Miljøhandlingsplan for Voss gymnas Innhald

Transkript

1 Miljøhandlingsplan for Voss gymnas 2016 Innhald Rapport om aktivitetane i 2015 Handlingsplan for 2016 Miljøreglar ved Voss gymnas Årshjul miljøarbeidet 2016

2 MILJØHANDLINGSPLAN 2016 VOSS GYMNAS Rapport om aktivitetane i 2015 I 2015 har skulen arbeidd med tre miljøprosjekt, nemleg (1) Få tak i elbil (2) Kjeldesortering og (3) Sykle-gå-til-jobben. Miljøprosjekt 1 vart ein suksess. Opplæringsavdelinga løyvde kroner til innkjøp av elbil til skulen og skulen gjekk til innkjøp av ein Nissan e-nv200 Evalia (sjå bilete 4 i vedlegget). Dette miljøtiltaket er heilt i tråd med fylkesdirektøren for opplæring sitt innspel: «Opplæringsavdelinga oppmodar skulane om å fokusere på reduksjon av CO2-utslepp frå reiser i teneste og til og frå skulen i miljøhandlingsplanane for 2015.» Sidan skulen er under ombygging og utdanningsprogramma våre er lokalisert på tre ulike stader har elbilen vorte nytta mykje. Vidare har me ei musikkline som ofte er engasjert i konsertverksemd i nærområdet. Elbilen er med å løyser ein del av dei logistikkutfordringane som dukkar opp i samband med desse arrangementa. Vidare er bilen nytta i samband med transport til lokal møteverksemd og mindre utfluktar i skuleregi. Miljøprosjekt 2 er skulen sitt gjennomgåande miljøprosjekt og har vore på agendaen i i fem år. Me opplevde ein betra kjeldesorteringspraksis ved skulen i 2015 og det kan akkrediterast dei nye miljøstasjonane (som vart kjøpt inn i 2014). Bilete 1 i vedlegget syner korleis dei nye miljøstasjonane ser ut. Dette miljøprosjektet vil verta vidareført i Det tredje miljøprosjektet (Sykle-gå-til-jobben) fungerte utmerka (som i ). Opplegget har fått stor tilslutning mellom dei tilsette ved skulen og elevane (som vart kopla på prosjektet i 2014) er òg nøgde. Elevrådet (som har representantar i miljørådet) var med og administrerte prosjektet til elevane og dette gav elevane eigarskap til miljøprosjektet. Dette var med å sikra ekstra deltaking frå elevane si side som igjen gav miljøvinst for skulen vår. Dette miljøprosjektet vil òg bli vidareført i 2016.

