Løyve etter forureiningslova til utfyllingar i Hopsvatnet på Askøy

Transkript

1 Sakshandsamar, telefon Silje Tingstad, Vår dato Dykkar dato Vår referanse 2017/ Dykkar referanse Statens Vegvesen - Region Vest Postboks LEIKANGER Løyve etter forureiningslova til utfyllingar i Hopsvatnet på Askøy Statens vegvesen får løyve til å fylle ut inntil m 3 sprengstein ved Strømsnes II og inntil 400 m 3 ved Strømsnes III i Hopsvatnet på Askøy. Føremålet med utfyllinga ved Strømsnes II er å vinne land til oppgradering av vegbanen, mens føremålet med utfyllinga ved Strømsnes III er å beskytte leidningar i vatnet ved bruarbeid. Utfyllingane skal skje bak siltgardiner, og turbiditet og ph skal målast i anleggsperioden. Løyvet er gitt med heimel i forureiningslova 11. Vi viser til søknad frå Cowi AS, på vegne av Statens vegvesen, 27. september 2017, notat om utfylling ved Strømsnes III datert 4. januar 2018 og dei andre dokumenta i saken. Høyring Søknaden har vært kunngjort i avisene Askøyværingen og Bergens Tidende. Søknaden er også sendt på høyring til Askøy kommune og Strømsnes akvakultur. Askøy kommune skriv i si uttale av 27. november 2017 at dei føreset at de følgjer føresegnene i reguleringsplanen, og at de må søkje om eventuelle endringar utover reguleringsplanen. Det er i dag stengsel for anadrom fisk nedstraums/nord for fyllinga ved Strømsnes II. NVE vurderer no å opne stengselet. Kommunen skriv at i eit eventuelt løyve må det sikrast at vandringsmoglegheita for anadrom fisk ikkje vert forringa, slik at vandringa blir mest mogleg naturleg viss stengselet vert fjerna. Kommunen foreslår vidare at det bør setjast krav om spyling av sprengsteinen før utfylling grunna skarpe partiklar i utfyllingsmassane som kan skade gjeller på fisk. Dei sluttar seg elles til tiltaka som er foreslått av Cowi i overvakingsplanen. Cowi har kommentert uttalen på vegne av Statens vegvesen i e-post oversendt 18. januar Cowis fiskebiologar vil synfare lokaliteten og foreslå tiltak for å sikre at vandringsmoglegheita til anadrom fisk ikkje vert forringa. Cowi meiner det er tilstrekkeleg å ha siltgardiner og turbiditetsmålingar for å redusere eller stoppe partikkelflukt frå fyllingane, samt hindre at partiklar går til vassinntaket til smoltanlegget til Strømsnes akvakultur. Dei skriv vidare at hyppige ph-målingar er tilstrekkeleg for å sikre at vasskvaliteten ikkje er til skade for organismar i Hopsvatnet eller smoltanlegget. Dei meiner at vasking av sprengstein ikkje er nødvendig, men at ein må vere Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: Miljøvern- og klimaavdelinga Kontakt: Nettside: Org.nr:

