Møtebok. Ann Kristin Langeland (Hornindal) Rune Hovde (Stryn)

Transkript

1 Nordfjordrådet Utval Nordfjordrådet Møtestad Stryn vidaregåande skule i Stryn Dato Tid Kl. 10:00-15:00 Møtebok Følgjande medlemar møtte Alfred Bjørlo Kristin Maurstad Stein Robert Osdal Stig Olav Lødemel Sven Flo Forfall: Leidulf Gloppestad Av rådmennene møtte: Følgande varamedlem møtte: Magni Aa-Berge Jan Kåre Fure (Gloppen) Ann Kristin Langeland (Hornindal) Rune Hovde (Stryn) Andre: Geir Peder Ueland dagleg leiar In Via, sak 015/18 Jon Gimmestad styreleiar In Via, sak 015/18 Trond Haavik partner Segel AS, sak 015/18 Johanne Elisabett Sørdal Avdelingsleiar yrkesfag Stryn vgs, sak 015/18 Tone Holvik stadleg leiar Helse Førde, sak 015/18 Marita Lindvik reiselivssjef Visit Nordfjord sak 015/18 Møteleiar: Kristin Maurstad Underskrifter: Kristin Maurstad

2 Sakliste Sak nr. Sakstittel 014/18 Godkjenning av møteprotokoll, innkalling og sakliste 015/18 Referat og orienteringssaker 016/18 Strategi- og handlingsplan 2019 for Nordfjordrådet Side 2

3 Nordfjordrådet Arkiv: FE JournalpostID: 18/11554 Saksbehandlar: Roger Aa Djupvik Saksnr. Utval Møtedato 014/18 Nordfjordrådet Godkjenning av møteprotokoll, innkalling og sakliste Leiaren si tilråding: 1. Nordfjordrådet godkjenner møteboka frå 4. juni 2018 på Nordfjordeid. 2. Nordfjordrådet godkjenner innkallinga og saklista til dette møtet. Møteboka frå Nordfjordrådet sitt møte på Nordfjordeid den 4. juni 2018 vert lagt fram til godkjenning. Leiaren har sett opp slik dagsorden for dette møtet: Tid Orienteringssaker: Arbeids- og inkluderingsbransjen i Nordfjord Geir Peder Ueland, dagleg leiar In Via Prosjektarbeid i regionen; Nordfjord Virituelle Campus og Smart4Real Trond Håvik, Segel AS Orientering og omvising Stryn vgs - Anders Magne Bruvoll, rektor Stryn vgs Lunsj med bildetaking Evaluering av ordninga stadleg leiar, Tone Holvik, stadleg leiar Helse Førde Korte orienteringssaker frå Nordfjordrådet: Energinettverk Nordfjord Felles innkjøpsavtale i Nordfjord Hospiteringsordning for ungdomsskuleelevar i Nordfjord Evaluering og oppfølging av besøk på vgs. Strategi- og handlingsplan Nordfjordrådet Framtidig kommunestrukturar i Nordfjord status, orientering og drøfting Møte slutt Side 3

4 Nordfjordrådet Behandling NORD- 014/18 Vedtak 1. Nordfjordrådet godkjenner innkallinga og sakslista til dette møte. Vedtaket var samrøystes. Side 4

5 Nordfjordrådet Arkiv: FE JournalpostID: 18/11555 Saksbehandlar: Roger Aa Djupvik Saksnr. Utval Møtedato 015/18 Nordfjordrådet Referat og orienteringssaker Leiaren si tilråding Saka vert lagt fram utan tilråding Orienteringssaker: Arbeids- og inkluderingsbransjen i Nordfjord - Geir Peder Ueland, dagleg leiar In Via Prosjektarbeid i regionen; Nordfjord Virtuelle Campus og Smart4Real - Trond Håvik, Segel AS Orientering og omvising Stryn vgs - Anders Magne Bruvoll, rektor Stryn vgs Evaluering av ordninga stadleg leiar - Tone Holvik, stadleg leiar Helse Førde Energinettverk Nordfjord - Nordfjordrådet Felles innkjøpsavtale Nordfjord - Nordfjordrådet Hospiteringsordning for ungdomsskuleelevar i Nordfjord Evaluering og oppfølging av besøk på vgs. Testlab Nordfjord- Marita Lindvik, reiselivssjef Visit Nordfjord Framtidig kommunestrukturar i Nordfjord Nordfjordrådet Behandling Felles formannskapsmøte i Nordfjord Møtet starta med ein diskusjon rundt det planlagde felles formannskapsmøte 1. oktober. Konklusjonen var at ein held på datoen 1. oktober, tidspunkt satt til og stad vert Hoven i Loen. Sven Flo tar ansvaret for å fylle dagen med innhald, og koordinerer dette saman med dagleg leiar. Forslag til tema og saker må meldast inn så raskt som mogleg. Ei sak alle var einige om å ta opp Side 5

