MØTEINNKALLING Tysnes kommune

22 MØTEINNKALLING Tysnes kommune Utval : ADMINISTRASJONSUTVALET Møtestad : Rådhuset Møtedato : 25.10.10 Tid : 15.30 SAKLISTE: Utvalsaknr. Arkivsaknr. Tittel PS 12/10 08/977 VURDERING AV LØNSPOLITISK PLAN PS 13/10 10/846 VURDERING AV OPPVEKSTOMRÅDE PS 14/10 10/884 ENDRINGAR AV STILLINGHEIMLAR - REINHALDAR - LUNDE OG MYKLESTAD BARNEHAGE

23 MØTEBOK Tysnes kommune Utval Møtedato ADMINISTRASJONSUTVALET 25.10.10 Arkivsak : Arkivkode: 08/977 040 - Sakshandsamar: Steinar Dalland Handsamingar: Utval Møtedato Saksnummer FORMANNSKAPET 14.09.10 PS 79/10 ARBEIDSMILJØUTVALET 25.10.10 PS 18/10 ADMINISTRASJONSUTVALET 25.10.10 PS 12/10 VURDERING AV LØNSPOLITISK PLAN Vedlegg: Vedlegg 25.10.10 1. Uprenta vedlegg Lønspolitisk plan 2. Oversyn over endringar i lønspolitisk plan 3. Drøftingar med organisasjonane notat 14.10.10 SAKSUTGREIING: I gjeldande lønspolitisk plan for Tysnes kommune kap 1, punkt 1.4 heiter det at: Større revidering av den lønspolitiske planen bør gjerast av kommunestyret kvart 4. år. Mindre revidering kan gjerast av administrasjonsutvalet anna kvart år i samband med nytt hovudtariffoppgjer, eller når det av andre grunnar er turvande. Etter at planen har fungert i to år ser me det som turvande med nokre justeringar i planen, dette gjeld dels oppfølging av møteboka etter hovudtariffoppgjeret i 2008 og dels einskilde utilsikta utslag i lønsfastsetjinga. Oppfølging av hovudoppgjeret i 2008 I merknad til protokoll litra a) vart arbeidsgjevar gjeve eit ansvar for å gjennomføra ei kompetansekartlegging i eiga verksemd innan 01.04.09. I ettertid av denne skulle lokale partar i løpet av tariffperioden ta opp forhandlingar om endra løn og/eller bruk av avansementstillingar. I realiteten er dette ei føring om drøftingar då ei eventuell usemje ikkje kan ankast. Partane sentralt gav ei slik tilråding for den lokale lønsfastsetjinga: Partene tilrår at det lokalt kan tas utgangspunkt i lønnsrelasjon etter 10 års ansiennitet mellom minstelønn for høyskoleutdannede og minstelønn knyttet til høyskoleutdannede og høyskoleutdanning med ytterligere spesialutdanning ( om lag kr 20 000 ) som veiledende norm for lønnstillegg etter 1 års relevant videre-/etterutdanning og/eller vurdert

24 realkompetanse. For relevant videre-/etterutdanning av kortere varighet enn 1 år, dog begrenset nedad til 3 måneder, benyttes lønnsrelasjonen forholdsmessig. Tysnes kommune har i samband kompetansekartlegging og føring etter oppgjeret i 2008 gjennomført drøftingar med Utdanningsforbundet, Fagforbundet og NSF, det var ikkje avsett noko særskilt pott for desse forhandlingane og det vart ikkje gjeve lønstillegg i forhandlingane. I hovudsak var det ei drøfting opp mot prinsipp for framtidig lønsfastsetjing. Løn opp mot kompetanse er ei særskild utfordring i kap 4 der lønsfastsetjinga i hovudsak skjer sentralt. I kap 3. og 5 er heile løna fastsett lokalt og kompetanse for den einskilde er eit av dei kriteria det kan forhandlast om kvart år. Kap 3 og 5 er heller ikkje knytt opp i eit lønsstigeregulativ. Det har vist seg svært vanskeleg å gjera gode vurderingar av realkompetanse, til ein viss grad kan ein sei at realkompetansen er bygd inn i ansiennitetsvurderingane ved at relevant røynsle vert telt med i den samla ansienniteten og fører til lønsopprykk langs ansiennitetsstigen. I møtebok etter hovudtariffoppgjeret i 2010 vert det vist til at relevant og dokumentert spesial-, tilleggs- og vidareutdanning i dei lokale forhandlingane. Det vert vist til meklingsmannen si møtebok frå 2008 som ein rettleiande norm. Det vert gjort framlegg om slikt nytt punkt under lønsvedtekter for Tysnes kommune: Kompetanseløn for tilsette i regulativløn Gjennomført relevant dokumentert spesial-, vidare- og etterutdanning med normert tid på minimum 6 månader skal så langt det er mogleg prioriterast ved lokale 4.a.1 forhandlingar. For eit års relevant utdanning kan det gjevast eit tillegg på inntil kr 20 000, løna vert forholdsmessig avrekna for kortare studium. Tillegg gjeve for kompetanse skal merkjast særskilt i protokoll og skal koma i tillegg til den til eikvar tid gjeldande minsteløna for den aktuelle stillingsnemninga. Dersom tilsette endrar plassering i lønsregulativet fell tidlegare kompetansetillegg vekk. Ein kan sei at dette punktet inneber ei endring ut frå det grunnfesta prinsippet om at løn skal gjevast ut frå stillingsinnhald og ikkje ut frå kompetansen til den som til ei kvar tid fyller stillinga. Det må likevel merkjast at det berre gjeld kompetanse som er relevant ut frå stillinga og at hovudprinsippet om funksjon framleis er styrande. Det bør vera eit mål at den einskilde etat har ein kompetanseplan som gjev forutseiielege rammer for kva som er relevant kompetanse ut frå verksemda sitt tarv, ein slik plan bør gå over fleire år. Når det gjeld realkompetanse har det vist seg å vera svært vanskeleg å definera utover det som i dag følgjer av vedtektene om ansiennitet. Ei mogleg løysing er å laga ein lokal ansiennitetsstige, utfordringen med dette er at ein slik stige vil vera vanskeleg å oppretthalda i det forhandlingssystemet som gjeld i dag der sentrale forhandlingar et opp lokale tilegg. Per i dag kan organisasjonane argumentera for realkompetanse etter kriteria i lønspolitisk plan kap. 4, me finn det vanskeleg å leggja noko sterkare føringar på dette på det noverande tidspunkt. Andre endringar:

