Formannskapet. Tilleggsinnkalling

Transkript

1 Finnøy kommune Formannskapet Tilleggsinnkalling Møtedato: Møtestad: Formannskapssalen Møtetid: Kl. 09:00 Utvalsmedlemene vert med dette kalla inn til møte. Varamedlemene møter berre etter særskilt innkalling. Den som har lovleg forfall, eller er ugild i nokon av sakene, må melda frå så snart råd er på tlf eller på e-post: politisk.sekretariat@finnoy.kommune.no Korrigering av oppmeldte saker: Sak 116/16 og 117/16 skal vidare til kommunestyret. Sak 107/16 skal ikkje vidare til kommunestyret. Det er kome inn eit innspel frå legeforeninga som vedlegg til sak 109/16. Sak om regionreform kjem i eiga tilleggsutsending. Finnøy Henrik Halleland ordførar Randi-Merete Lode politisk sekretær

2 Sakliste Sak nr. Saktittel 119/16 Lokal forskrift om påslipp av olje- og fettholdig avløpsvatn 120/16 Ny slamavskiljar Judaberg - lokalisering 121/16 Strategisk plan for fergekaier i Rogaland - framlegg til uttale Side 2 av 10

3 Saksframlegg Sakshandsamar Arkiv JournalpostID Lars Terje Meland K2 - M30, K3 - &00 16/8125 Saksnr Utval Dato 150/16 Forvaltningsstyret /16 Formannskapet Kommunestyret Lokal forskrift om påslipp av olje- og fettholdig avløpsvatn Vedlegg 1. 1.gongsbehandling olje 2. Forskrift om påslipp av olje og fett 3. Høringsparter Forskrift om påslipp av olje- og fettholdig avløpsvann Forslag til vedtak frå rådmannen: Felles lokal «Forskrift om påslepp av olje- og fettholdig avløpsvatn for Time, Strand, Rennesøy, Finnøy, Kvitsøy og Hjelmeland kommune» blir vedteken slik den ligg føre. Forskriften trer i kraft frå Finnøy Helene M. Ohm rådmann Saksopplysningar Dette er 2.gongsbehandling av forslag til ny felles lokal "Forskrift om påslepp av olje- og fettholdig avløpsvatn, Time kommune, Strand kommune, Rennesøy kommune, Finnøy kommune, Kvitsøy kommune og Hjelmeland kommune". Intensjonen med forskriften er å ivareta kommunen sitt ansvar etter kapittel 15 i forurensningsforskriften. Forslag til ny lokal forskrift har vore ute på høyring i perioden Det er ikkje kome inn eksterne merknader eller kommentarar til forskriften i høyringsperioden. Internt har vi fått inn eit innspel som nå er innarbeida i lokal forskrift som er vedlagt saka. Desse endringane er av mindre vesentleg art og omfang, og administrasjonen føreslår derfor at lokal forskrift med innarbeida endringar blir vedtatt og gjort gjeldande frå Vurdering Forslag til ny felles lokal "Forskrift om påslipp av olje- og fettholdig avlåpsvann" for Time, Strand, Rennesøy, Finnøy, Kvitsøy og Hjelmeland kommune" blei vedtatt lagt ut til offentleg ettersyn i sak 054/16 den av Forvaltningsstyret i møtet den Side 3 av 10

4 Det er gjennomført felles høyring i perioden til Høyringa er annonsert på heimesidene i dei ulike kommunane samt i avisene Aftenbladet( ), Bygdebladet ( ), Jærbladet( ),Strandbuen( ) og Øyposten ( ). Høyringsdokumenta blei vidare sendt til relevante aktørar og organisasjonar, sjå vedlagt adresseliste. Det er ikkje kome inn merknader eller kommentarar i løpet av høyringsperioden. Det er kome inn eit internt innspel som er knytt opp til klargjering av krav til tøming av feittutskiljar. Denne endringa er innarbeida i føresegna som er vedlagt. Endringar i forhold til høyringsutkastet: Internt har vi fått innspel om at tekst i forskriften kan oppfattast uklar ved opplisting av krav til intervall av tøming av feitutskiljarar. I 13 er det sett krav om at utskiljaren skal tømast før feitlaget utgjer 25% av volumet i utskiljaren, medan det i kommentarane til krava er oppgitt at utskiljar utforma etter Norsk Standard skal tømast før feitlaget utgjer 15% av volumet. Skilnaden skuldast ulike dimensjoneringskrav til feitutskiljar etablert før NS1825 blei gjort gjeldande og for anlegg bygd etter dette. Tekst i 13 er omarbeida i det endelege forslaget og er nå tydeleg og lett å forstå. Overgangsordningar: I føresegna heiter det at "pålipp etablert før ikrafttredelse av denne forskriften for olje- og/eller fettholdig avløp, som skal økes vesentlig, er tillatt i dag i den grad dette følger av forurensningsforskriften Virksomheten må derimot innrette seg etter det nye regelverket innen 1.januar 2018". Eksisterande anlegg med påslepp skal likevel retta seg etter krav i forskrift om dokumentasjon frå Konklusjon Rådmannen i Finnøy kommune rår til at forslag til ny " Forskrift om påslipp av olje- og fettholdig avløpsvann, Time kommune, Strand kommune, Rennesøy kommune, Finnøy kommune, Kvitsøy kommune og Hjelmeland kommune" blir vedtatt og gjort gjeldande frå Side 4 av 10

