saksframlegg Dato: Referanse: Vår saksbehandlar: 23.01.2019 6816/2019 Målfrid Nesje Saksnr Utval Møtedato Kultur- og folkehelseutvalet 06.02.2019 2019 - Treårig og eittårig driftstilskot til kulturorganisasjonar Bakgrunn I sak KF-20/18 vedtok kultur- og folkehelseutvalet vilkår for ny tildeling av treårige driftstilskot for perioden 2019-2021 med slike prioriteringar: Organisasjonar med regionalt nedslagsfelt (geografi og funksjon) Organisasjonar som kan dokumentere statleg og kommunal driftstilskot frå vertskommune/-ar Organisasjonar som kan vise til heilårsaktivitet Organisasjonar som kan vise til stabil drift over fleire år Organisasjonar som kan vise til utviklingsprosjekt i perioden Kravet om heilårsaktivitet utløyste behovet for ei eiga ordning for regionale festivalar og kulturarrangement. Fordeling til desse blir lagt fram i sak KF-3/19. Alle mottakarar av driftstilskot frå Møre og Romsdal fylkeskommune vart i april 2018 invitert til informasjonsmøte om søknadsfrist, dei nye retningslinene og ny søknadsportal. Møtet vart annonsert også til andre aktørar, i tillegg til at informasjonen vart lagt på heimesidene til fylkeskommunen. Det er satt ei nedre grense for treårig driftstilskot til 30 000 kroner. Då vi i porteføljen til fylkeskommunen også har fleire organisasjonar som mottar mindre enn 30 000 kroner i driftstilskot, er det viktig at også desse organisasjonane blir tatt vare på. Desse er satt på eittårige driftstilskot. Det kom inn totalt 96 søknader innan fristen 1. juni 2018. Dei fleste søkarane er organisasjonar som allereie er i porteføljen til fylkeskommunen, førre tildeling av treårig driftstilskot vart gjort i sak KF-2/18. Dei fleste søker no om auka driftstilskot. I denne saka er 61 av søknadene vurdert. 24 søknader med forslag om treårig driftstilskot, 11 søknader med forslag om eittårig driftstilskot og 26 søknader med forslag om avslag. I saka legg vi fram forslag både på treårige og eittårig driftstilskot. Alle søkte innan fristen 1. juni 2018. Dei som er vurdert til eittårig driftstilskot i denne saka, kan ikkje søke på nytt om eittårig driftstilskot med søknadsfrist 1. april 2019. 22 søknader er overført til sak KF-3/19 - Fylkeskommunale tilskot til regionale festivalar og kulturarrangement.
12 søknader som gjeld brukarorganisasjonane (funksjonshemma sine interesseorganisasjonar) blir behandla i eiga sak i marsmøte. Saka blir først lagt fram for eldrerådet og rådet for likestilling av funksjonshemma til vurdering. I tillegg ligg også God Helsepartnarskapet med 35 kommunar i denne saka. God Helse-partnarskapet er under evaluering. Det blir lagt fram eiga sak om dette i eit seinare møte. Avtalen med kommunane går til og med 2019. Kulturlova seier at fylkeskommunen og kommunen sine oppgåver på fagfeltet er å legge til rette for økonomiske, organisatoriske, informerande og andre relevante verkemiddel og tiltak. Lova seier vidare at dei tre forvaltingsnivå til saman skal gi kulturlivet føreseielege rammevilkår. Tilskotsrammene til fylkeskommunen er ikkje auka. I åra som kjem må vi også rekne med at offentlege finansar vil vere under press grunna mellom anna høge offentlege utgifter kombinert med reduserte inntekter. Dette vil kunne få følger for overføringane til kultursektoren og kan tvinge fram økonomiske prioriteringar i åra som kjem. Vi må difor prioritere innanfor ramma, dvs. at skal vi auke tilskotet til nokon av organisasjonane må vi samstundes reduserer enten talet på tilskotsmottakarar eller tilskota. Organisasjonane som er tilrådd treårige driftstilskot oppfyller vilkåra som er nemnt tidlegare i saka. Driftstilskot er ikkje knytt til eit særskilt tiltal eller prosjekt, men gjeld verksemda som