Den kulturelle spasérstokken i Møre og Romsdal Oversikt over aktuelle produksjonar 2014/våren 2015 «Vesleblakken" - Teater Grimsborken Teaterframsyninga om «Vesleblakken» byggjer på ei novelle med same namn frå Rendalsforfatteren Jacob Breda Bull. Novella vart utgitt i samlinga «Prestegårdshistorier" (1914) og på sett og vis udødeleggjort då Nordahl Rolfsen tok ho med i si "Lesebok for folkeskolen". Mange vil også hugse historia om Vesleblakken gjennom melodien til Erling Stordahl, som kom ut i 1955 og som vart ein stor hit. Historia vert fremstilt som eit autentisk barndomsminne frå forfatteren sin oppvekst: ein bror er dødssjuk, og det må hentast legehjelp frå Tynset. Hesten Vesleblakken er både gårdens raskaste hest og barna sin kjæraste venn. Det fell på drengen Ola Jonsen Styggpåjord å drive hesten til døde for å hente legen i tide. Vesleblakken er ein co-produksjon mellom Teater Grimsborken og Teater Innlandet.
Namn på utøvarane: Peder Opstad og Markus Tønseth Aktuell turnéperiode: Haust 2014/våren 2015 Pris: 9 000,-. Det er ein føresetnad at visning skjer i samband med at teater Grimsborken er på turné for Kultursekken. Då er reiseutgiftene allereie betalt av Møre og Romsdal fylkeskommune. I enkelte høve kan eit begrensa antal pensjonistar inviterast på framsyningane som skolane skal ha på dagtid etter avtale med Kultursekken. Dette kjem vi tilbake til når turnéplana er klar i løpet av våren. Tekniske krav: tilgong til 10A straum, oppriggstid 90 min og nedriggstid 45 min, publikum sitt på tre sider av spelearealet, sceneareal 5X5 meter, maks publikumstal 100 stk Lengde på produksjonen: 40 min "Toneminner - Jubileumskonsert for Alf Prøysen" - Møremusikarane Dei tre musikarane Silje Søgnesand (vokal), Asgeir Hoffart (piano) og Jøran Hatten (klarinett og song) har laga ein konsert med Prøysen-songar. I høve Alf Prøysen sitt 100-års jubileum i 2014 har vi ein stor song-og historieskatt som med denne produksjonen er blåst liv i.
Publikum vil mellom anna få høyre kjenninger som "Du skal få ein dag i mårå", «Slipsteinsvalsen", "Lille Måltrost" og "Mari du bedåre". Nokre av songane vil óg vere fleksible i høve til allsong. Programmet kan framførast i kulturhus eller på eldreinstitusjonar i fylket vårt. Prosjektet vil vere eit samarbeid mellom kommunane i Møre og Romsdal og Møremusikarordninga. Fylkeskommunen dekkjer delvis honorar, reise og utstyr. Kommunane dekkjer delvis honorar samt eventuell leige av lokalitetar for konsertane. Namn på utøvarane: Silje Søgnesand (song), Asgeir Hoffart (piano) og Jøran Hatten (klarinett) Aktuell turnéperiode: Kan bestillast heile 2014 og våren 2105 Pris: 7 500,Tekniske krav: Vil gjerne bruke akustisk piano Lengde på produksjonen: 60 min.. «Til ettertanke» - Veronika Akselsen Det musikalske innhaldet i denne produksjonen er henta frå taterane sine songar. Veronica er av taterfamilie og ho har alltid hatt musikk som sitt uttrykk. Veronica vil
med songar, bilete og film fortelje om sitt folk si historie til ettertanke. Namn på utøvarane: Veronika Akslesen song, fleire musikarar medverkar også Pris: 15 500,- Lengde på produksjonen: 50 min Tekniske krav: Kulturhus eller liknande Aktuell turnéperiode: I samband med turné i regi av Kultursekken hausten 2014..
«Nordmørstoner» - Tor Strand og Ola Bræin Konserten "Nordmørstoner» er basert på praktboka av Ola Bræin med same namn. Boka inneheld 100 melodiar arrangert av Edvard Bræin for piano og song/instrumental. Boka og konserten har appell til både historisk interesserte og musikkinteresserte med sitt unike kildemateriale. Ola Bræin formidlar både i skrift og verbalt i løpet av konserten kjeldeportrett som fortel mykje om ei tid som har funne plass i historia sitt skuggeland.