25 Endring av punkt 3.5 Etikk i forhandlingsprosessen Det har tidlegare vore drøftingar om i kva grad tilsette som er organisert i einmanns forbund har høve til å forhandla for seg sjølv. Etter dagens avtaleverk har alle rett til å vera representert i forhandlingane, men det inneber ingen rett til å forhandla for seg sjølv. Punktet er justert slik at i dei høve der organisasjonen ikkje klarer å få på plass nokon til å forhandla for seg vert løna fastsett av rådmannen. Endring av punkt 3.10 Fastsetjing av løn ved tilsetjing Det vert peika på at løn ved tilsetjing skjer i tråd med vedtektene i HTA og lokal lønspolitisk plan for Tysnes kommune. Det andre avsnittet, som legg ei beløpsgrense for rådmannen, er teke ut då dette er lite tenleg, det bryt og med dagens system der rådmannen er ansvarleg for forhandlingane. Nytt punkt 5.0 Om lønsvedtektene I punkt 5.0 presiserer me kva vedtekter som fører til automatisk lønsendring og kva vedtekter som inneber at det skal prioriterast i lokale forhandlingar. Det kan drøftast om sikringsvedtekter for leiararar burde vore handsama likt som føringa i punkt 5.1, me har kome til den konklusjonen at det ikkje er naturleg då sikringsvedtekta for leiarar byggjer på nokre skjønnsmessige føresetnader. Endring av punkt 5.1 Løn for pedagogiske leiarar Her er beløpsgrensa auka frå kr 2000 til kr 5000 per år i 100 % stilling, det er etter tilhøva ei rimeleg auke. I punktet har me også teke med dei som arbeider som formenn, st.kode 7003, i dag ser me at denne gruppa ofte vert liggjande under fagarbeidarløn grunna at dei er direkte plassert. Dette fører til noko frustrasjon som bør unngås i tida frametter. Endring av punkt 5.2 Løn til studentar Noverande lønsregulativ inneber at ein fagarbeidar med 10 års ansiennitet har betre løn enn ein høgskuleutdanna med 4 års ansiennitet og om lag like mykje som ein høgskuleutdanna med 8 års ansiennitet. Punktet om studentavløning gjev såleis svært uheldige utslag der ein som er under utdanning faktisk kan tena meir enn ein som er ferdig utdanna. Punktet er endra slik at studentavløning ikkje kan gå høgare enn regultativløna for høgskuleutdanna. INNSTILLING FRÅ RÅDMANNEN: Lønspolitisk plan vert vedteken med endringar slik den ligg føre. Saka vert å handsama i arbeidsmiljøutvalet og administrasjonsutvalet, det er administrasjonsutvalet som etter planen sitt punkt 1.4 gjer endeleg vedtak. VEDTAK I FORMANNSKAPET 14.09.10: Lønspolitisk plan vert vedteken med endringar slik den ligg føre.

26 Saka vert å handsama i arbeidsmiljøutvalet og administrasjonsutvalet, det er administrasjonsutvalet som etter planen sitt punkt 1.4 gjer endeleg vedtak. HANDSAMING I ARBEIDSMILJØUTVALET 25.10.10: Utdanningsforbundet viser til punkt 3.5, siste avsnitt og stiller spørsmål om arbeidsgjevar si lønsplassering i så tilfelle kan ankast. Arbeidsgjevar meiner at det då ikkje er rom for anke og at organisasjonane har svært god tid til å få nokon til å forhandla for seg. Det er prinsippielt viktig at forhandlingar skjer mellom partane og at det ikkje i realiteten vert ein individuell forhandlingsrett. AMU tek dette til orientering. FRAMLEGG TIL VEDTAK FRÅ ARBEIDSMILJØUTVALET 25.10.10: Lønspolitisk plan vert vedteken med endringar slik den ligg føre. HANDSAMING I ADMINISTRASJONSUTVALET 25.10.10: Fagforbundet stilte spørsmål om organisasjonen kan anka rådmannen si lønsplassering etter siste avsnitt i punkt 3. 5. Arbeidsgjevar meiner at det då ikkje er rom for anke og at organisasjonane har svært god tid til å få nokon til å forhandla for seg. Det er prinsipielt viktig at forhandlingar skjer mellom partane og at det ikkje i realiteten vert ein individuell forhandlingsrett. VEDTAK I ADMINISTRASJONSUTVALET 25.10.10: Lønspolitisk plan vert vedteken med endringar slik den ligg føre.

27 MØTEBOK Tysnes kommune Utval Møtedato ADMINISTRASJONSUTVALET 25.10.10 Arkivsak : Arkivkode: 10/846 212 - Sakshandsamar: Helge F. Kjellevold Handsamingar: Utval Møtedato Saksnummer OPPVEKST/OMSORG 19.10.10 PS 47/10 FORMANNSKAPET 19.10.10 PS 90/10 ARBEIDSMILJØUTVALET 25.10.10 PS 19/10 ADMINISTRASJONSUTVALET 25.10.10 PS 13/10 VURDERING AV OPPVEKSTOMRÅDE SAKSUTGREIING: Oppvekstsjefen har tidlegare i haust presentert ei vurdering av oppvekstområdet for formannskapet. I denne vurderinga kjem det mel.a. fram at Tysnes kommune har svært høge kostnader ved drift av skular og barnehagar grunna mange små einingar. T.d. er kostnadene pr born i alderen 1-5 år 29 525 kr. medan talet på landsbasis er 17 554. Gjennomsnittstalet for Hordaland er enno noko lågare. Det er lita tvil om at ei sentralisering av barnehagetilbodet i kommunen vil kunne redusera kommunen sine kostnader betydeleg. Netto driftskostnader pr. elev i grunnskulen i 2009 for Tysnes sin del var på kr. 117 561 medan gjennomsnittstalet for Hordaland var på kr. 83 078 og på landsbasis kr. 84 597. Det er med andre ord mykje å henta økonomisk på gjera strukturelle endringar. I tillegg til desse momenta er det klårt at kommunen i dei næraste åra vil missa store inntekter grunna nedgongen i elevtalet. I løpet av nokre år snakkar vi om tapte inntekter på rundt 4 mill. åreleg. Dette, i tilleg til store investeringsbehov der ny barnehage og ny sjukeheim er dei mest omfattande, gjer at kommunen er heilt avhengig av å få ned kostnadene for å få budsjetta i balanse. Det illustrerer elles situasjonen godt at kommunen manglar mellom 7-8 mill. kr. på neste års budsjett for å kunne halda oppe dagens tenestenivå. Det er heller ikkje realistisk å tru at Tysnes kommune vil ha økonomi til å å halda oppe budsjettet for oppvekstetaten på dagens nivå i åra framover. Om ein tviheld på dagens struktur betyr det at kuttet i kostnader må takast på annan måte. Oppvekstsjefen fryktar at dette vil resultera i eit dårleg undervisningstilbod for alle elevane i kommunen. Strakstiltak Reksteren skule. Dersom oppvekstetaten skal kunne bidra positivt til å få 2011 budsjettet i balanse, må innsparingane koma som følgje av strukturendring. I så måte er det Reksteren skule som skil seg ut.

28 Skulen er no ein udelt skule med 9 elevar skuleåret 2010/2011. Elevtalsprognosane for åra framover viser at elevgrunnlaget for denne skulen er i ferd med å falla bort: Skuleåret 2009/2010: 9 elevar Skuleåret 2011/2012: 7 elevar Skuleåret 2012/2013: 4 elevar Skuleåret 2013/2014: 3 elevar Skuleåret 2014/2015: 3 elevar Skuleåret 2015/2016: 1 elev Med slike tal på bordet er det etter rådmannen si meining naudsynt å ta framtida for denne skulen opp til vurdering. Budsjettet for 2011 vil liggja på rundt 2 mill. kr, og sjølv om elevtalet vert redusert, vil ikkje dette gje dei store utslaga økonomisk ettersom skulen alt er udelt. Sjølv om Reksteren skule på mange måtar har utmerka seg med godt læringsmiljø og dyktig personale, er det grenser for kor langt ned elevtalet kan gå utan at det får konsekvensar ikkje minst for det sosiale miljøet. Rådmannen er difor av den oppfatning at skulen bør leggjast ned frå hausten av og elevane overførast til Uggdal og Tysnes skule. Med dette tiltaket vil oppvekstetaten sitt budsjett for 2011 kunne reduserast med ca kr. 800 000. Rådmannen vil i denne samanheng visa til at det har vore halde fleire møte med foreldre og tilsette på skulen der situasjonen har vore diskutert. Det første møtet vart halde alt i januar 2010. Dette var eit fellesmøte mellom SU/foreldrerådet og dei tilsette ved skulen. I vår vart det så halde eit ope møte i samband med rullering av arealdelen av kommuneplanen der oppvekstsjefen mel.a. orienterte om barnetalsutvikling/elevtalsutvikling i krinsen. I dette møtet var det ingen kommentarar til skulens framtid, men ein i møtelyden gav uttrykk for at ein ny sentralbarnehage burde liggja på Uggdal og ikkje i Våge grunna reisetida frå Reksteren. Den 21/9-10 vart det halde eit nytt møte med foreldre og tilsette med same tema som i januar. I etterkant av dette møtet vart samarbeidsutval, foreldreråd, elevråd og tilsette iviterte til å koma med skriftlege innspel med omsyn til skulen si framtid. Alle partar svara på invitasjonen. Kort oppsummert ynskjer alle instansar å oppretthalda skulen eitt år til. I denne prosessen har Utdanningsforbundet sin tillitsvald på skulen vore med, men organisasjonane er i tillegg kalla inn til eit drøftingsmøte før saka kjem opp i oppvekst/omsorg 19.okt. Langsiktige tiltak. Skulane. Kommunen har ingen skulebruksplan som seier noko om kva for skulestruktur ein ynskjer i framtida. I dag har kommunen fem skular med følgjande elevtal pr. 01.10.10: Reksteren skule: 9 elevar Lunde skule: 21 elevar Onarheim skule: 22 elevar Uggdal skule: 80 elevar Tysnes skule: 206 elevar (Fordelt med 93 elevar på 5.-7. kl og 113 på ungdomssteget) Totalt elevtal vert då 338. Elevtalsutviklinga for desse skulane dei neste fem åra ser slik ut: Skule 2011/2012 2012/2013 2013/2014 2014/2015 2015/2016 Tysnes 193 187 186 174 156 Uggdal 79 79 73 70 78

29 Onarheim 22 19 19 18 20 Lunde 19 19 20 22 18 Reksteren 7 4 3 3 1 Totalt 320 308 301 287 273 At det kostar å driva med så etter måten små einingar kjem klårt fram i KOSTRA-tala som det er vist til ovanfor. Statistikk kan brukast til så mykje, og ein skal vera varsame med å leggja for stor vekt på desse tala. Det er likevel slik at Tysnes kommune brukar ca kr. 30 000 meir pr. elev enn gjennomsnittet i Hordaland. Dersom kommunen kom ned på gjennomsnittstalet, ville det bety ei årleg innsparing på ca kr. 10 mill. i høve til dagens forbruk. Dette er kanskje ikkje realistisk, men for å få dette til er det i alle høve ein føresetnad at alle elevane i kommunen vert samla på ein sentralskule. Hovudgrunnen til dei høge kostnadene er små eininger. Netto driftskostnader for ein elev på Reksteren skule er t.d. på ca kr. 200 000. Oppvekstsjefen har tidlegare presentert tal for innsparingar med ulike modellar. Nedlegging av Reksteren skule vil gje ei innsparing på heilårsbasis på ca 2 mill. Dersom elevane på Lunde skule vart ført over til ein sentralskule, ville det årlege innsparinspotensialet auka med ca 3 mill. (2,5 mill. om dette fører til klassedeling) For Onarheim skule sin del vil innsparinga liggja på ca 2,3 mill. inkl. klassedeling. Med desse strukturelle endringane vil ein redusera dei samla kommunale kostnadene med nærmare 7 mill. pr. år. Nettopp klassedeling er eit sentralt punkt i økonomien. Grovt sett kan ein sei at ein ny klasse medfører kostnader på ca 500 000 kr. (600 000 på ungdomssteget). Tabellen nedanfor visar situasjonen for ulike konstellasjonar dersom elevane vert samla på Tysnes skule. (Tabellen startar med skuleåret 2012/2013 då det ikkje er realistisk at Tysnes skule eventuelt vil vera klar til å ta imot dei nye elevane før det) Skular Uggdal/Reksteren Uggdal/ Reksteren/Lunde Skuleår 12/1 13/1 14/1 15/1 3 4 5 6 12/13 13/14 14/15 15/16 12/1 3 Uggdal/Rekst./ Lunde/Onarheim 1. klasse 20 16 19 23 23 20 24 25 26 23 28 28 2. klasse 15 20 16 19 19 23 20 24 25 26 23 28 3.klasse 23 15 20 16 23 19 23 20 24 25 26 23 4. klasse 24 23 15 20 30 23 19 23 31 24 25 26 5. klasse 20 24 23 15 23 30 23 19 28 31 24 25 6. klasse 17 20 24 24 20 23 30 23 23 28 31 24 Tal klassar 6 6 6 6 7 7 7 6 7 7 7 6 NB! Raude tal indikerar at det kun skal ein (1) ny elev til før klassen blir delt. Vi ser då at det ikkje er usannsynleg at fleire klassar vil bli delte dersom elevane frå alle skulane skal gå på Tysnes skule. Det er imidlertid god margin om elevane frå Uggdal og Reksteren vert samla der. Ved Onarheim skule er ein i tillegg i ferd med å avslutta ei omfattande rehabilitering til ein kostnad av ca 8 mill. Samtidig ser ein av elevtalsutviklinga at skulen vil ha pluss/minus 20 elevar dei neste fem åra. Dei politiske signala har imidlertid vore ganske klåre på at ein framleis ynskjer skule på Onarheim. Det siste må ein vel òg kunne seie om Lunde skule, sjølv om det her har vore ymta frampå om eit oppveksttun med 1-4 skule og barnehage under same tak. Elevtalsutviklinga på denne skulen er i store trekk som på Onarheim skule, og elevtalet i perioden vil også her liggja på pluss/minus 20 elevar. Begge desse skulane vil vera dyre å drifta for kommunen om elevtala blir som forventa. 13/1 4 14/1 5 15/16

