Saksutgreiing REGIONALPLAN SJØAREAL HAVBRUK. SPØRSMÅL OM ENDRING AV RETNINGSLINENE. Handsamingar: FU, FT Vedlegg: Regionalplan sjøareal havbruk Brev frå fylkeskommunen til Fiskeridirektoratet region sør dagsett 15. juni 2018 Brev frå Fiskeridirektoratet region sør dagsett 3. mai 2018 Andre tilvisingar: FT 13. juni 2017 Sak 41/17. Regional sjøareal havbruk 2. gongshandsaming og endeleg vedtak. Brev frå fylkeskommunen til Fiskeridirektoratet region sør dagsett 11. desember 2017 Brev frå Fiskeridirektoratet region sør dagsett 15.november 2017 Rundskriv H-6/18 Lover og retningslinjer for planlegging og ressursutnytting i kystnære sjøområder Spørsmål til KMD om regionale retningsliner til arealplanlegging i sjø og havbruk, brev dagsett 31. mai 2018. Innlegg på fagsamling 28. august 2018. Professor Inunn Elise Myklebust Planjuss og havbruk. Kommuneplan for tilrettelegging eller som bremse for næringsvekst. 1. Bakgrunn: Regionalplan sjøareal havbruk vart vedtatt av fylkestinget 13.juni 2017, sak 41/17. Fiskeridirektoratet region sør stiller spørsmål med nokre av retningslinene i den godkjende regionalplanen. Det er halde dialogmøte med Fiskeridirektoratet region sør 13. april 2017. Det vart spela inn at nokre av retningslinene i regionalplanen bør endrast og justerast. Det er fylkestinget som har mynde til å gjera endringar i ein regionalplan. Spørsmålet om endringar og justeringar av retningslinene i regionalplan sjøareal havbruk blir lagt fram for fylkestinget. Sjå brev frå fylkeskommunen til Fiskeridirektoratet region sør dagsett 15. juni 2018. 2. Problemstilling: Fylkestinget må ta stilling til om retningslinene i regionalplan sjøareal havbruk skal endrast og justerast og kva som skal vera endringane og justeringane. 3. Saksopplysingar: I høyringa av planen hadde Fiskeridirektoratet region sør vesentlege innvendingar til planforslaget. Omgrepet vesentlige innvendingar er heimla i plan- og bygningslova, PBL, 8.4 og er noko statlege sektorstyresmakter kan fremja om dei meiner planen ikkje ivaretek nasjonale interesser godt nok. Vesentlege innvendingar må grunngjevast i høve til om planforslaget kjem i sterk konflikt med nasjonale interesser og omsyn. Ein regionalplan kan ikkje endeleg godkjennast av fylkestinget om ikkje dei imøtekjem vesentlege innvendingar frå statlege sektorstyresmakter. Om fylkestinget vel å ikkje imøtekoma desse, går saka til kommunal- og moderniseringsdepartementet, KMD, for ei endeleg avklaring. I medhald av PBL kan
statlege sektorstyresmakter med vesentlege innvendingar be KMD gjera endringane som krevjast for å ivareta nasjonale interesser. Fiskeridirektoratet region sør har ikkje bede KMD om å gjera endringar i regionalplanen. Når fylkestinget godkjende regionalplanen, vedtok fylkestinget samstundes å imøtekoma dei vesentlege innvendingane frå Fiskeridirektoratet region sør. Dette kjem og fram i saksutgreiinga. Sjå sak 41/17. Det heiter i PBL at fylkeskommunen etter planvedtaket har ansvaret for å avklare om vesentlege innvendingar står ved lag og eventuelt senda planen vidare til departementet. Sidan fylkestinget gjorde eit vedtak om å imøtekoma dei vesentlege innvendingane frå Fiskeridirektoratet region sør, vart det ikkje gjort ei nærare avklaring anna å orientera Fiskeridirektoratet region sør om godkjenningsvedtaket og saksutgreiinga. Fiskeridirektoratet region sør stiller spørsmål med korleis nokre av retningslinene i planen skal tolkast og kommenterer desse i brev dagsett 15. november 2017. Dei ber om avklaringar. Fylkesrådmannen svarar Fiskeridirektoratet region sør i brev dagsett 11. desember 2017. Fylkeskommunen er samd med Fiskeridirektoratet region sør at det er viktig at alle involverte og rørde partar har ei felles og omforeint forståing av kva retningslinene tyder. Spørsmåla de stiller til korleis forstå retninsglinene meiner fylkeskommunen me løyser best i ein dialog. Fylkeskommunen inviterer til eit dialogmøte om retningslinene