Utval Møtedato Utval Saksnr Kommunestyret. Modell for utbygging av ordinær utleigekapasitet

Transkript

1 Vinje kommune Næringskontoret Arkiv saknr: 2014/1393 Løpenr.: 11622/2015 Arkivkode: X48 Utval Møtedato Utval Saksnr Kommunestyret Sakshandsamar: Toril Nicolaisen Modell for utbygging av ordinær utleigekapasitet Vedlegg: 1 Oversikt over svar frå Rauland 2 Oversikt over svar frå Vågslid 3 Notat av frå Tom Bratelie på vegne av Erling Svalastog 4 Uttale frå Color Line AS av Utdrag frå sluttrapport frå Asplan Viak: Arealpolitikk for varme og kalde senger på reisemål 6 Oversikt over diverse tilhøve om utleigesenger i Vågslid Dokument i saka: Sluttrapport frå Asplan Viak: Arealpolitikk for varme og kalde senger på reisemål Bakgrunn: Ein viser til kommunestyresak i ovannemnde sak, og på bakgrunn av vedtaket fylgjer omtale av punkt 2 og 4 i vedtaket og skisse til modell jfr. punkt 3 i vedtaket. Kommunestyret vedtok : 1. Saka bli utsett. 1. Kommunestyret krev ein meir konkret dokumentasjon av noverande utleigesituasjon, gjeldande varighet og omfang. Det er tidlegare sendt ut brev til alle hytteeigarar som fell innanfor sal- og tilbakeleigekonseptet på Rauland( 118 inkl. 24 leilighetar i Fjellparadiset ) og Vågslid ( 190 inkl 17 einignar som tilhøyrer Halvor Vinje ) med spørsmål om utleigesituasjonen for hytta/leigligheten (hytta). Oversikt over svar på svartidspunktet og utleigesituasjon då ligg som vedlegg 1 og 2. Situasjonen i dag er fylgjande for Rauland : 40 hytter/leilighetar i utleige gjennom fellesdrift og Vågslid 76 hytter ( av desse 17 tilhøyrande HV ) i utleige gjennom

2 fellesdrift. Mange av desse fell inn under 8-årsregelen om dei kan dokumentere utleige. Det blei også sendt ut brev til hytteeiegarar som har kjøpt ordinær utleigehytter/ regulert til utleige (19 stk ). Flesteparten av desse blei nytta som fritidshytte og på grunnlag av desse svara blei det sett i verk ulovleghetsoppfylgjing gjennom vedtak i PLM og Situasjonen er i dag fylgjande: Seljar har kjøpt tilbake 3 hytter, 5 er i utleige i fellesdrift ( med eller utan eigenbruk ) og 11 er ikkje i utleige i fellesdrift. 1. Skisse til modell i medhald av punkt 10 i framlegget i innstillinga skal liggje føre til neste møte om denne saka. Modellen for utbygging av ordinær utleigekapasitet omfattar 4 ulike tilhøve, der ein er ny og dei tre andre omhandlar vidare praktisering/avvikling av eksisterande ordningar. Punkt B, C og D har så langt vore grunnlaget for reiselivsutviklinga i Vinje kommune og ligg som føresetnader i kommunedelplanane for Rukkemo-Torvetjønn og Vågslid. A. Forslag til ny modell for utbygging av ny utleigekapasitet B. Tiltak som kan tilfredsstille kommunestyrevedtak av tidsavgrensa sal/tilbakeleige. C. Tiltak som ikkje kan tilfredsstille kommunestyrevedtak av sal/tilbakeleige i medhald av departementets ordning D. Ubebygde tomter og næringsområde innanfor kommunedelplan Rukkemo-Torvetjønn og Vågslid. E. Krav til utbyggarselskap. Vurdering: A. FORSLAG TIL NY MODEL FOR UTBYGGING AV NY UTLEIGEKAPASITET. A.1 Bruksendring av eksisterande hytter. Dette er ein modell som vil gjeva ny ordinær utleigekapasitet i kommunen og samtidig er eit tilbod til hytte som ikkje ynskjer å leige ut hytta si. Det er ei frivillig ordning som er eit tilbod til dei som ikkje har eller ynskjer å leige ut hytta. Dei som ikkje ynskjer å nytte seg av opplegget kan leige ut i medhald av 2004-vedtaket eller i tråd med departementets uttale i Planjuss 1/2009 (utleige i fellesdrift 9 månedar av året). Dei som ynskjer å nytte seg av ordninga må ha gjort avtale med eit utbyggarselskap inne utløpet av Modellen legg opp til at det er mogleg å få omgjort desse hyttene til fritidshytter. Det skjer ved at sengene bli erstatta med ordinær utleigesenger ein annan stad i kommunen, gjennom å inngå avtale med ein kommersiell aktør om bygging av ny