5 Saksframlegg Sakshandsamar Arkiv JournalpostID Lars Terje Meland K2 - M30 16/8126 Saksnr Utval Dato 120/16 Formannskapet Kommunestyret Ny slamavskiljar Judaberg - lokalisering Vedlegg 1. Lokalisering ny slamavskiljar Judaberg Forslag til vedtak frå rådmannen: Kommunestyret vedtek at ny slamavskiljar skal plasserast på Judaberg, ved eksisterande lokalisering. Budsjettkonsekvensar knytt til forslaget vil blir framlagt i sak om budsjettregulering første halvdel Finnøy Helene M. Ohm rådmann Saksopplysningar Prosjektet med ny slamavskiljar for Judabergområde ligg inne i økonomiplanen med 14Mkr. inkl mva, som skal dekkje forprosjekt, prosjektering og bygging. (KS-sak 090/14) Historikk: Denne saka har vore gjennom mange rundar med vurderingar og handsamingar, både når det gjeld behov, økonomi og lokalisering. KS- sak: 058/12: Økonomiplan , vedtatt ramme på 4,5 Mkr utan kvalitetsikring av talla. KS- sak: 09/14: Ny utarbeida plan av IVAR iks der ein såg på framtidig lokasjon av ny slamavskiljar. Alternativ lokalisering på Hauskjeneset vart anbefalt, og kostnadsramme vart vedtatt auka til 14Mkr. Vedtaket i KS sak 09/14 vart effektuert og forprosjektet vart starta opp. Ein fann snart ut at ein flytting av slamavskiljaren til ny lokasjon på Hauskjeneset ikkje var heilt uproblematisk. Det vart difor fort konkludert med at både etablering av pumpeleidning i sjø og framtidige driftskostnadar for pumpestasjon var element som måtte vurderas nøye før ein starta sjølve prosjekteringa. I tillegg Side 5 av 10

6 måtte ein sjå nærare på dei framtidige økonomiske konsekvensane dette prosjektet ville få for gebyrutviklinga for avløpsabonnentane. Desse vurderingane er no gjennomført, og resulterte i ny behandling av saka i formannskapet tidlegare i haust, jf. FSK-sak 073/16. Utredning frå IVAR, juni 2016, var vedlagt saka. I saka vart dei to lokaliseringsalternativa vurdert, inkl. anleggskostnader og gebyrutvikling. Konklusjonen i ny utredning vart at ein nå anbefalte ein oppgradering/utskifting av dagens slamavskiljar på Judaberg, dette alternativet vil gi ca. 5,5 mill. rimeligare anleggskostnader, og i følgje utredninga bli ca. 10 mill. rimeligare når man reknar kostnadane over 20 års avskrivingstid. Formannskapet vedtok å sende sak om slamavskiljar på høyring, med ein tydeleg konkretisering som sa at kommunen prinsipalt ønskte å etablere ny slamavskiljar på eksisterande lokalisering på Judaberg. I rådmannens framlegg til budsjett- og økonomiplan for er det framleis det førre kostnadsoverslaget på 14 Mnok som ramme for investeringsprosjektet ny slamavskiljar. Dette fordi lokalisering ennå ikkje er avklart. Når kommunestyret har vedatt lokalisering, og administrasjonen i samarbeid med IVAR har gjennomgått det foreliggande kostnadsoverslagetfor investeringa vil rådmannen komme tilbake med sak om budsjettregulering av investeringsbudsjettet. Omtale av uttaler til lokalisering av slamavskiljar Alt. 1 nytt anlegg på Hauskjeneset: Fylkesmannen i Rogaland: Fylkesmannen hadde ikkje merknadar utanom den generelle oppmodinga om å ta omsyn til dei forholda som er nødvendige i saka. Anbjørg Austbø, gnr.25,bnr.15, og Aksel Tungland og Mette Lise Bakka, gnr.25,bnr.19: Går begge i mot å etablera slamavskiljar på Hauskjeneset, blant anna peikar dei på forhold som omhandlar miljøhensyn, at området er et LNF-område i kommuneplanen, og at dei meiner plasseringa her vil punktere framtidige utbyggingsområder. Grunneigarane melder og frå om at dei opplevde å få lite informasjon i samband med at saka blei lagd ut på høyring. Rådmannen sine kommentarar til uttalene: Uttale frå grunneigarar som omhandlar miljøhensyn og føremål i kommuneplan vurderes som tatt til følgje, då kommunen rår til å nytte eksisterande lokalisering på Judaberg. Når det gjeld manglande informasjon vil rådmannen beklage dette, alle saker som vert sendt på høyring skal vere godt nok belyst. Samstundes oppfordrar rådmannen på generellt grunnlag innbyggarane til å ta kontakt umiddelbart dersom ein meiner at kommunen ikkje har informert godt nok. Alt.2 Erstatte dagens slamavskiljar på Judaberg: Fylkesmannen i Rogaland: Fylkesmannen hadde ikkje merknadar utanom den generelle oppmodinga om å ta omsyn til dei forholda som er nødvendige i saka. Ingen andre merknader ligg føre. Vurdering Høyringsresultatet er eintydige på at ei framtidig lokalisering på Hauskjeneset vil vera uheldig ift. Side 6 av 10

