Fylkesmannen i Hordaland fann 5 avvik under inspeksjonen innan følgjande tema: handtering av avfall, inkludert farleg avfall internkontroll løyvet

Transkript

1 Saksbehandlar, telefon Nina Vadøy, Vår dato Dykkar dato Vår referanse 2014/8532 Dykkar referanse Lindum AS avd. Odda Postboks Odda Rapport frå inspeksjon ved Lindum AS avd. Odda, Lindenes komposteringsanlegg 7. juni 2017 Rapportnummer: I.FMHO Kontaktpersonar ved inspeksjonen: Frå verksemda: Zeben Putnam, Arnfinn Førsund, Rolf Anders Svendson, Sigrid Hilsen, Martin Eike, Aud Helene Rosenvinge og Marianne Seland Frå Fylkesmannen i Hordaland: Sissel Storebø og Nina Vadøy Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 5 avvik under inspeksjonen innan følgjande tema: handtering av avfall, inkludert farleg avfall internkontroll løyvet Fylkesmannen ser alvorleg på avvik 1 og deler av avvik 2,og praksisen må rettast opp snarast. Gjennomføringa av tiltaka vil bli følgt opp med nytt tilsyn. Avvika og merknadene er nærare omtalt frå side 4 og utover i rapporten. Lindum AS avd. Odda må sende ei skriftleg stadfesting innan 1 veke på at avvik 1 er retta og at verksemda har slutta med sortering av blanda næringsavfall (jf. avvik 2), og innan 1. oktober 2017 på at dei resterande avvika er retta. Oppfølginga etter inspeksjonen er nærare omtalt på side to. Kjell Kvingedal miljøvernsjef Nina Vadøy overingeniør Rapporten er godkjent elektronisk og har derfor inga underskrift. Kopi til: Odda kommune Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: Miljøvern- og klimaavdelinga Kontakt: Nettside: Org.nr:

2 1. Informasjon om verksemda Namn: Lindum AS avd. Odda Lindenes komposteringsanlegg Risikoklasse: 3 Besøksadresse: Lindenes, 5750 Odda Postadresse: Postboks 443, 5751 Odda E-post: post@lindum.no Telefon: Kommune: Odda kommune Organisasjonsnr.: Bransjenr. (NACE-kode): Behandling og disponering av ikkje-farleg avfall Eigar (org.nr.): Løyve sist oppdatert: 30. november 1999 Siste tilsyn: 25. mars Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er eit frekvensbasert tilsyn. Fylkesmannen har nyleg gjennomført andre tilsyn i regionen som har avdekt at Lindum AS avd. Odda har teke imot farleg avfall utan løyve. Dette var ein del av oppfølginga ved tilsynet. Følgjande hovudtema vart kontrollert: internkontroll med vekt på risikovurdering, avvikshandtering og skriftlege rutinar for ytre miljø utslepp til vatn, grunn og luft drift av komposteringsanlegget handtering av avfall, inkludert farleg avfall vidarelevering av avfall løyvet 30. november 1999 eventuelt mottak av anna avfall 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de sende ei skriftleg tilbakemelding med dokumentasjon som viser korleis avvik er retta, gjerne med bildedokumentasjon. Følgjande fristar gjeld: Innsending av dokumentasjon på at avvik 1 er retta og at verksemda har slutta med sortering av blanda næringsavfall (jf. avvik 2) innan 1 veke frå de har motteke denne rapporten. Innsending av dokumentasjon på at dei resterande avvika er retta innan 1. oktober Vi ser alvorleg på avvik nr. 1 og deler av avvik 2 som vart funne under inspeksjonen. Gjennomføringa av tiltaka vil derfor bli følgt opp med nytt tilsyn utanom ordinær tilsynsfrekvens. 2