3 Handlingsplan for 2016 Voss gymnas har for 2016 valt å vidareføre to av prosjekta våre (sjå over). Me tykkjer begge prosjekta er eksellente og vonar kontinuitet skal vera med å sikra kvaliteten i miljøarbeidet. Vidare har skulen inkludert arbeidet som helsefremjande skule som eit miljøprosjekt for 2016 (sjå prosjekt 3). Prosjekt 1 Kjeldesortering: Skulen har sidan 2011 arbeidd målretta og systematisk med å få på plass infrastruktur og rutinar for kjeldesortering av avfall frå klasseromma. Det som har vore den største utfordringa for å få dette prosjektet til å fungere er at miljøstasjonane som vart handla inn i si tid ikkje har vore spesielt funksjonelle. Dette har ført til varierande grad av kjeldesortering som igjen har ført til auka frustrasjon, spesielt i miljøgruppa og mellom reinhaldspersonalet. Hausten 2013 søkte skulen om midlar til nye miljøstasjonar. Me fekk tilskot på kroner og desse pengane vart nytta til å handle inn nye miljøstasjonar (sjå vedlegget bilete 1). Dei nye miljøstasjonane vart teke i bruk i Som ein ser av miljøstasjonen på biletet legg skulen opp til tre ulike avfallsdunkar (restavfall, papp, papir og drikkekartong samt matavfall) + returordning for panteflasker. Vidare har skulen returordning for resirkulering av elektrisk og elektronisk avfall (sjå vedlegget - bilete 3). Prosjekt 2 Sykle-gå-til-jobben: Sidan våren 2012 har dei tilsette engasjert seg i eit prosjekt der målet var å få fleire til å gå eller sykle til arbeid. Utanom helseincentivet ville deltakarane bli med i loddtrekking på slutten av skuleåret. Kvar deltakar fekk lodd i lotteriet med utgangspunkt i kor stor distanse dei totalt sett hadde generert i prosjektet (ei mil=eitt lodd). På skuleavslutninga var det høgtidleg loddtrekking med flotte premiar til vinnarane. Nytt i 2014 er at elevane er kopla på same prosjektet. Skulen har utfordringar knytt til parkering og desse vert ikkje mindre av at elevane òg køyrer til og frå skulen. Tanken er at om elevane får ta del i dette miljøprosjektet vil fleire av dei sette att bilen heime og ta beina eller sykkelen fatt. Ordninga for elevane er administrert av elevrådet og trekking av premiar vert føreteke på skuleavslutninga siste skuledag. Prosjekt 3 Helsefremjande skule: Voss gymnas er frå hausten 2015 ein av fire helsefremjande skular i Hordaland Fylkeskommune. Rådgjevar Helge Finne, som er med i miljøgruppa, er koordinator for prosjektet ved Voss gymnas.

4 Som helsefremjande skule er me medvitne at gode skuleprestasjonar i stor grad er avhengig av god helse. Gjennom prosjektet skal skulen derfor jobbe ekstra for å styrkje helsa til elevane. Særleg tre fokusområder skal me konsentrera oss om: kosthald, fysisk og psykisk helse. Kantina ved skulen er sentral når det gjeld kosthald. Sidan skulen er i ein ombyggingsfase er tilbodet og arealet noko redusert i byggjeperioden. Når nye skulen er ferdig i 2017 vil me ha stort fokus på at det skal vera eit sunt tilbod i kantina. Skulen har søkt om midlar til gratis skulefrukt, utan å ha fått noko svar per dato (jan 16). Kvar år arrangerar skulen ein sokalla temadag. Dette er ein dag der elevane ikkje arbeider med tradisjonelle skulefag men heller fokuserar på noko anna dei tykkjer er kjekt og lærerikt. Årets temadag vert i mars og denne dagen skal me, mellom anna, kursa alle Vg1 elevane i kosthald. Når det gjeld fysisk helse så har me mykje kompetanse på skulen. Gode kroppsøvingslærarar rettleier elevane om korleis dei best kan ta vare på helsa si. I tillegg kan alle elevar ved skulen låna styrkerommet på skulen utanom skuletida. Elevkoordinator Hilde Kårbø har kvar onsdag fysisk aktivitet, ballspel leik og moro i gymsalen på Rogne vidaregåande. Dette er eit tilbod for alle vidaregåande elevar på Voss. Tilbodet har vore svært populært. Frå januar 2016 vil også Voss idrottslag setja i gang eit tilbod som vert kalla sport og moro i Voss idrettshall. Dette er eit tilbod til ungdom mellom 15 og 19 år. Trenarane er idrettselevar ved Voss folkehøgskule. Dette er meint som eit lågterskeltilbod for skuleungdom på Voss. Tilbodet er blitt presentert for alle elevane ved Voss gymnas. Psykisk helse er ei utfordring for mange ungdommar i dag. Her er det vanskeleg å setja i gang konkrete målbare tiltak. Skulen har helsesøster på huset to dagar i veka. I tillegg jobbar me intensivt med trivsel i klassane. Dette skuleåret har me hatt ei antimobbeveke, to trekantmøter og klasselærarråd har hatt ei sentral rolle i utviklingsarbeidet ved skulen. Med desse tiltaka vonar me på eit tidleg tidspunkt å oppdage elevar med ymse vanskar.