7 arealkonfliktar og feil plassering i høve til framtidig utbygging i kommunen, ein må difor forvente å gå ein lang og omfattande prosess for å få dette området omdisponert til dette føremålet. Tilbakemeldingane frå Fylkesmannen ift. miljøkonsekvensane for begge alternativa er også eintydige, begge lokaliteter kan nyttas til utslepp, oppmodinga her er berre at ein skal ta omsyn til dei forholda som er nødvendige for å ivareta miljøet. Etter rådmannen sin vurdering svarar høringsuttalene til det som i utgangspunktet var formannskapet sitt prinsipale ønske om plassering av slamavskiljar. Bakgrunnen for at eksisterande lokalisering er vurdert som best frå rådmannen sin side omhandlar både økonomiske, men og tekniske og fysiske forhold som er knytt til arealforvaltning i kommunen. Når fylkesmannen og i sin uttale legg til grunn at utsleppsløyve kan gis på begge lokalitetane er det rådmannen sin vurdering at høyringa har bidratt til å avklare saka på ein slik måte at kommunestyret kan fatte endeleg vedtak. Konklusjon Rådmannen rår kommunestyret til å vedta at ny slamavskiljar skal plasserast på Judaberg ved eksisterande lokalisering. Rådmannen vil komme tilbake til kommunestyret med sak om budsjettregulering av investeringsbudsjettet når administrasjonen har gjennomgått og kvalitetssikra kostnadsoverslaget i samarbeid med IVAR. Side 7 av 10

8 Saksframlegg Sakshandsamar Arkiv JournalpostID Hilde Gunn Bjelde K2 - P24, K3 - &13 16/8183 Saksnr Utval Dato 121/16 Formannskapet Strategisk plan for fergekaier i Rogaland - framlegg til uttale Vedlegg 1. Strategisk plan for fergekaier i Rogaland - høyring 2. Del 1 - status for ferge- og hurtigbåtkaier 3. Del 2 - vurdering av sikkerhets- og beredskapssituasjon etter åpningen av Ryfast/Rogfast Forslag til vedtak frå rådmannen: Kommunestyret sender over innspel til Strategisk plan for fergekaier i Rogaland, slik dei ligg føre i saksdokumentet. Kommunestyret ber samstundes om at fylkeskommunen inviterer kommunane til høyring også på sjølve planen når denne er ferdig utarbeida. Finnøy Helene M. Ohm rådmann Saksopplysningar Rogaland fylkeskommune har gjennomført ein kartlegging og vurdering av fergekaiene i fylket i samband med vurdering av sikkerheit- og beredskapssituasjonen. Fylkeskommunen har nytta konsulentfirmaet Loyd`s Register Consulting til å utarbeide dokumentgrunnlaget som saman skal danne grunnlaget for ein strategisk plan for fergekaiene i Rogaland. I samband med dei store pågående veiprosjekta i fylket er det eit faktum at samferdelseårene i fylket dei neste åra vil gjennomgå store endringar, med fleire nye undersjøiske tunnellar, bruer, og færre aktive fergesamband. Dette gjør det naudsynt å gjennomgå sikkerheits og beredskapssituasjonen i fylket, og vurdere behova på nytt. Av aktuelle prosjekt som har og vil ha store konsekvensar kan nemnas; Sandsfjord bru (2015), Ryfast (2019, og Rogfast (2023). Saman vil desse prosjekta føre til at fergesambanda Mortavika Arsvågen, Ropeid Sand, Stavanger Tau, Høgsfjord, og Kvitsøy blir lagd ned. Dette inneber at det etter 2023 kun er Finnøy-sambandet og fergeforbindelsen Hjelmeland Nesvik-Skiparvik som er fergesamband finansiert av staten og fylkeskommunen. Side 8 av 10

