ÅRSMØTEHEFTE 2015 GLOPPEN SENTERPARTI Feiring av valresultatet under konsituering av den nye kommunestyregruppa. Foto: Marit Straume.
Årsmøte i Gloppen Senterparti 2015 vert halde på Gloppen hotell torsdag 19. november kl 19.30. Sakliste: 1. Godkjenning av innkalling og sakliste 2. Konstituering Val av møteleiar Val referent Val av to representantar til å skrive under møteboka 3. Årsmelding for Gloppen Senterparti 2015 4. Rekneskap for Gloppen Senterparti 2015 5. Medlemskontingent 2016 6. Val etter lova 7. Aktuelle politiske saker Innleiing ved: Gruppeleiar Per Rune Vereide Ordførar Leidulf Gloppestad Generalsekretær Knut M. Olsen 8. Arbeidsplan 2016 9. Eventuelt 2
Sak 1 Godkjenning av innkalling og sakliste Framlegg til vedtak: Årsmøtet godkjenner innkalling og sakliste. Sak 2 Konstituering Framlegg til vedtak: Møteleiar: Bjarne Bø. Referent: Ole Arild Aa. Val av to møtedeltakarar til å skrive under møteboka. Sak 3 Årsmelding 2015 Styrearbeid I arbeidsåret har det vore halde 5 styremøte. Som vanleg vert styret og innkalla til alle gruppemøte i kommunestyregruppa. Av større hendingar kan det nemnast at partileiar Trygve Slagsvold Vedum og leiar i næringskomiteen, Geir Pollestad, vitja kommunen i april og august. Lokallaget la opp til eit variert og informativt dagsprogram som vi meiner vart særs vellukka. Lokallaget har stort sett vore representert på alle møter og konferansar som er avvikla i regi av Sogn og Fjordane Senterparti. Gloppen Senterparti har registrert til saman 51 timar med studiearbeid siste år. Dette er gruppemøter, styreabeid og valkampplanlegging. Lokallaget er aktive med utsending av informasjon til medlemmane både på sms og epost. Laget har nettside og facebookside som jamleg vert oppdatert. Medlemstalet pr 31.10.2015 er 144 + 11 senterungdommar. Vidare har nokre saker utanom ordinært styrearbeid, har i meldingsåret fått spesiell merksemd. Kommune- og fylkestingsval 2015 Kommunevalet i haust fekk sjølvsagt mykje fokus. Alt i november hadde nominasjonsnemda klart sitt listeframlegg og programnemnda framlegg til valprogram for 2015-2019. På medlemsmøte vart listeframlegget vedteke utan endring. Skissa til program vart vedteke med nokre justeringar. Tidleg på nyåret peika styret ut valkamputval med Jeffrey Thomas som leiar. Utvalet kom tidleg i gong med arbeidet. Gruppa gjorde ein flott innsats for partiet! Leia av kreative, engasjerte, optimistiske og aldri kvilande Jeffrey, gjennomførte partiet ein solid valkamp. Resultatet vart framifrå; 42,4 % og 11 mandat, ei auke på 8,2 prosentpoeng. Leidulf vart ordførar og Magni varaordførar. Vi gratulerer desse med valet og ønskjer dei lukke til! 3
Senterpartiet fekk også eit særs godt resultat på fylkestingsvalet med 55,9 % og var sterkt medverkande til at Jenny Følling vart fylkesordførar. Siste standsdag før valet! Kristina Thomasgard, Bernt Reed, Jenny Følling, Leidulf Gloppestad, Magni Aa Berge, Jeffrey Thomas. Foto: Karoline Bjerkeset Årets kommuneval vart eit ordførarval. Det kom tydelege signal frå fleire parti tidleg at no var det tid for ein ordførar utan Sp-merke på «jakkeslaget». 