Planframlegget er utlagt til offentleg gjennomsyn på Bømlo Rådhus 5430 Bremnes i tida 9.juni til 13.aug.2018.

Sak nr D- Vår dato: Vår referanse: 04.06.2018 2016/249-10688/2018 Vår saksbehandlar: Direkte telefonnr.: Dykkar dato: Dykkar referanse: Njål Gunnar Slettebø 53 42 31 32 «REFDATO» «REF» «MOTTAKERNAVN» «ADRESSE» «POSTNR» «POSTSTED» FRAMLEGG TIL REGULERINGSPLAN FOR UTVIDING AV NÆRINGSOMRÅDE I HOLLUNDSDALEN 87/20, 54 OG 89/104. PLANID:201602 Gøtz AS har på vegne av KS Sambygg v/ Hans Oskar Vikse laga framlegg til reguleringsplan for utviding av næringsområde Hollundsdalen. Utval for areal og samferdsel i Bømlo kommune handsama framlegg til reguleringsplan for utviding av næringsområde i Hollundsdalen gnr.87, bnr.20,54 og gnr.89,bnr.104 i møte 25.04.2018 sak 61/18. Utvalet gjorde samrøystes slikt vedtak: Framlegg til detaljreguleringsplan for utviding av næringsområde Hollundsdalen 87/20, 54 og 89/104 i Bømlo datert 05.04.2018 vert i medhald av plan- og bygningslova 12-10 utlagt til offentleg gjennomsyn slik planframlegget føreligg. Planframlegget er utlagt til offentleg gjennomsyn på Bømlo Rådhus 5430 Bremnes i tida 9.juni til 13.aug.2018. Framlegg til reguleringsplan vert med dette brevet sendt til grunneigarar og høyringsinstansar. Saksutgreiing og saksprotokoll frå møte i Utval for areal og samferdsel ligg ved. Eventuelle merknader til framlegget til reguleringsplan for utviding av næringsområde i Hollundsdalen gnr.87,bnr.20,54 og 89/104 vert å senda til Bømlo kommune, Arealbruk, 5430 Bremnes innan 13.08.2018 eller postmottak@bomlo.kommune.no innan 13.08.2018. Me gjer merksam på at det er mulig å koma med merknader til høyringsdokumentet via kommunen sine nettsider www.bomlo.kommune.no Offentlege høyringar- svarskjema. Med helsing Bømlo kommune Njål Gunnar Slettebø Landbrukssjef Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: 53 42 30 00 Organisasjonsnr.: 834 210 622 postmottak@bomlo.kommune.no Telefax: 53 42 30 01 Bankgiro: 3201.61.51687 www.bomlo.kommune.no Postgiro for skatt: 6345.06.12199

Side 2 av 12 Saksutgreiing til folkevalde organ Dato: Arkivref: 09.04.2018 2016/249-8621/2018 / 504 Saksbehandlar: Njål Gunnar Slettebø 53 42 31 32 njal-gunnar.slettebo@bomlo.kommune.no Sak nr i møte Utval Møtedato 61/18 Utval for areal og samferdsel 25.04.2018 FRAMLEGG TIL REGULERINGSPLAN FOR UTVIDING AV NÆRINGSOMRÅDE I HOLLUNDSDALEN 87/20, 54 OG 89/104. PLANID:201602 Rådmannen sitt framlegg til vedtak: Framlegg til detaljreguleringsplan for utviding av næringsområde Hollundsdalen 87/20, 54 og 89/104 i Bømlo datert 05.04.2018 vert i medhald av plan- og bygningslova 12-10 utlagt til offentleg gjennomsyn slik planframlegget føreligg. Saksprotokoll i Utval for areal og samferdsel - 25.04.2018 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: E-post frå Gøtz AS 06.04.2018 Bakgrunn for saka: Prinsippsøknad for å melde oppstart av reguleringsplan utviding av industriområde Hollundsdalen gnr.87,bnr.20 m.fl. vart handsama i Utval for areal og samferdsel 25.01.2017 sak 8/17. Utval for areal og samferdsel gjorde samrøystes slikt vedtak: 1. I samsvar med 12-3 i Plan- og bygningslova vil rådmannen rå til at gnr. 87, bnr. 20 m.fl. Hollundsdalen i Bømlo vert teke opp til regulering for utviding av næringsområde med tilhøyrande veg og parkeringsareal. Forslagsstillar skal melde oppstart av planarbeidet i samsvar med Plan- og bygningslova 12-8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko- og

