KOMMUNEPLAN FOR VOSS HERAD HØYRING.

Transkript

1 Arkivsak-dok. 18/ Saksbehandler Reidar Meel Saksgang Fellesnemnda Møtedato KOMMUNEPLAN FOR VOSS HERAD HØYRING. Prosjektrådmannen si innstilling: I medhald av plan- og bygningslova vert framlegg til kommuneplan for Voss herad (samfunnsdel og arealdel) lagt ut til offentleg høyring. Høyringsfrist vert sett til 2. desember Vedlegg: Samfunnsdel Kommuneplan Arealdel KPA.Voss herad.ros-analyse Voss sentrum Granvin lokalsenter Palmafossen lokalsenter Skulestadmoen lokalsenter Bjørgum nærsenter Vinje nærsenter Evanger nærsenter Bolstad nærsenter Myrkdalen nærsenter Massedisponering Bolstad Massedisponering Evanger Massedisponering Vangsvatnet Kommuneplan B kart Kommuneplan A kart Vedlegg til arealden_ny arealbruk,

2 Samandrag av saka: Arbeidet med ny kommuneplan for Voss herad starta Kommuneplanen har omfatta Voss kommune, Granvin herad og deler av Ullensvang herad (Oksen). Oppstart av planarbeidet vart varsla etter reglane i plan- og bygningslova med oppstart I samband med planoppstarten vart det utarbeidd eit planprogram for kommuneplanen. Planprogrammet vart vedteke av fellesnemnda 7.mars Kommuneplanarbeidet har omfatta både samfunnsdelen og arealdelen. Planarbeidet har vore politisk forankra i fellesnemnda. Vidare har det vore to arbeidsgrupper ei for samfunnsdelen og ei for arealdelen. Arbeidet med handlingsprogrammet av samfunnsdelen har skjedd parallelt med denne. I praksis er handlingsprogrammet synonymt med økonomiplanen slik den nye kommunelova legg opp til. Oppstart for arbeidet vart markert med eit felles kommunestyremøte for Voss kommune og Granvin herad. Møtet vart gjennomført som ein kafédialog der heradsstyra peika ut fokusområda for kommuneplanen. I samfunnsdelen har det vore gjennomført møter med næringslivet, ungdomsråda og fellesnemnda. Vidare har det vore gjennomført to opne kontordagar eit i Voss kommune og eit i Granvin herad. Ut over dette har det vore tverrfaglege møter internt m.a. med byggesak og dei ulike kommunalavdelingane. Under vegs er det gitt løypemeldingar i tre felles heradsstyremøte, i fellesnemnda og i eit felles formannskapsmøte. Det er også halde presentasjonar overfor næringsverksemder og andre lag/organisasjonar etter førespurnad. Lokalmedia er også nytta for å informera om den pågåande prosessen med kommuneplanen. Problemstillingar og utfordringar har også vore drøfta med regionale styresmakter i planforum 26.mars Kommuneplanen vert no lagt ut på høyring. Fakta om saka: Hovudtema og arealstrategi Hovudtema for kommuneplanen har vore; folkevekst og bustadutvikling, senterstruktur, innovasjon og utvikling, folkehelse, kommunale tenester, samfunnstryggleik og beredskap og det grøne skiftet. Sosial berekraft, økonomisk berekraft og miljømessig berekraft har vore eit viktige fundament i arbeidet. Det vart tidleg tilrådd ein arealstrategi frå fellesnemnda si side der strategien innanfor sentrale arealføremål vart forankra. Dette omfatta bustader, fritidsbustader, næring og offentlege føremål. På grunnlag av arealstrategien og tankar kring eit grønt skifte har alle arealinnspela blitt vurdert på grunnlag av denne strategien. Det er rett å kunna sei at ein har lagt til grunn ein «strengare» og meir transport effektiv arealstrategi også relatert til at ein har jobba meir målvite med å definera sein senterstruktur i Voss herad. Innspel: Det vart opna for innspel til kommuneplanen i perioden til I alt kom det inn om lag 200 innspel frå innbyggjarar, lag/organisasjonar og næringsverksemder. På grunnlag av dette og prosessen elles er det utarbeidd eit 2