2 nøye med å unngå søl til resipienten ved støype- og betongarbeid. Vidare vil dei rette seg etter overvakingsplanen, og det vil bli laga rutinar for kontroll av siltgardin og overvaking av turbiditet. Askøy kommune skriv i e-post datert 22. januar 2018 at dei oppfattar at utfyllinga ved Strømsnes III går utover det som er detaljert avklart i reguleringsplanen. I så fall må denne utfyllinga bli omsøkt etter plan- og bygningslova. Vi har ikkje fått uttale frå Strømsnes akvakultur. Grunngjeving for løyvet Etter forureiningslova 7 må ingen sette i verk noko som kan medføre forureining utan at det er lovleg etter unntaksreglane i forureiningslova 8 eller tiltaket har løyve etter 11 i lova. Utfylling av steinmassar kan føre til at partiklar frå sjøbotnen, partikkelbunden forureining og steinstøv frå utfyllingsmassane vert spreidd, blakkar vatnet og fører til nedslamming av vassareal i nærleiken. I slike tilfelle er det nødvendig å regulere tiltaket med eit løyve. Det same gjeld i fall der spesielle naturverdiar kan verte råka av tiltaket. Når forureiningsmynde avgjer om dei skal gi løyve og fastset nødvendige vilkår, skal vi leggje vekt på ulempene som følgje av forureining ved tiltaket samanlikna med dei fordelane og ulempene som tiltaket elles vil føre til. Vi skal leggje prinsippa i naturmangfaldlova 8 til 12 til grunn. Askøy kommune skriv i si uttale at naturmangfaldet er vurdert i reguleringsplanen. Søk i databasen Naturbase og Artsdatabanken 21. februar 2018 viser ingen treff av utvalde naturtypar, prioriterte arter eller verneområde i tiltaksområdet. Både forureiningssituasjonen og naturmangfaldet er kartlagt, og kravet i naturmangfaldlova 8 om at saken skal baserast på eksisterande og tilgjengeleg kunnskap, er dermed oppfylt. Kunnskapsgrunnlaget for tiltaket vurderast som tilstrekkeleg, og føre-var prinsippet i 9 i naturmangfaldlova er ivareteke ved at tiltaket er regulert med vilkår etter forureiningslova. Truleg vil det ikkje vere langsiktig negativ effekt av tiltaket for økosystemet, jf. kravet om økosystemtilnærming i naturmangfaldlova 10. Det er Statens vegvesen som er ansvarleg for å gjennomføre avbøtande tiltak, som ut frå ei samla vurdering gir dei beste samfunnsmessige resultata jf. 11 og 12 i naturmangfaldlova. Tiltak som gir dårlegare miljøtilstand i ein vassførekomst er ikkje lov med mindre ein kan gi unntak, jf. vassforskrifta 12. I denne saken legg Fylkesmannen til grunn at det vil være eit midlertidig tiltak og at resipienten blir gjenoppretta når påverknaden er ferdig. Ein kan gi unntak for variasjonar i tilstanden til vassførekomstar som følgje av anleggsarbeid. Dette følger av rettleiing 1 til vassforskrifta. Sedimenta i utfyllingsområdet Strømsnes II består av finkorna sediment, samt skjelsand nærast utløpet til Byfjorden. Det er påvist PAH og PCB i tilstandsklasse II-IV i tillegg til tungmetall i tilstandsklasse I-III. Det er derfor satt vilkår om å dekke til sjøbotnen med ca. 30 cm sand før vidare utfylling av sprengstein, for å redusere spreiing av forureina finstoff ved utfyllinga. 1 Veileder om unntak fra miljømål. Guidance Document No. 20 Technical Report