9 I tillegg vil også hurtigbåtsambanda være ein del av det fylkeskommunale kollektivtilbudet og i framtida. Rapportane som no ligg føre dannar grunnlaget for ein strategisk plan som fylkeskommunen skal utarbeide i samarbeid med statens vegvesen, desse er no sendt til uttale til kommunane for innspel i forkant av politisk handsaming i fylkeskommunen. Rapportane er meint å kartlegge samfunnskritiske funksjonar ved langvarig stenging av kritiske vegstrekk langs E39, Rv13, Fv491, Fv519, og Fv 520. I tillegg gis det ein vurdering av behov for sikkerheits-og beredskapstiltak som kan redusere uheldige konsekvensar av redusert tilgjengelegheit eller bortfall av samfunskritiske funksjonar ved langvarig stening av desse strekningane. For Finnøy kommune sitt vedkommande er det fylkesveg 519, kartlegginga av noverande fergekaier i kommunen, bruken av desse det er aktuelt å kommentere. Vurdering For Finnøy kommune er det avgjerande at beredskapsituasjonen er avklart, vi ser fram til å at den strategiske planen blir ferdig. Det har dei siste åra vore alvorlege ulykker i tunnellar, noko som gjør at fokuset på sikkerheits- og beredskapsarbeid knytta til samferdselsårene har blitt stadig meir aktualisert for kommunen sitt vedkommande. Med Finnfast som hovedferdselsåre er det klart at dette er høgt på dagsorden i kommunens beredskapsarbeid. Rapportane gir slik rådmannen vurderer det eit godt utgangspunkt for å utvikle ein strategisk plan for fergekaiene i fylket. Nedanfor ligg nokon konkrete kommentarar til dei ulike punkta i rapportane. Rapport del 1, status: Punkt 2 Bakgrunn: Fisterøyane er utelatt fra oversikta over kva for fergesamband som gjenstår frå 2023, bør være med, all den til Lysefjordruta (som trafikkerast av same kombibåt) er med. Punkt 5.8 Rennesøy: I rapporten er kaia på Hanasand utelatt, det ligg føre ein avtale med Statens vegvesen om å nytte denne kaia som reservekai for boknafjordsambandet. Det ville då vere naturleg at kaia er med i oversikta. For Finnøy kommune sin del meiner rådmannen at denne kaia kan ha betydning for kommunen i beredskapssamanheng. Punkt 5.9 Finnøy: Kaia på Ladstein er ikkje tatt med i oversikta. Denne kaia er ikkje lengre i bruk, men er framleis klassifisert som fylkeskommunal kai. Kommunen har i samband med etablering av næringsareal, og salg av areal på område ønskje om å overta kaia til kommunal eige. Ein ber om at dette blir avklara i samband med strategisk plan, og at kaia kan avhendas frå fylkeskommunen til kommunen. I tillegg er det fleire kommunale kaier som blir nytta av Kolumbus sin skuleskyssordning som ikkje er nemnd (eks.kalvanes, gamle Helgøy, N-Talgje). Det er moglegvis slik at dei kommunale kaiane ikkje skal delta i denne oversikta, men all den tid dei blir nytta til skuleskyss burde dei vurderast i beredskapssamanheng. Det kan framstå slik at konsulentbyrået berre har tatt føre seg ruteheftene, og då kan det etter Finnøy kommune sin vurdering oppstå manglar i det faktiske grunnlaget for risiko og beredskapshandtering. Punkt Helgøy: Anløpsoversikta er ikkje korrekt, dei to rutene som står opplista er i Hjelmelandsruta, og anløper ikkje Helgøy. Det gjør derimot hurtigbåtrute 510, 518, 520,522 og skulerute. Samt fergerute 81(i rutetabellen; 1025) Punkt Nesheim: Her er det og feil i anløpsoversikta, hurtigbåtanløpa her er langt på veg dei same som på Helgøy. Punkt Nesheim: Side 9 av 10

