Rapport frå inspeksjon ved Stena Recycling AS 27. september 2012 Rapportnummer: I.FMHO

Transkript

1 Sakshandsamar, innvalstelefon Nina Vadøy, Vår dato Dykkar dato Vår referanse 2012/11827 Dykkar referanse Stena Recycling AS Avd Bergen Laksevågneset LAKSEVÅG Rapport frå inspeksjon ved Stena Recycling AS 27. september 2012 Rapportnummer: I.FMHO Til stades ved inspeksjonen: Frå verksemda: Frå Fylkesmannen i Hordaland: Dag Rune Eide Hallvard Hageberg Heino Skjold Danielsen Nina Vadøy Ellen Bergland Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 1 avvik innan følgjande tema og 3 merknader under inspeksjonen: Drift og lagring Farleg avfall Avvika og merknadene er nærare omtala frå side 4 og utover i rapporten. Stena Recycling Avd Bergen må sende ei skriftleg stadfesting innan 1. januar 2013 på at avvika er retta. Oppfølginga etter inspeksjonen er nærare omtala på side to. Sissel Storebø e.f. senioringeniør Nina Vadøy overingeniør Rapporten er godkjent elektronisk og har derfor inga underskrift. Kopi til: Bergen kommune Postboks Bergen Statens hus Kaigaten 9, 5020 Bergen Telefon: Telefaks: Miljøvern- og klimaavdelinga Postboks 7310, 5020 Bergen Org.nr: E-post: postmottak@fmho.no Internett:

2 1. Informasjon om verksemda Namn: Stena Recycling AS avd Bergen Anleggsnr.: Besøksadresse: Laksevågneset 3, 5160 Laksevåg Postadresse: Laksevågneset 3, 5160 Laksevåg E-post: Telefon: Kommune: Bergen Organisasjonsnr.: Bransjenr. (NACE-kode): Sortering og bearbeiding av avfall for materialgjenvinning Eigar (org.nr): Løyve sist oppdatert: 1. desember 2010 Kontrollklasse/risikoklasse: 3 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir overhalde. Fylkesmannen i Hordaland har ein lokal tilsynsaksjon med verksemdene som handterer EEavfall. Målet med aksjonen er å kontrollere at verksemdene held krava i konsesjonen og at drifta ikkje fører til uakseptabel forureining. Følgjande hovudtema vart kontrollert: Drift og lagring Kontroll med avfallsstraum Fast dekke og tak Reinseanlegg Farleg avfall Avvikshandtering Risikovurdering 3. Oppfølging etter kontrollen Verksemda plikter snarast å rette opp avvika som er omtala i denne rapporten. For at Fylkesmannen skal kunne avslutte saka, må de innan 1. januar 2013 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 1. januar 2013, vil Fylkesmannen fatte vedtak om tvangsmulkt, jf. forureiningslova 73. Vedtaket om tvangsmulkt må betalast dersom Fylkesmannen ikkje har fått skriftleg stadfesting på at avvika er retta innan fristen. Ei eventuell tvangsmulkt vil vere på kroner. 2

3 Verksemda kan kommentere dette varslet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova Kontrollgebyr Fylkesmannen varsla i e-post 10. september 2012 at Stena Recycling AS Avd Bergen skal betale gebyr for inspeksjonen, jf. forureiningsforskrifta Verksemda er i løyvet plassert i risikoklasse 3 og skal betale kr for den gjennomførte inspeksjonen. Klima- og forureiningsdirektoratet sender faktura. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på jf. offentleglova. 6. Dokumentunderlag forureiningslova avfallsforskrifta kapittel 11 om farleg avfall internkontrollforskrifta utsleppsløyvet av 1. desember 2010 Informasjon om regelverket finn du på og Definisjonar Avvik: brot på krav fastsett i eller i medhald av helse-, miljø- og sikkerheitslovgjevinga (for eksempel brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernmyndigheitene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 3