3 framlegg til kommuneplan for med samfunnsdel og arealdel. Om lag 40 av innspela til arealdelen vart «ikkje vurdert vidare» etter ein sorteringsrunde i desember Det vart sendt ut melding til dei som hadde kome med innspel som ikkje vart med vidare i arbeidet. Også interne innspel og justeringar er vurdert. Verdivurdering, konsekvensvurdering og ROS-analyse Det er gjennomført ei verdivurdering, konsekvensvurdering og ein ROS-analyse av alle innspela av arealdelen. Dette er gjennomført etter standard opplegg, og i tråd med Voss kommune sin overordna ROS. Akseptkriteriene som er vedtekne er lagt til grunn for arbeidet. SAMFUNNSDELEN Folketalsutvikling Folketalet i Voss herad er på innbyggjarar per 2. kvartal 2019, og forventa å auka til i 2030, og opp til innbyggjarar i 2040 sjå planomtale. Visjon, mål og satsingsområde Hovudmålet i Voss herad er å vera eit sterkt og attraktivt regionsenter. Voss er ei kulturbygd og ein reiselivsdestinasjon der tradisjon og utvikling går hand i hand. Sjølv om heradsorganisasjonen sitt samfunnsoppdrag endrar seg i eit roleg tempo, endrar omgjevnadane seg i eit større tempo. Menneske, teknologi, infrastruktur, næringar, trendar og haldningar er i kontinuerleg endring. Heile Voss herad og heradssenteret Vossevangen må oppretthalda posisjonen som ei drivkraft for vekst i regionen både ovanfor eigne lokalsenter og nærsenter, men òg for nabokommunar. Strategiane for å nå hovudmålet er delt i tre kategoriar. ATTRAKTIVE VOSS, INNOVATIVE VOSS og INKLUDERANDE VOSS. Kvar strategi har sin eigen visjon. Dei tre strategiane er hovudkapitla i samfunnsdelen i tillegg til arealstrategien. Dei tre kapitla viser måla og strategiane for at Voss herad skal nå hovudmålet og strekkja seg mot visjonane. Sentralt står FN sine berekraftmål. Desse er innarbeidd i samfunnsdelen og konkretisert med mål og delmål for Voss herad. AREALDELEN Bustadanalyse Det vart utarbeidd ein eigen bustadanalyse til arealdelen av kommuneplanen. Målet med bustadanalysen er å ha kunnskapsgrunnlag for å kunne forma ein bustadstrategi i kommuneplanperioden. Difor har det vore viktig å få ein debatt om kvar denne veksten bør koma og gjennom arealplanen vera med å styra dette gjennom tilrettelegging av areal. Sjølv om tala for folkevekst er tona ned både for landet fylket og Voss herad, ynskjer Voss herad ynskjer å legga til rette for tilflytting til kommunen sjå planomtale. 3

4 Senterstruktur Eit sentralt fokusområde i arealdelen vore å gjennomgå senterstrukturen. Voss kommune definerte grensene for regionsenteret Vossevangen i kommuneplanen for Denne grensa vert ikkje endra og den nye sentrumsplanen vil definera den indre sentrumssona for Vossevangen. I arbeidet med senterstrukturen er «Regional plan for attraktive senter i Hordaland» lagt til grunn. Det har vore dialog undervegs med Hordaland Fylkeskommune om rammene for arbeidet. Det er no utarbeidd temakart som viser utstrekning av lokalsentra Skulestadmoen, Palmafossen og Granvin. Vidare er det utarbeidd temakart for nærsentra Bolstad, Evanger, Vinje, Bjørgum og Myrkdalen. For lokalsentra og nærsentra er det definert eit «sentrum» - der dei mest sentrale fellesfunksjonane og handelen ligg. Vidare er det lagt ei sone for «senteromlandet» - som