kor målet er ei felles forståing av desse. Det er dialogmøte 13. april 2018. Fiskeridirektoratet region sør kjem med ei tilbakemelding etter dialogmøtet i brev dagsett 3. mai 2018 kor dei ber om at nokre av retningslinene blir endra eventuelt justert. Om ikkje retningslinene vert endra så seier Fiskeridirektoratet region sør at dei opprettheld vesentlege innvendingar til regionalplanen. Fylkesrådmannen understrekar at dei vesentlige innvendingane frå Fiskeridirektoratet region sør vart imøtekome og avklara når fylkestinget godkjende regionalplanen 13. juni 2017. Om fylkestinget ikkje finn å endra retningslinene, har ikkje Fiskeridirektoratet region sør noko grunnlag for å senda inn planen til departementet. 4. Fylkesrådmannen sine vurderingar: Fiskeridirektoratet region sør ber om at desse retningslinene blir endra/justert: 1. Avsnitt to under Naturmangfald Kommunane skal take omsyn til marine naturtypar. Data om desse ligg i temakartportalen til planen. Framtidig næringsareal til havbruksnæringa skal ikkje redusera kvaliteten til naturtypane som økologiske funksjonsområde. Om belastninga verkar å vera vesentleg negativ, skal kommunen vurdera avbøtande tiltak. Fiskeridirektoratet region sør ynskjer at siste setninga blir sletta. Dei stiller og spørsmål med om det er naudsynt å ha med nest siste setninga. Fylkesrådmannen ser at siste setninga ikkje er naudsynt. Belastning heng saman med drift av oppdrettsanlegg kor miljøkrava vert avklara gjennom løyve til akvakultur, i medhald
av akvakulturlova. Det heiter at det skal visast varsemd med å gi utfyllande føresegner der kor mynde er lagt til sektorstyresmakter gjennom sektorlov. Kommunane har ansvaret for ordinær planavklaring for akvakultur etter PBL. PBL er i motsetnad til akvakulturlova ei sektorovergripande lov kor det er kommunane som er næringsutviklarar og arealmynde. Planavklaring for akvakultur etter PBL tryggar ei heilskapleg og samordna horisontal og vertikal arealplanlegging kor dei ulike arealinteressene blir vekta og teke omsyn til med ein god planprosess og kravet om konsekvensutgreiing. Planlegging av sjøareala er arealpolitikk og næringspolitikk. Fylkesrådmannen ynskjer ikkje å stryke nest siste setning. Naturmangfaldlova gjeld side ved side av plan- og bygningslova. Sjølv om drift og miljø vert endeleg regulert gjennom akvakulturlova av statlege sektorstyresmakter kan det vera viktig å ta med signal om forventningar til havbruksnæringa når det gjeld naturmangfald. Dette er eit arealpolitisk signal som signaliserer at havbruksnæringa skal vera miljømessig berekraftig. Forslag til justert retningsline: Kommunane skal take omsyn til marine naturtypar. Data om desse ligg i temakartportalen til planen. Framtidig næringsareal til havbruksnæringa skal ikkje redusera kvaliteten til naturtypane som økologiske funksjonsområde. 2. Avsnitt tre under Naturmangfald Kommunane kan leggje til rette for havbruk om det vert sett føresegner og brukt ein teknologi og dritsform som sektorstyresmaktene finn miljømessig forsvarleg ut frå dei særlege omsyna som gjeld i dei nasjonale laksefjordane og laksevassdraga. Fiskeridirektoratet region sør meiner denne retningslina må slettast eventuelt skrivast om. Grunngjevinga deira er at retningslina gir rom for ei anna tolking enn det som er fastsett i den nasjonale forskrifta om krav til akvakulturelatert verksemd i eller ved nasjonale laksevassdrag og nasjonale laksefjordar. Dei seier kommunane ikkje kan bruka PBL til å regulera drift, teknologiske val og miljøforhold ved akvakulturlokalitetar, verken i nasjonale laksefjordar eller utanfor desse, enten sektorstyresmaktene finn det forsvarleg eller ikkje. PBL regulerer areal, ikkje drift og teknologi. Kommunane kan bruke PBL til å setje krav om miljøkalitet. Tema er og drøfta på fagsamlinga for kommunane, havbruksnæringa og sektorstyresmaktene på Strand vidaregåande skule 28. august 2018. Fylkesrådmannen har sendt ei