STATUS-RAPPORT pr. 22. januar ARBEIDSGRUPPE FOR STATLEGE ARBEIDSPLASSAR vedteken oppretta på møte i Fellesnemnda

Transkript

1 STATUS-RAPPORT pr. 22. januar ARBEIDSGRUPPE FOR STATLEGE ARBEIDSPLASSAR vedteken oppretta på møte i Fellesnemnda Bakgrunnen for opprettinga av arbeidsgruppa var rapport utarbeidt frå Hardangerrådet på tal statlege/fylkeskommunale arbeidsplasser kvorve i Hardanger sidan Medlemmer: Reidun Haugen Dahlseth (Jondal), Terje Kollbotn (Odda) og Kåre Grønsnes (Ullensvang) Gruppa rapporterer om arbeidet på kvart møte i Fellesnemnda. ASA har hatt 4 arbeidsmøte - og søkt rettleiing, råd, kunnskap og innspel i møte med Roald Aga Haug/Trygve Bolstad (Arbeidsgruppe for statlege arbeidsplassar Odda), Einar Lutro (Kartverket Kinsarvik), Guttorm Rogdaberg (Norsk Jordskiftesenter), Knut Markhus/ Siri Jordal (Sindark), Jostein Eitrheim (Hardangerrådet) og Steinar Nilsen/Kristian Flo (Hardangerakademiet). Det er avtala møte med Victor Normann. Møte med ordførarane i Hardangerrådet for orientering om arbeidet / prioriterte oppgåver og drøfting kring tankar for samarbeid og strategiar. Arbeidet i ASA - og bakgrunnen for arbeidet - vart presentert for Hordalandsbenken på Tinget i møte av rådsleiar, nestleiar og dagleg leiar i Hardangerrådet. Etter innstilling frå ASA, vedtok Fellesnemnda i møte fylgjande uttale og prioriteringar for arbeidet til ASA: Fellesnemnda for nye Ullensvang kommune er sterkt bekymra over den negative utviklinga av statlege og fylkeskommunale arbeidsplassar i nye Ullensvang kommune og resten av Hardanger. I perioden har det vore ein netto nedgang i Odda, Ullensvang og Jondal på til saman 145 arbeidsplassar, og i heile Hardanger på til saman 234 arbeidsplassar. I samband med den nye kommune- og regionsreforma har det vore hevda frå sentrale styresmakter at eit mål med samanslåing av kommunar og fylke til større einingar, er ei desentralisering av statlege oppgåver ut til distrikta. I arbeidet med å byggja ein ny og sterkare kommune i Indre Hardanger fram til 1. januar 2020 forventar Fellesnemnda for nye Ullensvang kommune meir konkrete tiltak og verkemidlar frå regjeringa og det nye stortinget for å få snudd den negative utviklinga sidan år I første omgang er målet vårt både å halde oppe alle dei statlege og fylkeskommunale arbeidsplassane vi har, og få attende fylkeskommunale og statlege arbeidsplassar. Som følgje av regionsreforma må vårt mål vere å bli den beste regionen for utvikling av regionale arbeidsplassar. I neste omgang er målet å utvikla mange nye arbeidsplassar både i statleg, fylkeskommunal og privat regi i Ullensvang kommune. I dette arbeidet forventar vi aktiv drahjelp frå Hordaland fylkeskommune og Hordaland fylkesting, den nye fellesnemnda for Vestlandsregionen og ikkje minst regjering og Storting. A: Våre satsingsområde, i prioritert rekkefølgje, er: 1. Våpenkontor

2 2. Sindark 3. Norsk Jordskiftesenter 4. Hardangerakademiet for fred, utvikling og miljø 5. Ei eiga eining innan NVE knytt til ras- og flaumsikring B: Andre satsingsområde kan vera:: -Styrka Odda sjukehus og Odda DPS med fleire oppgåver og stillingar. -Nasjonalt senter for naturforvaltning/nasjonalparkforvaltning -Pilegrimssenter i Røldal -Nasjonal kulturminneforvaltning desentralisert frå Riksantikvaren. -Regionalt bompengeselskap -Visningsenter for Knud Knudsen-bilete kombinert med eit galleri for Hardangerkunst. -Fleire utradisjonelle høgskuletilbod (m.a. naturoppsyn og smedfaget) -Hardanger tingrett C: Fellesnemnda vil organisera dette arbeidet som eit eige