6 var strukturar rundt vidaregåande opplæring i Nordfjord i framtida, sett i lys av det nye Vestland. Kva strategiar har ein i Nordfjord for dette? Det vert også jobba med å få på plass ein statsråd til møtet. Arbeids- og inkluderingsbransjen i Nordfjord Dagleg leiar i In Via, Geir Peder Ueland, orienterte først litt om kven In via er. Det er ei arbeids og inkluderingsbedrift som vart starta opp på Sandane i Fylkeskommunen er den største eigaren, og saman med alle kommunane i Nordfjord, Sparebanken Sogn og Fjordane og Høyanger utgjer dei eigarane. Gloppen kommune har størst eigarandel av kommunane med sine 22,7 %. In Via er lokalisert på Nordfjordeid og i Stryn, men med forretningsadresse Sandane. Den største og viktigaste samarbeidspartnaren til In Via er NAV. Dei har årlege samarbeidsavtaler med NAV Sogn og Fjordane, og leverer tenester til alle NAV-kontora i Nordfjord. In Via har tre ulike tiltak; AFT. VTA og ARR. AFT er arbeidsførebuande trening som skal bidra til å prøve ut arbeidsevna til tiltaksdeltakarar og til å styrke moglegheitene for å få ordinært arbeid. Bedrifta har her eit mål om 50 % overgang til arbeid eller utdanning. In Via har 33 slike plassar, og desse plassane varierer i tal. VTA er varig tilrettelagt arbeid og har som mål at deltakarane skal få ta del i dei positive effektane som følgjer med eit fast og meiningsfylt arbeid. Ein må ha uførestønad for å kunne delta, og In Via har 15 slike plassar. Desse plassane er stabile. ARR er arbeidsretta rehabilitering og skal styrke den enkelte si arbeidsevne og bidra til meistring av helserelaterte og sosiale problem som hindrar deltaking i arbeidslivet. Dette er anbodstiltak med tal plassar etter behov. Samfunnsbedriftene i Sogn og Fjordane med tal på tiltak fordeler seg slik: Nordfjord: In Via AS 33 AFT 15 VTA Mona Vekst AS 6 AFT 26 VTA Asvo Måløy AS 5 AFT 25 VTA Sunnfjord: Mentro 23 AFT 13 VTA Origod 29 AFT Nærtenesten 16 VTA Vevang Produksjon 7 AFT 16 VTA Sogn: Sogneprodukt AS 34 AFT 35 VTA (Vik Asvo, Balestrand industri) Indre Sogn Asvo 5 AFT 20 VTA Det er prosessar på samanslåing av bedrifter i Sunnfjord, og i Sogn har ein allereie sett at bedrifter har slege seg saman. På generalforsamling i In Via i 2017 blei det drøfta ein eventuell fusjon mellom In Via og Mona Vekst. Dagleg leiarar i begge bedriftene har drøfta dette vidare, og konkludert med at ein ser størst gevinst der ein slår saman flest mogeleg av bedriftene i fylket for å ha eit sterkast mogleg fagmiljø, stå sterkt i anbodskonkurransane og vidare dekke heile Sogn og Fjordane med tenestene. Målet er å betre kunne nå fram i anbodskonkurransar i framtida, der Vestland er det geografiske arbeidsområdet. Dagleg leiar i In Via la fram desse mulege scenaria: 1. Fortsette som i dag 2. Fusjon mellom In Via og Mona Vekst 3. Fusjon mellom In Via, Mona Vekst, Sogneprodukt, Origod og Mentro 4. Fusjon mellom In Via, Mona Vekst, Sogneprodukt, Origod, Mentro, Vevang industri, Indre Sogn Asvo, Nærtenesten og Asvo Måløy. Side 6