Folketonane er arrangert av mellom anna Ola Bræin, Henning Sommero og Tor Strand. Lengde på produksjon: 45-60 min. Produksjonen kan spelast på institusjonar, samfunnshus, kyrkjer m.m. Tekniske krav: Vil gjerne bruke akustisk piano Pris: 5 000,- for ein konsert - 7 500,- for to konsertar pr dag. Reiseutgifter kjem i tillegg... «Tideverv» - Teatret Vårt Når vi ser tilbake på liva våre, så er det som å hoppe frå stein til stein over ei elv. Personlege hendingar i familiane våre, men også hendingar ute i verda gir kvar stein i elva sin eigen form og farge. Gjennom sang, musikk, dikt og historier reflekterer vi litt over livets gang, om kor fort tida går, hvor langt og kor kort livet er. Vi tek dykk med på ei lita reise frå 1920-30-åra og framover mot dagen i dag, med størst vekt på tida før, under og etter krigen.
Namn på utøvarane: Vivi Sunde, Lars Melsæter Rydjord og Knut Ivar Bøe Aktuell turnéperiode: 2. - 23.5.14 og Pris: 7 000,- for ei framsyning/ 10 500,- for to same dag/same stad. Arrangør kan ta billettinntekter dersom ein ynskjer dette. Tekniske krav: 16A straumkurs Lengde på produksjonen: 45 min Klikk her for å sjå videoklipp frå framsyninga: http://www.youtube.com/watch?v=ukn63ypsgu4#t=24.
"Hemmeleg helt" - Svein Sæter Knut Haugland deltok på verdas mest kjende sabotasjeaksjon; tungtvatnsaksjonen mot Nazi-Tyskland sitt atombombeprosjekt. Etter krigen deltok han på verdas mest berømte ekspedisjon; ombord på Kon-Tiki over Stillehavet. I boka «Operatøren» har forfattar Svein Sæter frå Surnadal fortalt Knut Haugland si historie om eit eventyrleg liv og om kva ressursar som finst i mennesket. Produksjonen «Hemmeleg helt» byr på eit fengjande møte med forfattaren Svein Sæter som gir ei oppleving de seint vil gløyme! Pris: 3 500,- Lengde på produksjonen: 60 min Tekniske krav: Treng tilgong til prosjektor og lerret Aktuell turnéperiode: Skoleåret 2014/2015, i samband med turné for Kultursekken.
"Havets sølv" - Are Pilskog Eit av verdas største og underlegaste naturfenomen finn vi her langs kysten av Noreg! Det har aldri tidlegare vore filma før. Knapt nokon har sett det. «Havets sølv» er ein storslått, norsk film om gigantiske sildestimar, ein skjør kyst og havdjupets fantastiske drama. I denne produksjonen kan publikum møte filmskapar og filmen «Havets sølv» - ei av dei største satsingane i Noreg innan naturfilm! Aktuell turnéperiode: Pris:
Tekniske krav: Framsyningane må skje på kino Lengde på produksjonen:. «Minnenes melodi» - Vestnes kulturskole Ein konsert med musikk frå mellom andre Alf Prøysen, Nora Brockstedt og Vidar Sandbeck sitt repertoar. Utøvarane har sydd saman ein underhaldande konsert med populærmusikk frå 50- og 60-talet. Utøvarar : Marit- Ellen Lund Salthammer (song), Hege Haugen (song), Knut Ivar Bøe (trekkspel) og Trond Salthammer (gitar) Konsertlengde : ca 60 min Opprigg : ca 20 minutter (avhengig av lokalet og antal publikum) Pris: 6 000,- Aktuell turnéperiode: Etter ynskje frå kommunane.
«Evert Taube» - Vestnes kulturskole Dette er ein konsert basert på Evert Taube sine komposisjonar, sydd saman av historier og hendingar frå hans spanande liv. Så lenge skutan kan gå, Sjösala vals, Brevet från Lillan og Fritiof og Carmencita er berre nokre av Evert Taubes kjente songar som blir å høyre i denne konserten. Utøvarar : Marit - Ellen Lund Salthammer (song), Knut Ivar Bøe (trekkspel) og Trond Salthammer (gitar) Konsertlengde : ca 60 min Oppriggstid : ca 20 minutter (avhengig av lokalet og antal publikum) Pris: 6 000,Aktuell turnéperiode: Etter ynskje frå kommunane
.. «Meditasjonsmusikk til bibeltekster» - Møremusikarane Konserten sin hovudidé er å formidle glede gjennom musikk og tilhøyrande bibeltekster. Konserten kan spelast både i kyrkjer, på institusjonar og øvrige konsertlokalitetar. Repertoaret består av klassiske perler av komponistar som J.S:Bach, Vivaldi, Massenet og Schubert. Musikarane ynskjer å samarbeide med lokale personar som kan formidle tekstane på ein god måte. Utøvarar: Judit Toth Sylthe (bratsj), Asgeir Hoffart (piano) og lokal tekstformidlar Konsertlengde: ca 50 min Pris: 6 000,Aktuell turnéperiode: Etter bestilling