Sakshandsamar, telefon Magne Nesse, 5557 2335 Vår dato 09.10.2018 Dykkar dato 08.10.2018 Vår referanse 2018/12614 461.5 Dykkar referanse NGIR Brevet sendt pr. e-post: osnes@ngir.no NGIR Kjevikdalen. Løyve etter forureiningslova til oppgraving av sjøsediment Fylkesmannen i Hordaland gjev NGIR løyve til å grave opp inntil 2 500 m 3 frå sjøbotn i Kjevikdalen. Føremålet med tiltaket er å etablera reinseanlegg for sigevatn frå deponiet, og etablere slipp for mottak av kasserte båtar. Massane skal leggjast på avfallsdeponiet. Løyve er gjeve med heimel i forureiningslova 11. Vi viser til søknad frå NGIR datert 8. oktober 2018. Søknaden NGIR skal etablere reinseanlegg for sigevatn frå avfallsdeponiet, tilkomstveg og slipp for mottak av kasserte båtar. For å etablere dette må det gravast opp inntil 2 500 m 3 sediment frå eit sjøbotnareal på ca. 1100 m 2 innerst i Kjevika. Utbygginga er i samsvar med reguleringsplan for Kjevikdalen fyllplass vedtatt av kommunestyret i Lindås kommune 24. september 2015. Sjøbotn er undersøkt kjemisk av Cowi i 2017 med prøvetaking. Resultata viser i hovudsak reine massar, med unntak av nikkel som er funne i konsentrasjonar som er i tilstandsklasse III (moderat forureina). Massane skal gravast opp med gravemaskin frå land og plasserast på NGIRs deponi. Arbeidet skal utførast i perioden februar til mai 2019. Cowi har risikovurdert tiltaket og har i notat datert 1. oktober 2018 rådd til at tiltaket vert overvaka med turbiditetsmålar ute i Kjevika og stans i arbeida dersom turbiditeten overstig alarmgrenser. Cowi rår også til at det vert tatt før og etter prøver på eit prøvepunkt ute i Kjevika for å dokumentere om oppgravinga har medført spreiing av sediment. Sakshandsaming Tiltaket som skal gjennomførast er av avgrensa omfang, og vi reknar ikkje tiltaket for å ha vesentleg betyding for ein ubestemt krets av personar. Søknaden er derfor ikkje kunngjort offentleg. Vedlagt søknaden var det uttale frå Fiskeridirektorat, hamnemynde (BOH) og Stiftelsens Bergen Sjøfartsmuseum. Dei har ikkje merknader til tiltaket og BOH har gjeve løyve etter havne- og farvannslova. Tiltaket er i samsvar med reguleringsplan godkjend av kommunen. Fylkesmannen si grunngjeving Etter forureiningslova 7 må ingen sette i verk noko som kan medføre forureining utan at det er lovleg etter unntaksreglane i forureiningslova 8 eller tiltaket har løyve etter 11 i lova. Oppgraving av sjøsediment frå land er mellombels anleggsarbeid og er som hovudregel lovleg Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: 55 57 20 00 Miljøvern- og klimaavdelinga Kontakt: www.fylkesmannen.no/melding Nettside: www.fylkesmannen.no/hordaland Org.nr: 974760665
utan løyve, jf. forureiningslova 8 første ledd nr. 3, når forureininga frå anleggsarbeidet er "vanleg". Oppgraving av sjøbotnmassar som er forureina av miljøgifter som kan spreiast og/eller der oppgravinga kan spreie reine partiklar som kan påverke fiskeinteresser, trua artar mv., definerast ikkje som vanleg forureining og tiltaket må ha løyve. Fylkesmannen er forureiningsmynde. Definisjonen på om sediment er forureina er om det er miljøgifter i tilstandsklasse 1 III, IV eller V. I denne saka er det påvist nikkel i tilstandsklasse III. I følgje Fiskeridirektoratets kartløysing er det registrert fiskefelt for aktive reiskap ca. 600 meter nord for tiltaksområdet og gytefelt ca. 600 meter nordvest for tiltaksområdet. Søk i databasen Naturbase 9. oktober 2018 viser ingen treff av utvalde naturtypar, prioriterte artar eller frilufts- og verneområde i eller nær tiltaksområdet. Fylkesmannen finn etter ein samla vurdering at tiltaket krev løyve etter forureiningslova. Tiltak som gjev dårlegare miljøtilstand i ein vassførekomst er ikkje lov med mindre det kan gjevast unntak, jf. vassforskrifta 12. I denne saken legg Fylkesmannen til grunn at det vil vere eit midlertidig tiltak og at resipienten vil gjenopprettast når påverknaden stansar. Variasjonar i tilstanden til vassførekomstar som følgje av anleggsarbeid kan det gjevast unntak for. Dette følger av rettleiing 2 til