Arealdelen av kommuneplanen for Lindås kommune ( ) - 1. gongs handsaming

Transkript

1 Arkiv: Saksmappe: Sakshandsamar: Dato: /3348 Vigleik Stusdal Utvalssak nr. Utval Møtedato 264/10 Plan- og miljøutvalet Arealdelen av kommuneplanen for Lindås kommune ( ) - 1. gongs handsaming Saksdokument vedlagt UTANOM INNKALLINGA: Planskildring m vedlegg: A. Plankart B. Føresegner C. Konsekvensutgreiing og arealvurderingar D. Risiko- og sårbaranalyse E. Område som ikkje er tekne med i planframlegget F. Temakart Saksdokument ikkje vedlagt: Innspel til planarbeidet Saksutgreiing: Forslag til ny arealdel av kommuneplanen er no utarbeidd, og plan- og miljøutvalet skal ta stilling til om planforslaget skal leggjast ut til høyring og offentleg ettersyn i samsvar med plan- og bygningslova Arealdelen av kommuneplanen får verknad for arealbruken på land og i sjø i dei delane av kommunen som ikkje er dekka av vedtekne eller påbyrja kommunedelplanar, dvs. Knarvik Alversund, Alverstraumen, Lindåsosane Lygra Lurefjorden og Lindåsneset med Mongstad. Plan- og miljøutvalet vedtok i møte den 5.november 2008, sak 235/08, å starte arbeidet med å rullere arealdelen til kommuneplanen for Lindås. I samsvar med forskrift om konsekvensutgreiing 6 vart framlegg til planprogram for kommunedelplanen lagt ut til offentleg ettersyn i perioden til Det vart samstundes meldt oppstart av planarbeidet. Planprogrammet for arealdelen av kommuneplanen for Lindås kommune vart fastsett med vedtak i plan- og miljøutvalet Planprosessen Plan- og miljøutvalet er styringsgruppe for planarbeidet. Det har vore 7 møte i styringsgruppa i løpet av 2010, der det eine var ei todagarssamling. Relevante fagområde i administrasjonen har vorte rådspurde og har fungert som kvalitetssikrarar av planarbeidet. Planforslaget har også vore oppe i regionalt planforum Innleiingsvis i arbeidet vart det òg halde 3 folkemøte i kommunen; Lindås, Ostereidet og Knarvik. I tillegg er det halde ei rekke møte med dei ulike fagområda i kommunen undervegs i prosessen, særleg i samband med utforming av føresegner. Plandokumenta er utarbeidd av Lindås kommune, areal- og miljøavdelinga. Det er utarbeidd planskildring, plankart, føresegner, konsekvensutgreiing (KU) og risiko- og

2 sårbaranalyse (ROS). Planforslaget som no ligg føre er eit resultat av utgreiingar, innspel, og politiske og faglege vurderingar. Innspel og siling (vedlegg E) I samband med høyring av planprogrammet og oppstart av planarbeidet kom det inn 291 innspel, både frå privatpersonar og offentlege høyringspartar. Dei fleste innspela gjeld endringar i arealbruk slik som naust, fritids- og turistføremål, bustader, fritidsbustader og næringsareal. Kommunen har òg kome med eigne forslag. Det er utført ei siling av innspela med tanke på kva område som skulle konsekvensutgreiast. Dette arbeidet er gjort saman med styringsgruppa utifrå ei fagleg vurdering og måla som er sett for planarbeidet. Oversikt over dei områda som ikkje er tekne med i planframlegget på grunnlag av silingsprosessen, er gitt i vedlegg E. Her går det òg fram kva vurdering som ligg til grunn for at innspela ikkje er tekne med vidare. Konsekvensutgreiinga er grunnlaget for kva område som er lagt inn i planforslaget. Nummereringa som er brukt på områda i KU refererer til innspelsnummeret. Dei områda som er tekne med i planforslaget har fått eit nytt områdenamn. Samanhengen mellom desse nummereringane går fram av tilrådinga som vert gjort til slutt i konsekvensutgreiinga, sjå tabell der. Konsekvensutgreiing (vedlegg C) For kommuneplanar som set rammer for framtidig utbygging, skal det i samsvar med plan- og bygningslova 4-2, utarbeidast ei særskilt vurdering og skildring av planen sine verknader for natur og samfunn, dette vert kalla konsekvensutreiing (KU). KU er sett saman av vurderingar av verdi, påverknad og konsekvens. Konsekvensane er oppsummerte til slutt og det er gitt tilråding om kva innspel som bør takast inn i planen og foreslått avbøtande tiltak der det er aktuelt for det vidare planarbeidet. ROS-analyse (vedlegg D) Ved utarbeiding av planar for utbygging skal det utarbeidast risiko- og sårbaranalyse (ROS) i samsvar med plan- og bygningslova 4-3. Målet med ROS-analyse er å etablere ei systematisk tilnærming til fare og framtidige uønska hendingar, slik at nødvendige risikoreduserande tiltak kan identifiserast og takast omsyn til. I ROS-analysen skal ein fastsetje akseptkriteria for risiko. Lindås kommune er i ferd med å utarbeide overordna ROS-analyse og