Sluttrapport om prosjektet Skriving og etisk kildebruk: Utvikling av interaktive søke- og skrivemoduler i læringsverktøyet Søk og Skriv

Transkript

1 Sluttrapport om prosjektet Skriving og etisk kildebruk: Utvikling av interaktive søke- og skrivemoduler i læringsverktøyet Søk og Skriv Prosjektet Skriving og etisk kildebruk starta opp januar 2012, og har vore eit eittårig prosjekt med økonomisk stønad frå Nasjonalbiblioteket. Midla frå Nasjonalbiblioteket har blitt nytta til løn (frikjøp) av prosjektleiar, til studietur for prosjektgruppa og til reiseutgifter. Prosjektet har vore eit samarbeid mellom biblioteka ved Høgskolen i Bergen, Norges Handelshøyskole, Universitetsbiblioteket i Oslo og Universitetsbiblioteket i Bergen. Forum for akademisk skriving ved Institutt for filosofi og førstesemesterstudier ved UiB har også deltatt i samarbeidet. Prosjektet har blitt leia av Universitetsbiblioteket i Bergen. Skriving og etisk kildebruk har utspring i nettstaden Søk & Skriv som blei lansert i 2007, og som var eit resultat av eit samarbeid mellom biblioteka ved HiB, NHH og UiB. Målet med prosjektet har vore å utvikle interaktive søke- og skrivemodular i læringsverktøyet Søk & Skriv, og utvikle verktøy for betre lesestrategiar blant studentar i høgare utdanning. Bakgrunn for prosjektet Hausten 2010 og våren 2011 blei det gjennomført to omfattande evalueringar av nettstaden Søk & Skriv som den var i Hovudinntrykket når det gjaldt forholdet mellom bruken av dei ulike delane av Søk & Skriv for studentanes del, var at det er referansehandteringa som blei mest nytta. I 2010 gjennomførte vi ei spørjeundersøking på nett (eit spørjeskjema) retta mot studentar og tilsette som brukte nettstaden. 197 studentar svarte på spørjeskjemaet omkring deira bruk av nettstaden. Svara vi fikk kom hovudsaklig frå studentar frå HiB, NHH, og UiB, og ei overvekt av desse var studentar som studerte humaniora eller samfunnsfag. Spørjeundersøkinga blei tilgjengeliggjort frå nettstaden og var mulig å svare på frå oktober til desember Søk & Skriv frå 2007 la opp til at studentane går gjennom ein prosess, men rapportane synliggjorde at nettstaden i liten grad blei nytta på denne måten. Mange brukte sida som eit oppsiagsverk, med særlig fokus på referanseteknikk. I tillegg viste tal frå Google Analytics på sidene at søkedelen blei lite brukt. På bakgrunn av funn frå undersøkingane Søk & Skriv i et brukerperspektiv: Rapport fra spørreundersøkelsen høsten 2010, og Det Informationsvidenskabelige Akademis (IVA) rapport Studerende, læring og webtutorials: En analyse af 3 norske læringssystemer kom det klart fram at det var eit misforhold mellom intendert bruk og faktisk bruk. 1

2 Tabell 5: Studenters bruk av ulike emner i Søk & Skriv (Forras et al., 2011, s.11) n = 110 Studentane blei her spurt om å rangere kva for emne i Søk & Skriv dei nytta. På ein skala frå 1-6 der 1 var lågast og 6 høgast indikerte tala at bruken av dei ulike modulane var som følgjer: Søking 2,44; på Referansestiler og litteraturlister 4,90; på Skrivetips 2,92; på Sitering og etikk 4,31, og på Kildevurdering 3,17. (Forras et al., 2011, s.11). Funn frå IVAs rapport samanfall også med tala over. Samtlige studentar dei intervjua var nøgde med modulane som omhandla kjeldevurdering og bruk av referansestilar og litteraturlister. Det synte seg vidare at studentane fann todelinga der ein del av S&S retta seg mot lågaregradsstudentar, og ein annan del som retta seg mot høgaregradsstudentar forvirrande (Hyldegård et al., 2011). Begge rapportane avdekka at studentane hadde eit behov for meir informasjon om korleis ein skulle utforme og skrive ein akademisk tekst. Utsegn frå studentundersøkingane 2010 viste også at ein del studentar kunne tenkje seg å bruke delane knytta til kjeldevurdering og skriving meir aktivt gitt at det passa betre med det faget dei studerte. Bakgrunn for søknaden Prosjektet Skriving og etisk kildebruk har hatt som mål å aktualisere god kjeldebruk i høgare utdanning i forhold til Det nasjonale kvalifikasjonsrammeverket (NKR). Her presiserast det at bachelorstudentar på 1. syklus kan finne, vurdere og henvise til informasjon og fagstoff og framstille dette slik at det belyser en problemstilling. NKR seier vidare at masterstudentar på 2.syklus: kan analysere og forholde seg kritisk til ulike informasjonskilder og anvende disse til å strukturere og formulere faglige resonnementer. I prosjektet knytta vi dette til 2