vassforskrifta. Fylkesmannen har vurdert dei avbøtande tiltaka som NGIRs konsulent Cowi har foreslått og meiner desse er dekkande for å redusere risiko. Fylkesmannen krev at oppgraving av sediment vert overvaka med turbiditetsmålingar med krav om stans i arbeida dersom alarmgrenser for turbiditet vert overskriden. Både forureiningssituasjonen og naturmangfaldet er kartlagt, og kravet i naturmangfaldlova 8 om at saken skal baserast på eksisterande og tilgjengeleg kunnskap, er dermed oppfylt. Kunnskapsgrunnlaget for tiltaket vert vurdert som tilstrekkeleg. Gebyr Fylkesmannen tar sakshandsamingsgebyr for arbeid med løyver. Reglene om gebyrinnkrevjing er gitt i forureiningsforskrifta kapittel 39. Vi har nytta gebyrsats 9 (lågaste sats) for arbeidet med løyvet, jf. forureiningsforskrifta 39-3 og 39-4. Størrelsen på gebyret er 5 300 kroner. Gebyrsatsen er vald på bakgrunn av ressursbruken Fylkesmannen har hatt i forbindelse med handsaming av søknaden. Miljødirektoratet sender faktura. Klage De har fått løyve til oppgraving av sediment. Dersom det likevel skulle være noko de ønskjer å klage på, inkludert vedtaket om gebyrsats, kan de klage til Miljødirektoratet, jf. forvaltningslova 28. Fristen for å klage er tre veker etter at de har motteke dette brevet. Klagen bør være skrifteleg grunna, og den skal sendast til Fylkesmannen i Hordaland. 1 "Grenseverdier for klassifisering av vann, sediment og biota" Veileder M-608/2016 Miljødirektoratet 2 Veileder om unntak fra miljømål. Guidance Document No. 20 Technical Report 2009-027 2
Med helsing Ingrid Torsnes Magne Nesse Brevet er godkjent elektronisk og har derfor inga underskrift. Kopi til: Lindås kommune Kvernhusmyrane 20 5914 ISDALSTØ Cowi 3
Løyve til oppgraving av sjøsediment i Kjevika Lindås kommune, NGIR Fylkesmannen gjev NGIR løyve til oppgraving av sjøsediment med heimel i forureiningslova 11. Løyvet er gjeven på grunnlag av opplysningar i søknad av 8. oktober 2018 og opplysningar som kom fram under handsaming av søknaden. Dersom verksemda ønskjer endringar utover det som vart opplyst i søknaden eller under sakshandsaminga og som kan ha miljømessig verknad, må verksemda på førehand avklare dette skriftleg med Fylkesmannen. Dersom heile eller vesentlege delar av løyvet ikkje er teke i bruk innan to år, skal verksemda sende ei melding til Fylkesmannen. Fylkesmannen vil då vurdere eventuelle endringar i løyvet. Fylkesmannens referanse Løyvenummer Anleggsnummer 2018.0868.T 1263.0141.01 Verksemdsdata Verksemd NGIR Postadresse Lindåsvegen 1260, 5956 Hundvin Kommune og fylke Lindås, Hordaland Org.nummer / eigd av 974702568 / 856167402 Løyvet gitt: 9. oktober 2018 Ingrid Torsnes Magne Nesse Løyvet er godkjent elektronisk og har derfor inga underskrift
1. Kva løyvet gjeld 1.1 Omfang Løyvet gjeld oppgraving av inntil 2 500 m 3 moderat forureina sediment i sjø på om lag 1 100 m 2 sjøbotn i Kjevika i Lindås kommune. Tiltaket skal utførast i samsvar med reguleringsplan for Kjevikdalen fyllplass vedtatt av kommunestyret i Lindås kommune 24. september 2015. 2. Generelle vilkår 2.1 Grunnlag for løyvet Fylkesmannen legg til grunn at tiltaka skal gjennomførast som nemnt i søknad av 8. oktober 2018 med mindre anna er avtala med Fylkesmannen. Fylkesmannen skal varslast når arbeidet vert sett i gong. 2.2 Ansvar NGIR er ansvarleg for at vilkåra i løyvet vert haldne, og pliktar å sørgje for at dei som skal gjennomføre tiltaka er kjent med dei vilkår som gjeld. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 2.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig kalle løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eitkvart tidspunkt, å stoppe tiltaket. 2.5 Kulturminner i sjø Stiftelsen Bergens Sjøfartsmuseum gjer merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. 3. Internkontroll, beredskapsplan og akutt forureining 3.1 Internkontroll Verksemda plikter å ha internkontroll. Internkontrollen skal sikre og dokumentere at verksemda held krava i løyvet, forureiningslova og relevante forskrifter til lova. Verksemda plikter å halde internkontrollen oppdatert.