akseptkriteria er vedtekne av kommunestyret i sak 3/10, Dei vedtekne akseptkriteria er lagt til grunn i ROS-analysen for dette planarbeidet. Sjå meir om metoden som er nytta i kap. 2 i ROS-analysen. Planskildring I planskildringa går det fram korleis kommunen har arbeidd fram dei juridisk bindande plandokumenta (plankart og føresegner). Her kan ein lese om bakgrunnen for planarbeidet, planprosessen og utfordringar slik dei er definerte i planprogrammet. Vidare er innspela, analysane og utgreiingane gjengjevne. Mål for arbeidet er presentert og dei tilrådde endringane i arealbruk er omtalt. Mål for kommuneplanen har komme fram gjennom ein prosess med utgangspunkt i planprogrammet, innspel, analysar og diskusjon i styringsgruppa. Det er sett følgjande mål for arealdelen av kommuneplanen i planprogrammet: Komme fram til utbyggingsmønster Forvaltning av strandsona Godt verktøy for sakshandsaming (tydelege føresegner) Med utgangspunkt i desse måla, har styringsgruppa kome fram til følgjande arbeidsmål / arealpolitiske mål som er lagt til grunn for arealvurderingane i planframlegget:

3 Fritidsbustader - Det skal leggjast til rette for små hyttefelt med gode kvalitetar i utkantane av kommunen. - Nye hytteområde skal ikkje koma i konflikt med viktige samfunnsinteresser. - Nye tomtar skal utgjere ein del av allereie etablerte eller nye hyttefelt. Bustader - Arealrekneskap som viser utbygde og ubygde tomter i godkjende bustadområde skal synleggjerast i arbeidet. - Nye bustadområde skal ha ei attraktiv lokalisering og skal knytast til eksisterande infrastruktur, skule, butikk med meir. - Større bustadområde skal lokaliserast langs aksane E 39 og RV 57, slik at dei styrker eksisterande senter (Ostereidet, Lindås og Knarvik/Alversund). - Grendene skal styrkast ved at det vert sett av område for bustadbygging, anten i mindre felt eller spreidd (LNFb). - Det skal leggjast opp til ein utbyggingspolitikk som reduserer trongen for transport og gjev grunnlag for sterkare satsing på kollektivtrafikk, sykkel- og gangtilhøva. - Arealdelen skal gje klare rammer for fortetting. - Areal til fysisk aktivitet og gang- og sykkelvegnett må ivaretakast i kommuneplanen. - Prinsippa om universell utforming skal innarbeidast i planen gjennom føresegner og retningsliner. Landbruks-, natur- og friluftsinteresser - Større, samanhengande friluftsområde og særleg viktige landskap og naturmiljø skal sikrast gjennom omsynssoner. - Det skal setjast av areal til universelt utforma badeplassar og stiar. Det skal setjast av tilstrekkeleg med parkering i tilknyting til offentlege badeplassar. - Landbruksinteressene skal ivaretakast gjennom kjerneområde landbruk (omsynssoner). - Det er viktig å synleggjere og sikre næringsutvikling knytt til landbruket. - Funksjonell strandsone skal fastsetjast langs Osterfjorden og ved alle byggeområde (nye og eksisterande). - Byggeforbodsgrense inntil 100 m frå vassdrag med natur-, frilufts- eller kulturverdi skal vurderast. Næring - Nye næringsområde skal ha ei attraktiv lokalisering og rom for framtidige utvidingar. - Større næringsområde skal lokaliserast langs aksane E 39 og RV 57 fortrinnsvis innafor 15 minutts kjøretid frå Knarvik. - Område nær djupvasskai skal prioriterast for næring. - Det skal sikrast at rett verksemd vert lokalisert på rett stad gjennom retningslinjer til arealdelen og ved regulering. - Planen skal definere handelsområde og skal eventuelt synleggjere område for etablering av kjøpesenter. Småbåthamner og naust - Det skal leggjast til rette for god tilgang til bruk av sjøområda i kommunen ved at det vert sett av område for småbåthamner og offentlege slippar. - Behovet for naustfunksjonar skal dekkast i tilknyting til småbåthamnene. Der tilhøva ligg til rette for det, kan det opnast for utviding/fortetting av eksisterande naustområde. - Ved regulering av naustområde og småbåthamner skal det sikrast god tilkomst, areal til parkering og tilstrekkeleg areal for ålmenta. Offentlege areal