30 Når det gjeld oppveksttunmodellen ser ikkje rådmannen at han kan anbefala dette. For det første er dette ein modell som er kostnadskrevjande, og som difor ikkje inneber noko form for innsparingar. Det kan i denne samanheng vera grunn til å peika på at Os kommune, som har hatt dette i ei årrekkje, no har beslutta å avvikla denne modellen. Det er truleg utelukkande økonomiske argument som ligg bak denne avgjerda. Ein vil òg sitja att med svært små sosiale og pedagogiske miljø om ein t.d. legg opp til 1-4 skule og einavdelings barnehage. I så fall vil ein driva med svært små marginar både på Lunde og Onarheim skule (der ein slik modell kunne vera aktuell) før skulen blir udelt (12 elevar eller mindre). Sjølv med 1-6 skule pluss barnehage vil det pedagogiske og sosiale miljøet bli lite. Som nemnd tidlegare eksisterar det ingen skulebruksplan i Tysnes kommune. Ein slik plan ville vore nyttig med tanke på langsiktig planlegging. Slik det er no, kjem debatten om skulestruktur opp kvart einaste år i samband med budsjettprosessen. Dette er ofte frustrerande både for elevar, forleldre og tilsette. Med ein langsiktig plan for skulestrukturen i kommunen kunne dette vore unngått. Det er rådmannen si oppfatning at ein slik plan bør utarbeidast i nær framtid. Dersom ein vel å halda fram med dagens struktur, er det svært lite å henta på å kutta i budsjetta for skulane. Samtlege skular har måtte tola til dels kraftige nedskjeringar dei seinare åra, og det er grunn til å åtvara mot ei utvikling der ein tviheld på dagens struktur med den konsekvens at ein forringar skuletilbodet for samtlege elevar i kommunen. Det sosiale og pedagogiske perspektivet. Det er ofte slik at fokus blir sett på det økonomiske aspektet i samband med endring i skulestruktur. Dette er sjølvsagt eit nødvendig perspektiv, på same måte som topografi. Men òg det sosiale aspektet bør telja når ein vurderar endringar i skulestrukturen. Med 10-20 elevar på ein skule seier det seg sjølv at det sosiale miljøet ikkje vert like rikt som på ein større skule. Fleire forskningsresultat støttar opp om dette. I mange høve ser òg foreldra dette, noko som medfører at dei søkjer ungane sine til ein annan skule enn nærskulen. Slike søknader får vi òg i Tysnes kommune. Det er vidare interessant å merka seg at i kommunar der ein har gjennomgått slike prosessar, er det ofte slik at både elevar, tilsette og foreldre i ettertid er svært nøgde med resultatet. I tillegg til den sosiale biten må ein òg vurdera det pedagogiske miljøet. Eit rikt og levande pedagogisk miljø fordrar at det har ein viss storleik. Skular på 20 og 10 elevar kan ikkje seiast å oppfylla dette kravet. Ny barnehage. Barnehagesaka skal opp igjen på nytt i kommunestyret i november. Dette er ei sak som har drege ut i tid og som har gjort det nødvendig med Uggdal skule som naudløysing. Sjølv med eit gyldig vedtak i kommunestyret denne hausten, må ein vera budde på at den midlertidige løysinga på Uggdal skule må halda fram også hausten 2011. Det er til sjuande og sist politikarane som må avgjera kvar den nye barnehagen skal liggja. I det første kommunestyrevedtaket var det ein føresetnad at denne barnehagen skulle erstatta dei tre barnehagane Myklestad, Vågsmarka og Lunde. Dersom dette står fast, noko rådmannen går ut frå, vil framleis Gjerstad peika seg ut som eit reelt alternativ. Ein måte å gjera det på er å byggja barnehagen inn i skulen slik rådmannen tidlegare har gjort framlegg om. Erfaringar frå andre kommunar syner at kombinasjonen ungdomsskule/barnehage kan fungera svært bra for begge partar og er såleis ikkje noko argument imot ei slik løysing. Samstundes opnar dette for ei løysing på dei problema ein i dag har med å finna tenelege lokalar for kulturskulen. Å løysa denne problematikken er avgjerande for om ein skal kunne utvikla kulturskulen vidare. (Sjå rapport frå kulturskuleutvalet). Ei mogeleg anna løysing kan vera å flytta ungdomsskuleelevane til Uggdal skule og gjera Tysnes skule til ein rein barneskule med elevar frå 1.-7. klasse pluss barnehage/kulturskule. På

31 dette viset får ein barneskule og barnehage i same området slik mange har ivra for. Løysinga medfører imidlertid at det truleg må gjerast nokre endringa i bygningsmassen på Uggdal slik at denne vert tilpassa ungdomssteget. Det er òg usikkert om det er politisk vilje til å gjennomføra denne løysinga. Eit tredje alternativ kan vera å bruka Uggdal skule som ny sentralbarnehage og flytta elevane til Tysnes skule. Denne skulen vil då bli ein 1-10 skule der dei aller fleste elevane i kommunen vil vera samla. Denne løysinga vil medføra utbygging av Tysnes skule for å kunne ta imot dei fire klassane frå Uggdal. Vi snakkar då om fire klasserom, grupperom, rom til sfo, arbeidsrom for lærarar m.m. Om ei slik løysing vert vald, bør ein òg prøva å byggja inn lokaler til kulturskulen som då vil ha det aller meste av elevmassen på Tysnes skule. Etter rådmannen si meining vil alle desse alternativa i høg grad vera pedagogisk forsvarlege og truleg òg kostnadsbesparande i høve til å byggja ein heilt ny sentralbarnehage på ny plass i kommunen. Og nettopp kommunen sin økonomi bør vega tungt når ein på denne måten skal planleggja for framtida. Kulturskulen. På initiativ frå formannskapet vart det i 2009 i utval for oppvekst/omsorg nedsett ei arbeidsgruppe som skulle sjå nærare på drifta av kulturskulen i komunen. Denne gruppa er på det næraste ferdig med sitt arbeid og vil leggja fram ein rapport i oppvekst/omsorg i oktober. Ut i frå etter måten små ressursar må ein kunne seia at det vert utført mykje godt arbeid i kulturskulen. Utfordringa i ein liten kommune som Tysnes er å få tak i kvalifiserte lærarar til dei ulike aktivitetane. Det er ofte snakk om små stillingar som av den grunn ikkje alltid er like attraktive. I rapporten frå kulturskulegruppa vert det særleg peika på trongen for nye lokalar dersom ein skal kunne utvikla skulen vidare. Slik det er i dag går undervisninga føre seg på dei ulike skulane og det gamle tinghuset vert nytta som lager. Under slike tilhøve er det nærmast uråd å skapa eit godt pedagogisk miljø, noko som er eit stort sakn. (Det er likevel slik at det ligg i kulturskulen sin natur at undervisninga skal kunne skje også på andre skular enn dei to sentrale.) Det er fleire måtar å løysa denne problemstillinga på. I samband med lanseringa av ny barnehage i tilknytning til Tysnes skule, var nye lokalar for kulturskulen teikna inn. Dette ville heilt klårt vore ei framifrå løysing som heller ikkje ville vore uoverkommeleg kostnadsmessig. I eit skriv til oppvekstsjefen peiker kulturskulerektor Yngve Nokolaisen på kvifor det er viktig med eigne lokalar for kulturskulen. Han gir her uttrykk for at det er vanskeleg å ha sambruk med skulane m.o.t. utstyr, og at romma på skulane er lite eigna for instrumentalundervisning. I tillegg manglar det arbeidsplassar for lærarane. Når det gjeld lokalisering av tenlege lokale peiker rektor på Gjerstad-området. Dette mel.a. fordi mange barn og unge nyttar fritidstilboda i Tysneshallen, og at det då er praktisk å samla fleire aktivitetar i same området. For å kunne utvikla kulturskulen vidare er det òg viktig å få inn flere kulturuttrykk i undervisninga. Eit lokale med eit halvstort rom der ein kan ha undervisning i dans, måling og musikk er difor viktig. Men uansett om desse lokala blir liggjande på Gjerstad eller i ein ny barnehage som er lokalisert ein annan stad i kommunen, vil dette òg gje rom for sambruk med skulen eller barnehagen. Dette momentet er ikkje uvesentleg. T.d. har Tysnes skule bruk for musikkrom, noko som og kan løysast gjennom ei oppgradering av den gamle gymsalen. Det er avslutningsvis viktig å peike på at kulturskulen i dag er etter måten svært rimeleg i drift for kommunen med eit budsjett på ca 800 000 kr. Det er ikkje råd å sjå føre seg at det kan sparast noko inn på eit frå før stramt budsjett utan at det vil få store konsekvensar for undervisningstilbodet. Vaksenopplæringa.

