KOMMUNEDELPLAN. Astrid Eide Stavseng. Merknadshefte Planprogram fv. 63 Korsmyra-Indreeide

Transkript

1 KOMMUNEDELPLAN Astrid Eide Stavseng Merknadshefte Planprogram fv. 63 Korsmyra-Indreeide Parsell Hp 2 km 8 - Hp 3 km 5 Norddal kommune/stranda kommune Region midt Ålesund kontorsted Mars 2013

2 Innhald 1 Varsel om oppstart Handsaming av merknader Merknader frå det offentlege Noregs vassdrags- og energidirektorat Fylkesmannen i Møre og Romsdal Møre og Romsdal fylkeskommune Stranda kommune Merknader frå selskap, lag og foreiningar Tafjord Kraftnett AS Geiranger veginvest AS/Geiranger Turist- og næringslag Stiftinga Geirangerfjorden verdsarv Eidsdal Norddal sau og geit Norddal bonde- og småbrukarlag Merknader frå private Rune Maråk Aslak Vestein Klempe... 5 Mars 2013 Side 1

3 1 Varsel om oppstart Varsel om oppstart vart kunngjort i Sunnmørsposten og i lokalavisene Storfjordnytt og Sunnmøringen i veke Varsel om oppstart låg i tillegg ute på heimesidene til Norddal og Stranda kommune. Regionale faginstansar, berørte kommunar, grunneigarar og lag og organisasjonar vart direkte tilskrivne. Merknadsfrist var sett til Det var utelukkande eit oppstartvarsel som vart kunngjort, planprogram blir lagt ut til høyring og offentleg ettersyn i neste fase. 2 Handsaming av merknader 2.1 Merknader frå det offentlege Noregs vassdrags- og energidirektorat NVE peikar på at det er viktig å ta omsyn til vassdraga i planen, og at inngrep i vassdraga og i kantsona bør unngåast. Vassdrag i planområdet skal takast omsyn til ved val av løysingsalternativ Fylkesmannen i Møre og Romsdal Fylkesmannen i Møre og Romsdal viser til at verneforskrifta for Geiranger-Herdalen landskapsvernområde og forvaltningsplanen for verdsarvområdet Vestnorsk fjordlandskap ligg til grunn for forvaltninga i området. Det er verneområdestyret som gir løyve etter verneforskrifta, og fylkesmannen vil legge planprogrammet og seinare planforslaget fram for verneområdestyret. Fylkesmannen påpeiker at landskapsverdiane i området står i ei særstilling, og at landskaps- og opplevingsverdiane må vege tungt ved val av løysing. Eit utgangspunkt for dette er lengre tunnelløysingar for bruk i vintersesongen. Fylkesmannen seier også at eit lengre tunnelalternativ på vestsida kan ha fordelar samanlikna med ulike tunnelalternativ på austsida. Vidare at ei løysing med eitt-felts vintertunnel kan gje mindre behov for massedeponi. Fylkesmannen ber om at det vert teke omsyn til ulike naturtypelokalitetar som er registrert i planområdet, og vidare at meanderelva som går gjennom dalføret ikkje bør røyvast. Når det gjeld massedeponi, kan små mellomlager i samband med anleggsdrifta vurderast, under særlege vilkår. Vidare at det ikkje er tilrådeleg med massedeponi i landskapsrommet i øvre Eidsdal, nedover minst til Berge/Øvstelia. Lenger nede i Eidsdalen vil ein ikkje utelukke tilrettelegging for skånsame massedeponi, føresett god utforming og tilstelling. Om naudsynt meiner fylkesmannen at massane må fraktast til Eidsdal for deponering i sjø. Deponering/fylling i Geiranger og Geirangerfjorden vert sett på som lite aktuelt. Fylkesmannen minner også om Naturmangfaldlova og at det i plandokumenta skal gjerast vurderingar etter lovverket. I Indreeidsdalen må kulturlandskapet og tilhøva for beitedyr og beiting ha fokus. Eventuelle interessekonflikter vert følgt opp frå fylkesmannen si side. Statens vegvesen er godt kjent med verne- og verdsarvstatusen og vil ta omsyn til dette i planlegginga. Landskaps- og opplevingsverdiane vil så langt råd er verte teke omsyn til i planlegginga, og ein rår til at alternativa med ev. lang tunnel på aust- eller vestsida av dalføret vert vidareført for utgreiing i konsekvensutgreiinga. Tidleg foreslåtte løysingsalternativ som etter vegvesenet sitt syn ikkje stettar landskaps- og opplevingsverdiane, er i planprogrammet foreslått Mars 2013 Side 2