Side 3 av 12 sårbarhetsanalyse. Eventuelle tiltak, herunder trafikksikring og avbøtande tiltak skal innpassast i føresegnene til reguleringsplanen og takast omsyn til ved utbygging. Gøtz AS har no laga framlegg til reguleringsplan. Frå planomtalen tek me med: Forslagsstillar ynskjer å leggja fram eit forslag til reguleringsplan for delar av gnr. 87 bnr.20, 54 og gnr. 89 bnr. 104, Hollundsdalen, Bømlo kommune. Det vart sendt prinsippsøknad for å melde oppstart av planarbeid 10.08.2016. Denne vart godkjend 07.09.2016 (sak 111/16), men med vilkår om at det skulle utarbeidast handelsanalyse som ein del av reguleringsplanen. Bakgrunnen for dette, er at regionale føresegner i «Regional plan for attraktive senter i Hordaland» seier at dersom nytt eller samla bruksareal for detaljhandel i reguleringsplan eller ved søknad om byggjeløyve/ rammeløyve overstig 3000 m2, krevst det samtykke frå fylkeskommunen. Det vert kravd handelsanalyse for å vurdere samtykke. I samband med frådelingssøknad kom det også fram at plangrensa burde justerast litt. Gøtz AS sende då ny prinsippsøknad til kommunen 30.11.2016 med justert areal, kor ein då presiserte at handelsarealet ikkje vil overstige 3000 m2 BRA her. 25.01.2017 vart søknaden handsama av kommunen (sak 8/17). Søknaden vart godkjent, og kravet om handelsanalyse vart trekt ut. 06.03.2018 hadde ein også møte med Hordaland fylkeskommune for å avklare spørsmål kring den planlagde utbygginga, krav om handelsanalyse m.v.. Representant frå planavdelinga i Bømlo kommune var også til stades på møtet. Ein fekk då m.a. bekrefta at den planlagde utbygginga ikkje utløyser krav om handelsanalyse. Plangrensa vart sett i samråd med kommunen, og vart då tilpassa til eksisterande reguleringsplanar i nord (R-134) og i aust (Reguleringsplan for nytt næringsområde i Hollundsdalen del av 87/3, planid: 201411). Det vart meld oppstart med denne plangrensa 15.03.2017. Føremål Føremålet med reguleringsplanen er å leggja til rette for utviding av eksisterande kontor/næringsbygg, «Kuben», i Hollundsdalen på Bømlo. Området skal regulerast til forretning/kontor med tilhøyrande vegog parkeringsareal. Tilkomst vil skje via tilgrensande næringsområde vest for planområdet. Eksisterande vegar, kryss og avkøyrsler frå Fv542 og fram til planområdet skal vere dimensjonert til å tole den trafikkauken som utbygginga medfører. Ein ynskjer også å betre eksisterande varetilkomst og parkering. Som i eksisterande bygg vil det berre verta detaljhandel i første høgda. I 2. etasje skal det etablerast kontorlokale. Utgangspunktet for planen er å utbetre dagens trafikale forhold, auke talet på parkeringsplassar slik at dette tilfredsstiller dagens behov, samt å utvide den eksisterande butikken m.a. for å betre arbeidsvilkåra for dei tilsette, for å kunne tilby eit vareutval som er tilpassa dagens standard, og for å tilpasse arealet i høve til det som er dagens krav hjå kundar og daglegvarekjeda. I tillegg er det leigetakarar i 2. etasje som etterspør større og meir rasjonelle kontorlokale. Eit overordna mål med reguleringsplanen er å leggje til rette for at fleire verksemder kan etablere seg i området og skape eit godt næringsmiljø. Den planlagde utbygginga vil vere med på å auke attraktiviteten og gjere området meir attraktivt. Planområdet vert totalt sett rekna som godt eigna til føremålet. Konsekvensutgreiing:

Side 4 av 12 Planen er vurdert i høve til forskrift om konsekvensutgreiing, og planetaten i Bømlo kommune har konkludert med at planen ikkje skal konsekvensutgreiast, då dette allereie er gjort i samband med kommuneplanarbeidet. Dette vart også avklara under oppstartsmøtet med kommunen 11.02.2016. Planstatus: I gjeldande kommuneplan er planområdet vist som «næringsbebyggelse» med krav til reguleringsplan. Tiltaket vil såleis vere i tråd med overordna plan. Arealbruk (pbl 12-5), arealoppgåve Planområdet er totalt ca. 4,58 daa Av det er: 1. Bygningar og anlegg ( 12-5. Nr. 1) Forretning/ kontor, BKB 0,34 daa 2. Samferdselsanlegg og teknisk infrastruktur ( 12-5. Nr. 2) Parkeringsplassar 4,22 daa BYGNINGAR OG ANLEGG Forretning/ kontor, BKB Innanfor området BKB kan det førast opp bygningar med kombinerte formål til forretning og kontor. Detaljhandel kan berre godkjennast i 1. etasje. Hovudformålet med reguleringsplanen er å utvide eksisterande kontor-/næringsbygg «Kuben», som ligg på tilgrensande tomt gnr.89, bnr. 114.

