Pressemelding Organisasjonsavdelinga Informasjonsseksjonen 5020 Bergen Telefon 55 23 99 42 E-post informasjon@hfk.no Bergen 22. mars 2012 Vedtak og tilrådingar frå fylkesutvalet 22. mars 2012 Forskotterer for Bybanen til Flesland For å sikra kontinuerleg utbygging av Bybanen til Flesland, søkjer fylkesutvalet staten om løyve til å forskottera 55 mill. kr. Den mellombels finansieringa skal skje ved at Bergen Bompengeslekspa AS aukar låneopptaket tilsvarande. Fylkesutvalet understrekar betydninga av ei kontinuerleg utbygging av Bybanen, og legg til grunn at etappe 3 Lagunen-Flesland skal vera klar til oppstart så snart etappe 2 Nesttun-Lagunen er ferdig. Fylkesutvalet viser til at fullfinansiering av etappe 3 Lagunen-Flesland ikkje vert avklart i Stortinget før hausten 2012 når den nye søknaden om utvida bompengefinansiering av Bergensprogrammet vert handsama. Det er behov for mellombels finansiering av kostnader knytt til grunnkjøp og prosjektering. Fylkesutvalet legg til grunn at den mellombelse finansieringa vert sikra gjennom ei forskottering av bompengar ved at Bergen Bompengeselskap AS auker låneopptaket. Fylkesutvalet legg vidare til grunn at Bergen kommune sluttar seg til opplegget og at staten godkjenner forskotteringa gjennom revidert nasjonalbudsjett i mai 2012. Grunnundersøkingar og anna førebuande arbeid for byggjesteg 3 er utført i 2011. I 2012 og 2013 er det planlagt omfattande arbeid knytt til prosjektering og grunnkjøp. Planlagt byggestart er medio 2013. Det er ei målsetjing å ha avklart finansiering av prosjektet gjennom vedtak i Stortinget hausten 2012. Det er gjennomført kostnadsanslag for byggesteg 3 og verkstad/depot. Finansieringsbehov er sett til 3 360 mill. kr (2 425 mill. kr for trasé og 935 mill. kr for verkstad/depot). Kvalitetssikring av kostnadsanslag er i gang og vil vera ferdig i april i år. Startar revisjon av plan for senterstruktur Hordaland fylkesutval har godkjent at arbeidet med planprogram for regional plan for senterstruktur vert sett i gang. Den nye planen skal avløysa den gjeldande fylkesdelplanen frå 2002. Arbeidet med regional plan for senterstruktur og lokalisering av service og handel er ei prioritert oppgåve for fylkeskommunen. Planen er ein revisjon av gjeldande fylkesdelplan for senterstruktur og lokalisering av service og handel. Samfunnsutviklinga har endra fleire av føresetnadene som var lagt til grunn for planvedtaket i 2002.
Fylkesdelplanen er vorten juridisk bindande etter innføring av rikspolitisk vedtekter for kjøpesenter i 2008, og det er trong for å vidareutvikla ein robust senterstruktur, sikre gode offentlege møteplassar og trivelege sentrumsarenaer. Regionsentra treng også nye avklåringar når det gjeld funksjonar. Føremålet med vedtekta er å styrkja eksisterande by- og tettstadsenter og bidra til effektiv arealbruk og miljøvenleg transport. Rikspolitisk vedtekt for kjøpesenter er vedtatt av regjeringa og varer i inntil 10 år eller til den vert avløyst av eit regional planvedtak. I Nasjonale forventingar til regional og kommunal planlegging uttrykkjer Regjeringa forventing om at fylkeskommunene utarbeider regionale planer som avklarer den overordnete senterstrukturen og gir retningslinjer for etablering av handel i tråd med rikspolitisk bestemmelse om kjøpesentre. Utforming av ein ny regional plan bør ta omsyn til trongen for meir presise retningsliner og eventuelt vedtekter. Tilrår kraftverk for veg til Jordalen Fylkesutvalet i