prosjekt, med ei politisk arbeidsgruppe, ein eigen prosjektkoordinator og delprosjektleiarar på prioriterte satsingsområde. Dette arbeidet vil bli koordinert med Arbeidsutvalet i Fellesnemnda, og samordna med Hardangerrådet og kommunane sitt arbeid på dette feltet. På kvart møte i Fellesnemnda blir det lagt fram ein kort rapport med status og framdrift i arbeidet. Fellesnemnda finansierer prosjektet. Før jul 2017 er målet å ha eit første møte med den politiske og administrative leiinga i Hordaland fylkeskommunen og med den nye Hordalandsbenken på Stortinget for å presentere utfordringane og planane våre. Arbeidsgruppa for statlege arbeidsplassar for nye Ullensvang kommune samarbeider og koordinerer sitt arbeid med arbeidsgruppe for statlege arbeidsplassar i Odda kommune. Meir kring prioriterte tiltak: 1. NASJONALT VÅPENKONTOR Arbeidsgruppa for statlege arbeidsplassar i Odda kommune og ordførar Roald Aga Haug har i lengre tid jobba for ei slik etablering i Odda. Eit sentralt våpenregister og våpenkontor lokalisert under politikammeret i Odda vil byggje vidare på den kompetansen som alt eksisterer lokalt og sikra nye arbeidsplassar til nye Ullensvang kommune. Det kar vore møte både med lensmannen i Hardanger og politimeisteren i Hordaland om saka. Dei har gitt uttrykk for positiv interesse for saka. Forslaget har og vore tatt opp på møte med fylkesordføraren, fylkesmannen og fleire stortingsrepresentantar. Odda kommune mottok eit brev frå Politidirektoratet datert 15.januar. I brevet heiter det m.a. : «Slik Politidirektoraret ser det, må spørsmålet om et nasjonalt våpenkontor sees i samanheng med og håndteres som en del av det utviklingsarbeid som samlet finner sted i regi av politireformen». Vidare står det i brevet at Politidirektoratet har nedsatt ei arbeidsgruppe som skal utarbeida eit beslutningsgrunnlag for ei effektiv og god våpenforvaltning i åra som kjem. Arbeidsgruppa skal levera si utgreiing seinast juni I brevet står det : «Kommunens forslag går rett inn i og «løser» spørsmålet om hvordan tjenesten bør organiseres og stedsplasseres». Politidirektoratet avsluttar brevet med å takke Odda kommune for eit konstruktivt innspel, og er opne for eit møte om saka i løpet av mars ASA vil oppdatere status for dette prosjektet i samarbeid med ordføraren i Odda kommune.

3 2. SINDARK (Senter for Industriarkiv) Norsk Vasskraft- og Industristadmuseum (NVIM) i Tyssedal er ei ideell stifting som får faste årlege tilskot på statsbudsjettet. SINDARK vart etablert i den gamle fordelingstasjonen på smelteverkstomta i 2013 i nært samarbeid med Odda kommune, fylkesarkivaren og fylkeskommunen og Statsarkivet i Bergen. Riksarkivet og andre viktige arkivinstitusjonar har støtta prosjektet, som er i ferd med å bli ei eiga avdeling under NVIM. Pr er ca. 290 arkiv tatt vare på og sikra, herunder fleire store kraft- og industriarkiv (m.a. Odda Smelteverk AS, Boliden Odda, DNN Aluminium og Hovland Ullvarefabrikk) og digitalisert store dokumentasjonsprosjekt for Statkraft og andre kraftselskap. I og med at SINDARK har dei beste arkivmagasina i regionen, er og fleire mindre arkiv deponert her, m.a. arkivet etter stortingsmennene på Aga og brev- og fotosamling etter meisterfotografen Knud Knudsen. SINDARK treng -Eit offentleg forutsigbart økonomisk fundament -Ei privatarkivlov som legg føringar for verksemder si plikt til å ta vare på arkiva sine -Tilskot frå verksemder til å få ordna arkiva -Utvikle kompetanse på digitalt skapte arkiv -PR-leiar / salssjef Riksantikvaren har utarbeidd strategiar for privatarkivfeltet i Norge , som understrekar behovet for å få løyst desse oppgåvene. 