kapasitet. Det vil bli lagt til grunn at kravet kan oppfyllast ved å erstatte 25 % av eksisterande sengeplasser for hytter som kan omfattast av sal/tilbakeleieordninga frå kommunestyrevedtaket i 2004 (punkt B) og 100 % av plassane for hytter som ikkje kan omfattast av denne sal/tilbakeleigeordningen (punkt C). Med dette forstår ein at ei 8-sengs hytte respektivt kan «erstattast» av 2 nye utleigesenger eller 8 nye utleigesenger. Hytteeigar må så søkje om dispensasjon frå reguleringsplanen (pbl. 19-2) og om å få bruksendre hytta (pbl fyrste ledd d). Kommunen gjev i medhald av pbl ein midlertidig dispensasjon frå næringsførmålet på vilkår om at hytta ikkje kan takast i bruk til fritidsførmål før det omsøkte tal nye utleigesenger faktisk er stadfesta bygd. Når hytteeigar kan dokumentere at avtalt ordinære utleigesenger er bygde gjev kommunen bruksløyve/ferdigattest og hytta kan lovlig takast i bruk til fritidsførmål.

3 Så framt søknaden ikkje omfatter bygningsmessige arbeid kan hytteeigar sjølv forestå søknaden utan å engasjere ansvarlig søkjar / prosjekterande mv. i medhald av pbl første ledd d (pbl første ledd e etter ). Kommunen legg til grunn at ei slik bruksendring ikkje medfører krav om oppgradering til gjeldende tekniske krav. A.2 Omregulering av ubygde næringsområder Ordningea som er omtala over kan også vera aktuell for ubebygde områder. Dersom det berre gjeld ei enkelttomt vil dispensasjon vera aktuelt. Men dersom det gjeld større områder kan kommunen, etter at det er inngått avtale med eit utbyggarselskap og eit tilstrekkelig antal utleigesenger er bygd, omregulere eit område frå næring til fritidsføremål. Dette føreset i tillegg til bygging av senger på ein anna stad at det aktuelle området etter kommunens skjønn er eigna til fritidsførmål. Kommunen vil for slike områder leggje til grunn at 100 % av dei potensielle sengeplassane erstattast med nye plasser. A. TILTAK SOM KAN TILFREDSSTILLE KOMMUNESTYREVEDTAK AV TIDSBEGRENSET SAL/TILBAKELEIE B.1. Bakgrunn. Kommunedelplanane for Vågslid og Rukkemo-Torvetjønn la opp til stor reiselivsutbygging av private hytter, men også med mange og litt spreidde område for utbygging av kommersiell utleigeeiningar. Føremålet var at kommunen skulle ha eit godt utgangspunkt for å bli ein stor og velfungerande reiselivskommune gjennom å ha eit variert tilbod. Det blei lagt opp til næringsområde hjå alle grunneigarar fordi det var viktig at alle var med å utvikla reiselivet i kommunen. Av fleire grunnar blei det vanskeleg å finansiere utbygging av ordinære utleigesenger, og for å få tilstrekkeleg kapasitet til utleige blei det i 2004-vedtaket lagt til rette for å skaffe utleigesenger gjennom sal- og tilbakeleigekonseptet. Vedtaket av 2004 set fylgjande krav for at sal/tilbakeleige skal definerast som næring: «Sal- og tilbakeleige oppfyller kravet til næring dersom det er åtte år tvungen tilbakeleige, rekna frå ferdigattest er gjeven. Minimum 70 % av året skal vera øyremerkt utleige. Andre føresetnader for sal og tilbakeleige er at kontraktene med desse vilkåra må tinglysast. Det må være meir enn ei bueining for kvar hytte. Standardiserte planløsingar og materialval vil vera en føremon. Dokumentasjon av at vilkåra er innfridde skal leggjast fram ved søknad om byggeløyve. Reglane i dette punktet gjeld for eventuelle einingar som har fått byggejeløyve tidlegare, og som nyttar denne modellen. Det er eit vilkår at eksisterenade og nye utbyggingavtaler/samarbeidsavtaler gjeld for utbyggingsformene i pkt. 1-4, og det må elles etablerast serviceavtaler for all fruk med Rauland Turist AS, Reisemål Haukelifjell, Vågslid Utbygging AS eller andre fellesorganisasjonar. Utleige av privateeigde hytter/leilighetar i nærings- og kombinerte område skal vera av profesjonell karakter. Ein føreset at all booking skal skje gjennom Rauland Booking AS eller Haukeli Booking AS.»

