Strategiplan for Apoteka Vest HF 2009 2015 Versjon 0.91 03.09.2008 Strategiplan for Apotekene Vest HF 2009 2015 Side 1
Innleiing Det har vore nokre spennande år for Apoteka Vest HF sida reforma av helseføretaka i 2001 kor sjukehusapoteka i Førde, Haugesund, Stavanger og på Haukeland blei slått saman til eit føretak. Ein har sett store endringar i apotek i samband med den nye apoteklova, og marknaden er no prega av nasjonale apotekkjeder som er integrerte med kvar sin grossist. Politiske miljø, media og befolkninga generelt er opptekne av korleis ein organiserar helsevesenet, og korleis ein skal løyse dei utfordringane ein ser. Ressurssituasjonen vil etter alt å døme bli krevjande også åra framover. Medisinske nyvinningar og nye legemiddel gjer mogligheiter for betre behandling av stadig fleire pasientar, men er ofte svært kostbare. Helseføretaka er opptatte av at ein tek i bruk desse løysingane på ein kontrollert måte og for dei pasientane som har mest nytte av dei, og sjukehusapoteka vil hjelpe til med dette. Helseføretakas økonomiske situasjon er òg pressa på grunn av auka lønn og pensjonskostnadar, naudsynte investeringar i nye bygningar og store driftskostnadar. Ein kan derfor forvente stram prioritering og økonomistyring i framtida. Legemiddel er etter personalkostnadar den største kostnadsposten i helseføretaka, med om lag 2,5% av dei totale budsjetta. Apoteka Vest HF skal sørgje for at legemiddel som ein viktig innsatsfaktor i sjukehusføretaka nyttast på mest mogleg kostnadseffektivt vis I 2005 la regjeringa fram ei brei gjennomgang av legemiddelområdet i form av stortingsmeldinga Rett kurs mot riktigere legemiddelbruk og i mai 2008 kom ei ny forskrift om legemiddelhandsaming for verksemder og helsepersonell som yter helsehjelp. Strategiane til Apoteka Vest HF tek omsyn til dei moglegheitene og føringane som ligg i desse viktige dokumenta. Der er òg gjort ein omfattande strategiprosess i Helse Vest RHF i 2007. Den overordna strategiplanen Helse 2020 sett føringar på både struktur og innhald i Apoteka Vest HF sin eigen plan. Styringsbodskapen i Helse 2020 kan ein òg finne igjen i det årlege styringsdokumentet frå Helse Vest RHF. God organisering og kompetent leiing er eit vilkår for å oppnå visjonar og mål. I denne strategiplanen viser føretaksleiinga kva for retning Apoteka Vest HF skal gå i dei kommande åra, og sett opp kva for mål ein saman skal arbeide mot. Sjukehusapoteket, litt MEIR enn eit vanleg apotek Sjukehusapotek har ei anna rolle i helsevesenet enn dei apoteka ein finn på til dømes kjøpesenter. Dei skal gjennom levering av varer og yting av tenester bidra til at sjukehusføretaka når sine eigne mål og oppfyllar sin strategi kva gjelder legemiddelhandsaming. Apoteka Vest HF ønskjer å ta eit heilskapleg ansvar for legemiddelbehova til den sjuke pasienten igjennom heile behandlinga. Det betyr å syte for rett legemiddel og farmasifaglege tenester både når pasienten er på veg inn i sjukehus, når ho behandlast, når ho blir utskriven og når ho skal bruke legemiddel heime eller i ein pleieinstitusjon (figur 1). Strategiplan for Apotekene Vest HF 2009 2015 Side 2
A B Figur 1 Pasientlaupssirkelen. Sjukehusapoteka produserar og distribuerar legemidel medan pasienten er i behandling eller på veg ut av sjukehusa, og yter farmasøytiske tenester langs heile pasientlaupet (A). Apoteka Vest HF vil reindyrke tilbodet mot dei ulike segmenta i pasientlaupet, og utvikle forretningsområde knytt til desse (B). Sjukehusapoteka produserar ein rekkje legemiddel som legemiddelindustrien ikkje finn rekningssvarande, men kor det likevel er eit medisinsk behov. Andre legemiddel har så kort haldbarheit at dei krev ein lokal produksjon. Mange produksjonsoppgåver er så krevjande med omsyn til lokale, utstyr og kompetanse at det er hensiktsmessig om dei leggjast til berre eit apotek i føretaket. Nokre legemiddel bør ein produsera bare ein stad i Noreg. Ei nasjonal prosjektgruppe har analysert produksjonsaktiviteten av legemiddel i sjukehusapoteka i Noreg. Formålet er å finne nasjonale samordningsmuligheter som skal bidra til meir effektiv produksjon hensyntatt servicegrad, kvalitet og økonomi. Sjukehusapotekas lagerhald er tilpassa behova til sjukehusføretaka og deira