Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam formannskap 16.02.2010 010/10 MGAK Kvam heradsstyre 09.03.2010 020/10 MGAK Avgjerd av: Saksh.: Mali Grete N. Aksnes Arkiv: N-211 Objekt: Arkivsaknr 10/225 Utegruppe /naturavdeling ved Tolomarka barnehage og Sjydnahaugen barnehage. Samandrag: Tolomarka barnehage og Sjydnahaugen barnehage har i mange år drive ei av avdelingane sine som utegruppe/ Ved Tolomarka barnehage vart utegruppa lagt ned i samband med at tal avdelingar vart redusert i samband med etablering av privat barnehageaktør oppretta Sandven FUS barnehage. Sjydnahaugen barnehage har og hatt tilbod om naturavdeling i fleire år. Denne har vore organisert på ulike måtar i høve etterspørsel og kva som har vore gjennomførbart bygningsmessig. Naturavdelinga er planlagt vidareført ved ombygging av garasjebygget på Bjørketeigen. Foreldra i Tolomarka har etterspurt ei vidareføring av tilbodet, og i inneverande barnehageår har Tolomarka barnehage drive ei slik avdeling i ei anna form enn før som ei prøvedrift. Tolomarka barnehage søkjer no om å få driva ei slik utegruppe fast. Ordninga med utegrupper/naturavdelingar krev at barnehagen må ha ei litt anna bemanning. Desse to barnehagane har vald ulike løysingar. Ved Sjydnahaugen har gruppa inneverande år 16 born, men ved samanslåing av barnehagesonene Norheimsund og Øystese kan tal born i naturavdelinga reduserast til 12 born. Ekstrautgift her vil bli om lag kr. 50 000,- pr. år. I Tolomarka må den eine assistentstillinga omgjerast til stilling som pedagogisk leiar for å imøtekoma barnehagelova sine krav til pedagogisk bemanning. Ei slik omgjering av stillingstype vil kosta kr. 63.000,- meir pr.år enn ordinær drift. Rådmannen sitt framlegg til vedtak: Kvam heradstyre vedtek at Tolomarka barnehage ikkje får starta opp med utegruppe. Kvam heradsstyre vedtak at Sjydnahaugen barnehage må leggja ned naturavdelinga. Bruken av garasjen på Bjørketeigen må vurderast brukt annleis enn planlagt i ombyggjinga av Bjørketeigen for å romma Sjydnahaugen barnehage inklusive dei mellombelse lokalitetane.
16.02.2010 Kvam formannskap Framlegg til vedtak Even Øyri, Ap: Røysting: Even Øyri, Ap sitt framlegg til vedtak vart samrøystes vedteke med 9 røyster Saksordførar: Even Øyri, Ap FSK-010/10 Vedtak: 09.03.2010 Kvam heradsstyre Svein Rune Stakseng, Ap ba heradsstyret behandle om han er ugild i saka. Representanten gjekk i frå under behandling av gildskapen og heradsstyret behandla gildskapsaka med 26 representantar. Framlegg til vedtak vedr. gildskap til Svein Rune Stakseng, Ap frå Hallvard Totland, V: Svein Rune Stakseng, Ap er gild i saka Røysting: Framlegget vart samrøystes vedteke med 26 røyster Vedtak: Representanten Svein Rune Stakseng, Ap er gild i saka Heradsstyret fortsette behandlinga av saka med 27 representantar. Framlegg til vedtak frå FSK framlagt av Even Øyri, Ap: Tilråding frå FSK Framlegg til vedtak frå Reidar Tolo, U: Rådmannen sitt framlegg til vedtak Røysting vedr. tilråding frå FSK: Framlegg til vedtak fekk 26 røyster og vart vedteke Røysting vedr. framlegg frå Reidar Tolo, U: Framlegg til vedtak fekk 1 røyst og fall mot 26 røyster
HST-020/10 Vedtak: Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket. http://www.kvam.no/innsyn5/wfinnsyn.aspx?response=journalpost_sok&simple=false