47 år fekk halde. Tidleg tok partiet kontakt med Ap, Venstre og SV om eit valteknisk samarbeid ved konstitueringa etter valet. Partia underteikna ein protokoll der ein forplikta seg til å møtast til drøfting etter valet før ein eventuelt vende seg til andre konstellasjonar. Straks etter valet møttest partia under kyndig leiing av vår forhandlingsleiar, Per Rune Vereide. Alle parti var konstruktive og løysingsorienterte i dei to møta som vart halde. Kommunereform Kommunereforma har og dette året vore ei sentral sak. På to medlemsmøte har ordførar orientert om framdrifta i prosessane. Mykje av merksemda på den kommunalpolitiske fronten har omhandla utgreiinga mot Sunnfjord. Nordfjordalternativet er endå temmeleg uklårt. Senterpartiet både nasjonalt og lokalt, hevdar sterkt at kommunereforma er ei sentraliseringsreform! Reforma er i sterk motstrid til dei fleste av Sp sine kjerneverdiar. Gloppen Sp har så langt målbere at å halde fram som eigen kommune virka mest sannsynleg. Før saka skal avgjerast i kommunestyret, skal det haldast folkerøysting. Gloppenstasjonane Vidare eigarskap til Gloppenstasjonane vart avgjort i kommunestyret 31. august. Bakgrunnen kjenner vi alle. Det vart i 1995 inngått ei leigeavtale mellom Gloppen kommune og Sogn og Fjordane energi AS om ei leige i 20 år. Senterpartiet har i alle år hatt som mål og ambisjon at Gloppenstasjonane skulle tilbakeførast til kommunen. Ved handsaming av valprogrammet vart dette eit tema. Medlemsmøtet vedtok ei formulering som ikkje var så kategorisk som føringar i tidlegare program. I kommunestyret 16. juni fatta kommunestyret dette vedtaket: «Gloppen kommunestyre gir Gloppen Energi AS fullmakt til å vurdere organisering av Gloppenstasjonane og her under føre forhandlingar med aktuelle partar, og gi endeleg tilråding til Gloppen kommunestyre.» Styret i Gloppen Energi AS kom med ei klår og samrøystes tilråding. Styret hadde i sitt arbeid med saka nytta både juridisk og økonomisk bistand. I tilrådinga frå styret stod mellom anna: «Avtalen gir SFE ein eigarskap på 30% i selskapet Gloppen Energi AS» 4
Rådmannen si tilråding til kommunestyret vart identisk med tilrådinga frå styret i Gloppen Energi AS. Gloppen Sp skipa til medlemsmøte før saka vart avgjort i kommunestyret 31.august. 8 av 9 i gruppa stemde for rådmannen si tilråding. I lys av kommunen sin økonomiske situasjon og dårlege prognoser for kraftprisen i lang tid framover, meinte fleirtalet at vurderinga som styret i Gloppen Energi kom fram til, sikra verdiane i Gloppenstasjonane best. Takk for innsatsen! I samband med nominasjon til kommunevalet var det fem sitjande representantar i tillegg til ordførar Anders Ryssdal som ikkje ynskte renominasjon. Desse var Per Jarle Myklebust med 16 år bak seg i kommunestyret, Kari Jordanger og Kristin Sandal med åtte år kvar og Sølvi Hope og Liss Bergum med fire år i kommunestyret for Sp. Gloppen Sp takkar for den innsatsen alle desse har lagt ned som folkevalde for Senterpartiet! Ordførar Anders Ryssdal vart takka av som ordførar på konstituerande kommunestyre 2. oktober med ståande applaus. Gloppen Sp sluttar seg til! Han kan sjå tilbake på ein imponerande kommunalpolitisk karriere. Anders vart valt inn i kommunestyret i 1991. Frå 1999 har Anders vore ordførar. Imponerande! Anders Ryssdal, ordførar i Gloppen 1999-2015. Foto: Andreas E. Nygjerd Anders føyer seg inn i ei ubroten rekkje av dugande og framsynte ordførarar frå Sp i Gloppen. Nyeordføraren vår, Leidulf, tek over ein særs veldriven og god kommune, kåra til ein av dei beste i landet. Anders og Gloppen