HORDALAND FYLKESKOMMUNE Kultur- og idrettsavdelinga Arkivsak 201200560-266 Arkivnr. 146.686 Saksh. Haugland, Tone Stedal/ Bjørkås, Øivind R. Saksgang Møtedato Kultur- og ressursutvalet 11.09.2012-12.09.2012 HANDSAMING AV INNKOMNE KLAGER PÅ TILDELINGAR TIL FRIVILLIG FLEIRKULTURELL VERKSEMD SAMANDRAG Fylkeskommunane er tildelt ansvaret frå Integrerings- og mangfaldsdirektoratet (IMDI) med å fordele tilskot frå statsbudsjettet kap. 651, post 71 til lokale innvandrarorganisasjonar og frivillige, fleirkulturelle aktivitetar i fylket. Hovudføremålet med tilskotsordninga er å medverke til auka samfunnsdeltaking for innvandrarbefolkninga, og til dialog og samhandling mellom ulike grupper og mellom minoritetar og majoritet i lokalsamfunnet. Tilskotsordninga er todelt og skal gå til: I. Drift av lokale innvandrarorganisasjonar II. Tilskot til tiltak som medverkar til fleirkulturelt mangfald, dialog og samhandling i lokalmiljøet Kultur og ressursutvalet fatta den 05.06.2012 vedtak om fordeling av tilskottet. Det vart fordelt til saman 1 007 500, fordelt mellom kr 282 000 til drift/del 1 og kr. 725 500 til tiltak/del 2. Vedtaka som vart fatta er einskildvedtak jfr. fvl 2 fyrste ledd bokstav b, med rett til å klage på avslag og innhaldet i positive vedtak jfr. fvl. 28. Etter tildeling i 2012 er det kome inn klager frå tre søkjarar som alle fyller vilkåra for realitetshandsaming. Klagene er førebudde av kultur og idrettsavdelinga i samsvar med forvaltningslova kap. VI, og vert lagt fram for kultur- og ressursutvalet til ny vurdering jfr. forvaltningslova 33, 2.ledd. Dersom kultur- og ressursutvalet ikkje fattar vedtak om omgjering, vert sakene oversende IMDI for endeleg avgjerd jfr. forvaltningslova 33 fjerde ledd. Dette er ikkje rettighetsbelagte midlar, og fylkeskommunen har høve til å lage eigne prioriteringar innan ramma av IMDI sine kriteria. Det kjem i klagene ikkje fram opplysningar som skal tilseie at desse er tekne på feil grunnlag, og det vert heller ikkje vist til formale feil i vurderinga og handsaminga av søknadene. FORSLAG TIL VEDTAK 1. Kultur- og ressursutvalet sitt vedtak om avslag på Røde Kors Bergen sine søknadar om tilskot til lørdagstreff og Norsktrening vert oppretthalde
2. Kultur- og ressursutvalet sitt vedtak om avslag på Liberian Association in Hordaland sin søknad om tilskot til feiring av nasjonaldag vert oppretthalde 3. Kultur- og ressursutvalet sitt avslag på søknad om tilskot til drift frå Liberian Association in Hordaland vert omgjort, slik at organisasjonen vert tildelt kr. 10.000.- Føresetnaden for vedtaket er at tilfredsstillande årsrapport, rekneskap og handlingsplan vert lagt fram. 4. Kultur- og ressursutvalet sitt vedtak om avslag på prosjekttilskot frå Bergen Global Music Network vert oppretthalde. Paul M. Nilsen fylkesrådmann Anna Elisa Tryti fylkeskultursjef 2
FYLKESRÅDMANNEN, 24.08.2012: Saka gjeld handsaming av klager på vedtak i Kultur- og ressursutvalet, fatta den 05.06.2012, om fordeling av tilskot til drift av innvandrarorganisasjonar og frivillig verksemd i lokalsamfunn. Fylkeskommunane er tildelt ansvaret frå Integrerings- og mangfaldsdirektoratet(imdi) med å fordele tilskot frå statsbudsjettet kap. 651, post 71 - Tilskot til frivillig verksemd i lokalsamfunn som bidrar til deltaking, dialog og samhandling dvs. stønad til lokale innvandrarorganisasjonar og frivillige, fleirkulturelle aktivitetar i fylket. Etter tildelinga i 2012 er det kome inn klager frå tre søkjarar, som alle fyller vilkåra for realitetshandsaming. Det vart fordelt til saman kr 1 007 500, fordelt mellom kr 282 