Saksopplysningar: Tolomarka barnehage har i mange år drive det som er kalla utegruppe. Utegruppa vart lagt ned i samband med at tal avdelingar vart redusert på grunn av at Sandven FUS barnehage, driven av Trygge barnehager AS, vart etablert. Foreldra har seinare etterspurd om Tolomarka kan opna ei slik avdeling igjen. Inneverande barnehageår har Tolomarka barnehage drive ei slik avdeling som ei prøvedrift. Tolomarka barnehage søkjer no om å få driva ei slik utegruppe fast. Tilbodet er tenkt organisert ved at 6 barn frå to avdelingar, der dei eldste borna går, etter søknad får høyra til i utegruppa. Ordninga krev at barnehagen må ha ei litt anna bemanning. Den eine assistentstillinga må omgjerast til stilling som pedagogisk leiar for å imøtekoma barnehagelova sine krav til pedagogisk bemanning. Ei slik omgjering av stillingstype om lag kr. 63.000,- meir pr.år enn ordinær drift. Sjydnahaugen barnehage har hatt tilbod om naturavdeling i fleire år. Denne har vore organisert på ulike måtar etter etterspørsel og kva som har vore gjennomførbart bygningsmessig. Ved Sjydnahaugen barnehage er drifta annleis organisert. Her er naturavdelinga organisert som ei fast avdeling i eigne lokale. Avdelinga dette året er på 16 born, redusert frå 18 til 16 i høve normen for vanlege avdelingar og grunna den spesielle drifta med å vera ute i naturen. Avdelinga har tidlegare hatt berre 12 born, men gruppa vart utvida til 16 for å få plass til alle som søkte om barnehageplass. Denne reduksjonen fører til mindre statstilskot og foreldrebetaling og utgjer om lag kr. 150.000,-. Ved å gå tilbake til ei gruppe med 12 born vert den ekstra kostnaden liten. Da nyttar ein vanleg grunnbemanning, og ekstrakostnaden blir berre for å avvikla rettar dei tilsette har i høve møteverksemd, ubunden tid m.m. Ekstrautgift her vil bli om lag kr. 50 000,- pr. år. Eventuell samanslåing av sone Øystese og Norheimsund i høve retten til barnehageplass, kan ein tilrå at naturavdelinga berre blir på 12 born for komande barnehageår. Erfaringane med utegrupper/naturbarnehagar er positive. Det er eit pluss for Kvam herad at kommunen kan tilby variasjonar i barnehagetilbodet. Tilbodet vert hovudsakleg nytta av barn som går siste året før skulestart, og for mange er det eit kjærkome byte i høve daglege rutinar og aktivitetar. Det er og eit stort motivasjonsaspekt i høve tilsette som får nytta både interesser og kompetanse på denne måten. Begge aktuelle barnehagar er slik plasserte at vi finn dei beste naturtilhøve til denne typen tilbod. I lov om barnehagar uttalar departementet at barnehagar som har hovudvekt på friluftsliv er eit godt supplement til den ordinære barnehagedrifta. Kommuneplanen for Kvam seier at Kvam skal vera ein attraktiv kommune å bu i. Utegrupper/naturavdelingar ved dei største barnehagane våre vil vera med å underbyggja denne visjonen. I Barnehagelova vert det lagt meir og meir vekt på foreldremedverknad. Forespørselen frå Tolomarka og søknadane til naturavdelinga ved Sjydnahaugen viser at foreldra ynskjer desse tilboda for at borna får leika mykje ute i frisk luft, dei får rikeleg fysisk aktivitet og utfordringar i naturen. Borna får læra om naturen og blir glade i å ferdast i skog og mark. Foreldra dreg også fram behovet for å gje dei eldste i barnehagen noko som er annleis, noko nytt. Siste året i barnehagen er ofte det 5.året barn oppheld seg i same barnehage, og dei eldste treng noko å strekkja seg etter. I eining for barnehage vert det generelt drøfta korleis dei ulike barnehagane kan profilera seg slik at foreldre kan velja den barnehagen dei finn mest interessant. Med ein privat aktør innan barnehagedrift, er det truleg enda viktigare for alle barnehagar å visa kva dei kan tilby brukarane av gode tilbod.
På grunn av at utegrupper/naturavdelingar kostar meir enn ordinære barnehagegrupper vil rådmannen avslå forespørselen frå Tolomarka barnehage og innstilla på at Sjydnahaugen barnehage skal leggja ned si naturavdeling frå barnehageåret 2010-2011. Vurdering: