Til ettertanke: Det verste og det beste Salme: Eit under hender i verda Intervju: Avtroppande soknerådsleiar Aktuelt: Ny liturgi

Transkript

1 Skulestart i kyrkja! Nr Årgang Årgang 6665 Leikanger sokn Til ettertanke: Det verste og det beste Salme: Eit under hender i verda Intervju: Avtroppande soknerådsleiar Aktuelt: Ny liturgi Frå bakarste benk Nye konfirmantar Babysong på sjukeheimen

2 Oversikt over tilsette, kontaktadresser og telefonar: Administrasjon Leikanger OG Sogndal kyrkjekontor Besøks-/postadresse: Kyrkjevegen 6, Stedjetunet, 6856 Sogndal Sentralbord: Faks: Kyrkjeverje: Jorunn Merete Haukås-Eide Telefon mobil: E-post: Kontortid kvar dag unnateke onsdag. Soknepresten i Leikanger og Norum: Egon Askvik easkv@online.no Tlf Trefftid etter avtale. Måndag fri. Kyrkjelydssekretær/klokkar/ reinhaldar: Sandra Pearce holli@sogningen.com Tlf Fredag fri Organist: Diccon Pearce d.pearce@online.no Tlf / Kontor i bustad Fredag fri Soknerådsleiar: Dagny Alvik dagny.alvik@enivest.net Leige av kyrkjelydshuset: Kirsti Svangstu kirsti.svangstu@enivest.net Tlf: Leikanger kyrkjelydsblad organ for Leikanger sokneråd Redaksjonsnemnd: Egon Askvik og Signe Eikenes. Layout: Elianne Eggum Neste nummer har innleveringsfrist måndag 12.november Trykk: Husabø prenteverk 2 Leikanger kyrkjelydsblad nr Kan ein vera kristen og ha burhøns? Mine fyrste presteår hadde eg i Aurland og eg har mange gode minne frå bygdene her. Ganske snart vart eg kontakta av skuleavisa til Sogn jord- og hagebruksskule som ville ha intervju med nyepresten. Eg hugsar enno opningsspørsmålet: Kan ein vera kristen og ha burhøns? Det var nok ei problemstilling den unge presten ikkje hadde vore inne på, verken i studiet eller i praksisperiodar. Sidan har det vorte ei god historie. Men etter kvart som åra har gått, er ikkje historia så morosam lenger. I aukande grad har me vorte medvitne om at det har noko å seia korleis me forvaltar naturen; alt som veks der, fuglar, fisk og dyr. "Korleis forvaltar med skaparverket?" - bilde frå Skaparverket sin dag - felles friluftsgudsteneste 2.september 2012 på Jamnaflaten ved Slinde. I salme 8 står det at Gud sette oss mennesket til herre over sine henders verk, alt la han under våre føter og i fyrste mosebok står det er om mennesket at me skal råda over fiskane og fuglane og dyra og leggja jorda under oss. Dette er bibelord som ofte har vore misbrukt og mistydd. I alt for stor grad har me ukritisk utnytta jorda sine ressursar utan å spørja kva langtidsverknader dette har. Slik har me gjort uboteleg skade på moder jord. Og kva med ei rettferdig fordeling av godene som jorda har gjeve oss alle? Jorda er Guds jord. Me er forvaltarar eller forpaktarar. Det var heilt uforsvarleg det me gjorde, sa ein fiskar ute ved kysten til meg. Han skjemdest når han tenkte å tida då dei starta med trål og nesten gjorde ende på heile fiskebestandar. Kan ein vera kristen og ha burhøns? Kan ein vera kyrkje og meine at spørsmål om oljeboring på fiskefelta i nord er kristendommen uvedkomande? Eller har dette med kristendom å gjera? Eg trur på Gud Fader som skapte himmel og jord. Og som stendig gjev liv til alt som lever. Og som bed oss ta vare på skaparverket Meir enn nokon gong treng me å be kyrkjebøna: Hjelp oss å dela naturrikdomane rett og nytta dei til ære for deg og til gagn for komande slekter. Før dei fattige folka ut or naud og fornedring og gjev dei undertrykte fridom. Kan ein vera kristen og ha burhøns? Noko å tenkja over. Ynskjer alle god, grøn haust!

3 Gjertrud frå bakarste benk Kyrkja er bygt for A4-kroppen og ikkje for kortvokste som meg. Gjertrud Tretteteig er trufast kyrkjegjengar med fast sete bakarst i kyrkja. Ho har gjort seg sine tankar om korleis det er å vera annleis i kyrkja. Leikanger kyrkjelydsblad nr

4 Ynskjer berre at eg, og andre som har fysiske utfordringar, kan koma utan for mykje strev og utan at det vert for mykje styr. - Det er så enkelt som at eg rett og slett ikkje når opp... Dette svarar Gjertrud når me spør kva utfordringar kortvokste har i sin kvardag. Etter å ha tenkt seg om legg ho til Men det tyngste er likevel dette å heile tida vere sett på som annleis, du skil deg ut og du vert sett på. Sjølv om det har skjedd mykje med haldningane til folk dei siste tiåra merkar ho det framleis. - Kva haldningar er det? - Overdrive skryt når eg gjer sjølvsagde ting, eller at ein del folk bokstaveleg ser ned på meg som avvikande og ei som dei har vanskeleg å forholda seg til. - Kva med kyrkja? - Eg må nok sei at mange av dei same haldningane gjer seg gjeldande der, seier Gjertrud, som legg til at det likevel har vore godt for henne å ha trua og kyrkjefellesskapen. Stort sett. - Eg har alltid har gått i kyrkja, frå eg vaks opp i Fresvik til gymnaset i Sogndal og sidan der eg har teke utdanning og jobba. Særleg tida i Oslo der eg gjekk i ei moderne arbeidskyrkje som var lett tilgjengeleg og der ein fekk ei oppleving av å sitja i eit fellesskap. Fysiske hindringar - I norsk lovverk er det eit uttrykk som heiter universell utforming. Det inneber at alle skal ha lik rett til samfunnsdeltaking, uavhengig av funksjonsevne. Også kyrkja tek mål av seg til å få vekk unødvendige hindringar for deltaking i gudstenesteliv og kyrkjelege handlingar. I kva grad opplever du Leikanger kyrkje som tilrettelagt for deg? - Vår kyrkje er langt frå den verste. Eg kunne nemnt fleire kyrkjer i Indre Sogn som er atskilleg verre. Rullestolinngangen fungerer greitt, sjølv om det er ein dørstokk når ein kjem inn i våpenhuset. Eg set også pris på at takkofferet no vert teke inn i benkane. Då kan eg også gje, smiler Gjertrud. Og ikkje minst at nattverden vert delt ut nede på golvplanet. Det at presten kjem ned til oss og me slepp å streva oss opp til altarringen. 4 Leikanger kyrkjelydsblad nr

5 Det er enkle grep som har stor betydning. Dessutan er det fleire som har indre sperrer for å gå fram og knela og ta imot nattverden. Ståande nattverd er meir for alle. Me skal få komma slik som me er. Elles seier Gjertrud at det kan vera vanskeleg å sjå teksten som no står på veggen når alle framfor henne reiser seg. Ho meiner dette lett kan la seg ordna anten ved å ha barnekroken på andre sida bak i kyrkja eller at ho og kanskje og andre som har vanskar med å sjå - får utdelt ark med salmenummer og liturgi. - Ynskjer berre at eg, og andre som har fysiske utfordringar, kan koma utan for mykje strev og utan at det vert for mykje styr. Tek tid til å venne seg til ny liturgi Gjertrud har vore med i gudstenesteutvalet som arbeidde ut forslag til ny liturgi. Korleis opplever du at den nye liturgien har fungert? Eg synes det er fint med fleire som er engasjerte og får eit eigarforhold til kyrkja og gudstenesta. Kjekt når ulike personar er aktive, ikkje berre spesielt utvalde. Kunne enno fleire vore spurde? - Eg har stor sans for liturgi. Den femner om heile livet, det er alltid noko som treff og speglar liva våre som truande menneske. Det er godt med det som vert gjenteke og er kjend. Slik sett tek det litt tid å venja seg til det nye. Men det kjem! - Gjer tråppi låg, gjer porten vid kunne det vore ei overskrift på dette intervjuet? Kanskje det, seier Gjertrud og ler godt. Men vil heller at me tek med at kyrkjekaffien på kyrkjebakken eller i våpenhuset/bak i kyrkja er viktig. - Inne i kyrkja ser me berre i nakken på kvarandre. Det er fint å kunna pratast og sjå kvarandre ansikt til ansikt. Leikanger kyrkjelydsblad nr

6 Å vera døypt er for meg. Unge tankar om dåpen Å vera døypt er ei glede for meg. Eg er glad for at mamma og pappa valde å døypa meg sjølv om dei aldri har tvilt på det. Slik svarte ein av konfirmantane i fjor, då me spurde om kva det ville seia å vera døypt. Kva betyr det for deg å vera døypt? Me har fått lov å sitera nokre av dei gode og tankevekkande svara. Veit ikkje heilt Ikkje alle er like sikre på kva dåpen betyr: - Det er litt vanskeleg å seia kva det betyr for meg, men Gud har skapt meg og eg høyrer til hjå han. - Kva det betyr veit eg ikkje, men eg synes det er flott at eg er det og at eg kom inn i Guds rike - Det er kanskje ikkje noko du tenkjer på kvar dag, men det er godt. Det er litt vanskeleg å seie, men det følest bra. Å vera knytt til Gud Fleire legg vekt på at dåpen knyt dei til Gud og til kyrkja. Dette samsvarar med det som vert sagt ved dåpen Eg døyper deg til namnet åt Faderen og Sonen og Den Heilage Ande. Å vera døypt til namnet, betyr å vert knytt til. Dåpen innlemmer i kyrkjefellesskapen. - Det er å vera knytt til Gud. Å tilhøyra Gud. Det er å vera kristen og høyre til den kristne kyrkja. - Eg kan gå i kyrkja og tenkja at eg er døypt her og vart kristen her. Eg tilhøyrer Gud og er ein del av noke stort. - Eg har fått vatn på hovudet og har fått teikna kors på meg, nåke som betyr at eg høyrer til hjå Gud. - Eg tenkjer at eg er venn av Gud på ein måte. Dåpen gjer meg trygg Dåpen gir del i Guds rike. Titus brev kallar dåpen for badet der Gud gjenføder og fornyar ved Den Heilage Ande. Dåpen kan 6 Leikanger kyrkjelydsblad nr

7 gjera oss trygge på han den Gud som tok imot oss i dåpen vil vera med oss alle dagar og alle slags dagen, slik det også vert sagt i skriftordet frå Matteus 28 som vert lest i kvar dåp. - Eg er ein del av Guds rike og han hjelper meg i vanskelege situasjonar. Eg veit at han alltid vil være her for meg og at han er glad i meg. - Eg er kristen. Gud følger med på meg. - Gud vaker over meg heile tida. Han høyre meg viss eg ber. Det føles trygt. - Det er godt å veta at Gud er glad i meg og set pris på meg. Eg kan gå i kyrkja og tenkja at eg er døypt her og vart kristen her. Eg tilhøyrer Gud og er ein del av noke stort Fjorårskonfirmant i Leikanger Det er ein konfirmant som oppsummerer dette på ein god måte: - Gud er med deg sidan du kom inn i Guds arma som liten då du vart døypt og han er med deg uansett. Leikanger kyrkjelydsblad nr

8 Eg var på Lyngmo Eg var på lyngmo på leir frå den til den Der trefte eg mange hyggelege barn, ungdommar og vaksne! Då me kom, åt me middag, etterpå hadde me nokre leikar som hjelpte oss til å bli betre kjent med kvarandre. Der fekk me og nokre namnelappar der det sto kva me heiter. Me la oss ikkje veldig seint men ikkje veldig tidleg heller, heilt passeleg. MEN me måtte opp ganske tidleg. Neste dag åt me frukost, etterpå hadde me gudsteneste der me høyrde om Den heilage ande og kva som høyrde til den. Me hadde og ei bønnekrukka der me la lappar, der berre du og Gud veit kva som står! Me hadde og stasjonar der det var natursti, båt laging, maling der temaet var Den heilage ande og me hadde ein stasjon der me hørde litt om fruktens tre, der laga me smoothie av: blåbær, jordbær, bringebær, eplejuice og sukker. Me hadde to stasjoner i dag og to neste dag. Denne dagen var det og bading og padling, det var ganske gøy, me padla ut til ei lita øy og der bada dei som hadde lyst. Seinare på dagen var kiosken open, der fekk me snopa litt. Me kunne enten eta det opp eller spara det til filmen som var etterpå. So var det kveld. Neste dag åt me frukost og hadde dei to andre stasjonane. Etter på kunne me velja om me ville padla å bada eller sykla eller vera i ballbingen. Om kvelden hadde me bad hair det vart mange bad hairs der. Når alle hadde bad hair var det leir kveld. Der kunne me opptre med ein song, leik eller berre ein vits. Kvar kveld hadde me kveldsbøn der me song nokre songar, las litt frå Bibelen, hadde litt stillhet og tente lys. Siste dagen hadde me avslutning der me opptredde med ein dans for foreldra våre. Eg syns det var veldig gøy å vera på leir på Lyngmo og eg anbefaler at andre unge prøver det og det er ikkje nødvendig å vera kristen for å vera med sjølv om det er ein kristen leir. Helsing Katrine Kongsvik Aall 11 år Me laga båtar med segl Foto: Marianne Moseng "Bad hairs"-katrine (t.h.) saman med Ingeborg - også frå Leikanger. (Foto Guri Høstaker Nordheim) 8 Leikanger kyrkjelydsblad nr