Verksemda plikter alltid å ha oversikt over alle aktivitetar som kan føre til forureining og kunne gjere greie for risiko. På basis av risikoanalyse skal verksemda iverksette risikoreduserande tiltak. Verksemda plikter å sjå til at den som til ein kvar tid transporterer og fyller ut eller på annan måte handterer massar, har internkontroll i tråd med dette vilkåret. 3.2 Beredskapsplan Verksemda skal utarbeide beredskapsplan for tiltaket. Ved endra tilhøve skal beredskapsplanen oppdaterast. Beredskapsplanen skal være tilgjengeleg og kjent for dei som utfører arbeid der akutte hendingar, i følgje planen, kan oppstå. 3.2 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike fall på fmhopostmottak@fylkesmannen.no 4. Avbøtande tiltak under utfylling 4.1 Miljømål Utfylling skal ikkje føre til spreiing av forureining eller reine partiklar i ein slik grad at det kan vera skadeleg for miljøet i resipienten eller medføre visuell forureining av sjø eller strender. 4.3 Turbiditetsmålinger I anleggsperioden skal det målast turbiditet ved minimum ein målestasjon, jamfør Cowinotat datert 1. oktober 2018. Turbiditetsmålinger skal planleggast og uførast i samsvar med standard NS-EN ISO 7027-1 Bestemmelse av turbiditet. Det må dokumentars ein referanseverdi for turbiditet, enten på førehand ved målingar eller med en referansestasjon. Grenseverdien for turbiditet er 10 FTU over referanseverdi for turbiditet. Ved overskriding av grenseverdien/alarmnivå (10 FTU + bakgrunnsverdi) i meir enn 30 minuttar skal arbeidet stanses. Årsak til alarm skal undersøkast og utbetrast dersom det har samanheng med tiltaket før arbeida kan starte opp igjen. 5. Avfall Verksemda plikter, så langt det er mulig utan urimelige kostnader eller ulemper, å unngå at det dannast avfall som følgje av tiltaket. Særlig skal innhaldet av skadelige stoffer i avfallet reduserast mest mogeleg. Verksemda plikter å sørgje for at alt avfall, også farlig avfall, vert handtert i samsvar med gjeldande regler for dette fastsatt i eller i medhald av forureiningslova, spesielt avfallsforskrifta.
6. Overvaking og rapportering til Fylkesmannen 6.1 Plan for overvaking NGIR skal lage ein plan for overvaking av tiltaket. Det skal føres loggbok. Kopi av loggboka skal følgje som vedlegg til sluttrapporten 6.2 Rapport frå sluttkontroll NGIR skal sende rapport til Fylkesmannen innan seks veker etter at tiltaket er gjennomført. Rapporten skal innehalde: Opplysningar om kor store mengder sediment som har blitt grave opp (i m 3 eller kilo). Plassering av massane Oversikt over eventuelle avvik fra løyvet og kva slags korrigerande tiltak som ble satt i verk Kopi av loggbok 7. Tilsyn NGIR plikter å la representantar for forureiningsmynde føre tilsyn med anlegget når som helst.