me tilrår bør vera ramma for byggeaktivitet. Det er ikkje ei føresegn, men ei retningsline for framtidig utbygging. Bustadanalysen og handelsanalysen (utarbeidd til sentrumsplan) er lagt til grunn for arbeidet. Det er også utarbeidd retningsliner for senterstrukturen der ein m.a. legg opp til å styrka handelen i regionsenteret. Senterstrukturen har vore styrande for vurderinga av innspela om ny arealbruk. Levande bygder Arbeidet med senterstrukturen har vore utfordra av politiske signal om at ein ynskjer å ta heile kommunen i bruk ein vil ha levande bygder. Dette er no blitt ein del av visjonen for Voss herad. Administrasjonen er av den oppfatning at sterke sentra styrker vekst og utvikling også utanom regionsenteret. Administrasjonen har gått gjennom lista for «spreidd bustadbygging» (SB-liste), der dette arealføremålet ligg inne i eksisterande kommuneplanar for både Voss kommune og Granvin herad. Lista ligg inne under punktet om ny arealbruk. SB-lista viser at det er eit betydeleg reserve av tomteareal til spreidd bustadbygging i både Voss kommune og Granvin herad. Dette arealet vert ikkje teke ut av planen. Fylgjeleg er det eit godt potensiale for vidare bustadbygging utanom senterstrukturen ute i dei mindre grendene. Det er såleis mogleg å etablera seg utanom sentra. Men det vert ikkje lagt opp til nye tomter til spreidd bustadbygging i den nye kommuneplanen. Arealføremål nye tiltak i arealdelen av kommuneplanen Bustadområde (B) I vurderinga av nytt bustadareal har det vore praktisert ein strengare og tydlegare arealstrategi. Føringane har vore konkretisering av senterstrukturen men også at det skal vera grunnlag for levande bygder. Vidare har bustadanalysen vore lagt til grunn, og dei statlege føringane om ikkje å byggja ned dyrka mark. Det er framleis mange mindre innspel som på mange måtar er som ein søknad om dispensasjon for forbodet mot bygging i LNF-område. Administrasjonen har lagt overordna prinsipp til grunn ved vurderinga av desse innspela. I tråd med styrkinga av regionsenteret er det lagt inn 140 dekar til bustader i Raaberget. Dette kan generera eit betydeleg volum bu-einingar i sentrum. Her har forsvaret leigeavtale, og har munnleg signalisert motsegn mot dette. Det er også tilrådd eit større fortettingsprosjekt i sentrum (Sivlevegen/Groavegen) (B19) med inntil 60 bu-einingar. Tilsvarande prosjekt er også tilrådd i Hangursvegen med inntil 15 bu-einingar ved fortetting. På Rongve (B21) er det tilrådd inntil 40 bu-einingar, dette også innafor sentrumsgrensa. Det er også tilrådd ei bu-eining på Haugo/Storehagen (B9) då denne fell naturleg saman med andre bustader i område. 4

5 Innanfor Vinje nærsenter sitt senteromland vert det tilrådd å opne 2 område for bustadbygging. Ved Draugsvollbakkane B2 ( gnr. 261 /bnr.1) er det opna for inntil 3 tomter, og på 260/3 på Vinje ( B45) vert det opna for inntil 20 bueiningar. Voss kommune har konsesjon på erverv av gnr. 260/3 på Vinje. I konsesjonsvilkåra heiter det at Voss kommune skal realisera arealet til utbyggingsføremål. I Haugsvik er det ved Hauge (B11) lagt vidareført 5 bu-einingar i felt som i dag ligg med arealføremål spreidd bustadbygging. Innanfor lokalsenteret Skulestadmoen sitt senteromland er det lagt inn 9 bu-einingar. To område i Bavalsvegen (4+4 bu-einingar - B12 og B13), og ei bu-eining i Flatekvålsvegen(B18). I Granvin er det tilrådd 8 bu-einingar som vert knytta til eksisterande