsyn. Konsekvensen/kostnaden av lågare effektivitet i kommunane er ikkje utgreidd av Finansdepartementet Side 6 av 12
Kvaliteten på skatteinnkrevjinga er god. På landsbasis blir 98,8 % av samla krav for dei viktigaste skatteartane betalt. Det er ei omfattande risiko ved omorganisering. Sjølv ei marginal svekking av innkrevjingsgraden vil føre til at inntektene vil bli redusert meir enn Finansdepartementet sitt anslag for innsparing ved statleggjering; til dømes auka skatterestansane i Danmark etter statleggjering frå 50 mrd i 2006 til 82 mrd. i 2012 ifølgje den danske Riksrevisjonen. Utrekning basert på rapport frå Oslo Economics viser at ved ein reduksjon i innkrevjingsgrad på 0,05 0,15 prosentpoeng vil framlegget frå departementet bli ulønsamt sjølv med føreslått reduksjon i tilsette.. Balestrand kommune meiner vidare at tidspunktet for å ta opp dette temaet er heilt feil. At framlegget er fremja som eiga sak uavhengig av det pågåande kommunereformarbeidet er uheldig og i strid med intensjonane for kommunereforma. Balestrand kommune meiner det kan vera mogeleg å forbetra tenesta. Dette kan gjerast innanfor ramma av framleis kommunalt og lokalt ansvar for skatteinnkrevjinga - og må dessutan sjåast i samanheng med kommunereforma. 4/15 Plan og kostnadsoverslag - Utviding og omtaksering av eigedomsskatt Rådmannen si tilråding: 1. Formannskapet tek plan for arbeidet med utvida eigedomsskatteområde til orientering. 2. Det vert løyvd kr 600.000 frå disposisjonsfond kt. 25600002. Formannskapet kom samla fram til følgjande tilråding: 1. Formannskapet tek plan for arbeidet med taksering til orientering. 2. Arbeidet med taksering blir utsett til 2016. 3. Innføring av utvida eigedomsskatt vert ut i frå dette utsett til 2017, jf. sak 59/13. 1. Formannskapet tek plan for arbeidet med taksering til orientering. 2. Arbeidet med taksering blir utsett til 2016. 3. Innføring av utvida eigedomsskatt vert ut i frå dette utsett til 2017, jf. sak 59/13. Side 7 av 12
5/15 HOVUDPLANAR VATN og AVLØP Hovudplan for vassforsying og hovudplan for avløp vert lagt ut til høyring i samsvar med reglane i plan- og bygningslova. Formannskapet røysta over rådmannen si tilråding. Vedtak: Hovudplan for vassforsying og hovudplan for avløp vert lagt ut til høyring i samsvar med reglane i plan- og bygningslova. 6/15 Dispensasjon frå reguleringsplan Bruksendring frå industri til bustadføremål Balestrand kommune gjev med heimel i Plan og bygningslova 19-2 dispensasjon frå plankravet i kommuneplanen og «Reguleringsplan for Hamnen Storesva» til endring frå industri til bustadføremål på gnr. 10, bnr. 115, Strondi 25. Det vert sett som vilkår for dispensasjonen at området vert opparbeida på ein tiltalande måte mot sjø i samsvar med situasjonsplan. Vedtaket vert grunngjeven med at området i vedteken arealdel av kommuneplan er disponert til bustadføremål, og at omsøkt endring berre omfattar omdisponering og oppgradering av eksisterande bygg. Situasjonsplanen ivaretek også utforming av tomteareala på ein god måte. Formannskapet røysta over rådmannen si tilråding. Side 8 av 12
Vedtak: Balestrand kommune gjev med heimel i Plan og bygningslova 19-2 dispensasjon frå plankravet i kommuneplanen og «Reguleringsplan for Hamnen Storesva» til endring frå industri til bustadføremål på gnr. 10, bnr. 115, Strondi 25. Det vert sett som vilkår for dispensasjonen at området vert opparbeida på ein tiltalande måte mot sjø i samsvar med situasjonsplan. Vedtaket vert grunngjeven med at området i vedteken arealdel av kommuneplan er disponert til bustadføremål, og at omsøkt endring berre omfattar omdisponering og oppgradering av eksisterande bygg. Situasjonsplanen ivaretek også utforming av tomteareala på ein god måte. 7/15 Beredskapsplan for Balestrand kommune - rullering av plan for 2015 Beredskapsplan