Saksbehandler, innvalgstelefon Magne Nesse, 5557 2335 Vår dato 22.3. 2016 Deres dato 18.3.2016 Vår referanse 2016/3895 461.5 Deres referanse Mongstad Eiendomsselskap AS Storemyra 162 5954 Mongstad Løyve til sprenging/utdjuping og dumping- Mongstadbase sør i Lindås, Mongstad Eiendomsselskap AS Fylkesmannen i Hordaland gjev Mongstad Eiendomsselskap AS løyve til å sprenge/utdjupe ca. 11 000 m 3 faste massar ved Hamneflua, Mongstadbase sør. Føremålet med tiltaket er å auke seglingsdjupna ved planlagt kai. Massane skal nyttast i kaikonstruksjonen. Løyve er gjeve med heimel i forureiningsforskrifta 22-6. Vi viser til søknad frå Multiconsult på vegne av Mongstad Eiendomsselskap AS datert 18. mars 2016. Søknaden Mongstad Eiendomsselskap AS skal etablere ny kai ved Hamneflua på Mongstadbase sør. På innsida av kaia må det utdjupast frå dagens minus åtte meter ned til minus 15 meter for auka seglingsdjupne. Det må sprengjast vekk ca. 11 000 m 3 massar på eit sjøbotnareal på ca. 5 600 m 2. Massane skal nyttast som utfyllingsmassar i kaikonstruksjonen. I tillegg skal det utfyllast med reine tilkjørte massar. Total utfyllingsbehov i kaikonstruksjonen er rekna til 150 000 m 3 og vil dekkja ca. 15 300 m 2 sjøbotn Sprenginga/utdjupinga skal utførast frå sjø, med borerigg og grabb frå lekter. Massane som primært er sprengstein skal flyttast under vatn frå utdjupningsstaden til kaifylling. Tiltaket er planlagt i 2016, med oppstart medio april. Sakshandsaming Vedlagt søknaden var det uttale frå Lindås kommune, Fiskeridirektoratet, Stiftelsen Bergen Sjøfartsmuseum og Bergen og Omland havnevesen. Ingen av uttalene har innvendingar mot tiltaket. Tiltaket er i samsvar med gjeldande reguleringsplan 1. Bergen Sjøfartsmuseum hadde ingen merknader til reguleringsplanen. Lindås kommune gav rammeløyve til tiltaket etter plan og bygningslova i vedtak av 21. februar 2016. Fiskeridirektoratet seier i uttale av 17. mars 2016 at tiltaket ikkje kjem i konflikt med fiskerieller akvakulturinteresser. 1 Reguleringsplan Storhamn Mongstad, vedteken 26. april 2012. Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
Bergen og Omland Havnevesen gav løyve til tiltaket etter havne- og farvannslova i vedtak av 6. februar 2016. Fylkesmannen si grunngjeving All mudring/utdjuping og dumping utført frå skip er forbode med mindre det er gjeve løyve etter forureiningsforskrifta 22-6. Fylkesmannen er mynde etter forskrifta og skal vurdere søknader etter Miljødirektoratets rettleiar M-350/2015 "Handtering av sedimenter". Når forureiningsmynde avgjer om løyve skal gjevast og fastset nødvendige avbøtande tiltak (vilkår), skal det leggjast vekt på ulemper som følgje av forureining ved tiltaket samanlikna med dei fordeler og ulemper som tiltaket vil medføra. Prinsippa i naturmangfaldlova 8 til 12 skal leggjast til grunn som retningslinjer ved utøving av offentlig mynde. Løyver som kan ha innverknad på sjø og ferskvatn skal også vurderast etter vassforskrifta. Tiltak som gjev dårlegare miljøtilstand i ein vassførekomst er ikkje lov med mindre det kan gjevast unntak, jf. vassforskrifta 12. I denne saka legg Fylkesmannen til grunn at det vil vere eit mellombels tiltak og at resipienten vil verta gjenoppretta når påverknaden stansar. Variasjonar i tilstanden til vassførekomstar som følgje av anleggsarbeid kan det gjevast unntak for. Dette følger av rettleiing 2 til vassforskrifta. Det er søkt om utdjuping/mudring av ca. 11 000 m 3 massar, primært steinmassar og litt lausmassar. Massane skal inngå i ein kaikonstruksjon nokre meter frå utdjupningsstaden. Tiltaket er i samsvar med gjeldande reguleringsplan for området. Det er tatt prøver av sjøbotn i området. Prøvane er analyserte for innhald av tungmetall og organiske miljøgifter. Prøvane viser at sedimenta kan karakteriserast som reine. Søk i databasen Artsdatabanken og Naturbase 22. mars 2016 viser at det ikkje er trua artar eller utvalde naturtypar nær tiltaksområdet som kan verte påverka av tiltaket. Det er heller ingen fiskeriinteresser eller akvakultur interesser som er i konflikt med tiltaket. Både forureiningssituasjonen og naturmangfaldet er kartlagt, og kravet i naturmangfaldlova 8 om at saken skal baserast på eksisterande og tilgjengelig kunnskap, er dermed oppfylt. Kunnskapsgrunnlaget for tiltaket vert vurdert som tilstrekkelig, og føre-var prinsippet i 9 i naturmangfaldlova er ivaretatt ved at tiltaket er regulert med vilkår etter forureiningslova. Risikoklasse Ut fra opplysningane gjeve i søknaden set Fylkesmannen tiltaket i risikoklasse 4. Risikoklassen er gradert fra 1 til 4, der 1 er høgast risiko. Risikoklassen angir forventa ressursbruk og gebyrsats ved et eventuelt tilsyn, jf. forureiningsforskrifta 39-6. Gebyr for sakshandsaming Fylkesmannen tar gebyr for arbeid med løyve og kontroll etter forureiningslova. På bakgrunn av dei opplysningane som ble gjeve i søknaden og at Fylkesmannen bruker små ressursar på saka, tek vi gebyr etter sats 4 (lågaste sats), 21 500 kroner, for handsaming av søknaden, jf. 2 Veileder om unntak fra miljømål. Guidance Document No. 20 Technical Report 2009-027 2
forureiningsforskrifta 39-3, jf. 39-4. Faktura vert sendt frå Miljødirektoratet. Sjå forureiningsforskrifta kapittel 39 for å lese meir om sakshandsamingsgebyret. Endring og omgjering De pliktar å unngå unødvendig forureining, jf. forureiningslova 7. Viser det seg at forureiningstilhøva endrar seg, kan Fylkesmannen med heimel i forureiningslova 18, endre vilkåra i løyvet og sette nye vilkår, og om nødvendig trekkje løyvet tilbake. Rett til å klage De har fått løyve til mudring/utdjuping og dumping. Dersom det likevel skulle være noko de ønskjer å klage på, inkludert vedtaket om gebyr, kan de klage til Miljødirektoratet, jf. forvaltningslova 28. Fristen for å klage er tre veker etter at de har motteke dette brevet. Klagen bør vere skriftleg grunngjeven, og skal sendast til Fylkesmannen i Hordaland. Med helsing Stein Byrkjeland assisterande miljøvernsjef Magne Nesse senioringeniør Brevet er godkjent elektronisk og har derfor ingen underskrift. Vedlegg: Løyvet med vilkår Kopi med vedlegg: Lindås kommune Multiconsult Bergen Sjøfartsmuseum Bergen og Omland Havnevesen 3
Løyve til utdjuping/sprenging og dumping Mongstadbase sør for Mongstad Eiendomsselskap AS Fylkesmannen gjev Mongstad Eiendomsselskap AS løyve med heimel i forureiningsforskrifta 22-6. Løyvet er gitt på grunnlag av opplysningar i søknad datert 18. mars 2016. Løyvet gjelder frå dags dato. Dersom de ønskjer endringar utover det som er opplyst i søknaden eller under sakshandsaminga og som kan ha miljømessig betyding, må de på førehand avklare dette skrifteleg med Fylkesmannen. Dersom heile eller vesentlege delar av løyvet ikkje er teke i bruk innan to år skal de sende beskjed til Fylkesmannen. Fylkesmannen vil då vurdere eventuelle endringar i løyvet. Fylkesmannens referanse Løyvenummer Anleggsnummer Risikoklasse 1 2016.0205.T 1263.0126.01 4 Bedriftsdata Bedrift Mongstad Eiendomsselskap AS Postadresse Storemyra 162, 5954 Mongstad Kommune og fylke Lindås, Hordaland Org.nummer 960 186 605 Løyve gjeve: 22. mars 2016 Stein Byrkjeland assisterande miljøvernsjef Magne Nesse senioringeniør Løyvet er godkjent elektronisk og har derfor ingen underskrift 1 Jf. Forureiningsforskrifta kapittel 39 om gebyr til statskassen for Miljødirektoratets arbeid med løyver og kontroll etter forureiningslova