000 til drift/del 1 og kr. 725 500 til tiltak/del 2. Vedtaka som vart fatta er einskildvedtak jfr. fvl 2 fyrste ledd bokstav b, med rett til å klage jfr. fvl. 28. Klagene er førebudde av kultur og idrettsavdelinga i samsvar med forvaltningslova kap. VI, og vert lagt fram for kultur- og ressursutvalet til ny vurdering jfr. forvaltningslova 33, 2.ledd. Dersom kultur- og ressursutvalet ikkje fattar vedtak om omgjering, vert sakene oversende IMDI for endeleg avgjerd jfr. forvaltningslova 33 fjerde ledd. IMDI har utarbeidd kriteria og retningslinene for tildelinga av desse midlane. Hovudføremålet med tilskotsordninga er å medverke til auka samfunnsdeltaking for innvandrarbefolkninga, og til dialog og samhandling mellom ulike grupper og mellom minoritetar og majoritet i lokalsamfunnet. Tilskotsordninga er todelt og skal gå til: I. Drift av lokale innvandrarorganisasjonar II. Tilskot til tiltak som medverkar til fleirkulturelt mangfald, dialog og samhandling i lokalmiljøet. I brev av 31.01.2012, med henvising til St.prp. nr l (2011-2012), stiller Integrerings- og mangfoldsdirektoratet kr 1.153 821,- til disposisjon for Hordaland fylkeskommune for tilskotsåret 2012. Etter at 10% administrasjonstilskot er trekt i frå sto det kr 1.038 439,- å fordele mellom tilskotsmottakarane. Innkomne klager 2012 1. Røde Kors Bergen - lørdagstreff med sommertur - Norsktrening med samfunnskunnskap for vaksne innvandrarar 2. Liberian Association in Hordaland - drift - tiltak - Nasjonaldagsfeiring 3. Bergen Global Music Network: 1. Kartlegging 2. Verdensmusikk-konsertserie gjennom heile året for å styrke verdensmusikarane sin posisjon i Bergen og Hordaland musikkliv gjennom info og konsertar. Dei tre søkjarane som har levert klage fekk i sitt avslagsbrev ei henvising til den politiske saka med meir inngåande opplysningar og vurdering som ligg på internett. I alle svarbrev sto også følgjande formulering Når det gjeld DEL 2 tilskot til frivillig verksemd i lokalsamfunn, er hensikten at det skal bidra til integrering, nettverk og kontakt mellom ulike grupper oftast mellom majoritet og minoritetar. Derfor blir det normalt ikkje gjeve støtte gjennom DEL 2 til prosjekt og tiltak som i hovudsak gjeld for ei etnisk gruppe. IMDI krev konkret samarbeid mellom ulike lokale aktørar i prosjekt som det søkjast stønad til. Vi ser no at fleire søkjarar har fortolka dette som individuell grunngjeving, og dei som har klaga har vist til dette og argumentert imot dette og ikkje nemnd andre kommentarar til deira eigne spesifikke søknader som var gjeve gjennom den politiske saka. Dette er ikkje rettighetsbelagte midlar, og fylkeskommunen har høve til å lage eigne prioriteringar innan ramma av IMDI sine kriteriar. 3
Generelt om del 2 -Tilskot til frivillig verksemd i lokalsamfunnet Majoriteten av klagene er knytt til søknadar innan del 2. Del 1 er særleg knytt til om organisasjonane oppfyller dei formelle kriteria, mens del 2 opnar for meir fagleg, skjønnsmessig vurdering og eigne prioriteringar. Tilskot gjennom del 2 i denne ordninga skal i følgje IMDI: - skape møteplassar i lokalsamfunnet på tvers av etnisk og nasjonal opphav. Ein møteplass kan til dømes vere eit kurs, seminar, utstilling, informasjonsmøte, konsert eller idrettsaktivitet. - i hovudsak tildelast til tiltak som gjennomførast i konkret samarbeid mellom ulike lokale aktørar. Aktivitetar som berre er retta innad mot ei bestemt gruppe eller miljø og som ikkje kommuniserar utad mot andre, skal normalt ikkje gjevast stønad. Aktørane kan vera frivillige organisasjonar, grupper eller enkeltpersonar, eventuelt