GLOPPEN KOMMUNE KULTUR- OG MILJØUTVALET

GLOPPEN KOMMUNE KULTUR- OG MILJØUTVALET HOVUDUTSKRIFT Møtedato: 15.10.2013 Møtetid: Kl. 13:00 14:30 Møtestad: Heradshuset Saksnr.: 043/13-049/13 Desse medlemmene møtte: Kristin Sandal Dagfinn Nyhammer Parti Sp H Forfall meldt frå følgjande medl. Parti Følgjande varamedl. møtte Parti Peder Lofnes Hauge V Vigdis Henden V Hege Lothe SV Svein Petter Tveit SV Olaf Sigurd Gundersen Sp Ingen Ugilde Sak i forv.lova Følgjande varamedl. møtte Møteleiar: Kristin Sandal Frå adm. møtte: Kultursjef Jan-Kjetil Øygard i sakene 43/13-45/13 og 48/13 Sekretariatsjef Jan Kåre Fure Utmarksforvaltar Peter Andresen i sak 47/13 Utlevert i møtet: Orientering: Sjå sak 44/13! Sp.mål/interpell.: Synfaring: Diverse: Underskrifter: Kristin Sandal Side 1

SAKLISTE Sak nr. Sakstittel 043/13 Godkjenning av møtebok, innkalling og sakliste 044/13 Referat- og orienteringssaker 045/13 Tertialrapport 2. tertial 2013 - kultur 046/13 Søknad om dispensasjon for oppføring av utedo som tilbygg til eksisterande fjøs - Hestenesstøylen 047/13 Søknad om landingsløyve med helikopter i samband med hjortejakt 15. - 17. oktober 2013 048/13 Kommunedelplan for idrett, fysisk aktivitet og friluftsliv 2014-2017 utlegging til høyring 049/13 Kulturprisen 2013 - fastsetting av storleiken på prisen Side 2

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 15.10.2013 043/13 Avgjerd av: Kultur- og miljøutvalet Saksbehandlar: Jan Kåre Fure Arkiv: 033 Objekt: Arkivsaknr.: 13/1403-1 Godkjenning av møtebok, innkalling og sakliste Møteboka frå kultur- og miljøutvalet sitt møte den 17. september i år blir lagt fram til godkjenning. Samstundes ber rådmannen om godkjenning av innkallinga og saklista til dette møtet. RÅDMANNEN SI TILRÅDING: 1. Kultur- og miljøutvalet godkjenner møteboka frå sitt møte den 17. september 2013 2. Kultur- og miljøutvalet godkjenner innkallinga og saklista til møtet den 15. oktober 2013. 15.10.2013 KULTUR- OG MILJØUTVALET 043/13 VEDTAK: 1. Kultur- og miljøutvalet godkjenner møteboka frå sitt møte den 17. september 2013 2. Kultur- og miljøutvalet godkjenner innkallinga og saklista til møtet den 15. oktober 2013 3. Kultur- og miljøutvalet godkjenner at tilleggssak 49/13 blir behandla på møtet. Vedtaket var samrøystes. Side 3

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 15.10.2013 044/13 Avgjerd av: Kultur- og miljøutvalet Saksbehandlar: Jan-Kjetil Øygard Referat- og orienteringssaker Arkiv: 033 Objekt: Arkivsaknr.: 13/1402 Refererte skriv og meldingar: Nr Dok.ID T Dok.dato Avsendar/Mottakar Tittel 1 13/4835 U 15.04.2013 Sogn og Fjordane fylkeskommune Regional plan for idrett, friluftsliv og fysisk aktivitet - innspel til handlingsprogrammet RÅDMANNEN SI TILRÅDING: Rådmannen legg ikkje fram tilråding i saka. 15.10.2013 KULTUR- OG MILJØUTVALET Kultursjefen orienterte kort om: eventuell markering av grunnlovsjubileet i 2014 regelverk for skilting på bygg, som vi ikkje har i Gloppen. 044/13 VEDTAK: Det vart ikkje gjort vedtak i saka. Side 4

