Sak 9/09 MØTEBOK PORTEFØLJESTATUS PR DESEMBER 2008 Saksbehandlar: Ingrid Karin Kaalaas Arkiv: 255 Arkivsaksnr.: 08/440 Saksnr.: Utval Type/ Møtedato 9/09 Os Formannskap PS 17.02.2009 / Os kommunestyre PS Framlegg til tilråding: Kommunestyret tek Avkastningsrapport for desember 2008 frå Grieg Investor AS som melding. Os, 20.01.2009 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 9/09 Vedlegg: Avkastningsrapport for desember 2008 frå Grieg Investor AS Saksopplysningar: Vedlagt følgjer Avkastningsrapport for desember 2008 frå Grieg Investor AS. Os, 20.01.2009 Ingrid Karin Kaalaas Økonomisjef Side 3 av 22
Sak 10/09 MØTEBOK VEDLIKEHALDPROSJEKT I SAMBAND MED KRISEPAKKEN FRÅ REGJERINGA Saksbehandlar: Haldor Fosse Arkiv: 614 &40 Arkivsaksnr.: 09/288 Saksnr.: Utval Type/ Møtedato 10/09 Os Formannskap PS 17.02.2009 Framlegg til vedtak: Formannskapet vedtek at ein set i gang følgjande prosjekt som vert finansiert av dei ca 10 mill Os kommune får av regjeringa si krisepakke: Samferdsle, tiltak vert sett i verk etter prioritert liste ramme 5 mill.: 1. Idrettsvegen 2. Trafikksikringsplanen (I tillegg til ordinær løyving på 500.000,- i 2009.) 3. Prestegardsskogen 4. Osøyro 5. Hellebakkane 6. Kuvågvegen Bygg: Ramme 5,9 mill. Prosjekt 1-21 på liste, vedlegg I. Rentekompenserte prosjekt Prosjekt 1-11, etter liste, vedlegg II Prosjekta skal setjast i verk etter prioriteringslista. ENØK tiltak Os Kyrkje, vedlegg III Prosjekt som er dekte av rammeavtalar kan setjast i verk utan ny konkurranse. Os, 10.02.09 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 10/09 Vedlegg: 1. Liste over byggeprosjekt, vedlikehald 2. Liste over byggeprosjekt, rentekompenserte tiltak. 3. Notat om tiltak frå kyrkjeverja 02.02.09 Saksopplysningar: I samband med regjeringa si krisepakke for næringslivet, har rådmannen gått gjennom aktuelle prosjekt som høver til den profilen regjeringa legg til grunn. I hovudsak at dette gjeld prosjekt som ikkje ligg inne i budsjettet for 2009, slik at det vert ei reell auke i oppdrag for næringslivet, primært bygge- og anleggsnæringa. Det er ikkje enorme midlar det er snakk om, vel 10 mill i direkte tilskot. I tillegg kjem prosjekt som fell inn under ordninga med rentekompensasjon. Ein har vurdert om det er best for kommunen med prosjekt innan infrastruktur eller bygningsmassen. Sett opp i mot andre støttetiltak er det kanskje vegprosjekt som gjev best utteljing for kommunen. Ein kan få gjort ein god del som vil har positiv effekt på vegvedlikehaldet i mange år framover. På byggsida er det gode tiltak for skulebygg gjennom ordninga med rentekompensasjon, slik at større investeringsprosjekt bør leggjast inn der. Vegprosjekta vil vera ei blanding av reasfaltering og oppgradering med vekt på trafikktryggleik (fortau) For vegprosjekta har ein kome fram til følgjande prioritering: 1. Idrettsvegen 1,5 mill 2. Mindre trafikksikringstiltak i tråd med prioritering i gjeldande plan: 1,0 mill 3. Prestegardsskogen 1,0 mill 4. Øyro 1,5 mill 5. Hellebakkane 1,5 mill 6. Kuvågvegen 1,0 mill Byggeprosjekta er vist på vedlagde liste, i prioritert rekkefølgje. Dei er delt i rentekompenserte prosjekt, og prosjekt som kjem inn under direkte løyvingar gjennom krisepakken. Det er ei eiga pakke for kyrkjebygg. Investeringsprosjekt kan derfor iverksetjast på vanleg måte, medan vedlikehaldsarbeid krev løyving over driftsbudsjettet. Så sjølv om ein får rentekompensasjon, må midlane tilførast driftsbudsjettet. Ein rår derfor til at ENØK tiltaka som vert nemnd i notat frå kyrkjeverja vert sett i verk som investering. Når det gjeld dei kommunale utleigebustadane, vil ein kome attende til dei i samband med rullering av bustadsosial handlingsplan. Lurane/sjukeheimen må sjåast på i samband med den utgreiinga som er under arbeid. Os, 10.02.09 Haldor Fosse Teknisk sjef Side 5 av 22