heile. Tilskotet skal ha eit langsiktig, strategisk preg. Det er likevel viktig for alle tilskotsmottakarane å merke seg at beløpa som er forslått under ikkje gjeld for heile tilskotsperioden, men for 2019. Løyving for åra 2020 og 2021 blir vedtatt i kultur- og folkehelseutvalet i første møtet i nytt år, og er med føresetnad om fortsatt løyving på budsjett. Vurdering Friluftsliv og idrett Tildeling 2019 Det Frivillige Skyttervesen Mørekretsen 100 000 Forum for Natur og Friluftsliv 214 000 Norges Jeger- og Fiskerforbund Møre og Romsdal 230 000 Friluftsrådet Nordmøre og Romsdal 230 000 Sunnmøre friluftsråd 630 000 Møre og Romsdal idrettskrets 2 861 000 4H Møre og Romsdal 106 000 Turistforeningene i Møre og Romsdal 300 000 SUM 4 671 000 Det frivillige skyttervesen Mørekretsen er den regionale organiseringa av det frivillige Skyttervesen og omfattar fire samlag; Nordmør, Romsdal, Sunnmør og Søre Sunnmør. Det er minimum eit lag i alle kommunane i fylket. Kretsen satsar i hovudsak på tiltak til dei under 20 år. Dei har motteke tilskot frå fylkeskommunen i mange år, og hovuddelen av tilskotet blir vidarefordelt til dei fire samlaga. Det Frivillige Skyttervesen er ikkje medlemmar av Møre og Romsdal Idrettskrets, kor tilskot frå fylkeskommunen til idretten elles blir kanalisert gjennom. Tilskotet er føreslått vidareført med same nivå som tidlegare.
Forum for Natur og Friluftsliv er eit samarbeidsforum for natur- og friluftslivsinteresserte organisasjonar i Møre og Romsdal. Dei engasjerer seg i saker som påverkar natur og friluftslivet. Norges Jeger- og Fiskeforbund Møre og Romsdal, Naturvernforbundet i Møre og Romsdal, Friluftsrådet Nordmøre og Romsdal, Sunnmøre Friluftsråd, dei tre turistforeiningane i fylket, dei fire speidargruppene og Møre og Romsdal 4H er tilslutta forumet. I søknaden sin, legg ikkje forumet opp til store endringar i åra framover. Ut frå resultatrekneskapen for 2017 er fylkeskommunen den einaste tilskotsparten til forumet. I tillegg mottar organisasjonane som er tilslutta forumet driftstilskot frå fylkeskommunen. Vi vil i løpet av perioden gå i dialog både med forumet og organisasjonane om det er mogleg å finne ein meir hensiktsmessig fordeling av dei fylkeskommunale midlane. Tilskotet er føreslått vidareført med same nivå som tidlegare. Norges Jeger- og Fiskeforbund Møre og Romsdal Norges Jeger- og Fiskeforbund Møre og Romsdal har om lag 4200 medlemmar, fordelt på 36 lokalforeiningar. Av desse er omlag 700 barne-/ungdomsmedlemmer. Formålet er å arbeide for jakt, fiske og anna friluftsliv som gir god helse og auka livskvalitet for befolkninga. Ut ifrå søknad og budsjett for dei neste tre åra er tilskotet føreslått vidareført med ein auke på 5,5 prosent. Friluftsrådet for Nordmøre og Romsdal har som visjon: Friluftsliv for alle, hele året. Dei har søkt om auka driftstilskot og grunngir det med å få tusenvis av menneske ut på tur heile året. Det er søkt om ein auke i driftstilskotet på 321 prosent. Fylkeskommen har ikkje rammer til å i møtekome søknaden, men tilskotet føreslått vidareført med ein auke på 5,5 prosent. Sunnmøre friluftsråd arbeider for auka fysisk aktivitet og friluftsliv for alle. Dei søker om auka driftstilskot med grunngjeving i sterk vekst og auka aktivitet. Det er søkt om ein auke i driftstilskotet på 321 prosent. Fylkeskommen har ikkje rammer til å i møtekome søknaden, men ordinære driftstilskotet blir vidareført med ein auke på 5,5 prosent. I tillegg gjeld følgjande: I sak T-9/18 gjorde fylkestinget vedtak om å løyve ei ramme på inntil 400 000 kroner årleg til drift av skjergardtenesta i Møre og Romsdal med verknad frå 2019. Endeleg tildeling vil vere basert på erfaringstal frå 2018. Ein føresetnad for auka