3 Det er satt vilkår om to siltgardiner utanfor utfyllingsområdet Strømsnes III og ei siltgardin utanfor utfyllingsområdet ved Strømsnes II. Det er foreslått turbiditetsmålingar og målingar av ph. Dette er i samsvar med overvakingsplanen. Det er ikkje sett vilkår om å vaske sprengsteinen før utfylling. Vi meiner at siltgardin og overvaking gjennom turbiditetsmålingar vil hindre skarpe partiklar å spreie seg ut av utfyllingsområdet. Det er også sett vilkår om ph-målingar. I fall det vert fleire overskridingar på ph, føreset vi at de vil gjere tiltak for å unngå for høg ph i den vidare utfyllinga. Då kan spyling av massar vere eit aktuelt tiltak. Strømsnes akvakultur har to inntak i Hopsvatnet for vassforsyning til smoltanlegget sitt ved Askvegen 263. Det er viktig at vasskvaliteten ikkje vert dårlegare ved inntaka, slik at drifta ved smoltanlegget kan halde fram i anleggsperioden. Som følgje av dette står det i overvakingsplanen at det er planlagt å flytte vassinntaket lengre inn i vatnet, slik at det ikkje vert påverka av anleggsarbeidet. Viss turbiditet og ph likevel går over gitte grenseverdiar, må de finne ut om vatnet som blir brukt i smoltanlegget er påverka, i samsvar med prøvetakingsplan gitt i overvakingsprogrammet. Vi føreset at de har jamleg kontakt med Strømsnes akvakultur i anleggsperioden. Fylkesmannen set vilkår om at berre reine steinmassar nyttast, og at desse er eigna til føremålet. De må ha beredskap for å reinske opp plastavfall, dømes skyteleidningar, som kan følgje med steinmassane. Det er god ressursbruk å nytta overskotsmassar frå prosjekt til samfunnsnyttig utfylling. Fylkesmannen meiner derfor ut ifrå ei samla vurdering at de kan få løyve til å fylle ut steinmassane slik det er søkt om. Gebyr for sakshandsaming Fylkesmannen tek gebyr for arbeid med løyve og kontroll etter forureiningslova. På bakgrunn Fylkesmannens ressursbruk i saka, tek vi gebyr etter sats 6, kroner, for handsaming av søknaden, jf. forureiningsforskrifta 39-3 og Faktura vert sendt frå Miljødirektoratet. Sjå forureiningsforskrifta kapittel 39 for å lese meir om sakshandsamingsgebyret. Endring og omgjering De pliktar å unngå unødvendig forureining, jf. forureiningslova 7. Viser det seg at forureiningsforholda endrar seg, kan Fylkesmannen med heimel i forureiningslova 18, endre vilkåra i løyvet og sette nye vilkår, og om nødvendig trekkje løyvet tilbake. Endringar skal være basert på skriftleg sakshandsaming og ei forsvarleg utgreiing av saka. At det er gjeve løyve til forureining, ekskluderer ikkje erstatningsansvar for skade, ulemper eller tap forårsaka av forureining, jf. forureiningslova 56. Rett til å klage De har fått løyve til utfylling. Dersom det likevel skulle være noko de ønskjer å klage på, inkludert vedtaket om gebyrsats, kan de klage til Miljødirektoratet, jf. forvaltningslova 28. Fristen for å klage er tre veker etter at de har fått dette brevet. Klagen bør være skrifteleg grunna, og den skal sendast til Fylkesmannen i Hordaland. 3

4 Med helsing Magne Nesse senioringeniør Silje Tingstad overingeniør Brevet er godkjent elektronisk og har derfor inga underskrift. Kopi til: Askøy kommune Strømsnes Akvakultur Klampavikvegen KLEPPESTØ 4

5 Løyve til utfylling av steinmassar i Hopsvatnet på Askøy Fylkesmannen gir Statens vegvesen løyve til utfylling av steinmassar, med heimel i forureiningslova 11. Løyvet er gitt på grunnlag av opplysningar i søknad om utfylling ved Strømsnes II av 27. september 2017, notat om utfylling ved Strømsnes III datert 4. januar 2018 og opplysningar som kom fram under handsaming av søknaden. Dersom verksemda ønskjer endringar utover det som vart opplyst i søknaden eller under sakshandsaminga og som kan ha miljømessig verknad, må verksemda på førehand avklare dette skriftleg med Fylkesmannen. Dette løyvet er gyldig i fire år frå dags dato. Dersom heile eller vesentlege delar av løyvet ikkje er tatt i bruk innan fire år, skal verksemda gi beskjed til Fylkesmannen. Fylkesmannens referanse Løyvenummer Anleggsnummer T Bedriftsdata Bedrift Statens vegvesen Postadresse Statens vegvesen Region vest, Askedalen 4, 6863 Leikanger Org.nummer / Eigd av / Tiltakets plassering Hopsvatnet, Askøy Løyve gitt: 21. februar 2018 Magne Nesse senioringeniør Silje Tingstad overingeniør Løyvet er godkjent elektronisk og har derfor inga underskrift