3 kritisk lesing av tekstar, både eigne og andre sine tekstar. Prosjektet har òg hatt som mål å synliggjere teknikkar for skriving og lesing. I Skriving og etisk kjeldebruk har det vore svært viktig for oss å lage øvingar og gode døme som gjer at nettstaden Søk & Skriv no i større grad oppmodar studentane til å ta stilling til informasjon dei finn, og til å lære korleis informasjonen kan nyttast på ein etisk måte i akademiske tekstar dei sjølve skal produsere. Gjennom bruk av nettstaden presenterer vi reiskap som kjeldevurdering som gjer det mulig å skilje ut relevant informasjon i forhold til eiga problemstilling. Aktivitetar i prosjektet Skriving og etisk kildebruk Prosjektgruppa har hatt faste møter gjennom heile 2012, og våren Desse har vore video- og skypemøte. I tillegg har gruppa hatt heildagsmøte ved behov. Styringsgruppa har hatt møte 4 gonger i prosjektperioden. Ved siste møte i mai 2013 la prosjektgruppa fram forslag om å inkludere UBO og Forum for akademisk skriving ved Institutt for filosofi og førstesemesterstudier ved UiB inn i styringsgruppa frå juni 2013, noko som blei godt motteke i styringsgruppa. Prosjektgruppa var i mars 2012 på ein 2 dagars studietur til København, der vi besøkte ulike bibliotek og akademiske skrivesentra, som alle jobbar med ulike typar undervisningsopplegg innan akademisk skriving og informasjonskompetanse. Vi fekk nyttige råd og innspel frå studieturen, m.a. frå Lotte Rienecker (tidligare leiar av Akademisk Skrivecenter på Det Humanistiske Fakultet) og Thomas Harboe (Pædagogisk Center for Samfundsvidenskab). Lotte Rienecker og Charlotte Albrechtsen har vore svært sentrale for oss i utviklinga av produktet. Rienecker er pedagog og står bak nettstaden Scribo (saman med tidligare informasjonsspesialist Tina Pippa), og jobba 2011/2012 med 4.utgåve av boka Den gode opgave. Charlotte Albrechtsen saman med Trine Wirenfeldt Jensen står bak den danske nettstaden i informasjonskompetanse og skriving Studiemetro. Rienecker og Albrechtsen har gitt oss gode og svært konstruktive tilbakemeldingar på produktet undervegs. I etterkant av studieturen til Danmark hadde vi to skypemøter med desse på utviklinga av produktet, noko som synte seg svært nyttig. Vi har også hatt kontakt med dei i etterkant av lanseringa av Søk & Skriv i februar 2013, med tanke på deling og bruk av sosiale medier for marknadsføring av nettstaden som den er no. Undervisingsgruppa ved UBO kom også med innspel til prosjektgruppa, og desse innspela førte til ei tettare forankring til UiO. UBO vektla, som fleire av studentane i undersøkingane, at studenthistoriene med 3 fiktive studentar og deira arbeidsprosess var mindre viktige for det Søk & Skriv vil formidle; Korleis skrive gode oppgåver, knytta til informasjonssøk og god, etisk kjeldebruk. 3