4 - Det vert viktig å sikre at tilstrekkeleg areal i planen vert sett av til offentleg føremål som skule, barnehage, seniorbustader, omsorgsbustader, gravplassar m.m. Resultat av pågåande planarbeid vert implementert i kommuneplanen. Klima - Resultata frå kommunedelplan klima og energi skal implementerast i kommuneplanen. Støy - Der kommunen har kjent kunnskap skal støysoner kartfestast gjennom å vise raude og gule soner rundt alle viktige støykjelder. Det same vil gjelde for grøne soner, stille område. Barn og unge - Det er ynskjeleg at viktige areal for barn og unge vert kartlagt. Kart (vedlegg A) Plankartet er eit juridisk bindande dokument som skal fastsetje den framtidige arealbruken saman med føresegnene. Dette er den tredje arealplanen Lindås kommune har utarbeidd etter den nye plan- og bygningslova som kommune(del)plan. I den nye plan- og bygningslova er det mange endringar i høve tidlegare lov. Framtidig arealbruk er vist med sterkare farge enn eksisterande arealbruk (motsett frå tidlegare). Det er lagt på omsynssoner med skravur over område der særskilde omsyn må takast i samband med arealbruken. Det er særleg endringane om byggjegrenser mot sjø, også i eksisterande byggjeområde, som har kravd mest tid å få på plass. Nye arealføremål har fått ein kode av ein bokstav og eit tal, som ein òg kan finna att i tabellen bak i konsekvensutgreiinga. Det er langt meir informasjon i plankartet no enn tidlegare, og kartet er difor svært vanskeleg å lese som utskrift i 1: Det vert difor tilrådd at pdf-dokumentet vert nytta. Det er verdt å merke seg at etter den nye lova er føresegnene langt viktigare enn før, og det er nødvendig å lese føresegnene grundig for å forstå kartet i sin heilskap. Føresegner (vedlegg B) Arbeidet med føresegnene har teke utgangspunkt i føresegnene som vart utarbeidde til kommunedelplan for Lindåsneset med Mongstad (vedteken ) og kommunedelplan for Lindåsosane, Lygra og Lurefjorden (under arbeid). Begge desse er utarbeidd etter ny planlov. Det er eit mål for kommunen å ha mest mogleg likelydande føresegner på kommuneplannivå i heile kommunen. Uarbeiding av føresegner til planane er difor sett i samanheng. Det vil alltid vere ein vanskeleg balansegang mellom kor detaljerte føresegnene skal vere og kor fleksibel planen skal verte. Det har vore viktig å gjennom planprosessen få fram kva føresegnene skal løyse, slik som god og heilskapleg arealutnytting og kvalitet og rekkefølgje i utbygginga. Dette har så vorte sett inn i det juridiske rammeverket. Det er eit mål at føresegnene skal vere presise og lette å finne fram i. Ny arealbruk Bustader Det er i framlegget til ny arealdel av kommuneplan for Lindås kommune lagt inn totalt ca. 434 dekar til bustadområde. I samsvar med målsetjingane om å styrke eksisterande senter, er ca. 177 dekar av dette arealet på Lindås i nær tilknyting til senteret og eksisterande busetnad. Lagt til grunn ein tomtestorleik på gjennomsnittleg 750 m² per bueining, vil dette totalt gje ca. 600 nye bueiningar i planområdet. Då tek ein med areal som vil verta regulert til grønstruktur, vegareal og andre tilhøyrande funksjonar i byggjeområda. Når ein legg befolkningsprognosane til grunn (det er venta ein

5 befolkningsauke på ca fram til 2022), og ein veit at ein del av områda som er sett av til bustadføremål i eksisterande arealdel neppe vert aktuelle å realisere, meiner vi dette samsvarer godt med behovet. Det har i denne rulleringa ikkje vore aktuelt å ta ubygde byggjeområde, som ligg i gjeldande plan, ut av planen. Dette sjølv om dei neppe vil la seg realisere. Dette heng saman med at dette ikkje er skissert i planprogrammet, og ein ønskjer ein skikkeleg prosess rundt dette, med betre moglegheiter for medverknad frå dei det gjeld. Gjennomgang av desse områda vil truleg verte tema ved neste rullering av planen. Fritidsbustader Det er lagt til rette for mindre område for fritidsbustader i tilknyting til eksisterande eller planlagde område, der det ikkje kjem i konflikt med natur-, bustad- og næringsinteresser eller andre viktige samfunnsinteresser. Lindås kommune har svært mange hytter frå før, og er ein av dei store hyttekommunane i fylket. Det er først og fremst den lange strandsona og den attraktive skjergarden som har gjort kommunen interessant for hytter, og dette har medført at mykje av den mest tilgjengelege strandsona er privatisert. Ein god befolkningsauke og generell vekst i kommunen, medfører også at mange fritidsbustader er ønska omdisponert til bustader og det er fleire stader konflikt mellom bustad- og fritidsbustadinteresser. Dette gjer at ein har vore restriktive med å setje av nytt areal for fritidsbusetnad. Til saman 45 dekar vert sett av til fritidsbusetnad, men ein del av dette arealet omfattar eksisterande hyttetomter som allereie er bygd på. Tenesteyting Det er sett av areal til utviding av skulane på Ostereidet, Eikanger, Myking og Seim. Areal for utviding av Lindås barneskule inngår i kommunedelplan for Lindåsosane, Lygra og Lurefjorden. Det er òg sett av