Frå styremøte i Bergen 10. og 11. februar 2009. REFERAT Desse møtte: Astrid Westberg, Jorulf Refsnes, Ellen Svarstad, Ingrid Løset. Forfall: Finn Hoff, Widar Skogan. Frå administrasjonen: Frode Alfarnes, Trygve Fredheim. Sak 01/09 Godkjenning av referat frå sist styremøte. Astrid gjekk gjennom det utsendte referatet. Ingen merknad. Sak 02/09 Sakliste til årsmøte. Årsmøte vert halde på Quality Airport Hotell, Gardermoen 1. og 2. april. Dersom det vert god tid kan det vera aktuelt å ha eit tema som kan drøftast. Kven skal ein få til å helsa årsmøte velkomen? Vedtektsendringane må inn som eiga sak i saklista. Ein prøver å få Brita Skallerud, leiar i NB Akershus, til å helsa årsmøte velkomen. Tema: Korleis skapa best mogelege velferds-og beredskapsordningar for bonden? Innleiarar: Harald Milli NB, ein frå Småbrukarlaget, Håkon Grotli, LMD, og ein bonde. Ein legg opp til innleiing, gruppearbeid, og paneldebatt etterpå. Gjester: NB, NBS, LA, BSF, LR, Landbrukets HMS, tidlegare styreleiarar i NLT, styreleiar i LT Akershus. Underhaldning under middagen: Romerike Folkehøgskule, eller/og Trond Nygren. Sakliste: 1 Opning v/astrid Westberg 2 Godkjenning av innkalling og sakliste 3 Val av skrivar og to til å skriva under møteboka 4 Namneopprop, - eventuelle fullmakter 5 Årsmelding for 2008 6 Rekneskap for 2008 7 Vedtektsendringar 8 Tema (Etter vurdering kva tid ein har til disposisjon.) 9 Arbeidsplan for 2009 10 Fastsetjing av kontingent for 2009 11 Budsjett for 2009 12 Val etter vedtektene:
A B C D E F G H I Leiar form 1 år To styremedlemer for 2 år Nestleiar for 1 år Tre nummererte varamedlemer til styret for 1 år. Val av revisor Møteleiar og varamøteleiar til neste årsmøte Ein medlem til valnemnda for 3 år. Ein varamedlem til valnemnda for 1 år Godtgjerdsle til tillitsvalde Sak 03/09 Årsmelding 2008. Forslag til årsmelding vart gjennomgått punkt for punkt. Godkjent med nokre små endringar. Sak 04/09 Rekneskap for 2008. Rekneskapen viser eit driftsoverskot på kr. 956.945,59. I tillegg er det overført kr. 171.243,50 frå opplæringsfondet. Overskot til disponering kr. 1.128.189,09, som vert overført fri eigenkapital for å bidra til utvikling av organisasjonen seinare. Samrøystes godkjent. Sak 05/09 Fastsetjing av kontingent 2009. Innstilling kr. 50,- pr. aktiv kunde/brukar vert uendra. Kontingent av delen som går på omsetning vert også uendra 0,16%. Samrøystes godkjent. Sak 06/09 Arbeidsplan for 2009. Forslag til arbeidsplan vart gjennomgått. Godkjent med små merknader. Prøva å få innspel frå laga i arbeidet med strategiplan. Sak 07/09 Budsjett for 2009. På grunn av stort overskot i 2008 vil forsikringsprisane til laga bli redusert med ca. kr. 300.000,- i 2009. Etter vedtak på årsmøte for 2007 vil budsjettet bli styrka med overføring frå opplæringsfondet med kr. 150.000,-. Budsjettet for 2009 viser såleis eit underskot på kr. 225.500,-. Budsjett for 2009 vart godkjent med eit underskot på kr. 225.500,-.
Sak 08/09 Vedtektsendringar. Fleire lag har fusjonert slik at dekningsområde omfattar meir enn eitt fylke, dette har skapt usikkerhet om talet på utsendingar. Vedtektsendringa slår fast at kvart fylke skal ha minst 2 utsendingar til årsmøte, uavhengig av laga sitt dekningsområde. Endringa vart godkjent. Sak 09/09 Årets avløysar. Det kom inn 5 godt kvalifiserte søknader til årets avløysar. Endringar som styret har vedteke tidlegare fører til at frå neste år vil kvart fylke kåra sin eigen årets avløysar. Fylka sin årets avløysar vil bli invitert, og heidra på haustsamlinga. Årets avløysar for 2008 vert Anne Karin Hofset, Landbrukstjenester i Sør Trøndelag. Astrid ordnar med premie, administrasjonen ordnar diplom og invitasjon til årsmøte. Sak 10/09 Haustsamlingane 2009. Styret har tidlegare drøfta talet på haustsamlingar, og i sak 44/08 vart det vedteke å henta inn laga sine synspunkt. Dette er gjort og det var eit klart fleirtal for to samlingar. Det vert halde to haustsamlingar i 2009. Samlingane vert lokalisert til Stjørdal og Gardermoen. Administrasjonen ordnar det formelle så snart som råd. Sak 11/09 Forsikringstilbod 2009. Frode gjekk gjennom tilbodet frå Gjensidige. Prisane på yrkesskade vert som i fjor + G (5,15%). Tilbodet på dei andre forsikringane er om lag som i fjor. Desse prisane er ikkje endelege, det er bedt om nytt tilbod frå Gjensidige. Samstundes vil Willis undersøkje hjå andre forsikringsselskap om dei er villege å gje tilbod. Sak 12/09 Innspel til jordbruksforhandlingane. NLT sitt innspel er sendt ut til alle avløysarlag, faglaga sine fylkesorgan, faglaga sentralt, LMD/SLF og Næringskomiteen i Stortinget. Alle er samde om innhaldet. Styreleiar og dagleg leiar møter på aktuelle møter sentralt og prøver å få gehør for NLT sine synspunkt. Sak 13/09 Profilering bruk av NLT sin logo. Etter at nokre avløysarlag og forsøksringar har fusjonert er det kome spørsmål om kva logo som skal nyttast. Det er og nokre medlemslag som har eigen logo. Dette kan føra til ulik profilering, og såleis vera skadeleg for fellestanken i avløysarlaga.