4 Ein reknar med at det er mange eksisterande hytter som ikkje kan tilfredsstille alle desse vilkårene. Desse må i så fall forhalde seg til punkt C dersom det ikkje er aktuelt/ynskjeleg å delta i den nye ordninga. B.2. Dagens situasjon. Det er i dag ca 300 hytter/leilighetar som er bygde av private, men som kan tenkast å gå under ordninga med sal- og tilbakeleige. Det er sendt ut brev til desse og svar på førespurnaden avdekker at denne ordninga ikkje har fungert slik den var tenkt og mange einingar har av ulike grunnar ikkje vore i utleige. Kommunen har i medhald av plan- og bygningslovens 32-1 plikt til fylgje opp ulovleg bruk. Det er fastsett prosedyre for ulovleghetsoppfylgjing i kap 32 i plan- og bygningsloven ( pbl ) med tanke på å tvinge gjennom godkjent bruk og overtredelsesgebyr i pbl 32-8 med eit straffelement. (i så fall aktuelt for desse saker pbl første ledd d). Kommunen har så langt vald ei oppfylgjing der føremålet er å tvinge gjennom bruk til næring, ikkje å straffe overtredelsane. I dette oppfylgjingsarbeidet skal det vera ei konkret vurdering av kvar enkelt hytte/leilighet for å sjå korleis situasjonen er og kvar eining skal ha si konkrete vurdering. Nedanfor er det sett oversikt over og kva som må gjerast når det gjeld oppfylgjing : B.2.1. Eininga har vore utleigd i 8 år. Ved tilfredsstillande dokumentasjon skal det etter søknad gjevast bruksendring. B.2.2. Eininga har ikkje vore i utleige. Det kan då inngåast tilfredsstillande utleigeavtale for 8 år innan Etter 8 års tilfredsstillande utleige skal det etter søknad gjevast bruksendring. Dersom det ikkje bli inngått avtale om utleige vil saka bli behandla som under 2.4. B.2.3. Hytteeigar som påstår/meiner han har prøva å få utleigekontrakt utan og lykkast. Dersom dette kan dokumenterast på ein tilfredsstillande måte at utleie er forsøkt i 8 år vil det etter søknad gjevast bruksendring. Dersom det ikkje kan dokumenteres slikt forsøk i 8 år, kan dei åra som kan dokumenterast koma til fratrekk i attverans utleietid. Dei som ikkje kan gjeva tilfredsstillande dokumentasjon fell inn under B eventuelt B B.2.4. Eining som ikkje oppfyller eitt av punkta B B.2.3. I slike tilfelle må det setjast i verk ulovleghetsoppfylgjing i medhald av plan- og bygningslovens kap 32. B.2.5 Hytteeigar kan nytte alternativet omtala i punkt A over. Utleige som nemnd over kan kombinerast med den nye løysninga, slik at faktisk gjennomført utleige kan redusere bidrag i ny løysing dersom ein ynskjer å bruke den. Til dømes kan gjennomført utleige i 4 år, redusere krav til opparbeiding av ny utleigeseng med 1. C. TILTAK SOM IKKJE KAN TILFREDSSTILLE KOMMUNESTYREVEDTAK AV SAL/TILBAKELEIGE I MEDHALD AV DEPARTEMENTETS ORDNING C.1. Bakgrunn. Hytter som er bygde i områder regulert til næring er utleigehytter som skal brukast i utleigeverksemd gjennom kommersiell verksemd. Dersom eigar ikkje kan oppfylle krava i kommunestyrevedtaket frå 2004, gjelder dei generelle regler. Miljøverndepartementet har

5 tolka næringsformålet slik at formålet er oppfylt dersom utleigeperioden er på minst 9 månader kvart år og utleige i desse månadene skjer i fellesdrift (Planjuss 1/2009). Denne type utleige skal skje i heile byggets levetid og gjev ikkje grunnlag for bruksendring. Dersom ein ikkje får til utleige i fellesdrift skal hytta leigast ut heile året. Dersom hyttene ikkje blir bruka som utleigehytte er det i strid med føremålet og plan- og bygningsloven. Kommunen har i slike tilfelle plikt til å setje i verk ulovleghetsoppfylgjing i medhald av plan- og bygningsloven. Alternativa for hytteeigar er : C.1.1. Hytta må koma i ordinær utleige, enten heile året i privat regi eller 9 måneder av året med kommersiell fellesdrift. Begge typer utleige må kunne dokumenterast på ein tilfredsstillande måte. C.1.2. Dersom hytta ikkje er i ordinær utleige i samsvar med regelverket har kommunen plikt til setje i verk ulovleghetsoppfylgjing i medhald av plan- og bygningslovens kap 32. C.1.3 Hytteeiger kan nytte seg av alternativet omtala i punkt A. C.2. Dagens situasjon. 