Mellombels løyve til mottak, mellomlagring, handsaming og gjenvinning av brukt strøsand for Løvaas Maskin AS

Transkript

1 Sakshandsamar, innvalstelefon Nina Vadøy, Vår dato Dykkar dato Vår referanse 2013/6502 Dykkar referanse Løvaas Maskin AS Barlivn Fyllingsdalen Mellombels løyve til mottak, mellomlagring, handsaming og gjenvinning av brukt strøsand for Løvaas Maskin AS Fylkesmannen gjev Løvaas Maskin AS løyve etter forureiningslova til mottak, mellomlagring, handsaming og gjenvinning av brukt strøsand på inntil tonn. Løyve blir gjeve mellombels fram til 31. desember Løyvet med vilkår følgjer vedlagt. Verksemda er plassert i risikoklasse 4. Vi viser til søknad av 14. mai 2013 om løyve til mottak, mellomlagring, handsaming og gjenvinning av brukt strøsand frå vegar i Bergen kommune etter strøing om vinteren. Fylkesmannen gjev løyve på visse vilkår. Løyvet er gjeve med heimel i forureiningslova 11, jf. 16 og følgjer vedlagt. Fylkesmannen har ved avgjerda vurdert forureininga frå tiltaket opp mot fordelane og ulempene som tiltaket dessutan vil føre til. Ved fastsetjing av vilkåra har Fylkesmannen lagt til grunn kva som er mogleg å oppnå med bruk av beste tilgjengelege teknikkar. Dei utsleppa som vi reknar med har størst verknad på miljøet, har vi regulert gjennom særlege vilkår i løyvet. Vi vil understreke at all forureining frå verksemda isolert sett er uønskt. Sjølv om utsleppa er innanfor dei fastsette utsleppsgrensene, pliktar verksemda å redusere utsleppa så langt dette er mogleg utan urimelege kostnadar. Det same gjeld utslepp av komponentar det ikkje er sett grenser for gjennom særskilde vilkår. Dette løyvet kan seinare endrast i medhald av forureiningslova 18. Endringar skal vere basert på skriftleg sakshandsaming og ei forsvarleg utgreiing av saka. Ein eventuell endringssøknad må derfor liggje føre i god tid før verksemda ønskjer endringa gjennomført. At vi har gjeve løyve til forureininga, fritar ikkje erstatningsansvar for skade, ulemper eller tap som forureininga har ført til, jf. forureiningslova 56. Statens hus Kaigaten 9, 5020 Bergen Telefon: Telefaks: Miljøvern- og klimaavdelinga Postboks 7310, 5020 Bergen Org.nr: E-post: fmhopostmottak@fylkesmannen.no Internett:

2 I tillegg til dei krava som følgjer av løyvet, pliktar verksemda å overhalde forureiningslova, produktkontrollova og forskrifter som er heimla i desse lovene. Nokre av forskriftene er nemnt i løyvet. For informasjon om andre reglar som kan vere aktuelle for verksemda, viser vi til Klima- og forureiningsdirektoratet (Klif) sine heimesider, og Brot på utsleppsløyvet er straffbart etter forureiningslova 78 og 79. Også brot på krav som følgjer direkte av forureiningslova, produktkontrollova og forskrifter, er straffbare. Bakgrunn Løvaas Maskin AS søkjer om løyve til å handsame inntil tonn brukt strøsand per år til gjenbruk. Verksemda ønskjer å gjennomføre dette som eit prøveprosjekt for å byggje opp erfaring og kunnskap vår/sommar 2013, for å sjå om dette er ei mogleg løysing til gjenbruk av strøsand i Bergen kommune. Strøsanden er kosta opp frå vegar i Bergen kommune etter strøing om vinteren. Strøsanden som blir kosta opp blir per i dag levert til ulike mottak med ulike avfallsstoffnummer og interne nummer hos innleigde transportselskap. Strøsand kan vere forureina og forureininga er knytt til finstoffet i sanden. I tillegg inneheld brukt/usortert strøsand ofte ein del lauv/organisk materiale og avfall. To prøver av brukt strøsand som Løvaas Maskin AS har fått analysert for innhald av miljøgifter (tungmetall, PAH og olje) har påvist konsentrasjonar av olje rundt 200 mg/kg (tilstandsklasse 2), men elles vart det ikkje påvist miljøgifter over normverdiane i forureiningsforskrifta. Løvaas Maskin AS søkjer om å sortere strøsanden mekanisk til tre ulike fraksjonar; strøsand mellom 2 og 7 mm som skal til kommunen for gjenbruk, utsortert avfall > 7 mm (dvs. kvistar/lauv/avfall frå kostinga) som skal leverast til godkjent mottak for restavfall, og utsortert finstoff < 2 mm som skal leverast til godkjent mottak med løyve til å ta imot den aktuelle forureiningsgraden. Handsaminga av strøsanden er planlagt utført på eit industriområde som Løvaas Maskin AS no er i ferd med å etablere på Espehaugen 54 ved Flesland i Bergen kommune. Verksemda har allereie teke imot brukt strøsand som er kosta opp våren 2013 og ønskjer å setje i gang handsaming/sortering i starten av juni. Sorteringa/handsaminga av den brukte strøsanden er planlagt utført når det er nok volum på området til å kunne gjennomføre ein effektiv sorteringsprosess. Verksemda skal levere dei utsorterte fraksjonane til godkjente mottak fortløpande. Strøsanden som skal bli brukt om igjen skal leverast til kommunen sitt strøsandlager fortløpande. Verksemda har i første omgang ikkje planlagt vasking av den utsorterte strøsanden. Dersom det viser seg nødvendig etter årets sesong, så vil verksemda vurdere å ta i bruk utstyr for dette på anlegget. Saksgang og grunngjeving Fylkesmannen meiner å ha tilstrekkeleg informasjon for å kunne fatte vedtak i saka. Når forureiningsstyresmaktene avgjer om løyve skal bli gjeve og fastsetje vilkår, skal det leggjast 2