4 Brukartestar Prosjektgruppa gjennomførte brukartestar av ein uferdig versjon av nettstaden hausten 2012 på studiestadane UiB, HiB og UiO retta mot studentar. Her hadde vi på forhand utarbeidd ein brukartest som varte i om lag 45 minutt der studentane skulle finne fram til ulike stader på nettstaden, og der dei fekk oppgåver å løyse der målet var at dei skulle kunne nytte S&S for å finne svar på spørsmåla. I etterkant hadde vi eit fokusgruppeintervju med studentane der dei skulle svare på korleis og om dei hadde nytta S&S tidligare, og kva dei var nøgde med, eller mindre nøgde med på nettstaden som den var lagt opp i oktober Studentar ved dei ulike studiestadane kom med tilbakemeldingar på design, innhald og språk på den nye, men enno ikkje lanserte nettstaden. Tilbakemeldingane frå studentane var for det meste positive, og dei meinte at nettstaden ville kome til å fungere betre enn den gamle. Dei likte mykje av det nye innhaldet og den nye strukturen. Studentane kom også med gode endringsforslag der dei ikkje var heilt nøgde. Nokre av desse forslaga førte til at prosjektgruppa gjorde endringar i sluttproduktet. Det viktigaste som kom fram var at mange studentar føretrekkjer å sjå på døme og tips, ikkje løyse oppgåver som ikkje er obligatoriske. Vi gjorde difor om på tekst og overskrifter på ein del av oppgåvene våre, slik at dei vart presentert som konkrete døme og som tips. Studentane var òg mindre positive til studenthistoriene som var med på den gamle nettstaden. Prosjektgruppa tok difor vekk desse, og overførte noko av det viktigaste stoffet frå desse inn i hovudteksten. Vi gjorde også om på rekkefølgja på dei ulike spora i toppfana på Søk & Skriv på bakgrunn av tilbakemeldingar, og fekk gode tips om kor vi kunne legge inn interne lenker mellom dei fire hovudspora som studentane no lett kan bruke. Dei fire spora brukarane finn på nettstaden Søk & Skriv i dag er Søking, Lesing, Skriving, og Kildebruk og Referanser. Prosjektet, og den nye versjonen av Søk & Skriv, har blitt presentert ved fleire nasjonale og internasjonale konferansar, både undervegs i prosjektfasen, og etter lansering. Vi deltok med innlegg om Skriving og etisk kildebruk på fagreferentkonferansen i Agder (juni 2012), Bibliotekledermøtet for universitets- og høgskolesektoren (mars 2013), UKSG-konferansen i England (april 2013) og Creating Knowledge VII i august no i Vi arrangerte i tillegg eit stort lanseringsseminar 15. februar 2013, der prosjektet og den nye nettstaden vart presentert for bibliotek- og fagtilsette frå dei fire institusjonane som står bak den nye versjonen. På lanseringsseminaret deltok mellom anna viserektor for utdanning ved UiB Kuvvet Atakan og professor i akademisk skriving ved NHH Trine Dahl. Erfaringar undervegs Mediesenteret ved HiB står bak design og utforming på den nye nettstaden. Vi har hatt tilgang til å redigere nettstaden sida april 2012, og i samråd med Mediesenteret landa vi på å nytte Wordpress som publiseringsløysing. Prosjektgruppa har denne gongen hatt betre IKTkompetanse i gruppa, enn kva som var tilfelle på den første versjonen av Søk & Skriv. Dette 4