bustadfelt på Øvsthus. Ut over dette er det føreteke ei arealføremål-justering på Møen (B17) frå LNF til bustad. Ei tomt som låg inneklemt vert naturleg endra til arealføremål bustad. Ved Mølster (B41) er det flytta 2 tomter i område ved Hagahaugen, som vart vedteke i KPA Voss kommune B4 bustader på Bolstad (Kupedalen) er trekt av tiltakshavar og går ut. Det har og kome eit munnleg innspel etter fristen der det for Opelandsmarka/KPA Voss kommune er ynskje om ytterlegare fortetting. Dette er ikkje vurdert også ut frå gode bustadreservar på Bjørgum. Saka er tidlegare vurdert av utval for formannskap/plan og økonomi i Voss kommune. Areal til fritidsbustader (FB) I arealstrategien er det lagt føringar om å ikkje leggja ut nye felt til fritidsbustader på Voss. Volumet på tal tilgjengelege tomter er stort. Dette prinsippet har vore følgt for Voss sin del. I Granvin og Oksen er vert det likevel tilrådd utlegging av nokre areal til fritidsbustader. Det er lagt inn fortetting med 5 nye tomter på Kvitno i Bordalen. Det medfører at eksisterande reguleringsplan må endrast. I Myrkdalen (Årmotskrysset) er det lagt til rette for ei tomt i område med fritidsbustader (F1). På Hamlagrø (Flodvika) er det gjort ei arealjustering frå tidlegare dispensasjonssak. Arealet er endra frå LNF til fritidsbustader (F2). Det er ikkje snakk om fleire tomter. Vidare er det sett av ei tomt til fritidsbustader på Helgatun (Kråka) (F6). Dette er flytting av «tomterett» frå kommuneplanen til Voss kommune , då grunneigar seinare fekk avslag på avkøyring til den opphavlege tomta. På Breiset er det lagt inn to nye tomter til fritidsbustad (F8), i eit område det er tre fritidsbustader frå før. Fritidsbustader Granvin: Vurdering av områdereguleringsplan Granvin bygg og eigedom har kome med ei rad enkelt-innspel som har fått ei individuell vurdering. Det er vurdert om ikkje desse innspela som omfattar både fritidsbustader og næring burde gå inn i ein områdereguleringsplan. Det aktuelle område er m.a. eit viktig friluftsområde.det er likevel valt å leggja fram innspela einskildvis med positiv og negativ vurdering vert iverksett. Innsepla som er lagt inn med ei positiv tilråding er: Det lagt inn 2 felt a 10 tomter i Måvotno-Storlia (F13), Rusti-Vatnasete 2 felt med 5 og 16 tomter (F14), Litlastøl 2 felt med 2 og 4 tomter (F15), Hamre 14 tomter i areal ovanfor vegen (F19), Espelandsvegen nr.1-6 tomter (F20), Espelandsvegen nr.2 7 tomter (F21). 5

6 På Oksen er det på Djønno lagt inn 8 tomter i eit felt (F23), og 12 tomter i eit anna felt (F24). Begge areala ligg inne i gjeldande kommuneplan for Ullensvang herad. F23 sitt areal er justert noko grunna ålmenta sin tilkomst til fjorden. Etter fristen for innspel ( ) har det kome innspel om å leggja inn hyttefelt på Geilane. Det vart vedteke oppstart av reguleringsplan i utval for formannskap/plan og økonomi Innspelet er ikkje vurdert sidan det kom inn etter fristen. Ut over dette er det elles ikkje lagt ut nye hyttefelt på Voss. Det har også kome eit innspel (etter fristen) der det vert presisert at eldre hyttefelt må få same handsaming som nye hyttefelt m.o.t infrastruktur (parkering/vegar). Det er ikkje gjort endringar i gjeldande regelverk på dette feltet. Vidare er det kome framlegg om å tilbakeføra areal på gnr./bnr.57/1 frå fritidsbustader til LNF. Dette vert ikkje endra for å gje Voss Resort moglegheiter for eventuelt vidare utvikling. Næringsareal (N) - fritidsareal Det er lagt inn areal på Breiaset til ei varmestove til bruk i snøscooteropplæring (N2). Det er også lagt inn næringsareal på Bjørgum (Opelandsmarka) knytt til framtidig bustadområde (N3). På Lunde i Haugsvik er det vidareført areal til Campingplass (N9). Dette ligg inne i eksisterande arealplan for Voss kommune ( ), men har ikkje vore realisert pga. manglande godkjenning på avkøyring til E16. No er dette avklara iflg innsendar. På Taklahaugen (N11) er det utvida eit næringsareal kombinert med 2 bustader. På Kvitno (Øvre) er det lagt inn areal til Zip-line (N13). Tilsvarande er gjort på strekket Trohaug-Øvre Vassenden i Granvin (N14). Det er også lagt inn areal til aktivitetspark på Trohaug Granvin (N15). På Jarnahagen i Granvin (N17) er det lagt inn areal til vindkraftanlegg (Kitemill) som skal forsyna fritidsbustader i Vetlelia. På Snaueggi i Granvin (N18) er det lagt inn areal til vindkraftanlegg (Kitemill) som skal forsyna fritidsbustader for 4 område. Næringsareala i Granvin må sjåast i samanheng med vurderinga av ein eventuell områdereguleringsplan jf.avsnittet om fritidsbustader. Område for bubil og turistbussar har vore spelt inn til kommuneplanen. Det har vore vurdert ulike areal utan at ein har funne eigna område i sentrum. Eit areal ved Melsvatnet er vurdert. Bensinstasjon ved kulturhuset er i gjeldande reguleringsplan ikkje regulert inn. Alternative tomter er vurdert, m.a ved rasteplassen på Kvåle. Arealføremålet på Kvåle er endra slik at det er mogleg å etablera ein energistasjon. Andre arealføremål Det er lagt inn areal til parkering for 40 personbilar ved Granvin Kyrkje. Areal til campingplass vert endra til føremål parkering (P1). Det er lagt inn areal til framtidig fleirbrukshall på Bjørgum ved skulen (I1). Vidare er det lagt inn areal til brannstasjon på Vinje (O/P 1) 6

7 Innspel frå Granvin IL om motocrossbane eller område for friluftsaktivitetar har vore vurdert ved Kyrkjeteigen (LNF 1). Område til friluftsaktivitetar er uproblematisk, då det ikkje treng noko endring av arealføremålet. Motocrossbane i Granvin er meir problematisk då det eventuelt treng ei regulering. Aktiviteten vil generera utslepp og støy. Spørsmålet er om ein skal bruka ressursar på dette i lys av det grøne skiftet. Internt har det vore ei vurdering av arealføremålet til desse offentlege bygga: Gnr.bnr.:125/5og126/5: Raundalen skule: Nytt arealføremål: Bustad. Gnr.bnr.:191/118:Tidl.Brynaskogen barnehage: Arealføremål som i dag. Delområde som viser offentleg føremål vert endra til «bebyggelse-anlegg» - som elles i dette område. Gnr.bnr.:263/35: Sambygg: Vert som i dag næring med skravert område for «bustad». Område som er teke ut av planen FB: Lindberg i Raundalen: Ei hyttetomt er etter ynskje frå grunneigar teke ut av, og tilbakeført til LNF. N:Granvin (Hamre): Akvakultur : Område sett av til akvakultur er ikkje realisert og vert teke ut av planen. FB: Skiple: Lite eigna område til fritidsbustader er teke ut pga. vanskeleg tilkomst og urørt naturområde. Andre areal til fritidsbustader i området er under realisering. Vidareføring av arealføremål i eksisterande arealplanar tilhøvet til andre planar. Arealbruk/arealføremål i tidlegare kommuneplanar (arealdelen) for Voss kommune, Granvin herad og «Oksen» vert vidareført i ny kommuneplan om ikkje arealføremålet aktivt er teke ut eller er endra i ny arealbruk. Tilsvarande gjeld også for