det er ikkje det at eg trur at det er lett å skrive dikt olaf moriarty solstrand
melonfrø... 5 pluskvamperfektum... 9 varmeflaskemannen... 11 isopormembran... 13 amalgamstruktur... 17 kransekake... 20 statsobligasjoner... 25 pepperkaketribune... 29 rakettforsking... 34 luftsandslott... 39
melonfrø det er ikkje det at eg trur at det er lett å skrive dikt men 5
av og til må ein jo lure 6
kanskje det berre er meg men blir det ikkje vanskelegare og vanskegare å sjå forskjellen 7
på eit dikt og ei tilfeldig samling setningar der forfattaren har gått bananas med linjeskifttasten 8
pluskvamperfektum ifølgje wikipedia er poesi dikting i bunde form særleg på vers i motsetning til prosa 9
men når eg ein sjeldan gong blar i ei moderne diktsamling sliter eg veldig med å begripe kva som eigentleg er så bunde med forma deira 10
varmeflaskemannen eit anna kjenneteikn med lyrikk er at teksten er konsentrert og metta med betydning etter den definisjonen er iallfall ikkje denne teksten særleg lyrisk for betydning er det ikkje mykje av her 11
på den andre sida er vel sangtekstar òg per definisjon lyrikk og det er kanskje ikkje så veldig mykje betydning i baby baby baby baby baby baby baby baby baby eller i wanna really really really wanna zigazig ah eller ooga chakka ooga ooga ooga chakka ooga ooga heller 12
isopormembran det er ikkje det at eg trur at det er lett å skrive dikt men 13
av og til skulle ein tru at diktarar berre skreiv dikt for å utnytte litteraturens store smutthol 14
sånn at dei kan kalle seg forfattarar sjølv om dei kanskje berre skriver 15
fem ord på kvar side 16
amalgamstruktur det er ikkje det at eg trur at det er lett å skrive dikt men 17
av og til kan eg bla i ei diktsamling og føle at det ligg like lite arbeid i dikta der som i som i som i 18
dette 19
kransekake det er ikkje det at eg trur at det er lett å skrive dikt men 20
dersom eg hadde vore diktar og skråstrek eller same diktars forlagsredaktør hadde det vore fristande å lage eit dataprogram 21
som plukka ut nokre hundre tilfeldige ord frå ei ordliste og sette dei saman i tilfeldig rekkefølgje 22
sånn at eg kunne trykke dette og sende det til norsk kulturfond for å sjå om dei var villige til å kalle det litterær kvalitet og kjøpe tusen eksemplar 23
som dei kunne sende ut til norske bibliotek der dei kunne stå og samle støv i fem år med det føremålet å spreie norsk språk og litteratur rettnok utan lesarar 24
statsobligasjoner hadde eg vore diktar innbiller eg meg at eg hadde hatt eit slags gudekompleks 25
då kunne folk seie dikta dine gir ikkje meining og eg kunne svare 26
det er berre du som ikkje skjønner dei 27
og om dei sa kvar er versalane eller kvifor har du inga teiknsetjing eller kvifor har ikkje overskriftene noko med dikta å gjera kunne eg svare det er eit kunstnerisk val eg har tatt 28
pepperkaketribune på heile side 29 kunne eg skrive 29
eplekake sjokoladekake eplekake sjokoladekake eplekake sjokoladekake fiskekake bløtkake kakekake kulturuke stamcelle stiftemaskin 30
eller noko anna tullball 31
og om du ikkje skjønte den djupe meininga som låg i det ville det vera ditt problem 32
iallfall så lenge eg lot som ho var der 33
rakettforsking det er ikkje det at eg trur at det er lett å skrive dikt men 34
dette er ikkje eit dikt iallfall ikkje medvitent det er lause tankar skrive ned med få ord på kvar linje for moro skuld på svært kort tid 35
og likevel tør eg nesten vedde på at gir du det til ein norsklærar eller andre som driv med diktanalyse om det er nokre andre som driv med diktanalyse vil dei kunne finne stor meining djup meining meining sjølv eg ikkje visste at var her 36
og om dei ikkje fann meining på linjene fann dei nok eitt eller anna mellom linjene så kunne dei seie at når forfattaren kallar dette kapitlet melonfrø er det ikkje eit tilfeldig ord som berre ramla ned i hovudet hans fordi han har spelt mykje minecraft 37
det er ein metafor for korleis diktet kan spire og trenge seg inn og utvide seg og våren og kanskje eitt eller anna om ei livmor at same kor mykje eg benekter det er det undermedvitne årsakar av freudianske dimensjonar til at eg valde ordet melonfrø eller pluskvamperfektum eller kransekakemannen 38
luftsandslott det er ikkje det at eg trur at det er sånn 39
eigentleg trur eg at å skrive dikt er ein kjempejobb 40
at arbeidsmengda ligg i subtraksjonen det handlar ikkje om å skrive få ord det handlar om å skrive dei riktige orda 41
og sjølvsagt veit eg at diktarar som alle andre forfattarar skriver ting som før dei utgis må reviderast og omskrivast om igjen og om igjen og om igjen 42
og om igjen 43
og djupt inni meg trur eg sånn eigentleg 44
at om ingen skreiv dikt hadde verda vore litt mørkare 45
og at det riktige diktet med den riktige kvaliteten kan skape noko fantastisk i møte med den riktige lesaren ein eksplosjon i himmelsk euforisk rein og uuttynna lykkerus 46
som sagt 47
det er ikkje det at eg trur at det er lett å skrive dikt 48
men 49
av og til 50
må ein jo lure 51