9 Nytt konfirmant-år! Dei nye konfirmantane er allereie godt i gong. I august var dei saman med føresette på informasjonsmøte i kyrkjelydshuset, dei har hatt samtale med presten og dei har vore på "Superlaurdag" i Stedje kyrkje saman med 82 andre konfirmantar. Det var spennande og kjekt å vera so mange i lag. Dagen var allsidig med fellesprogram og grupper som gjekk rundt på ulike stasjonar. Det heile vart avslutta med eit flott måltid der heile midtgangen var pynte til fest. - Skikkeleg kjekk dag, var omkvedet frå konfirmantane. Sundag 9.september vart dei presenterte for kyrkjelyden. I haust skal dei i Sogndalsdalen og ha opplegg og dei skal sjølvsagt skipa til lysmesse. Kyrkjelyden vil også møta konfirmantar som medhjelparar på gudstenestene i kyrkja. På altaret i Leikanger kyrkje står ei skål med 17 steinar. På kvar stein står namnet på ein konfirmant. Skåla minner oss om at me skal be for konfirmantane. At Gud må velsigna dei - og konfirmasjonstida deira. Frå v. Ingrid, Gip (frå Kaupanger), Halvard og Eirik. Alle foto: Egon Askvik Leikanger kyrkjelydsblad nr

10 Leikangerkonfirmantane konfirmantar brukar Kristuskransen med sine 18 perler". Aurora Nes Beate Fondenes Vangsnes Eirik Husabø Halvard Fossheim Hanna Vangsnes Hans Bulling Johansen 10 Kristin Molvær Magdalena Røysum Olav Henjum Leikanger kyrkjelydsblad nr

11 Tommy Bäckstrøm Torbjørn Hamre Tord Magnus Næss Sander Torsnes Talle Ingrid Fredheim Gjermund Elias Yndesdal Amanda Asphaug Husum Aleksander Langeteig frå presentasjon i Leikanger kyrkje 9. september. Foto: Roar W. Vangsnes Leikanger kyrkjelydsblad nr

12 Nytt frå kyrkjeverja Jorunn Merete Haukås-Eide er kyrkjeverje i Sogndal og Leikanger Hausten er her. Våren og sommaren er på mange måtar som nytt liv til både oss som bur her, og til naturen kring oss. Då spirer det og gror rundt oss, og mykje blir som fornya på mange vis. Når hausten så kjem tenkjer mange at det går den andre vegen. Blomster og gras veks ikkje som før, og temperaturen søkk og dagane blir kortare. Men me som bur her i vakre Sogn har likevel mykje å glede oss over. Tenk berre på all den gode frukta og bæra som me no skal få nyte i dagane som kjem. Smak og kjenn at Herren er god! Samarbeid mellom Leikanger og Sogndal Sidan oktober 2010 har det vore eit formelt samarbeid mellom kyrkja på Leikanger og kyrkja i Sogndal. Det har vore eit prøveprosjekt med felles administrasjon, felles kontor og felles fellesråd. Prøveperioden skulle vare i 2 år, og går dermed mot slutten. Det betyr at me i løpet av hausten må finne ut av korleis me skal gjere dette vidare. Skal me halde fram med samarbeidet, og i so fall i kva slags form, eller skal det delast opp att i to einingar slik det var før? Det er sikkert mange meiningar om dette, men dei tilbakemeldingane me har fått har eintydig vore positive til dette samarbeidet. Det vart ogso gjennomført ei spørjeundersøking mellom dei tilsette, sokneråda og fellesrådet i fjor haust, som ogso gav ei positiv tilbakemelding. Dei tilsette vart ein del av ein større stab, fekk fleire å samarbeide med og fekk slik ta del i eit større fellesskap. Dette har resultert i auka trivsel og auka aktivitet. Auka aktivitet fører ofte òg med seg auke i arbeid, men stort sett har me klart å få dette til innanfor dei råmene me har. Felles kyrkjekontor har kanskje vore det mest merkbare for Leikanger. No må ein til Sogndal for å komme på kyrkjekontoret, men til gjengjeld har dette ført til at kontoret no er ope alle kvardagar og heile dagar. Dei fleste kontaktar kyrkjekontoret pr. telefon, så slik sett håpar me at dette ikkje har ført til så store vanskar men at det heller har vore positivt med auka treffetid. Felles fellesråd har òg vore nytt for Leikanger. Tidlegare var soknerådet både sokneråd og fellesråd sidan Leikanger var ein eittsoknskommune. No er arbeidsoppgåve skilt, slik at Leikanger sokneråd kun har soknerådsoppgåver, medan fellesrådet har teke over arbeidsgjevaransvaret for dei tilsette, ansvar for bygg og eigedomar m.m. Det er ogso noko som vil bli endra att dersom samarbeidet vert avslutta. I løpet av hausten vil me bruke litt tid på å sjå nærare på dette samarbeidet, og på korleis det har fungert. Mellom anna skal dei tilsette og råda samlast ei helg der dette skal vere i fokus. Me vil gjerne òg høyre korleis du som kyrkjelydsmedlem tykkjer dette fungerar for deg. Akkurat korleis me i praksis skal få innhente synspunkt frå kyrkjelyden er ikkje bestemt enno, men har du meiningar og synspunkt på dette samarbeidet tek me gjerne imot det. Vedlikehald av kyrkja Mange har kanskje sett at kyrkja har trengt måling/kalking ei stund, og sameleis at det har vore skadar på taket som har ført til at regnvatn har runne ned langs yttervegg. Administrasjonen er i dag i dialog med kommunen, og håpar å få ordna dette så snart som råd. Mellom anna håpar me å få dette inn i neste økonomiplan, slik at det kan bli sett av pengar til dette formålet. Likeeins har ein ynskje om måling av gjerde rundt kyrkjegarden, utbetring av kjølerom og toalettanlegg og 12 Leikanger kyrkjelydsblad nr