driftstilskot frå 2019 er at dei to friluftsråda (Nordmøre og Romsdal og Sunnmøre) til saman sett av ei årleg driftsramme til skjergardstenesta på minimum same nivå som det fylkeskommunale tilskotet. Skjergardstenesta er drifta av Sunnmøre Friluftsråd, og driftstilskotet til Sunnmøre Friluftsråd er difor auka med inntil 400 000 kroner. Møre og Romsdal idrettskrets Møre og Romsdal fylkeskommune kanaliserer all tilskot til idretten i fylket til Møre og Romsdal Idrettskrets. Det betyr at det er ingen andre idrettsorganisasjonar eller lag som mottar driftstilskot frå fylkeskommunen. Dei søker om auka driftstilskot frå 2019. Fylkeskommunen har ikkje rammer til å i møtekome dette og tilskotet blir føreslått vidareført med ein liten prisjustering. Minimum 50 prosent av tilskotet til idrettskretsen skal gå til ressursar til anleggsrådgiving og fellesidrettsleg aktivitet (t.d. idrettsrådsarbeid). 20 prosent av total tilskotsramme skal gå til å vidareføre FYSAK-ordninga (lågterskel fysisk aktivitet). Deler av tilskotet blir også sett av til aktivitetsmidlar som idretten kan søke på. Søkjarar som får støtte gjennom denne ordninga, kan ikkje få støtte til same tiltak frå andre fylkeskommunale tilskotsordningar.
4H Møre og Romsdal 4H Møre og Romsdal er ein frivillig fylkesbasert barne- og ungdomsorganisasjon med 35 lokale 4H klubbar, og i overkant av 700 medlemmar. Gjennom 4H får barn og unge aktivitetar innan friluftsliv, mat, landbruk, handverk, teater og anna kulturarbeid. Tilskotet blir føreslått vidareført med same nivå som tidlegare. Turistforeiningane i Møre og Romsdal Dei tre turistforeiningane i fylket har søkt om tilskot kvar for seg. Fylkeskommunen tildeler dei tre turistforeiningane ei samla løyving, og ber dei fordele tilskotet mellom seg. Dette var også vilkåret då foreiningane kom inn i tilskotsporteføljen til fylkeskommunen. Dette betyr også at dei skal levere ein samla rapport til fylkeskommunen. Fylkeskommunen ønsker å stimulere den gode aktiviteten ytterligare, og vi foreslår ein auke i det samla tilskotet med 76 000 kroner. Kulturminneforvaltning Tildeling 2019 Storfjordens Venner 35 000 Rutebilhistorisk Forening avd. Sunnmøre 30 000 Møre og Romsdal Husflidslag 325 000 Møre og Romsdal Folkemusikklag 100 000 Nordmøre Mållag, for mållaga i fylket 30 000 SUM 520 000 Storfjordens Venner Storfjordens Venner tek i vare gamle fjordgardar lang Storfjorden. Vestnorsk Fjordlandskap står på UNESCO si verdsarvliste, der nedlagte gardsbruk er trekt fram som ein kulturell dimensjon. Foreininga arrangerer Storfjordstemnet, gir ut Storfjordkalenderen, arrangerer fellesturar og held foredrag som ein del av formidlingsarbeidet. I 2016 fekk Storfjordens Venner EU sin kulturminnepris/europa Nostra. Tilskotet blir føreslått vidareført med same nivå som tidlegare. Rutebilhistorisk Forening Rutebilhistorisk Forening har ikkje tidlegare mottatt treårig driftstilskot frå Møre og Romsdal fylkeskommune, men har mottatt prosjekttilskot. Foreininga driv på heilårsbasis med teknisk kulturminnevern, og har vore i drift sidan sist på 1980- talet. Dei driv med historiske rutebilar, rutebilanlegg, dokument- og bildearkivarbeid. Med bakgrunn i dette foreslår vi det fylkeskommunale tilskotet til 30 000 kroner. Møre og Romsdal Husflidslag Møre og Romsdal Husflidslag er ein ideell organisasjon og har eit tett samarbeid med dei frivillige/lokale husflidslaga i fylket, kor det blir gjort ein stor innsats for å utvikle og heve kompetansen i husflidsfaga. Tilskotet til Møre og Romsdal Husflidslag er todelt, der ein del går til laget, og ein del går til delfinansiering av husflidskonsulenten i Møre og Romsdal. Husflidskonsulenten har mellom anna vore rådgivar i samband med vurdering av søknader fylkeskommunen har fått på tradisjonshandverk. Dette er eit samarbeid vi tilrår blir utvikla vidare. Tilskotet blir føreslått vidareført på same nivå som tidlegare
