MØTEINNKALLING Tysnes kommune

Utval : FORMANNSKAPET Møtestad : Rådhuset Møtedato : 16.12.09 Tid : 12.30 MØTEINNKALLING Tysnes kommune SAKLISTE: Utvalsaknr. Arkivsaknr. Tittel PS 112/09 08/1657 BUDSJETTREGULERING 2009 PS 113/09 08/1617 KOLLEKTIVTRANSPORT I DISTRIKTA PS 114/09 09/1303 GEBYR - BYGGJESAK PS 115/09 09/1130 GRIPNE CAMPING

246 MØTEBOK Tysnes kommune Utval Møtedato FORMANNSKAPET 16.12.09 Arkivsak : Arkivkode: 08/1657 102 - Sakshandsamar: Knut Hollekim Handsamingar: Utval Møtedato Saksnummer FORMANNSKAPET 16.12.09 PS 112/09 BUDSJETTREGULERING 2009 Vedlegg: 1. Budsjettendringar INNSTILLING FRÅ RÅDMANNEN: Budsjettet 2009 vert endra i samsvar med nedanståande føringar og vedlagde taloppsett: Reguleringspremie KLP/Kompensasjon lønsauke: Kostnadane med reguleringspremien inkl. arbeidsgjevaravgift utgjer kr. 4.999.576. Deler av overskotet KLP hadde i 2008 er tilbakeført. Tysnes kommune sin del utgjorde kr.1.195.376. Nettokostnaden utgjer kr. 3.804.200. I budsjettet for 2009 er det avsett kr. 6,8 mill som skal nyttast for å kompensera reguleringspremie og lønsauke. Kr. 2.995.800 blir att og kan nyttast for å kompensera lønsauke i 2009. Administrasjonen får fullmakt til å regulera lønspostane - fastløn, pensjon og arbeidsgjevaravgift. Ballbinge Lunde Kommunen forskotterer 200.000. Desse midlane blir seinare utbetalt som statstilskot. Kr. 30.000 er i år tilført Tysnes kommune for ballbinge ved Tysnes skule. Vidare "låner" ein kr. 170.000 frå investeringsfond - 255.99.005. Ein overfører momskompensasjonen for ballbingen frå drift til investering. Lunde bygdelag dekkjar resten av kostnadane. Senioravtalar

247 Siste året har 7 personar som hadde senioravtale slutta. Det er utbetalt kr. 178.470 i samband med senioravtalar. Dei utbetalte midlane reduserer fondet 25199001. Det er no 15 personar som er inne på senioravtalar. Etatsbudsjetta blir styrka med kr. 213.925. Vidare gjer ein framlegg om å avsetja kr. 161.077 til fond 25199001 for å dekkja framtidige utbetalingar. Gripne camping; Tilskot til utarbeiding av plan v/harald Bjørndal. Reduserer budsjettet for tilleggsløyving 1.1100.1001.4900 kr. 30.000. Auka budsjettet 1.1430.3251.4700 kr. 30.000. Erstatning: Erstatning av oljetank i samband med utbetring av veg. Reduserer budsjettet for tilleggsløyving 1.1100.1001.4900 kr. 17.500. Aukar budsjettet 1.1430.3251.4700 kr. 17.500 Tiltakspakka Tysnes kommune fekk tildelt kr. 1.858.000 i midlar i samband med tiltakspakken frå sentrale myndigheter. Aukar inntekta på rammetilskotet konto 1.9000.8400.8000 kr. 1.858.000. Midlane blir fordelt på oljegrusing, vedlikehald Uggdal og Tysnes skule der óg symjehallen er med. VEDTAK I FORMANNSKAPET 16.12.09: I samsvar med innstilling.