13 feilretting av utelys på Husabø kyrkjegard. Det er ogso mindre ting innvendig i kyrkja me gjerne skulle fått gjort. Slik sett har me mange planar og ynskje for at kyrkja skal kunne framstå som det praktbygget ho er. Ny liturgi Leikanger kyrkjelyd er komen lagt i sitt arbeid med å utarbeide ein eigen lokal liturgi for gudstenesta. Det har lenge vore arbeidd med dette gjennom eit eige gudstenesteutval, og i vår vart det ogso halde eit eige soknemøte der kyrkjelyden fekk koma med sine meiningar. Forslag til ny liturgi har ogso vore trykt i kyrkjelydsbladet, så dei fleste har vel fått kjennskap til at endringar kjem. I tillegg har denne nye liturgien vore prøvt ut sidan adventstida i fjor. Leikanger er soleis den som har kome lengst i dette arbeidet av nabokommunane våre. Slik sett kan du ogso seie at Leikanger har vore eit føregangs-sokn som har teke initiativ til å prøve ut dette nye, og til å arbeide med det for å gjere det til sitt. Det står det respekt av, og dei andre kan sjå til Leikanger og lære. Mykje som skjer I samband med samarbeidet mellom Leikanger og Sogndal, har eg òg vorte kyrkjeverje for Leikanger og fått høve til å bli betre kjent med det som rører seg og dei som bur der. Dette er noko som har vore spennande for meg, og ikkje minst interessant. Det er difor med glede eg no skriv denne helsinga i kyrkjelydsbladet. Det er stor aktivitet i kyrkja på Leikanger, og det gler meg. Det er stor oppslutnad om konfirmantarbeidet, mange små er med i Knøttekoret, tysdagstreff for alle og ikkje minst babysong som i år òg har teke turen på aldersheimen for å vitje dei eldre der. Det var eit spanande nytt tiltak som eg trur inspirerte til nye besøk både for liten og stor. Mange er glad i kyrkja si på Leikanger. Det gjer det kjekt for oss som arbeider i kyrkja òg. Det er heilt klar meir inspirerande å drive med ting som betyr noko for folk, og som folk bryr seg om. Det vere seg både inni og utanpå kyrkja, administrativt og i utøvande arbeid. Alt heng saman og har ein betyding for heilheita. Sjølv om staben har vorte større med samarbeidet, betyr ikkje det at me ikkje treng innsats frå frivillige. Sjå berre på alt som vart gjort av frivillige hender under dugnaden på kyrkjegarden i vår, eller alle dei frivillige medarbeidarane som er med under gudstenestene. Utan dykk hadde me ikkje kunna fått til både dette og mykje anna hjartans takk til dykk alle! På kontoret jobba me i vinter med å utarbeide nokre punkt for eit godt arbeidsmiljø og samarbeid. Då laga me oss ogso eit motto. Det tykkjer eg er fint, og det seier òg mykje om behovet og det samarbeidet me treng ha mellom tilsette og frivillige. Me arbeider mot eit felles mål og dreg lasset saman! Ha ein flott haust, og takk alle saman for at de er med og tek eit tak! Venleg helsing Jorunn Merete Haukås-Eide kyrkjeverje i Sogndal og Leikanger Leikanger kyrkjelydsblad nr