7 Geir Peder Ueland ønskte vidare tilbakemelding og synspunkt frå eigarane på dette. Tilbakemeldingane var at det er vanskeleg å ta stilling til dette, og at det er ynskjeleg med faglege råd og anbefalingar om kva ein bør gjere. Det vart også peika på at Gloppen kommune er ein sentral aktør som eigar av både In Via og Mona Vekst. Signala frå Gloppen kommune er at ein i utgangspunktet er positive til å sjå vidare på ein fusjon av In Via og Mona Vekst. Prosjektarbeid i regionen Trond Haavik, partner i Segel AS, informerte om aktuelle prosjektarbeid i Nordfjord der Nordfjordrådet speler, eller kan spele, ei aktiv rolle. SMART4REAL er eit EU prosjekt som har som mål å betre evna og kapasiteten til små kommunar i rurale strøk til å gjennomføre energieffektivisering som del av det grøne skiftet, samt å få fram betre prosedyrer og beslutningsgrunnlag for komplekse investeringar. Nordfjordrådet er med som norsk partnar saman med Enøk-senteret, Segel AS og Vestlandsforsking. I kvart land vert det gjennomført pilotprosjekt, og om det vert tilslag på prosjektet vil ein kunne få drahjelp til å setje i verk tiltak i den grøne strategien til Nordfjordrådet. Søknadsfristen var 13.9 og ein får svar på om prosjektet når opp innan utgangen av året. Evt. oppstart vil vere 2. kvartal Etter initiativ frå Normatic, Nordplan og medverknad frå fleire andre bedrifter, kommune og vidaregåande skule vert det no gjennomført ein forstudie for å sjå på moglegheitene av å etablere Fjordane Virtuelle Campus. Problemstillinga er korleis vi i vår region kan utnytte den samla kompetansen ved å tenkje nytt i måten ein samhandlar i innovasjonsarbeidet på tvers av aktør roller. Ideen bak prosjektet er å utvikle eit campus-område som skal femne om ein fysisk del og ein virtuell del som skal vere ein arena for læring og innovasjon mellom regionale innovative aktørar og med høgskule- og FoU aktørar nasjonalt og internasjonalt. Dette er eit prosjekt som vil kunne bidra til eit tettare og spennande samarbeid mellom blant anna næringsliv, kommunar, vidaregåande skular, fylkeskommune, høgskule og FoU-miljø i regionen. Nordfjordrådet har gjeve ei støtteerklæring til prosjektet, og vil følgje med på utviklinga i prosjektet vidare. Omvising på Stryn vgs Johanne Elisabett Sørdal som er avdelingsleiar yrkesfag på Stryn vidaregåande skule tok oss med på ei runde på skulen. Stryn vgs har i dag i underkant av 300 elevplassar og rundt 60 tilsette fordelt på utdanningsprogramma bygg- og anleggsteknikk, helse- og oppvekstfag, service og samferdsel og studiespesialisering. I tillegg har dei også studiespesialisering med landslinje i skiskyting, handball og fotball. I 2007 vart all undervising samla i eit hus, sentralt plassert like ved Strynehallen, kulturhus, symjehall og busstasjonen. Vi fekk sjå eit flott bygg som er godt tilpassa dei utdanningsprogramma skulen har. Evalueringa av ordninga stadleg leiar Stadleg leiar ved Nordfjord sjukehus, Tone Holvik, orienterte om ordninga stadleg leiar. Frå vart utviklingsprosjektet Framtidas lokalsjukehus gjennomført ved Nordfjord sjukehus, der Helse Vest på vegne av statsråden for helse- og omsorg hadde ansvaret for gjennomføringa av prosjektet. Som resultat av dette vart det oppretta stillingar som stadlege leiarar ved begge lokalsjukehusa i Helse Førde, først på Nordfjordeid og sidan i Lærdal. I Nasjonal helse- og sjukehusplan ligg det og føringar om at sjukehus skal ha stadleg leiing. Stadleg leiing ved Nordfjord og Lærdal sjukehus har no fungert i høvesvis tre og to år. Eit prosjekt skal i haust vurdere om leiarmodellen fungerer godt nok, eller om det er behov for å endre eller justere denne funksjonen ved lokalsjukehusa våre. Målet med prosjektet er å sikre at dei stadlege leiarane ved lokalsjukehusa har ei tydeleg rolle og avklart ansvar i Helse Førde sin leiarstruktur. I dette ligg at ein skal vurdere om det er behov for å endre på dagens modell, og i så fall tilrå ein framtidig modell og kva konsekvensar ei eventuell endring vil få. Side 7