Hordaland meiner det er viktig å sikra Jordalen ny og rassikker veg. Ut frå dei store samfunnsvinstane er fylkesutvalet positiv til bygging av Holmen kraftverk kombinert med vegtunnel til Jordalen. Dette går fram at fylkesutvalet si høyringsfråsegn til Holmen kraft AS sin søknad om bygging av kraftverk i Jordalseleva i Voss og Aurland kommunar. Fylkesutvalet meiner dei minimale synlege tekniske inngrepa og den reduserte vassføringa ikkje i vesentleg grad er til skade for verneinteressene i området. Fylkesutvalet vedtok dette samrøystes. Fylkesutvalet støttar omsøkt minstevassføringa, 300 l/s sommar og 100 l/s vinter. Dette vart vedteke med 13 mot 2 (V, KrF) røyster. Mindretalet ville ha krav om 300 l/s vassføring heile året. Undersøkingsplikta etter 9 i kulturminnelova må oppfyllast. Kraftverket vil kunna gje inntil 72GWh ny kraft med ein utbyggingskostnad på 315 mill kr. Planane inneber og ny 52kV kraftline mellom Holmen og Kjønnagard i Voss. Fylkeskommunal støtte til UPTIME Hordaland fylkeskommune skal gje 1,25 mill. kr i støtte i 2012-14 til UPTIME Centre of Competence. Senteret skal initiera klyngeutviklande prosjekt innan drift og vedlikehald, særleg knytt opp mot maritim sektor og offshoresektoren. Fylkesutvalet har løyvd 500 000 kr i prosjekt- og etableringsstøtte i år. Utvalet har også vedteke at fylkeskommunen skal inngå partnarskapsavtale med UPTIME Centre of Competence for perioden 2012 til 2014 med ei årleg økonomisk ramme på kr 250 000. 2
Ei rekkje sentrale bedrifter innafor maritim sektor og petroleumssektoren har gått saman om å etablera eit senter for maritim og offshore drift og vedlikehald. Senteret vil få namnet UPTIME Centre of Competence (UPTIME). UPTIME vil fokusere på områda utdanning, kompetanseheving, rekruttering, forsking, innovasjon, entreprenørskap, system- og metodeutvikling og myndigheits- og bransjepåverking. Maritim sektor og offshoresektoren er dei to sektorane i Hordaland med flest tilsette og høgast verdiskaping og størst eksportandel. Ved oppstart av senteret vil det 2012 mellom anna verta arbeidd med prosjekt som: 1. Utgreiing av årsaksforhold for nedetid i offshore/maritime bransjar 2. Forlenga levetid for installasjonar. 3. Auka utvinning endra vedlikehaldsstrategi. 4. Bruk av automatisk tilstandsovervaking som tilnærming til online risk management. UPTIME Centre of Competence består av: 1. Interesseorganisasjonen Senter for maritim og offshore drift og vedlikehald 2. Driftsselskapet UPTIME Centre AS Partnarbedriftene styrer og prioriterar senteret sitt arbeid gjennom styrerepresentasjon i interesseorganisasjonen og i driftsselskapet. Rustar opp gardsbruk for 2 mill. kr Hordaland fylkeskommunen brukar 2 mill. kr til investeringar ved gardsbruka ved jordbruksskulane og Valen og Handeland gard i 2012. Største løyvinga er vel 1 mill. kr til ny mjølkemaskin ved Voss jordbruksskule. Ved Voss jordbruksskule er bygging av ny storfefjøs i gang, og skal etter planen stå ferdig komande haust. Bygningen er tilpassa installering av ny mjølkerobot. Til kjøp av traktor ved Stend vidaregåande skule har fylkesutvalet løyvd 475 000 kr. Til ferdig opparbeiding av Hjeltnes vidaregåande skule (Ulvik) sin maskinverkstad m.m. i Holmen er det løyvd 300 000 kr. Til grøfting og kjøp av utstyr ved Valen og Handeland gard i Kvinnherad er det løyvd 200 000 kr. Godkjende dyrare rassikring i Ulvik Hordaland fylkesutval gar godkjent at rassikring av Eddagjelet-Torgilsberge i Ulvik kan setjast i gang med grunnlag i oppdatert kostnad på 170 mill. kr. Det nye kostnadsoverslaget, som er basert på innkomne tilbod, er 40 mill. kr høgare enn den tidlegare ramma på 130 mill. kr. Fylkesutvalet viser til at kostnadsauken på prosjektet inneber behov for å utsetja andre prioriterte skredsikringsprosjekt for å dekka inn om lag 40 mill. kr til Eddagjelet-Torgilsberget, og ber om at forslag til omprioritering vert presentert ved rullering av rassikringsplanen. 3