pasientar. Det betyr at ein har større og breiare sortiment enn det ei rein logistikkfagleg tilnærming skulle seie. Det er ein del av sjukehusapotekas rolle å lagerføre einskilde kostbare legemiddel som brukast sjeldan, men som reddar liv når ein treng å bruke dei. Strategi for Apoteka Vest HF 2009 2015 Strategien for Apoteka Vest HF i perioden frå 2009 til 2015 er forankra i den overordna strategien til Helse Vest RHF. Hovudmåla i perioden skal vere: 1. Trygge og nære tenester frå sjukehusapoteka 2. Heilskaplege prosessar og effektiv bruk av ressursar 3. Ein framtidsretta kompetanseorganisasjon Figur 2 gjer ein oversikt over hovudmåla i lag med visjon, verdiar og føretaksideane til Helse Vest HF. Her presenterast òg dei viktigaste tiltaka som ein vil nytta for å nå hovudmåla, og desse vil ein gjere meir konkrete i ein egen forretningsplan og handlingsplan. Strategiplan for Apotekene Vest HF 2009 2015 Side 3
Apoteka Vest HF sin visjon Å fremje helse og livskvalitet Strategi for Apoteka Vest HF 2009 2015 Apoteka Vest HF sine verdiar: 1. Respekt i møte med kunde 2. Kvalitet i prosess og resultat 3. Tryggleik for tilgjengelegheit og omsorg Apoteka Vest HF sin føretaksidé: Hovudmål: Trygge og nære tenester frå sjukehusapoteka 1. Bidra til rasjonell produksjon, distribusjon og rådgjeving om bruk av legemiddel 2. Bidra til eit godt samarbeid med helsepersonell for å fremje rett legemiddelbruk 3. Bidra til at pasientane blir trygge, motiverte og i stand til å bruke legemidla sine på rett måte 1. Sørgje for at Apoteka Vest HF leverer varer og tenester til alle einingar i helseføretaka, andre aktuelle institusjonar og einskilde pasientar i regionen. 2. Arbeide for utvikling av fleire farmasifaglege tenester og at dei nyttast i større grad av helseføretaka. 3. Bidra til at helseføretaka nyttar legemiddel på ein mest mogleg kostnadseffektiv måte 4. Bidra til betre handsaming av pasientanes legemiddelbehov og bruk i samband med skifte av omsorgsnivå. 5. Arbeide særskilt med tiltak som betrar pasientanes sikkerheit når dei brukar legemidel. Hovudmål: Heilskaplege prosessar og effektiv bruk av ressursar 1. Ta i bruk IKT og anna teknologi for å effektivisere arbeidsprosessar og betre kvalitet i legemiddelproduksjon og distribusjon. 2. Sørgje for at leiarar og mellomleiarar har verktøy og kompetanse til å styre ressursbruken i sin avdeling på ein god måte. 3. Vurdere krav til kompetanse og fordeling av ansvar og arbeidsoppgåver i heile legemiddelforsyninga. 4. Sørgje for regional og eventuell nasjonal fordeling av aktuelle funksjonar og arbeidsoppgåver. 5. Effektivisere støtteprosessar som til dømes innkjøp, rekneskap og personaladministrasjon. 6. Ta initiativ til og delta i regionale prosjekt som vil bidra til sikrare og meir effektiv legemiddelbruk i helseføretaka. 7. Arbeide systematisk med miljørettede tiltak til beste for foretak og samfunn Hovudmål: Ein framtidsretta kompetanseorganisasjon 1. Vere ein attraktiv arbeidsplass som rekrutterar dei beste kandidatane og utviklar dei vidare i føretaket 2. Utvikle leiaranes kompetanse på alle nivå i føretaket 3. Utvikle samarbeide med universitet, høgskular og andre faglege institusjonar 4. Utvikle ein eigen forsking og utviklingsstrategi, samt delta i forsking og utviklingsprosjekt med helseføretaka og andre. Strategiplan for Apotekene Vest HF 2009 2015 Side 4
Oppsummering Foretaksidé Apotekene Vest skal levere legemidler, apotekvarer og farmasøytiske tjenester. Dette betyr at vi skal bidra til: rasjonell produksjon, distribusjon og rådgivning et godt samarbeid med helsepersonell som fremmer riktig legemiddelbruk, at pasientene blir trygge, motiverte og i stand til å bruke legemidlene sine riktig et godt arbeidsmiljø med motiverte medarbeidere der det er lagt til rette for kompetanseutvikling Visjon Apotekene Vest Bedre helse og livskvalitet Utfordringer Kunden i fokus Fra god til bedre Riktig legemiddelbruk Strate giske satsnings områder 2009 2015 Trygge og nære sykehusapotektjenester Helhetlige prosesser og effektiv ressursbruk Fremtidsrettet kompetanseorganisasjon Verdier Respekt i møte med kunde Kvalitet i prosess og resultat Trygghet for tilgjengelighet og omsorg Strategiplan for Apotekene Vest HF 2009 2015 Side 5