3. NORSK JORDSKIFTESENTER Målsetjing: Etablera eit kompetansesenter for eigedomsrelatert kunnskap og formidling som skal tena grupper i samfunnet som forvaltar økonomiske og kulturelle verdiar forankra i eigedom og eigedomsutforming og gje kunnskap og langsiktig perspektiv på utviklinga. Oppgåve: Senteret skal samla, forska, og formidla aktuell og nyttig kunnskap for grupper som med næring, yrkes- og profesjonstilknyting tek del i utforming av eigedom, bygningar og landskap. Sjå på eigedomsutforming og historia bak den, i ein internasjonal og dagsaktuell samanheng. Vera eit serviceorgan ved å tilby kurs, seminar- og konferansetenester både på regulær basis, både ved å initiera slike og ved sjølv å vera arrangør og innhenta og tilby fagleg kunnskap. Tena ålmenta og gje vitjande eit opplevingstilbod. Kvifor: Gje samfunnet historia og kunnskap om dei gjennomgripande eigedomsendringar frå dei tidlegaste tider, frå det eigedomslause landskapet, gjennom deling, oppdeling, jordskifte og vidare fram til eigedomsstrukturane i dag. Visa dei gjennomgripande og radikale jordskifteprosessane som kom med den fyrste jordskiftelova i 1821 og seinare med den reviderte lova i 1857 som endra strukturar med utgangspunkt i bronsealderen og opna for moderniseringa av Noreg. Omlag alle eigedomar i Noreg vart rørde av desse prosessane som førde til omveltingar med nye driftsmåtar- og byggeskikk, betre økonomi og la grunnlaget for mykje av det nye organisasjonssamfunnet og det sosiale livet. Jordskifte var, og er, knytt til utmarksrettar, vegar beite, vatn og fallrettar og i dag vert også jordskifte nytta i byar og tettbygde strøk. Jordskifte og eigedomsendringar er dagsaktuelle tema knytt til utviklinga av samfunnet både i Noreg og internasjonalt. Det finst ikkje tilsvarande senter i Noreg, og truleg heller ikkje andre stader i verda. Kvifor Aga i Hardanger: Aga er veleigna av di det plasserer eit slikt senter i omgjevnader som også utan skrifteleg materiale lett formidlar historiske og tidsaktuell kunnskap på eigedomsområdet i fortid, samtid og ei anande framtid.

4 Det relativt bratte landskapet i området visualiserer og lettar lesbarheita av eigedomutforming gjennom tidene. Den sentrale delen av Agatunet er freda og kan visa byggeskikk frå mellomalder, og gjennom dei nye brukseiningane også byggeskikk og eigedomsløysingar fram til i dag Hardanger var eitt av hovudområda for teigblanding og fellestun. Det gamle freda tunet og dei nye driftseiningane ligg ved sida av kvarandre. Aga har ei allsidig og synleg eigedomshistorie skrifteleg og godt dokumentert like frå talet. Bleiediplomet frå 1293 som er skrive i Lagmannsstova omhandlar eigedom og grenser som gjer at stova vert rekna som Noregs eldste rettslokale. Aga har gått gjennom tre jordskifte og eitt overjordskifte. Aga er utvalt til å bli eitt av Riksantikvaren sin prioritert kulturlandskap. Samdriftsfordeler med museet Agatunet. (Litteratur: "Norsk senter for eigedomskunnskap" - forprosjekt/2011, "Lovene som endra kulturlandskapet" - Langnes/2011, "Utskiftingsrett og gardsskipnad" - Langnes/doktorgrad/ 2015, "The Norwegian bureaucratic aristocracy and their manor houses in the thirteenth and fourteenth centuries" - Øyrehagen Sunde/Rogdaberg/2017.) 