Sp skal sjølvsagt ikkje ha æra for dette åleine. Likevel, ein dyktig ordførar vil alltid vere svært viktig. Gloppen Sp til liks med heile gloppensamfunnet, kan samstemt seie: Takk, Anders! Økonomi Økonomien i laget har svekka seg monaleg. Det skuldast i hovudsak ein lang og omfattande kommunevalkamp. Sidan årets val vart eit såkalla «ordførarval» vart det sett inn ekstra med ressursar. Lokallaget og valkamputvalet hadde ei klår målsetjing: Leidulf skulle halde fram vår ubrotne rekkje på 47 år som Sp-ordførar! Komande år må eigenkapitalen betrast. Gloppen Senterungdom Gloppen Senterungdom har i 2015 hatt 3 møter. Eit der vi inviterte elevar ved Firda VGS som ikkje var medlemmar til å komme å høyre litt om Senterungdommen. Vi fekk ein frå fylkesstyret til å komme å prate, og vi debatterte litt. Dei to andre var ordinære medlemsmøter, der ordførar kandidat Leidulf Gloppestad deltok på det eine. Vi har hatt to av våre medlemmar i styret til Gloppen Senterparti. Vi har hatt deltakarar på både Vårslepp og årsmøtet i Sogn og Fjordane Senterungdom. Vi har vore med på stand både på skuledebatt på Firda VGS kor resultatet viste 51,4% til Sp. Også andre stadar i kommunen stod vi på stand under årets valkamp. 5
I tillegg har vi vore med på forskjellige bedriftsbesøk rundt i kommunen. Vi hadde i mai besøk på Firda VGS av partileiar Trygve Slagsvold Vedum. Vi hadde og deltakarar på valvaka til Sogn og Fjordane senterparti i Førde under kommune- og fylkestingsvalet. Vi hadde to senterungdommar på kommunevallista for Gloppen Senterparti, og den eine kom inn i kommunestyret. Alt i alt eit år med god aktivitet for Gloppen Senterungdom! I 2016 blir målet å ha meir politisk aktivitet, og fokusere hovudsakleg på å rekruttere nye medlemmar. Styret i Gloppen Senterungdom 2016. F.v. Leiar Signe Bjotveit, Kristine Djupegot Raad, Guro Vangen Førde, Ingrid Nedrebø og Kent Øystein Hjelle. Foto: Medlemmar av Gloppen Sp som har tillitsverv/stillingar Anders Ryssdal er medlem av fylkestinget og medlem i hovudutval for opplæring Karoline Bjerkeset er medlem i fylkesstyret i Sogn og Fjordane Senterparti Ho er også 2. vara til Sp sitt sentralstyre og 1. vara til sentralstyret i Senterkvinnene. Olin Astrid Austrheim er styremedlem i Senterkvinnene i Sogn og Fjordane. Per Rune Vereide er fylkessekretær for Senterpartiet i Sogn og Fjordane. Han har delteke på ei rekke arrangement i Senterpartiet (sentralt/fylket) i kraft av si stilling. Elise Eide Dvergsdal er organisasjonssekretær for Senterpartiet i Sogn og Fjordane. Ho deltek på ei rekke arrangement i Senterpartiet (fylket) i kraft av si stilling. Ordførar Leidulf Gloppestad er valt til leiar i Nordfjordrådet Kommunestyregruppa Leidulf Gloppestad ordførar / formannskapet Magni Aa Berge varaordførar/formannskapet Bernt Reed leiar i oppvekst / formannskapet Jeffery Thomas Kent Øystein Hjelle Olav Sigurd Gundersen Marit Straume Solveig Lien Gusdal Jostein Arne Rørvik Per Rune Vereide - gruppeleiar Vidar Sandal 6