Sak 11/09 MØTEBOK SØKNAD OM FORLENGA AVDRAGSFRIDOM: VILDMARKEN GOLFKLUBB Saksbehandlar: Ingrid Karin Kaalaas Arkiv: 256 Arkivsaksnr.: 05/2002 Saksnr.: Utval Type/ Møtedato 175/05 Os Formannskap PS 29.11.2005 198/05 Os Formannskap PS 13.12.2005 4/06 Os kommunestyre PS 14.02.2006 11/09 Os Formannskap PS 17.02.2009 / Os kommunestyre PS Framlegg til tilråding: Kommunestyret viser til sitt vedtak av 14.02.2006 om å innvilga kommunal garanti for lån inntil kr 1.500.000 i samband med bygging av klubbhus med garasje og toalettfasiliteter. Kommunestyret godkjenner at planlagt nedbetaling av lånet vert endra slik at lånet vert avdragsfritt fram til 20.03.2011. Dei øvrige vilkåra for garantien vert som før. Os, 03.02.2009 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 11/09 Behandling i Os kommunestyre i møte 14.02.2006 Behandling i utvalet: Sigrid Melhuus (SV) kom med følgjande framlegg. Os kommune gir ikkje kommunal garanti for lån for Vildmarken golfklubb. SV sitt framlegg fekk 3 røyster (2SV og 1V) og fall. Administrasjonen sitt framlegg vart dermed vedteke. Vedtak: Os kommunestyre godkjenner at det vert gjeve kommunal garanti for lån inntil kr 1.500.000,- til Vildmarkens Golfklubb i samband med bygging av klubbhus m.v. Garantien vert gjeve som simpel kausjon, og garantiansvaret vert redusert i samsvar med planlagt nedbetaling av lånet. Garantien fell vekk seinast innan 10 år. Det er eit vilkår for godkjenninga at verksemda vert driven utan vinst for eigarane. Eit evt. overskot må tilbakeførast til drifta. Behandling i Os Formannskap i møte 13.12.2005 Behandling i utvalet: Samrøystes tilråding som innstillinga. Vedtak: Os kommunestyre godkjenner at det vert gjeve kommunal garanti for lån inntil kr 1.500.000,- til Vildmarkens Golfklubb i samband med bygging av klubbhus m.v. Garantien vert gjeve som simpel kausjon, og garantiansvaret vert redusert i samsvar med planlagt nedbetaling av lånet. Garantien fell vekk seinast innan 10 år. Det er eit vilkår for godkjenninga at verksemda vert driven utan vinst for eigarane. Eit evt. overskot må tilbakeførast til drifta. Behandling i Os Formannskap i møte 29.11.2005 Behandling i utvalet: Øystein Nordvik (Tvs) kom med utsetjingsframlegg og vil ha utfyllande skriftleg dokumentasjon på økonomien for dette gode tiltaket. Tvs sitt framlegg fekk 6 røyster (1Tvs, 1Krf, 2A, 2FrP) og vart vedteke. Vedtak: Saka vert utsett. Formannskapet ber om utfyllande skriftleg dokumentasjon på økonomien for dette gode tiltaket. Side 7 av 22
Sak 11/09 Vedlegg: Brev frå Vildmarken Golfklubb av 20.01.2009 Saksopplysningar: Vildmarken Golfklubb søkjer om å forlenga avdragsfridomen på lånet som har kommunal garanti, med to år fram til 20.03.2011. Om saka Vildmarken Golfklubb fekk 14.02.2006 innvilga kommunal garanti for lån inntil kr 1.500.000 i samband med bygging av klubbhus med garasje og toalettfasiliteter. Som vilkår for garantien har kommunestyret sett: Garantien vert gjeve som simpel kausjon, og garantiansvaret vert redusert i samsvar med planlagt nedbetaling av lånet. Garantien fell vekk seinast innan 10 år. Det er eit vilkår for godkjenninga at verksemda vert driven utan vinst for eigarane. Eit evt. overskot må tilbakeførast til drifta. Fylkesmannen har 02.03.2006 godkjent garantivedtaket med dei same vilkåra som kommunestyret har sett. Vildmarken Golfklubb har no teke kontakt med kommunen med søknad om å forlenga