3 vekt på dei forureiningsmessige ulempene ved tiltaket vurdert opp mot dei fordelane og ulempene tiltaket dessutan fører til, jf. forureiningslova 11. Verksemda skal drivast i samsvar med beste tilgjengelege teknikkar, jf. forureiningslova 2 punkt 3. Vurderingstemaet blir supplert av krava i vassforskrifta 4-6 og kravet i naturmangfaldlova 7 om at prinsippa i naturmangfaldlova 8-12 skal leggjast til grunn som retningsliner ved skjønnsutøving etter forureiningslova. Fylkesmannen har vedteke å gje eit mellombels løyve for denne sesongen. Vi vurderer at dette prøveprosjektet er eit positivt tiltak for miljøet. Det er nyttig for å få til gjenbruk av strøsand, noko som også vil føre til at mindre mengder vil bli levert som forureina massar. Anlegget er lokalisert på eit område tilrettelagt for industri, noko som tilseier at denne type aktivitet er høyrt tidlegare. Vi har også vurdert at miljøeffekten av tiltaket er relativt liten og avgrensa til ein kort periode. Løvaas Maskin AS vil prøve handsaminga ut ein sesong for å sjå nytten av det både kostnadsmessig og miljømessig. Tiltaket er sesongbetont og for å få prosjektet i gong for denne sesongen hasta det med å gje løyve. Vi har derfor gjort unntak frå forhandsvarsel, jf. forureiningsforskrifta Dersom Løvaas Maskin AS vil halde fram med handsaminga av brukt strøsand etter prøveperioden er over, må verksemda sende inn ein ny søknad. Fylkesmannen vil då gjennomføre vanleg høyring av saka. I søknaden opplyser verksemda at dei legg tett dekke av asfalt og sikrar kontroll på avrenning av overflatevatn ved å installere sandfangskum og oljeutskiljar. Avløpsvatnet skal gå til kommunalt nett (Flesland reinseanlegg). Ved eventuell framhald av handsaminga vil dei byggje permanente bingar/betongveggar for å optimalisere aktivitetane. Fylkesmannen har sett krav om tett dekke og at eventuelt avløpsvatn med olje frå avrenning, verkstader eller liknande skal reinsast tilfredsstillande i oljeutskiljar eller tilsvarande reinseeining. Vi har også sett krav om at både usortert strøsand og utsortert avfall skal lagrast skjerma for vêr og vind. Tiltaket vil kunne generere støv, spesielt under sorteringsprosessen. Verksemda opplyser at det vil bli brukt dyser til å sprøyte vatn mot området der støvet blir generert. Fylkesmannen har sett krav om at verksemda må utføre tiltak om nødvendig. Verksemda skal følgje eit prøvetakingsprogram for å dokumentere forureiningsgraden i den brukte strøsanden. Prøvetakingsprogrammet skal sendast til Fylkesmannen. Vurdering av resipienten og naturmangfaldet i området Avløpsvatnet frå Løvaas Maskin AS går til Raunefjorden. Den økologiske tilstanden i Raunefjorden er sett til dårleg, medan den kjemiske tilstanden ikkje er definert, jf. Vann-Nett 21. mai Tiltaket vil i hovudsak føre til avrenning av overflatevatn som først skal gå gjennom oljeutskiljar og så skal det reinsast i mekanisk reinseanlegg før utslepp til sjø. I tillegg vil ytterlegare krav i løyvet redusere utslepp til sjø. Vi vurderer dette til å vere eit lite og tidsavgrensa tiltak som ikkje vil ha merkbar forureining på Raunefjorden, og at krava i vassforskrifta ikkje er til hinder for å gje løyve etter forureiningslova. Søk i Naturbase og Artsdatabanken 21. mai 2013 viser at det ikkje er registrert artar eller utvalde naturtypar som er klassifisert som trua eller nært trua i direkte nærleik av tiltaket. Anlegget er lokalisert i eit område som er regulert for industri. Kravet i naturmangfaldlova 8 3