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 15.10.2013 045/13 Avgjerd av: Kultur- og miljøutvalet Saksbehandlar: Jan-Kjetil Øygard Tertialrapport 2. tertial 2013 - kultur Ingen vedlegg. Objekt: Arkiv: 212 Arkivsaknr.: 13/785-14 Bakgrunn for saka: Som ein del av budsjettoppfølginga skal det lagast to tertialrapportar i tillegg til årsmeldinga. Utgangspunktet for rapporten for 2. tertial er månadane mai til og med august 2013. Generelt om rapporten: Denne tertialrapporten er basert på styringssystemet til kommunen. Overskriftene i rapporten tilsvara overskriftene i styringssystemet. To områder det no vert rapportert meir systematisk på enn tidlegare er aktivitet og tiltak. Aktivitet er pågåande prosjekt eller planlagde aktivitetar. Tiltak er noko som vert iverksett for å handtere eit avvik eller få balanse i rekneskapet. Tabellane og grafane viser forbruk i kroner og prosent. Prosent gjer det mogleg å samanlikne direkte med tilsvarande periode i 2012. Lønnsforbruk vert vist utan sjukelønnsrefusjon i tabellane. Lønnsforbruk med sjukelønnsrefusjon kjem fram i tilhøyrande tekst. Totalforbruk: Totalforbruket i kultursektoren for 2. tertial 2013 ligg om lag der det skal ligge. Figuren viser prosent forbruk i høve budsjett. Side 5

Lønnsforbruk: Lønnskostnadane skal ligge på omlag på 64 % av budsjettet Tiltak: Aktivitetar: Rådmannen si vurdering: Administrasjonen er framleis i ein overgangsfase mellom gammal og ny rapporteringsmodell. Kultursektoren omfattar mange tenester, og på dei fleste områda er det ikkje spesielle avvik å melde i denne rapporten. Budsjettet og rekneskapen for kino og kulturhuset (teneste 38600) er knytt til publikumsbesøk, og vil såleis alltid vere uvisse. I vår har besøket på kinoen vore mindre enn forventa. Side 6

Teneste 38100 kommunale idrettsbygg og idrettsanlegg, gjeld den kommunale aktiviteten i Firdahallen og det nye symjeanlegget. Her ligg inntektene lavt, og dette kjem m.a. av at mange har årskort, som er kjøpt på hausten, og vi håpar sjølvsagt at flest muleg fornyar korta. Kantina i Trivselshagen, teneste 32000, har hatt eit større aktivitetsnivå enn det som har vore føresett i budsjettet, noko som etter kvart vil syne att på inntektssida. Kulturskulen og biblioteket ligg om lag der dei skal. Refusjonar og inntekter blir ført ujamt i løpet av året. Lønnsutgiftene på teneste 38500 ligg høgt, og det kjem av at 50% av lønna til kultursjefen er ført her (som før), men er no budsjettert på ei anna teneste. Driftsutgiftene på den same tenesta ligg høgt, og dette gjeld i hovudsak store straumutgifter på Nesjane grendahus, som følgje av manglande avlesning i fleire år. Deler av desse utgiftene blir refundert. På driftssida er husleiga for lokala i Trivselshagen alt tilvist ein stor del av, noko som gjer at alle dei tenestene som omfattar dette ligg høgt no. På same måten er heile det budsjetterte beløpet på teneste 39000, den norske kyrkje (fellesrådet), tilvist, i motsetning til tidlegare år, då dei fekk dette utbetalt pr. mnd. Elles er det viktig å vere merksam på at inntekts- og utgiftspostane på fleire tenesteområde er knytt til periodisering og refusjonar som kjem ein gong i året, og dette gjer at denne rapporten ikkje gjev eit fullgodt bilete av situasjonen. RÅDMANNEN SI TILRÅDING: Kultur- og miljøutvalet tek tertialrapporten for 2. tertial 2013, som gjeld sin del av den kommunale drifta, til vitande. 15.10.2013 KULTUR- OG MILJØUTVALET 045/13 VEDTAK: Kultur- og miljøutvalet tek tertialrapporten for 2. tertial 2013, som gjeld sin del av den kommunale drifta, til vitande. Vedtaket var samrøystes. Side 7