1. Løyvet omfattar 1.1 Omfang Løyvet gjeld: Utdjuping/sprenging av inntil 11 000 m 3 faste massar på åtte meters djup over ca. 5,6 daa sjøbotn ved Hamneflua, Mongstadbase sør. Dumping/plassering av massane i ein utfylling for ny kai like ved utdjupningsstaden. 2. Generelle vilkår 2.1 Grunnlag for løyvet Fylkesmannen legg til grunn at tiltaka skal gjennomførast som nemnt i søknad av 18. mars 2016 med mindre anna er avtalt med Fylkesmannen. Fylkesmannen skal varslast når arbeidet vert sett i gong. 2.2 Ansvar Mongstad Eiendomsselskap AS er ansvarleg for at vilkåra i løyvet vert haldne, og pliktar å sørgje for at dei som skal gjennomføre tiltaka er kjent med dei vilkår som gjeld. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, også støy, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 2.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig trekke løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eitkvart tidspunkt, å stoppe tiltaket. 2.5 Kulturminner i sjø Stiftelsen Bergen Sjøfartsmuseum gjer merksam på at tiltakshavar pliktar å gje melding til museet (marinarkeologi@sjofartsmuseum.no) dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje starte opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. 3. Internkontroll, beredskapsplan og akutt forureining 3.1 Internkontroll Verksemda plikter å ha internkontroll. Internkontrollen skal sikre og dokumentere at verksemda held krava i løyvet, forureiningslova og relevante forskrifter til lova. Verksemda plikter å halde internkontrollen oppdatert. Verksemda plikter alltid å ha oversikt over alle aktiviteter som kan føre til forureining og kunne gjere greie for risiko. På basis av risikoanalyse skal verksemda sette i verk risikoreduserande tiltak.
Verksemda plikter å sjå til at den som til ei kvar tid transporterer og dumper eller på anna måte handterer massar, har internkontrollsystem i tråd med vilkår 3.1. 3.2 Beredskapsplan Verksemda skal utarbeide beredskapsplan for tiltaket. Ved endra forhold skal beredskapsplanen oppdaterast. Beredskapsplanen skal være tilgjengeleg og kjent for dei som utfører arbeid der akutte hendingar, i flg. planen, kan oppstå. 3.2 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike tilfelle på fmhopostmottak@fylkesmannen.no 4. Sprenging/ utdjuping og dumping Utdjuping/sprenging og dumping skal utførast så skånsamt som mogeleg for å redusere partikkelspreiing. Tiltaka skal gjennomførast innafor det arealet som er vist i søknaden. Dersom det oppstår unormale forhold som har eller kan få forureiningsmessige konsekvensar, skal tiltakshavar straks melde frå til Fylkesmannen. 4. Sluttrapport og tilsyn 4.1 Sluttrapport Mongstad Eiendomsselskap AS skal sende rapport til Fylkesmannen innan seks veker etter at tiltaket er gjennomført. Rapporten skal innehalde: Opplysningar om kor store mengder masse som faktisk har blitt mudra/utdjupa og dumpa (i m 3 eller tonn). Oversikt over eventuelle avvik frå løyvet og kva slags korrigerande tiltak som vart sett i verk 4.2 Tilsyn Tiltakseigar plikter å la representantar frå Fylkesmannen føre tilsyn med anlegget når som helst.