areal til utviding av Ostertunet og Lindås bu- og servicesenter. Eksisterande barnehage på Ostereidet og regulert barnehage på Seim er òg tekne inn i planen. Til saman er 128 dekar sett av til offentleg eller privat tenesteyting. Fritids- og turistføremål Det er sett av eit areal til fritids- og turistføremål på Fanebust på ca. 4 dekar. Det er òg sett av to LNF-område der spreidde næringsbygningar er tillate, sjå under LNF-område. Næringsområde I arbeidet med dette planforslaget har det vore viktig å finne nye næringsareal langs E39 og FV57, slik at ny næringsverksemd kan trekkast til kommunen. Det er stort behov for næringsareal i Bergensregionen, og det er difor føreslått lagt ut vel 1000 dekar til næringsføremål. Dei største areala er Eikanger, Eidsnes, Åse og Kjevikdalen. Eidsnes er teke med blant anna fordi her er tilgang på djupvasskai. Sentrumsføremål Eit areal på ca. 43 dekar på Lindås er sett av til sentrumsføremål. Dette er ein arealbrukskategori der alle byggje- og anleggstiltak i utgangspunktet er tillete, med mindre anna går fram av føresegnene. I føresegnene står det at det ikkje er tillete med industri eller lager i området. Ei nærare avklaring av arealbruken vil verte gjort i områderegulering, som det er stilt krav om i føresegnene. Råstoffutvinning Eksisterande område for råstoffutvinning på Eikefet er utvida med vel 500 dekar. Dette området ligg innafor eksisterande reguleringsplan, men det er ikkje opna for uttak i desse områda. Det har vore viktig å få avklart rammene for utviding av anlegget på overordna plannivå, slik at reguleringsplanen kan drøfta dette nærare.

6 Idrettsanlegg Det er teke inn tre nye idrettsanlegg i planframlegget. Det eine er eksisterande lysløype på Hopsdal, der det også er lagt inn utvida parkering. Det har vore vurdert som viktig å få sikra rammene for dette anlegget, som er svært mykje i bruk i snørike vintrar. Det er teke inn eit motorsportanlegg i Kjevikdalen. Dette ligg inntil eksisterande skytebane og framtidig industriområde. Dette er ei samlokalisering som vert rekna som gunstig. Det vil vere svært få bustader som vil verte utsette for støy med eit anlegg her, og slik sett er lokaliseringa god. I tillegg er området lett tilgjengeleg langs FV57. Det vert sett av eit luftsportanlegg på Erstadfjellet. Det er her planar om ei graskledd flystripe til bruk for luftsport. Lokaliseringa har negative verknader for friluftslivet, og området er då òg sett av med omsynssone for friluftsliv. Etter dei vurderingane som er gjort, vil ein sambruk vere mogleg. Det vert føresett at det vert sett klåre grenser for bruken i samband med regulering av området, slik at verknadene for friluftslivet vert på eit akseptabelt nivå. Hamn kai Det vert teke inn areal for kai på Leknes, Fanebust, Festo, Myksvoll, Eikanger og Sævråsvåg. Alle desse er i bruk frå før, og representerer difor ikkje ny arealbruk. Parkering Det er sett av nye areal til parkering på Fyllingsnes (lastebilparkering ved bensinstasjon), Sauvågen (lastebil- og bubilparkering), Hjelmås (nær kyrkja), Hopsdal (lysløypa), Skodvin (ved skulen/idrettsanlegget) og på Ostereidet (eksisterande parkering ved barnehagen/kyrkja). Kombinert føremål Det er sett av eit mindre areal til kombinert føremål næring/bustad på Seim. Området er frå før i slik bruk. Grønstruktur Det er sett av areal til grønstruktur på Lindås og Seim. Området på Seim er ein markert høgde som ligg ubygd blant stort sett bygde område, og vil blant anna kunna brukast til uorganisert leik. På Lindås er det sett av eit større og eit mindre område i tilknyting til nye byggeområde, og som skal inngå i områderegulering. Det er òg sett av eit areal ved gravplassen (tidlegare næringsareal) som ikkje har krav om områderegulering. Det er sett av eit areal til friområde i Dyrkolbotn, som skal sikre det mest brukte arealet ved Botnavatnet. Hovudveg Det er sett av areal for ny sambandsveg på Lindås som avlastingsveg for Lindåsbrekka. Vegen er lagt inn i to alternativ, der det eine går utanom dyrka mark. Vegen er av stor tyding for trafikktryggleiken i området. Det er teke inn rekkefølgjekrav i føresegnene, som sikrar at vegen vert bygd før ny bustadbygging i området. Gang- og sykkelveg Det er teke inn gang- og sykkelveg mellom Lindås og Mongstad, på Seim (frå skulen og eit stykke nordover) og på Ostereidet (frå senteret og i retning skulen, der det manglar). Det er teke inn rekkefølgjekrav for gang- og sykkelveg på Seim, Ostereidet og Lindås, som sikrar at dei vert bygd før nye bustader vert tilletne i området. Avløpsanlegg I Dyrkolbotn er det sett av eit mindre areal til avløpsanlegg for Dyrkolbotn fjellstove. Lokalturveg