4 om at saka i hovudsak skal baserast på eksisterande og tilgjengeleg kunnskap, er med det oppfylt. Det er ikkje grunn til å tru at tiltaket vil føre til vesentleg skade på naturmangfaldet med dei krava som er sett i løyvet. Tiltaket vil som nemnt ovanfor i hovudsak føre til avrenning av overflatevatn som skal reinsast før utslepp til sjø. I og med at naturmangfald i liten grad blir påverka av tiltaket og det ikkje kan påvisast effektar av tiltak på verdifull natur, legg Fylkesmannen til grunn at det ikkje er nødvendig å gjere vurderingar etter dei andre miljøprinsippa i naturmangfaldlova Løvaas Maskin AS har hatt utkast på løyve til gjennomsyn og har kommentert at ei lagringstid på 14 dagar vil vere for lite. Dei føreslår ei maksimal lagringstid på 4 veker i staden. Fylkesmannen ei einig i denne vurderinga og har endra dette vilkåret i løyvet, jf. vilkår 3.4 Lagringstid. Risikoklasse Verksemda er klassifisert i risikoklasse 4. Fylkesmannen har lagt forureiningspotensialet og eigenskapane til resipienten til grunn for val av risikoklasse. Risikoklassen viser forventa ressursbruk ved tilsyn, jf. forureiningsforskrifta Risikoklassen blir også brukt til å avgjere normalt intervall mellom tilsynsbesøka. Rapportering Fylkesmannen har sett krav om at Løvaas Maskin AS skal rapportere til Fylkesmannen etter årets sesong, jf. vilkår 11.2 i løyvet. Gebyr Fylkesmannen tek sakshandsamingsgebyr for arbeid med utsleppsløyve. Reglane om gebyrinnkrevjing er gjeve i forureiningsforskrifta kapittel 39. Vi har plassert verksemda under gebyrsats 4, jf. forureiningsforskrifta Verksemda skal betale kroner i gebyr for løyvet. Gebyrsatsen er vald basert på ressursbruken Fylkesmannen har brukt for å handsame søknaden. Klima- og forureiningsdirektoratet sender faktura. Rett til å klage De har fått løyve. Dersom det er noko i vedtaket, inkludert gebyrsats, du eller andre vil klage på, kan de klage til Klima- og forureiningsdirektoratet. Klagen kan de sende til Fylkesmannen i Hordaland. Fristen for å klage er tre veker etter at de har fått løyvet. Med visse avgrensingar har partane rett til å sjå dokumenta i saka. Nærare opplysningar om dette kan de få ved førespurnad til Fylkesmannen. Andre opplysningar om sakshandsamingsreglar og andre reglar av verknad for saka vil Fylkesmannen også kunne gje på førespurnad. 4

5 Med helsing Stein Byrkjeland seksjonsleiar Nina Vadøy overingeniør Brevet er godkjent elektronisk og har derfor inga underskrift. Vedlegg: Løyvet med vilkår Kopi til: Løvaas Maskin AS v/ Eirik Løvaas Multiconsult AS v/ Joar Hovda Bergen kommune, Postboks 7700, 5020 Bergen Bergen kommune v /Vann- og avløpsetaten Bergen kommune v/ Grønn etat 5