Jnr GJG/rr INNKALLING TIL MØTE I SAMARBEIDSRÅDET FOR SUNNHORDLAND. Det vert med dette kalla inn til møte i Samarbeidsrådet for Sunnhordland

Transkript

1 Jnr GJG/rr Ordførar og rådmann i kommunane i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland Då vert føre: Sak 40/15 Sak 41/15 fredag 30. oktober kl på Bekkjarvik Gjestgiveri. Godkjenning av referat frå møte 3. september Skriv og meldingar a) Velkommen til nye medlemmer b) Nytt Sunnhordlandstreff og ambassadørtreff c) Møte med fylkespolitikarar og stortingsrepr. frå Sunnhordland d) Beslutningsgrunnlag for organisering av brann- og redningsvesen e) Oppretting av regionale bompengeselskap f) Situasjonen i næringslivet notat g) Sunnhordland Tingrett h) Ferjeavløysingsmidlar plan i) Møte med landbruk Sak 42/15 Innovasjon i offentleg sektor Sak 43/15 Interkommunal strandsoneplan Sak 44/15 Plan for idrett, friluftsliv og kulturanlegg i Sunnhordland Sak 45/15 Anbod på nytt ferjemateriell Sak 46/15 Hovudprosjekt Geopark Sak 47/15 Framlegg til val av Representantskapsleiar og nestleiar Sak 48/15 Framlegg til val av styre Sak 49/15 Framlegg til budsjett 2016 Sak 50/15 Møteplan 2016 Sak 51/15 Ymse Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T Orgnr E firmapost@samarbeidsraadet-sunnhordland.no W samarbeidsraadet-sunnhordland.no

2 Sunnhordland, 21. oktober 2015 Gro Jensen Gjerde Dagleg leiar

3 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 41/15 GJG/rr SKRIV OG MELDINGAR a) Velkommen til nye medlemmer I møte vil dagleg leiar orientere om arbeidet i Samarbeidsrådet. b) Sunnhordlandstreff og ambassadørtreff Det vert nytt Sunnhordlandstreff i desember. Dato er ikkje sett, men det vert i tilknyting til at studentane er heime på juleferie. Fleire av bedriftene har ikkje behov for å rekruttera. Difor vil fokuset denne gongen vera orientering om situasjonen i næringslivet. Treffet vert på Stord, og prosjektleiar Anne Synnøve Lønne vil orientera om tid og stad så snart dette ligg føre. c) Møte med fylkespolitikarar og stortingsrepr. frå Sunnhordland Det vert møte med fylkespolitikarar og stortingsrepr. frå Sunnhordland fredag 13. november kl Møte vert i forlenging av AU møte same dag. Samarbeidsrådet må i sitt møte drøfta tema som er aktuelle å ta opp. Fylkes- og stortingsrepresentantane er orientert om dato. d) Beslutningsgrunnlag for organisering av brann- og redningsvesen På Samarbeidsrådet sitt møte 3. september var det drøfting på eit beslutningsgrunnlag for organisering av brann- og redningsvesen. Bakgrunn for saka er at DSB har fått oppdragsbrev frå Justis og beredskapsdepartementet om å utarbeida eit Beslutningsgrunnlag for ny organisering av brann- og redningsvesenet. Kommunane i Sunnhordland har dei siste åra vore med på ulike utredningar i høve til organisering av større einingar i høve til brann og beredskap. Dette har vore saman med nokre av kommunane på Haugalandet, men også mellom kommunar internt i regionen. Desse prosessane er ikkje heilt avslutta. Samstundes har Bergen kommune gjennom Bergensalliansen vore tydelege på at dei ynskjer Sunnhordland med i ei større organisering. I oppdragsbrevet syner Regjeringa til Politireforma og at ulik struktur gjer unødvendige utfordringar ved handtering av hendingar som krev innsats frå fleire naudetatar. Dette er også argumentasjon som Samarbeidsrådet har nytta i høve til at Sunnhordland bør høyra til i Hordaland politidistrikt. Etter ei drøfting vart ein samde om at rådmann Magnus Mjør, Stord kommune og