32 Vaksenopplæring er det minste området innafor oppvekstetaten, men ikkje mindre viktig av den grunn. Budsjettet for 2010 er på 172 000 kr. Inntekta kjem som følgje av statstilskott, men er vanskeleg å stipulera ettersom beløpet er avhengig av talet på vaksne som skal ha opplæring. Inneverande skuleår er det seks personar som får opplæring. Fire av desse kjem til å blir ferdige med opplæringa i løpet av hausthalvåret. Det er for tida to lærarar som har undervisning i samband med vaksenopplæringa, og aktiviteten på dette området ser ut til å vera i samsvar med behovet. Temaplan I planprogrammet for kommuneplanen heiter det at: Kommunen hadde i utgangspunktet tenkt å ta opp i samfunnsdelen justering av langsiktige mål, vurdering av skulestrukturen, og økonomi. Men ut frå råd frå fylkesmannen og på grunnlag av det som kom fram i regionalt planforum, har kommunen, ut frå omfang og tidsperspektiv, valt å gå rett på arealdelen i denne rulleringa. Kommunen vil så gå gjennom samfunnsdelen i den kommunale planstrategidrøftinga om 2 år. Kommunen vil likevel i første del av planfasen ha ein intern gjennomgang av oppvekstetaten/skulestrukturen og økonomi. Men no som temaplan. Dette for å ta opp desse spørsmåla når folk likevel er samla i bygdemøte og referansegrupper. Kommunen legg opp til at temaplanen skal vera ferdig før budsjetthandsaminga hausten 2010. Med bakgrunn i ovannemnde føring i planprogrammet vart økonomi og skulestruktur sentrale tema i dei ulike bygdemøta. Rådmannen ser denne saka som eit svar på den tinginga som vart gjort gjennom vedtaket om planprogram og elles i tråd med formannskapet sine intensjonar om at skulestruktur ikkje skal takast gjennom det springande budsjettarbeidet. I formannskapsmøtet 14/9-10 vart det gjort vedtak om å setja ned eit ad-hocutval for å greia ut ei nedre grense for tilbod om barnehage og/eller skule i krinsane og koma med framlegg til reglement innan 25. oktober 2010.. Slik rådmannen ser det har denne gruppa eit avgrensa mandat som ikkje innbefattar vurdering av framtidig skulestruktur eller utarbeiding av skulebruksplan. Det skulle såleis ikkje vera noko i vegen for at rådmannen kan forslå strukturelle endringar som t.d. nedlegging av Rekstern skule utan å koma i konflikt med det arbeidet denne gruppa skal utføra. Rådmannen vil vidare påpeika at sjølv om han alt har innstilt i barnehagesaka, har administrasjonen i ettertid, når ein har sett nærare på heilskapen i oppvekstetaten, kome til at løysinga med noverande Uggdal skule som sentralbarnehage og Tysnes skule som fullverdig 1-10 skule er ei svært god løysing både pedagogisk og økonomisk for kommunen. Samtidig løyser ein saka om plassering av ein framtidig sentralbarnehage utan å måtte gå vegen om omfattande planarbeid og søknadsprosessar ettersom kommunen då er på eiga grunn. INNSTILLING FRÅ RÅDMANNEN: I. Reksteren skule vert med tilvising til ovanståande premissar lagt ned frå og med skuleåret 2011/2012. Elevane vert overflytta til Uggdal skule.