for Balestrand kommune blir vedteken slik den ligg føre. Rådmannen må saman med kriseleiing vurdere situasjonen for beredskapen i samband med vegstengingane på Fv. 55 Høyangertunnelen, og om naudsynt etablere særskilde tiltak i denne perioden. Formannskapet røysta over rådmannen si tilråding. Vedtak: Beredskapsplan for Balestrand kommune blir vedteken slik den ligg føre. Rådmannen må saman med kriseleiing vurdere situasjonen for beredskapen i samband med vegstengingane på Fv. 55 Høyangertunnelen, og om naudsynt etablere særskilde tiltak i denne perioden. Side 9 av 12
8/15 Kommunedelplan for idrett, friluftsliv og fysisk aktivitet - rullering av handlingsprogram Balestrand kommune vedtek i medhald av Plan og bygningslova 11-2 rullering av handlingsprogram til Kommunedelplan for idrett, friluftsliv og fysisk aktivitet i samsvar med vedlagt framlegg til handlingsprogram 29.01.15. Som det går fram av handlingsprogram er søknadene prioriterte slik: Ordinære anlegg 1. Hittunsfjøra friområde, sanitæranlegg 2. Leirduebane i Esebotn Nærmiljøanlegg 1. Rehabilitering av ballbinge ved Sagatun skule Vedtaket er gjort i medhald av Kommunelova 13, jf. punkt 4.2 i gjeldande Arbeids- og delegeringsreglement for Balestrand kommune. Formannskapet røysta over rådmannen si tilråding. Vedtak: Balestrand kommune vedtek i medhald av Plan og bygningslova 11-2 rullering av handlingsprogram til Kommunedelplan for idrett, friluftsliv og fysisk aktivitet i samsvar med vedlagt framlegg til handlingsprogram 29.01.15. Som det går fram av handlingsprogram er søknadene prioriterte slik: Ordinære anlegg 1. Hittunsfjøra friområde, sanitæranlegg 2. Leirduebane i Esebotn Nærmiljøanlegg 1. Rehabilitering av ballbinge ved Sagatun skule Vedtaket er gjort i medhald av Kommunelova 13, jf. punkt 4.2 i gjeldande Arbeids- og delegeringsreglement for Balestrand kommune. Side 10 av 12
9/15 Kjøp av husvære Rådmannen fullmakt til å inngå avtale om kjøp av inntil to husvære til samla kostnad 5 mill kroner for vidare utleige. Det er ein føresetnad at den kommunale drifta for 2015 ikkje blir belasta, og at investering og drift forsvarleg let seg innarbeide i budsjett og økonomiplan frå 2016. Formannskapet røysta over rådmannen si tilråding. Rådmannen fullmakt til å inngå avtale om kjøp av inntil to husvære til samla kostnad 5 mill kroner for vidare utleige. Det er ein føresetnad at den kommunale drifta for 2015 ikkje blir belasta, og at investering og drift forsvarleg let seg innarbeide i budsjett og økonomiplan frå 2016. 10/15 Årsmelding 2014 for Balestrand kommune sitt næringsfond Årsmelding for 2014 for næringsfondet vert godkjent.. Balestrand kommune vurderer tiltaksapparat, retningsliner for forvaltning av næringsfond og strategi for næringsutvikling til å vere tilfredsstillande i høve til fylkeskommunen sine krav for tildeling av midlar til næringsfond. Formannskapet røysta over rådmannen si tilråding. Vedtak: Årsmelding for 2014 for næringsfondet vert godkjent.. Balestrand kommune vurderer tiltaksapparat, retningsliner for forvaltning av næringsfond og strategi for næringsutvikling til å vere tilfredsstillande i høve til fylkeskommunen sine krav for tildeling av midlar til næringsfond Side 11 av 12
11/15 Skriv og meldingar Møte i formannskapet 12. februar Formannskapet gjekk gjennom referat og meldingar. Følgjande vart drøfta: For journalpost 15/69-1 frå Balestrand Pensjonistlag - Gjeld markering av 70 års - minnet for fredsdagen 8 mai 1945, bad formannskapet om at administrasjonen følgde opp med kontakt og avklaring om samarbeid. Det vart særskild trekt fram eit ynskje om at markeringa om mogeleg burde legge til rette for at personar som sjølv opplevde krigen kunne formidle/fortelje om eigne minne frå denne tida. Det vart ikkje gjort særskilde vedtak. Side 12 av 12