4 rådmann Steinar Dalland, Tysnes kommune går gjennom saka og kjem med ei tilråding til kva Samarbeidsrådet bør gjera vidare. Mjør og Dalland vil gje ei orientering i møte. e) Situasjonen i næringslivet. Notat frå møte i Team Sunnhordland På møte 3. september drøfta Samarbeidsrådet situasjonen i næringslivet. Ein av konklusjonane var at administrasjonen skulle ha eit møte med Team Sunnhordland for å sjå om det er noko teamet kan gjera for å avhjelpe situasjonen. Vedlagt ligg notat frå møte 23. september. f) Oppretting av regionale bompengeselskap I møte i arbeidsutvalet 9. oktober orienterte ordførar Liv Kari Eskeland om Samferdselsdepartementet sitt arbeid om etablering av regionale bompengeselskap. Stord kommune har meldt si interesse for å stå som vertskommune for selskapet sør/vest, med ansvarsområde Aust-Agder, Vest-Agder, Rogaland, Hordaland og Sogn og Fjordane. Eskeland stilte spørsmål om Samarbeidsrådet kunne støtta dette. Arbeidsutvalet meinte dette var positivt for regionen, og gav sin tilslutnad. Brev til Hordaland fylkeskommune ligg som vedlegg. g) Sunnhordland Tingrett Domstoladministrasjonen har utarbeidd eit framlegg til ei strukturendring i førsteinstansdomstolane. I framlegget vert det føreslege at Sunnhordland Tingrett vert flytta til Bergen. Saka vart drøfta i eit utvida arbeidsutval 9. oktober, der ein vart samde om å arbeida vidare med saka. Administrasjonen har kontakta advokatar, næringsliv mf for å få deira innspel. Dette skal danna grunnlaget for Samarbeidsrådet sitt vidare arbeid. Samarbeidsrådet har bedt om møte med Justisministeren for å drøfta saka. Justisministeren har i brev datert 13. oktober svara at han vil ta stilling til eit slikt møte etter at han har motteke Domstoladministrasjonen sin rapport. h) Ferjeavløysingsmidlar plan Samarbeidsrådet har vedteke å arbeida ut ein plan for bruk av ferjeavløysingsmidlar i Sunnhordland. Rådmann Steinar Dalland og dagleg leiar Gro Jensen Gjerde er arbeidsgruppa for planen. i) Møte med landbruk Det vert lagt opp møte med landbruksorganisasjonane, fylkesmannen si landbruksavdeling og innovasjon Norge i januar Det vert og eit møte med ovannemnde i samband med utviklinga av matklynga «Matfatet Sunnhordland».

5 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 42/15 GJG/rr INNOVASJON I OFFENTLEG SEKTOR Samarbeidsrådet var i januar 2015 på studietur til Danmark for å læra meir om innovasjon i offentleg sektor. Design av relasjonar, velferdsteknologi og politisk innovasjon var sentrale tema. I tillegg var det og litt om erfaringar frå arbeidet ny kommunereform. I etterkant oppsummerte Samarbeidsrådet erfaringane frå turen, og gjekk inn for at Samarbeidsrådet bør arbeida vidare med innovasjon i offentleg sektor. Samstundes starta nokre av kommunane eigne prosjekt. Kommunane på Haugalandet har gjennom Haugaland Vekst ein større satsing på velferdsteknologi og har tilsett ein eigen prosjektleiar på dette. Her er det viktige erfaringar å ta med seg. I møte 3. september hadde Samarbeidsrådet ei kort drøfting på tema. Kommunane er komen ulikt i satsing på blant anna velferdsteknologi. Nokre er med i eit prosjekt i saman med høgskulen Stord - Haugesund, andre er så vidt starta eller ikkje i det heile. Samarbeidsrådet vart samde om at det vil vera eit stort føremon om kommunane i Sunnhordland går saman om dette arbeidet. Høgskulen Stord-Haugesund er ein viktig samarbeidspartnar. Kvinnherad kommune har starta prosjektet Me tør å gjera det! innovasjon og effektivitet i Kvinnherad kommune. Bakgrunn for prosjektet er blant anna utfordringane i økonomiplanen. Utdrag frå rådmannen si saksutgreiing: For at landet sine inntekter ikkje berre skal gå til dekking av dei offentlege utgiftene, er det naudsynt å leggja opp til stramme økonomiske rammer for kommunane, det der og er eit vilkår at organisering og drift vert endra til det betre. Vår oppgåve vert å halda styr på pengebruken samtidig med at me tenkjer utvikling. Kunsten er å fokusera på dei rette sakene, forsøke å gjera arbeidet på nye måtar, finna nye metodar, invitera innbyggjarane inn i tenesteproduksjon og utvikla nye partnarskap, slik at me kan levera meir service for dei same pengane og samtidig ha tilfredse innbyggjarar. Den viktigaste oppgåva for leiinga i Kvinherad kommune er å setja den overordna dagsorden for kommunen som arbeidsplass. Dette dreier seg om å setja fokus på innsatsområder som bringer oss vidare, gjer oss meir effektive og løyser oppgåvene for våre innbyggjarar best mogleg. Eitt av desse grepa er å selja innovasjon å dagsorden. Når me inviterer til forandring på kommunen sine arbeidsplassar, markerer me eit ynskje om at den einskilde leiar og medarbeidar bruker sin kompetane og erfaring til å vidareutvikla, effektivisera og endra.