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 15.10.2013 046/13 Formannskapet 17.10.2013 116/13 Avgjerd av: Formannskapet Saksbehandlar: Silje Raad Objekt: 30/1 Arkiv: L42 Arkivsaknr.: 13/1089-8 Søknad om dispensasjon for oppføring av utedo som tilbygg til eksisterande fjøs - Hestenesstøylen Vedlegg: Dok.nr 200393 Tittel på vedlegg Søknad om løyve til tiltak utan ansvarsrett - utedo/tilbygg til eksisterande fjøs på Hestenesstøylen 200396 Oversiktskart 200643 Manglar ved søknad om byggeløyve til tilbygg - Hestenesstøylen 201740 Teikning 201741 Kart 201742 Bilder 205676 Uttale - dispensasjon for oppføring av utedo på Hestenesstøylen 201739 Tilbakemelding/utfyllande opplysningar til søknad om byggeløyve for utedo m.m Bakgrunn for saka: Plan- og byggesaksavdelinga i Gloppen kommune har motteke dispensasjonssøknad om løyve til oppføring av utedo i forlenginga av eksisterande fjøs på Hestenesstøylen. Saksutgreiing: Hestenesstøylen er i arealdelen til kommuneplanen avsett til landbruks-, natur- og friluftsføremål (LNF), der det etter kommuneplanen berre er høve til å føre opp bygg som skal nyttast som ein del av garden si aktive støylsdrift. Sidan garden ikkje lenger har aktiv støylsdrift, lyt det søkjast om dispensasjon frå LNF-føremålet etter plan- og bygningslova 19-2 første ledd. Søknaden er sendt regional og statleg mynde til uttale, jf. plan- og bygningslova (pbl) 19-1. Fylkesmannen i Sogn og fjordane si landbruksavdeling har vurdert dispensasjonssøknaden i høve til landbruksinteressene, og har ikkje merknader til at det eventuelt vert gjeve dispensasjon. Miljøvernavdelinga hjå Fylkesmannen og Sogn og Fjordane fylkeskommune ved kulturavdelinga har ikkje kome med merknader i saka. Dispensasjonssøknaden må vurderast konkret etter dispensasjonsføresegna i pbl 19-2 andre ledd som seier følgjande: «Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering.» Side 8

