saksframlegg Dato: Referanse: Vår saksbehandlar: 10.04.2014 24329/2014 Berit Brudeseth Saksnr Utval Møtedato Utdanningsutvalet 08.05.2014 Alternativt opplæringstilbod i Møre og Romsdal Bakgrunn I referatsak 4/13 om «Evaluering av igangsette alternative tilbod for elevar med store motivasjonsvanskar», vidare arbeid mot eit heilskapeleg og optimalt tilbod i Møre og Romsdal, ba utdanningsutvalet om at Broen og Sigurd-prosjektet vart vidareført fram til sak om alternative tilbod for elevar med store motivasjonsvanskar er behandla i Utdanningsutvalet. Det betyr i første omgang vidareføring i skoleåret 2013/14. I sak T- 73/13 om økonomiplanen vart det vedteke å sette av kr. 750 000,- i 2014 til vidareføring av Broen. I sak T- 69/13 om gjennomføring vidaregåande opplæring vart det m.a. vedteke at utdanningsavdelinga i samarbeid med lokale aktørar skal utarbeide ein plan for konkrete tiltak. Dette skal leggast fram som eiga sak for Utdanningsutvalet i løpet av våren 2014. Fylkestinget ser på Oppfølgingstenesta som ein viktig faktor i arbeidet mot fråfall, og ber om at denne vert styrkt både når det gjeld økonomi og verktøykasse. Dei seinare åra har det vore fokusert mykje på fråfall i vidaregåande opplæring, med Ny GIV overgangsprosjekt og oppfølgingsprosjekt som tunge satsingar. I tillegg er det ei elevgruppe som skolen ikkje treff verken med ordinær skolekvardag eller Ny GIV satsing, ei utfordring som ein må finne ei god og haldbar løysing for. I motsett fall står ei elevgruppe i stor fare for å falle heilt ut av skolen, med dei negative konsekvensane dette kan få for dei sjølve, både sosialt og økonomisk. I sak RS 4/13 frå Utdanningsutvalet vart administrasjonen bedt om å utrede og prøve ut tiltak for elevgruppa. Ny GIV og Utdanningsavdelinga v. Oppfølgingstenesta har lenge arbeidd med å finne gode tiltak for denne elevgruppa, og har, gjennom studiebesøk til Arbeidsinstituttet i Drammen, Fjølsmidjan på Island, Produksjonsskolen i Danmark og Produksjonsskolen i Hordaland, hausta erfaringar om kva tilbod elevar med store motivasjonsvanskar får. Dei fleste har prioritert å leggje tilbodet fysisk utanom dei vidaregåande skolane. Dette fordrar leige av lokale, med plass til aktivitetar innan t.d mekanikk, elektroaktivitetar og formgjeving, i tillegg til kantine og fellesrom. Totalt sett vil dette ha store økonomiske utfordringar. Ved produksjonsskolen i Bergen har ein det
første året budsjettert med totalt 10 millionar kroner, medan budsjettet seinare er lagt til 7 millionar kroner pr. år. Arbeidsinstituttet i Drammen er nasjonalt kjent for gode resultat og har same innhald som tiltaka i Møre og Romsdal, men har eit mykje større omfang og er meir ressurskrevjande. Buskerud Fylkeskommune har eit budsjett på 28 millionar i året for dette tiltaket. Når det gjeld produksjonsskulen i Danmark, har dei eit anna vidaregåande opplæringssystem som gjer at dei som ikkje er klar til den ordinære vidaregåande opplæringa må inn i eit opplæringsår som gjer dei klar til opplæring. Då blir blant anna det «11 året» og produksjonskolen alternativ for desse ungdommane. I arbeidet med saka har vi prioritert å legge til rette for tilbod som kan femne alle regionane i fylket (Romsdal, Nordmøre, søre Sunnmøre og nordre Sunnmøre). Eksisterande tilbod for målgruppa i Møre og Romsdal: I UNG: Eit samarbeid med arbeidsmarknadsbedrifta Astero i Molde og NAV. I UNG gir tilbod til OT-ungdom frå Romsdalskommunane. Tilbodet har lokale i Astero i Molde, som og har ansvaret for opplegget kring deltakarane. Målet for deltakarane vil anten vere å kome tilbake til skolen eller komme ut i arbeid. Inntaket skjer gjennom heile året, med utgangspunkt i sluttrutinar utarbeidd av OT tenesta i utdanningsavdelinga. Tiltaket har no vore i gang sidan september 2013, og har vore nesten fulltaleg (15 ungdommar) frå start. Innhald i tiltaket: Oppstart, gruppeaktivitetar, undervisning og rettleiingssamtalar. Intern arbeidspraksis. Individuelle personlege vegkart (visuell form for handlingsplan). Ekstern arbeidspraksis.