8 Det har heile tida vore føresetnaden å gjennomføre evalueringa som no er på gang, og både kommunane, tillitsvalde og hovudverneombod har fått plass i prosjektgruppa. Prosjektet er planlagt avslutta innan , og den endelege avgjerda vil bli fatta på overordna nivå. Tone Holvik informerte om at stadleg leiar er underlagt administrerande direktør og skal rapportere til han. Vidare har stadleg leiar samordningsansvar, koordinerande funksjonar mellom øvrige leiarnivå og rapporterer i dag til direktørmøtet i Helse Førde. Stadleg leiar har ansvar for at sjukehuset er koordinert slik at den faglege og administrative standarden er høg, og at det er tilrettelagt for kontinuerlig fagleg og administrativ utvikling og effektivisering. Vidare har også SL ansvar for at Helse Førde sine strategiar vert understøtta og syte for at sjukehuset sin samla beredskapsplan er operativ og kjend i organisasjonen i høve kriser og katastrofar. Det vart vidare diskutert korleis ordninga fungerer i dag. Tone Holvik kunne fortelje at ein ser eit stort potensiale i å sjå organisasjonen som heilskap og på tvers, og vidare kunne hente ut positive effektar blant anna når det gjeld budsjettprosessar, heilskapleg tilbod til pasientane, samhandling med kommunane og lokal eigarstøtte. Evalueringa av ordninga skal blant anna vurdere om det er behov for endringar i kva ansvar og mynde som skal ligge til stillinga, og om ein skal inngå meir forpliktande avtalar med fagavdelingane om samarbeid. Når det gjeld vegen vidare så vert det no informert om denne prosessen i regionråda i fylket. Øyvind Bang Olsen er kommunal representant i prosjektgruppa, og det er eit samarbeid med KS. Det vil også bli ei høyring der kommunane blir utfordra til å kome med innspel på modellen for stadleg leiing i Helse Førde. Evaluering og oppfølging av Nordfjordrådet sine besøk på alle vidaregåande skulane i Nordfjord Nordfjordrådet har no besøkt alle dei fire vidaregåande skulane i Nordfjord i I den forbindelse vart det evaluert og diskutert korleis ein skal følgje opp dette. Det var stor semje om at det hadde vore lærerikt og interessant å legge møta til dei vidaregåande skulane. Ei styrking av utdanningstilbodet og dei fire skulane i Nordfjord er eit av satsingsområda til Nordfjordrådet, og ein vil difor oppretthalde kontakta inn mot alle skulane. Det vil vere viktig at ein ser på korleis ein fortsatt kan styrke dei fire vidaregåande skulane i lys av eit framtidig Vestland fylke. Ein vil difor sette dette på dagsorden i det planlagte felles formannskapsmøte i Nordfjord i oktober. Her vil ein også invitere med rektorane i Nordfjord. For å halde dialogen med skulane, vil også rektorane bli invitert på det første møtet i Nordfjordrådet i Testlab Nordfjord Reiselivssjef i Visit Nordfjord, Marita Lindvik, orienterte om Testlab Nordfjord som er eit nytt prosjekt som er i startgropa. Ho stilte spørsmålet om kva standard vi ønskjer at Nordfjord som destinasjon skal ha? Visit Nordfjord ønskjer å heve Nordfjord som destinasjon ved å ta del i det digitale reiselivslandskapet, og det er bakgrunnen for at dei ønskjer å setje i gong eit prøveprosjekt kalla Testlab Nordfjord. Dei ser føre seg eit samarbeidsprosjekt med fylkeskommune, kommune og næringsliv der ein kartlegg vegen vidare for å bli ein digital destinasjon. Prosjektet er todelt der eine delen rettar seg mot ein felles plattform for bestilling, betaling og informasjon om opplevings-, serverings- og overnattingstilbod, infrastruktur som parkering, sti, løyper og kollektivtransport. Den andre delen går på å oppfordre til frivilleg/lokal lovpålagt betaling av fellesgode, som igjen kan bidra til å lette belastninga som auka turisme inneber for lokal infrastruktur. Det vart presisert at ein må sjå heilskapen og kompleksiteten i dette og forsøke å finne ein god plan for handtering. Teknologien finst, men ein må utvikle dette i fellesskap. Visit Nordfjord ser føre seg å jobbe vidare med eit forprosjekt for Testlab Nordfjord der ein først har eit arbeidsmøte med fylkeskommune, kommunar og Visit Nordfjord. Vidare er det viktig å forankre og forplikte nokre pilotbedrifter i Nordfjord i prosjektet før ein har eit arbeidsmøte med Google, Telenor, Vipps og AiSpot for å avklare mogelegheiter for gjennomføring av prosjektet. Vidare ser destinasjonen føre seg at ein planlegg og gjennomfører ei fagsamling for bedrifter og saman med partnarar utarbeidar mål og strategi for korleis ein skal jobbe med digitalisering av reiselivsbedrifter,besøksforvaltning og fellesgodefinansiering i Nordfjord. Side 8