Møre og Romsdal Folkemusikklag Møre og Romsdal Folkemusikklag held kurs og anna opplæring innan folkemusikk og folkedanstradisjon frå vårt område. Laget samarbeider med ungdomslaga i fylket, og ser resultat i form av auka rekruttering av ungdommar til å ta vare på tradisjonen vidare. Tilskotet til Møre og Romsdal folkemusikklag blir føreslått vidareført med same nivå som tidlegare, men tilskotet inkluderer også tilskot til den årlege fylkeskappleiken. Fordeling av tilskot til fylkeskappleiken blir å avtale med det lokallaget som har arrangøransvar. Noregs Mållag i Møre og Romsdal v/nordmøre mållag Norges Mållag i Møre og Romsdal v/nordmøre mållag søker på vegne av fylkeslaga til Noregs Mållag i Møre og Romsdal. Dei arbeider aktivt med å auke kunnskapen om og vørdnaden for nynorsken og dialektene våre, samt styrkje grunnlaget og verne den folkelege by- og bygdekulturen. Fylkeskommunen ser positivt på samarbeidet med og mellom mållaga, og foreslår ei tilskot på 30 000 kroner. Scene, biletkunst, litteratur og film Tildeling 2019 Vestlandsutstillingen 130 000 Seanse - senter for kunstprod, v/høgskulen i Volda 1 200 000 Mediefondet Zefyr AS 500 000 Vestnorsk filmsenter 1 500 000 SUM 3 330 000 Vestlandsutstillingen Vestlandsutstillingen er ei årleg utstilling med verk av kunstnarar som er tilknytt Vestlandet. Vestlandsutstillingen viser aktuell samtidskunst av høg kvalitet til publikum i dei 4 vestlandsfylka. Tilskotet er føreslått vidareført med same nivå som tidlegare. Seanse Seanse er ein nasjonal arena for kunstproduksjon, etablert av Høgskulen i Volda og Møre og Romsdal fylkeskommune i 2004. Målsettinga er å medverke til kvalitetsproduksjonar, kompetanseutvikling og nyskapning i kunst for/med barn og unge, og andre. Seanse mottar også tilskot frå Kunnskapsdepartementet og Kulturrådet. Tilskotet for 2019 er føreslått auka med 100 000 kroner i høve tidlegare tilskot. Seanse er også ein god og viktig samarbeidspart i Den Kulturelle Skulesekken. Filmutvikling Vestnorsk Filmsenter og Mediefondet Zefyr er Møre og Romsdal fylkeskommune sitt verkemiddelapparat på filmfeltet. Vestnorsk filmsenter forvaltar tilskot til kort- og dokumentarfilm, støttar manusutvikling, gjev kurs og kompetansehevande tiltak for bransjen og unge talent. Western Norway Film Commission, ei avdeling i Vestnorsk Filmsenter, marknadsfører og legg til rette for innspelingar av internasjonale filmog tv-produksjonar i Møre og Romsdal. Tilskotet til Vestnorsk filmsenter er føreslått auka med 99 000 kroner. Mediefondet Zefyr (tidlegare Fuzz) er eit investeringsfond for audiovisuell produksjon på Vestlandet og Sørlandet. Zefyr finansierer primært langfilm for kino,
dokumentar- og fiksjonsseriar for TV, samt dataspel og VR-produksjonar. Tilskotet til mediefondet Zefyr blir føreslått med ein auka på 45 000 kroner. Vestnorsk Filmsenter og mediefondet Zefyr jobbar godt med filmutvikling i Møre og Romsdal. Dei midlane som fylkeskommunen bidreg med, gir store ringverknader. Musikk Tildeling 2019 Ålesund Symfoniorkester 520 000 Romsdalsorkesteret 35 000 Møre og Romsdal musikkråd 450 000 NMF Nordvest (Norges Musikkorps Forbund) 520 000 Ensemble Dali 100 000 SUM 1 625 000 Dei tilrådde tilskotsmottakarane innan feltet musikk, har alle vore mottakarar av treårig driftstilskot i perioden 2016-2018. Ålesund Symfoniorkester består av 63 medlemmar, både profesjonelle musikarar og amatørar. Orkesteret framfører eit bredt spekter av musikk på eit høgt kunstnarisk nivå, og samarbeider i stor grad med