reguleringsplanar. Kystsoneplanen for Ullensvang som omhandlar «Oksen» - krinsane Tjoflot og Djønno vert vidareført med mindre justeringar i ny kommuneplan. Andre kommunevise planar vert også vidareført inntil ny plan føreligg så lenge desse ikkje er is trid med kommuneplanen. Ny planstrategi for peikar ut kva planar Voss herad skal jobba vidare med i den komande valperioden. Bømoen Kommuneplanen fekk i oppdrag frå fylkesmannen å gjera avklaringar m.o.t. bustader, støy, grusressursar og omsynet til drikkevasskjelda. Desse avklaringane er no gjort og omtala i plandokumentet. Det er ikkje lagt opp til bustadbygging i Bømoen. Klima og klimatilpassing Klima og klimatilpassing vert sentralt i kommuneplanperioden. Arealplanen må ta høgde for dei utfordringar med vil ha lokalt med auka sannsynlegheit for kraftig nedbør, regnflom, jord-, flom- og sørpeskred og stormflo i framtida. I arealplanlegginga må ein ta høgde for dette både ved å førebygga, og redusera konsekvensar. Flaumsikring av Vossavassdraget er ei stor og viktig sak der kommunen er i dialog med NVE om framtidige løysingar. Dei overordna føringane for ei berekraftig utvikling gjennom eit grønt skifte er lagt i kommuneplanen. Energi og klimaplanen for Voss kommune ( trekkjer opp strategi og tiltak for å gjennomføra utsleppsreduksjonar og klimatilpassingar. Føresegner og retningsliner 7

8 Planavdelinga og byggesak har vore involvert i prosessen med å revidera føresegner og retningsliner. Utganspunktet for arbeidet har vore Voss kommune sine retningsliner supplert med Granvin herad sine. Store deler av føresegnene og retningsliner er samanfallande for begge kommunane. Reint strukturmessigt er føresegner og retningsliner med same tema no lagt «etter kvarandre». Dette for å kunne lettare få oversikta samla under same kapittel. Retningsliner for seksjonering kjem såleis rett etter føresegner for seksjonering. Elles er det gjort slike endringar: - Retningslinje for parkering er endra og gjort om til føresegn for parkeringsdekning. - Retningsline og føresegn for campingplassar og oppstillingsplassar for campingvogner er forenkla og endra til føresegn for campingplassar og oppstillingsplassar for campingvogner - Det er utarbeidd ny føresegn for husvogner, minihus, tretopphytter og husbåtar. - Det er utarbeidd ny føresegn for luftsport/idrett. - Det er utarbeidd ny føresegn for overskotsmassar. - Det er utarbeidd ny føresegn for LNF-område i Bømoen. - Det er utarbeidd ny retningsline for bustader. - Det er lagt inn ny omsynssone for kunstnarheimar. Føresegn for landbruks- natur og friluftsliv (LNF) er endra og delt opp i eit punkt om «frådeling» og eit punkt om «gardstun». Dette fangar opp debatten om frådeling og tal hus på garden. Retningsliner for senterstruktur er oppdatert. Det er lagt inn nye temakart for lokalsentra og nærsentra. Nytt nærsenter er Myrkdalen. I tillegg får Granvin status som lokalsenter i den nye senterstukturen Elles har det vore ein diskusjon om å oppretta eit «grøntfond» i høve kravet til uteopphaldsareal i sentrum. Det er ikkje mogleg å etablera eit fond for frikjøp i høve kravet om felles uteopphaldsareal slik det er gjort for parkeringsdekning. Det er ikkje heimel i lovverket (plan- og bygnignslova) til eit slik grøntfond. Gjennom ein utbyggingsavtale kan det gjevast eit anleggsbidrag som heilt eller delvis kan redusera deler av kravet til uteopphaldsareal. Dette er no omtala i punktet om