Møteinnkalling for Fondstyret

3692 Sauland Møteinnkalling for Fondstyret Møtedato: 05.12.2011 Møtestad: Kommunehuset Møtetid: Kl. 13:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 28.11.11 Sven Tore Løkslid ordførar Sakliste Sak nr. Saktittel 030/11 GODKJENNING AV MØTEBOK 031/11 DELEGASJONSSAK 032/11 REFERATSAKER 033/11 OPPLEV HJARTDAL - FORPROSJEKT 034/11 HJARTDAL DRIVSTOFF AS - SØKNAD OM STØTTE TIL DRIVSTOFFANLEGG

Styre, råd, utval Møtedato Saknummer Sakshandsamar Fondstyret 05.12.2011 030/11 IL Saksansvarleg: Ingebjørg Landsverk Arkiv: K1-033 Arkivnr.: 11/1884 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Styre, råd, utval Møtedato Saknummer Sakshandsamar Fondstyret 05.12.2011 031/11 IL Saksansvarleg: Ingebjørg Landsverk Arkiv: K1-033 Arkivnr.: 11/1882 DELEGASJONSSAK FFON-014/11 10.11.2011: SØKNAD OM TILSKOT FRÅ NÆRINGSFONDET TIL STUDIETUR TIL EDINBURGH VEDTAK Søknad frå Tuddal Høyfjellshotell As om tilskot til studietur til Edinburgh imøtekomast med kr 10.000. Tilskotet utbetalast frå konto 251 000 58, 1.4700.433.3250 til Tuddal Høyfjellshotell sin konto. Jfr 7 i fondsvedtektene skal søkjaren oversende kommunen ein kortfatta rapport om tiltaket innan 01.12.2011, før tilskotet utbetalast. FFON-016/11 14.11.2011: SØKNAD OM DEKNING AV EGENANDEL - DISTRIKTSBUTIKKER - MERKUR 2011-2012 KOMPETANSEHEVING VEDTAK Søknad frå Butikkutvikling Sør v Roy Michaelsen om kommunal dekning av eigenandel i Merkurprogrammet for Joker Hjartdal innvilgast med kr 3.900. Summen takast frå kontonr. 251 000 58, post 1.4700.433.3250. TILRÅDING Delegasjonssakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Fondstyret 05.12.2011 032/11 IL Saksansvarleg: Ingebjørg Landsverk Arkiv: K1-033 Arkivnr.: 11/1883 REFERATSAKER Nr Dok.ID T Dok.dato Avs./Mott. Tittel 1 11/5866 X 24.11.2011 Rådmannen FONDSTYRET - LØYVINGAR 01.01. - 20.11.2011 TILRÅDING Referatsakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Fondstyret 05.12.2011 033/11 BR Saksansvarleg: Bjørn Rugaas Arkiv: K2-U64, K1- Arkivnr.: 11/1852 OPPLEV HJARTDAL - FORPROSJEKT Dokument i saka: Nr T Dok.dato Avsendar/Mottakar Tittel 1 I 22.11.2011 Hjartdal kommune OPPLEV HJARTDAL - FORPROSJEKT Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter for bruk av næringsfond, Hjartdal kommune Saksgang: Fondstyret vedtek Bakgrunn for saka: Gjennom drøfting med prosjektleiar for Tuddalsprosjektet "Frå bygd til landsby" har kommunen fått moglegheit til å gjere bruk av spisskompetanse for å bidra i arbeid med å styrke reiselivsnæringa i kommunen som heilskap. Jfr gjeldande næringsplan er det behov for å kartlegge potensiale og peike på konkrete tiltak som kan auke attraksjonsverdien i kommunen som reisemål gjennom å utvikle gode attraksjonar og opplevingar som viktige tiltak for å auke verdiskapinga innan sektoren. For å få eit betre grep rundt dette arbeidet kan vi i samarbeid med fleire aktørar bruke ein stipendiat med reiselivsutdanning frå høgskule som får som oppgåve å: - kartlegge potensialet vårt - peike på forbetringspunkt i eksisterande næring - tilrå tiltak både frå kommunen og næringsliv - peike på kostnader, risiko og kunnskapsbehov.