6 1. Kva løyvet gjeld 1.1 Omfang Løyvet gjeld utfylling i Hopsvatnet på Askøy: Inntil m 3 sprengstein i eit areal på 360 m 2 ved Strømsnes II, med føremål å vinne nytt land til oppgradering av vegbanen. inntil 400 m 3 pukk i eit areal på 190 m2 ved Strømsnes III, med føremål å beskytte leidningar på sjøbotnen ved bruarbeid. Tiltaka skal gjennomførast i samsvar med gjeldande planar etter plan- og bygningslova. 2. Tidsavgrensing Fylkesmannen skal varslast når arbeidet vert sett i gong. Varselet skal sendast minst ei veke før oppstart med e-post til fmhopostmottak@fylkesmannen.no. 3. Generelle vilkår 3.1 Grunnlag for løyvet Fylkesmannen legg til grunn at tiltaka skal gjennomførast som nemnt i søknad av 27. september 2017 og notat av 4. januar 2018, med mindre anna er avtalt med Fylkesmannen. 3.2 Ansvar Statens vegvesen er ansvarleg for at vilkåra i løyvet vert haldne, og pliktar å sørgje for at dei som skal gjennomføre tiltaka er kjent med dei vilkår som gjeld. 3.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 3.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig kalle løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eit kvart tidspunkt, å stoppe tiltaket. 3.5 Saksbehandling etter anna lovverk Dette løyvet fritek ikkje for handsaming etter anna lovverk som er relevant i saka, for eksempel hamne- og farvasslova, plan- og bygningslova eller kulturminnelova.

7 4. Internkontroll, beredskapsplan og akutt forureining 4.1 Internkontroll Verksemda plikter å ha internkontroll. Internkontrollen skal sikre og dokumentere at verksemda held krava i løyvet, forureiningslova og relevante forskrifter til lova. Verksemda plikter å halde internkontrollen oppdatert. Verksemda plikter alltid å ha oversikt over alle aktivitetar som kan føre til forureining og kunne gjere greie for risiko. På basis av risikoanalyse skal verksemda iverksette risikoreduserande tiltak. Verksemda plikter å sjå til at den som til ein kvar tid transporterer og fyller ut, eller på anna måte handterer massar, har internkontroll i tråd med dette vilkåret. 4.2 Beredskapsplan Verksemda skal utarbeide beredskapsplan for tiltaket. Ved endra tilhøve skal beredskapsplanen oppdaterast. Beredskapsplanen skal være tilgjengeleg og kjent for dei som utfører arbeid der akutte hendingar, i følgje planen, kan oppstå. 4.3 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike fall på fmhopostmottak@fylkesmannen.no 5. Avbøtande tiltak under utfylling 5.1 Kontroll av massar og tiltak mot spreiing av plast Det skal berre nyttast reine steinmassar til utfylling. Det skal utarbeidast rutinar for kontroll av steinmassar før utfylling, og utlegging av massar må gjennomførast på ein slik måte at minst mogleg plast og anna avfall følger med utfyllingsmassane. Verksemda skal gjennomføre tiltak for å hindre spreiing av og fange opp flyteavfall og partiklar. Dette skal beskrivast i overvakingsplanen. 5.2 Utfylling med sand før sprengstein ved Strømsnes II Sjøbotnen i utfyllingsområdet ved Strømsnes II skal dekkast til med eit sandlag på om lag 30 cm før vidare utfylling av sprengstein. 5.3 Siltgardin Det skal nyttast siltgardiner utanfor utfyllingsområda, som vist på kartet og beskrive i Cowis overvakingsplan. Det skal være ei siltgardin utanfor utfyllingsområdet ved Strømsnes II og to siltgardiner utanfor utfyllingsområdet ved Strømsnes III. Siltgardinene skal dekke heile vassøyla og ha feste i botnen. Gardinene tettast mot utfyllingsområdet skal stå så langt utanfor fyllingsfoten at dei vil fange opp eventuell utgliding av sediment framfor fyllinga mens arbeida pågår. Det skal førast jamleg kontroll med at siltgardinene fungerer etter hensikta.