I UNG - modell Profesjoner: Psykologer, Politi, Fysioterapauter, Ambulanse, Kultur og språk, Coach/veiledere, Sykepleiere, Ergoterapauter, Fagarbeidere og arbeidsledere, Pedagoger, Sosionomer, Vernepleiere, etc. Rettsungdomm ar Ulike årsakar for tilmeling til I UNG Rus Motivasjon Levevanar Trening Personlig økonomi Skole,kurs,oppl æring Ekstern/intern Arbeidstrening Arbeidslivs- Kunnskap Jobbsøkerprosess Utdanning Arbeid praksisplass Forsterka oppfølging behandling Avklaring Oppkvalifise ring og livsmest -ring Vegen vidare Livsmestrin g og til rettelegging Jobb skole Positiv psykologi Karriereveiledning Nettverk Frå hausten 2014 blir I UNG forska på. Astero har søkt midlar v/ Regionalt Forskingsfond Midt Norge og fått 2.1 millionar til prosjektet (prosjektnr. 235208). Tittel på prosjektet er «I UNG Alternativ opplæring for ungdom i vidaregåande skulealder». Prosjektansvarleg er Astero AS, Molde v/ adm. dir. Per Olav Myrstad. Gjennom prosjektet skal Møreforsking Molde ( Kari Elisabeth Bachmann) finne ut og dokumentere kva tiltak som fungerer og kva langtidseffekten er. Forskingsprosjektet skal gå over tre år. Eit viktig formål med følgeforsking er å sørge for systematisk kunnskapsoppbygging om gjennomføring, resultat og nytteverdi. (sjå vedlagt rapport I UNG)
Broen: Ålesund kommune har i snart 5 år drifta Broen som tilbod til ungdom mellom 16 og 20 som av ulike grunnar ikkje har skoleplass eller ordinært arbeid og som heller ikkje responderer på ordinære tiltak. Broen er eit samarbeid mellom ulike forvaltningsorgan (Nav, Kommune og fylkeskommunen). Skoleåret 2012/13 var 19 ungdommar inne på Broen. Broen har til no kun hatt plassar til ungdom frå Ålesund kommune, mens dei andre kommunane i nordre Sunnmøre måtte kjøpe plassar. Etter at Fylkestinget vedtok ei støtte på kr. 750 000,- i 2104, har Ålesund kommune åpna for ungdom i alle kommunane på nordre - Sunnmøre utanom Stranda og Nordal utan å ta betalt. Innhald i tiltaket: Kartlegging og rettleiing, intensivkurs. Undervisning i forhold til skolefag, emner. Arbeidspraksis (sjå vedlagt rapport Broen) Vurdering: I Møre og Romsdal har det dei siste åra vore gjennomført forsøk med alternative opplæringsløp. Prosjekta har vore sårt tiltrengt og nødvendige for den aktuelle målgruppa. Ikkje alle kommunane har vore med i prosjekta, noko som har vore uheldig for dei som har stått utanfor. I UNG og Broen, saman med dei andre tiltaka vi har hausta erfaringar frå, har gitt oss eit godt grunnlag til å etablere eit bærekraftig alternativt opplæringsløp for målgruppa i heile fylkeskommunen. Ungdommar i alternative opplæringsløp er like forskjellig som ungdommar i den ordinære opplæringa vår. Det krev ei tilrettelegging på lik linje med det ordinære utdanningssystemet vårt. Ved å samarbeide med arbeidsmarknadsbedriftene, kommunane og NAV i fylket, som blir gjort i tiltaket I UNG, sikrar ein den breie og gode kompetansen som krevst for målgruppa. Hovedmål for tiltaket er at ungdom i målgruppa fullfører vidaregåande opplæring, anna alternativt opplæringsløp eller får seg lønna arbeid etter å ha delteke på I UNG. Administrasjonen ønskjer å utvide tiltaket til dei tre andre regionane. Då vil arbeidsmarknadsbedriftene Varde (Kristiansund), Brisk (Ålesund) og Furene (Volda) vere samarbeidspartnarar. Møre og Romsdal Fylkeskommune, Buskerud Fylkeskommune og Finnmark Fylkeskommune er i dialog om å løfte behovet for alternativ opplæring til eit nasjonalt nivå og vil forsøke å få til pilotar i desse tre fylkeskommunane som eit nasjonalt prosjekt. Møre og Romsdal fylkeskommune har i I UNG eit godt utgangspunkt i å etablere ein slik pilot i fylkeskommunen.
Økonomi: Tilsvarande 1 ressurs a 750 000,- for kvar av dei fire regionane kopla til iverksetting og drift av modellen. I 2014 er det sett av midlar til Broen prosjektet, elles er det ikkje sett av midlar til tiltaket i 2015. Skal ein gjennomføre tiltaket må ein difor gjere prioriteringar som kan frigjere økonomiske ressursar. Forslag til vedtak: Utdanningsutvalet tek saka til vitande. Ottar Brage Guttelvik fylkesrådmann Sverre Hollen fylkesutdanningssjef Vedlegg 1 Statusrapport I UNG 2 Rapport Broen