andre kulturaktørar på Sunnmøre. I tildelingsbrevet frå fylkeskommunen i 2016 fekk Ålesund Symfoniorkester ein auke på 31,6%. I denne tildelinga vart også symfoniorkesteret oppmoda til dialog om sinfoniettaen. Fylkeskommunen vil be om at det kommunale bidraget for strykekvartett og lærarar frå kultuskulen blir synleggjort i rapporteringa til fylkeskommunen. Ved neste rapportering ønskjer vi ein statusrapport på desse to punkta. Tilskotet blir føreslått vidareført med same nivå som tidlegare. Romsdalsorkestert held 6-9 konsertar årleg med fokus på klassisk orkestermusikk. Dei samarbeider med ulike kor, Kristiansund symfoniorkester og kulturskulane kor elevane får delta i orkestert som læring. Aktiviteten er auka dei siste åra med fleire konsertprosjekt som blir halde i ulike kommunar i Romsdal. Fylkeskommunen ser det viktige bidraget Romsdalsorkestert gje, og føreslår å auke tilskotet med 9 000 kroner. Møre og Romsdal musikkråd er samarbeidsorgan og interesseorganisasjon for det frivillige musikklivet i fylket, og er fylkesleddet til Norsk musikkråd og Musikkens studieforbund. Møre og Romsdal musikkråd har tydelege målsettingar på arbeidet vidare, innafor opplæring, formidling, samarbeid på tvers av sjanger og kultur, og vidareutvikling av UKM. Dette er gode målsetningar og rapportane må innehalde resultat av dette arbeidet. Fylkeskommunen føreslår å auke tilskotet med 42 000 kroner. NMF Nordvest arbeider for kompetanseutvikling, medlemsservice og rammevilkår for korpsa i fylket. I Møre og Romsdal er det 140 korps, men totalt 4300 medlemmar. NMF Nordvest vil i perioden framover arbeide for å stabilisere og utvikle tal medlemmar, auke tal deltakarar i regionkorpset for ungdom, utvikle kompetansen på ulike områder i korpsa, og får fleire deltakarar med på kursa dei arrangerer. Fylkeskommunen kanaliserer tilskot til korpsrørsla gjennom NMF. Tilskotet blir føreslått vidareført med same nivå som tidlegare.
Ensemble Dali er eit prosjektbasert kammerkor lokalisert i Kristiansund, men med medlemmar frå heil fylket, i tillegg til at dei leiger inn solistar til ulike oppdrag og konsertar. Ensemble Dali vart stifta i 2007, og har eit høgt nasjonalt nivå. Koret planlegg å auke tal konsertar, og geografisk nedslagsfelt frå og med 2019. Med bakgrunn i dette blir tilskotet føreslått auka med 14 400 kroner. God Helsepartnerskap Tildeling 2019 SUM 4 450 000 Alle kommunane som er medlem i God Helse-partnarskapen i Møre og Romsdal mottar 125 000 kroner i tilskot. Vilkår for tilskotet er at kommunen har tilsett folkehelsekoordinator i minst 50 prosent stilling. Bykommunane, Molde, Ålesund og Kristiansund, mottar 150 000 kroner i tilskot. God Helse-partnarskapen er under evaluering, og utvalet vil få eige saker om dette i løpet av 2019, jf. sak T-59/18. Eitt-årig tildeling for 2019 Tildeling 2019 Slekt og Data Møre og Romsdal 12 000 Norsk Forfattersentrum 65 000 Tempo 30 000 Fargespill Ålesund Kommune 75 000 Sunnmøre krets av Norges Speiderforbund 10 500 Romsdal og Nordmøre krets av Norges Speiderforbund 10 500 Sunnmøre Krins av Norges KFUK-KFUM speidarar 10 500 Norges Korforbund Nordmøre 15 000 Norges Korforbund Romsdal 15 000 Fortidsminneforeningen Møre og Romsdal Fylkesavd. 