8 Kartet viser foreslått plassering av siltgardiner, ph-målingar og turbiditetsmålinger ved utfyllingane i Hopsvatnet. Strømsnes II er fyllinga skravert med raud til venstre i bildet, mens Strømsnes III er innanfor bruarbeida mellom Holmen og Nyland til høgre i bildet. Kartet er henta frå Cowi sin rapport Overvåkningsplan for Hopsvatnet og Olavika (figur 9). 5.4 Turbiditetsmålingar Det skal plasserast ein turbiditetsmålar ved kvart utfyllingsområde, på utsida av siltgardiner, som skal måle turbiditet i heile anleggsperioden. Målingane skal gjennomførast som kontinuerleg logging som vert knytt til alarmsystem. De skal ta målingane der det er forventa størst spreiing av partiklar, både av omsyn til vassdjupne og geografisk plassering. Planlegging og utføring av turbiditetsmålingar skal skje i samsvar med Norsk Standard 9433:2017 "Turbiditetsovervåking av tiltak i vannforekomster." De skal gjennomføre turbiditetsmålingar som representerer referanseverdi, anten ved referansestasjon i anleggsperioden eller turbiditetslogging i det planlagte anleggsområdet over ei representativ periode før oppstart. Grenseverdien for turbiditet skal ikkje overstige 10 FTU over referanseverdi. Viss turbiditeten overstig grenseverdien i meir enn 20 minutt, skal arbeida straks stansast, årsakene avklarast og nødvendige tiltak gjennomførast. Frekvens for måling, djupne, referanseverdi og plassering av stasjonar skal beskrivast i plan for overvaking, jf. punkt 7.1.

9 5.5 Måling av ph De skal ta jamlege målingar av ph på to stasjonar, utanfor siltgardinene ved utfyllingsområdet Strømsnes III og ved utløpet av Hopsvatnet til Byfjorden. De må tilpasse målefrekvens etter når det er forventa at ph kan auke og etter vassføringa i elva. Ved ph over 8 må anleggsarbeida stansast og de må vurdere om det må gjennomføre tiltak for å unngå ytterlegare auke. 6. Avfall Verksemda plikter, så langt som råd utan urimelege kostnader eller ulemper, å unngå at det vert danna avfall som følgje av tiltaket. Særleg skal innhaldet av skadelege stoff i avfallet reduserast mest mogeleg. Verksemda plikter å sørgje for at alt avfall, også farleg avfall, vert handtert i samsvar med gjeldande regler for dette fastsett i eller i medhald av forureiningslova, spesielt avfallsforskrifta. Brukte siltgardiner og oppsamla flyteavfall skal leverast til godkjent mottak. 7. Overvaking og rapportering til Fylkesmannen 7.1 Plan for overvaking Statens vegvesen skal lage ein plan for overvaking av tiltaket, som skal vere del av verksemdas internkontroll. De skal føre loggbok frå tiltaket. 7.2 Avtale med Strømsnes akvakultur De skal avklare med Strømsnes akvakultur at overvakingsprogrammet er tilstrekkeleg, for å fange opp avvik i vasskvalitet frå vanlege årsvariasjonar. Overvakingsprogrammet må innehalde varslingsrutinar til Strømsnes akvakultur i fall det vert overskridingar. 7.3 Rapport frå sluttkontroll Statens vegvesen skal sende rapport til Fylkesmannen innan seks veker etter at tiltaket er gjennomført. Rapporten skal innehalde opplysningar om: volum massar som faktisk har blitt fylt ut på kvar lokalitet plassering av massane (kart med posisjon og UTM-koordinatar) eventuelle avvik frå løyvet og kva korrigerande tiltak som vart gjennomført ei vurdering av tiltakets miljøpåverknad 8. Tilsyn Statens vegvesen plikter å la representantar for forureiningsmynde føre tilsyn med anlegget når som helst.