5 har gjort at dialogen med Mediesenteret har fungert godt. Vi opplevde det svært positivt å ha ein eigen person i gruppa med ansvar for kontakt og oppfølging av mediesenteret under utviklinga av den nye versjonen av nettstaden. Eit av måla med Skriving og etisk kildebruk var å utvikle interaktive oppgåver. Desse blei det færre av enn vi såg for oss, grunna utviklingstid, økonomiske midlar og hindringar i publiseringsverktøyet. I alt finst det no 4 interaktive oppgåver, men sida prosjektet no går over i ein driftsfase med ei redaktørgruppe vonar vi at vi på sikt får midlar til større muligheit for interaktivitet på nettstaden. Prosjektet skulle ha vore ferdig ved utgangen av 2012, men har blitt forsinka. Den norske versjonen kom 15.februar, medan den engelske kom på lufta 16.april. Bakgrunnen for dette var at vi måtte vente fleire månader før vi fekk på plass ein publiseringsplattform vi kunne redigere i. Prosjektgruppa hadde behov for å redigere både gamle og nye tekstar før og etter innsending til omsettingsbyrået, og vi måtte i etterkant rette opp feil og manglar i den engelske omsettinga. I søknaden til NB har vi hatt som eit av måla våre å revidere Søk & Skrivs pedagogiske manual Søk & Skriv for kursholdere (Hafstad et al.2007). I staden for ein slik manual der vi presenterer eit pedagogisk rammeverk rundt nettstaden, har vi valt å heller utvikle Søk & Skriv i undervising under fanen Om søk & Skriv. Her presenterer vi eit knippe didaktiske undervisingsopplegg for undervisande bibliotekarar og faglærarar i høgare utdanning, der dei fritt kan nytte ideane og tilpasse desse i eiga undervising. Denne kjem på lufta i september Avslutting og vegar vidare Arbeidet med Søk & Skriv vil no gå over i ein driftsfase. Det betyr at arbeidet med nettstaden vil bli mindre intensivt enn i prosjektperioden. Prosjektgruppa meiner det er viktig at ein arbeider vidare med nettstaden kontinuerlig. Arbeid som gjerast umiddelbart er å rette opp eventuelle feil. På sikt vil vi oppdatere referansestiler når det kjem nye utgåver, legge til fleire oppgåver der det er aktuelt, og gjere endringar i høve til tilbakemeldingar som kjem frå studentar og andre brukarar. Arbeidsgruppa frå Skriving og etisk kildebruk blir no til ei faglig redaksjonell gruppe der redaksjonen framover i samarbeid mellom anna skal: Kvalitetssikre, vedlikehalde, evaluere og vidareutvikle Søk & Skriv, formidle nettstaden Søk & Skriv ved institusjonane, nasjonalt og internasjonalt, følgje opp Søk & Skriv som undervisningsmateriale for utdanningar ved institusjonane og handsame spørsmål frå brukarane. Den nye nettstaden har ei «Spør oss»-teneste, og redaksjonen får inn spørsmål og tilbakemeldingar frå studentar og andre brukarar. På sikt vurderer redaksjonen å bruke dette som grunnlag for ei ofte stilte spørsmål-side, der vi samlar dei vanlegaste spørsmåla, og svarar på desse. 5

6 Prosjektgruppe Skriving og etisk kildebruk Styringsgruppe Randi Taxt- Leiar av styringsgruppa. Bibliotekdirektør, UiB frå januar 2012 til juni Ole Gunnar Evensen - Leiar av styringsgruppa. Bibliotekdirektør, UiB. Frå juni Sissel Hafstad, Bibliotekleiar, NHH. Maria Carme Torras i Calvo, Bibliotekdirektør, HiB. Arbeidsgruppe Solveig Kavli, Universitetsbibliotekar (prosjektleiar), UiB. Amund Børdahl, Universitetslektor, Akademisk skriving, UiB. Tarje S. Lavik, Spesialbibliotekar, UiB. Ingerid Straume, 1.bibliotekar, UiO. Atle Hårklau, Bibliotekar, HiB. Peter Forrás, Universitetsbibliotekar, NHH. Fram til sommar Elen Elvebakk, Spesialbibliotekar, UiB. Frå hausten 2012 til februar Eli Seland, 1.bibliotekar, NHH. Frå januar Simon Mitternacht, 1.bibliotekar, UiB. Frå februar Referansegruppe Eystein Gullbekk (Universitetsbibliotekar, UiO) Mattias Kaiser (Instituttleder, Senter for Vitenskapsteori, UiB) Lotte Rienecker (Specialkonsulent, Århus universitet og København DPU) Tine Wirenfeldt Jensen (Leiar av Studiemetroen, Århus ) Charlotte Albrechtsen ( Adm.leiar Studiemetroen, Århus) Vi takkar Nasjonalbiblioteket for økonomisk stønad til prosjektet. Resultatet er no ope tilgjengelig på nettstaden eller som engelsk versjon på - Rapporten er skriven av Atle Hårklau (HiB) og Solveig Kavli (UiB), september