saksframlegg Dato: Referanse: Vår saksbehandlar: 30.01.2019 8803/2019 Marita Helene Halvari, Saksnr Utval Møtedato Eldrerådet 13.02.2019 Rådet for likestilling av 19.02.2019 funksjonshemma Kultur- og folkehelseutvalet 06.03.2019 2019 - Treårig driftstilskot til interesseorganisasjonar innan helse Bakgrunn Formålet med kulturtilskot frå Møre og Romsdal fylkeskommune er å styrke grunnlaget for vidareutvikling av eksisterande aktivitet og å stimulere frivillig engasjement, mangfald og kvalitet i kulturlivet og folkehelsearbeidet i Møre og Romsdal. Dessutan skal tilskotsordningane stimulere til nettverksbygging og samhandling mellom offentleg, privat og frivillig sektor. I sak KF 20/18 Nye vilkår for tildeling av treårige driftstilskot frå Møre og Romsdal fylkeskommune vart mellom anna følgande vedtatt: «Kultur- og folkehelseutvalet ber om at det blir oppretta ein eigen prosjekt- og driftstilskotsordning for interesseorganisasjonar innan helse med fleire. Ramma for ordninga er inntil 1 mill. kroner. Kultur- og folkehelseutvalet ber om at administrasjonen tilpassar retningslinene og utarbeider nye søknads- og rapporteringsskjema, i trå med saksframlegg og vedtak. Desse blir lagt fram for kultur- og folkehelseutvalet til orientering.» Dei tilpassa retningslinene vart lagt fram som referatsak til kultur- og folkehelseutvalet i møte 16. mai 2018. Retningslinjene finn de her Alle mottakarar av driftstilskot frå Møre og Romsdal fylkeskommune vart i april 2018 invitert til informasjonsmøte om søknadsfrist for treårig driftstilskot, dei nye retningslinene og ny søknadsportal. Dei fylkeskommunale tilskotsmidlane til kulturområdet skal ikkje nyttast til organisasjonar innan politisk verksemd, humanitær verksemd og trussamfunn. Dette ligg til grunn for ramma på 1 mill. kroner som ble vedtatt i kultur- og folkehelseutvalet, og stadfesta i vedtak av budsjett for 2019 (sak T 59/18). Då heile ramma på 1 mill. kroner blir fordelt til treårige driftstilskot blir det i tillegg tilrådd å sette av ei ramme på 200 000 kroner til prosjekttilskot i 2019. Tidleg på 2000-talet vart interesseorganisasjonane innan helse, Kirkens SOS Møre og Romsdal og Norsk Pensjonistforbund Møre og Romsdal overført til kulturavdelinga sitt budsjett. Dette som følgje av at sjukehusdrifta gjekk ut av fylkeskommunane sitt samfunnsoppdrag, og at alle tilskotsordningar til frivillig verksemd vart samla på kultur. Desse organisasjonane ligg i skjeringspunktet mellom frivillige organisasjonar, humanitær verksemd og spesialhelsetenesta, og er delvis definert utanfor fylkeskommunen sitt ansvarsområde.