5 ELEVMEDVERKNAD I MILJØARBEIDET VED VOSS GYMNAS I godkjenninga av fjorårets miljøhandlingsplan fekk skulen tilbakemelding på at det var ynskjeleg med større elevmedverknad i utforminga og gjennomføringa av miljøarbeidet ved skulen. Alle prosjekta i inneverande år involverar elevane ved skulen i stor grad. Sjølv om skulen meiner elevane er sentrale i miljøarbeidet har me teke to grep for ytterlegare å styrka elevmedverknaden: for det fyrste er miljørådet strykt gjennom å auka antal elevar som er med på møter. Frå å ha to av seks medlemmer i miljørådet vil elevane i 2016 ha fem av ni medlemmar (med andre ord eit fleirtal). For det andre har skulen engasjert elevrådet i å utforme miljøreglar som skal gjelde for heile skulen. I møte med elevrådet den 25. januar vart elevane engasjert til å lage miljøreglar som tek utgangspunkt i dei tre miljøprosjekta til skulen. Elevane utforma eit sett reglar som vart behandla i møte i miljørådet den 11.februar. Der vart det fatta vedtak på fylgjade miljøreglar, som skal gjelde på Voss gymnas frå og med 1. mars. Reglane skal hengast opp i alle klasserom og på tilsetterommet og siterast frå med jamne mellomrom: MILJØREGLAR VED VOSS GYMNAS 1. Kvar og ein har fullt ansvar for å rydda etter seg sjølv. 2. Vararepresentantar og lærarar ser til at regel nr 1 vert fylgt. 3. Sistemann ut av klasserommet, ved slutten av dagen, skal skru av ljoset og heise opp persiennene. 4. Tillitseleven i kvar klasse skal opplyse om og fylgje opp sykle-gå-til-skulenprosjektet. 5. Gå ut i friminutta og ver sosial. La telefon og datamaskin kvile. 6. Smil til alle. 7. Inkluder alle. Vidare vart det vedteke på miljømøtet at avfallsdunkane skulle oppgraderast med nye merkelappar (sjå bilete 1 i vedlegget) samt at det skulle tilretteleggjast med kjeldesorteringsinformason på kvar miljøstasjon (sjå bilete 2 i vedlegget). Miljøhandlingsplanen vil bli tilgjengeleggjort på skulen si heimeside samt på intranettet.

6 Miljøhandlingsplan Årshjul FL=fagleiar (miljøansvarleg), MR=miljørådet (AMU + tre elevrepresentantar), EL=elevrådsleiar Akt. Skildring Start Ferdig Delt. Ansvarlig Kommentar Ev. 1. Møte i MR Veke 2 MR FL Diskusjon av året 2. Levere miljøtal til fylket Veke FL FL 3. Møte i MR Veke 6 MR FL Vedta miljøreglar og godkjenne miljøhandlin gsplan. 4. Søknad om resertifisering Grønt flagg Veke FL FL 5. Informasjon til tilsette og elevar 6. Iverksetje miljøprosjekt 2 7. Registrere data for prosjekt Kåre «vinnarar» i prosjekt Informasjon til nye elevar 10. Evaluere 2016 og diskutere miljøhandlingsp lan for Veke 9 Alle FL Om pågåande miljøprosjekt Veke 14 Veke 24 Alle FL/ EL / MR Veke 14 Veke 24 MR FL til 24 Veke 24 Alle FL / EL Veke 33 Alle FL Info om prosjekt 1 og 3 til nye elevar Veke MR FL Miljøansvarleg, Arild Een Einingsleiar, Unn Fauskanger Voss,

7 VEDLEGG Bilete 1 - Miljøstasjonar Bilete 2 Kjeldesorteringsplakat

8 Bilete 3 - Miljøstasjonar for EE-avfall Bilete 4 Nissan e-nv200 Evalia