Fylkesmannen i Møre og Romsdal atab

Transkript

1 Fylkesmannen i Møre og Romsdal atab Vår dato /3270/FMMRTHAU/ Saksbehandlar, innvalstelefon Dykkar dato Dykkar ref. Overingeniør Thomas Aurdal, Vår ref. Nordmøre Energiverk AS Pb 2260 Løkkemyra 6503 KRISTIANSUND N Kristiansund kommune - Nordmøre Energiverk AS - Løyve til tiltak på forureina sjøbotn i Nordsundet Fylkesmannen i Møre og Romsdal har ferdigbehandla søknaden til Nordmøre Energiverk AS om løyve til tiltak over forureina sjøbotn ved Nordsundet i Kristiansund kommune. Løyve med vilkår er vedlagt. Løyvet er gyldig frå til Vi varslar at det vil verte vedtatt eit gebyr på kr for behandlinga av søknaden. Vi viser til søknad om løyve til tiltak over forureina sjøbotn ved Nordsundet i Kristiansund kommune datert Vedtak Fylkesmannen i Møre og Romsdal gjev med dette Nordmøre Energiverk AS løyve til tiltak på forureina sjøbotn ved Nordsundet i Kristiansund kommune. Løyvet er gitt med heimel i lov av om vern mot forureining og om avfall (forureiningslova) 11, jf. 16. Fylkesmannen har ved avgjerda av om det skal gjevast løyve eller ikkje, og ved fastsetting av vilkåra, lagt vekt på korleis naturmiljøet i området vil verte belasta av tiltaket, og på fordeler og ulemper som tiltaket elles vil medføre. Det er satt vilkår for løyvet. Løyve med vilkår er vedlagt dette brevet. Løyvet til verksemd etter forureiningslova kan ikkje nyttast før tiltaket også har vorte klarert etter plan- og bygningslova, lov om hamner og farvatn og kulturminnelova. Det kan gjerast endringar i dette løyvet i medhald av forureiningslova 18. Endringane skal vere basert på skriftleg saksbehandling og forsvarleg utreiing av saken. Ein eventuell søknad om endring må difor føreliggje i god tid før endringa ynskjast gjennomført. Dette løyvet til forureinande verksemd gjev ikkje fritak frå erstatningsansvar for skade og ulempe eller tap forårsaka av forureining, jf. forureiningslova 56. Brot på løyva er straffbart etter forureiningslova 78 og 79. Postadresse: Postboks Molde Telefon: E-post: fmmrpostmottak@fylkesmannen.no Web: Org.nr:

2 side 2 av 6 Bakgrunn Nordmøre Energiverk AS ynskjer å fjerne gamle kablar på sjøbotnen i Nordsundet i Kristiansund kommune. Det ligg kablar på både nordsida og sørsida av Nordholmen som er planlagt fjerna, men fjerninga av dei vanskelegast tilgjengelege av kablane på nordsida skal kombinerast med eit planlagt utdjupingstiltak som skal settast i verk ved eit seinare tidspunkt, og difor gjevast det ikkje løyve til fjerning av desse no. Det er to typar kablar som skal fjernast, 11 kv massekablar og 66 kv oljetrykkskablar. Oljetrykkskablane er antatt å vere lette å fjerne utan at det vil medføre uheldig påverknad på dei forureina sedimenta. Massekablane er antatt å vere vanskelegare å fjerne slik at fjerning vil medføre fare for at forureina sediment spreiast og virvlast opp. Eit areal på om lag 350 m 2 på sørsida av Nordholmen vil verte påverka av tiltaket, og sedimenta vil verte påverka ned til eit djup på anslagsvis 0,1 m. Eit mindre areal på nordsida av Nordholmen vil også verte påverka av tiltaket då tiltakshavar ynskjer å fjerne dei lettast tilgjengelege kablane (oljetrykkskablane) der. Vassdjupet i Nordsundet er på 6-9 meter. Sjøbotnen i området består i hovudsak av grus, men med betydelege innslag av sand og skjellsand. COWI AS utførte våren 2015 undersøkingar av sjøbotnen i Nordsundet på oppdrag frå tiltakshavar. Dei fann at sjøbotnen var forureina i betydeleg grad, spesielt med TBT og PAHforbindingar, og viste også til tidlegare undersøkingar med liknande resultat. Resultata