i samarbeid med offentlege eller halvoffentlege instansar. Når det gjeld tiltaksdelen (del II), har IMDI dei siste åra skjerpa kriteria sine. Dei krev at tilskotsmottakar ikkje skipar til tiltak som berre er retta mot ei etnisk gruppe, dei ønskjer og krev konkret samarbeid mellom ulike organisasjonar og aktørar. Dette har også vore ein prosess, då desse tiltaksmidlane tidlegare ofte vart ekstratilskot til forholdsvis interne aktivitetar i organisasjonar som også får driftsstønad. Det kan vere glidande overganger mellom drift og tiltak. Det har vore gitt tiltaksstønad gjennom fleire år til nokre fleirkulturelle grupper/organisasjonar gjennom del 2. Desse organisasjonane fell ikkje inn under kriteria for å vere innvandrarorganisasjonar, men har ei fleirkulturell hensikt og medlemmer/brukarar. Desse tilskota er variable i størrelse i forhold til prioriteringar for den samla søknadsbunken det einskilde år. Vi har i del 2 i høgare grad ønska å prioritere spesielle tiltak/prosjekt enn tiltak som er meir driftsmessig prega. Dette også ut frå mi fortolking av IMDI sine retningsliner for del 2. Eg har vald å gå litt opp i det faste driftstilskotet i høve til IMDI sine rettleiande satsar for å imøtekome behova og likevel vere forholdsvis konsekvent når det gjeld kravet til at tiltak må vere utoverretta og fleirkulturelt. Det kjem kvart år fleire søknadar som gjeld støtte til nasjonaldagsfeiringar og feiring av religiøse høgtider. IMDI skriv i sine retningsliner at det normalt ikkje skal gjevast støtte til feiring av religiøse høgtider i denne ordninga, og nasjonaldagsfeiringar ser i eg i hovudsak som ein del av organisasjonane si drift. Det kan gjerast unntak om søknaden argumenterer for at det vert jobba aktivt for å opne slike feiringar for andre utanfor den aktuelle etniske gruppa og at dagen nyttast med eit fleirkulturelt føremål. Det kjem også inn søknader om støtte til norskopplæring, leksehjelp og morsmålsundervisning. Desse er gode tiltak, men ofte knytt til ei gruppe, dvs. ikkje støtteverdige i del 2. Det er også andre støtteordningar for desse tiltaka. Det har ved einskilde høve vore gitt noko stønad i forbindelse med norskkurs. Dette gjeld meir uformelle kurs, der det i vurderinga er lagt vekt på det sosiale innhaldet. Det er ved denne søknadsfristen komen inn fleire søknadar frå Røde Kors-organisasjonar, med forholdsvis store søknadssummar. Dette er positive tiltak, men fleire av desse er tiltak som eg ser som ein del av Røde kors si ordinære verksemd. Eg har prioritert å tilrå støtte til Hordaland Røde Kors sitt prosjekt med utgangspunkt i Kvam kommune. Dette kan vere viktig som pilotprosjekt. Klager frå Bergen Røde Kors Om klagene 1. - Internasjonalt treff og laurdagslunsj på Røde Kors-huset for sosialt samvær med samfunnsnyttige innspill. 1 gang pr. månad. Formål: bygge sosialt nettverk Søkte 25.000 fekk avslag Totalbudsjettet for dette tiltaket er 87 000. Dette har vore eit tiltak i 30 år. I klagen vert det i hovudsak vist til at aktiviteten er viktig for integrering, dialog og nettverksbygging mellom ulike grupper frå ulike land, med hovudvekt på flyktningar frå Vietnam, Chile og tidlegare Jugoslavia. Det vert vist til tydinga som internasjonal møtestad og særleg framheva at treffa har medverka til at mange innvandrarar har få slike treffpunkt med nordmenn, som er naudsynt for god og vellykka integrering. 4