avdragsfridomen på lånet. Golfklubben har i perioden som er gått sidan lånet vart teke opp opplevd monaleg renteauke på lånet, samstundes som tilgangen på nye medlemer har stagnert. Vi viser til vedlagte brev frå Vildmarken Golfklubb for utfyllande forklaring. Vi har hatt samtale med representant for klubben, og slik vi forstår det vil det ikkje vera likviditet i klubben til å betala avdrag no. Klubben voner likevel at lågare rente framover og fleire medlemmer skal gjera klubben i stand til å kunne betala avdrag frå 2011. Dei ser for seg at samla garanti tid (10 år frå 2006) ikkje treng endrast som følgje av dette. Formalitetar Slik administrasjonen ser det krev ei forlenging av avdragsfridom ny handsaming i kommunestyret fordi det endrar planlagt nedbetaling av lånet. Vildmarken Golfklubb opplyser at dei har klarert med DnBNor at dei aksepterer ei forlenging av avdragsfridom så lenge dette er godkjent av kommunen. Vurdering Det er i Os kommune si interesse å unngå at garantien vert gjort gjeldande. Det vil såleis vera betre å lempa på vilkåra for avdragsbetaling enn å setje hardt mot hardt ettersom klubben slik vi forstår det ikkje har likviditet til å betala avdrag no. Konklusjon Administrasjonen rår til at søknaden om forlenging av avdragsfridom til 20.03.2011 vert innvilga. Dei øvrige vilkåra for garantien vert som før. Os, 03.02.2009 Ingrid Karin Kaalaas Økonomisjef Side 8 av 22
Sak 12/09 MØTEBOK FRAMLEGG OM ORGANISERING OG FYSISK UTFORDRING AV NYTT PEDAGOGISK RESURS - OG AVLASTNINGS- SENTER Saksbehandlar: Gunvor S. Heggland Arkiv: 034 A16 Arkivsaksnr.: 09/167 Saksnr.: Utval Type/ Møtedato 9/09 Tenesteutvalet PS 04.02.2009 12/09 Os Formannskap PS 17.02.2009 Framlegg til vedtak: 1. Det vert oppretta to nye avdelingar: Vardafjell Avlastningssenter, under Helse & Sosial Vardafjell Resurssenter for Born og Unge, under Oppvekst & Kultur. 2. Avlastningsbygget blir slik det er teikna og skildra, berre med små endringar. Helse & Sosial og Tekniske Tenester samarbeider med foreldregruppa fram mot ein omforent justering av plan. 3. Teikningane og funksjonane i Resurssenteret vert endra slik at ca 1/3 vert tilrettelagt for vaksne med spesifikk kompetanse innanfor praktisk pedagogikk i forhold til born med spesielle behov. Kompetansen her skal koma heile kommunen til gode. 1/3 vert vekselvis observasjonsareal og praktisk pedagogisk senter på dagtid og Sfo / avlastning på ettermiddag og kveldstid. Det vert gjort framlegg om at 1/3 vert fellesareal for begge miljøa. Oppvekst & kultur har ansvar for løysningane i dette bygget. 4. Prosjektgruppa Born med spesielle behov vil vera arbeidsgruppa fram mot realisering og drift av dei to avdelingane. Dei tre kommunalsjefane er styringsgruppe. 5. Oppvekst og Kultur og Tekniske Tenester arbeider vidare med planane om å gjera Kuventræ skule særskild tilgjengeleg for skuleborn med spesielle behov. Os, 11.02.09 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 12/09 Behandling i Tenesteutvalet i møte 04.02.2009 Behandling i utvalet: Kommunalsjefane Ingvar Torsvik, Nils Petter Borge og Haldor Fosse orienterte. Borghild Borgen (A) kom med følgjande tilleggspunkt. Uttrykket spesielle behov skal definerast meir detaljert. Samrøystes vedtak som innstillinga. Tilleggsframlegget vart samrøystes vedteke. Vedtak: 1. Det vert oppretta to nye avdelingar: Vardafjell Avlastningssenter, under Helse & Sosial Vardafjell Resurssenter for Born og Unge, under Oppvekst & Kultur. 