Styret i 2015 har vore: Neste valår Leiar: Bjarne Bø, 6827 Breim 2015 Nestleiar: Olin Astrid Austrheim, 6823 Sandane 2016 Studieleiar: Karoline Bjerkeset, 6823 Sandane 2015 Kasserar: Arvid Gimmestad, 6823 Sandane 2016 Styremedl.: Jeffrey Thomas, 6823 Sandane 2015 Styremedl.: Marit Straume, 6829 Hyen 2016 Styremedl.: Ole Arild Aa, 6829 Hyen 2016 Styremedl.: Kent Øystein Hjelle, 6826 Byrkjelo 2016 Varamedlemmer: 1. varamedlem Oddvar Bjørlo, 6823 Sandane 2015 2. varamedlem Bernt Reed 6827 Breim 2015 3. varamedlem Arne Jostein Gimmestad, 6823 Sandane 2015 Senterkvinnekontakt: Olin Astrid Austerheim 2015 Senterungdomen: Signe Bjotveit, 6823 Sandane I tillegg er gruppeleiar medlem i styret. Ordførar møter i styret som observatør. Revisor: Jon Gimmestad, 6823 Sandane Ingebrikt Øvreseth, 6823 Sandane Valnemnd 2015: 1. Håkon Lundestad 2. Anders Gloppestad 3. Liss Bergum Sak 4 Rekneskap 2015 Sjå utsendte eige dokument. Framlegg til vedtak: Den framlagde rekneskapen for 2015 vert vedteken. 7
Sak 5 Medlemskontingent for 2016 Medlemskontingenten for 2015 er kr 450,- pr medlem. Kontingenten er samansett slik: kr 330,- sentralt + kr 90,- fylket + kr 30,- lokallaget. Det er ingen auke i kontingenten sentralt, og for fylket, styret foreslår å endre kontingenten for lokallaget til kr 50,- slik at ny samla årskontingent vert kr 470,- Framlegg til vedtak: Årsmøtet vedtek at medlemskontingenten i Gloppen Senterparti vert sett til kr 470,- pr. medlem for 2016. Sak 6 Val for 2016 Valnemda sitt framlegg er: Leiar: Bjarne Bø, 6827 Breim Attval Nestleiar: Olin Astrid Austrheim, 6823 Sandane Ikkje på val Studieleiar: Karoline Bjerkeset, 6823 Sandane Attval Kasserar: Arvid Gimmestad, 6823 Sandane Ikkje på val Styremedl.: Jeffrey Thomas, 6823 Sandane Attval Styremedl.: Ole Arild Aa, 6829 Hyen Ikkje på val Styremedl.: Kent Øystein Hjelle, 6826 Byrkjelo Ikkje på val Styremedl.: Marit Straume, 6829 Hyen Ikkje på val Varamedlemmer: 1. varamedlem Oddvar Bjørlo, 6823 Sandane Attval 2. varamedlem Bernt Reed, 6827 Breim Attval 3. varamedlem Arne Jostein Gimmestad, 6823 Sandane Attval Revisor: Jon Gimmestad, 6823 Sandane Ingebrikt Øvreseth, 6823 Sandane Attval Attval Valnemnd 2016: Anders Gloppestad, leiar Liss Bergum? Utsendingar til fylkesårsmøte: Årsmøtet gjev styret fullmakt til å velje utsendingar og vara til fylkesårsmøtet. 8
I 2015 har Gloppen Senterparti hatt besøk av partileiar Trygve Slagsvold Vedum og leiar i næringskomiteen og stortingsrepresentant for Sp, Geir Pollestad. Dei har fått synfaring og orienteringar om næringsverksemd i Gloppen som her TINE på Byrkjelo og Melin Medical på Sandane. Foto: Erlend Herstad og Karoline Bjerkeset. Sak 7 Aktuelle politiske saker Innleiingar ved: Gruppeleiar Per Rune Vereide Ordførar Leidulf Gloppestad Generalsekretær Knut M. Olsen Sak 8 Arbeidsplan 2016 Viktige saker som Gloppen Senterparti skal arbeide vidare med i komande år: Kommunereforma Næringspolitikk i Gloppen Tilflyttingskommune nr. 1 Medlemsverving og lagsøkonomi Medlemsaktivitet Gloppen Senterparti skal ha medlemsmøter i komande år om aktuelle saker. Informasjonsarbeid Gloppen Senterparti skal kommunisere med medlemmane ved å: Nytte aktivt sms og e-post til utsending av informasjon til medlemmane. Medlemsregisteret skal vere oppdatert med telefon og e-post for dei som har dette. Styret og kommunestyregruppa får eit felles ansvar for å kome med innhald og oppdateringar på laget si heimeside. Bruke facebooksida til publisering av laget sin aktivitet. Sak 9 Eventuelt 9
Frå konstitueringa av nytt kommunestyre. Ny ordførar er vald og får overrekt klubba frå den førre ordføraren. Foto: Marit Straume. Ordførar Leidulf og varaordførar Magni. Foto: Marit Straume. 10