I sak KF 20/18 vart det bestemt at fordeling og innstilling på ramma blir lagt til rådet for likestilling av funksjonshemma og eldrerådet for tilråding, før saka blir lagt fram for kultur- og folkehelseutvalet til endeleg vedtak. På denne måten kan dei rådgivande organa kome med forslag til fordeling av desse midlane. Det er viktig å merke seg at tildelingane som er forslått i denne saka ikkje gjeld for heile tilskotsperioden, men for 2019. Løyving for åra 2020 og 2021 blir vedtatt i kultur- og folkehelseutvalet i første møtet i nytt år, og er med føresetnad om fortsatt løyving på budsjett. Vurdering Tilskotsrammene til fylkeskommunen er ikkje auka, og endringar i framtidige rammeføresetnader kan få følgjer for framtidige tildelingar innan kulturfeltet. I dei nye vilkåra for driftstilskot, blir det lagt vekt på heilårsaktivitet, stabil drift over år og vilje til utvikling. Interesseorganisasjonane har både heilårsaktivitet og stabil drift. Raske omskiftingar krev i tillegg at organisasjonane er utviklingsorientert, finn nye samarbeidsformer og måtar å organisere tenestene på i framtida. Dette blir tillagt større vekt i våre framtidige tildelingar. Organisasjonane som er tilrådd i denne saka har mottatt driftstilskot frå fylkeskommunen i mange år. Alle søkte på treårige driftstilskot innan fristen 1. juni 2018. På lik line som i sak KF 2/19 «2019 Treårig og eittårig driftstilskot til kulturorganisasjonar er det satt ei nedre grense for treårig driftstilskot til 30 000 kroner. Møre og Romsdal fylkeskommune har tidligare år tildelt tilskot til Funksjonshemmedes Fellesorganisasjon Møre og Romsdal (FFO Møre og Romsdal) og til medlemsorganisasjonar av Funksjonshemmedes Fellesorganisasjon (FFO). Fylkesrådmannen tilrår at tilskotet blir tildelt FFO Møre og Romsdal, som igjen tildeler tilskotet til sine medlemsorganisasjonar. Dette fører med seg eit rapporteringsansvar for FFO Møre og Romsdal fylkeskommune har fått 12 søknader før fristen 1. juni 2018. I oppsummeringa under ser ein kven som har søkt, og det blir skissert korleis fylkesrådmannen tilrår at tilskotsordninga blir forvalta framover: Funksjonshemmedes Fellesorganisasjon Møre og Romsdal (FFO Møre og Romsdal) Paraplyorganisasjon for funksjonshemma og kronisk sjuke i Totalt 38 medlemsorganisasjonar. Dei er eit talerør for funksjonshemma sine organisasjonar med interessepolitisk påverknad. Mange av medlemsorganisasjonane i FFO mottar også driftstilskot frå fylkeskommunen. Vi legg opp til ei forenkling av vår tilskotsbehandling ved å kanalisere våre tilskot til interesseorganisasjonane gjennom FFO I tillegg til treårig driftstilskot til organisasjonen får dei ei ramme til fordeling mellom medlemsorganisasjonane. Fordeling blir å avtale mellom FFO og organisasjonane. Men fylkesrådmannen tilrår at 60 prosent av tilskotsmidlane til FFO Møre og Romsdal fordelast direkte til medlemsorganisasjonane som har søkt Møre og Romsdal fylkeskommune i 2018. Det er vidare tilrådd at FFO Møre og Romsdal får 30 000 kroner av prosjektmidlane som er satt av for 2019, for å utvikle, samordne og administrere tilskotsordninga ovanfor medlemsorganisasjonane sine. Dette er å rekne som tilskot til å tilpasse seg ny tildeling, og vil derfor bli fasa ut i 2020. Dette inneber at det blir innført lik praksis for interesseorganisasjonane som vi har gjort med dei andre paraplyorganisasjonar, mellom anna Møre og Romsdal idrettskrets, Møre og Romsdal Musikkråd og NMF Nordvest (Norges Musikkorps Forbund).