2. - Norsktrening som tilbod til eldre innvandrarar, busett i Bergen over lengre tid, men som av ulike årsaker ikkje har lært seg grunnleggjande norsk. Hovudmålet er å motvirke sosial isolasjon. Søkte 100.000 - fekk avslag. Totalbudsjettet er på 399 000. I klagen vert det i hovudsak vist til at aktiviteten er viktig for integrering, dialog og nettverksbygging mellom ulike grupper frå ulike land, sist var det ca 30 forskjellige nasjonalitetar som ynskte å delta. Aktiviteten prioriterer personar utan opplæringstilbod med hovudvekt på dei eldre og kvinner. Dei frivillige er ca. 35 pensjonerte og godt kvalifiserte lærarar som arbeider ca. 140 timer gratis kvar veke. Norsktrening går føre kvar dag. Gruppene er inndelt i 4-5 mindre grupper avhengig av nivå. Nivået skil seg frå analfabetar til folk med godt grunnivå som raskt tileignar seg språket. Det vert elles vist til kor viktig språk er for integrering. Organisasjonen har store utgifter til husleige, bøker med meir. Tilskotet vil difor føre til mykje positivt for veldig mange. Klagar ber om at Hordaland fylkeskommune ser på søknaden på ny. Vurdering: I vedlegget til saka/oversikten over søknadane får desse søknadane kommentaren Sjå kommentar i saka ang. søkn. frå Røde Kors og Stor søknadssum. Sjå elles kommentar i saka ang. søkn. frå Røde Kors. Kommentaren i saksframlegget det vert henvist til i vedlegget er Det er ved denne søknadsfristen komen inn fleire søknadar frå Røde Kors-organisasjonar, med forholdsvis store søknadssummar. Dette er positive tiltak, men fleire av desse er tiltak som eg ser som ein del av Røde Kors si ordinære verksemd. Eg har prioritert å tilrå støtte til Hordaland Røde Kors sitt pilotprosjekt med utgangspunkt i Kvam som kan vere viktig som pilotprosjekt. Røde Kors er som kjend ein stor og viktig organisasjon, og dei søkjer om forholdsvis store tilskot til driftsprega aktivitetar. Difor valde eg å prioritere eit tiltak. Eg ser det også som meir i tråd med retningslinene frå IMDI å støtte spesielle tiltak i ein periode enn å gå inn med støtte til nokså faste tiltak. Med grunnlag i IMDI sine retningsliner har eg også prioritert ekstraordninære samarbeidstiltak. Det omtalte prosjektet i Kvam kommune, Jo mere vi er sammen i regi av Hordaland Røde Kors, utarbeider og kartlegg fritids- og kulturlivet i kommunen. Prosjektet vart starta for å betre integrasjon av asylsøkjarar / busette flyktningar i 7 kommunar i Hordaland. Hordaland Røde kors såg dette som eit område der dei og andre lag og organisasjonar kan spele saman og utvide aktivitetane sine. Dei vil gje ut ei handbok som vil lette samhandling på lokalt nivå. Vidare vil Hordaland Røde Kors ha ein koordinator - / brubyggjarrolle i oppbyggingsfasen av prosjektet. Dette prosjektet søkte 250 000 kr. over tre år og vart løyvd 50 000 kr for 2012. Dette var den største løyvninga til eit enkelttiltak/prosjekt i denne ordninga i 2012. Sjølv om midlane i denne ordninga kan brukast lokalt, ser eg I klagene er det utdjupa meir kring dei omsøkte aktivitetane og argumentert for kor viktige dei er i integreringssamanheng. Eg finn ikkje nye opplysningar som skulle tilseie at vurderinga av desse skulle gjerast om. Klager frå Liberian Association Hordaland Om klagane: Klage 1- støtte til feiring av Liberias nasjonaldag 4. august 2012, Søkte om kr. 7.000 - fekk avslag - med kommentar Avslått i tråd med vår praksis om å ikkje støtte ordinære nasjonaldagsfeiringar. Klagar opplyser i hovudsak at organisasjonen er liten og at ein ikkje har høyrd om at det er ein anna organisasjon som representerer alle med liberisk opphav i heile Hordaland. Det vert også vist til at dei fleste medlemmene i organisasjonen kjem frå Bergen, Kvam, Lindås, Austrheim og Stord. Klage 2- driftsstøtte søkte kr. 10 000, fekk avslag med kommentaren Lite grunngjeving i søknad. Org. har også tidlegare utvist dårleg kontroll på økonomien. Klagar opplyser at dei er ein ope organisasjon som ynskjer å samarbeide med fleire. Organisasjonen er medlem i Det felles innvandrerråd i Hordaland og samarbeider med Bergenstjerne fotballklubb (internasjonal klubb). 5