frå undersøkingane til COWI er tatt med i Fylkesmannens vurderingar. Høyring og varsling Då tiltaket ved Nordsundet er lite i omfang vart ikkje søknaden lagt ut på høyring, men Kristiansund kommune, Havnevesenet, NTNU vitenskapsmuseet, Fiskeridirektoratet og ein lokal grunneigar vart varsla om tiltaket, enten av tiltakshavar eller av Fylkesmannen, og gitt anledning til å kome med innspel. NTNU vitenskapsmuseet hadde ikkje kjennskap til nokre spesielle verdiar i tiltaksområdet, men minna om kulturminnelovas 14, tredje ledd, som omhandlar varsemd og meldeplikt ved mistanke om, eller funn av, kulturminne i tiltaksområdet under arbeidet. Fiskeridirektoratet opplyste om at det er registrert eit felt for heilårs bruk av aktive reiskap til fisking etter sild om lag 500 meter nordaust for tiltaksområdet. Det er også registrert to viktige plassar for heilårs låssetting for fangst av sild 1,5-2,5 km unna tiltaksområdet. Fiskeridirektoratet ynskjer at det takast omsyn til dette under arbeidet. Dei andre partane som vart varsla hadde ingen innspel. Fylkesmannens vurderingar Ifølgje Lov 13. mars 1981 om vern mot forureining og om avfall (forureiningslova) 7 er det ikkje lov å sette i verk noko som kan medføre fare for forureining. Forureiningsmyndighetene kan gje løyve til verksemd som kan føre til forureining etter 11 i same lov. Fylkesmannen i Møre og Romsdal er av den oppfatning at det det aktuelle tiltaket kan medføre fare for forureining, og at det dermed er behov for eit løyve etter forureiningslova 11. Nordmøre Energiverks tiltak med fjerning av kablar i Nordsundet vil gje påverknad av sedimenta med fare for at forureina sediment virvlast opp og spreiast, og kan dermed samanliknast med eit mindre mudringstiltak. Vi har difor behandla søknaden på lik linje med små mudringstiltak. I forureiningslova 11 opnast det for at forureiningsmyndigheta kan gje

3 side 3 av 6 særskilt løyve til forureinande tiltak. Ved avgjerda av om det skal gjevast løyve eller ikkje, har vi lagt vekt på dei forureiningsmessige ulempene ved tiltaket, og på dei fordelane og ulempene tiltaket elles vil gje, jf. forureiningsloven 11, ledd 5. Tiltaket må også vere klarert etter plan- og bygningslova. I forureiningslova 11, ledd 4, står det følgjande: «Hvis virksomheten vil være i strid med endelige planer etter plan- og bygningsloven, skal forurensningsmyndigheten bare gi tillatelse etter forurensningsloven med samtykke fra planmyndigheten». Myndigheta for plan- og bygningslova er kommunen. Det vart ikkje gitt nokon merknader frå kommunen under høyringsperioden. COWI AS utførte våren 2015 ei undersøking av sjøbotnen i Nordsundet. Nordmøre Energiverk AS var oppdragsgivar. Undersøkinga viste at sjøbotnen er forureina med miljøgifter opp til tilstandsklasse IV og V i Miljødirektoratets klassifiseringssystem for forureina sediment. TBT og PAH-forbindingar er dei miljøgiftene som vart funne i høgast konsentrasjonar, og sedimenta på sørsida av Nordholmen viste seg å være meir forureina enn sedimenta på nordsida. COWI viste også til tidlegare undersøkingar i området der det vart oppdaga høge nivå av ulike miljøgifter. COWI konkluderte med at fjerning av dei vanskelegast tilgjengelege kablane (11 kv-kablane) truleg vil føre til resuspendering av partiklar og spreiing av forureining, og at spreiingsreduserande tiltak difor må vurderast dersom dei skal fjernast. Dei skreiv også at kablane vil forvitre med tida om dei vert liggande på sjøbotnen, og dermed forårsake noko forureining, men at inngrep på sjøbotnen for å fjerne dei truleg vil gje ein større negativ påverknad på miljøet enn å la dei ligge. Det er ikkje gjort økologiske undersøkingar eller faunaundersøkingar i tiltaksområdet i tilknyting til tiltaket. Ein video tatt opp under vatnet langs kabeltraséen viser at sjøbotnen er delvis dekka av tang og tare. Tiltaket har vorte vurdert etter Lov om forvaltning av naturens mangfold (naturmangfaldlova) Vurderinga til Fylkesmannen har tatt utgangspunkt i undersøkingane til COWI AS frå 2015 og i den kunnskapen om naturmangfaldet i området som finnast i miljøvernavdelinga til Fylkesmannen, jf. 8 om kunnskapsgrunnlaget. Fylkesmannen har også brukt tilgjengeleg informasjon i nettbaserte databaser (Natubase, Vann-Nett, Mareano og kartverktøyet til Fiskeridirektoratet). Fylkesmannen meiner difor at den føreliggjande kunnskapen er tilstrekkelig til å behandle søknad om løyve i denne saken, jf. 8 i naturmangfaldlova. I databasen til Miljødirektoratet (Naturbasen) er det ikkje registrert nokon verdifulle naturressursar eller naturtypar i nærleiken til tiltaksområdet. Kartverktøyet på Mareanos nettsider viser at tiltaksområdet ligg like utanfor større registrerte utbreiingsområde for ulike fiskeartar som breiflabb og håbrann, og også sjøkreps, reker og vågekval. I Fiskeridirektoratets kartverktøy er tiltaksområdet registrert som del av eit større haustefelt for tare. Fiskeridirektoratet har også opplyst Fylkesmannen om at det er felt og låssettingsplassar for fangst av sild frå nokre hundre meter til to kilometer unna tiltaksområdet. Då det ikkje er registrert spesielt viktige naturverdiar i sjølve tiltaksområdet, og tiltaksområdet er tilfredsstillande kartlagt med prøvetaking, kan ikkje Fylkesmannen sjå nokon grunn til å gje føre-var-prinsippet særleg vekt i denne saken, jf. 9 i naturmangfaldlova. Tiltaket skal gjennomførast i den austlegaste delen av vassførekomsten med namnet Kristiansund indre hamn, som i Vann-Nett har ei økologisk tilstand satt til «dårlig» og ein

4 side 4 av 6 kjemisk tilstand satt til «oppnår ikke god». Det er høg risiko for at vassførekomsten ikkje oppnår miljømåla for Nye inngrep i ein vassførekomst kan, ifølgje Forskrift om rammer for vannforvaltningen vassforskrifta), normalt ikkje utførast dersom tiltaket vil føre til ein reduksjon av den økologiske statusen til vassførekomsten. Fylkesmannen er av den oppfatning at tiltaket med fjerning av kablar ikkje vil medføre nokon risiko for at den økologiske tilstanden i området vert redusert dersom dei avbøtande tiltaka som vert pålagt vert gjennomført. I følgje 10 i naturmangfaldlova skal ein påverknad på eit økosystem alltid vurderast ut ifrå den samla belastninga som økosystemet vert utsatt for. Fylkesmannen er av den oppfatning at tiltaket alt i alt ikkje vil gje noko betydeleg bidrag til den samla belastninga på naturmangfaldet i området dersom dei vilkåra som følgjer med løyvet vert oppfylt. Etter 11 i naturmangfaldlova skal tiltakshavar dekke kostnadane ved å hindre eller redusere eventuell skade på naturmangfaldet i eit tiltaksområde, dersom dette ikkje vert sett som urimeleg med utgangspunkt i karakteren til tiltaket og den eventuelle skaden. Dette inneber at tiltakshavar kan påleggjast å betale for miljøundersøkingar og kartlegging av naturmangfaldet i tiltaksområdet for å skaffe eit større kunnskapsgrunnlag, og at det kan gjevast pålegg om å sette i verk avbøtande tiltak som skal redusere skadane, eller risikoen for skade, på miljøet. I denne saken finn Fylkesmannen det rimeleg at tiltakshavar får gjennomført og dekka kostnadane av avbøtande tiltak slik dei vert skildra i følgjande avsnitt. Grunnlag for eit slikt pålegg kan også finnast i 12 i naturmangfaldlova der det settast krav til bruk av miljøforsvarlege teknikkar og driftsmetodar for å unngå eller redusere skadar på naturmangfaldet. Avbøtande tiltak ved fjerning av kablar Tiltakshavar vert pålagt å halde turbiditeten i vatnet under oppsikt ved visuell overvaking og stanse arbeidet midlertidig dersom uakseptabelt mykje sediment vert virvla opp som følgje av tiltaket. Det er også viktig at tiltaket utførast under rolege vind- og bølgjeforhold. Konklusjon Fylkesmannen i Møre og Romsdal gjev løyve til tiltak over forureina sjøbotn ved Nordsundet i Kristiansund kommune etter gitte vilkår. På bakgrunn av desse vilkåra meiner Fylkesmannen at tiltaket ikkje vil føre til betydeleg spreiing av forureining eller redusere den biologiske og økologiske funksjonen i området. Løyvet vil vere gyldig frå til Erstatningsansvar Løyvet fritek ikkje for erstatningsansvar for forureiningsskade etter forureiningslova 10 og kapittel 8.

5 side 5 av 6 Klagemoglegheiter Vedtaket kan klagast inn til Miljødirektoratet etter reglane i kapittel VI i forvaltningslova, av partane i saken eller andre med rettsleg klageinteresse innan tre veker etter at avgjerda er mottatt. Eventuell klage skal angje kva det klagast over og den eller dei endringar som ynskjast. Klagen skal grunngjevast, og opplysningar som kan ha innverknad på saken bør vere nemnt. Dersom det blir klaga på vedtaket, kan Fylkesmannen eller Miljødirektoratet etter førespurnad vedta at vedtaket ikkje skal tre i kraft før klagen er endeleg avgjort, jf. 42 i forvaltningslova. Klagen skal sendast via Fylkesmannen. Eventuell klage fører ikkje automatisk til at iverksettinga av vedtaket vert utsatt. Fylkesmannen eller Miljødirektoratet kan etter oppmoding eller av eiga initiativ avgjere at vedtaket ikkje skal settast i gang før klagefristen er ute eller klagen er avgjort. Avgjerda av spørsmålet om igangsetting kan ikkje klagast på. Gebyr Tiltakshavar skal betale eit gebyr på kr for Fylkesmannen i Møre og Romsdal si behandling av søknaden, jf. Forskrift om begrensning av forurensning av kapittel 39 om gebyr til statskassa for arbeid med løyve og kontroll etter forureiningslova. Saksbehandlinga knytt til behandling av søknadar om tiltak over forureina sjøbotn er normalt plassert i gebyrsats 4, jf. forureiningsforskrifta 39-4, men på grunn av dette tiltakets mindre omfang finn vi det rimeligare med eit redusert beløp i forureiningsforskrifta opnar for at slike unntak kan gjerast når det føreligg særleg grunn. Faktura med innbetalingsblankett ettersendast frå Miljødirektoratet. Det kan klagast på storleiken til gebyret innan tre veker. Gebyret skal likevel betalast innan fristen. Dersom klagen får medhald vil det overskytande beløpet bli tilbakebetalt. Klage på storleiken skal føreleggjast Miljødirektoratet, men sendast via Fylkesmannen i Møre og Romsdal. Offentleggjering av løyvet Vedtaket skal gjerast offentleg kjend, jf i forskrift om reduksjon av forureining. Den som har fått løyve, skal så snart som mogleg kunngjere dette i dagspressa. Kunngjeringa skal innehalde ei kort orientering om løyvet, informasjon om kvar ein kan få innsyn i saksdokumenta, og opplysningar om klageinstans og frist for eventuell klage på vedtaket. Kopi av kunngjeringa skal sendast til Fylkesmannen i Møre og Romsdal innan ein månad etter at løyvet er gitt. Eit forslag til kunngjeringstekst er vedlagt. Bedrifta kan gjerne nytte sin eigen logo i kunngjeringa. Fylkesmannens logo skal ikkje nyttast. Fylkesmannen vil også kunngjere vedtaket på sine nettsider under «Forureining» og «kunngjeringar».

6 side 6 av 6 Fristar Løyvet skal kunngjerast i dagspressa så snart som mogleg Det skal gjevast beskjed til Fylkesmannen i Møre og Romsdal når arbeidet startast opp Sluttrapport skal sendast til Fylkesmannen innan 6 veker etter at arbeidet er fullført Løyvet vil vere gyldig frå til Med helsing Anne Melbø (e.f.) fagansvarleg Thomas Aurdal Dokumentet er elektronisk godkjent og har ingen signatur. Vedlegg: 1) Løyve til tiltak på forureina sjøbotn 2) Forslag til kunngjeringstekst Kopi: Kristiansund kommune Postboks KRISTIANSUND N

7 Løyve til tiltak på forureina sjøbotn for Nordmøre Energiverk AS ved Nordsundet i Kristiansund kommune Løyvet er gitt i medhald av lov av om vern mot forureiningar og om avfall (forureiningslova) 11. Det er satt vilkår etter forureiningslova 16. Løyvet til tiltak over forureina sjøbotn kan ikkje nyttast før tiltaket også er klarert etter plan- og bygningslova og etter hamne- og farvasslova. Tiltaket må også vere klarert etter kulturminnelova. Løyvet er gyldig frå til Tiltakshavar må på førehand avklare skriftleg med Fylkesmannen i Møre og Romsdal endringar den ynskjer å foreta i forhold til opplysningar gitt i søknaden eller under sakshandsaminga, som kan ha innverknad på miljøet. Bedriftsdata: Bedrift Nordmøre Energiverk AS Beliggenhet/gateadresse Industriveien 1, 6517 KRISTIANSUND N Postadresse Pb 2260 Løkkemyra, 6503 KRISTIANSUND N Organisasjonsnummer (bedrift) Lokalitet for tiltaket Nordsundet sør og nord for Nordholmen Euref 89, UTM sone 32 for tiltaket nord: øst: Gards- og bruksnummer for tiltaket gnr. 8 bnr. 5 og 478, gnr. 10 bnr. 753 Kommune tiltaket utføres i Kristiansund Saksnummer Anleggsnummer Løyvenummer 2015/ T Løyve gitt: Endringsnummer: - Sist endra: - Anne Melbø fagansvarleg Thomas Aurdal overingeniør Dokumentet er elektronisk godkjent og har ingen signatur.