11 utleigehytter og eit område som er regulert til utleigehytter Gamle Rauland Feriesenter og Leirgravstaulen er selde til private og mange er ikkje i utleige. Så vidt kommunen er kjent med kan ingen av disse hyttene oppfylle vilkåra i kommunestyrevedtaket frå 2004, og inntil dei blei selde var dei i ordinær 100 % utleie. Plan- og miljøutvalet vedtok i møte å varsle eigarane om pålegg om retting av bruk og varsel om tvangsmulkt for ulovleg bruk i medhald av plan- og bygningsloven 32-2 til dei som ikkje hadde hytta si i utleige. På møte vedtok PML å gje rådmannen fullmakt til å gje pålegg om retting og pålegg om stans i medhald av plan- og bygningslovens D. UBEBYGDE TOMTER SOM ER AVSETT/REGULERT TIL NÆRING ( BLÅTT ). D.1. Bakgrunn. I kommunedelplanane for Rukkemo-Torvetjønn og Vågslid blei det lagt til rette for omfattande utbygging og føremålet med planane var å få til god reiselivsutvikling gjennom eit tilpassa forholdstal mellom utbygging til næring og fritid. Mesteparten av arealet var avsett til fritidsbustader, men alle skulle vera med å bidraga og byggje ut/ bidra til utleigekapasitet og derfor var det krav om at det skulle vera næringsområde hjå alle som var omfatta av planane. Som nemnd ovanfor blei marknadssituasjonen endra og det kom til nye løysingar som ikkje har fungert særleg bra. Føremålet med å få til ei god reiselivsutvikling har heile tida lege fast m.a. i form av fleire politiske vedtak dei siste åra. Det er ingen grunn til at ikkje alle også framover må bidraga for å få til den reiselivsutviklinga som er politisk forankra. D.2. Situasjonen i dag for regulerte ubygde næringstomter. I kommunedelplanane for Rukkemo-Torvetjønn og Vågslid er det avsett/regulert inn ein del tomter og område til næring (blå ) som p.t. ikkje er bebygd. Det har ikkje vore interesse for å

6 byggje ut ordinær utleigekapasitet eller hytte med sal- og tilbakeleige, og ein del av desse tomtene ligg slik til at dei er lite egne at næringsføremål. D.3. Næringsområde/næringstomter held fram med å vera regulert til næring ( blå). For ein del område som er regulerte til næringsføremål er det ynskje frå grunneigar/ utbyggjar om å få området omregulert til fritidsføremål. Dette kan vera aktuelt for område som er lokalisert slik at det er eigna til fritidsføremål etter behandling i PLM. I slike tilfelle må grunneigar inngå i ordninga som er omtala i punkt A.2 over før det bli gjort politisk vedtak om omregulering frå næringsområde til fritidsføremål. A. KRAV TIL UTBYGGARSELKSKAP For å sikre seriøsiteten i ordninga tek kommunen atterhald om retten til å stille krav til utbyggarselskap som skal delta i ordninga. Det må gjerast ei konkret vurdering i det enkelt tilfellet, men typiske krav vil kunne vera: at selskapet har tilstrekkelig eigenkapital at selskapet disponerer ei eigna og aktuell tomt at det er framdrift i utbygginga, eksempelvis ved at selskapet må ha rammeløyve for sengeplassane før hytteeigarane kan «tilbys» desse og at det er ein rimelig ferdigstilling av utleigeeiningane at selskapet kan stille sikkerhet for hytteeigaranas investeringar at selskapet har andre interesser i same området (skiheiser etc.) for å sikre langsiktig drift at selskapet har driftsmessige føresetnader og erfaring som utleigar at selskapet kan vise til avtaler med store aktører som ynskjer å leige at kommunen ikkje frå tidligare har negative erfaringar med selskapet eller deira aktørar Dette er eksempler på relevante krav, lista er ikkje uttømmande. 