Stipendiaten sitt arbeid vil bli følgd opp frå Høgskulen i Telemark Forprosjektet er tenkt starta opp ved årsskiftet og skal avslutte arbeidet innan 30. juni 2012. Til å finansiere forprosjektet har ein fått med seg Telemark Fylkeskommune og ein privat aktør, og i tillegg vil Tuddalsprosjektet delta økonomisk. Det søkjast om å nytte kr 70.000 frå kommunen sitt næringsfond. Økonomi: Stipendiatstilling 100% i 6 mndr. Kostnader Lønn stipendiat 300.000,- Oppfølging av HiT 50.000,- Totalt 350.000,- Finansiering Telemark fylkeskommune 200.000,- (innvilga) Hjartdal kommune 70.000,- Frå bygd til landsby 70.000,- L&F Eiendom AS 10.000,- (innvilga) Totalt 350.000,- Eigarskap og organisering Ansvar Prosjekteigar: Hjartdal Kommune Oppdragsgjevar: Prosjektet Frå bygd til landsby /Hjartdal kommune Prosjektansvarlig: Rådmannen i Hjartdal kommune Prosjektleiar: Anne Bjørg Haugan Prosjektmedarbeidarar: Stipendiat Vurdering: Tiltaket er innanfor rammene til fondsvedtektene, og oppfyller også behov slik dei som nemnd over er omtala i gjeldande næringsplan. Ein understrekar at dette forprosjektet skal omfatte kommunen som heilskap, noko som sjølvsagt må vere ein føresetnad. Sett frå kommunen sin synsstad vil dette forprosjektet vere av stor verdi ut frå førehandsomtala, og vil bidra til å avklare fleire behov som næringsplanen peikar på. Ein syner til del B, handlingsplanen, der det allereie i innleiinga peikast på utviklingsbehov i høve til delmåla 1, 3, 5 og 6. Ein ser ikkje at kommunen har korkje kompetanse eller kapasitet til å gjennomføre tilsvarande kartlegging med tilhøyrande analyse. Det er heller ikkje grunnlag til å rekne med at næringslivet sjølv vil kunne gjennomføre tilsvarande arbeid på kort sikt. I tillegg ønskjer ein å legge til at ei utvikling av attraktivitet innan reiseliv gjerne også skaper attraktivitet i høve til busetjing. RÅDMANNEN TILRÅR: Hjartdal kommune støttar forprosjektet Opplev Hjartdal med kr 70.000 Summen vert belasta næringsfondet, konto 251 000 58, post 1.2700.433.3250

Styre, råd, utval Møtedato Saknummer Sakshandsamar Fondstyret 05.12.2011 034/11 HH Saksansvarleg: Harald Helliksen Arkiv: K1-223, K1- Arkivnr.: 11/862 HJARTDAL DRIVSTOFF AS - SØKNAD OM STØTTE TIL DRIVSTOFFANLEGG Dokument i saka: Nr T Dok.dato Avsendar/Mottakar Tittel 1 I 28.06.2011 Hjartdal Drivstoff as v/styret Olav Langåsdalen SØKNAD OM STØTTE TIL DRIVSTOFFANLEGG OG KOSTNADSOVERSLAG 2 I 30.10.2011 Hjartdal Drivstoff AS EPOST VEDK ETTERLYSING AV SVAR PÅ TIDLEGARE INNSENDT SØKNAD OM TILSKUDD TIL HJARTDAL DRIVSTOFF AS 4 U 31.10.2011 Hjartdal Drivstoff AS SVAR PÅ E-POST SENDT 31.10.11 VEDK. NÅR SAKA VIL BLI HANDSAMA 5 U 31.10.2011 Hjartdal Drivstoff AS E-POST SENDT 31.10.11 VEDK. TILSKUDD 6 I 31.10.2011 Hjartdal Drivstoff as v/ken Skeie 3 U 31.10.2011 Hjartdal Drivstoff AS SVAR PÅ E-POST SENDT 30.10.11 E-POST 31.10.11 - VEDK. AKSJEKAPITAL FOR DRIVSTOFFANLEGGET Vedlagde dokument: Dokument nr. 1. Aktuelle lover, forskrifter, avtaler m.m.: Hjartdal kommune Vedtekter for bruk av næringsfond. Saksgang: Fondstyret avgjer saka. Bakgrunn for saka: Hjartdal Drivstoff AS søkjer om økonomisk støtte til etablering av fylleanlegg for drivstoff. Dei ynskjer å skaffe seg eit mobilt drivstoffutsal med bensin, diesel og landbruksdiesel og lokalisere