4. HARDANGERAKADEMIET FOR FRED, UTVIKLING OG MILJØ Historie: Nordisk Fredsakademi overtok Jonatunet frå Helse Fonna i 2011.Ved stor dugnadsinnsats er eigedomen gjort brukbar stand. Drifta kom i gang i 2015, og namnet blei endra til Hardangerakademiet nordisk akademi for fred, utvikling og miljø. Aktivitetar konferansar, seminar og kurs om fred, utvikling og miljø, Framtidsforskarar frå mange land har delteke. Akademiet sine ressursar Eigendom med bibliotek, kafé/spisesal med storkjøkken, møte- og undervisningsplass til personar og overnattingsrom med plass til gjester. Eigedomen har og ein stor hage der det er starta opp med økologisk hagebruk. Faglege ressursar - 50 rådsmedlemmer frå mange ulike deler av landet med bakgrunn som akademikarar, kunstnarar, politikarar og aktivistar for fred, utvikling og miljø. Det er registrert medlemmer i akademiet. Alt blir så langt drive ved hjelp av dugnad og frivillig innsats. Utviklingspotensiale arbeid og fordjupings-opphald inntil 3 mnd, dialogsenter, retreat, leirskule, naturoppleving, festivalar. Fleire arbeidsplassar og ringverknadar for lokalmiljø og omdøme for den nye kommunen. Internasjonal aktør i arbeidet for ei betre, meir berekraftig framtid. ASA involvering: På vegne av gruppa hadde Reidun Haugen Dalseth møte med representantar for styret Viktigaste behov er midlar til ein prosjektstilling/dagleg leiar som kan vera med å utvikla akademiet si drift og oppnå økonomisk bereevne. Styret er svært glade for at den nye kommunen gjennom ASA viser interesse for akademiet, og dei vil jobba vidare med søknad om midlar som dei fått råd om frå fylkeskommunen og andre. 5. NVE/AVDELING FOR RAS- OG FLAUMSIKRING NVE (Norges Vassdrags- og Energidirektorat) har dei siste åra hatt eit stort engasjement i Hardanger i samband med ras- og flaumsikring, samt kraftutbygging og regulering. I tillegg er Norsk Vasskraft- og Industristadmuseum i Tyssedal ein del av NVE si museumsordning når det gjeld vasskraft- og vassdragshistorie. I samband med prosessen for desentralisering av statlege forvaltningsoppgåver, vart det etter storflaumen i Opovassdraget i 2014 lansert eit forslag i Odda kommune om å etablera ei eiga eining under NVE i Hardanger. Regiondirektør Bård Sandal i NVE Region Vest var open for eit slikt initiativ i Odda kommunestyre hausten Tidlegare statsråd Victor Normann lanserte liknande tankar under

5 Hardangerkonferansen i november ASA vil vurdere denne saka nærare etter at Ekspertutvalet legg fram si utgreiing om desentralisering av statlege oppgåver 1. februar =============================== ASA kjenner på at det er behov for finansiering av arbeidet i gruppa. Dette kan gjelda reiseverksemd, men aller mest ein skrivarfunksjon, slik det går og fram i pkt. C i mandatet for ASA. Framover vil arbeidet mykje vera utgreiing, grunngjeving, målretting - og då må det og utarbeidast presentasjonar. Dette går utover kompetansen ASA har innan gruppa. Får me arbeidet utført, skal me kunna ta del i presenteringa ovanfor fylke, stat og ev privatpersonar. Det kan vera ulike måtar å skaffa denne "skrivarkompetansen": - leiga hjelp for gje konkrete oppdrag - t.d. hjå Næringshagen i Odda - leiga spesialkompetanse - t.d. hjå Guttorm Rogdaberg, hjå Siri Jordal/NVIM - frikjøpa kompetanse som alt finst i heradsadministrasjonane. Like viktig er det sjølvsagt å få planar, utgreiingar og presentasjonane fram til politisk nivå/til vedtaksmynde. Her vil ordførarane, Hardangerråd, andre regionsråd vera sentrale. Alliansar må byggjast - slik at initiativa/tiltaka framstår med semje, vilje og tyngde både lokalt og regionalt. ASA meiner me kan lukkast å få realisert nokon av dei prioriterte tiltaka, men veit at det vil krevja samhald og innsats. Kåre Grønsnes