Vedtak i fylkesutvalet: 72/12 BYBANEN BYGGETRINN III - SØKNAD OM FORSKOTTERING AV MIDLAR TIL PROSJEKTERING OG GRUNNERVERV 1. Fylkesutvalet understrekar betydninga av ei kontinuerleg utbygging av Bybanen, og legg til grunn at etappe 3 Lagunen-Flesland er klar til oppstart så snart etappe 2 Nesttun-Lagunen er ferdigstilt. 2. Fylkesutvalet viser til at fullfinansiering av etappe 3 ikkje vert avklart i Stortinget før hausten 2012, og at det er behov for mellombels finansiering av kostnader knytt til grunnerverv og prosjektering i størrelsesorden 55 mill kroner. 3. Fylkesutvalet legg til grunn at den mellombelse finansieringa vert sikra gjennom ei forskottering av bompengar ved at Bergen Bompengeselskap AS auker låneopptaket. 4. Fylkesutvalet legg vidare til grunn at Bergen kommune sluttar seg til opplegget og at staten godkjenner forskotteringa gjennom revidert nasjonalbudsjett i mai 2012. 73/12 OPPSTART AV REGIONAL PLAN FOR SENTERSTRUKTUR OG LOKALISERING AV SERVICE OG HANDEL - ORGANISERING AV ARBEID MED PLANPROGRAM 1. Arbeidet med planprogram for regional plan for senterstruktur og lokalisering av service og handel startar opp i tråd med regional planstrategi for Hordaland 2010-2012. 2. Fylkesrådmannen legg fram forslag til planprogram for politisk handsaming. 74/12 AUKA ENGASJEMENT I NORDSJØKOMMISJONEN FOR HORDALAND FYLKESKOMMUNE 1. Fylkesutvalet vedtar dei skisserte rammer for auka engasjement i Nordsjøkommisjonen 2. Fylkesutvalet vel følgjande representantar til å representere Hordaland fylkeskommune i dei tematiske arbeidsgruppene i Nordsjøkommisjonen o Kultur og reiseliv: Helge Andre Njåstad o Innovasjon og utdanning: Mona H. Hellesnes o Transport: Tom Skauge o Berekraftig utvikling: Torill Selsvold Nyborg o Marine Ressursar: Tom-Christer Nilsen Hordaland fylkeskommune bør ved høve fremme kandidatar til ledige verv som chair eller vice-chair for tematiske grupper. Dette arbeidet må samordnast med dei andre fylka i Vestlandsrådet. 4
75/12 RUTELØYVEPERIODE OG LIKSKAP I FORVALTINGA FORSLAG TIL 1. Fylkesutvalet sitt vedtak pkt 1 i sak 193/11 vert endra til å lyde: Fylkesutvalet tildeler Bergen Minibuss Service AS ruteløyve for 10 år på strekninga Flesland kai Bergen lufthavn på vilkår av at drifta vert tilrettelagt for personar med nedsett rørsleevne. 2. Fylkesutvalet sitt vedtak bokstav c) i sak 194/11 vert endra til å lyde: Løyvet gjeld i 10 år. 76/12 SØKNAD OM BYGGING AV HOLMEN KRAFTVERK I JORDALSELVA - FRÅSEGN 1. Fylkesutvalet i Hordaland meiner det er viktig å sikre Jordalen ny og rassikker veg. Ut frå dei store samfunnsvinstane er fylkesutvalet positiv til bygging av Holmen kraftverk kombinert med vegtunnel til Jordalen, og meiner dei minimale synlege tekniske inngrepa og reduserte vassføringa ikkje i vesentleg grad er til skade for verneinteressene i området. 2. Fylkesutvalet støttar omsøkt minstevassføringa, 300 l/s sommar og 100 l/s vinter. 3. Undersøkingsplikta etter 9 i kulturminnelova må oppfyllast. 