1. Kommunestyret ber kommuneleiinga gjennomføre kontaktmøte med sentrale utbyggarar og grunneigarar om denne saka. Det har vore møte med grunneigarar, utbyggarar, hytteseljar og hytteeigarar. Frå møte med nokre grunneigar i Vågslid er det fyrst og fremst forslaget i modellenom vilkår for å få bruksendring/omregulering av næringstomter/næringsområde som det er motstand mot. Hovudinnvendinga mot dette er at dei meiner at det ikkje er behov for «varme senger» iallfall ikkje i Vågslid, og at det heller ikkje er økonomi i utleigeverksemd. Etter deira syn bør næringstomter og næringsområde bruksendrast/ omregulerast til fritidsføremål utan noko krav om å vera med å bidraga til å etablere ordinære utleigesenger. Det blei gjeve uttrykk for at det i den samanheng kan vera aktuelt å inngå ei privatrettsleg avtale om å avsetje midlar til tiltak som gjer område meir attraktivt. Eit anna ankepunkt er det dei meiner det berre er ein utbyggar som kan vera med på den føreslegne ordninga. Det har også vore møte med seljaren av dei ordinære utleigehyttene. Etter møtet har det kome innspel i eit notat frå Tom Bratlie som også deltok på møtet jfr. vedlegg 3. Hovudpunkt i innspelet er at dei ordinære utleigehyttene må likestillast med sal/tilbakeleigehyttene når

7 det gjeld konvertering av senger dvs at 4 senger i utleigehytta må erstattast med 1 ny ordinær utleigeseng. Det bli også gjort framlegg om å vurdere forholdstalet slik at 1 ny seng kjem til erstatning for 5 senger som utgår og at dette kan kombinerast med ei enkel utbyggingsavtale. Det har vore møte og telefonsamtaler med fleire hytteeigarar både dei som har kjøpt ordinære utleigehytter og sal-/tilbakeleigehytter. Fleire av dei som har vore i kontakt med kommunen meiner at seljar har gjeve manglande eller feilaktige opplysningar med omsyn til bruk av hyttene i samband med inngåing av kjøpekontrakt, men det bli også gjeve uttrykke for fleire ulik problem. Mange meiner at dei ikkje har noko ansvar for den situasjonen dei har kome opp i, og opplever dette som vanskeleg. Det bli også framført at kommunen ikkje har fylgd opp desse sakene tidlegare, og dette må få innverknad på kva som blir gjort. Det har også vore møte med aktuelle utbyggarar av «varme senger» på Rauland og Vågslid. Frå båe områda bli det sagt at det er behov for utbygging av ordinære varme senger for å auke kapasiteten på grunn av aukande etterspurnad og for å få tidsmessig og funksjonell kapasitet. Det er viktig å få nye ordinære utleigehytter fordi det er vanskeleg å få leigd privathytter ( som skulle vore i utleige ) og elles få erstatte hyttene som har oppfylt 8- årsregelen. Desse aktørane er villige til å investere i ordinære utleigesenger, men ser positivt på at andre seriøse utbyggarar bli med for å få dette til. Merknader. Det bli hevda frå nokre grunneigarar/aktør at det ikkje er behov for varme senger korkje i Vågslid eller Rauland. Dei som driv med utleigeverksemd i båe områda har ei anna oppfatning av dette, og det same har store aktørar i marknaden. Color Line og Fjord Line ynskje at kapasiteten blir auka i kommunen og ser svært positivt på dette prosjektet med å få til fleire