FFO skal for sitt tilskot rapporterer til fylkeskommunen på vanleg måte og medlemsorganisasjonane skal rapporterer til FFO. Når alle har rapportert og FFO har godkjent rapportane, sender dei samla rapportering til fylkeskommunen. Norges Blindeforbund Møre og Romsdal og Lydavis for Møre og Romsdal Norges Blindeforbund har gjennom 100 år vore medverkande til at synshemma sine rettigheitar og moglegheiter har blitt styrka. Dei har tilbod og fordelar som kan hjelpe dei som er svaksynte. Norges Blindeforbund Møre og Romsdal er medlem av FFO, og vidare tilskot blir forvalta gjennom FFO Møre og Romsdal Døveforening og Velferdssekretæren for døve og tunghørte har som formål å støtte døve og tunghørte i deres kamp mot isolasjon i samfunnet. Foreninga driv mellom anna med opplysning i lokala gjennom foredrag. Møre og Romsdal Døveforening er medlem av FFO, og vidare tilskot blir forvalta gjennom FFO Norges revmatikerforbund Møre og Romsdal fylkeslag (NRF Møre og Romsdal fylkeslag) NRF har som føremål å førebygge og kjempe mot revmatiske sjukdommar/muskelog skjelettplager og medfølgjande verknader ved å vere ein møteplass for medlemmene for omsorg, fellesskap og kunnskap. Dei arbeider for å betre helsemessige, sosiale, økonomiske og kulturelle vilkår for revmatikarane. NRF Møre og Romsdal fylkeslag er medlem av FFO, og vidare tilskot blir forvalta gjennom FFO Norges Astma- og Allergiforbund (NAAF Region Midt) Norges Astma- og Allergiforbund er ein organisasjon som jobbar mellom anna med astma, allergi, eksem og kols. Hovudmålet er å bidra til å bremse den stadig auka førekomsten av disse sjukdommane, og gjere kvardagen for dei som er ramma så bra som mogleg. NAAF region Midt er medlem av FFO, og vidare tilskot blir forvalta gjennom FFO LPP Ålesund og omegn LPP jobbar for pårørande innan psykisk helse. Dei er ein pådrivar for å styrke tilbodet innan psykisk helsevern ved ein betre kommunikasjon mellom brukarar, pårørande, behandlarar og myndigheter. LPP Ålesund og omegn sine mål er å utvikle og bevare eit regionalt kompetansesenter for pårørande, vere eit reelt lågterskel tilbod med kort responstid og gje tilbod om grupper for sjølvhjelp. LPP Ålesund og omegn er medlem av FFO, og vidare tilskot blir forvalta gjennom FFO Autismeforeningen Møre og Romsdal Fylkeslag Autismeforeningen jobbar for å gje like moglegheiter for deltaking og utvikling gjennom forpliktande planlegging over lang tid i eit heilskapleg perspektiv som gir varig livskvalitet. Målet er at samfunnet oppfyller sine forpliktingar ovanfor menneske med diagnose innanfor spekteret autisme. Autismeforeningen Møre og Romsdal Fylkeslag er medlem av FFO, og vidare tilskot blir forvalta gjennom FFO Mental Helse Møre og Romsdal Mental Helse er ein organisasjon for alle menneske med psykiske helseproblem, pårørande og andre interesserte. Gjennom arbeid med politisk påverknad, folkeopplysning og formidling av brukarerfaring jobbar dei for økt openheit, betre førebygging og behandling av psykiske helseproblem. Helse Møre og Romsdal er medlem av FFO, og vidare tilskot blir forvalta gjennom FFO Norges Handikapforbund Nordvest (NHF Nord Vest) Arbeider for eit samfunn for alle, der menneske med nedsett funksjonsevne kan delta på lik linje med andre på alle områda av samfunnet. NHF Nord Vest ønsker å
stimulere og engasjere unge og unge vaksne til å involvere seg i arbeide med eit meir inkluderande kulturliv og samfunn. Dei ønsker eit større mangfald og færre barrierar. Dette arbeider dei for mellom anna gjennom råd og hjelp, kurs og samlingar. Det blir lagt fram forslag om å vidareføre deler av tilskotet for 2019. Pensjonistforbundet Møre og Romsdal Pensjonistforbundet jobbar for å gje landets pensjonistar ei tydeleg røst. Dei engasjerer seg innanfor områda helse, økonomi, kultur, tryggheit og tilgjengelegheit. Pensjonistforbundet Møre og Romsdal deltar aktivt i innovative prosjekt innanfor folkehelse samt brukarmedverknad blant eldre. Driv med kurs og konferansar og formidlar informasjon som gjeld eldrepolitiske saker. Det blir