7 Det er sett av ein turveg på vestsida av vatnet i Dyrlkolbotn, som skal kunne tilretteleggast for bruk av hestar og rullestolar (gruslagd turveg). Det går ein sti i området frå før. Akvakultur Eit godkjend område for akvakultur ved Nesfossen vert teke inn i plankartet. Delar av anlegget ligg inne frå før, og utviding som no blir teken inn er godkjend gjennom dispensasjon. Landbruks-, natur- og friluftsområde (LNF) LNF-områda vert i hovudsak oppretthalde som i gjeldande kommuneplan. Nødvendige tiltak for landbruk er tillate. Noko areal går over frå LNF med opning for spreidd busetnad til rein LNF. Dette heng saman med at fleire LNF-område med opning for spreidd busetnad har fått endra avgrensing, ved at dei er trekt ut av strandsona og bort frå dyrka mark, der det uansett ikkje ville ha vore lov å bygge. Det er lagt ut 5 nye område for spreidd busetnad; Eidatrædet, Vabø, Jordal, Eikeland og Høyland. I tillegg er det opna for nye bustader i 4 område; Askeland, Bjørge, Fyllingen og Hundvin. Til saman er det opna for 24 nye bustader i desse områda. I tillegg vert alle eksisterande område vidareført, slik at det skal vere lov til tilbygg og liknande utan dispensasjon. I ein del av områda vert det ikkje opna for nye bueiningar. I områda Erstad, Fosse, Eikanger og Eknes har utbygginga no blitt så stor at det ikkje er ønskeleg med meir spreidd busetnad. I området Fyllingen nord, er utfordringane knytt til trafikktryggleik og kulturlandskap for store til at det er ønskeleg med fleire hus. Samla vert det opna for 53 bustadeiningar i område for spreidd busetnad. Dette skal vere med på å oppretthalde busetnaden i desse bygdene. Føresegnene sikrar at ei slik utbygging ikkje skal gå utover landbruksdrifta i områda. I Dyrkolbotn og på Spurkeland vert det lagt ut område for spreidd næringsverksemd. Dette dreier seg om areal kring verksemder som allereie er etablert, og som er av stor tyding for grendene dei er lokalisert i. Det er difor viktig å sikre desse verksemdene fleksible nok rammer til at dei kan utvikle drifta i åra som kjem. Begge stadene vil det verte tillate med overnatting og servering. Føresegnene fastset kor mange bygningar og kor stort areal som kan byggjast ut, slik at behovet for styring av verksemdene skal vere ivareteke. Dette er naudsynt, då det ikkje er krav om reguleringsplan. Bruk og vern av sjø og vassdrag med tilhøyrande strandsone Det meste av sjøområdet er sett av til bruk og vern sjø og vassdrag med tilhøyrande strandsone. Dette er eit hovudføremål som omfattar mange delføremål. Av føresegnene går det fram at område skal nyttast til ferdsel, fiske, natur- og friluftsliv. Dei fleste av eksisterande område for akvakultur er vidareført. Det er gjort justeringar av enkelte av anlegga, slik at dei samsvarer med den verkelege plasseringa, noko som er gjort ved hjelp av ortofoto frå På strekninga Padøy Romarheim er 7 område for oppdrett av skaldyr tekne ut av planen, då lokalitetane ikkje lenger er i bruk og neppe vil bli det. Det vert sett som uheldig at det ikkje vert rydda opp etter at drifta har teke slutt, og ein ønskjer ikkje at næringa vert teken opp igjen i dette fjordområdet, som er av stor verdi for landskap og friluftsliv. Andre område i eksisterande arealdel vert vidareført, slik som låssetjingsplassar, trålfelt og gyteplassar. Det er innhenta informasjon frå Fiskeridirektoratet for sørgje for at desse områda er oppdaterte. Natur- og friluftsområda er òg vidareført. Friluftsområde

8 Det er teke inn eitt nytt friluftsområde, dette gjeld Fossebrygga på Ytre Fosse, etter innspel frå privatpersonar. Badeplassar Det har vore eit ønske om å få sikra dei mest brukte badeområda i kommunen, slik at presset for utbygging og arealkonfliktane blir dempa. Det er difor sett av ca. 107 dekar til badeområde. Det er verd å merke seg at sjølv om eit område vert sett av til friluftsområde badeplass, seier ikkje dette noko om kven som eig eller skal eige området. Det er teke inn 13 nye badeområde i arealdelen, og alle desse er område som er svært eigna eller som frå før er i bruk til føremålet. To område, Nautevågen og Vabø, er òg blitt tilrettelagd med parkering. Badeområdet i Nautevågen er tilrettelagd for universell utforming. Småbåtanlegg Det har vore eit mål for planarbeidet å gje befolkninga eit betre tilbod av småbåthamner, då det er stor etterspurnad