248 MØTEBOK Tysnes kommune Utval Møtedato FORMANNSKAPET 16.12.09 Arkivsak : Arkivkode: 08/1617 700 - Sakshandsamar: Audun Hovland Handsamingar: Utval Møtedato Saksnummer FORMANNSKAPET 16.12.09 PS 113/09 KOLLEKTIVTRANSPORT I DISTRIKTA Vedlegg: 1. Skriv frå Hordaland fylkeskommune 26.11.09 2. Skriv frå Samferdselsdepartementet 18.11.09 SAKSUTGREIING: Som det går fram av vedlegga er dette eit prosjekt som starta opp i 2007 og det skulle då gå ut 2009. Men no er det lagt opp til vidareføring av prosjektet "Bedre kollektivtransport i distriktet (KID)" i 2010. Det er fylkeskommunen som er invitert til å søkja om midlar både til eksisterande og nye prosjekt for 2010. - Fylkeskommunen bed kommunane om å koma med moglege innspel innan 23.12.09. Me ser at bakgrunnen for tiltaket er at regjeringa ønskjer å utvikla eit brukartilpassa og kostnadseffektivt kollektivtilbod i distrikta gjennom tilbringarteneste og bestellingsruter med drosje kombinert med buss, båt og tog langs hovudtrafikkårene. Føremålet med prosjektet er dels å prøva ut løysingar for å tilretteleggja for eit kostnadseffektivt, fleksibelt og godt kollektivtilbod i distrikta og dels for å leggja til rette for ytterlegare erfaringsutveksling mellom fylkeskommunane. Prosjektet set krav om ein lokal eigenandel på minst 50 %. Der er fylkeskommunen som er formell søkjar og som har ansvaret for kollektivtransporten. I Tysnes kommune har særleg to forhold vore rimeleg ofte trekt fram - kanskje ikkje minst under ulike drøftingar i formannskapet, som også er kommunen sitt kommunikasjons- og samferdselsutval. Det eine går på kollektivopplegget til/frå Reksteren - kanskje ikkje minst med helgane. Her bør eit drosje-/buss - opplegg, med direkte tinging hos transportør på heller kort varsel, vera eit tiltak som bør kunna gje gode ringverknader.

249 Det andre gjeld kollektivløysingar til/frå hurtigbåten på Malkenes. Denne hurtigbåten går mellom Rosendal og Bergen med stogg på Malkenes og Flesland. - Hurtigbåten på Malkenes vert nytta av tysnesingar, men også i ikkje lita grad av folk frå både Fusa og Kvinnherad. - I første fase ser me føre oss eit buss-/drosjetilbod mellom Våge og Malkenes til/frå morgon- og ettermidddagsrutene. - Kombinasjonen hurtigbåt/buss/drosje vil og i større grad kunna avla fram auke i reiselivs-/turisttrafikken i vårt område. Fylkeskommunen er godt kjent med desse to ønskja. INNSTILLING FRÅ RÅDMANNEN: Med tilvising til fylkeskommunen sin ekspedisjon 26.11.09 spelar Tysnes kommune inn to tiltak: 1) Drosje-/bussopplegg til/frå Reksteren. 2) Drosje-/bussopplegg mellom Malkenes og Våge med korrespondanse med hurtigbåten Rosendal/ Bergen sitt morgon- og ettermiddags/kveldsrutestogg på Malkenes. VEDTAK I FORMANNSKAPET 16.12.09: I samsvar med innstilling.

250 MØTEBOK Tysnes kommune Utval Møtedato FORMANNSKAPET 16.12.09 Arkivsak : Arkivkode: 09/1303 113 - Sakshandsamar: Asle Bernt Rekve/Anders Teigen Handsamingar: Utval Møtedato Saksnummer LANDBRUK/TEKNISK 01.12.09 PS 173/09 FORMANNSKAPET 16.12.09 PS 114/09 GEBYR - BYGGJESAK Vedlegg: 01.12.09 Vedlegg 16.12.09 1. Framlegg til nytt gebyrregulativ 2. Sak F 88/09 BYGGJESAK - ULOVLEGE BYGG OG SAKER I KØ m/vedlegg 3. Justert regulativframlegg SAKSUTGREIING: I sak F 88/09 gjorde formannskapet slikt vedtak: 1. Endring av byggjesaksgebyra vert teken opp i samband med budsjetthandsaminga i haust. Sjølvkostprinsippet skal leggjast til grunn for alle gebyrsatsar. Fagutvalet for landbruk/teknisk må seinast i møte 1. desember i år gje tilråding til nytt gebyrregulativ 2. Det vert i denne fasen å oppretta eit gebyrfinansiert engasjement for å avhjelpa kapasiteten på landbruk- og teknisk etat. I budsjettet for 2009 er budsjettområdet 1.4420.3020 slik: Driftsutgifter 1 527 769 Driftsinntekter 499 000 Netto utgift 1 028 769 Gebyrinntektene utgjer her under 1/3 av utgiftene. Departementet opplyser at kommunen kan sjølvkostfinansiera alle driftsutgiftene innan byggjesak bortsett frå klagebehandling. Gebyrregulativet for byggjesaker har ikkje vore endra sidan 2001. Ei justering på 8 % årleg frå 2001 til 2010 vil medføra ei dobling av gebyrsatsane.