2. Avlastningsbygget blir slik det er teikna og skildra, berre med små endringar. Helse & Sosial og Tekniske Tenester samarbeider med foreldregruppa fram mot ein omforent justering av plan. 3. Teikningane og funksjonane i Resurssenteret vert endra slik at ca 1/3 vert tilrettelagt for vaksne med spesifikk kompetanse innanfor praktisk pedagogikk i forhold til born med spesielle behov. Kompetansen her skal koma heile kommunen til gode. 1/3 vert vekselvis observasjonsareal og praktisk pedagogisk senter på dagtid og Sfo / avlastning på ettermiddag og kveldstid. Det vert gjort framlegg om at 1/3 vert fellesareal for begge miljøa. Oppvekst & kultur har ansvar for løysningane i dette bygget. 4. Prosjektgruppa Born med spesielle behov vil vera arbeidsgruppa fram mot realisering og drift av dei to avdelingane. Dei tre kommunalsjefane er styringsgruppe. 5. Oppvekst og Kultur og Tekniske Tenester arbeider vidare med planane om å gjera Kuventræ skule særskild tilgjengeleg for skuleborn med spesielle behov. 6. Uttrykket spesielle behov skal definerast meir detaljert. Side 10 av 22
Sak 12/09 Vedlegg: Prosjektbeskrivelser Saksopplysningar: 1. Bakgrunn for saka I perioden mars 2003 til medio 2008 har 5 grupper jobba med å førebu etablering av Spesialpedagogisk senter/ Barnebustad på Kuventræ. Tidlegare kommunaldirektør Jorunn Solberg har vore pådrivar i dette arbeidet. -ei arbeidsgruppe (mars sept 2003) Leiar: Olav Kvåle -ei foreldregruppe hadde Idédugnad 15.03.2003 og la fram eit særs viktig dokument. -ei forprosjektgruppe (23.05.2005-20.06.2005) Leiar : Olav Kvåle -ei referansegruppe for skuledel (15.03.2006-13.04.2007) Leiar : Arne Farsund -ei referansegruppe for Barnebustader(15/3.2006-13.04.2007 Leiar: Yvonne Matre 2003 15/3-hadde foreldra Idédugnad. Gruppa la fram eit særs viktig dokument som inneheld viktige moment ein må ta med i planlegginga av senteret. 2003 27/3-/5/5: Kuventræ skule /Forprosjektgruppa har besøkt Loddefjord skule, Kalvatræet skule og Madlamarka skule i Stavanger (26/8-2005). 2006 - Mai :Referansegruppa/skuledel vitja to skular i København ( Øresundskolen og Geelsgårdskolen). 2006-Medio september: la prosjektgruppa for skuledelen/barnebustader fram rapport som grunnlag for vidare planlegging av skulebygget og Barnebustader. 2007-21/3: mottok referansegruppene framlegg til utforming av senteret/barnebustader frå Os Bygg og Eigedom. 2007-13/4 : Referansegruppene handsama framlegget frå OBE. Merknader vart sendt kommunaldirektør Jorunn Solberg. 2007-21.06: Forvaltningsstyret vedtek i møte at bygget skal plasserast på tomt 1 (nærast Osbadet). Kuventræ skule har ved fleire høve uttalt at det er ønskeleg at senteret vert plassert på tomta nord for skulen. 2007-16/7 : Bestilling med romprogram vert send OBE frå Jorunn Solberg. 2007-15-11 OBE sender ut framdriftsplan. Framdriftsplanen inneheld tidsplan for prosjektet. Innflytting er sett til 1.12 2009! 2008-7.01- Prosjektgruppemøte - saman med OBE 2008-mai Kommunestyret vedtek tomteplassering (tomt 3 nord for Kuventræ). Side 11 av 22
Sak 12/09 Framdrift Os Kommune har send bestilling på arbeid med Spesialpedagogisk Senter og Barnebustad. Romprogrammet er på 480 m2 +385 m2, samla 865 m2. Bestillinga vart send 16.07.2007. Os Bygg og Eigedom har i perioden juni 2007-2008 jobba med å klargjera tilbodsdokumenta i samarbeid med dei to referansegruppene. OBE la fram fylgjande framdriftsplan: 14.01.08 :Møte med OBE der ein går gjennom krava til bygget. Januar 2008: OBE sender ut tilbodsdokumenta. Februar 2008: Val av utbyggjar/arkitekt. Vår 2008 :Prosjektering Juni 2008:Byggjestart August 2009: Opning av Senteret NB! Ein tek atterhald om at tidspunkta kan bli endra. Plasseringa av senteret vart endeleg vedteke i kommunestyret i mai 2008. Framlegget frå OBE vart kommentert og gjennomgått av referansegruppene i april 2007.Merknadane vart sendt Jorunn Solberg i etterkant av dette møtet. 