10 Finnøy kommune ønskjer at kaia fortsatt skal vere fylkeskommunal og fungere som reservekai for Sjernarøy. Me har konkrete erfaringar med dette, blant anna då Helgøy fergekai vart stengd for oppgradering. I tillegg er det slik rådmannen vurderer det avgjerande for Sjernarøyane at tilgang på reservekai er sikra dersom det skulle oppstå ikkjeplanlagde situasjonar, som ein må ha beredskap for. Rapport del 2, sikkerhet og beredskapssituasjon: Hovudsamandraget: Det er i hovudsamandraget anbefalt at midlertidige fergesamband ikkje er å anbefale i beredskapssamanheng grunna lang mobiliseringstid. Dersom ein meiner at dette er anbefalinga og ved langvarig stenging ønskjer Finnøy kommune å påpeike at det frå kommunen sin side er vurdert som naudsynt med midlertidige ferger. Dette gjeld særleg for næring og landbruk som vil ha behov for varer og tenester som må fraktas med hjulgåande kjøretøy, men og for å oppretthalde naudsynt tilgang til fastlandet for befolkninga i det daglege. Punkt 1.1 Bakgrunn: Fisterøyane er utelatt fra oversikten over hvilke samband som skal eksistere etter 2023, dette må tas inn i oversikta også her. Punkt 1.2 Hensikt: Her er langvarig stenging t definert frå 2 døgn, i denne samanhengen kan vurdaringane knytt til mobiliseringstid for ferger vere eit poeng. Det er imidlertid for Finnøy kommune sitt vedkommanda viktig å foreta vurderingar knytta opp mot meir langvarige stengingar, som eksempelvis brannen i Skatestraumtunnelen, som var stengd i fleire veker. Om ein skulle få ein liknande situasjon i Finnøy vil det vere avgjerande at midlertidige ferger blir satt inn for å sikre fastlandsforbindelse. Ein bør derfor legge inn fleire terskelverdiar knytt til kva som er definert som langvarig stenging i forhold til kva for samband/eller vegstrekning det gjeld. Punkt Rennfast: Det blir skissert omkjøring via Rv13, over Ombo, Finnøysambandet og Finnfast. Det er avgjerande at ein då må gjere ein grundigare vurdering av kapasiteten og behov for nye tiltak i særlig Finnøysambandet, med tilliggande vegstrekningar. Rådmannen er usikker på kva ein tenkjer må til for at dette sambandet kan ta unna den betydelege auka tungtransporten som kan definerast som kritisk varetransport. Punkt Fv 519: Her bør ein sjå på kva moglegheiter som blir aktuelle når Hanasand blir etablert som reservekai. Med utgangspunkt i fergene som allereie vil trafikkere Judaberg i Finnøysambandet vil ein på relativt kort tid kunne etablere eit beredskapssamband ved å nytte Hanasand som fergekai/fastlandsforbindelse. I Finnøy kommune har vi allereie erfaring med at det er behov for større materiell i sambandet, og det foreslås at ein i samband med neste anbod legg inn krav om å oppfylle beredskapsfunksjon, samstundes som ein ser på moglege krav til storleik og fartpotensiale. Kritisk varetransport vil då bli ivaretatt og sammen et hurtigbåttilbud vil Finnøy være godt ivaretatt. Når det gjeld kritisk varetransport til Talgje, er det etter vår vurdering ikkje tilstrekkeleg med hurtigbåtsamband. Det er ikkje kjørebro til ferger på kaia lengre, og transportbehovet må eventuelt løysast med lasteferje med tilpassa rampe. Punkt 6 Konklusjon: Finnøy kommune meiner det er naturleg å legge inn Hanasand som reservekai også i konklusjonen. Då innspela ovanfor berre er kommentarar til dei rapportane som konsulentbyrået har utarbeida, imøteser Finnøy kommune den ferdig utarbeida handlingsplanen til uttale når denne er klar. Slik rådmannen forstår det er rapportane utarbeida som kunnskapsgrunnlag for sjølve planen, og det påreknast at sjølve planen med fylkeskommunen sine eigne vurderingar av kunnskapsgrunnlaget kjem til uttale. Konklusjon Rådmannen rår Finnøy kommune til å oversende innspel til dei to rapportane utarbeida av Lloyd`s Register Consulting. Samstundes bør Finnøy kommune be om å få sjølve planen på uttale når den er ferdig utarbeida. Side 10 av 10