etter båtplassar i kommunen. Bruk av sjøen er ein populær fritidsaktivitet både for fastbuande og hyttefolk. Til saman er det føreslått sett av eit areal på ca. 178 dekar til småbåtanlegg fordelt på 23 lokalitetar, og dette gjeld både arealet i sjø og på land. Ein del av dette arealet omfattar allereie etablerte anlegg, slik at talet på nye båtplassar er noko lågare enn det først kan sjå ut til. Dei nye småbåtanlegga er lokalisert i områda Romarheim, Vikanes, Bjørsvik, Stranda, Åsgard/Hindenes, Eknes, Hillesvåg, Kløve, Myking, Vabø, Fanebust, Lauvås/Rossnes, Nesse, Feste, Nappane og Skardsvågen. Det er slik ei god fordeling rundt i kommunen. Det er krav om reguleringsplan for alle småbåthamnene, med unntak av Romarheim og Vikanes. Naust Når det gjeld naust, er det ønskjeleg at dette behovet først og fremst vert dekka i samband med småbåthamnene. Det er likevel sett av nokre nye areal til naust (friluftsområde naust), då først og fremst som utviding av eksisterande område. Til saman dreier dette seg om ca. 23 dekar, der ein del av arealet frå før er bygd med eldre naust. Det er krav om reguleringsplan for naustområda, og føresegnene fastset rammer for utforminga av naust. Omsynssoner I arealdelen av kommuneplanen er det no lagt inn omsynssoner for fleire tema. Dette er eit nytt verkemiddel i plan- og bygningslova for å vise omsyn og restriksjonar som har tyding for bruken av areal. Det kan knytast føresegner til omsynssonene, med unntak av sone c, sone med særlege omsyn til landbruk, reindrift, friluftsliv, grønstruktur, landskap eller bevaring av naturmiljø eller kulturmiljø. Når det gjeld sone c, er det teke inn omsynssone for landbruk (kjerneområde landbruk) basert på kartlegging utført av Fylkesmannen i samarbeid med kommunen sitt landbrukskontor. Det er teke inn omsynssoner for friluftsliv, basert på den regionale kartlegginga av friluftsområde og ei lokal prioritering av kva område som er viktigast. Fleire registrerte friluftsområde er ikkje tekne med, blant anna fordi dette vil gje inntrykk av at alle områda er av like stor verdi. For mange omsynssoner vil også gjere kartet lite leseleg. Nedslagsfelta for drikkevatn er vist med sikringssone. Det er lagt inn faresone langs høgspentliner og der det er brann- og eksplosjonsfare knytt til farleg verksemd. Område som er bandlagt etter andre lover, er vist med bandleggingssone. Dette gjeld Eikefetvassdraget (verneplan II), automatisk freda kulturminne og område verna etter naturvernlova.

9 Alle godkjente reguleringsplanar skal framleis gjelde, og desse er vist med omsynssone. Dette er naudsynt for at dei skal gjelde framfor arealdelen av kommuneplanen, som elles ville gå framfor tidlegare vedteken arealbruk. Det er meininga at støysone skal visast langs E39 og FV57. Data for dette er ikkje motteke frå Statens vegvesen enno, men det vil bli teke inn i plankartet så snart det er tilgjengeleg. Dette er ei sone som viser stipulert støybelastning for bustader og andre funksjonar nær vegane, og vil gje eit tydeleg signal for vidare planlegging om at det må takast særlege omsyn for å få tilfredsstillande støytilhøve ved bygging i områda. Byggjegrense mot sjø og funksjonell strandsone Det er fastsett funksjonell strandsone langs Osterfjorden (frå Mundal til Molvik), basert på synfaring av heile strekninga både frå land og sjø samt orto- og skråfoto. I LNF-områda er funksjonell strandsone vist som retningsgjevande, det vil seie ei line som ikkje er juridisk bindande. Lina vil vere nyttig i handsaminga av enkeltsaker, til dømes dispensasjonar. For ein del holmar er heile arealet omfatta av funksjonell strandsone. Her er lina naturleg nok ikkje vist, men av retningslinene går det fram at dei ligg i funksjonell strandsone. Den funksjonelle strandsona er brukt som grunnlag i konsekvensutgreiinga for å avgrense nye byggjeområde. Der nye byggjeområde går nærare sjøen enn 100 m, er det fastsett ei juridisk bindande byggjegrense i samsvar med PBL 1-8. Denne går fram av kartet. Også i nye byggjeområde utanfor dei områda der funksjonell strandsone er kartlagd, er det sett av byggjegrense mot sjøen. Det er då brukt same metodikk som langs Osterfjorden. I dei eksisterande byggjeområda, som er vidareført frå gjeldande kommuneplan, må det også setjast byggjegrense dersom det ikkje er reguleringsplan i området. I planarbeidet er alle desse områda gått gjennom, og ny byggjegrense er sett. Byggjegrensa er lagt etter terrenget, og i mange tilfeller i vegglivet på eksisterande bygningar, slik