lagt fram forslag om å vidareføre deler av tilskotet for 2019. Spenningskurset Spenningskurset er eit samarbeid mellom Høgskolen i Volda, Møre Folkehøgskole, kommunane, Møre og Romsdal Idrettskrets og fylkeskommunen. Ei veke med kurs som er spesielt tilrettelagt for utviklingshemma med store forskjellar i funksjonshemming. Målet for uka er aktivitet og at deltakarane skal føle meistring og få sprenge grenser. Invitasjonen går ut til alle kommunar i fylket, i 2018 deltok 69 deltakara frå heile fylket. Det er eit godt tiltak med fokus på fysisk aktivitet, involvering og inkludering. Det er føreslått eit tilskot på 100 000 kroner til Spenningskurset frå prosjektmidlane som er satt av for 2019. Då vi kanaliserar alle tilskot til idretten gjennom Møre og Romsdal idrettskrets vil midlar til Spenningskurset bli lagt inn i deira ramma frå 2020. Kirkens SOS Møre og Romsdal Kirkens SOS Møre og Romsdal driv ein døgnåpen beredskap heile året. Tenesta er tilgjengeleg på telefon, SOS-meldingar og SOS-chat, og har eit særleg fokus på å avdekke og vurdere fare for sjølvmord. Kirkens SOS er ein humanitær organisasjon og fell difor utanfor våre retningsliner. Det blir likevel lagt fram forslag om å vidareføre deler av tilskotet som eit prosjekttilskot for 2019, då med bakgrunn i auka søkjelys på og arbeid med psykisk helse. Forslag til vedtak: 1. Kultur- og folkehelseutvalet sluttar seg til fylkesrådmannen sitt framlegg om treårig driftstilskot og prosjekttilskot slik det går fram av saksframlegget med slik fordeling: Organisasjon Treårig driftstilskot Prosjekttilskot for 2019 FFO Møre og Romsdal 700 000 30 000 Norges Handikapforbund Møre og 80 000 Romsdal Pensjonistforbundet Møre og Romsdal 220 000 Spenningskurset 100 000 Kirkens SOS Møre og Romsdal 70 000 2. Det er ein føresetnad at minst 60 prosent av tilskotsmidlane til FFO Møre og Romsdal blir fordelt direkte til medlemsorganisasjonane som har søkt Møre og Romsdal fylkeskommune i 2018. 3. Prosjekttilskotet til FFO Møre og Romsdal på 30 000 kroner skal bidra til å tilpasse ny tildeling, og vil bli fasa ut i 2020. 4. Løyvingane blir å dekke frå budsjettet til kulturavdelinga, ramme 57 Kulturtilskot.
5. Dei generelle krava til rapportering og retten til innsyn i bruken av tilskotsmidlane blir lagt til grunn for alle tilskotsmottakarane. Jf. retningslinjer og føresetnader for tilskot frå Møre og Romsdal fylkeskommune og vedtak i fylkestinget sak T 59/18, punkt 8. 6. Kultur- og folkehelseutvalet presiserer vidare følgjande: a) Det er stilt krav til føring og revisjon av rekneskap i organisasjonar og institusjonar som får tilskot frå Møre og Romsdal fylkeskommune. Det skal gå fram av årsmelding og eigen post i rekneskapen at det er motteke tilskot frå Møre og Romsdal fylkeskommune. b) Ved tilsegn over 200 000 kroner er det stilt krav om autorisert revisor ved innsending av rekneskap/rapport. c) Det skal gå fram av program, informasjonsdokument, rapportar og liknande at verksemda har motteke tilskot frå Møre og Romsdal fylkeskommune. d) Rapportering frå året før (2018) må leverast kulturavdelinga innan 30. juni 2019 for sluttutbetaling av tilskot. e) Som hovudregel kan ikkje mottakarar av fylkeskommunale tilskot, både drift og prosjekt, søkje på fleire fylkeskommunale tilskotsordningar til same tiltak. f) Ordninga med følgjekort for funksjonshemma brukarar skal gjelde for dei opne kulturtilboda som tilskotsmottakarane står som arrangør av. g) Tiltak som får prosjekt eller driftstilskot skal så langt som råd vere tilgjengeleg for alle, og byggje på prinsippet om universell utforming. h) Kulturinstitusjonar og frivillige organisasjonar skal gjere bruk av Kulturnett Møre og Romsdal sine tenester, www.mr.kulturnett.no i) Tilskotsmottakarar skal legge til rette for bruk av ordninga Kulturrabatt for ungdom. j) Institusjonar og organisasjonar mv skal gi opplysning om organisasjonsnummer for å få tilskot utbetalt. Ottar Brage Guttelvik fylkesrådmann Vedlegg 1 Søknadar interesseorganisasjonar helse Heidi-Iren Wedlog Olsen fylkeskultursjef