33 II. III. Kommunestyret går med tilvising til ovanståande utgreiing i prinsippet inn for å nytta noverande Uggdal skule til sentralbarnehage i kommmunen. Tysnes skule vert med same tilvising framleis kommunen sin sentralskule. IV. Det må byggjast vidare på det sitjande ad-hovutvalet sin konklusjon pr. 25.10.10. for å utarbeida ein langsiktig skulebruksplan som kan danna grunnlaget for framtidig skulestruktur. V. Rådmannen skal innan 1. juni 2011 utarbeida framlegg til skulebruksplan der pedagogiske og sosiale faktorer skal vera rådande. Likevel slik at dei demografiske og økonomiske realitetane i kommunen skal vera klart førande. VI. Rådmannen skal innan 1. mars 2011 få utarbeidd eit forprosjekt med kostnadskalkyle for oppgradering av Tysnes skule. Planarbeidet må ta høgde for å kunna sikra plass til samtlege elevar i kommunen likevel slik at det alt frå skuleåret 2012/2013 er dekning for krinsane Reksteren, Uggdal og Tysnes. VII. Rådmannen vert vidare pålagt å utarbeida forprosjekt og kostnadskalkyle innan 1. mars 2011 for dei justeringane som må gjerast for å nytta Uggdal skule til sentralbarnehage. VIII. IX. Rådmannen skal i samband med desse arbeida gje framlegg til løysing av kulturskulelokale. Den føreliggjande sentralbarnehagesaka med ny førehaving vert utsett til nemnde konstnadsvurderingar er ferdige. TILRÅDING FRÅ OPPVEKST/OMSORG 19.10.10: Det vart røysta over dei ulike punkta i innstillinga: I. Reksteren skule vert med tilvising til ovanståande premissar lagt ned frå og med skuleåret 2011/2012. Elevane vert overflytta til Uggdal skule. Vart vedteke mot 1 røyst. (Krf) II. III. Kommunestyret går med tilvising til ovanståande utgreiing i prinsippet inn for å nytta noverande Uggdal skule til sentralbarnehage i kommmunen. Tysnes skule vert med same tilvising framleis kommunen sin sentralskule. Punkt II og III vart ikkje teke opp til avrøysting. IV. Det må byggjast vidare på det sitjande ad-hovutvalet sin konklusjon pr. 25.10.10. for å utarbeida ein langsiktig skulebruksplan som kan danna grunnlaget for framtidig skulestruktur.

34 V. Rådmannen skal innan 1. juni 2011 utarbeida framlegg til skulebruksplan der pedagogiske og sosiale faktorer skal vera rådande. Likevel slik at dei demografiske og økonomiske realitetane i kommunen skal vera klart førande. VI. Rådmannen skal innan 1. mars 2011 få utarbeidd eit forprosjekt med kostnadskalkyle for oppgradering av Tysnes skule. Planarbeidet må ta høgde for å kunna sikra plass til samtlege elevar i kommunen likevel slik at det alt frå skuleåret 2012/2013 er dekning for krinsane Reksteren, Uggdal og Tysnes. VII. Rådmannen vert vidare pålagt å utarbeida forprosjekt og kostnadskalkyle innan 1. mars 2011 for dei justeringane som må gjerast for å nytta Uggdal skule til sentralbarnehage. VIII. IX. Rådmannen skal i samband med desse arbeida gje framlegg til løysing av kulturskulelokale. Den føreliggjande sentralbarnehagesaka med ny førehaving vert utsett til nemnde konstnadsvurderingar er ferdige. Punkta IV IX vart samrøystes vedteke. HANDSAMING I FORMANNSKAPET 19.10.10: Aud Kaldefoss var ikkje gild til å delta under handsaminga av saka. Dei ulike punkta i rådmannen si innstilling vart røysta over separat: Ordføraren gjorde framlegg om slik omformulering av rådmannen si innstilling punkt I: Reksteren skule vert med tilvising til ovanståande premissar lagt mellombels ned frå og med skuleåret 2011/2012. Elevane vert overflytta til Uggdal skule/tysnes skule. Øystein Flakke gjorde på vegner av Tysnes Krf slikt framlegg til punkt I: Reksteren skule vert oppretthalden til sommaren 2012 i samsvar med skriv og ynskje frå foreldrerådet og SU på Reksteren skule. Kommunen ynskjer å støtta drifta av grendahuset på Skår vidare etter at skulen er lagd ned. Dette for å sikra ein viktig samlingsplass for folket på Reksteren. Ved avrøystinga fekk framlegget frå ordføraren 5 røyster ( I.S.T, T.A.H, T.H, M.I.F, H.H), framlegget frå Tysnes Krf fekk 1 røyst (Ø.F). Formannskapet ber likevel om at rådmannen gjer ei vurdering av å forlenga leigeavtale med eigarane av skulehuset på Reksteren og at det vert lagt fram for formannskapet. Ordføraren gjorde framlegg om at punkt II i rådmannen si innstilling vart utsett, formannskapet slutta seg samrøystes til framlegget.

35 Ordføraren gjorde framlegg om at punkt III i rådmannen si innstilling vart utsett, formannskapet slutta seg samrøystes til framlegget. Formannskapet slutta seg samrøystes til punkt IV. Formannskapet slutta seg samrøystes til punkt V. Ordførare gjorde framlegg om å endra dato for framlegging av forprosjekt/ kostnadskalkyle for Tysnes skule til 1. februar 2011. Formannskapet slutta seg samrøystes til punkt VI med denne endringa. Ordføraren gjorde framlegg om å endra dato for framlegging av forprosjekt/ kostnadskalkyle for Uggdal skule til 1. februar 2011. Formannskapet slutta seg samrøystes til punkt VII med denne endringa. Formannskapet slutta seg samrøystes til rådmannen si innstilling på VIII til IX. Etter dette ligg det føre slikt: FRAMLEGG TIL VEDTAK FRÅ FORMANNSKAPET 19.10.10: I. Reksteren skule vert med tilvising til ovanståande premissar lagt mellombels ned frå og med skuleåret 2011/2012. Elevane vert overflytta til Uggdal skule/tysnes skule. II. III. IV. Punktet vert utsett. Punktet vert utsett. Det må byggjast vidare på det sitjande ad-hovutvalet sin konklusjon pr. 25.10.10 for å utarbeida ein langsiktig skulebruksplan som kan danna grunnlaget for framtidig skulestruktur. V. Rådmannen skal innan 1. juni 2011 utarbeida framlegg til skulebruksplan der pedagogiske og sosiale faktorer skal vera rådande. Likevel slik at dei demografiske og økonomiske realitetane i kommunen skal vera klart førande. VI. Rådmannen skal innan 1. februar 2011 få utarbeidd eit forprosjekt med kostnadskalkyle for oppgradering av Tysnes skule. Planarbeidet må ta høgde for å kunna sikra plass til samtlege elevar i kommunen likevel slik at det alt frå skuleåret 2012/2013 er dekning for krinsane Reksteren, Uggdal og Tysnes. VII. Rådmannen vert vidare pålagt å utarbeida forprosjekt og kostnadskalkyle innan 1. februar 2011 for dei justeringane som må gjerast for å nytta Uggdal skule til sentralbarnehage. VIII. IX. Rådmannen skal i samband med desse arbeida gje framlegg til løysing av kulturskulelokale. Den føreliggjande sentralbarnehagesaka med ny førehaving vert utsett til nemnde konstnadsvurderingar er ferdige.