16.07.2007 sende Jorunn Solberg bestilling til OBE om å starta tilbodsprosessen. I bestillinga vart det sagt at tomtevalet kan bli endra. Dette krev eit endra vedtak i Forvaltningsstyret. OBE sende 15.11.2007 ut ein tidsplan for framdrifta for prosjektet. Av planen går det fram at det skulle gjennomførast arkitektkonkurranse. Dette var med på å senka framdrifta ytterlegare. Utbyggingsplanar teikningar - prosjekt. I mars 2006 tok Jorunn Solberg initiativ til å etablera ei gruppe som skulle jobba med romprogram og innhald i Spesialpedagogisk Senter og ei gruppe som skulle jobba med Barnebustadbygget. Mandat for gruppene: Med grunnlag i innhenta opplysningar frå liknande verksemd, evt studieturar, skal prosjektgruppa greia ut behov og koma med framlegg til praktiske løysingar ved utforminga av skuledelen i eit spesialpedagogisk senter for inntil 12 elevar. Utgreiinga skal vera ein del av arkitekten sitt grunnlagsmateriale, og føresetnaden er at prosjektgruppa også skal spela ei rolle under arkitekten sitt arbeid fram til ferdig utteikna prospekt. Prosjektgruppa skal også halda seg orientert om arbeidet i prosjektgruppa for barnebustader/avlastningsbustader, og vurdera behov for fellesmøte. Side 12 av 22
Sak 12/09 Rapport frå prosjektgruppa. Gruppa har hatt 7 møte i perioden 15/3-22/9-2006. Gruppa har vore på 2 dagars studietur til København. I møta har vi drøfta: -Kva skulebygget må innehalda. -Pedagogisk innhald. -Tverrfagleg fokus. -Oppsummering av inntrykk frå skulebesøk. -Organisering/leiing av Senteret. -Namn/visjon for senteret. -Samarbeid med andre kommunar / fylke? -Informert Os Vidaregåande skule om prosjektet Status i prosjektet. Det er avsett kr.19 mill. til prosjektet i 2007. Framdrift i prosjektet i følgje Økonomiplan 2007-2010 er at skuledel og barnebustad skal byggjast samtidig. Dersom finansieringa av barnebustad vert å definera som omsorgsbustad, må det søkjast om statstilskot i 2008. Då vert det byggjestart på skuledelen først. Dei to prosjektgruppene skal fungere som referansegrupper for arkitekt. Planlagt framdrift: Referansegruppa sin rapport vart send kommunaldirektør Jorunn Solberg 20.09.2006.Os Bygg og eigedom fekk i oppdrag å utarbeida teikningar for Spes.pedsenteret og Barnebustadbygget basert på innspela frå dei to referansegruppene. 13. mars 2007 presenterte OBE framlegget sitt. Gruppa drøfta skissa frå Os Bygg og Eigedom. Barnebustadgruppa og skulegruppa gjekk gjennom teikningane i plenum. Begge gruppene hadde kommentarar til skissa. Desse vart send kommunaldirektøren 13.04.2007. Romprogram: 16.07.2007 vart romprogrammet klart og bestilling av arbeid frå OBE send. Skuledelen fekk eit areal på 480 m2 (ein reduksjon på 95 m2 ).Barnebustadbygget fekk eit areal på 385 m 2 (ein reduksjon på 75 m2). Samla 865 m 2. Reduksjonen for barnebustadbygget er ikkje ønskeleg. Det er trong for fleire m2 for å dekka behovet for avlasting i åra som kjem. Tomteval: Det har vore ein lang prosess å få plassert bygget. Dette har forseinka prosjektet med 1-2 år. Kommunestyret vedtok i mai 2008 å plassera senteret på tomta (3) nord for Kuventræ skule. Området må omregulerast. Fylkesmannen har signalisert at denne tomta (nr.3) kan aksepterast. Omreguleringsplan er laga og ligg ute til offentleg gjennomsyn. Frist for merknader er 05.09.2008. Ein reknar med at planen vert godkjent i september 2008. Os Bygg og eigedom har laga skildring av prosjektet med kravsspesifikasjon i samarbeid med referansegruppa. Dette dokumentet har vore i Doffin-basen i 1mnd (juni/juli 2008) og 5 interessentar har meld si interesse. Dei to bygga er på 865 m 2. Byggjekostnadane vil liggja på om lag 25 mill. kr (kr.28000 pr. kvm). Sterk prisstiging dei siste åra vil føra til auka kostnader. Side 13 av 22