8 1. Virkeområde for løyvet Løyvet omfattar fjerning av gamle kablar på forureina sjøbotn ved Nordsundet i Kristiansund kommune. Følgjande kablar skal fjernast: 11 kv massekablar og 66 kv oljetrykkskablar på sørsida av Nordholmen, og 66 kv oljetrykkskablar på nordsida av Nordholmen. Eit areal på om lag 350 m 2 på sørsida av Nordholmen vil verte påverka av tiltaket, og sedimenta vil verte påverka ned til eit djup på anslagsvis 0,1 m. Eit mindre areal på nordsida av Nordholmen vil også verte påverka. Kablane er planlagt spola inn og løfta opp frå båt, eller snørt inn frå land der det er mogleg. Tiltaket er planlagt gjennomført i perioden august til november Generelle vilkår 2.1 Tiltaket må gjennomførast som angitt i søknaden datert dersom ikkje noko anna går fram av løyvet eller andre vedtak, eller på annan måte er avklart med Fylkesmannen i Møre og Romsdal. 2.2 Vilkåra til forureiningsmyndigheta skal ikkje vere til hinder for at andre myndigheter kan stille krav med heimel i anna lovgiving. 2.3 Tiltakshavar er ansvarleg for at vilkåra i løyvet vert overhaldt. Tiltakshavar plikter å orientere dei som skal gjennomføre tiltaket om dei vilkår som gjeld, samt dei restriksjonane som er lagt på arbeidet. 2.4 Forureiningsmyndigheta, eller den dei gjer myndighet, skal til ei kvar tid kunne kome inn på området for inspeksjon. 2.5 Fylkesmannen kan oppheve eller endre vilkåra i løyvet, sette nye vilkår, og om dersom det er naudsynt trekke tilbake løyvet, dersom vilkår gitt etter forureiningslova 18 er til stades. Fylkesmannen har på same grunnlag rett til, på eit kvart tidspunkt, å stoppe arbeidet. 2.6 Dersom det viser seg at dei miljøbeskyttande tiltaka som vert skildra i løyvet ikkje har den tilsikta effekten, kan den ansvarlege med ein gong verte pålagt å sette i gang ytterlegare tiltak. 2.7 Ved mistanke om eventuelle funn av kulturminne undervegs i arbeidet skal arbeidet stansast og NTNU vitenskapsmuseet kontaktast. 2.8 Fylkesmannen skal gjevast beskjed når arbeidet med fjerning av kablar startast opp.

9 3. Internkontroll, beredskap og varsling 3.1 Tiltakshavar skal utan opphald varsle Fylkesmannen om alle unormale forhold som har, eller kan få innverknad på forureiningssituasjonen. 3.2 Tiltakshavar plikter å ha eit oppdatert internkontrollsystem, jf. forskrift om systematisk helse-, miljø- og tryggleiksarbeid i verksemder (internkontrollforskrifta) av 6. desember Internkontrollen skal mellom anna sikre og dokumentere at verksemda overheld krava i løyvet, forureiningslova, produktkontrollova og relevante forskrift til desse lovene. 3.3 Tiltakshavar plikter å gjennomføre tiltak for å unngå, eventuelt redusere, risikoen for akutte utslipp frå all verksemd knytt til dette tiltaket. Slike tiltak skal vere basert på ein systematisk gjennomgang av alle element i tiltaksaktiviteten. 3.4 Den ansvarlege skal ha ein nødvendig beredskap for å hindre, oppdage, stanse, fjerne og redusere verknaden av akutt forureining for all verksemd, jf. forureiningslova 40. Beredskapen til den ansvarlege skal stå i et rimeleg forhold til sannsynet for akutt forureining og omfanget av skadane og ulempene som kan inntreffe. Beredskapsplikten omfattar også utstyr og kompetanse til å fjerne og redusere verknaden av ei eventuell forureining. 