3 Varsel om tvangsmulkt Dersom vi ikkje får tilbakemelding med dokumentasjon på at avvika er retta innan dei oppgitte fristane vil Fylkesmannen vurdere å fatte vedtak om tvangsmulkt, jf. forureiningslova 73. I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova Kontrollgebyr Fylkesmannen varsla i e-post 5. april 2017 at tilsynet førebels var plassert i gebyrsats 3 og at Lindum AS avd. Odda då vil få eit gebyr på kroner for inspeksjonen, jf. forureiningsforskrifta Vi har brukt meir ressursar på tilsynet og vil få meir oppfølgingsarbeid enn kva som først var førespegla og har derfor valt gebyrsats 2. Det vil seie at Lindum AS avd. Odda vil få eit gebyr på kroner for inspeksjonen. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på jf. offentleglova. 6. Dokumentunderlag forureiningslova forureiningsforskrifta avfallsforskrifta kapittel 11 om farleg avfall internkontrollforskrifta løyvet av 30. november 1999 Informasjon om regelverket finn de på og Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 3

4 7. Avvik Vi fann følgjande avvik under inspeksjonen: Avvik 1: Verksemda handterer farleg avfall utan løyve Avfallsforskrifta 11-6 Løyve til handtering av farleg avfall Den som handterer farleg avfall skal ha løyve frå forureiningsmynde. Handtering omfattar mottak, mellomlagring, handtering og anna disponering av farleg avfall. Lindum AS avd. Odda tek imot og samlar inn impregnert trevirke frå andre næringsverksemder og mellomlagrar dette i om lag 2 månader før vidarelevering til lovleg avfallsanlegg. Lindum AS avd. Odda krev ikkje deklarasjonsskjema ved mottak av impregnert trevirke og deklarerer alt mottatt impregnert trevirke som eige avfall ved vidarelevering til lovleg avfallsanlegg. Verksemda opplyste under tilsynet at dei ikkje tek imot andre typar farleg avfall. Verksemda opplyste at Boliden AS har fått avvik frå Miljødirektoratet for å ha levert farleg avfall til Lindum AS. I tilsynsrapporten til Boliden frå Miljødirektoratet datert 9. mai 2016 står det opplyst at Boliden AS har levert CCA-impregnert trevirke, spillolje og oljeforureina massar til ei verksemd som ikkje har løyve til å ta imot farleg avfall. Det har i ettertid vorte verifisert at avfallsmottakaren var Lindum AS avd. Odda. Fylkesmannen har ført revisjon med Statens vegvesen Region Vest i I avfallsplanen frå Mesta står Lindum AS avd. Odda som eitt av tre avfallsmottak for alle avfallsfraksjonar, inkludert farleg avfall. Vi har også ført tilsyn med Høyer Odda AS og Odda Plast AS som også har oppgitt Lindum AS avd. Odda som avfallsmottakar for farleg avfall. Ingen av verksemdene hadde deklarasjonsskjema som dokumentasjon på at farleg avfall var levert. Avvik 2: Verksemda driv opplagsplass og anlegg for behandling av avfall utan løyve Forureiningslova 29 Krav til anlegg for behandling av avfall Den som driver opplagsplass eller anlegg for behandling av avfall som kan føre til forureining eller virke skjemmande, må ha løyve etter forureiningslova 11. Verksemda leiger ut konteinarar til næringsverksemder og tek imot næringsavfall frå om lag 60 verksemder. Verksemda opplyste at dei tok imot både sorterte avfallsfraksjonar som EE-avfall (inkludert lysstoffrøyr og småbatteri og bilbatteri), skrapjern, trevirke og gateoppsop, og konteinarar med blanda næringsavfall. Dei sorterte avfallsfraksjonane blir samla opp til det er nok til å køyre ut lass. 4