9 Eit hovudprosjekt vil så basere seg på resultatet av forprosjektet. Når det gjeld organisering av prosjektet, ser Visit Nordfjord føre seg at ein set ned ei arbeidsgruppe med Visit Nordfjord, representantar frå kommunane i Nordfjord, fylkesdirektør for kultur og næring, fylkesordførar i Sogn og Fjordane og representantar frå næringa. Prosjekteigar og leiar vert Visit Nordfjord, men ein vil trenge konsulentbistand til prosjektleiing av eit hovudprosjekt. Destinasjonsselskapet opplyser vidare at det hastar med å få bevilga midlar til gjennomføring av forprosjektet får få samarbeidspartnarar som Google på bana. Det er også viktig å få gjennomført forprosjekt haust 2018 for å kome i gong med hovudprosjektet så raskt som råd, slik at destinasjonen er klar til ein ny høgsesong i Visit Nordfjord skisserer ei fordeling av kostnadane knytt til forprosjektet slik: Visit Nordfjord Nordfjordrådet Sogn og Fjordane fylkeskommune kr kr kr Visit Nordfjord vil snarleg sende ein søknad til Nordfjordrådet, og rådet tek sikte på å få behandla den så raskt som mogleg. Framtidig kommunestrukturar i Nordfjord Kort status frå kommunane: Selje/Eid Prosessen med Stadt går bra, og samarbeidsklimaet er godt. Omstillingsavtala er klar og ein er i gang med tilsettingsprosessar. Tida går raskt mot samanslåing, og ein er opptekne av å involvere innbyggjarane så godt som mogeleg. Vågsøy Omstillingsavtala er spikra, og mange prosjektgrupper er sett ned, så ein er i rute med prosessen. Ein er klare på at Kinn skal vere ein del av Nordfjord samarbeidet også i framtida, men at ein også ser på samarbeid utover regiongrensene. Gloppen Har stor respekt for arbeidet som vert lagt ned i samanslåingsprosessane i kommunane. Håpar på å kunne få ei avklaring på framtidig interkommunalt samarbeid på ulike områder. Blant anna på korleis Kinn ser føre seg eit IKT-samarbeid. Stryn Er også opptekne av samanslåingsprosessane i kommunane, med tanke på framtidig samarbeid. For Stryn er det også naturlig å fortsette eit samarbeid mot Sunnmøre. Hornindal Prosessen med Volda går bra, det er godt samarbeidsklima og ein er i rute. Andre orienteringssaker: Dagleg leiar i Nordfjordrådet informerte kort om nokre aktuelle saker. Energinettverk Nordfjord Nordfjordrådet har i samarbeid med Enøk-senteret, planlagt oppstart av eit Energinettverk i Nordfjord. Tanken er ei kursrekke for nettverket som vil bli gjennomført ulike stader i Nordfjord, med første kurs i oktober Kursa rettar seg mot energi effektivisering i bygg på tvers av næringar både i offentleg og privat sektor. Det vil også bli lagt opp til stor grad av erfaringsutveksling og kompetanseoverføring mellom deltakarane i nettverket. Målgruppa er personar med ansvar for drift av bygg, og Nordfjordrådet er prosjekteigar medan Enøk-senteret står for det faglege innhaldet. Det Side 9

10 er gjennomført to informasjonsmøte om prosjektet, eit i Stryn og eit i Måløy. Det var positive tilbakemeldingar, og pr. i dag har alle kommunane i Nordfjord vist interesser for deltaking. Nordfjordrådet har søkt om tilskot frå fylkeskommunen på ordninga klima- og miljøtiltak, og ventar på svar på søknaden. Dette vil ha ein del å seie for økonomien i prosjektet og vidare med tanke på kostnad for deltakinga for kommunar og bedrifter. Felles innkjøpsavtale i Nordfjord Kort orientering om at dette vil bli sette på dagsorden på neste møte i rådmannsutvalet i Nordfjord. Nordfjordrådet er samstemte på at ein ønskjer å sjå nærare på korleis ein kan få til ei felles innkjøpsavtale i Nordfjord. Etter at saka har vore opp i rådmannsutvalet, vil dette bli sak i neste møte i Nordfjordrådet. Hospiteringsordning for ungdomsskuleelevar i Nordfjord Nordfjordrådet har ei ordning der ein støttar ungdomsskulane i Nordfjord med utgifter dei har i forbindelse med hospitering på vidaregåande skular. Nordfjordrådet ønskjer å vidareføre denne ordninga, men ser eit behov for å sende ut informasjon om ordninga for å sikre at skulane er kjende med denne moglegheiten. NORD- 015/18 Vedtak Nordfjordrådet tek sakene til orientering og vidare oppfølging. Vedtaket var samrøystes. Side 10