6 me ynskjer ein open innovasjonskultur kor den einskilde medarbeidar og leiar handterer endringsprosessar, nye metodar og handlingar ut frå erfaringar i praksis. Me legg samstundes stor vekt på innbyggjar og brukarinnspel i våre prosjekt. --- Innsatsområder det første prosjektåret Velferdsinnovasjon Digitalisering Innkjøp Utvikling av våre innovative miljø Utvikling av våre pionerar for innovasjon Trene i innovasjon Kommunisere innovasjon Støtte innovativ adferd og kultur Utvikle nye partnerskap Analyse, dokumentasjon og evaluering Prosjektet i Kvinnherad har no vore gjennomført i eit halvt år, og tilbakemeldingane er at dette har byrja å gje resultat. Administrasjonen har invitert Kvinnherad kommune til å gje ei orientering om deira arbeid i møte. I etterkant av denne informasjonen bør Samarbeidsrådet ta ei drøfting på, og gjera ei avklaring på om det let seg gjera å nytta erfaringar frå noko av dette arbeidet til dei andre kommunane i regionen. Det må og drøftast korleis ein tek dette vidare, omfang og organisering. Framlegg til vedtak 1. Samarbeidsrådet går inn for at kommunane i regionen gjennomfører ei felles satsing på innovasjon i offentleg sektor. 2. Administrasjonen utarbeider ein prosjektplan som skal leggjast fram for Samarbeidsrådet i møte 3. desember.

7 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 43/15 GJG/rr INTERKOMMUNAL STRANDSONEPLAN Kommunane i Sunnhordland har gjennom Samarbeidsrådet arbeid fram ein interkommunal strandsoneplan for Sunnhordland. Planen har vore ute på høyring med høyringsfrist 1. oktober. Kommunar, organisasjonar, HFK og fylkeskommune har kome med høyringssvar. Innspela frå kommunar og organisasjonar vil verta vurdert og lagt fram i ei seinare sak, denne saka går på korleis Samarbeidsrådet og kommunane skal handtera motsegn frå fylkesmannen. Bakgrunn Kommunane har gjennom Samarbeidsrådet arbeid fram interkommunal strandsoneplan for Sunnhordland. Utarbeiding av planen ligg til grunn for pilotstatusen som Sunnhordland fekk hjå Kommunaldepartement i brev datert 11 aug I søknaden la Samarbeidsrådet til grunn vedteken strandsonestrategi: At regionen utarbeider Interkommunal plan for forvaltning av strandsona i Sunnhordland At der ein i arbeidet utfordrar gjeldande lovverk får ein open dialog med Kommunal - og regionaldepartementet og Miljøverndepartementet for å finna dei gode løysingane. At regionen får testa ut forvaltning etter planen over 4-5 år. At arbeidet vert evaluert, gjerne gjennom følgjeforsking. Arbeidet har følgt plan og bygningslova. Det har vore gjennomført eit forprosjekt der kommunane fekk kartlagt bruk av strandsona, utarbeidd kriteria formkartlegging av funksjonell strandsone. Etter inndeling av kommunane i dei statlege planretningslinjene for differensiert forvaltning av strandsona kom kommunane Austevoll,Bømlo, Fitjar, Sveio og Tysnes i ein prøveperiode i sone tre sidan Sunnhordland vart pilotregion for differensiert strandsoneforvaltning. Kommunane Kvinnherad og Etne er plassert i sone tre. Som ledd i ovannemnde prøveperiode skal kommunane utarbeida ein interkommunal plan for forvaltning av strandsona, og få evaluert arbeidet og forvaltning av strandsona etter planen. Denne perioden er no forlenga med fire år, då planarbeidet ikkje er sluttført. Det har vore eit omfattande og krevjande arbeid, der Samarbeidsrådet, fylkesmannen og leiar for planavdelinga i fylkeskommunen har vore styringsgruppe. Arbeidsgruppa har bestått av representantar frå planavdelinga i kommunane, samt representantar frå fylkesmannen og fylkeskommunen. Asplan Viak har vore konsulentar og Tore Bjelland har vore prosjektleiar.