Vurdering: Begge desse søknadane er sparsomleg utfylt og utdjupa. Det er ingenting i søknaden om støtte til nasjonaldagsfeiring som skulle tilseie at det vert jobba spesielt med å trekke til seg andre grupper slik at eg skulle tilrå å gå utover den generelle vurderinga eg har av nasjonaldagsfeiringar. Det kjem heller ikkje fram opplysningar i klagen som skulle tilseie dette, opplysningane om samarbeid oppfattar eg ikkje å omhandle det omsøkte arrangement. Eg ser nasjonaldagsfeiringar i hovudsak som ein del av organisasjonane si drift, som må ivaretakast gjennom ordinært budsjett. Organisasjonen har tidlegare fått driftsstønad. Ved ein teknisk feil ved utbetaling fekk dei i 2010 utbetalt 50 000 i staden for dei løyvde 10 000 som dei hadde fått tilsegnbrev om. Dette vart oppdaga av fylkeskommunen, organisasjonen betalte tilbake ein del av desse midlane, men hadde allereie brukt meir enn dei løyvde 10 000. Om organisasjonen no kan framlegge naudsynt skriftleg dokumentasjon som td. årsrapport og rekneskap og planar for korleis pengane er tenkt nytta, finn eg at vedtaket om avslag kan gjerast om slik at organisasjonen vert tildelt kr 10 000 til drift for 2012. Klager frå Bergen Global Music Network: Om klagen: 1. Kartlegging søkte kr 120 000 fekk avslag 2. Verdensmusikk-konsertserie gjennom heile året for å styrkja verdensmusikarane sin posisjon i Bergen og Hordaland musikkliv gjennom info og konsertar. Søkte kr 40.000 fekk avslag. I klagen frå Bergen Global Music Network står det: - Bergen Global Music Network er en organisasjon som er ikkje basert på en bestemt etnisk gruppe. Våres hoved mål er, og det står eksplisitt i søknaden. Bistå verdensmusikere i Bergen og Hordaland med: - Større grad av synliggjøring og integrasjon - Kunstnerisk grenseoverskridende samarbeid, utveksling og utviklings muligheter - Utvidet sceneerfaring og bedre kvalitet - Levende og inspirerende verdensmusikkmiljøer - Møtepunkter for musikere og publikum Tilby publikum: - Anledning til å bli kjent med stilarter og musikkuttrykk fra mange kulturer - Oppleve, utvikle og la seg integrere i levende, flerkulturelle musikkmiljøer - Et mangfoldig tilskudd til de etablerte musikkscener samt mer variasjon på disse musikkscenene - En kilde til kunnskap og inspirasjon - Møtesteder på tvers av kulturer. Søkjer utdjuper si målsetjing ytterlegare før dei avsluttar med Vi ber dere se pånytt søknaden til Bergen Global Music Network, og håper at forklaringen vi kom med kan bidra til et positiv svar til søknaden. Vurdering: Også denne klagaren har fortolka den generelle grunngjevinga som spesifikk for avslaget på deira søknad. I den politiske saka vart avslaget grunngjeve med følgjande: Dette kan vere eit positivt tiltak, men eg saknar ei organisatorisk forankring i relevante fagmiljø. Prosjektet budsjetterer i all hovudsak med midlar frå denne ordninga og det vert ikkje vist til konkrete samarbeidspartnarar. Eg kan ikkje sjå at det er komen fram nye opplysningar om dette i klaga, og held difor fast ved det opphavlege vedtaket. Det er tydeleg at ein må sjå på formuleringar i tilsegns- og avslagsbrev når det gjeld denne ordninga. Men eg ser heller ikkje i denne klaga at det kjem fram nye opplysningar i saka som skulle tilseie å kome klagen i møte. 6