11 Nordfjordrådet Arkiv: JournalpostID: 18/11540 Saksbehandlar: Roger Aa Djupvik Saksnr. Utval Møtedato 016/18 Nordfjordrådet Strategi- og handlingsplan 2019 for Nordfjordrådet Vedlegg i saka: Strategi- og handlingsplan for Nordfjordrådet Leiaren si tilråding Saka vert lagt fram som utkast til diskusjon og innspel for vidare vedtak i neste møte. Saksutgreiing Bakgrunn for saka Gjeldande strategi- og handlingsplan for Nordfjordrådet går til og med I sak 025/17 blei det vedteke at strategi- og handlingsplan bør følgje valperiodane og vere 4-årig for å sikre kontinuitet for ordførarane som deltek i Nordfjordrådet. Det vart også vedteke at handlingsdelen for 2019 skulle reviderast i Utkast til handlingsdel vert difor lagt fram for drøfting slik at det kan gjerast endeleg vedtak på neste møte. Fakta i saka Nordfjordrådet har ein gjeldande strategi- og handlingsplan for I oktobermøtet 2017, sak 025/17, vart det vedteke å vidareføre satsingsområda frå førre plan. Det vart i same møte også vedteke at handlingsdelen i planen skulle reviderast i Utkast til revidert handlingsdel ligg ved saka. Økonomiske konsekvensar for Nordfjordrådet Vurdering Det er tidlegare brukt mykje tid på utarbeiding av strategi- og handlingsplan for Nordfjordrådet. Satsingsområda i strategiplan for 2016 og 2017 vart bestemt vidareført også for 2018 og Dette er fortsatt svært aktuelle områder, og samsvarar også med gjeldande fylkeskommunale planar og satsingar. Fleire av tiltaka i handlingsplanen står att å realisere, og det er difor naturleg at også nokre av punkta i handlingsdelen vert vidareført i ny handlingsplan. Det er definert ei målsetting om at Nordfjord skal ha ein felles og tydeleg profil. Gjennom Side 11