Økonomiske konsekvensar for kommunen: Ingen. Rådmannen si vurdering: Hestenesstøylen fungerte heilt fram til slutten av 1950-talet som eit sesongdreve anlegg for husdyrbruk, for å ha nok fôr til dyra gjennom heile året. Busetnad på somarhalvåret oppstod for å utnytte beitet i områder som ikkje egna seg til heilårsbusetnad. Mjølkeproduksjon med foredling til meir haldbare produkt stod sentralt i støylsdrifta. I dag er det ikkje lenger aktiv støylsdrift på Hestenesstøylen, og føremålet er no endra frå gardsdrift/næring til rekreasjonsog fritidsføremål. Etter pbl 19-2 andre ledd kan dispensasjon ikkje gjevast «dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt». Dei omsyn som ligg bak LNF-føremålet er først og fremst ålmenne ferdsels-, frilufts-, landskaps og verneinteresser. Når eit støylsområde vert avsett til LNF-føremål, er dette mellom anna gjort ut frå den vurdering at området sin karakter som stølsområde skal bevarast. Rådmannen kan ikkje sjå at tiltaket vil kome i konflikt med landbruksinteresser. Tiltaket må først og fremst vurderast opp mot sistenemnde omsyn, omsynet til bevaring av karakteren av støylsområdet. Retningslinene for støylar i Gloppen gjev følgjande føringar for utforming tilbygg: Ved reparasjon eller utbetring av eksisterande bygg bør bygget tilpassast støylsmiljøet og lokal byggeskikk. Tilbygg bør i hovudsak skje i bygget si lengderetning. Selet bør etter påbygging framleis ha saltak (ikkje takopplyft) og takvinkel som den eldre delen. Breidda på selet bør samsvare med eldre bygg og dei andre sela på støylen. i staden for tilbygg bør det vurderast om det miljømessig vil vere betre med eit mindre nytt hus nokså nært det eksisterande, eller ombygging av støylsfjøs til sel. Etter kommuneplanen sine retningsliner skal nybygg tilpassast det eksisterande bygningsmiljøet og dette må vere føresetnaden for dispensasjon skal kunne gjevast. Målsettinga med støylsvernet er at kulturlandskapet og bygningsmiljøet vert teke vare på. Dette inneber at vi må ha nokon restriksjonar for kva vi kan godta av nybygg og tilbygg på støylane, og desse lyt vere konsekvente og føreseielege. Retningslinene gjev føringar for tilbygg og nybygg i støylsområda og gjeld ikkje absolutt. Men retningslinene vert normalt tillagt stor vekt i byggjesakene i støylsområda. Rådmannen er ikkje framand for at det kan gjevast dispensasjon frå LNF-føremålet for oppføring av utedo, anten som tilbygg eller som eit frittståande bygg, men føresetnaden må som nemnt vere at nybygget har ei utforming som er tilpassa støylsmiljøet og den lokale byggjeskikken. Rådmannen meiner at omsøkt tiltak ikkje stettar desse krava. Omsøkt tilbygg/utedo har pulttak og ikkje saltak. At utedoar har pulttak er ikkje uvanleg, men utforminga er i strid med kommunen sine retningsliner for støylsområda og pulttak er elles ikkje vanleg på Hestenesstøylen. Det følgjer vidare av kommuneplanen sine retningsliner at nybygg og tilbygg bør ha same takvinkel som eldre eksisterande bygning. Vidare heiter det at frittståande bygg bør ha ein takvinkel på mellom 27 og 40 grader. Teikningane av det planlagde tiltaket viser at utedoen vil få ein takvinkel på 20 grader. Dette er under grensa for kva som etter retningslinene er rekna som ønskjeleg på støylar. Desse retningslinene gjeld likevel hovudsakeleg for Side 9