77/12 SØKNAD OM MEDFINANSIERING AV FJORDVEGEN DIKTARVEGEN AS Saka vart utsett. 78/12 INNLØYSING AV FESTETOMT TYSNES TANNKLINIKK - GNR. 94, BNR. 303, SNR. 7 Vedlagt kjøpekontrakt for innløysing av festetomt for Tysnes tannklinikk, Gnr. 94, Bnr. 303, Snr. 7, vert godkjent Det vert gjort følgjande endringar i investeringsbudsjettet: Meirutg./ Mindreutg./ Stad Prosjekt Art Tekst mindreinnt. meirinnt. 10 51002000 01077 02320 Tysnes tannklinikk - Innløysing av tomt 50 000 10 77802000 01999 02303 Tannhelse, Samleløyving 2012 50 000 50 000 50 000 79/12 SENTER FOR MARITIM OG OFFSHORE DRIFT OG VELIKEHOLD - SØKAND OM PROSJEKTSTØTTE OG PARTNERAVTALE 1. Fylkesutvalet ser positivt på opprettinga av UPTIME Centre of Competence, og legg særleg vekt på at næringsaktørane saman med forskings- og utdanningsaktørane har tatt eit stort ansvar for etablering og utvikling av senteret. 2. Fylkeskommunen støttar etableringa med kr 500 000 som prosjektstøtte/etableringsstøtte for 2012. Vidare inngår fylkeskommunen ein partnarskapsavtale med UPTIME Centre of 5
Competence for perioden 2012 til 2014 med ein årleg økonomisk ramme på kr 250 000. Løyvingane vert dekka over Regionalt utviklingsprogram. 3. Evaluering i løpet av 2014. 80/12 UNIVERSELL UTFORMING - FORDELINGSSAK NR. 1-2012 Utsett. 81/12 FYLKESKOMMUNALE GARDSBRUK - FORDELING AV INVESTERINGSMIDLAR 1. Fylkesutvalet godkjenner slik disponering av midlane på samlepost til opprusting av fylkeskommunale gardsbruk for 2012: Hjeltnes vgs. Fast dekke anleggshall / steinlager kr. 300.000,- Voss jordbruksskule Kjøp av mjølkerobot kr. 1.025.000,- Valen og Handeland gard Kjøp av utstyr m.m. kr. 200.000,- Stend vgs Kjøp av traktor kr. 475.000,- 2. Budsjett for 2012 vert endra slik: 10 659 02000 Voss jordbruksskule 06915 Mjølkerobot 02320 Nybygg/ nyanlegg kr 1.025.000,- 10 658 02000 Stend vgs 06913 Kjøp av traktor 02010 Nybygg/ nyanlegg kr 475.000,- 10 657 02000 Hjeltnes vgs 06914 Fast dekke anleggshall / steinlager 02320 Nybygg/ nyanlegg kr 300.000,- 10 774 10000 Valen og Handeland gard 06915 Grøfting/kjøp av utstyr 02320 Nybygg/nyanlegg kr 200.000,- 10 772 02900 Fylkeskommunal gardsdrift 06999 Samleløyving 02320 Nybygg/nyanlegg kr 2.000.000,- 6
82/12 GODKJENNING AV PROSJEKTREKNESKAP Fylkesutvalet godkjenner prosjektrekneskap ved skulane Laksevåg videregående skole, Fyllingsdalen videregående skole, Langhaugen videregående skole og Bergen Maritime videregående skole, slik dei går fram av vedlegget til saka. 83/12 MEDILAB AS - AKSJEOVERDRAGING Fylkeskommunen sin aksjepost på 200 aksjar a kr. 1000,- i Medilab AS blir overdratt vederlagsfritt til Innovest AS. 84/12 ETISKE RETNINGSLINER - OPPMODING TIL SELSKAP MED FYLKESKOMMUNAL EIGARINTERESSE Fylkesutvalet oppmodar selskap der Hordaland fylkeskommune har eigarinteresse om å innføra etiske retningsliner for selskapet si verksemd. 86/12 REKNESKAPSPROGNOSE PR. FEBRUAR 2012 Fylkesutvalet tek rekneskapsrapporten pr. februar 2012 til orientering. 87/12 SKREDSIKRINGSTILTAK EDDAGJELET - TORGILSBERGET - KOSTNADSAUKE 1. Fylkesutvalet godkjenner oppstart av prosjektet Eddagjelet-Torgilsberget i Ulvik på grunnlag av oppdaterte kostnadstal på 170 mill kroner. 2. Fylkesutvalet viser til at kostnadsauken på prosjektet inneber behov for å utsetje andre prioriterte skredsikringsprosjekt for å dekke inn om lag 40 mill kroner til Eddagjelet- Torgilsberget, og ber om at forslag til omprioritering vert presentert ved rullering av skredsikringsplanen. 7