Sak 12/09 Korleis er prosjektet organisert med styringsgruppe og arbeidsgruppe? Kommunaldirektør Jorunn Solberg har leia arbeidet med senteret fram til ho gjekk av hausten 2007. Skuleåret 2007/2008 hadde Øyvind Tøsdal og Kåre Lutro formelt ansvar på framdrifta i prosjektet. Prosjektet har to referansegrupper/prosjektgrupper som har sett på kva bygget må ha av rom og innreiing, i tillegg til innhald, drift og bemanning. Referansegruppe Skuledel: Bjørg Tveit Terje Neset Anne Leni Sæbø Brit Hofsvik, Maj Liss Wiik, Barbara Træland, Arne Farsund Spesialpedagog Kuventræ skule Musikkpedagog / Prosjekttilretteleggjar. Musikkpedagog / Prosjekttilretteleggjar PPT Foreldrerepresentant Fysioterapeut/rehabilitering/ Leiar TBU Prosjektleiar/avdelingsleiar Spes.pedsenter. Referansegruppe Bustaddel: Yvonne Matre Leiar Lio avlastning Anne Karin Moberg Wenche Lunde Lepsøy Foreldrerepresentant Styringsgruppe er ikkje etablert. Kommunaldirektør Beate Moberg gjorde framlegg om at styringsgruppa vert slik : Haldor Fosse Ottar Randa Birgit Holsen Arne Farsund Teknisk fagsjef OBE BOF Prosjektleiar/avdelingsleiar Spes.pedsenter. Side 14 av 22
Sak 12/09 2. Ny organisasjon Os i Tio I og med at organisasjonen i Os kommune vart endra frå 18/8 2008 er det kommunalsjef for Helse & Sosial, Nils Petter Borge, og kommunalsjef for Oppvekst & Kultur, Ingvar Torsvik, som no har ansvaret for å føra prosjektet fram mot ferdigstilling og drift. Kommunalsjef for Tekniske tenester, Haldor Fosse, har etter omorganiseringa ansvar for tilbod og byggjeleiing. 2. desember hadde kommunalsjef Ingvar Torsvik eit møte med fylkesmannen i Hordaland v/ Kjellbjørg Lunde, der Os kommune vart gjort merksam på at dersom planane Spesialpedagogisk senter vert gjennomførte slik dei låg føre vil det koma marknad/motsegn frå fylkesmannen. Senteret slik det no er planlagt bryt med lov om kommunen sitt ansvar for å leggja til rette for borna i lokalmiljøet og 8.1. i opplæringslova; om elevane sin rett til å gå på heimeskulen. Kommunalsjefen repliserte at dersom kommunen hadde fått lov å byggja tettare opp til Kuventræ skule ville det ikkje vore naudsynt med ein dedikert skuledel i senteret. Det var den fysiske avstanden mellom senteret og Kuventræ skule som hadde tvinga fram fleire klasserom og etter kvart ein komplett skuledel. Men uansett årsak; kommunalsjefen måtte gje fylkesmannen rett i at slik skildring og teikningar no er vortne er det mogeleg å betrakta senteret, med avlastning og skule sett under eit, som ein spesialskule med internat. Dette har aldri vore intensjonen. Rådmannen ynskjer ikkje ein spesialskule, og har etter møtet med fylkesmannen sett endå ein gong på korleis Os kan byggja senteret i samsvar med borna sine behov for tilrettelegging og statlige føringar i høve lokal-/sentral skule for born med spesielle behov. Det var viktig at denne nye gjennomgangen ikkje forseinka igangsettinga av prosjektet. Kommunalsjefane har med dette mandatet arbeidd fram ein justering som kontinuerlig er kommunisert med den politiske leiinga i kommunen, og som vidare er kommunisert i prosess med dei involverte fagmiljøa i kommunen og til slutt med føresette til elevane i målgruppa for avlastning og skule: Dette siste vart gjort i eige møte den 28/1 2009. Det er avtalt nytt møte med desse føresette den 4/2 09. Fagmiljøa for