5 Blanda næringsavfall blir tømt på ein platting utandørs utan moglegheit for oppsamling av eventuell avrenning. Verksemda sorterer ut trevirke, metall, murstein og eventuelt EE-avfall og farleg avfall. Verksemda opplyste at det ofte var EE-avfall og farleg avfall i konteinarane med blanda næringsavfall. Avvik 3: Handtering av farleg avfall er ikkje i samsvar med regelverket Avfallsforskrifta 11-5 Forsvarleg oppbevaring mv. av farleg avfall Farleg avfall skal mellomlagrast forsvarleg. Den som tar hand om farleg avfall har ansvar for å treffe nødvendige tiltak slik at farleg avfall ikkje fører til forureining. Farepotensialet til avfallet set krav til lagringsplassen, særleg verna mot ytre påverknad og sikring mot lekkasjar og uvedkomande. Det er også krav til at ein held orden og oversikt over avfallet, ved ryddig og separat plassering og med tydeleg merking av innhaldet. Farleg avfall blir oppbevart i ein konteinar som ikkje har system for oppsamling ved eventuell lekkasje. I konteinaren er nokre av behaldarane ikkje merkt med type farleg avfall. Sjå bilde 1. Avvik 4: Internkontrollen er mangelfull Internkontrollforskrifta 5 punkt 7 Setje i verk rutinar for å avdekke, rette og førebyggje brot på krav Verksemda skal utarbeide rutinar for å avdekke, rette opp og førebyggje overskridingar av krav fastsett i eller i medhald av helse-, miljø- og sikkerheitslovgivinga. Lindum AS avd. Odda informerte om at det ofte var mykje EE-avfall og farleg avfall i konteinarane med blanda næringsavfall som kundane leverte til sortering. Verksemda har ikkje ført avvik på at blanda næringsavfall frå kundane har inneheldt EE-avfall og farleg avfall. Det vart opplyst at kundane fekk melding viss det var feilsortert. Verksemda har ikkje skriftlege rutinar for basiskarakterisering av gateoppsop som blir levert til deponi. Det vart opplyst under tilsynet at det vart gjennomført basiskarakterisering for gateoppsop frå nye kundar før vidarelevering. Vidare vart det opplyst at det ikkje var gjennomført basiskarakterisering av avfallet frå ein stor kunde som Mesta. 5

6 Avvik 5: Verksemda driv ikkje i samsvar med løyvet Løyvet punkt 3.1 og om sikterest Løyvet punkt 7.1 om rapportering Løyvet punkt om ulemper for nærmiljøet Sikterest Sikterest skal lagrast på forsvarleg måte. Sikterest som ikkje kan resirkulerast i prosessen og utsortert avfall skal leverast til godkjent avfallsbehandlingsanlegg. Rapportering Verksemda skal innan 1. mars kvart år sende skriftleg rapport til Fylkesmannen for siste kalenderår. Ulemper for nærmiljøet Komposteringsanlegget skal drivast slik at ulempene for nærmiljøet blir minst mogleg. Sikterest Ved sikting fell sikterest frå komposten rett ned på sluk som fører til slamavskiljar. Sjå bilde 2. Verksemda opplyste at sikteresten blir fjerna frå sluket fortløpande. Rapportering Verksemda leverte årsrapport 6 veker for seint. Ulemper for nærmiljøet Skråsida ned mot sjøen er forsøpla med plastposerestar frå innsamlingsposane av våtorganisk avfall. Verksemda opplyste at det nyleg var rydda opp på området, men under tilsynet var området framleis forsøpla med plastrestar. Sjå bilde 3. Fylkesmannen gav merknad om at skråsida var forsøpla under tilsyn i 2010 og To merknader fører no til at det blir ført som avvik. 8. Merknader Vi har ikkje gitt merknader under tilsynet. 9. Andre forhold Lindum AS avd. Odda har søkt 28. april 2017 om endring av løyve til behandling hos Fylkesmannen. Det er søkt om mellom anna sortering og mellomlagring av næringsavfall, og mottak og mellomlagring av farleg avfall. Vi informerte om at det manglar nokre opplysningar og verksemda har informert om at søknaden vil bli oppdatert. Verksemda kan ikkje ta imot farleg avfall eller sortere blanda næringsavfall før eventuelt løyve er gitt. Ved tilsynet var komposteringsanlegget ikkje i drift og reaktoren var tom. Verksemda oppgraderer no anlegget og det vil vere driftsstopp i om lag 2 månader. 6

7 10. Bilde Fylkesmannen har tatt alle bilda under tilsynet. Bilde 1: Umerka behaldarar med innhald av farleg avfall. Bilde 2: Ved sikting fell sikterest frå komposten rett ned på dette sluket. Bilde 3: Skråsida ned mot sjøen er forsøpla med plastposerestar frå innsamlingsposane av våtorganisk avfall 7