Side 5 av 12 Tilbygget vil i praksis verta liggjande i 3 reguleringsplanar; R-12, R-134 og reguleringsplan med planid: 201411 (sjå pkt. 2.2). Ein hadde først tenkt å regulere heile planområdet til område for forretning/kontor slik som det er gjort i eksisterande reguleringsplan i aust (planid: 201411), men 06.03.2018 hadde ein møte med Hordaland fylkeskommune, og dei meinte då at ein heller burde leggje formålsgrensa kring den delen av tilbygget som er omfatta av plangrensa og heller legge det resterande arealet som trafikkareal. Dette har ein difor gjort. Utnyttingsgraden innanfor det området som er regulert til forretning/kontor i denne reguleringsplanen er difor 100%. Retningslinjer for oppføring av bygg er gjeve i tilhøyrande føresegner (sjå vedlegg). Tilbygget til det eksisterande kontor-/næringsbygget vil vere på ca. 515m2 i grunnflate totalt. Ca. 335 m2 av grunnflata til tilbygget vil bli liggjande innanfor plangrensa. 1. etasje vil verta ei utviding av dagens daglegvarebutikk. Totalt vil 1. etasjen få eit samla bruksareal på ca. 2140 m2. Det arealet som er avsett til detaljhandel vil altså framleis liggje under 3 000 m2.

Side 6 av 12 Oversiktperspektiv teikna av arkitekt JK- arkitektur AS. Det har vore daglegvarebutikk i «Kuben» i ca. 20 år, og butikken har no eit ynskje om å utvide drifta si og betre arbeidsvilkåra for sine tilsette. Det er naturleg for dei som jobbar i «Kuben» og på næringsområdet elles å handle lunchen og daglegvarene sine i denne daglegvarebutikken. Vidare er det i seinare tid etablert fleire bustader i nærleiken som det er, og vil vere naturleg at vil handle daglegvarene sine her. Ein tenkjer då spesielt på bustadfeltet på Raunevarden. Det er også eit større bustadfelt under regulering på Busthorn, som ligg på nordsida av fylkesvegen. Her vil det truleg koma ein stad mellom 200-250 nye bustadeiningar. Det ligg an til at tilkomst frå fylkesvegen til bustadfeltet på Busthorn vil skje via rundkøyringa i Hollundsdalen. Ein ser det difor som sannsynleg at også ein stor del av desse bustadane vil utgjere kundegrunnlaget for den utvida daglegvarebutikken. Intensjonen er å stimulere til handel i eit allereie etablert kontor- og næringsbygg, og samstundes leggje til rette for ein moderne daglegvarebutikk i nærleiken av der folk bur. Dette er i tråd med regionale føresegner og retningslinjer i Regional plan for attraktive senter i Hordaland (2014). I 2. etasje i det planlagde tilbygget, vil det leggjast til rette for nye kontorlokale. Ved å utvide eksisterande bygg, vil ein kunne endre litt på planløysinga for dei eksisterande kontorlokala, og samstundes få moglegheit til å romme nye kontorverksemder. Byggjegrensa til «Kuben» samt det regulerte området nord-aust for planområdet (reg.plan for nytt næringsområde i Hollundsdalen, del av 87/3, planid: 201411) ligg i dag ca. 20m frå Fv.542 (senter veg). Området som er regulert til forretning/ kontor ligg lengre vekke enn 20 m frå senterlinja for fylkesvegen, så ein har difor lagt byggjegrensa i formålsgrensa for BKB mot nord. Vedlagt planomtalen ligg illustrasjonar av korleis ein ser føre seg tilbygget. Illustrasjonane er utarbeidd av jk-arkitektur AS. Ein gjer merksam på at illustrasjonane ikkje er endelege, og at det kan førekome endringar i samband med byggjemeldinga. SAMFERDELSANLEGG OG TEKNISK INFRASTRUKTUR Parkeringsplassar, SPP1-SPP2 Innanfor SPP1 og SPP2 kan det opparbeidast interne vegar og parkeringsplassar etter nærare godkjent situasjonsplan/utomhusplan. I føresegnene har ein vist parkeringskrava for området, i tråd med kommunen sine krav.