tenestene for dei aktuelle borna i kommunen er organisert i ei gruppe Born med spesielle behov. Denne gruppa er ei av tre prosessgrupper som arbeider med dimensjonering av tenester på tvers av primærtenestene: Helsesøstertenesta, Barnehagar og Skular på den eine sida og ulike fagtenester i kommunen på den andre (vedlegg 2). Alle tre gruppene skal vera ferdige med innstillingane sine i løpet av mars. Arbeidet i gruppene vert orienteringssak i tenesteutvalet på alle utvalsmøta i prosjektperioden. Prosjektgruppa Born med spesielle behov Barnehage Liv Jansen Skule Per Olav Sørås Avdelingsleiar Arne Farsund Forvaltning Oppvekst og kultur Simen Soltvedt (Sekretær) Tenestestyring Barbara Træland PPT Anne M Heggland Helse & Sosial, Avlastning born Yvonne Matre Fagforeining, Fagforbundet Jonny Christensen Kommunalsjef H & S Leiarduo Kommunalsjef O & K Leiarduo Side 15 av 22
Sak 12/09 3. Endringane - og vegval i det vidare arbeidet I utgangspunktet treng avlastinga nokre av dei romfasilitetane som var planlagde i skulebygget på ettermiddag og kveldstid. Samstundes treng born med spesielle behov som vel å gå på heimeskolen eller på Kuventræ skule eit sentralt kommunalt kompetansemiljø. Rådmannen gjer difor framlegg om to sjølvstendige avdelingar: Vardafjell Avlastningssenter, under tenesteområdet Helse & Sosial og Vardafjell Ressurssenter for born og unge, under tenesteområdet Oppvekst & Kultur. Avlastingsbygget vert slik det er teikna og skildra, berre med små endringar. Helse og Sosial og Tekniske tenester samarbeider med foreldregruppa fram mot ein omforent justering av plan. Dette arbeidet må ikkje forsenka byggjestart, estimert til 1. mars. Teikningane og funksjonane i Ressurssenteret vert endra slik at ca 1/3 vert tilrettelagt for vaksne med spesifikk kompetanse innanfor praktisk pedagogikk i høve til born med spesielle behov. Denne kompetansen skal koma heile kommune til gode. 1/3 vert vekselvis observasjonsareal og praktisk pedagogisk senter på dagtid og Sfo / avlasting på ettermiddag og kveldstid. Vidare vert det gjort framlegg om at 1/3 vert gjort til fellesareal for begge miljøa. Oppvekst og kultur har ansvar for løysningane i dette bygget. Prosjektgruppa Born med spesielle behov vil vera arbeidsgruppe fram mot realisering og driftstart av dei to avdelingane. Dei tre kommunalsjefane er styringsgruppe. Oppvekst og kultur og Tekniske tenester arbeider vidare med planane om å gjera Kuventræ skule særskild tilgjengeleg for skuleborn i kommunen med spesielle behov. Ingvar Torsvik Kommunalsjef Oppvekst & Kultur Side 16 av 22
Sak 13/09 MØTEBOK SPESIALPEDAGOGISK SENTER - ORIENTERING FRÅ OS BYGG OG EIGEDOM Saksbehandlar: Haldor Fosse Arkiv: 614 Arkivsaksnr.: 06/1987 Unntatt offentlig offl 23 3. ledd Offl 23 3. ledd Saksnr.: Utval Type/ Møtedato 27/08 Os Formannskap PS 08.04.2008 22/08 Os kommunestyre PS 15.04.2008 13/09 Os Formannskap PS 17.02.2009 Framlegg til vedtak: Formannskapet tek orienteringa frå Os Bygg og Eigedom til etteretning. Os 05.02.09 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 13/09 Behandling i Os kommunestyre i møte 15.04.2008 Behandling i utvalet: Nils-Olav Nøss (Ap) fremja følgjande framlegg: Os kommunestyre vedtek at eit spesialpedagogisk senter vert bygd på Kuventræ (merka nr. 2 på kartet). Kommunestyret vedtek oppstart av reguleringsarbeid for området, og ber om at saka får høg prioriet hos administrasjonen. Kommunestyret ber administrasjonen starta detaljprosjektering av bygget og køyra denne prosessen parallellt med reguleringsarbeidet. Gustav Bahus (FrP) kom med følgjande framlegg: Kommunestyret ber om at bruken