36 HANDSAMING I ARBEIDSMILJØUTVALET 25.10.10: AMU fekk delt ut saksdokument med handsaming frå formannskapet og utval for oppvekst og omsorg Oppvekstsjefen orienterte om saka. Utdanningsforbundet er kritiske til prosessen i forkant av politisk handsaming då dei meiner at denne skapar utryggleik. HVO meiner at verneombod bør vera med i større grad i samband med drøftingar, HVO viser til Aml kap 8 og meiner at informasjonsplikt ikkje vert ivareteke opp mot verneombod. Leiar av AMU viser til at det ikkje er mogleg å gjennomføra full drøfting i forkant av alle prinsippvedtak. Det vart gjeve informasjon til tillitsvalde før saka vart teken opp til politisk handsaming. Ordføraren viser til at punkt 2 og 3 er utsett, i høve til skulebruksplan har me god tid til å involvera. Helse- og sosialsjefen meiner at drøftinga er tilfredsstillande all den tid punkt 2 og 3 i innstillinga frå rådmannen er teke ut. Fagforbundet meiner at prosessen i hovudsak har vore forsvarleg, då særskilt i ljos av at punkt 2 og 3 i rådmannen si innstilling vert utsett TILRÅDING FRÅ FRÅ ARBEIDSMILJØUTVALET 25.10.10: I samsvar med framlegget frå formannskapet. HANDSAMING I ADMINISTRASJONSUTVALET 25.10.10: Aud Kaldefoss var ikkje gild til å handsama saka. Ordføraren orienterte om AMU si handsaming av saka og den politiske handsaminga i utval for oppvekst og omsorg og formannskapet. TILRÅDING FRÅ ADMINISTRASJONSUTVALET 25.10.10: I samsvar med framlegget frå formannskapet.

37 MØTEBOK Tysnes kommune Utval Møtedato ADMINISTRASJONSUTVALET 25.10.10 Arkivsak : Arkivkode: 10/884 031 - Sakshandsamar: Steinar Dalland Handsamingar: Utval Møtedato Saksnummer ARBEIDSMILJØUTVALET 25.10.10 PS 20/10 ADMINISTRASJONSUTVALET 25.10.10 PS 14/10 ENDRINGAR AV STILLINGHEIMLAR - REINHALDAR - LUNDE OG MYKLESTAD BARNEHAGE SAKSUTGREIING: Lunde barnehage: I samband med at Lunde barnehage fekk utvida opningstid vart det tilført barnehagen noko meir stillingsressursar jamfør kommunestyret si handsaming av sak PS 21/08. Det vart ikkje gjort formelt vedtak om at også stillinga som reinhaldar måtte aukast opp som følgje av endringa. Oppvekstsjefen har i e-post 04.10.10 gjeve slik tilråding: Då barnehagen i Lunde no har ope også på onsdagar, ser vi det som naturleg at reinhaldarstillinga vert utvida med 4 % Ny stillngsstorleik vert då 20 %. Myklestad barnehage: I samband med utvida drift i Myklestad barnehage i 2003 vart det gjort slikt vedtak i sak 19/03: Rådmannen får fullmakt til å organisera utvida drift ved Vågsmarka og Myklestad barnehagar barnehageåret 2003/2004 under føresetnad av at den utvida drifta let seg finansiera med meirinntekter frå foreldrebetaling og statstilskot. Ei av følgjene av den utvida drifta var at stillinga som reinhaldar vart auka opp til 32 % som følgje av større arealbruk. Det vart ikkje gjort formelt vedtak om utviding av stilling, noko som inneber at stillinga ligg feil i heimelsregisteret. Ingen av dei to ovannemnde endringane fører til auka kostnader opp mot dagens nivå, då det reint faktisk har vore nytta større stillingsbrøkar enn det som er heimla. Det er likevel ønskjeleg at det vert gjort vedtak slik at heimelsregisteret kan ajourførast med endringane.

38 INNSTILLING FRÅ RÅDMANNEN: Stilling som reinhaldar i Lunde barnehage, heimel 2084, vert auka opp til 20 % stilling. Stilling som reinhaldar i Myklestad barnehage, heimel 2016, vert auka opp til 32 % stilling. TILRÅDING FRÅ ARBEIDSMILJØUTVALET 25.10.10: I samsvar med innstilling. TILRÅDING FRÅ ADMINISTRASJONSUTVALET 25.10.10: I samsvar med tilråding frå arbeidsmiljøutvalet.