utbyggingsavtalar og under punktet som viser til kravet om uteopphaldsareal under Det vert difor tilrådd at utbyggingsavtale/rutine for anleggsbidrag kan nyttast som metode for «frikjøp» frå kravet om uteopphaldsareal. Det vil vera ein frivillig avtale. Ei viktig endring er sett inn i punktet om «føresegn for bustader» og «føresegn og fritidsbustader». Gjeldande regel om at det kan byggast inntil 4 bu-einingar/fritidsbustader er no redusert til 2 bu-einingar/fritidsbustader. Argumenta for denne endringar er slik: For å sikre fortetting med kvalitet er det avgjerande å ha ein overordna plan som gir føringar for kor og korleis eit område bør fortettast. Det gjeld både i sentrum og i bustadområda i randsona til sentrum. I ny sentrumsplan vert det lagt til rette for mykje bustadfortetting. Det er no viktig å sikre intensjonen, i både kommuneplanen og sentrumsplanen, at det må utviklast og byggjast tett opp til sentrumsfunksjonar og knutepunkt. Med bakgrunn i det er opning for fortetting utan reguleringsplan redusert frå inntil 4 einingar til 2 einingar. 8

9 Fortetting i eksisterande bustadområde er krevjande, og dess høgare fortetting dess større utfordring. Opptil fire husvære på små tomter er krevjande, og for å få til gode løysingar må det vurderast og planleggjast godt. Det er krevjande å få tilfredsstillande kvalitet både for nye husvære og for eksisterande omkringliggjande husvære. Med krav om reguleringsplan vert spørsmål om fortettinga sikra ein grundig høyringsprosess. Aktuelle problemstillingar som ras, flaum, støy, offentleg- og privat uteopphaldsareal, kulturminneinteresser, grøntstruktur, trafikkale løysingar, estetikk og utforming vert utgreidd og vurdert. Administrasjonen meiner denne endringa støttar opp om viktige mål i både kommuneplanen og sentrumsplanen om at det skal fortettast med kvalitet og sikre berekraftige byer og samfunn, jf. FNs berekraftsmål nr 11. Vidare er det presisert (føresegn bustader) at maksimal storleik for garasje er 70 kvm. BYA med maksimal gesimshøgde 3 meter og maksimal mønehøgde 5 meter. Retningslinene for senterstruktur er oppdaterte i tråd med ny struktur. Omsynssoner Under punktet om «Støy» er det nye støysonekartet for Bømoen innarbeidd og avmerka i arealdelen. I same område er det lagt inn omsynssone for drikkevasskjelda og mineralressursar. Vidare er det lagt inn ei omsynssone på 30 meter for Bømo-løypa. Det er lagt inn nye omsynssoner for kunstnarheimar. Vidare er det lagt inn omsynssoner med skredfare både for Voss, Granvin og Oksen jf. arbeidet med faresonekart i regi av NVE. Omsynssoner for viktige naturområde i Voss kommune er oppdatert, ved at større og verdifulle våtmarksområde er lagt inn. Ved neste rullering bør tilsvarande område for Granvin leggast inn. Etter NVE si nye faresonekartlegging er det lagt inn omsynssoner for aktuelle område for Voss, Granvin og Oksen. Det er lagt inn omsynssoner for høgdebasseng på Skjerpe (gnr./bnr.51/106) og Vinje (gnr./bnr.260/3.). Det er også lagt inn omsynssone for vernskog. Generelle innspel til kommuneplanen (KPA) og vurdering: 1. Dok.117: Oppheimsdalen Interesselag. Ynskjer landskapsvernområde i Oppheimsdalen. Vurdert som uaktuelt. 2. Dok. 96:Voss Grunneigarsamskipnad. Ynskjer å oppretthalda retningslina for bakgrunnsareal, og vil ha streng praktisering av denne. Kravet om bakgrunnsareal er vidareført i gjeldande retningsliner for fritidsbustader. 