14 Skulestart i kyrkja Guri las frå Tre i eit tre - boka 6-åringane fekk i april - der det nettopp handla om å byrja på skulen. Diccon organist spelte på orgelet og Egon prest tende lys og ba og leia oss i Vær meg nær, å Gud. Sandra kyrkjetenar passa på at alt gjekk fint. Me var veldig spente på kor mange som kom og hadde laga ein sirkel med stolar og benkar framme med lysgloben. Men så vart kyrkja nesten full!! 19 fyrsteklassingar kom - og dei hadde med foreldre og sysken. Andre hadde med besteforeldre, tanter eller onklar. - Dette var ein kjekk må å starta skuleåret på. Det var så fint å gå saman, skuleelev og vaksen, fram til lysgloben der me vaksne tende lys og ba for vår elev. Slik skriv ein av foreldra i ein epost etter skulestartgudstenesta. Kvelden før skulestart vart alle fyrsteklassingane inviterte til kyrkja. Før fyrste skuledagen kunne dei få koma til kyrkje og tenna lys og me ville be for dei og skulen dei skulle byrja på. Fyrsteklassingane var dei siste som gjekk inn i kyrkja, i prosesjon, saman med Egon prest og Guri trusopplærar. Mange syntest det var ekstra stas. Og sjølvsagt å bli teke bilde av og så få saft på kyrkjebakken i den fine seinsommarkvelden. Og dei som er 5 år kan byrja gle seg til gudstenesta med familiekor 11.november, at dei skal få bok sundagen etter påske neste år og så er det skulestartgudsteneste - kvelden før fyrste skule-dagen hausten 2013! Egon og Guri 14 Leikanger kyrkjelydsblad nr

15 Babysong i kyrkja Dei siste åra har det vore sokalla Babysong i Leikanger. Det er flott å sjå kor engasjerte dei små babyane er. Song og musikk har vist seg å vera svært viktig, ikkje minst at foreldre/baby kan ha denne "songkontakten". Kursavgifta er kr.250 pr semester og inkluderer mat. 100 års forskjel på Carella og vesle Nathalie. Me møtest i kyrkjelydshuset ca. 12 torsdagar om hausten og omlag like mange om våren. Frammøte varierer mellom 6-14 vaksne. På babysong syng me voggesongar og rørslesongar ein halvtimes tid. Då er det tid for deilig lunsj. Det er også nokon som hjelper til med å passe dei små under maten. I vår hadde me ei vellukka stund på sjukeheimen. Det ser du på bilda! Me planlegg difor to samlingar på sjukeheimen i haust. FRÅ SOKNERÅDET Leikanger sokneråd har handsama sak om grunnordning for gudstenester i Leikanger kyrkje. Soknerådet vil takka alle som har engasjert seg i denne saka: gudstenesteutval, tilsette, og andre soknemedlemer på soknemøte og elles. Me har no prøvd ut ny liturgi over ein lang periode og kjenner at den har gått seg meir til. Frå møteboka kan me nemna: Babysongen er torsdagar kl.11 i kyrkjelydshuset (ovafor kyrkja) For datoar sjå side 19. Har du lyst å vera med? Ta kontakt med meg: Sandra Pearce e-post: holli@sogningen.com Telefon: Heilt til sist vil eg også gjerne retta ei stor takk til alle medhjelparar! Og det er plass til fleire: Kan du tenkja deg og vera med og laga til mat/rydda to gonger i semesteret? Eg kjøper inn. Syndsvedkjenninga skal koma etter samlingsbøna Det skal brukast heimebaka glutenfritt syra nattverdbrød Intinksjon (dyppe brødet i vinen) skal vera den vanlegaste utdelingsforma Me minnest dei som er gravlagde sidan sist gudsteneste med å lesa namn og vera stille Den meir utførlege fredshelsinga skal brukast under nattverden (Me helsar kvarandre Guds fred) Kyrkjelyden står på fyrste og siste salme Herrens bøn (Vår Far) kan syngjast ved einskilde høve. Leikanger kyrkjelydsblad nr