Side 7 av 12 Eit anna hovudmål med reguleringa er å betre trafikkløysinga, utvide dagens parkeringsplass og betre situasjonen ved varelevering. Når ein no skal utvide «Kuben» og den eksisterande daglegvareforretninga, så ynskjer ein å flytte hovudinngangen til motsett side enn det den er i dag. I dag er det daglegvareforretninga som har størst parkeringsbehov og som skapar mest trafikk. Ved å flytte hovudinngangen til austsida så vil ein ikkje berre få fleire parkeringsplassar i tilknyting til «Kuben», men også fleire parkeringsplassar kring inngangspartiet. Illustrasjon av nytt inngangsparti for daglegvarebutikken og tilkomst frå parkeringsplass (jk-arkitektur AS). Dette vil gjere trafikksituasjonen meir oversiktleg. Ein tenkjer også å ta vekk ein del av parkeringsplassane som ligg langs tilkomstvegen nord for bygget i dag, slik at ein får mindre kryssande trafikk. Totalt ser ein føre seg å få inn ca. 150 oppmerkte parkeringsplassar i området kring «Kuben». Ein har også fokusert på å betre dagens situasjon med tanke på varelevering. I dag føregår all vareleveringa slik at transportbilane køyrer inn på framsida av «Kuben» (mellom fylkesvegen og «Kuben») og rundt på austsida av bygget. Ein har sett at denne løysinga ikkje er så god, då større varebilar ofte kjem i konflikt med personbilar som skal rygge seg ut/inn av parkeringsplassane. Ein har difor sett på nye løysingar i samband med varelevering, og planen er at denne etter utvidinga av «Kuben» skal føregå i området kring det sørvestlege hjørna av bygget. Vurderingar: Oppstart av planarbeidet vart sendt ut av Gøtz AS 15.03.2017. Det kom inn tre merknader. Me tek med planleggjar sitt samandrag av innkomne merknader. Me tek også med planleggjar sine kommentarar til innkomne merknader. 1. Fylkesmannen i Hordaland, Brev 21.03.2017 Skriv at dei legg til grunn at kommunen gjer ei vurdering av om planarbeidet er i samsvar med overordna plan. Dei ser ikkje at planen er i strid med nasjonale føringar for arealpolitikken, men kjem likevel med nokre innspel: ROS- analyse: Skriv at det er krav til ROS- analyse i alle plansaker, samt krav til handtering av risiko i plan. ROSanalysen skal vise risiko og sårbarheit som har verknad for spørsmålet om arealet er eigna til utbygging, og eventuelle endringar i slike forhold som følgje av planlagd utbygging. Luftforureining:

Side 8 av 12 Viser til retningslinje T-1520/2012 om behandling av luftkvalitet i arealplanlegging. Retningslinja har anbefalte grenser for luftforureining som skal leggjast til grunn ved planlegging av nye verksemder osv. Kjøpesenter: Dei viser til at «Regional plan for attraktive senter i Hordaland» skal leggjast til grunn i den kommunale planlegginga. Dei viser m.a. til føresegn 4.1 kor det går fram at nytt bruksareal for detaljhandel berre er tillate i nærare definerte senterområde. Medverknad Skriv at ein må leggje til rette for god medverknad i planprosessen, og at kommunen har eit særleg ansvar for å sikre at born og unge og andre som treng spesiell tilrettelegging får delta i planarbeidet. Kommentar: Det vert utarbeidd ROS- analyse i tråd med gjeldande krav i samband med reguleringsplanen. Når det gjeld luftforureining, så har ein lagt inn i føresegnene at utslepp frå næringsområdet ikkje må vere til ulempe for luftkvalitet, og til ei kvar tid skal liggje innanfor rammene som er fastsett i «retningslinje for behandling av luftkvalitet i arealplanlegging», T-1520/2012. Arealet ligg i tilknyting til eksisterande næringsområde i Hollundsdalen, og utbygginga vil verta ei naturleg utviding av eksisterande kontor-/næringsbygg i vest (Kuben). Området er avsett til framtidig næringsområde i kommuneplanen, og kommunen opnar altså for denne typen utbygging her. Samla bruksareal for detaljhandel vil ikkje overstige 3000 m2, og det er her berre snakk om å utvide den eksisterande daglegvarebutikken som er i «Kuben» i dag. 06.03.2018 hadde ein møte med Hordaland fylkeskommune, og dei meinte då at den planlagde utvidinga bør kunne godkjennast. Ein vil leggje til rette for god medverknad i planprosessen. 