12 ein marknadsføringsstrategi og regional identitet skal vi i fellesskap «selje» regionen vår, og fortrinna til alle tettstadane i Nordfjord, på ein best mogleg måte. Nordfjordrådet har på ulike måtar jobba med profilering, og har blant anna delteke aktivt på karrieremessene til Framtidsfylket for å marknadsføre Nordfjord som eit attraktivt bu- og arbeidsområde. Vidare har det også vore eit tett og godt samarbeid med Visit Nordfjord knytt til merkevaren «Nordfjord alt i ein fjord». For å vidareutvikle denne profileringa og merkevarevarebygginga er det nødvendig at Nordfjordrådet får ei eiga heimeside. Dette vil også vere positivt med tanke på å synleggjere arbeidet til Nordfjordrådet. Ulike løysingar har vore vurdert utan at ein har kome i mål. Parallelt med utvikling av heimeside, må ein også ta stilling til om ein skal nytte høve til å revitalisere grafisk profil og logo til Nordfjordrådet. Uansett så bør ei heimeside bygge opp under merkevaren «Nordfjord alt i ein fjord», og her må ein også ta stilling til om den fysisk skal knytast opp mot Nordfjord.no. Dette vil ha noko å seie for kva plattform ein skal velje, og korleis sida skal byggast. Økonomisk vil dette bli meir omfattande enn om ein vel ein enklare variant, og ein må også gå i dialog med Visit Nordfjord om muligheit for å knyte sidene oppimot kvarandre. Utviklinga av fleirkjernestrukturen er eit viktig fokusområde for Nordfjordrådet. Vi har tru på at denne forma for regionsstruktur i Nordfjord styrkar oss som bu-, arbeids og turistregion. Oppsummeringa frå fleirkjerne fagdagen i vår må takast eit steg vidare. Her må ein ta utgangspunkt i det kommunane definerte som sine sterke sider, samt gevinstane for regionen ved vidareutvikling av ein fleirkjernestruktur i Nordfjord. På denne måten kan ein bygge vidare på ein utviklingskultur der ein marknadsfører kvarandre og inviterer til felles kommunale samlingar. Felles formannskapsmøte 1. oktober er eit godt eksempel! Nordfjordrådet sine overordna mål er å legge til rette for vekst og verdiskaping både i privat og offentleg arbeidsliv. Regionen har som mål å ligge i forkant innan det grøne skiftet, og vidare vere ein føregangsregion innan fornybar energi. Dette er ei målsetting som forpliktar, og det skjer også mykje på dette området. Prosjektet «Grøn næringsutvikling» har mange oppfølgingspunkt, og fleire prosjekt er i startgropa. Det kan spesielt nemnast Energinettverk Nordfjord som er eit samarbeidsprosjekt mellom Nordfjordrådet og Enøk-senteret. Prosjektet rettar seg mot kursing i energieffektivisering, og målgruppa er driftspersonell i både offentleg og privat sektor. To informasjonsmøter er gjennomført med positiv respons, og planlagt oppstart er oktober Vidare er Nordfjordrådet med som norsk partner i det internasjonale EU-prosjektet Smart4Real. Problemstillinga her er utfordringa som mange kommunar har knytt til det grøne skiftet. Målet er at prosjektet vil gje oss draghjelp til å kunne realisere fleire tiltak og prosjekt i den grøne strategien. I løpet av september får ein vite om det blir tilslag på prosjektet, og Nordfjordrådet sitt bidrag er arbeidsressurs frå dagleg leiar. Andre norske samarbeidspartnarar i prosjektet er Vestlandsforsking, Segel AS og Enøk-senteret. Nordfjord-regionen har i dag eit variert næringsliv, der vi har mange bedrifter som innan fleire bransjar hevdar seg svært bra på nasjonale og internasjonale marknader. Nordfjordrådet skal vere ein pådrivar og tilretteleggar for at næringslivet får tilgang på kunnskap og nettverk gjennom samarbeid med vidaregåande skular, høgskule og FoUmiljø. Ny teknologi og digitalisering endrar på mange måtar føresetnadane for måten ein gjennomfører arbeidsprosessane både i offentleg og privat sektor, herunder også undervisning. Side 12

13 Etter initiativ frå Normatic, Nordplan og medverknad frå fleire andre bedrifter, kommune og vidaregåande skule vert det no gjennomført ein forstudie for å sjå på moglegheitene av å etablere Nordfjord Virtuelle Campus. Problemstillinga er korleis vi i vår region kan utnytte den samla kompetansen ved å tenkje nytt i måten ein samhandlar i innovasjonsarbeidet på tvers av aktør roller. Ideen bak prosjektet er å utvikle eit campusområde som skal femne om ein fysisk del og ein virtuell del som skal vere ein arena for læring og innovasjon mellom regionale innovative aktørar og med høgskule- og FoU aktørar nasjonalt og internasjonalt. Dette er eit prosjekt som vil kunne bidra til eit tettare og spennande samarbeid mellom blant anna næringsliv, kommunar, vidaregåande skular, fylkeskommune, høgskule og FoUmiljø i regionen. Nordfjordrådet har foreløpig gjeve ei støtteerklæring til prosjektet, utan vidare økonomiske forpliktelsar. I løpet av 2018 har Nordfjordrådet besøkt alle fire vidaregåande skulane i regionen. Som oppfølging av dette vil Nordfjordrådet invitere til møte med rektorar, kommunar, fylkeskommune, FoU-miljø og Høgskulen på Vestlandet med fokus på den vidaregåande skulen si rolle i regional utvikling. Vidare kan ein vurdere om ein skal starte eit samarbeid med skulane om ein felles masterplan med ein omtale av alle vidaregåande skulane som kan brukast til marknadsføring. Herunder omtale av skulen sitt tilbod, korleis skulen bidreg til regional utvikling og korleis skulen samarbeider med lokalt næringsliv. Handlingsdelen vert som tidlegare nemnt no lagt fram som utkast for innspel slik at Nordfjordrådet kan vedta endeleg Strategi- og handlingsplan for 2019 på neste møte. Vedteken plan legg føringar for budsjett oppsett for 2019 som også må leggast fram på møtet i november. Det er difor viktig at møtedeltakarane set seg inn i gjeldande strategiplan, og kjem med innspel og kommentarar til handlingsdelen i møtet. Det er også ønskjeleg med tilbakemelding på kva Nordfjordrådet skal prioritere av områder og tiltak. Nordfjordrådet Behandling Dagleg leiar orienterte om arbeidet med handlingsdelen. Strategiplanen er vedteken for 2018 og 2019, så satsingsområda for 2019 vil vere dei same som i Saka vart difor lagt fram for innspel og kommentarar til utkastet til handlingsprogram. Det har difor ikkje blitt endra noko teksten i sjølve strategiplanen. Dagleg leiar kom likevel med forslag om ei endring i overskrift på to av satsingsområda når ein ser kva tiltak som følgjer under desse punkta. Forslag til endring var på satsing 2 som opphavleg lyder: Samspel mellom næringsliv, offentleg sektor og FoU-miljø for å skape vekst og utvikling i nye og grøne næringar. Foreslått endra til Utvikling og vekst i nye og grøne næringar. Vidare også ei endring i satsing 4 som i opphavleg plan lyder: Utdanningstilbod i Nordfjord. Føreslått endra til: Utdanningstilbod og samspel mellom næringsliv, offentleg sektor og FoU-miljø i Nordfjord. Endringane medfører ikkje noko endring i satsingsområda, men det har vore eit ønske om å få til ei betre kopling til høgskule- og FoU-miljø, og dagleg leiar tenkjer at det er naturleg å sjå dette opp imot næringsliv og vidaregåande skular og følgjeleg samle dette i eitt og same satsingsområde. Det var semje om at ein skal ha ein dynamisk plan der ein skal kunne kome med forslag til endringar på tiltak og prioritering av dette, så lenge hovudsatsingsområda ligg som dei gjer. Side 13