uavhengige bygg, og ikkje tilbygg. Men det må kunne forventast at takvinkelen på tilbygget er tilpassa eksisterande fjøs sin takvinkel, slik som presisert i kommuneplanen for tilbygg. Dette er ikkje tilfelle i denne saka, då eksisterande fjøs har ein takvinkel på ca. 35 grader. Sjølv om søkjar har senka høgda på utedoen slik vi bad han om tidlegare i søknadsprosessen, meiner rådmannen at dette ikkje er nok. Det faktum at takvinkelen på utedoen er lågare enn eksisterande fjøs er isolert sett estetisk uheldig, ut ifrå omsynet til samspel og harmoni i byggverket. Vegetasjon av busker og tre vil nok reduserer den visuelle verknaden av tilbygget, men rådmannen finn ikkje grunn til å leggje avgjerande vekt på dette. Ovanfor vart det lagt til grunn at dispensasjon ikkje kan gjevast når dei omsyn som LNFføremålet skal ivareta vert vesentleg tilsidesett og at eit av omsyna bak LNF-føremålet var å sikre området sin karakter som stølsområde. Rådmannen meiner at dette omsynet vert vesentleg tilsidesett dersom dispensasjon vert gjeve i saka. Vidare meiner rådmannen at ein eventuell dispensasjon vil undergrave kommuneplanen som styringsverkty, fordi den kan vere med på å setje standarden for kva det kan gjevast løyve til på Hestenesstøylen i framtida. Rådmannen konkluderer etter dette med at vilkåret i pbl 19-2 andre ledd første punktum ikkje er oppfylt, og at dispensasjon difor ikkje kan gjevast. Rådmannen er vidare av den oppfatning at tiltaket også er i strid med dei estetiske krava i pbl 29-2, som seier følgjande: «Ethvert tiltak (..) skal prosjekteres og utføres slik at det etter kommunens skjønn innehar gode visuelle kvaliteter både i seg selv og i forhold til dets funksjon og dets bygde og naturlige omgivelser og plassering» Føremålet med denne regelen er å syte for at ei estetisk utforming av omgjevnadane blir ivaretatt i den enkelte byggesak, det vere seg samspelet mellom byggverket sitt volum, høgde og fasadeuttrykk. Vidare er det at byggverket eventuelt isolert sett har visuelle kvaliteter, ikkje tilstrekkeleg. Omkringliggjande bygningsmiljø og naturmiljø skal takast omsyn til, og det lyt takast omsyn til område med særlig historisk eller kulturell interesse. Som nemnt ovanfor stettar ikkje omsøkt tiltak desse krava. Vurdering etter naturmangfaldlova: Hestenesstøylen har vorte nytta til stølsdrift heilt fram til 1960 og rådmannen byggjer i stor grad på den erfaringsbaserte kunnskapen i dette området. Tiltaket som det no vert søkt om inneber ikkje inngrep i eit frå før urørt område. Ut frå gjeldande kunnskapsgrunnlag, mellom anna også ved gjennomgang av databasar, så kan rådmannen ikkje sjå at tiltaket kjem i konflikt med omsyna i naturmangfaldlova 8 12. RÅDMANNEN SI TILRÅDING: Med heimel i pbl 19-2 andre ledd samanhalde med retningslinene for støylsomårda i Gloppen og pbl 29-2 avslår Gloppen formannskap søknad om dispensasjon frå LNFføremålet for oppføring av tilbygg/utedo til fjøs på gnr. 30 bnr. 1 på Hestenesstøylen. 15.10.2013 KULTUR- OG MILJØUTVALET 046/13 VEDTAK: Kultur- og miljøutvalet har ingen merknader til den vurderinga som er gjort etter naturmangfaldslova i saka. Side 10

Vedtaket var samrøystes. Side 11

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 15.10.2013 047/13 Avgjerd av: Kultur- og miljøutvalet Saksbehandlar: Peter Andresen Objekt: Arkiv: K01 Arkivsaknr.: 13/500-14 Søknad om landingsløyve med helikopter i samband med hjortejakt 15. - 17. oktober 2013 Ingen vedlegg. Bakgrunn for saka: Hjotejakt.com v/ Knut Ove Førde har søkt om løyve til å nytte helikopter i samband med hjortejakta. Det vert søkt om løyve for 1 løft med løfteline i utmark i perioden 15.-17. oktober 2013. Den oprinnelege søknaden kom frå Milo Stanisic Waagaard. Dette var truleg ei misforståing og etter samtale med Knut Ove Førde blei søknaden korrigert slik at han no søkjer. Saksutgreiing: Søkjar ønskjer å nytte helikopter i samband med hjortejakta for å frakte ut felte hjortar. Den oprinnelege søknaden gjaldt 3-4 løft, men etter avtale med søkjar vart den justert ned til 1 løft. Flyginga vil foregå mellom der hjorten vert felt og innmark i nærleiken av E39. Søkjar driv firmaet Hjortejakt.com som leiger ut hjortejakt. Eit av konsepta er jakt for mindre grupper, typisk 1 eller 2 personer, i terreng som er vanskeleg tilgjengeleg og utfordrande å jakte i. Området der det vert søkt om løyve til å lande, ligg aust for E39 på Bergheim. Jaktområdet er markert på det vedlagde kartet som delvis i skogen og delvis på fjellet. Terrenget er svært ulendt og med mykje vindfelte tre etter «Dagmar». Landing vil føregå på privat grunn og grunneigar sitt samstykke ligg føre. Transport av jaktutbyttet kan bli svært tidkrevande på grunn av terrenget og fordi det er så få personar som jaktar. For å tilby sine kundar eit betre produkt der dei ikkje må nytte halve og heile dagar på å få ut utbyttet, søkjer Knut Ove Førde om løyve til eit løft med helikopter. Økonomiske konsekvensar for kommunen: Ingen. Rådmannen si vurdering: Saker kring motorferdsel i utmark skal vurderast både i forhold til motorferdselslova og naturmangfaldslova. Etter motorferdselslova 3 er all motorferdsel i utmark i utgangspunktet forbode. Med heimel i lova sin 6 kan kommunen gje løyve til landing med luftfartøy etter søknad når det ligg føre Side 12