2. Hordaland Fylkeskommune, 25.04.2017 Senter og tettstadsutvikling: Minner om Regional plan for attraktive senter. Dei peikar på at planområdet ligg ca. 2 km frå Svortland sentrum og at det ikkje kjem fram detaljert informasjon om kva slags handel det skal leggjast til rette for. Dei skriv så at for at sentrumsområde skal fungere optimalt, er det viktig å samle handelstilboda innanfor ei tett kjerne. Handelsetableringar i sentrum skal difor i hovudsak liggje innanfor sentrumsavgrensinga. Dei skriv så at det etter det dei kjenner til ikkje er sett ei sentrumsavgrensing for Svortland. Jf. Regional plan for attraktive senter i Hordaland, gjeld då ei utstrekning på 600 meter frå ytterkant til ytterkant i kommunesenter. Planområdet kan dermed ikkje definerast som ein del av senterområdet på Svortland. Vidare skriv dei at det ligg bygg tett inntil planområdet som er etablert med detaljhandel. HFK gjer merksam på at dei er kritisk til planen dersom det vert lagt til rette for vidare utvikling av detaljhandel i Hollundsdalen. Dei ber om at det vidare planarbeidet skildrar korleis ny utvikling innanfor planområdet stør opp under utviklinga av senterområdet. Meir om samferdsel: Ber om at vegløysingar og forholda for mjuke trafikantar vert skildra i planarbeidet. Meir om klima og energi: Minner om regional klimaplan for Hordaland som har som mål at energibruken i bygningsmassen i Hordaland skal reduserast med 20% innan 2020 i høve til energibruken i 2017, og 25% i 2030. Utslepp av klimagassar frå byggsektoren i Hordaland skal reduserast ved konvertering til alternative fornybare

Side 9 av 12 energikjelder og klima- og miljøvenleg materialbruk. Dei ber om at det vert teke omsyn til dette i prosessen vidare. Meir om kulturminne og kulturmiljø: Skriv at dei ikkje har kjennskap til automatisk freda kulturminne i det aktuelle området. Arealet er vurdert til å ha lågt potensiale for funn av uregistrerte kulturminne i marka. Dei har difor ingen avgjerande merknader på noverande stadium. Kommentar: Senter og tettstadsutvikling: Ein er klar over at Bømlo kommune korkje har definert utstrekninga av Svortland sentrum eller andre nærsenter m.m. i kommuneplanen. Dette meiner ein er uheldig, men er noko som må takast inn i kommuneplanarbeidet ved neste rullering. Formålet med reguleringsplanen er å utvide det eksisterande kontor-/næringsbygget «Kuben» med eit tilbygg på ca. 515m2. Det er m.a. ein eksisterande daglegvarebutikk i 1. etasjen til «Kuben» i dag. Det har vore daglegvarebutikk her i ca. 20 år, og den eksisterande butikken har no behov for å utvide. Planen er å utvide daglegvarebutikken med heile 1. etasjen i det planlagde tilbygget. I 2. etasje er det kontor i dag og det er tenkt å ha kontor også i denne etasjen på tilbygget. Det er altså ingen nye handelsetableringar som skal inn her, men ei utviding av eksisterande daglegvarebutikk. På denne måten kan butikken få nyare og meir funksjonelle butikklokale. Dei vil også kunne tilby eit vareutval som er betre tilpassa dagens standard og kunne tilpasse arealet i høve til det som er dagens krav hjå kundar og daglegvarekjeda. Dette vil også skape eit betre arbeidsmiljø for dei tilsette og tryggje eksisterande arbeidsplassar. I tillegg til å fungere som nærbutikk for dei som jobbar i nærområdet, er det eksisterande og planlagde bustadfelt <1 km unna. Det er i tråd med mål satt i pkt. 4.1 i Regional plan for attraktive senter i Hordaland at daglegvarehandel skal lokaliserast nære bustadområde. I tillegg til at det er eksisterande bustader i nærleiken av «Kuben», så er det er ein pågåande reguleringsplan under utarbeiding med mellom 200-250 bustader på Busthorn. Busthorn ligg ca. 600 m vest for planområdet, på nordsida av Fv542. Eksisterande daglegvarebutikk ser difor at dei har behov for å utvide lokala sine. Elles vil det regulerte området nyttast til tilkomstveg og parkeringsplass for kundar og tilsette. Utbygginga er i tråd med gjeldande kommuneplan, og ein må difor anta at kommunen har vurdert det slik at næringsområdet i Hollundsdalen kan utvidast her. Ein meiner at den ynskja utvidinga av «Kuben» ikkje bidreg til å svekka Svortland sentrum noko nemneverdig. 