likearta hytter for sjølvhushald- jfr. vedlegg 4 Uttale frå Color Line AS av Asplan Viak AS var i samarbeid med Mimir AS engasjert av kommunane Hol, Helsedal, Ål samt Buskerud fylkeskommune for å utgreie dei utfordringane fleire reiselivskommunar opplever i forhold til å utøve ein hensiktsmessig arealpolitikk for «varme og kalde senger». I dette arbeidet blei fleire vinterdestinasjonar spurde, og i sluttrapporten «Arealpolitikk for varme og kalde senger på reisemål» av er det omtala kva som er føresetnaden for å vera og utvikle seg vidare som reiselivskommune. Utdrag frå rapporten om desse føresetnadene fylgjer som vedlegg 5. Ein er elles kjend med at Skistar byggjer mange nye senger i Hemsedal, og dei uttalar at dei ikkje har nokon samla grunngjeving for kvifor varme senger er viktige, fordi «Det er så opplagt at dette ikke er noe tema i de kommuner de driver /Hemsedal, Trysil, Åre, Salen, Idre.» Skistar har utarbeidd ein oversikt over verdien av kalde og varme senger når det gjeld skiomsetning. Det er teken omsyn til beleggsgrad, alpinfaktor og skidagar. Inntekt pr seng i kalde senger er 28,2 % av inntekt pr. seng i varme senger. Ein oversikt frå Haukelifjell Skisenter AS viser m.a. at skiomsetninga går ned når utleigekapasitet går ned sjølvom talet på fritidshytter auka i same tidsrom jfr. vedlegg 6.

8 Grunnlaget for kommunedelplanane Rukkemo-Torvetjønn og Vågslid var at Vinje kommunen skulle vera ein attraktiv reiselivskommune, og ikkje ein hyttekommune. Dette er også stadfesta i politiske vedtak seinast i kommunestyresak 12/123 og formannskapsak 13/61. Det er viktig at grunnlaget for denne utviklinga ikkje bli endra, og for å få dette til må ein halde fast på desse føresetnadene. Bruken av areal framover bli avgjerande for å få til den utviklinga kommunen har vedteke og som denne modellen legg opp til. Av den grunn må ein sjå lengre fram enn korleis stoda er i dag. Det som kanskje ikkje bli vurdert som eigna areal/lokalisering kan endre seg over tid. Til dømes har det vore tankar skiheisutbygging i Vågslid som kan endre dette. «Modell for utvikling av ordinære varme senger» er utvikla her i kommunen vil vera med å leggje grunnlaget for ei vidare utvikling av Vinje som ein attraktiv reielivskommune. Vinje kommune har teke initiativ til og utvikla denne modellen og den kan danne grunnlag for andre fjelldestinasjonar som også har same utfordringane som Vinje. Det er viktig at modellen er slik utforma at den fører til at dei problema hytteeigarar, grunneigarar og kommunen har kome opp i bli løyste og samtidig legg grunnlag for ei positiv utvikling i kommunen. For å skape eit økonomisk grunnlag for vekst og utvikling er det avgjerande at dei ulike aktørar innanfor kommunen er med å bidreg, og at kommunen arbeider aktivt for å få reisemåla Rauland og Vågslid meir attraktive gjennom satsing på tilrettelegging både sommar og vinter. Rådmannen opprettheld forslaget om at modellen skal skilje mellom utleigehytter og sa/ og tilbakeleigehytter med forholdstalet 1:4. Det vil sei at kvar einaste utleigeseng skal erstattast 100% dvs med 1 ny ordinær utleigeseng og 4 «sal/ tilbakeleigesenger» skal erstattast med 1 ordinær utleigeseng dvs 25 % av sengene i ny ordinær utleigeeining. Rådmannen opprettheld forslaget om at det kan søkjast om dispensasjon frå reguleringsplan for ubygde tomter for på den måten å vera med i modellen på same vilkår som for sal/ tilbakeleigehytter. Bakgrunnen for dette er dei føresetnadene som ligg til grunn for kommunedelplanane. Denne byggjer på eit samspel mellom varme og kalde