8 Framlegg til plan vart lagt fram for styringsgruppa i mars. Då gav representantane frå fylkesmannen og fylkeskommunen signal om at dei ikkje kunne godkjenna planen slik den låg føre. Styringsgruppa sende difor planen tilbake til styringsgruppa for ei bearbeiding. Ei gruppe beståande av rådmann Atle Tornes, Tore Bjelland og Gro Jensen Gjerde gjekk igjennom planen saman med fylkesmannen sin representant Svein Konnerud og fylkeskommunen sin representant Eva Katrine Taule. Deretter vart planutkastet justert. Administrasjonen i fylkeskommunen har sakshandsama planen til Kultur og ressursutvalet. I sitt framlegg til vedtak sa dei følgjande: Forslag til vedtak 1. Framlegg til Interkommunal strandsoneplan for Sunnhordland er eit omfattande og viktig arbeid som skal gi hjelp til kommunane i kunnskapsbasert og heilskapleg planlegging og forvaltning av strandsona. Planframlegget er enno ikkje tilstrekkeleg gjennomarbeidd til å være eit godt reiskap for kommunal planlegging. 2. Planframlegget opnar i for stor grad opp for bygging og fortetting i strandsona utan plankrav og utan at strandsoneverdiane vert sikra. Dette gjeld særleg for fritidsbustader, naust og bryggar. Planframlegget med føresegner er også uklårt i høve til regionale og nasjonale kulturminneinteresser. Det er difor knytt motsegn til planen. 3. Planframlegget er ikkje i samsvar med forslag til Regional kystsoneplan for Sunnhordland og Statlege planretningslinjer for differensiert forvaltning av strandsona langs sjøen. I prosessen vidare bør dei to planarbeida sameinast slik at den interkommunale planen på ein god måte kan følgje opp regional og statleg politikk for strandsona. KURE gjorde følgjande vedtak: Vedtak: 1. Framlegg til Interkommunal strandsoneplan for Sunnhordland er eit omfattande og viktig arbeid som vil vera eit godt reiskap for kommunal planlegging. 2. Hordaland fylkeskommune rår til at strandsoneplanen vert vedteken slik han ligg føre. 3. Framlegg til Regional kystsoneplan er ikkje i samsvar med Interkommunal strandsoneplan. I prosessen vidare bør dei to planarbeida sameinast slik at strandsoneplanen vert styrande for kystsoneplanen i kapitlet som omhandlar strandsona. Dersom det ikkje er mogleg, må kapitlet om strandsona takast ut av kystsoneplanen. 4. Varig verna kulturminne er del av dei enkelte kommunane sine kulturminneplanar. Strandsoneplanen må som alle kommunale planar, ta omsyn til varig verna kulturminne og fastsette vernesonar. Protokollmerknad frå Tom Sverre Tomren på vegner av MDG og Krf: MDG og Krf er sterkt kritiske til planframlegget som er i strid med regional politikk og statlege planretningslinjer for strandsona. Fylkesmannen har kome med motsegn (ligg som vedlegg).

9 Motsegn Fylkesmannen i Hordaland har motsegn til føresegna i planforslaget. Dette gjeld ei rekkje punkt som er i strid med plan og bygningslova, i strid med planframlegg og planformål etter lova eller ikkje inneheld den vegring av interesser som skal gjerast i arealforvaltning i strandsona. FM skriv også at embete ikkje har funne grunn til å invitera til dialogmøte i denne saka. Dette skuldast at det er ni kommunar som må ta stilling til motsegna samt den prosessen som har vore til no. Vurdering Det har vore ein omfattande og krevjande prosess å utarbeida Interkommunal plan for Sunnhordland. Omfattande blant anna for det først skulle utarbeidast eit planprogram som skulle godkjennast, deretter vart arbeidet med planarbeidet lagt ut på Doffin. Etter tildeling av oppdrag kom det krav om innsyn, noko som utsette arbeidet i fleire månadar. Det har og vore ein krevjande, men lærerik prosess for dei som har vore i arbeidsgruppa. Ei utfordring har blant anna vore at kommunane har hatt ulike syn på forvaltning av strandsona. Dette kjem og igjen etter høyringsrundane. Då Sunnhordland fekk pilotstatus var eit av punkta at regionen også skulle utfordra lovverket, og at der ein såg at lova i praksis ikkje fungerer skulle gje melding til departementet om dette. Utkast til plan var på ei administrativ høyring med frist 15. desember Nokre av kommunane ynskte å ha denne høyringa politisk, og fristen vart utsett til utgangen av januar Fylkesmann og Fylkeskommune var og høyringsinstans. Innspel frå denne høyringsrunden vart bearbeidd før planen vart sendt styringsgruppa. Styringsgruppa fekk førelagt eit utkast til plan med føresegner i sitt møte i 6. mars d.å. Desse føresegnene var slik administrasjonen ser det eit svar på den oppgåva og dei moglegheitene som ligg i pilotstatusen. I dette møte ba representantane frå Fylkesmann og Fylkeskommune om at føresegnene vart bearbeidd slik at dei var i samsvar med lovverket. Det var i etterkant møte med representantane frå fylkesmann og fylkeskommune der ein saman gjekk i gjennom føresegnene og tilpassa dei til lovverket. Det er difor svært overraskande at begge etatane kjem med så krasse innsigelsar til planarbeidet. Den interkommunale strandsoneplanen med føresegner skal danna grunnlag for kommunale arealplanar. All den tid det framlagte høyringsdokumentet ikkje er ein arealplan, stiller administrasjonen seg undrande til om fylkesmannen har lovheimel til å gå til motsegn. Utdrag frå Plan og bygningslova pkt 2.5 kap "Innledning", 4. avsnitt; "... Berørt statlig og regionalt organ, annen kommune og Sametinget kan fremme Innsigelse til forslag til kommuneplanens arealdel og reguleringsplan...." Administrasjonen meiner at Samarbeidsrådet har fleire val for vegen vidare. 1. Avslutta planarbeidet. 2. Følgja heilt ordinære prosedyrar i Plan og bygningslova og be om mekling med fylkesmannen 3. Be om ei vurdering frå Kommunal og Moderniseringsdepartementet vedrørande fylkesmannen sitt legale grunnlag for å gå til motsegn.