av denne tomta ved Varafjellet vert freista avklart med Fylkesmannen i Hordaland fram til neste møte i kommunestyret. Laila Reiertsen (FrP) kom med følgjande framlegg: Os kommunestyre vedtek at spesialpedagogisk senter vert bygd på offentleg regulert område ved Halhjem barnetun. Kommunestyret legg til grunn at denne skulen innan rimeleg tid vil verta utbygd frå 1-4 til 1-7-skule, jfr. framlegg til ny skulebruksplan for Os kommune. Administrasjonen sitt framlegg fekk 1 røyst (1SP) og fall. Laila Reiertsen sitt framlegg fekk 5 røyster (5FrP) og fall. Samordna framlegg frå Nøss/Bahus (Nøss sitt pkt 1 og Bahus sitt framlegg) vart vedteke medd 33 mot 2 røyster (2FrP). Vedtak: Os kommunestyre vedtek at spesialpedagogisk senter vert bygd på Kuventræ (merka nr. 2 på kartet). Kommunestyret ber om at bruken av denne tomta ved Varafjellet vert freista avklart med Fylkesmannen i Hordaland fram til neste møte i kommunestyret. Behandling i Os Formannskap i møte 08.04.2008 Behandling i utvalet: Ordførar Terje Søviknes (FrP) kom med følgjande framlegg frå FrP/H: Os formannskap ber administrasjonen utdjupa følgjande alternativ og tema fram til kommunestyremøte 15. april: 1. Oshaugen Transportutfordring og køyremønster/parkering i området. Tilhøve til skulebruksplanen for Os. Tomtestorleik og uteareal i høve planlagd bygningsmasse på 800m 2. 2. Halhjem Barnetun Konkret plassering i høve eksisterande bygningsmasse og evt. framtidig utviding av Halhjem barnetun. Auka transportkostnader i høve ei sentrums lokalisering. 3. Kuventræ, nytt alternativ v/varafjellet. Side 18 av 22
Sak 13/09 Optimal framdrift på planrosess m/eventuelt parallelløp mellom reguleringsplanprosess, prosjektering og handsaming av rammeløyve/byggeløyve. Tomtestatus eigartilhøve. Framtidige planar for senteret jfr. skulebruksplanen + synergieffektar i høve til Os vidaregåande skule. Samrøystes vedtak som innstillinga frå FrP/H. Vedtak: Os formannskap ber administrasjonen utdjupa følgjande alternativ og tema fram til kommunestyremøte 15. april: 1. Oshaugen Transportutfordring og køyremønster/parkering i området. Tilhøve til skulebruksplanen for Os. Tomtestorleik og uteareal i høve planlagd bygningsmasse på 800m 2. 2. Halhjem Barnetun Konkret plassering i høve eksisterande bygningsmasse og evt. framtidig utviding av Halhjem barnetun. Auka transportkostnader i høve ei sentrums lokalisering. 3. Kuventræ Optimal framdrift på planrosess m/eventuelt parallelløp mellom reguleringsplanprosess, prosjektering og handsaming av rammeløyve/byggeløyve. Tomtestatus eigartilhøve. Framtidige planar for senteret jfr. skulebruksplanen + synergieffektar i høve til Os vidaregåande skule. Side 19 av 22
Sak 13/09 Vedlegg: 1. Vurderingsskjema for tilbod (Unnateke off. innsyn jfr. Off.l. 23.3) 2. Teikningar - - Saksopplysningar: Os Bygg og eigedom er prosjektleiar for Spesialpedagogisk senter. Dei vil i møtet orientera om prosjektet. Utfyllande opplysningar vert ettersendt når dei ligg føre fra OBE. Os 05.02.09 Haldor Fosse Teknisk sjef Side 20 av 22
Sak 14/09 MØTEBOK POLITISK KVARTER Saksbehandlar: Gunvor S. Heggland Arkiv: 033 Arkivsaksnr.: 09/78 Saksnr.: Utval Type/ Møtedato 5/09 Os Formannskap PS 27.01.2009 14/09 Os Formannskap PS 17.02.2009 Uformell drøfting av ymse saker. ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 15/09 MØTEBOK NÆRINGSLIVETS KVARTER Saksbehandlar: Gunvor S. Heggland Arkiv: U00 Arkivsaksnr.: 09/79 Saksnr.: Utval Type/ Møtedato 6/09 Os Formannskap PS 27.01.2009 15/09 Os Formannskap PS 17.02.2009 Uformell drøfting av ymse saker. ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20