3.5 Ved akutt forureining eller fare for akutt forureining som følgje av verksemda, skal den ansvarlege varsle i tråd med forskrift av om varsling av akutt forurensning eller fare for akutt forurensning. Melding om akutt forureining gjerast til brannvesenet, telefon: 110. Kystverket har 24 timer med vaktberedskap (telefon 07847) og får meldingar frå brannvesenet om akutt forureining 4. Fjerning av kablar på forureina sjøbotn 4.1 Fylkesmannen skal varslast når arbeidet startast opp. 4.2 Tiltaket skal utførast i tråd med avgrensa område som vist i kartvedlegget til søknaden. 4.3 Dersom oljetrykkskablane (66 kv) på nordsida av Nordholmen viser seg å vere vanskelegare å fjerne enn antatt, slik at fjerning vil medføre auka risiko for at det virvlast opp forureina sediment, må tiltakshavar kontakte Fylkesmannen. 4.4 Det skal nyttast metodar for fjerning av kablar som minimerer faren for spreiing av forureining. 4.5 Det må sørgjast for at turbiditeten i vatnet ikkje vert uakseptabelt høg under tiltaket, og at sediment som vert virvla opp ikkje spreiast i nemneverdig grad. Dersom turbiditeten vert uakseptabelt høg, skal det settast i verk tiltak for å avklare

10 årsakssamanhengen. Dersom overskridinga skyldast interne forhold, skal arbeidet stansast med ein gong og nødvendige tiltak gjennomførast for å få kontroll på turbiditeten igjen. Prosessen kan ikkje startast opp igjen før turbiditeten er nede på stabile nivå. Rutinar og eventuelle tiltak skal skildrast i internkontrollen. 4.6 Tiltaket skal utførast under rolege vind- og bølgjeforhold slik at ein unngår uheldig spreiing av partiklar. 4.7 Tiltakshavar skal forsøke å leggje anleggsarbeidet utanom sumarsesongen (perioden frå 15. mai til 15. september) så sant dette er praktisk mogleg. 5. Kontroll og overvaking 5.1 Under anleggsperioden skal turbiditeten i vatnet kontinuerlig haldast under oppsikt. Visuell overvaking er tilstrekkeleg. 5.2 Det skal gjennomførst kontroll og overvaking av tiltaksarbeidet i tråd med eit enkelt kontrollprogram. Kontrollprogrammet skal inngå i verksemdas internkontrollsystem. Programmet skal vere omfattande nok til å avdekke eventuell uakseptabel spreiing av forureining i tilknyting til tiltaket. 5.3 Det skal førast logg over resultat frå overvakinga. Loggen skal innehalde eventuelle hendingar med uakseptabelt mykje oppvirvling, og korrigerande tiltak. Loggen skal vere tilgjengeleg ved eventuelle tilsyn. 6. Rapportering 6.1 Utførte målingar av kjemisk tilstand i sedimenta skal registrerast på vannmiljo.no. Data skal leverast på Vannmiljøs importformat som kan finnast på Her er det også ein oversikt over kva parameter som skal rapporterast, og generell rettleiing. Importskjemaet skal knytast til brukaren Mattis Mikkelsen. 6.2 Det skal sendast sluttrapport til Fylkesmannen innan 6 veker etter at anleggsarbeidet er avslutta. Rapporten skal innehalde: - Ei kort skildring av tiltaket og utført arbeid - Eventuelle hendingar med uakseptabelt mykje oppvirvling, og korrigerande tiltak - Ei skildring av avbøtande tiltak som er gjennomført for å hindre uheldig innverknad på miljøet under kabelfjerninga - Ei skildring av utstyret som vart nytta under tiltaket, og ei oppsummering av dei erfaringane som vart gjort under arbeidet - Utfylt rapporteringsskjema.

11 Løyve til tiltak over forureina sjøbotn i Kristiansund kommune Nordmøre Energiverk AS har fått løyve etter forureiningslova til fjerning av gamle kablar på sjøbotnen i Nordsundet i Kristiansund kommune. Fjerninga av kablane vil medføre risiko for at forureina sediment vil virvlast opp og spreiast, og difor har tiltakshavar vorte pålagt enkle avbøtande tiltak under arbeidet. Løyvet vil vere gyldig frå til Vedtaket er kunngjort, og kan lesast i sin heilhet, på nettsidene til Fylkesmannen, under «Forureining» og «kunngjeringar».