10 Vurdering av alternativa. 1. Ein ferdig Interkommunal strandsoneplan vil kunna gje kommunane i Sunnhordland permanent status i sone 3. Avsluttar ein no er ikkje grunnlaget for ein permanent status tilstades. 2. Ei mekling vil kunna gje gode avklaringar og etter ei gjennomført mekling føreligg det eit juridisk grunnlag for å ta saka vidare til departementet. 3. Kan ikkje gjera noko med kjerna i saka, at Fylkesmannen er usamd i innhaldet i planen. På bakgrunn av ovannemnde rår administrasjonen til at Samarbeidsrådet for Sunnhordland ber om mekling i saka. Framlegg til vedtak: Samarbeidsrådet for Sunnhordland rår til at kommunane ber om mekling med Fylkesmannen i Hordaland. Samarbeidsrådet for Sunnhordland går inn for at følgjande personar representerer regionen i meklinga:

11 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 44/15 GJG/ PLAN FOR IDRETT, FRILUFTSLIV OG KULTURANLEGG I SUNNHORDLAND I 2001 utarbeidde Samarbeidsrådet for første gong Plan for idrett, friluftsliv og kulturanlegg. Bakgrunnen var at kommunane i regionen i større grad ønskte å samarbeida om defineringa av kva som er regionale anlegg, planlegging av regionale anlegg og om utvikling av dei anlegga som vert definerte som regionale. Dette for at ein gjennom samarbeid og felles forståing skal kunna utvikla eit godt utbygd tilbod innan idrett, friluftsliv og kultur. Planen har sidan vore rullert og revidert annankvart år, utanom for perioden , då planperioden vart utvida til å gjelda ut 2015 (sak 41/13): Samarbeidsrådet går inn for at Plan for idrett, friluftsliv og kulturanlegg i Sunnhordland vert gjeldande ut Det er eit mål at planen skal utvikla eit samarbeid slik at regionen som heilskap utviklar eit enda betre tilbod til innbyggjarane og tilreisande, skapar ein struktur i satsinga som gjer at utviklinga av regionale anlegg får ein god planmessig utvikling i høve til både breidde i tilboda, behov og grunnlag for etablering. Det er og viktig at planen opnar for samarbeid på tvers av kommunegrensene, slik at det vert høve til å satsa på anlegg som er så krevjande at ein kommune åleine ikkje har høve til å utvikla eit slikt anlegg. Vurdering Sunnhordland var den første regionen i Hordaland som utarbeidde denne type plan. Seinare har andre regionar kome etter. Fylkeskommunen har ønskje om at alle regionane utarbeider slike planer. Kriteria som har vore lagt til grunn for planen har vore: må vera av ein slik "tyngde" at dei har ein bruksverdi som trekker til seg folk ut over eigne kommunegrenser. ha ein kostnads- og kommunikasjonsstruktur som gjer at det ikkje er naturleg at kvar kommune kan byggja eigne anlegg. må ha ein særegenhet som gjer at dei naturleg skil seg ut. Gjennom arbeidet med planen er det gjeve ein regional status til mange idretts, friluftsliv og kulturanlegg i regionen. Denne statusen har ein verdi for desse anlegga. Det kan likevel stillast

12 spørsmål om der er for mange anlegg som har fått ein regional status. Det er viktig at det er ein felles forståing av kva anlegg som er regionalt og kva dette inneber. I røynda er det Hordaland fylkeskommune som gjev eit anlegg den formelle statusen som regionalt. I denne planen definerer regionen sjølv kva anlegg dei meiner er regionale. Det bør vera retningsgjevande for Hordaland fylkeskommune i høve til dei prioriteringane dei gjer. Det viste seg ved førre rullering at det er lettare å prioritera mellom idrettsanlegg enn kulturanlegg. Mangfaldet og skilnaden mellom dei ulike kulturanlegga var for stor til at arbeidsgruppa kunne gjera ei slik prioritering. Dette førte til at det vart ei opplisting over kva anlegg regionen har i staden for ei regional prioritering av dei ulike kulturanlegga. Arbeidet med rullering av planen er ikkje starta og det haster å koma i gong med arbeidet om ein skal ha den klar til starten av Det er på bakgrunn av dette at saka no kjem opp i Samarbeidsrådet. Administrasjonen ønskjer at Samarbeidsrådet tek ei drøfting på om arbeidsgruppa skal få ei tydelegare bestilling, slik at regionen bevisst løfter opp nokre anlegg som skal satsast på i neste periode. Dei anlegga som då skal prioriterast bør det føreligga konkrete planar på bygging eller utvikling av. Det er viktig at den regionale planen vert knytt opp mot Fylkesdelplan for idrett og friluftsliv. Planen for (15) ligg vedlagt. Framlegg til vedtak: 1. Samarbeidsrådet startar arbeidet med å revidera plan for idrett, friluftsliv og kulturanlegg 2. Planen skal vera gjeldande for perioden Rådmenna i kommunane peiker ut ein representant frå kultur/plan til arbeidsgruppa. 4. Samarbeidsrådet ber arbeidsgruppa gjera ei prioritering av dei 5 anlegga innanfor kvart område som ein ønskjer å prioritera i gjeldande planperiode. 5. Samarbeidsrådet skal handsama planen innan mars 2016.