06.03.2018 hadde ein også møte med Hordaland fylkeskommune for å avklare spørsmål kring den planlagde utbygginga, krav om handelsanalyse m.v.. Ein fekk då bekrefta at den planlagde utbygginga ikkje utløyser krav om handelsanalyse, og at den er av slik karakter at den bør kunne godkjennast i dette området. Samferdsel: Dette er skildra i planomtalen under pkt. 7.0 og 8.3. Klima og energi Ein forutset at Coop- kjeda har fokus på miljø, og at dei er bevisste i sine val av belysning, kjøl/frys mm. Kulturminne og kulturmiljø Ein har lagt inn i føresegnene at dersom automatisk freda kulturminne som gjenstandsfunn, bergkunst, flekkar med trekol eller konstruksjonar blir avdekt under gjennomføring av tiltaket, må dette straks meldast til Fylkeskonservatoren i Hordaland fylkeskommune, og alt arbeid stansast til rette forvaltningsstyresmakt har vurdert funnet, jf. kml. 8, 2. ledd.

Side 10 av 12 3. Statens vegvesen, 26.04.2017 Skriv at fv.542 er utbetra i Bømlopakken og at vegen har kapasitet til å ta den auka trafikken. Dei har difor ingen merknader til planarbeidet så langt. Kommentar: Ingen kommentar. Rådmannen sluttar seg til planleggjar sine kommentarar til innkomne merknader. Hovudformålet med reguleringsplanen er å utvide eksisterande kontor-/næringsbygg «Kuben», som ligg på gnr.89, bnr. 114. Utbyggjar hadde først tenkt å regulere heile planområdet til område for forretning/kontor slik det er gjort i reguleringsplanen austom. I møte med Hordaland Fylkeskommune 06.03.18 vart det tilrådd at berre det arealet som skulle byggjast ut med forretning/kontor burde regulerast til forretning/kontor, resten burde regulerast til parkeringsplass i samsvar med planlagt bruk. Framlegg til reguleringsplan har eit samla areal på 4,58 daa. Av dette er det gjort framlegg om 0,34 daa til forretning/kontor føremål. Resten er regulert til parkeringsplassar. Tilbygget til det eksisterande kontor-/næringsbygget vil vere på ca. 515 m2 i grunnflate totalt. Ca. 335 m2 av grunnflata til bygget vil bli liggjande innanfor plangrensa. 1. etasje vil verta ei utviding av dagens daglegvarebutikk. Totalt vil 1.etasjen få eit samla bruksareal på ca. 2140 m2. Det arealet som er avsett til detaljhandel vil framleis ligge under 3000 m2. Regional plan for attraktive senter i Hordaland-senterstruktur, tenester og handel vedteken i Hordaland Fylkesting 10.desember 2014, sak 83/2014 Regional plan for attraktive senter er ein regional plan etter plan- og bygningslova 8-1. Etter 8-2 skal planen leggjast til grunn for verksemda til regionale organ og for kommunal og statleg planlegging og verksemd i regionen. Dei regionale føresegnene i kap 4 i planen: Handel og kjøpesenter, erstattar Forskrift om rikspolitiske bestemmelse for kjøpesentre frå 2008. Regionale føresegner er juridisk bindande for kommunane og private utbyggjarar. Tiltak kan ikkje gjennomførast i strid med føresegnene. Regionale føresegner for arealbruk Med heimel i 8-5 i plan- og bygningslova gjeld føresegn pkt. 4.1 i 10 år frå 10.12.2014 eller til punktet blir erstatta av føresegner i kommunal arealplan: 4.1 Nytt bruksareal for detaljhandel er berre tillatt i fylkessenter, regionsenter, kommunesenter, by-delssenter og lokalsenter definert i Regional plan for attraktive senter eller i kommuneplan. Nytt bruksareal for detaljhandel skal vere innanfor sentrumsutstrekninga definert i kommunal plan. Der det ikkje er fastsett ei sentrumsutstrekning i kommunal plan, gjeld retningsliner for arealplanar i sentrumsområde pkt. 2.3 i denne planen. Dersom nytt eller samla bruksareal for detaljhandel i reguleringsplan eller ved søknad om byggjeløyve/rammeløyve overstig 3.000 m2 krevst det samtykke frå fylkeskommunen. Det vert kravd handelsanalyse for å vurdere samtykke.