at desse skal kunna utbetrast og mindre tiltak på eigedomane vil vere tillate bak eksisterande bygg. I område som er sett av til bruk og vern av sjø og vassdrag, med tilhøyrande strandsone, er det ofte òg aktuelt med byggjetiltak (gjeld særleg område sett av til småbåthamn og naust). Desse områda ligg gjerne heilt ned til sjøen, og her er byggjegrensa for småbåthamner sett rundt føremålsgrensa, medan byggegrensa for naust er trekt 2 m opp frå sjøen for å sikre passasje for ålmenta framom. Det vil i nokre av områda som er aktuelle for slik tilrettelegging vere krav om reguleringsplan, denne vil detaljere plassering av byggjetiltaka med ny byggegrense. Fastsetjing av funksjonell strandsone langs vassdrag er ikkje prioritert i denne planomgangen. Det er ingen byggeområde ned til vassdrag i planområdet. Føresegnene fastset at det nærare vassdrag enn 50 meter frå strandlina ikkje kan setjast i verk andre tiltak etter PBL 1-6 enn fasadeendringar. Temakart (vedlegg F) Omsynssone for naturmiljø (verdfulle naturtypar og leveområde for artar) er ikkje teke med i plankartet, slik at det ikkje skal verte for vanskeleg å lese. Dette vert i staden synt i eit eige temakart. Lindås kommune har eit stort spekter av landskapstypar, noko som må takast omsyn til ved planlegging og handsaming av enkeltsaker. Landskapstypar vert synt i temakartet, og er basert på grunnlagsmateriale frå NIJOS. Ein kan lese meir om den nye arealbruken i kapittel 5 i planskildringa, og sjå KU- og ROS-vurderingane for kvart enkelt område i vedlegg C og D.

10 Vurdering: Planprosessen Arbeidet med arealdelen av kommunedelplan for Lindås kommune har gått over lang tid, men kom ikkje skikkeleg i gang før i januar 2010, med unntak av arbeidet med planprogram som var utarbeida og vedteke eit år i førevegen. Det har likevel vore opna for innspel allereie i 2007, slik at mange har venta lenge på å få sine forslag vurdert. Dei siste innspela som er vurdert i planen er mottekne så seint som sommaren Administrasjonen meiner at planforslaget som no vert lagt fram har vore gjennom både fagleg kvalitetssikring og politiske vurderingar. Arbeidet med mål har vore viktig for å ha eit utgangspunkt for tilrådingane i planen. Høyringa vil syne i kva grad ein har klart å nå dei måla ein har sett seg, og korleis planen treff ut frå regionale og nasjonale målsetjingar. Mål Hovudmåla for planarbeidet har vore å kome fram til eit gunstig utbyggingsmønster i kommunen, forvaltning av strandsona og å få til ein plan som med plankart og føresegner gjev eit godt grunnlag for sakshandsaminga og ønska politisk styring. Desse målsetjingane er ytterlegare spesifisert i arbeidsmåla referert over. Etter administrasjonen si vurdering er både målsetjingane for planarbeidet og arbeidsmåla i svært stor grad nådd gjennom planprosessen. Det er valt eit utbyggingsmønster som skal byggja opp under eksisterande senter, definert som Ostereidet, Lindås og Knarvik/Alversund, og langs infrastrukturaksane E39 og FV57. Det vert slik lagt opp til eit utbyggingsmønster som styrker grunnlaget for kollektivtrafikk og bruk av gang- og sykkelveg og som styrer ny bygging til areal der det er inngrep frå før. Dette er eit både klima- og naturvenleg utbyggingsmønster. I tillegg er det lagt opp til at busetnaden i grendene skal kunne styrkast. Dette er gjennomført på ein slik måte at det ikkje vil kome nye, store satellittfelt, men i staden ei forsiktig utviding av eksisterande bustadområde. Strandsoneomsyn er godt ivaretekne gjennom kartlegging av funksjonell strandsone langs Osterfjorden. I tillegg er det sett av ei rekke område til friluftsliv (badeområde) i strandsona. Det vert sett av eit lågt tal nye naustområde, då det vert lagt vekt på at slike funksjonar helst skal løysast i samband med ei småbåthamn. Det er sett av småbåthamner i dei fleste delar av kommunen, slik at det skal vere eit brukbart tilbod og slik at nye inngrep i strandsona kan styrast til desse områda. Planen er difor relativt godt i samsvar med nasjonal strandsonepolitikk, og særleg viktige område for lokalbefolkninga er sikra. Både plankart og føresegner er utarbeidd etter den nye plan- og bygningslova, noko som gjorde at ein full gjennomgang av føresegnene vart naudsynt. Dette har gjort at ein no har eit forslag til føresegner som er av ein heilt annan kvalitet enn eksisterande føresegner. Det er mindre rom for ulike tolkingar, og ein har innført meir tydelege krav til regulering og til byggetiltaka. Administrasjonen meiner det nye plankartet og dei nye føresegnene gjev eit godt styringsgrunnlag. Ny arealbruk I planprosessen har ein vore særleg opptatt av å finne tilstrekkeleg areal til næring og for småbåthamner, då det har vore eit skrikande behov etter slike funksjonar. Dette har resultert i at det vert føreslått fleire nye næringsareal som har attraktiv lokalisering og storleik, og som ein meiner i stor grad vil imøtekome behovet. Til saman er det som nemnt sett av vel 1000 dekar nytt næringsareal. Når det gjeld småbåthamner, har det