13 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 45/15 GJG/ ANBOD PÅ NYTT FERJEMATERIELL Hordaland fylkeskommune skal i løpet av kort tid ha ein ny anbodsrunde på ferjemateriellet i fylket. Samarbeidsrådet har ved fleire høve spelt inn krav til anbodsgrunnlaget. Desse er retta både mot Samferdsledepartementet og fylkeskommunen. Representantar frå Samarbeidsrådet og Hordaland fylkeskommune/skyss hadde møte 28. september. I møte gav Skyss informasjon om status i arbeidet med anboda og det var høve til å koma med innspel til anbodsgrunnlaget. Innspela ligg som vedlegg. Kvar kommune vart beden om å ta kontakt med relevante interessentar i sin kommune og samla eventuelle innspel. Administrasjonen legg til grunn at dette er blitt gjort. Vurdering Denne anbodsrunden er svært viktig for ferjetilbodet i regionen og administrasjonen meiner difor at Samarbeidsrådet bør gjera eit vedtak der rådet støttar opp om innspela som kom fram i møte. Desse innspela gjekk i stor grad ut på at det må vera korrespondanse mellom ferje, buss og snøggbåt. Det kom og innspel på behov for fornying av ferjemateriell. Snittalderen på ferjene i Hordaland er over 25 år, og fleire nærmar seg 40. Dersom det ikkje kjem inn nytt materiell ved oppstart av nytt anbod vil ikkje det skje i anbodsperioden. Snittalderen vil difor auka markant i anbodsperioden. Det er heller ikkje alle ferjene som tilfredsstiller kravet om universell utforming, og difor er det ynskje om modernisering av flåten i neste anbodsperiode. Då må det og stillast strengare miljøkrav. Hordaland og Møre og Romsdal har historisk sett hatt den største og eldste ferjeflåten. Desse to fylka kom veldig dårleg ut når fylka overtok drifta frå staten fordi desse fylka ikkje fekk kompensert at det var større behov for fornying av flåten enn dei fleste andre fylka. Samarbeidsrådet bør drøfta om dette er eit argument for å få auka statleg ramme til drift av ferjesambanda i Hordaland. Samarbeidsrådet bør og drøfta kva som kan og bør gjerast for å få på plass bruk av miljøvenleg framdriftsteknologi. Dette vil føresetja friske statlege midlar og må ikkje gå ut over rutetilbodet.

14 Framlegg til vedtak 1. Samarbeidsrådet støttar opp om dei innspela som er komen i prosessen kring nye anbod på drift av ferjer og krav til ferjemateriell. 2. Samarbeidsrådet vil be Hordaland fylkeskommune særleg vektlegga krav om at ferjer skal nytta miljøvenleg framdriftsteknologi innan rimeleg tid.

15 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 46/15 GJG/ HOVUDPROSJEKT GEOPARK Ein geopark er ifølgje Wikipedia eit geologisk viktig område med ein strategi for berekraftig utvikling. Eit område med status som geopark må kunne syne korleis dei geologiske føresetnadane har påverka biologisk mangfald, landbruk, busetnad, industriutvikling, samferdsel og kultur. Ein europeisk geopark er med i UNESCO sitt Global Network of Geoparks. Det er etablert 110 geoparkar under Global geopark Network paraplyen i 32 land sidan I Norge er det etablert to etter I perioden september 2014 til juni 2015 har det i regi av Samarbeidsrådet for Sunnhordland vore gjennomført eit forprosjekt som skulle undersøkja grunnlag og mulighet for å få etablert ein geopark i Sunnhordland tilknytt dei europeiske og globale nettverka av slike parkar. Konklusjonen i forprosjektet basert på undersøkingar, profesjonsutsegner og kartlegging er at Sunnhordland har grunnlaget for å kunna bygga opp ein geopark i det europeiske og globale nettverket. Området er geologisk og kulturelt kvalifisert, ideelt geografisk avgrensa og har relevante tilbydarar av reiselivsprodukt i kvar kommune. Ein Geopark må dekka eit avgrensa geografisk område, ha ein unik geologi som har påverka kulturen i området. Geoparkar skal koma innbyggjarane til gode ved å vera ein ressurs i småskala næringsutvikling, i undervisning og lokal identitetsbygging. Ikkje minst skal parkane vera ein tilretteleggjar for reiselivsaktørane. Tilbod og partnarar i ein geopark må også vera forplikta til eit Bærekraft -charter der naturresursar ikkje blir forringa gjennom aktivitetane. Geoparkar skal heller bidra til bærekraftig forvaltning av naturarv i området. Prosjektmål Etablera ein geopark i Sunnhordland, klargjort for sertifisering i det europeiske og globale nettverket. Delmål: Etablera og utvikla eit nettverkssamarbeid mellom bedrifter og offentlege aktørar som skal vera bærebjelken i Geopark Sunnhordland. Forankring: Prosjektet er forankra i kommunane i Sunnhordland gjennom Samarbeidsrådet for Sunnhordland. Prosjektet er og forankra i bedrifter og organisasjonar som har delteke i forprosjektet. Eit hovudprosjekt er og forankra i Handlingsplanen til Samarbeidsrådet for 2015.