Dette er ei viktig sak som bør avklarast. NLT bør stilla krav til bruk av logoen. Administrasjonen utformar klare retningslinjer for bruk av NLT sin logo, og legg desse fram til neste styremøte. Sak 14/09 Strategisk plan. Noverande strategisk plan gjeld til 2010, og tida er inn for å starta arbeidet med utarbeiding av ein ny. Skal planen ha verdi som styringsverktøy framover er det viktig å få inn synspunkt og meiningar frå flest mogeleg. Målet må vera at planen skal brukast av styret i NLT som vegvisar i arbeidet framover. Skal den også kunna brukast av andre, - og i tilfelle av kven? Ein bør innhente utanforståande hjelp i starten, for eksempel Åkvåg, HMR Group. Det bør også vurderast om han skal inviterast til årsmøte. Bør også informera laga, og be om synspunkt og meiningar. Målet må vera at den ferdige planen skal kunna leggast fram på årsmøte for 2009. Sak 15/09 Neste styremøte. Neste styremøte blir i samband med årsmøtet. Styret møter til felles middag om kvelden 31. mars. Styremøte vert 1. april fram til lunsj. Møteleiar og leiar i valnemnda vert kalla inn til dette møtet. Sak 16/09 Orienteringssaker. A. Ikkje offentleg. Sak 17/09 Referatsaker. A. Handtering av dyreverntragediar. Finn Hoff møtte for NLT. Diverre skjer det litt for mange dyretragediar, møtet vart halde for å setje fokus på kva som kan gjerast, og kven som kan gjera noko for å redusera tilfella. Ein av konklusjonane var at koordineringa mellom landbruket og offentlege organ bør bli betre. Det vart presisert at alle som ser, eller har mistanke om at dyremishandling kan skje har rapporteringsplikt. Til kven? Det har i lang tid, og på mange møter blitt diskutert korleis rapportering skal skje, og kven det skal rapporterast til, utan noko resultat. Dei tilsette i avløysarlaga har og rapporteringsplikt, og prosedyre for slik rapportering skal vera ein del av internkontrollen i avløysarlaget. Slik rapportering må handsamast med største varsemd. I avløysarlaga skal rapportering, frå avløysarar og landbruksvikarar, skje direkte til dagleg leiar. Han vurderer saka og avgjer kva som skal skje vidare. B. Møte med Arbeidstilsynet. Liv Lian Kosberg møtte for NLT. Møtet omhandla søknadsprosedyre for utanlandsk arbeidskraft, også frå 3. land. Kva kan gjerast for å redusere behandlingstida. Eventuell allmenngjering av tariffavtale. Samarbeid/koordinering av språkopplæring. Samarbeid mellom avløysarlaga og Arbeidstilsynet, samt ein del andre problemstillingar.
Liv tok opp ein del konkrete eksempel, og etterlyste ein enklare og raskare prosedyre. Det bør og vera mogeleg å få til like prosedyrar og haldningar ved alle kontor, i dag er det stor skilnad. Alle er klar over vanskane på dette området, og det skjer forbetringar, men det kan sjå ut som ein ikkje blir samde om kven som har ansvaret. C. Møte i UDI. Frode og Liv Lian Kosberg møtte for NLT. Møtet omhandla utanlandsk arbeidskraft i landbruket. UDI skal gå over til elektronisk kommunikasjon, målet er at dette skal redusera sakshandsamingstida, og at ein til kvar tid kan gå inn og bli orientert om kor lagt saka er komen. Det er ikkje krav til ID-kort i landbruket. D. Temakonferansen. Astrid og Frode møtte for NLT. Astrid og Frode orienterte frå konferansen. Ikkje alle saker som blir tekne opp er like interessante for NLT. Konferansen er ein stor møteplass for landbruket sine organ, difor er det viktig at NLT er tilstades.