16 Å, for ein strålande dag! Å bli bestemor er ei stor glede, og å få bære det vesle barnet til dåpen er dobbel lukke! I heimen hadde det vore full innsats nokre dagar med kakebaking, vindaugsvask, sølvpuss og anna som skulle få huset til å skine og gjestene til å trivast. Etter å ha fått det meste i orden og magen pressa inn i bunaden var det godt å kome i kyrkja. Bli teken vel imot og la roen kome sigande. Rett nok kjende både foreldre, fadrar og gjester ei viss spenning, mens hovudpersonen sjølv var fasinert over lysekrunene. Ho undra seg også litt over at eit av dåpsborna måtte gråte litt, men at presten erta henne for sveisen, brydde ho seg lite om. Dåpen har fått ein sentral plass i den nye liturgien. Det heile startar med inngangsprosesjon under preludiet. Denne dagen gjekk Johanne på seks år fremst med krossen, og etter kom dåpsfølgje og prest, alle med forventning og glede. Det var høgtid! Fadrar og foreldre får delta aktivt i liturgien med tekstlesing, og høgdepunktet får vi når fedrane stolt lyfter opp dåpsborna og kyrkjelyden helsar dei med ein rungande applaus. Dei små hugsar sjølvsagt lite av det heile, så her har vi andre ei oppgåve å gjere: Å fortelje borna om kor flott det var i kyrkja den dagen dei vart døypte. Mi veslejente syntes tekstlesinga var langtekkeleg og søvndyssande (ho sovna), men musikken var toppers! Diccon på piano og Sandra på fløyte eller tromme er ein sikker vinnar! Eg vil hugse den flotte salmen vi starta med: «Morning has broken», som Olav Åm så vakkert har gjendikta til nynorsk Signe Eikenes Morgonen glitrar som første gongen. Fuglane kvitrar kvate som då! Hurra for morgon, soli og songen, Unders mirakel me fekk å sjå. Solregn frå himlen, jordi blir ung att. Dogg drope vrimlen, på slåtteteig Tindrar mot dagen som i den første doggvåte hagen, der Herren steig. Morgon med solskin sølvdogg og duskregn, Tirlande kvitring, dagen blir fin! Glad vil eg vera, jublande æra Gud for ein nyskapt dag som er min! 16 Leikanger kyrkjelydsblad nr

17 Glede og sorg Døypte: Frida Emilie Ølmheim (døypt i Norum kyrkje) Even Tufte Henjum Nathalie Henjum Slinde Sondre Røysum Petty Alva Rydningen Hamre Eline Eikenes Kristina Njøs Sondre Tveit Eggum Karoline Sanden Vigsler: Mari Fykse og Kenneth Lomås Kjersti Loftesnes Røysum og Jay Anthony Petty Anne Tidemandsen og Erling Johan Eikeberg Marianne Sæterlid og Geir Morten Skorpen Gravlagde: Gunnar Svedal f Arne Henjesand f Kitty Thomassen f Ivar O. Langeteig f Klara Øyre f Hjørdis Instefjord f Kjellaug Tufte f Knut N. Årethun f Jon Njøs f Olav O. Henjum f Gunvor Marie Fjellkårstad f Friluftsgudsteneste på Jamnaflaten Fyrste sundagen i september samlast kyrkjelyden i Leikanger og Norum til friluftsgudsteneste på Jamnaflaten ved Slinde. Femti menneske hadde teke ut på Kom deg ut-dagen og trassa det litt usikre været. Diccon, Sandra og Leiv- Erik sto for musikken. Soknepresten i Leikanger og Norum understreka ansvaret me har for å forvalta naturen til beste for kvarandre og komande slekter. Det er ynskjeleg at me ein gong i året marker ein slik Skaparverkets dag. Bildet: Yngst og eldst: Marie Henjesand (Leikanger) t.v. og Andre Slinde Venes (Norum) Leikanger kyrkjelydsblad nr

18 Støtt våre støttespelarar - dei støttar oss! Støtt våre støttespelarar, dei støttar oss! opnar 6.oktober 2012 Ope torsdag laurdag post@sansogsamling.net Leikanger auto Telefon post@leikangerauto.no Tlf: Aarskog Sognefjordvegen Leikanger Tlf Faks post@sognefrukt.no Fylkets største pakkeri av frukt Alt innan plantevern, gjødsel, kraftfôr, beskjeringsutstyr, tre og planter bakeri og konditori AS Telefon 576 Tlf: Opningstider: mån-fredag laurdag sundag Tlf Tlf: Tipping - RiksToTo 9-21 (20) Opningstider: mån, tys, tors og fredag onsdag laurdag etter avtale Tlf: Leikanger kyrkjelydsblad nr