særlege grunnar. Å stå stille i lufta og nytte løfteline er å betrakte som ein landing. Ifølge rundskriv T-1/96 om motorferdselslova skal det berre i unntakstilfelle gjevast dispensasjon til særlege grunnar som knyter seg til turkøyring eller behov som kan dekkast på annan måte. I rundskrivet blir det framheva at det ikkje kan gjevast løyve til transport av jaktutbytte. Rådmannen vurderer at flyging i samband med jakt i utgangspunktet ikkje er eit behov som ikkje kan dekkast på andre måtar og difor i utgangspunktet ikkje oppfyller vilkåret om serlege grunnar. Er det muleg å ta seg til jaktområdet til fots, er det og muleg å frakte ut byttet utan bruk av helikopter. Det er vanleg praksis på hjortejakt å partere hjorten i terrenget og bære den ut i mindre porsjoner. Utifrå ovanståande betraktningar stiller rådmannen seg skeptisk til bruk av helikopter landing i samband med hjortejakta og meiner ikkje at det fell inn under omgrepet særlege grunnar. Samstundes som det må ligg føre særlege grunnar, opnast det i rundskrivet opp for at det i samband med næring kan gjevast løyve til å nytte helikopter til jaktformål. Næringa må ha ein såpass storleik at den gir utslag på årsinntekta. Hjortejakt.com er ein stor aktør innan jaktutleige i Gloppen kommune og oppfyller dette kravet. Gjennom jaktsessongen har dei relativ stor aktivitet med mange jegarar som kjem utanfrå for å jakte i kommunen. Frå kommunal side er det eit ønskje å nytte dei ressursane som i ligg i utmarken til næring. I det høvet er hjortejakta ein viktig ressurs og Hjortejakt.com er kommunen sin viktigaste aktør. For å fremje utnyttinga av utmarksressursane vurderer rådmannen difor at det bør kunne gjevast løyve til å frakte ut jaktutbytta. Alle tiltak som kan skade naturmangfaldet skal etter naturmangfoldslova 7 vurderast etter lova si 8-12. Vurdering opp mot naturmangfoldslova 8-12 I området aust for Bergheim der det er søkt om landingsløyve, er der ingen kjente førekomstar av sårbare artar eller andre naturverdiar som kan påverkast negativt av landing med helikopter. Kunnskapsgrunnlaget er henta frå forskjellige databaser, bl.a. Artsdatabanken, naturtyperegistringar og viltkartlegginga. Dette grunnlaget er vurdert til å vere tilstrekkeleg, jfr. 8. Føre-var-prinsippet (nml. 9) er difor uaktuelt i dette tilfellet. Den samla belastning på økosystema er ikkje forventa å bli nemneverdig (nml. 10), då det berre er snakk om eit enkelt løft utan landing i utmark. Det er ikkje forventa at tiltaket medfører miljøforringing som kan utløyse krav om miljøerstatning (nml 11). 12 stiller krav om at det vert nytta teknikkar som er best for miljøet og samfunnet. Om bruk av helikopter i samband med jakt er å betrakte som den beste løysing for miljø og samfunn kan diskuterast. I tillegg til vanleg luftureining, vil bruk av helikopter dessutan medføre støyureining for området rundt. Som nemnt i utgreiinga ovanfor, finns det andre løysingar for å unngå bruk av helikopter. Tross det at det finns andre teknikkar som er betre for miljø og samfunn, er dei negative konsekvensane ved eit enkelt løft relativt små. Samanlikna med den positive effekt det har i næringa for søkjer, bør det difor kunne tillatast. RÅDMANNEN SI TILRÅDING: 1. Kultur- og miljøutvalet gjev med bakgrunn i 6 i motorferdsellova, Hjortejakt.com v/knut Ove Førde løyve til å gjennomføre 1 løft med helikopter som omsøkt i kommunen Side 13