4 7. Avvik Vi fann følgjande avvik under inspeksjonen: Avvik 1: Verksemda driv ikkje i samsvar med løyvet. Avvik frå: Utsleppsløyvet av 1. desember 2010 punkt 1 og punkt Rammevilkåret om total lagra avfallsmengde i utsleppsløyvet blir brote Verksemda har krav om at total lagra avfallsmengde aldri skal overstige 150 tonn. Vi vart ved tilsyn opplyst om at Stena Recycling AS Avd Bergen hadde 191 tonn total lagra avfallsmengde på tilsynsdagen. Verksemda har ikkje sendt dokumentasjon på økonomisk garanti Verksemda skal stille økonomisk garanti for å sikre at motteke farleg avfall blir forsvarleg handtert og handsama vidare, dersom verksemda legg ned verksemda si eller på annan måte ikkje er i stand til sjølv å handsame avfallet. Verksemda har krav i løyvet om å sende dokumentasjon som viser at den økonomiske garantien er tilfredsstillande. Fylkesmannen har ikkje fått dokumentasjon på dette. 8. Merknader Merknad 1: Fast dekke kan vere kjelde til forureining Ved synfaring observerte vi at verksemda har ein kabeltrommel som stod over eit kar for eventuell avrenning av parafin ute på lagerområdet under tak. Karet var lite samanlikna med trommelen og vi kunne sjå at noko av parafinen gjekk utanfor karet og samla seg i ein dam med vatn/parafin på asfalten ved sidan av (sjå bilde 1). Eit par meter lenger borte var det eit søkk i asfalten ute på lagringsplassen. Her samla det seg ein del vatn og vi kunne også sjå at det var olje/parafin i vatnet. Området er flatt og hella ikkje slik at dette ville gå til sluk tilkopla oljeutskiljar (sjå bilde 2). Vi meiner dette kan vere ei potensiell kjelde for forureining. Merknad 2: Avvikshandsaminga kan bli betre Verksemda opplyste ved tilsyn at dei hadde avvik i året og at desse vart handsama. Ved synfaring observerte vi eit område tildekt med bark for oppsamling av oljesøl. Dette vart ikkje ført som avvik. Kabeltrommelen med avrenning av parafin og søkket i asfalten (sjå merknad 1 over) vart heller ikkje ført som avvik. Verksemda har overskride totalt lagringsvolum som heller ikkje vart ført som avvik. Vi meiner verksemda bør sjå på kva dei definerer som avvik og vurdere om det er fleire tilhøve som bør førast som avvik. 4

5 Merknad 3: Verksemda har ikkje ei samla skriftleg rutine for handsaming av farleg avfall Verksemda har driftsrutinar for dei ulike operasjonane dei utfører. Handsaming av farleg avfall inngår i desse rutinane. Verksemda bør vurdere å ha ei samla skriftleg rutine for farleg avfall der identifisering, handtering, merking og levering av farleg avfall går fram på ein oversiktleg måte. Dette for å sikre rett handsaming av farleg avfall ved sjukdom, ferie og liknande. Merknaden vart gitt på tilsynstidspunktet, men verksemda har seinare sendt inn dokumentasjon på ei samla skriftleg rutine. 9. Andre forhold Verksemda har søkt i brev av 9. desember 2011 om endringar i løyvet. Dei søkjer om å få endra total lagra avfallsmengde til 300 tonn og om mottak og lagring av kasserte bly-, NiCdbatteri og andre batteri. Stena Recycling AS Avd Bergen har krav i utsleppsløyvet om at drifta av anlegget skal skje i samsvar med gjeldande reguleringsavgjerder for området, jf. punkt 1 i utsleppsløyvet. I tillegg må drifta tilpassast eventuell særskild støyforskrift som gjeld for heile Bergen kommune. Arealplan for Laksevåg/Bergenhus Gnr 153 Bnr 1 M.FL., Laksevåg verftsområde, vart endeleg vedteke 18. juni Støygrensene i Miljøverndepartementets planretningslinje T-1442/2012 er gjort bindande for planområdet, jf I tillegg er det føreslått rekkjefølgjekrav ( 3.3), samt krav til utforming av nye fasadar langs Kringsjåvegen ( 5.5.4) for å unngå sjenerande lydrefleksjonar til eksisterande busetnad på vestsida av vegen. I samsvar med støyrapporten er støy frå vegtrafikken dominerande samanlikna med andre støykjelder i området. Berekna støy frå verftet tilfredsstiller alt støygrensene i T-1442/ Bilde Bilde 1: Kabeltrommel som står over eit kar for eventuell avrenning av parafin. Til venstre for kabeltrommelen er ein liten dam av vatn/parafin. Foto: Nina Vadøy. 5

6 Bilde 2: Eit søkk i asfalten der det har samla seg opp vatn med olje/parafin. Foto: Nina Vadøy. 6