19 Aktivitetskalender Alle aktivitetar føregår i Klokkargarden (kyrkjelydshuset) HAUSTTAKKEFEST OG 4-ÅRSBOK Sundag 23.september kl.11 er det hausttakkefest i kyrkja med utdeling av Borna si kyrkjebok til 4 åringane. 4-åringane vert også inviterte til barnetime i kyrkja torsdagen før 20.september kl Kjekt om mange kjem dit også. Det er trusopplærar Guri som har hovudansvar den kvelden. BASAR til inntekt for kyrkjelydshuset, torsdag 1.november kl Andakt kl.1830 og trekning ca kl.19. Det vert sal av kaffi/ kaffimat, deretter trekning og hovudtrekning Vil du bidra med stor eller liten gevinst? Ta kontakt med Susan Husabø eller Sandra Pearce BABYSONG Det vert arrangert babysong torsdagar kl.11 på desse dagane: 6. september 13. september 27. september 3. oktober(sjukeheimen) 18. oktober 25. oktober 1. november 8. november 15. november 22. november 28. november (sjukeheimen) Tysdagstreff Annakvar tysdag kl.11 i Kyrkjelydshuset er det tysdagstreff. Treffa har variert innhold og varar i 3 timar. Kl.11 Trim v/reidun Strand Kl.12 Diccon spelar Kl.1215 Varm mat Kl.1240 Andakt, programinnslag, kaffi og kaker Kl.14 Slutt Datoar i haust: 4/9 18/9 2/10 16/10 30/10 13/11 27/11 11/12 Tysdagstreffa har mange frivillige som hjelper til med maten. Kjellaug Gjengedal held i trådane og administrerer. Frivillig kontigent/gåve Minner om kontonummer for fast gjevarteneste. Konto til kyrkjelydshuset er: Sommarkveld Konto til Leikanger kyrkjelyd er: Konto til Leikanger kyrkjelydsblad er: Takk til dei som er faste givarar. Me treng fleire. Ta kontakt med banken og bed om eit månadleg trekk frå privat konto til kyrkjelyden sin konto Midt i juli var det kveldsgudsteneste i Leikanger kyrkje med song og musikk og god stemning. Etter gudstenesta samlast kyrkjelyden i prestegarden til kveldsmat. Leikanger kyrkjelydsblad nr

20 Kyrkjekalendar September Sundag 23.september Hausttakkegudsteneste Kl.11 Hausttakkegudsteneste med Utdeling av bok til 4-åringane. Takkoffer til IKO (Kristent pedagogisk senter). Dåp. Oktober Sundag 7.oktober 19.sundag i treeiningstida, Joh.7,14-17 Kl.19 (nb merk tida) Kveldsgudsteneste. Takkoffer til Normisjon, Sogn og Fjordane Sundag 21.oktober 21.sundag i treeiningstida, Luk.16, Kl.11 Gudsteneste. Takkoffer til Norges KFUK-KFUM. Songinnslag. Dåp. November Sundag 4.november Helgemesse Matt.5,13-16 Kl.19 (merk tida) Helgemessegudsteneste. Songen om håpet - himmelske tekstar og tonar. Dei som har mista nokon av sine er særleg velkomne denne kvelden. Sundag 11.november Kl.11 Gudsteneste for små og store. 5-åringane er særleg innbedne. Familiekor ope for alle - har øving laurdagen. Takkoffer til kyrkjelydsarbeidet. Desember Sundag 2.desember 1.sundag i advent Matt.21,10-17 Kl.11 Gudsteneste. Takkoffer til kyrkjelydsarbeidet. Sundag 9.desember 2.sundag i advent Kl.20 Lysmesse. Konfirmantane tek del. Torsdag 13.desember Kl.0715 Luciafrukost i kyrkja. Luciakoret syng. Sundag 16.desember 3.sundag i advent Kl.18 Julekonsert med lokale song- og musikk-krefter Måndag 24.desember Julafta Luk.2,1-20 Kl.1430 Julaftagudsteneste. Takkoffer Kirkens Nødhjelp Kl.16 Julaftagudsteneste. Takkoffer Kirkens Nødhjelp Tysdag 25.desember Juledag Joh.1,1-14 Kl.12 (merk tida) Høgtidsgudsteneste. Leikanger mannskor tek del. Takkoffer til Det Norske Misjonsselskap. Måndag 31.desember Nyårsafta Kl.16 Gudsteneste ved nyttår. Me tenner lys ogt minnest dei som døydde i Sjå oppdaterte gudstenestelister på