3. Dok. 31:.Arbeidsgruppa for Voss Vest. Vil ha inn att dei same formuleringane for Bolstad/Evanger som ligg i KPA for Voss kommune når det gjeld senterstruktur. Senterstrukturen sine retningsliner er justert, men me tek med innspelet i det vidare arbeidet med sentra. KPA legg rammene for sentra. Innhaldet kan definerast i detaljplanlegginga. 4. Dok.33:NVE innspel oppstart kommuneplan. Kjem med innspel til viktige område som KPA må ta høgde for; naturfare, vassdrag og energi. Innspelet er nytta og vurdert i heile prosessen. 9

10 5. Dok.38:Frode Solbakk (1). Ynskjer å fastsetja byggegrense for Skulstadmoen, slik som for Vangen. Lokalsenteret Skulestadmoen er innarbeidd i kart med senter og senteromland (byggegrense). 6. Dok.45:Prosjekt Granvin Granvin frå kommune til bygd. Skisseprosjekt. Prosjektet er gjennomført av Granvin herad. 7. Dok.74:Grunneigarar gnr.235, 236 og 238. Vil ha ut eksisterande hyttefelt for Vinsand som ligg i KPA for Voss kommune. Endringa er ikkje gjennomført. 8. Dok.76:Granvin helselag. Ynskjer å oppretthalda legekontor i Granvin. Handtert organisatorisk av prosjektleiar/fellesnemnda, ikkje i kommuneplanen. 9. Dok.81:Naturvernforbundet (1).Innspel etter debattmøte om grønt skifte på Voss. Grønt skifte har vore fokusområde i KPA. Deler av innspelet er vurdert. 10. Dok.98:Granvin formannskap. Innspel frå Granvin formannskap Vurdert, og gjennomført deler av forslaga. 11. Dok.149:Naturvernforbundet (2). Plastgranulat på kunstgrasbaner. Vert vurdert av kulturavdelinga i Voss kommune. Ikkje innarbeidd i KPA sitt regelverk. 12. Dok.157:Voss Naturvernlag. Talar naturen si sak i Voss herad. Teke til orientering. 13. Andreas Skjelde: Vidareføring av godkjente hytteprosjekt gnr.bnr.11/2. Ikkje endra i ny KPA. 14. Dok.163:Frode Solbakk (2). Vil at Voss herad må ha rett kompetanse på «friluftsliv» både organisatorisk og fagleg. Teke til orientering. KPA har ikkje ansvaret fororganiseringa av Voss herad. 15. Voss Active: Ynskjer å justera KPA (arealplan) i samsmsvar med reguleringsplanen for Skulestadmoen. Endringa er gjennomført i ny plan. 16. Dok.167:Hardanger og Voss Museum. Innspelet om kulturfeltet i nytt herad. Teke til orientering. KPA har ikkje med det organisatoriske å gjera. 17. Dok.172:Granvin og Voss Senterparti. Peikar på sentrale område i det nye heradet. Vurdert i heile prosessen mellom anna den raude tråden om grønt skifte/folkehelse. 18. Dok.175:Rasdalen Grendelag. Vill ikkje privatisera Rasdalsvegen. Utanfor KPA sitt mandat. 19. Dok.178:Bolstadelva AS. Vil at KPA skal verna sterkare om Vossolaksen. Ingen endringar ut over det vernet som ligg i Vosso sin status som nasjonalt laksevassdrag. 20. Dok.180:Vossa Jazz. Innspel om kulturfeltet i nytt herad. Teke til orientering. 21. Dok.181:Ellen T. Astrup. Uroa over konsekvensane ved fortetting. Teke til orientering. 22. Dok. 182:Indre Hordaland Miljøverk. Innspel om det grøne skiftet. Vurdert i heile prosessen. 23. Dok.184: Rådet for menneske med nedsett funksjonsevne (Granvin): Helsetilbod i Granvin i ny kommune. Vurdert organisatorisk av prosjektleiar/fellesnemnd. 24. Dok.186:Miljøpartiet dei Grøne. Levande nærmiljø/arealbruk/sykkel- og kollektivtilbod: Vurdert i heile prosessen. 25. Dok.166:Styret i Voss Bondelag. Krev at retningsline for bakgrunnsareal vert vidareført i gjeldande føresegner. Retningslina er vidareført. Prosjektrådmannen si vurdering: Sjå samfunnsdel og arealdel med planomtale. 10