senger, og elles at alle som inngår i planområdet skal vera med å utvikle Vinje som reiselivskommune framover. Gjennom ei slik bruksendring frå næringstomt til fritidstomt vil verdien av tomta bli meir verdifull og grunneigar kan då få selt tomta for ein pris som ligg monaleg høgare enn for tomt regulert til næringsføremål. Det er stor variasjon i korleis stoda er for hytteeiegarane. Pr dags dato er det ca 120 hytter i utleige i fellesdrift og i tillegg er det privatutleige hjå nokre hytteeeigarar. Men mange hytteeigarar ynskjer ikkje å leige ut og nokre gjer det umogleg for utleigeselskap å ha hytta i utleige enten p.g.a. pris eller ved å ta ut dei beste periodane til egen bruk. Ein god del av hytteeigarane har kome i ein vanskeleg situasjon på grunn av at seljar og/eller meglar ikkje har gjeve korrekt informasjon og elles ikkje oppfylt lovnader som er gjevne. Hytter er t.d. seld som fritidshytte utan utleige. Slike problem bli av ulike grunnar i ein del tilfelle adressera til kommunen. Kommunen må vende seg til hytteeigar for å fylgje opp utleigeplikta fordi bruken er knytt til eigar og ikkje seljar. Hytteeigar må derfor taka opp / rette krav mot seljar/meglar fordi kjøp av hytta er ei sak av privatrettsleg karakter. Problema må løysast mellom seljar og kjøpar.

9 I ettertid ser ein at kommunen burde hatt ein meir aktiv rolle i desse sakene. Då hadde saka ikkje vore så omfattande og vanskeleg. Kommunen la til rette for utbygging og næringsutvikling for grunneigarar og utbyggarar under føresetnad av at dette blei gjort i tråd med regelverket. Det er ikkje gjort i ein god del tilfelle, og dette skaper problem for hytteeigarar og kommunen. Rådmannens framlegg til vedtak: 1. Vinje kommune forventar at grunneigarar og utbyggarar lojalt fylgjer opp dei demokratisk vedtekne arealplanar. Dessverre har framgangsmåten til enkelte aktørar nødvendiggjort denne saka. 1. Vinje kommune skal vera eit attraktiv reiselivskommune med tilstrekkeleg volum av ordinær utleigekapasitet slik at det er ein god balanse mellom fritid- og næringbruk i dei ulike delane i kommunen. 2. Vinje kommune vil i sin strategi for reiselivsutvikling sikre at det er nok areal til vidare næringsutbygging og elles vera med å leggje grunnlag for etablering av ny tidsmessig utleige- kapasitet. 3. Rådmannen bli beden om å leggje til rette for at det bli etablert tilstrekkeleg med eigna utleigeeiningar i kommunen og fylgje opp at ulovlig bruk av utleigeeiningar til fritidsførmål bli sanksjonert. 4. Vinje kommune vedtek å innføre den nye modellen for etablering av utleigeeiningar slik den er om tala i tilleggssak av til sak 15/18 og bed rådmannen leggje til rette for at den nye modellen kan innførast i kommunen. Den enkelte eigar av utleigehytter som ligg i eit relevant område og som ynskjer å bruksendre til fritidsførmål kan enten nytte den nye modellen eller innfri vilkåra i kommunestyrevedtaket av Rådmannen bli beden om å leggje fram ei sak som viser kva for ubebygde område som framover også skal vera næringsområder. 6. Vinje kommune vil informere alle aktuell partar om vedtaket inkl. «Modell for utbygging av ordinær utleigekapasitet.» 7. Kommunestyrevedtaket av bli oppheva. Dei som kan dokumentere at dei inngår i ordninga og oppfyller vilkåra pr kan halde fram med ordninga til dei har oppfylt utleigetida. 8. Kommunestyrevedtak PS 12/73 av pkt 1, 2 og 3 blir oppheva. 9. Vinje kommune vil framover arbeide med å betre skiløype- og turvegtilbodet i Vågslid og Rauland for å gjera kommunen meir attraktiv. Rådmannen, Jan Myrekrok, rådmann /s/