251 Me vil då finansiera om lag 2/3 av utgiftene innan dette tenesteområdet. Utslaget for samla inntekter innan dette gebyrområdet veit me ikkje før rekneskapsåret er slutt, fordi inntektene vil avhenga av mengde og type saker. Det som er nytt i framlegget til nytt regulativ, er gebyr ved ulovlege tiltak. Her har me teke utgangspunkt i Bergen kommune si løysing. Følgjande går fram av framlegg til regulativ: Igangsetjing utan løyve Dersom byggjesaka er utløyst av eit krav frå Tysnes kommune, skal det betalast eit tilleggsgebyr ut frå medgått tid. Timesatsar For gebyr som ikkje vert fastsett på annan måte, eller skal reknast etter medgått tid etter regulativet, skal det brukast følgjande satsar: Timesats for kontorarbeid inklusiv administrativ støtte kr 650,00 Timesats for markarbeid inklusiv transport og materiell kr 700,00 Desse satsane er basert på sjølvkost, og har ikkje noko form for straffeliknande element i seg. Straffeliknande element finn me i såkalla overtredingsgebyr, som kommunen ikkje kan innføra før dei nye reglane i byggjesaksforskriftene trer i kraft i 2010. Differensieringa i gebyrsatsane mellom dei ulike sakstypane avspeglar kor mykje arbeid det er med dei ulike sakstypane. Dette gjer at det t.d. er dyrare med byggjesøknad utanfor regulert område enn innanfor. Ut frå dette kan det også vurderast eige tilleggsgebyr for saker i strandsona, etter som slike saker er meir arbeidskrevande enne andre. I framlegget til regulativ er det lagt inn eit tilleggsgebyr for saker i strandsona. Statens Byggtekniske etat har gjeve ut ein temarettleiar (HO-2/2007), der det m.a. står følgjande på side 16 om gebyr og sjølvkost: Gebyr etter plan- og bygningsloven 109 skal ligge innenfor rammen av selvkost. Med dette menes at kommunens gebyrer i utgangspunktet ikke skal være høyere enn de utgiftene kommunen har til behandling av en sak. Det kan og bør imidlertid brukes gjennomsnittsbetraktninger ved fastsetting av gebyrregulativet, jf. bl.a. rundskriv H-5/02 del III (Juridiske spørsmål vedrørende utbyggingsavtaler i tilknytning til plan- og byggesaksbehandling mv.). Utgangspunktet kan altså være et realistisk anslag over kommunens utgifter til byggesaksbehandling fordelt på de enkelte sakstypene etter anslåtte kostnader. I kostnadsvurderingen for en sakstype inngår administrasjon, saksbehandling, tilsyn og utgifter til sakkyndig bistand. Denne saka baserer seg på ei oppjustering av eksisterande regulativ frå 2001, med nokre endringar. I 2010 vil fagetaten gå nærare gjennom inndelinga av regulativet for oppdatering til lovverket som då trer i kraft. INNSTILLING FRÅ RÅDMANNEN: Med heimel i 109 i plan- og bygningslova vert framlegg til nytt gebyrregulativ for byggjesaker m.m. vedteke.

252 FRAMLEGG TIL VEDTAK FRÅ LANDBRUK/TEKNISK 01.12.09: Saka om gebyrauke vert utsett inntil heile regulativet er omarbeidt. HANDSAMING I FORMANNSKAPET 16.12.09: Både formannskapet og kommunestyret hadde fått utsendt pr. e-post den 11.12.09 vedlagde justerte framlegg, sjå vedlegg 3. Administrasjonen hadde samstundes sendt ut følgjande skriv og i tillegg ei kort utgreiing: " Administrasjonen har no utarbeidd eit justert regulativ framlegg, sjå vedlegg. Me tenkjer oss at vedlegget og nedanståande kommentarar kan knytast opp mot den møteboka om alt er utsendt til kommunestyret. Det vil ikkje vera i samsvar med kommunelova om rådmannen innstiller på nytt i ei sak som alt er handsama i eit politisk organ. Men me ser føre oss at formannskapet som overordna samordnings- og økonomiutval kan gå inn i saka i møtet 16.d.m. før kommunestyret gjer si handsaming seinare same dag." * * * " Etter at saka var oppe i utval for landbruk/teknisk, har administrasjonen gått meir gjennom dei ulike satsane i regulativet. Me har vurdert arbeidsomfang med dei ulike sakstypane, og dette har m.a. medført at satsen for bustadhus har vorte redusert. Satsane for reguleringsplan har vorte auka. Satsane for reguleringsplanar for føremål som ikkje er i samsvar med gjeldande kommuneplan er dobbelt så høge som dei som er i samsvar med gjeldande plan. Regulativet er basert på sjølvkost slik at dei sakstypar det er mest arbeid med, også har høgast gebyrsats." Magne Fauskanger sette fram slikt framlegg: "Saka vert utsett." Framlegget fall med 5 mot 2 røyster = M.F. og S.F. Etter dette vart det gjort slikt FRAMLEGG TIL VEDTAK FRÅ FORMANNSKAPET 16.12.09 MED 6-, H.H., A.K., L.L., V.H., S.F. OG L.L., MOT 1 RØYST = M.F.: 1. Gebyrregulativet vert vedteke slik det ligg føre som vedlegg til saka her. 2. Regulativet skal arbeidast nærare med i 2010 for framlegging til politisk handsaming i landbruk/tekninsk i september 2010. Formannskapet skal deretter arbeida vidare med regulativet gjennom budsjettprosessen for 2011.