4 forkasta. Ein vil ved val av løysing så langt som råd er også ta omsyn til naturtypelokalitetar og særmerkte landskapselement i planområdet. Fylkesmannen har vidare fokus på gode løysingar for plassering av tunnelmasse. Gjennom planprosessen skal moglege samfunnsnyttige tiltak samt aktuelle areal for deponi nærmare vurderast, og ein er allereie i dialog med kommune og grunneigarar om sistnemnde. Ein registrerer fylkesmannen sitt syn på bruk av tunnelmasser i Geiranger Møre og Romsdal fylkeskommune Møre og Romsdal fylkeskommune har ut frå sine ansvarsområde fokus på automatisk freda kulturminne og kulturminne frå nyare tid. Vidare at området omfattar eit kulturlandskap med store heilskaplege opplevingsverdiar med nokre SEFRAK-registrerte objekt som det må takast omsyn til i planlegginga. Kulturminne og kulturmiijø skal utgreiast som eige tema i KU. Behovet for arkeologiske undersøkingar i reguleringsplanfasen skal gjerast greie for. Vidare skal eventuelle kjente fornminner skildrast og kartfestast, og kulturlandskapet sin historiske verdi skal omtalast. Fokus på skånsame landskapsinngrep vil også vere av betydning for vurderingar knytt til eksisterande kulturmiljø Stranda kommune Stranda kommune har handsama saka i kommuneplanutvalet Utvalet har følgjande samrøystes vedtak i sak KPU-024/12: 1. Stranda kommune har ingen merknader til oppstartsmelding til kommunedelplan Indreeide- Korsmyra for rassikring fv Dersom lang tunnel vert vald, vil ein rå til at masser frå tunnel vert nytta til utfylling i sjø ved Lausneset for parkering av bussar, samt vurdering av utfylling i sjø for gangveg frå Lausneset/Grande og inn til Geiranger sentrum Punkt 1 vert teke til vitande. Når det gjeld punkt 2 i vedtaket, foreslår kommunen at massane vert nytta til utfylling i sjø for etablering av oppstillingsplass for bussar ved Lausneset og gangveg frå Lausneset/Grande til Geiranger sentrum. Bruken av tunnelmassar og ev. deponiområde må vurderast nærmare. Ein har sagt at samfunnsnyttige tiltak må vurderast framfor permanente deponi. Statens vegvesen registrerer også at fylkesmannen er skeptisk til fylling i/inntil Geirangerfjorden. Eventuelle tiltak her må vurderast gjennom reguleringsplan. 2.2 Merknader frå selskap, lag og foreiningar Tafjord Kraftnett AS Tafjord Kraftnett AS viser til 22 kv luftlinje og nettstasjon i området, som eventuelt kan flyttast på utbyggar si rekning. Frå nettstasjonen mot Geiranger er det Stranda Energiverk som eig høgspentlina. Merknad teken til vitande Geiranger veginvest AS/Geiranger Turist- og næringslag Geiranger veginvest AS/Geiranger Turist- og næringslag er klare på at ein samla tunneltrasé mellom Korsmyra og Indreeide er sikraste og beste løysing, og at ein bør ta høgde for sterk trafikkauke og Mars 2013 Side 3

5 bygge to-felts tunnel. Vidare vert det føreslått å nytte tunnelmassane til ulike tiltak som vil betre trafikksituasjonen i området sommarstid. Vegvesenet rår til at ein bygg tunnel. Behovet for ev. tofeltstunnel må vurderast nærmare gjennom planprosessen. Ein tek med seg innspela til bruk av tunnemassar for vurdering i vidare planprosess. Sjå elles kommentar til merknad og Stiftinga Geirangerfjorden verdsarv Stiftinga Geirangerfjorden Verdsarv viser til at planområdet er ein del av verdsarvområdet Vestnorsk fjordlandskap Geirangerfjorden med omland og at areala er verna etter naturvernlova innanfor Geiranger-Herdalen landskapsvernområde. Rassikring på denne strekninga vert positivt motteke, og er viktig for å sikre busettinga og indirekte for ivaretaking av kulturlandskapet i Geirangerområdet. Stiftinga viser vidare til at det er svært viktig at det vert teke omsyn til landskapet ved valt løysing og ved bruk av tunnelmassane, og at prosjektet Grøn Fjord 2020 også omfattar ulike løysingar for trafikkutfordringane i Geiranger. Dette kan medføre nye behov for bruk av tunnelmasse. Stiftinga rår til at aktuelle løysingsalternativ etter kvart vert presentert for Verdsarvrådet. I planlegginga blir det teke høgde for verdsettinga området og delstrekninga har, både verne- og verdsarvstatus og oppleving av landskapet for den reisande. Når det gjeld innspel til bruk av tunnelmassar vert dette teke til vitande. Sjå elles kommentar til merknad , og Orientering til Verdsarvrådet vil bli gitt dersom ønskje om det Eidsdal Norddal sau og geit Eidsdal/Norddal sau og geit har ingen merknad på noverande tidspunkt, men ber om å vere part og haldast orientert om vidare planarbeid. Merknad teken til vitande Norddal bonde- og småbrukarlag Norddal bonde- og småbrukarlag hadde saka framme på årsmøtet, og vil henstille til at anlegg for rassikring blir halde utanom dyrka jord. Norddal bonde- og småbrukarlag ønskjer å verte orientert om den vidare prosessen. Merknad teken til vitande. 2.3 Merknader frå private Rune Maråk Rune Maråk ber om at det vert lagt til rette for mest mogleg trafikksikker tilkomst til parkeringsområdet på Korsmyra og til utfartsområdet vest for fv. 63, retning Haugset. Mars 2013 Side 4

6 Arealbruken for området på Korsmyra skal avklarast gjennom arbeidet med kommunedelplanen og seinare reguleringsplan. Det vil vere ei målsetting å legge best mogleg til rette for utfartsparkering også på vinterstid Aslak Vestein Klempe Aslak Vestein Klempe er grunneigar på gard nr. 64, bruk nr. 18, og viser til at dei er i ferd med å dyrke opp eit areal på om lag 4 mål. Dei ber om at dyrka jord på Indreeide blir halde utanom planområdet eller ikkje blir berørt av anlegget. Ei løysing med tunnel og tilkomstveg på austsida vil truleg ikkje kome i nærføring med dyrkamarka eller arealet til gbnr. 64/18, men det er tidleg å seie konkret no. Merknad førebels teken til vitande. Mars 2013 Side 5