oppmoding til KMD i brev dagsett 31. mai 2018 for å få ei planjurdisk vurdering av dette alternativet til retninsgline: Kommunane kan leggja til rette for akvakultur i og ved nasjonale laksefjordar og nasjonale laksevassdrag med bruk av plan- og bygningslova og arealplanlegging. Føresetnaden er at det i føresegnene til arealbruksføremålet vert presisert at det må brukast ein teknologi og driftsformer som akvakulturstyresmaktene finn miljømessig forsvarleg ut frå dei særlege omsyna som gjeld for desse sjøområda, jf akvakulturlova 6 fyrste ledd bokstav a, jf 10. KMD kjem med ei tilbakemelding i epost dagsett 25. oktober 2018. Dei grunngir seint svar med publiseringa 23. oktober 2018 av det nye rundskrivet om lovgrunnlaget for planlegging av sjøareala, rundskriv H 6/18 Lover og retningsliner
for planlegging og ressursutnytting i kystnære sjøområder. Rundskrivet erstattar rundskrivet med same tema frå 1996. KMD kjem ikkje med ei planjuridisk vurdering av alternativet og seier vi ikke kan uttale oss i den konkrete saka fordi departmentet ikkje har den til behandling. Bakgrunnen for å stille spørsmål om alternativet er ei mogleg og lovleg retningsline er det som vert uttalt i samband med utarbeiding av rundskrivet. Her heiter det: Det kan hevdes at krav om lukka anlegg kunne være et alternativ der for eksempel hensynet til villaks elles ville utelukke akvakultur. I et tilfelle der kommunen i områder elles ville være «stengt» for akvakultur, ønsker å holde muligheten åpen for akvakultur på særlige betingelser som i tilstrekkelig grad ivaretar for eksempel hensynet til villaks, kan en mulig løsning være å velge en arealkategori som åpner opp for akvakultur men at det i bestemmelsene til arealformålet uttales at etablering av akvakultur forutsetter at det benyttes teknologi og driftsformer som sektormydighetene finner er «miljømessig forsvarlig» ut fra de særlige hensyn som gjelder for området, jf akvakulturloven 6 første ledd bokstav, jf 10. En slik bestemmelse vil gi fleksibilitet ved at det tas høyde for at ny teknologi eller andre driftsformer kan gjøre etablering av akvakultur mulig. Forslag til retningsliner til avsnitt tre under Naturmangfald Kommunane med nasjonale laksefjordar og laksevassdrag blir oppmoda til å bruka omsynssone, PBL 11-8, c, som eit verkttøy for å synleggjera at i desse sjøområda skal det takast særskilt omsyn til villaksen med særlege restriksjonar på bruken av sjøareala. I dei nasjonale laksefjordane og laksevassdraga gjeld forskrift om særskilte krav til akvakulturrelatert virksomhet. Kommunane kan gi føresegner om kva artsgrupper eller artar av akvakultur som enkeltvis eller i kombinasjon kan etablerast, jf PBL 11-7 nr 5 og 6. Kommunane kan leggja til rette for akvakultur i og ved nasjonale laksefjordar og nasjonale laksevassdrag med bruk av plan- og bygningslova og arealplanlegging. Føresetnaden er at det i føresegnene til arealbruksføremålet vert presisert at det må brukast ein teknologi og driftsformer som akvakulturstyresmaktene finn miljømessig forsvarleg ut frå dei særlege omsyna som gjeld for desse sjøområda, jf akvakulturlova 6 fyrste ledd bokstav a, jf 10. 3. Retningsline 6 Sjømatnæringa under Næringsfiske Fiskeridirektoratet region sør ynskjer å endra overskrifta Næringsfiske til Fiske fordi dei meiner det er meir dekkjande for fiskeriaktivitet. Fiskeområde brukast av yrkesfiskarar, fritidsfiksarar og turistfiskarar. I tillegg ynskjer dei at denne setninga vert tatt med: Fiskeridirektoratet region sør må involverast i planarbeidet for å avklare avgrensing og omsynet til viktige nasjonale og/eller regionale fiskeriinteresser. Sektorstyresmaktene er omtala under punkt 5 i retningslinene om Kunnskaps- og dialogbasert planprosess kor det heiter: Sektorstyresmaktene har rett og plikt til å involvera seg tidleg i planarbeidet. Fylkesrådmannen meiner deltakinga frå Fiskeridirektoratet region sør og kan presiserast i punkt 6 i retningslinene.