16 Aktivitetar: Primære tiltak: Utarbeide ein geologisk vurdering/fagskrift av Sunnhordland i samarbeid med NGU og UiB. Denne skal argumentere for kvifor og korleis Sunnhordland er unik i høve til andre geoparkar i Noreg og internasjonalt. Fokus skal vera på geosites (stader der ein kan sjå og oppleva geoparkens tema). Etablere ein startegi for geoturisme og geoutdanning Etablere ein strategi for korleis geoparken skal styrke den lokale samfunnsutviklinga/økonomien (reiseliv) Bygge nettverk av samarbeidspartnerar forplikta av bærekraftcharteret. Produsere populærvitskapleg informasjon på grunnlag av fagskriftet (td. jamført skulens læringsmål). Etablere geoparkens hovudinnfallsport samt lokale ''innfallsportar'' i kvar kommune. Etablere kontakt med EGN- og GGN-nettverka, samt samarbeide med det norske nettverket NNG. Samarbeid og evt. felleseige med Hordaland fylkeskommune må avklarast. Kostnadar og budsjett for tiltak på kort og lang sikt må fastsetjast. Relatere geoparken til folkehelseperspektiv og ambisjonar. Etablere nettside der det ovanståande blir formidla på tenleg vis. Målgrupper "Den opplyste 12.åringen" Med "den opplyste 12-åring" meiner me langvegsfarande turistar og lokale ''søndagsturistar'', skuleelevar mf. Resultat Auka omsetjing i reiselivsnæringa i Sunnhordland, samt styrka sunnhordlandsidentitet gjennom auka kunnskap om lokal natur- og kulturhistorie. Effektar Auka medvit om bærekraft og forvalting av naturressursar i Sunnhordland. Vurdering Gjennom forprosjektet er det konkludert med at Sunnhordland har eit svært godt grunnlag for etablering av ein Geopark. Får regionen dette vil dette vera eit viktig steg i mot for å knyta saman fleire aktørar, fleire ulike prosjekt og satsingsområder i regionen. Det vert no lagt opp til å søkja Hordaland fylkeskommune om midlar til eit hovudprosjekt over tre år. Dette vert viktig for å utvikla innhald og tilbod i Geoparken, men og til å utvikla tilbodet hjå bedriftene og leggja til rette for samarbeidet om og i Geoparken. Det er og eit krav om at ein geopark skal ha vore drifta i ein periode før ein eventuell status i i UNESCO sitt Global Network of Geoparks. Samarbeidsrådet må gå inn med ein eigeninnsats i prosjektet, både med kompetanse og med midlar. I prosjektplanen er det lagt inn ein 100% stilling, men administrasjonen legg opp til at dette er ei stilling som kan delast av fleire. Blant anna ved at delar av reiseliv og nettside vert lagt til stillingar i administrasjonen. Det er likevel realistisk at det vert lyst ut ei prosjektstilling på 80%. Prosjektet har ei kostnadsramme på ca 2,3 mill fordelt over perioden Det er lagt inn ein eigeninnsats frå bedrifter og Samarbeidsrådet. Det er avgjerande før igangsetting at Hordaland fylkeskommune går inn med ei delfinansiering på kring 50% av kostnadane. Søknad til fylkeskommunen kan ikkje sendast før Samarbeidsrådet har gjort vedtak om igangsetting og rådet sin del av finansieringa.

17 Administrasjonen rår til at Samarbeidsrådet nyttar tiltakspotten til delfinansiering fordelt med kr i 2015 og kr i både 2016 og I tillegg kjem eigeninnsats frå reiseliv og administrasjon, noko som vil utgjera ca 20% stilling. Framlegg til vedtak: 1. Samarbeidsrådet er positive til oppstart av eit hovudprosjekt Geopark Sunnhordland. 2. Samarbeidsrådet søkjer Hordaland fylkeskommune om 50% av kostnadane. 3. Samarbeidsrådet går inn med kr frå tiltakspotten i 2015 og kr i både 2016 og Det er ein føresetnad før oppstart av hovudprosjektet at prosjektet er fullfinansiert.