15 000 Møre og Romsdal Bygdekvinnelag 10 000 SUM 268 500 Slekt og Data Møre og Romsdal Organisasjonen dekker heile fylket og består av 11 lokale grupper. Ein viktig aktivitet er transkribering av kjelder, der Slekt og data har ein avtale med Riksarkivaren om transkribering av kirkebøker som blir lagt ut på Digitalarkivet/Digitalpensjonatet for allmenn og gratis søking og lesing. I Møre og Romsdal er det tett og godt samarbeid med Interkommunalt Arkiv Møre og Romsdal og FylkesFOTOarkivet. Slekt og Data Møre og Romsdal kjem under grensa for treårig driftstilskot. Det er viktig å stimulere til vidare aktivitet og samarbeid og fylkeskommunen føreslår å vidarefører driftstilskotet som eittårig tilskot, men med same nivå som tidlegare. Norsk Forfattersentrum Organisasjonen har totalt 1550 medlemmar og står for levande formidling av samtidslitteraturen i form av at dei formidlar forfattarar til ulike arrangement, er ein sentral aktør i DKS, og er rådgivar for kommunar og bibliotek. Dei 32 medlemmane frå Møre og Romsdal har spela inn at dei ynskjer meir bistand, og ei reetablering av forfattarlaget i Møre og Romsdal. Det er difor behov for å gå i dialog
med Norsk Forfattersentrum om samarbeidet framover. Med bakgrunn i dette er dei overført til eittårig driftstilskot. Tempo Tempo er eit medlemsbasert kompetansesenter for musikkmiljøet i Midt-Norge. Dei arbeider for å betre føresetnadene for musikkmiljøet både på frivillig og profesjonell side. Tempo arrangerer kurs, workshops og er rådgivarar som blir nytta av fleire av fylkeskommunens andre tilskotsmottakarar. Dei skriv i søknaden at dei skal utvide aktiviteten og tilbodet regionalt. Tempo er ny tilskotsmottakar og før dei kan vurderast som treårig tilskotsmottakar må det forankrast ein samarbeidsavtale regionalt. Dette må gjerast saman med samarbeidande organisasjonar i Møre og Romsdal. Med bakgrunn i dette er dei føreslått overført til eittårig driftstilskot med same nivå som tidlegare. Fargespill v/ålesund kommune Fargespill er et multietnisk kunst- og integreringsprosjekt som blei starta i Bergen i 2004. Det har sidan sprett seg til mange byar. I Ålesund vart Fargespill gjennomført for første gong i 2017, først som eit prosjekt i privat regi, men finansiert med sterk støtte frå både offentlege og private, også frå fylkeskommunen. Fargespill i Ålesund driftast i samarbeid med Røde Kors og Ålesund kommune. Ålesund kommune dekker lisens for fargespill i to år, og Fargespill er av den grunn føreslått til eittårig driftstilskot. Sunnmøre, og Romsdal og Nordmøre krets av Norges Speiderforbund Dei tre organisasjonane driv barne og ungdomsarbeid med aktivitetar, kurs og temakveldar heile året, for til saman ca. 900 medlemmar. Dei blir føreslått overført til eittårig driftstilskot då dei kjem under grensa for treårig driftstilskot. Fylkeskommunen vil oppmode til tettare samarbeid, slik at dei samla kan søkje om treårig tilskot. Sunnmøre Krins av Noregs KFUK-KFUM Speidarorganisasjonen har 1000 medlemmar i 16 grupper, og arrangerer kurs, samlingar og leirar for alle aldersgrupper. Dei blir føreslått overført til eittårig driftstilskot då dei kjem under grensa for treårig driftstilskot. Fylkeskommunen vil oppmode KFUK-KFUM speidarane ti tettare samarbeid, slik at dei samla kan søkje om treårig tilskot. Norges korforbund i Nordmøre og i Romsdal Korforbunda arrangerer seminar for sangarar, kurs for tillitsvalde, konsertar, stevne og samlingar for medlemskora i regionane. Dei blir føreslått overført til eittårig driftstilskot då dei kjem under grensa for treårig driftstilskot, men fylkeskommunen oppmodar korforbunda til tettare samarbeid, slik at dei samla kan søkje på treårig driftstilskot. Fortidsminneforeningen Møre og Romsdal Organisasjonen er Europas eldste innan kulturminnevern, og har tre lokallag i fylket. Dei driv opplysningsarbeid gjennom Rosekyrkja og Prestestova i Stordal, Rødven Stavkirke og Kvernes Stavkirke, i skulen og for konfirmantar. I tillegg held dei kurs i tradisjonshandshandverk. Det er 320 medlemmar, som vil vidareføre arbeidet dei kommande åra. Dei blir føreslått overført til eittårig driftstilskot då dei kjem under grensa for treårig driftstilskot.