dette til Bruluten ved Eiksenteret. Drivstoffanlegget er organisert som eit AS og er i det vesentlege eigd av bygdefolk, men og opent for andre. Hjartdal Drivstoff skriv at det lenge har vore eit sakn at bygda ikkje har eit slikt anlegg. Dei viser til tunnelprosjektet Gvammen Århus, og at dette vil medføre behov for store mengder drivstoff. Dei ynskjer å etablere anlegget før tunnelarbeidet startar då dette vil sikre betre inntening i den fyrste og mest sårbare tida. Seinare vil anlegget vera til hjelp og støtte for tradisjonelle og nye næringar. Søkjarane meiner at anlegget vil gje eit betre økonomisk grunnlag for daglegvarebutikken. Eiksenteret ser og stor nytte for si drift å ha eit drivstoffanlegg i nærleiken. Til dagleg tilsyn av anlegget vil ein etter avtale nytte Eiksenteret og til teknisk vedlikehald firma med slik autorisasjon. Kostnadsoverslag er lagt ved søknaden, og totalkostnad for anlegget er berekna til kr. 1.608.000 utan mva. der kr. 1.250.000 gjeld sjølve tankanlegget, kr. 158.000 kostnader i samband med plasseringa ved Bruluten (fundamentering for tankanlegget, planering for inn- og utkøyring, tilkopling av strøm og datalinje mv.). Kr. 200.000 gjeld innkjøp av drivstoff til fyrste gongs fylling. Det blir søkt om eit tilskot på kr. 530.640 for å støtte inntil 33% av kostnaden til å gjennomføre tiltaket. Søkjar opplyser at aksjekapitalen pr. 31.10.2011 er kr. 705.000. I tillegg har dei og motteke kr. 115.000 i tilskot frå Merkur for oppstart og etablering av selskapet. Merkur gjev tilsvarande beløp når rekneskapen er godkjend av revisor. Kommunen har undersøkt om tiltaket kan få støtte frå Telemark Utviklingsfond. Dei svarar at dette ikkje er aktuelt. Søkjarane vil leggje serleg til rette for at tyngre kjøretøy skal fylle drivstoff ved anlegget i Gvammen. Det er gjeve løyve til anlegget i forhold til plan- og bygningslova. Vurdering: I følgje 5 i vedtektene for næringsfondet er aktuelle søkjarar næringsdrivande, einskildpersonar eller interessegrupper i kommunen. Søkjar i denne saka må kunne reknast både som næringsdrivande, men og som ei interessegruppe i kommunen. Det går fram av 3 i vedtektene for bruk av næringsfondet at fondsmidlane skal nyttast til tiltak som kan fremje næringslivet i Hjartdal kommune og til kommunale fellestiltak. Det kan løyvast midlar mellom anna til nyinvesteringar i varige driftsmidlar, bygdeutvikling, infrastruktur og stadsutviklingstiltak. Det aktuelle tiltaket er i samsvar med føremåla for bruk av næringsfondet. Under innsatsområde 3 i samfunnsdelen til kommuneplanen levevegar er sett opp som mål å nytte kommunale næringsfond aktivt ved å m.a. prioritere infrastrukturtiltak som skaper størst moglege ringverknader. Strategisk næringsplan har og som mål å utnytte moglegheitene ny tunnel Gvammen-Århus gjev for nyetableringar. Rådmannen ser positivt på etablering av dette fylleanlegget for drivstoff og meiner at tiltaket er positivt i forhold til infrastruktur og for bygde- og stadsutvikling i Gvammen og Nordbygda. Anlegget vil bety redusert transportavstand for mange aktuelle brukarar. Dette vil innebere ein miljøgevinst. Lokalisering til Bruluten ved Eiksenteret synast fornuftig med tanke på det nye tunnelprosjektet, men og for drifta av Eiksenteret.

Eit nytt drivstoffanlegg i Gvammen kan mogleg gje negative effektar for bensinstasjonen i Sauland. Rådmannen antek likevel at det vil vera plass for begge disse anlegga. Tilskot frå næringsfondet til dette anlegget vil vera godt i samsvar med vedtektene for næringsfondet, kommuneplanen og strategisk næringsplan. RÅDMANNEN TILRÅR: Søknad frå Hjartdal Drivstoff AS imøtekomast med kr. 300.000 Tilskotet utbetalast frå konto 1.4700.433.3250 (fond 25100058) etter at kommunen har motteke prosjektrekneskap for gjennomførte tiltak med attestasjon frå rekneskapskontor eller revisor.