18 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 47/15 GJG/ FRAMLEGG TIL VAL AV REPRESENTANTSKAPSLEIAR OG NESTLEIAR Representantskapet er Samarbeidsrådet sitt høgaste organ og er samansett av 3 representantar frå kvar kommune. Det er kommunestyra som vel representantane. I perioden har Arve Opsanger, Kvinnherad kommune vore representantskapsleiar, medan Jarle Jacobsen, Sveio kommune har vore nestleiar. Dersom ein vel å fortsette rulleringa slik det har vore, er det ein representant frå Sveio kommune som skal vera representantskapsleiar for neste periode og ein representant frå Stord kommune som skal vera nestleiar. Oversikt over representantskapsleiarar og nestleiarar i perioden : Edvard Johannes Stangeland, Austevoll Lorentz Lunde, Tysnes Lorentz Lunde, Tysnes Wenche Tislevoll, Fitjar Harald Rydland, Fitjar Arve Opsanger, Kvinnherad Arve Opsanger, Kvinnherad Jarle Jacobsen, Sveio Sveio? Stord? Administrasjonen har ikkje oversikt over kven som er valt som representantskapsmedlemmer i kommunane for perioden ettersom ikkje alle kommunane har konstituert seg enno. Oversikta vil difor verta lagt fram i møte. Framlegg til vedtak: Samarbeidsrådet rår til at Representantskapet vel Sveio kommune til leiar for Representantskapet for perioden Stord kommune vert valt til nestleiar for same periode.

19 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 48/15 GJG/ FRAMLEGG TIL NYTT STYRE Styret i Samarbeidsrådet vert valt for to år. Det er ei fast rullering mellom kommunane. Oversikta over styresamansetning sidan 2007: År Leiar Nestleiar Medlem Vararepr. 2007/2009 Jorunn Skåden, Sveio Inge Reidar Kallevåg, Bømlo Trond Sætereng, Kvinnherad Ingen 2009/2011 Inge Reidar Kallevåg, Bømlo Liv Kari Eskeland, Elling Hetland, Etne Ingen Stord 2011/2013 Liv Kari Eskeland, Stord Kjetil Hestad, Tysnes Sverre Olav Svarstad, Bømlo Synnøve Solbakken, 2013/2015 Kjetil Hestad, Tysnes Synnøve Solbakken, Kvinnherad 2015/2017 Peder Sjo Slettebø, Kvinnherad Wenche Tislevoll, Fitjar Kvinnherad Elling Hetland, Etne Wenche Tislevoll, Fitjar Bjarne A. Martinsen, Sveio Morten Storebø, Austevoll Det er Representantskapet som vel styret. Styret i Samarbeidsrådet gjev innstilling til Representantskapet. Men det er likevel ønskjeleg at Samarbeidsrådet gir si tilslutnad til forslag til innstilling. Styret skal i følgje vedtektene vera samansett av 2 ordførarar og 1 rådmann. Det er eit krav at begge kjønn skal vera representerte i styret. I inneverande periode ( ) har styret vore samansett av følgjande personar: Ordførar Ketil Hestad, Tysnes kommune (leiar) Ordførar Synnøve Solbakken, Kvinnherad kommune (nestleiar) Rådmann Elling Hetland, Etne kommune (styremedlem) Ordførar Wenche Tislevoll, Fitjar kommune (vararepresentant) Det har vore tradisjon for at den kommunen som har nestleiar vert ny styreleiar i det nye styret og at vararepresentanten vert nestleiar. Administrasjonen føreslår difor at styret i Samarbeidsrådet for Sunnhordland for perioden vert samansett slik:

20 Ordførar Kvinnherad kommune (leiar) (Kvinnherad har konstituering 22. oktober) Ordførar Wenche Tislevoll, Fitjar kommune (nestleiar) Rådmann Bjarne Aksnes Martinsen, Sveio kommune (medlem) Ordførar Morten Storebø, Austevoll kommune (vararepresentant) Framlegg til vedtak: Samarbeidsrådet rår til følgjande styre for perioden : Ordførar i Kvinnherad kommune (leiar) Ordførar Wenche Tislevoll, Fitjar kommune (nestleiar) Rådmann Bjarne Aksnes Martinsen, Sveio kommune (medlem) Ordførar Morten Storebø, Austevoll kommune (vararepresentant)

21 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 49/15 GJG/ FRAMLEGG TIL BUDSJETT FOR 2016 Administrasjonen legg med dette fram framlegg til budsjett for Det er representantskapet som skal vedta budsjettet og styret i Samarbeidsrådet som skal gje framlegg til vedtak. Det er likevel ønskjeleg at Samarbeidsrådet kjem med innspel/endringar før styret gir si tilråding. Framlegg til vedtak: Samarbeidsrådet tek framlegg til budsjett for 2016 til orientering.

22 MØTEBOK Samarbeidsrådet for Sunnhordland Fredag 30. oktober 2015 kl Bekkjarvik Gjestgiveri Sak 50/15 GJG/ FRAMLEGG TIL MØTEPLAN FOR 2016 Vedlagt ligg framlegg til møteplan for Framlegg til vedtak: Samarbeidsrådet for Sunnhordland vedtek møteplanen slik den ligg føre.