2. Flyging/landing skal gjennomførast på ein mest mogeleg skånsam måte av omsyn til friluftsliv og naturmiljø 3. Løyvet gjeld i perioden 15. 17. oktober. 15.10.2013 KULTUR- OG MILJØUTVALET 047/13 VEDTAK: 1. Kultur- og miljøutvalet gjev med bakgrunn i 6 i motorferdsellova, Hjortejakt.com v/knut Ove Førde løyve til å gjennomføre 1 løft med helikopter som omsøkt i kommunen 2. Flyging/landing skal gjennomførast på ein mest mogeleg skånsam måte av omsyn til friluftsliv og naturmiljø 3. Løyvet gjeld i perioden 15. 17. oktober. Vedtaket var samrøystes. Side 14

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 15.10.2013 048/13 Avgjerd av: Kultur- og miljøutvalet Saksbehandlar: Jan-Kjetil Øygard Objekt: Arkiv: 143 C2 Arkivsaknr.: 13/72-16 Kommunedelplan for idrett, fysisk aktivitet og friluftsliv 2014-2017 utlegging til høyring Vedlegg: Dok.nr Tittel på vedlegg 206440 Kommunedelplan for idrett, fysisk aktivitet, friluftsliv og folkehelse 2014-2017 206430 Vedlegg 1 - handlingsproggram 206431 Vedlegg 2 - idrettslag og medlemstal Bakgrunn for saka: Kulturdepartementet har sett krav om eigne kommunedelplanar og fylkesdelplanar for anlegg og område for idrett og friluftsliv for at det skal kunne søkjast om spelemidlar til bygging av anlegg. Kultur- og miljøutvalet gjorde slikt vedtak den 29.01.2013, sak 003/13: 1. Kultur- og miljøutvalet vedtek at Kommunal plan for idrett, fysisk aktivitet, friluftsliv og folkehelse skal reviderast i løpet av 2013 2. Rådmannen får fullmakt til å sette saman ei arbeidsgruppe med brei deltaking 3. Framlegg til planprogram vert vedteke slik det ligg føre 4. Kultur- og miljøutvalet skal jamleg haldast orientert om framdrifta i planarbeidet. Saksutgreiing: I etterkant av nemnte vedtak har rådmannen v/kultursjefen følgt opp dei momenta som ligg i vedtaket og i planprogrammet. I dette ligg brev og informasjon med varsel om oppstart, møter med lag og org. m.m. Det vart oppnemt ei arbeidsgruppe med slik samansetting; Hallgeir Hansen, rektor på Firda vgs Tore Humstad, rektor på Nordfjord Folkehøgskule Sigtor Tveit, Gloppen Idrettsråd Åslaug Haugset, folkehelsekoordinator repr. frå ungdomsrådet Jan-Kjetil Øygard, kultursjef. Økonomiske konsekvensar for kommunen: Ingen. Rådmannen si vurdering: Dette planframlegget har tatt utgangspunkt i gjeldande plan, men teksten er oppdatert og justert på fleire område. Det har vore bygd og rehabilitert svært mange idrettsanlegg dei siste Side 15