14 Det vart teke ein gjennomgang av handlingsplanen for kvart av dei fire satsingsområda. Under satsing 1, Regionsutvikling gjennom satsing på fleirkjernestruktur og identitetsbygging, var ein samstemt på at ein må få opp ei heimeside for Nordfjordrådet og lande på kva plattform ein skal bruke. Vidare vart det diskutert om ein skal kople denne sida oppimot Nordfjord.no. Det var semje om at ein skal bygge opp under profilen og merkevaren Nordfjord alt i ein fjord, men at heimesida ikkje treng å knytast direkte opp imot Visit Nordfjord si side. Oppsummeringa frå fleirkjernedagen vart teken opp og diskutert korleis ein tek dette vidare. Det var samstemt at ein må sjå på felles innkjøpsavtale for Nordfjord, og at dette blir sak i neste møte i rådmannsutvalet i Nordfjord. Det var også ønske om å sjå på kommunale samarbeid på fleire område, og ikkje berre plansamarbeid som står nemnt i planen. Dette kan for eksempel vere på arealplanlegging, og det skal også jobbast vidare med eit landbrukssamarbeid. Gloppen tar eit ekstra ansvar for dette. Satsing 2, Samspel mellom næringsliv, offentleg sektor og FoU-miljø for å skape vekst og utvikling i nye og grøne næringar, har vore eit prioritert området, og her skjer det mykje. Mange oppfølgingspunkt frå konferansen Grøn næringsutvikling i vinter, og fleire prosjekt er i gang og andre i startgropa. På satsing 3, Inkludering i Nordfjord, har det ikkje vorte gjennomført like mange tiltak, så her er tiltak overført frå førre plan. Det var eit ønskje om å prioritere dette, og det vart også diskutert at ein her kan tenkje seg andre tiltak som går utover sjølve inkluderingsbegrepet. Det vart då blant anna nemnt rekruttering, og ein ser at fleire av tiltaka ein har under andre satsingsområde, også kunne passa inn i dette punktet. Satsing 4, Utdanningstilbod i Nordfjord, er eit svært aktuelt område spesielt med tanke på dei vidaregåande skulane sett i lys av eit framtidig Vestland. Det var samstemt at Nordfjordrådet må invitere alle rektorane i Nordfjord som oppfølging av at ein no har besøkt alle skulane i Det var også samstemt at vidaregåande opplæring i Nordfjord blir tema på felles formannskapsmøte 1. oktober. Ein må i fellesskap sjå kva strategiar ein skal ha i Nordfjord på dette, og evt sjå på ein felles masterplan for dei fire vidaregåande skulane. Om ein startar opp eit slikt arbeid må det vere i samråd med skulane. NORD- 016/18 Vedtak Nordfjordrådet er samstemte på vidareføring av satsingsområda i gjeldande strategiplan for 2019, og tek inn innspela frå møtet i handlingsdelen av planen. Strategi- og handlingsplan vert lagt fram for endeleg vedtak i møte 23. november. Side 14