Møre og Romsdal Bygdekvinnelag Organisasjonen har som mål å samle kvinner som ser verdien av aktive bygdemiljø og primærnæringa. Dei tek i vare kvinnene og bygdefolket sine kulturelle, sosial og økonomiske interesser og bygger på likeverd og demokrati. I Møre og Romsdal er det 33 aktive lokallag som gjer ein stor jobb for å ta vare på og formidle mellom anna mat- og handarbeidskultur. Dei blir føreslått overført til eittårig driftstilskot då dei kjem under grensa for treårig driftstilskot. Forslag til vedtak: 1. Kultur- og folkehelseutvalet sluttar seg til fylkesrådmannen sitt framlegg om driftstilskot for 2019 til regionale kulturinstitusjonar og -organisasjonar, slik det går fram av saksframlegget med slik fordeling mellom kategoriane: Treårige tildelingar Friluftsliv og idrett 4 671 000 Kulturminneforvaltning 520 000 Scene, biletkunst, litteratur og film 3 330 000 Musikk 1 625 000 God Helse-partnarskapet 4 450 000 Sum treårig driftstilskot 14 596 000 Sum eittårige driftstilskot 268 500 Totalt fordelt 14 864 500 2. Løyvingane blir å dekke frå budsjettet til kulturavdelinga, ramme 57 Kulturtilskot. Etter disponering av 14,865 mill. kroner, står det til rest 9,01 mill. kroner på ramme 57 Kulturtilskot. 3. Det er sett av ytterlegare inntil 500 000 kroner til eittårig driftstilskot med søknadsfrist 1. april 2019. Etter disponering av 0,5 mill. kroner, står det til rest 8,51 mill. kroner på ramme 57 Kulturtilskot. 4. Dei generelle krava til rapportering og retten til innsyn i bruken av tilskotsmidlane blir lagt til grunn for alle tilskotsmottakarane. Jf. retningslinjer og føresetnader for tilskot frå Møre og Romsdal fylkeskommune og vedtak i fylkestinget sak T-59/18, punkt 8. 5. Kultur- og folkehelseutvalet presiserer vidare følgjande: a) Det er stilt krav til føring og revisjon av rekneskap i organisasjonar og institusjonar som får tilskot frå Møre og Romsdal fylkeskommune. Det skal gå fram av årsmelding og eigen post i rekneskapen at det er motteke tilskot frå Møre og Romsdal fylkeskommune. b) Ved tilsegn over 200 000 kroner er det stilt krav om autorisert revisor ved innsending av rekneskap/rapport. c) Det skal gå fram av program, informasjonsdokument, rapportar og liknande at verksemda har motteke tilskot frå Møre og Romsdal fylkeskommune. d) Rapportering frå året før (2018) må leverast kulturavdelinga innan 30. juni 2019 for sluttutbetaling av tilskot.
e) Som hovudregel kan ikkje mottakarar av fylkeskommunale tilskot, både drift og prosjekt, søkje på fleire fylkeskommunale tilskotsordningar til same tiltak. f) Ordninga med følgjekort for funksjonshemma brukarar skal gjelde for dei opne kulturtilboda som tilskotsmottakarane står som arrangør av. g) Tiltak som får prosjekt eller driftstilskot skal så langt som råd vere tilgjengeleg for alle, og byggje på prinsippet om universell utforming. h) Kulturinstitusjonar og frivillige organisasjonar skal gjere bruk av Kulturnett Møre og Romsdal sine tenester, www.mr.kulturnett.no i) Tilskotsmottakarar skal legge til rette for bruk av ordninga Kulturrabatt for ungdom. j) Institusjonar og organisasjonar mv skal gi opplysning om organisasjonsnummer for å få tilskot utbetalt. Ottar Brage Guttelvik fylkesrådmann Heidi-Iren Wedlog Olsen fylkeskultursjef Vedlegg 1 Søknader treårig driftsstøtte musikk 2 søknader treårige driftstilskot biletkunst, litteratur og film 3 Søknader treårig driftstilskot kulturminneforvalting 4 Søknader treårig driftstilskot idrett og friluftsliv 5 Søknader treårig driftstilskot historiske spel 6 Søknader 1årig driftstilskot 7 Søknader tilrådd avslått 3-årig driftstøtte 8 Avslag på søknader - Treårig og eittårig driftstilskot til kulturorganisasjonar