11 diverre ikkje kome inn så mange innspel som ønskeleg. Ein har likevel fått til ei fordeling av slike anlegg som vil dekke iallfall delar av behovet dei fleste stader i kommunen. For bustader, er det som nemnt teke inn eit areal på ca. 434 dekar, noko som etter administrasjonen si vurdering vil dekke behovet fram til neste rullering. Samstundes vert det ikkje lagt ut så mykje areal at dei ulike byggeområda vil undergrave kvarandre. Dette er viktig for å sikre ei sunn utbygging i kommunen og for å sikre at ønska utbyggingsmønster faktisk vert gjennomført. ROS-analysen har avdekka at brannberedskapen i Ostereidet-området ikkje er god nok, og at sannsynet for brann vil auke som følgje av føreslått ny utbygging. Hendinga er hamna i raud kategori, der tiltak skal gjennomførast. Det vert tilrådd at brannberedskapen vert styrka ved ei framskutt eining på Ostereidet eller ved oppretting av bistasjon. Det er ikkje føreslått teke inn rekkefølgjekrav om dette, og det vert i staden vist til arbeidet med brannordninga for oppfølging av dette. Det er gjort ein del mindre, i hovudsak tekniske, justeringar i planen frå siste møte i styringsgruppa. Dette vil verte gått gjennom i møtet. Administrasjonen syner elles til plandokumenta, og rår til at planforslaget vert lagt ut til høyring og offentleg ettersyn slik det ligg føre. Vurdering av miljøkonsekvensar: Miljøkonsekvensar er vurdert i konsekvensutgreiinga. Rådmannen gjer slikt framlegg til vedtak: Arealdelen av kommuneplanen for Lindås kommune ( ), planforslag datert med vedlegg, vert med heimel i plan- og bygningslova 11-14, lagt ut til høyring og offentleg ettersyn. Høyringsperioden vert sett til 8 veker frå kunngjeringsdato. Det skal haldast folkemøte på Lindås, Ostereidet og i Knarvik i høyringsperioden. Handsaming i Plan- og miljøutvalet Rådmannen delte ut fylgjande tillegg til det utsendte framlegget til vedtak: Akvakulturlokalitetane vert justert i høve til eksisterande situasjon før planen vert sendt på høyring. Støysoner langs Europa- og fylkesvegane vert tekne inn i plankartet og føresegnene før planen vert sendt på høyring. Sakshandsamar Vigleik Stusdal orienterte om saka. FrP & KrF innspill til planfremlegg: Bustader: Innspill, 208, 276, Åpne for liten utvidet bebyggelse rundt Eknesvågen. Spredt bebyggelse (eneboliger) er passende i dette området avgrenset av funksjonell strandsone mot sjø. Framlegget vart vedteke mot 3 røyster (Bognøy-Ap, Stusdal-Sp og Svendsen-Sv) Gbnr 233\89 tas inn som boligeiendom. Framlegget vart samrøystes vedteke.

12 Småbåthamner og naust: Innspill 6.278, Øvrås må inkluderes (flytebrygge). Det er naturlig tilkomst til området, samt veirett ned til arealet. Søker har båtstø fra gammelt av. Problemer med å feste båten ved høyvann. Framlegget vart vedteke mot 1 røyst (Svendsen-Sv) Innspill 121, Fuglevika: utvikling av eksisterende naust område er naturlig her. Framlegget vart vedteke med 5 røyster (mot Bognøy-Ap, Svendsen-Sv, Stusdal-Sp og Vassdal-Sp) Framlegg frå G.Stusdal-Sp Vil ha med at det kan verta litt spreidd bustadområde på Eikanger, 4 stk.bustadeiningar. Framlegget vart samrøystes vedteke Framlegg frå T.Svendsen-Sv Låssetningsplassane: Storleiken på desse må vurderast og diskuterast med fiskerimyndigheitene for at desse ikkje vert unødvendig store i areal. Framlegget vart samrøystes vedteke Framlegg T.Svendsen-Sv Endring av føresegner Pkt 8.7 fellesnaust i rekkje Pkt som skal godkjennes av bergmestere. Framlegget vart samrøystes vedteke. Rådmannen sitt framlegg til vedtak, med utdelt tilleggsframlegg, vart samrøystes vedteke. Vedtak i Plan- og miljøutvalet Arealdelen av kommuneplanen for Lindås kommune ( ), planforslag datert med endringer som vedtatt i PM møte 8. desember 2010 samt vedlegg, vert med heimel i plan- og bygningslova 11-14, lagt ut til høyring og offentleg ettersyn. Høyringsperioden vert sett til 8 veker frå kunngjeringsdato. Det skal haldast folkemøte på Lindås, Ostereidet og i Knarvik i høyringsperioden.