Side 11 av 12 I framlegg til reguleringsplan overstig verken nytt eller samla bruksareal for detaljhandel 3000 m2, og det er difor ikkje grunnlag for krav om handelsanalyse til planframlegget slik det no føreligg. Rådmannen har etter dette ingen merknader til planframlegget. Rådmannen meiner at framlegg til reguleringsplan er i samsvar med kommuneplanen for utviding av næringsområde i Hollundsdalen. Rådmannen rår til at framlegg til reguleringsplan for utviding av næringsområde Hollundsdalen vert utlagt til offentleg gjennomsyn slik han no føreligg. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Næringsområde ligg i kanten av nedslagsfeltet til Selevatnet. Dette er ei reservedrikkevasskjelde og det er difor viktig overflatevatn frå næringsområde ikkje inneheld forureina vatn. Avløpet må koplast mot offentleg avløpsnett. Det er ikkje registrert svært viktige viltområde i viltkartlegginga som vart gjennomført i 2003. Beredskap- og samfunnstryggleik: Fagkunnig har gjennomført ROS-analyse. Det er ingen tiltak i raud farekategori. Folkehelse: Hollundsdalen industriområde er knytt opp til eksisterande gang- og sykkelveg både vestover mot Svortland sentrum og austover mot Innvær. Miljømessige konsekvensar: Næringsområde ligg i kanten av nedslagsfeltet til Selevatnet. Dette er ei reservedrikkevasskjelde og det er difor viktig overflatevatn frå næringsområde ikkje inneheld forureina vatn. Det er ikkje registrert viktige viltområde eller naturtypar i planområde. Oppsummering og konklusjon: Gøtz AS har på vegne av KS Sambygg v/hans Oskar Vikse laga framlegg til reguleringsplan for utviding av næringsområde Hollundsdalen gnr.87,bnr.20,54 og gnr.89,bnr.104. Føremålet med reguleringsplanen er å leggja til rette for utviding av eksisterande kontor-/næringsbygg, «Kuben» i Hollundsdalen. Området skal regulerast til forretning/kontor med tilhøyrande veg-og parkeringsareal. Tilbygget til det eksisterande kontor-/næringsbygget vil vere på ca. 515 m2 i grunnflate totalt. Ca. 335 m2 av grunnflata til bygget vil bli liggjande innanfor plangrensa. 1. etasje vil verta ei utviding av dagens daglegvarebutikk. Totalt vil 1.etasjen få eit samla bruksareal på ca. 2140 m2. Det arealet som er avsett til detaljhandel er under 3000 m2. «Regional plan for attraktive senter i Hordaland» seier at dersom nytt eller samla bruksareal for detaljhandel i reguleringsplan eller ved søknad om byggjeløyve/ rammeløyve overstig 3000 m2, krevst det samtykke frå fylkeskommunen. Det vert kravd handelsanalyse for å vurdere samtykke. I framlegg til reguleringsplan overstig verken nytt eller samla bruksareal for detaljhandel 3000 m2, og det er difor ikkje grunnlag for krav om handelsanalyse til planframlegget slik det no føreligg. Rådmannen rår til at framlegg til reguleringsplan for utviding av næringsområde Hollundsdalen vert utlagt til offentleg gjennomsyn slik han no føreligg.

Side 12 av 12