Forslag til justeringar: Overskrifta Næringsfiske vert endra til Fiske. Forslag til endra retningsline: Arealplanlegginga skal take omsyn til viktige fiskeområde og viktige låssettingsplassar. Kva som er særleg viktig fiskeområde og låssettingsplassar skal avklarast og avgrensast i planprosessane i dialog med yrkesfiskarane. Fiskarlaget vest representerer yrkesfiskarane i Rogaland og må involverast tidleg i planarbeidet. Fiskeridirektoratet region sør må og involverast tidleg i planarbeidet for å avklare avgrensing og omsynet til viktige nasjonale og regionale fiskeriinteresser. Sett inn saksutredningen over denne linja Forslag til vedtak: Rogaland fylkeskommune vedtek desse endringane og justeringane av retningslinene i regionalplan sjøareal havbruk godkjend 13. juni 2017: 1. Avsnitt to under Naturmangfald Kommunane skal take omsyn til marine naturtypar. Data om desse ligg i temakartportalen til planen. Framtidig næringsareal til havbruksnæringa skal ikkje redusera kvaliteten til naturtypane som økologiske funksjonsområde. 2. Avsnitt tre under Naturmangfald Kommunane med nasjonale laksefjordar og laksevassdrag blir oppmoda til å bruka omsynssone, PBL 11-8, c, som eit vertkøy for å synleggjera at i desse sjøområda skal det takast særskilt omsyn til villaksen med særlege restriksjonar på bruken av sjøareala. I dei nasjonale laksefjordane og laksevassdraga gjeld forskrift om særskilte krav til akvakulturrelatert virksomhet. Kommunane kan gi føresegner om kva artsgrupper eller artar av akvakultur som enkeltvis eller i kombinasjon kan etablerast, jf PBL 11-7 nr 5 og 6. Kommunane kan leggja til rette for akvakultur i og ved nasjonale laksefjordar og nasjonale laksevassdrag med bruk av plan- og bygningslova og arealplanlegging. Føresetnaden er at det i føresegnene til arealbruksføremålet vert presisert at det må brukast ein teknologi og driftsformer som akvakulturstyresmaktene finn miljømessig forsvarleg ut frå dei særlege omsyna som gjeld for desse sjøområda, jf akvakulturlova 6 fyrste ledd bokstav a, jf 10. 3. Overskrifta Næringsfiske under punkt 6 Sjømatnæringa vert endra til Fiske. 4. Retningslina under Fiske: Arealplanlegginga skal take omsyn til viktige fiskeområde og viktige låssettingsplassar. Kva som er særleg viktig fiskeområde og låssettingsplassar skal avklarast og avgrensast i planprosessane i dialog med yrkesfiskarane. Fiskarlaget vest representerer yrkesfiskarane i Rogaland og må involverast tidleg i planarbeidet. Fiskeridirektoratet region sør må og involverast tidleg i planarbeidet for å avklare avgrensing og omsynet til viktige nasjonale og regionale fiskeriinteresser.
Håkon Scwalb kst. fylkesrådmann Elisabeth Faret næringssjef Dette dokumentet er godkjent elektronisk og har derfor ingen signatur.