253 MØTEBOK Tysnes kommune Utval Møtedato FORMANNSKAPET 16.12.09 Arkivsak : Arkivkode: 09/1130 510 - Sakshandsamar: Audun Hovland Handsamingar: Utval Møtedato Saksnummer FORMANNSKAPET 16.12.09 PS 115/09 GRIPNE CAMPING Vedlegg: 1. Skriv 06.10.09 frå kommunen til Atle Kobbeltvedt SAKSUTGREIING: Som det går fram av vedlegget hadde representantar frå politisk- og administrativ leiing synfaring/møte med eigarane av Gripne camping den 13. oktober. Ca tre veker tidlegare var det også kontakter mellom kommunen og eigar-/brukarrepresentantar. - Seinare har det vore møte her på rådhuset den 12. oktober mellom Atle Kobbeltvedt/Nils Dale og Asle Bernt Rekve/Audun Hovland. No den 4. desember var det møte om saka her på huset med følgjande personar tilstades: Atle Kobbeltvedt, Nils Dale, Harald Bjørndal, Helge Hauge, Asle Bernt Rekve, Carl Ohar Olsen og Audun Hovland. Frå kommunen si side føler me at me har ein svært god og grei dialog med eigar- og brukarrepresentantane. Dei har i november engasjert Byggadministrasjon Harald Bjørndal AS. Harald Bjørndal og hans folk skal utarbeida ein plan for området; herunder sjå til at dei regelsetta som ikkje måtte vera oppfylte, faktisk vert det. Bjørndal har alt gått noko inn i saka og samstundes prøvt å sjå litt til korleis slike forhold vert løyste i kringligggjande kommunar. Han har også vore i kontakt med sentrale mynde på dette området. Slik me forstår det er det i lita grad klare reglar og føringar for campingplassar. Det er med andre ord slik at Bjørndal i røynda må bruka noka tid på å gjera nærare undersøkingar både opp mot andre offentlege organ og mot tilsvarande plassar for til slutt å kunna falla ned på kva endeleg løysing som kan tilrådast for Gripne Camping. Gripne Camping er eit viktig tiltak ikkje minst for eigarane og brukarane. Frå kommunen si side er det og av stort verde at denne campingplassen framleis skal ha "livets rett". Her kan mange stikkord hentast fram, men nokre vil vera: Næringslivet, det sosiale livet, ferie og fritid, reiselivet, turismen.

254 Slik rådmannen ser denne saka - og med dei positive og konstruktive relasjonane som me føler mellom "partane" - ikkje minst viljen frå eigar-/brukarrepresentantane til få det som måtte vera "laust" på plass; bør me som kommune gå inn og gjera eit lite "løft" no i den innleiande "research-fasen". For det er liten tvil om at Bjørndal må gjera eit stykke arbeid før me kan få eit fastare regel- og praksisgrunnlag til å byggja vidare på. INNSTILLING FRÅ RÅDMANNEN: Med tilvising til ovanståande premissar løyver formannskapet inntil kr. 30.000,- med det føremål at konsulentfirmaet Bjørndal skal få klarert dei føresetnadene som må leggjast inn i den planen som skal utviklast for området til Gripne Camping. Utloga på kap. 1.1100.1001.4900. HANDSAMING I FORMANNSKAPET 16.12.09: Vidar Høviskeland sette fram følgjande framlegg: " Som innstilling frå rådmannen, men med følgjande tillegg: Innhaldet i saka er så spesiell at det ligg ingen presedens for andre saker i så måte." VEDTAK I FORMANNSKAPET 16.12.09: Med tilvising til ovanståande premissar løyver formannskapet inntil kr. 30.000,- med det føremål at konsulentfirmaet Bjørndal skal få klarert dei føresetnadene som må leggjast inn i den planen som skal utviklast for området til Gripne Camping. Utloga på kap. 1.1100.1001.4900. Innhaldet i saka er så spesiell at det ligg ingen presedens for andre saker i så måte.