åra, og vi må konkludere med at vi no har ein god anleggssituasjon i kommunen. Dette kan kanskje også forklare at det har kome inn få innspel i prosessen så langt. Folkehelseomgrepet er tatt ut av namnet på planen fordi dette er eit tema som i flg folkehelselova skal integrerast i alle kommunale planar. I framlegg til handlingsprogrammet for komande periode har rådmannen stort sett ført opp dei anlegga som kultur- og miljøutvalet gjorde vedtak om ved rullering av handlingsprogrammet den 11.12.2012, sak 068/12., men i tillegg er det ført opp anlegg som er spelt inn i planprosessen. RÅDMANNEN SI TILRÅDING: Kultur- og miljøutvalet vedtek at framlegg til Kommunedelplan for idrett, fysisk aktitivitet og friluftsliv 2014 2017 vert lagt ut til offentleg høyring i samsvar med reglane i plan- og bygningslova. Høyringsfrist blir sett til 14. november 2013. 15.10.2013 KULTUR- OG MILJØUTVALET Leiaren i kultur- og miljøutvalet gjorde merksam på par punkt i framlegget til plan som bør klargjerast før planen blir lagt ut på høyring. 048/13 VEDTAK: Kultur- og miljøutvalet vedtek at framlegg til Kommunedelplan for idrett, fysisk aktitivitet og friluftsliv 2014 2017 vert lagt ut til offentleg høyring i samsvar med reglane i plan- og bygningslova. Høyringsfrist blir sett til 14. november 2013. Vedtaket var samrøystes. Side 16

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 15.10.2013 049/13 Avgjerd av: Kultur- og miljøutvalet Saksbehandlar: Jan-Kjetil Øygard Objekt: Arkiv: 076 C Arkivsaknr.: 13/1667-1 Kulturprisen 2013 - fastsetting av storleiken på prisen Ingen vedlegg. Bakgrunn for saka: Kulturutvalet vedtok i 1991 at det skulle opprettast ein kommunal kulturpris, og i sak 081/91 vart retningslinjer for Kulturpris for Gloppen kommune vedtatt. Følgjande personar har fått kulturprisen: 1991 Sunneva Løken 1992 Gloppen Jentekor og Ellen Johanne Mjelva 1993 Einar Rygg og Ragnar Rygg 1994 Eivind Indrebø 1995 Petter Eide 1996 Ove Eide 1997 Kristen Arnestad 1998 Irene og Dag Moen 1999 Ragna Halvorsen og Oddlaug Vereide 2000 Kjell Råd 2001 Anders Rinde 2002 Kristen Moen 2003 Per Sandal og Gunnar M. Tystad 2004 Svein Petter Tveit 2005 Kari og Nils Jordanger 2006 Hilde-Gunn og Ola Tormod Ommedal 2007 Odd-Bjørn Hjelmeset 2008 Sigrid Terese Moldestad 2009 Dagfinn Nyhammer 2010 Sverre Folkestad 2011 Elin Grytting og Jon Oddvard Kandal 2012 Gloppen Janitsjar Saksutgreiing: I retningslinjene for kulturprisen heiter det at storleiken på prisen skal vere avgjort av kulturutvalet før prisen vert utlyst. Storleiken på prisen har vore kr 10.000 sidan starten. Økonomiske konsekvensar for kommunen: Side 17

I kulturdelen av Gloppen kommune sitt budsjett er det lagt opp til at kulturprisen vert delt ut også dette året. Rådmannen si vurdering: Gjennom kulturprisen får Gloppen kommune sett fokus på ein person, gruppe og/eller eit kulturtematisk område som fortener ei spesiell merksemd, og med dette som bakgrunn opplever rådmannen at det ikkje er sjølve kronesummen som er det viktigaste i denne saka. Rådmannen rår til at summen heller ikkje vert endra for 2013. RÅDMANNEN SI TILRÅDING: Kultur- og miljøutvalet vedtek at kulturprisen for 2013 vert sett til kr 10.000. Beløpet vert dekka over teneste 38500 - andre kulturføremål. 15.10.2013 KULTUR- OG MILJØUTVALET 049/13 VEDTAK: Kultur- og miljøutvalet vedtek at kulturprisen for 2013 vert sett til kr 10.000. Beløpet vert dekka over teneste 38500 - andre kulturføremål. Vedtaket var samrøystes. Side 18