KOMMUNEDELPLAN FOR MYRKDALEN, VOSS KOMMUNE - FORSLAG - HØYRING

Transkript

1 HORDALAND FYLKESKOMMUNE Strategi- og næringsavdelinga Seksjon for kommunesamarbeid Arkivsak Arkivnr. 713 Saksh. Garden, Jens Harald, Birkenes,Lars Øyvind Ekerhovd, Per Morten, Hage, Torild Saksgang Fylkesutvalet Kultur- og ressursutvalet Møtedato KOMMUNEDELPLAN FOR MYRKDALEN, VOSS KOMMUNE - FORSLAG - HØYRING Voss kommune har sendt kommunedelplan for Myrkdalen på høyring. Målet for planarbeidet er å gjera Myrkdalen til ein heilårleg feriestad. Å utvikla Nordens beste vinterfamiliedestinasjonen for ein internasjonal marknad er vektlagt. I tillegg til å vere alpindestinasjon, skal det tilretteleggast for tradisjonelle friluftstilbod med turstiar og langrennsløyper. Det skal og leggjast til rette for vidareutvikling av Myrkdalen som ein god stad å bu og driva næringsverksemd. Planforslaget viser om lag 3400 nye fritidsbustadeiningar totalt, fordelt på fleire områder med ulike formar for fritidsbustadar, hotell, samt utviding av eksisterande senterområde i Voss Fjellandsby. Det er lagt til rette for utviding av alpinanlegget med fem nye skiheisar og mange løyper. Ferdig utbygd vil alpinløypene og overnattingstadane gje kapasitet til vel personar pr dag. Dette vil då vere ein av Norges største alpindestinasjonar. Planen stør opp om Hordaland sine ambisjonar om å vere best i Norden innan natur- og kulturbaserte opplevingar. Konsekvensutgreiing for miljø, naturresursar og samfunn er gjennomført på tilfredsstilande vis. Konsekvensane for tema miljø er samla sett vurdert til middels negativ konsekvens og for naturressursane vurdert til liten negativ konsekvens. Konsekvensane for tema samfunn er samla sett vurdert til store positive konsekvensar, med unntak av konsekvensane for friluftsliv som er vurdert til små positive konsekvensar. Avbøtande tiltak vil kunne kompensere nokon av dei negative konsekvensane. Konsekvensutgreiinga gjev ein god oversikt på eit overordna nivå, men det er vanskeleg å få eit godt nok inntrykk av kor stor utbygging dei ulike delområda vil kunne tåle. Dette må takast opp på reguleringsplannivå. Trafikktilhøve må sikrast. Utbetring av riksveg må påreknast. Det må leggast til rette for trygg gangog sykkelveg langs riksveg/interne veger for å sikre mjuke trafikkantar. Av omsyn til trafikksikring og god trafikkavvikling, må ein nytta planfrikryss for skiløypene. Det bør stillast rekkefølgjekrav om gjennomføring av desse tiltaka. Gjennomføringa kan sikrast ved utbyggingsavtalar.

2 FORSLAG TIL INNSTILLING 1 Forslag til kommunedelplan for Myrkdalen er i all hovudsak i samsvar med regional politikk. Planen stør opp om Hordaland sine ambisjonar om å vere best i Norden innan natur- og kulturbaserte opplevingar. 2 Fylkesutvalet meiner vurderingane i konsekvensutgreiinga er tifredsstillande som utgangspunkt for føreslått ny arealbruk og tilrår at den vert godkjent. 3 Fylkesutvalet har merka seg at kulturminneineteressene er godt ivaretake både i analysar og planarbeid. 4 Fylkesutvalet ber om at følgjande moment vert teke med i det vidare planarbeidet: gode restareal/buffersoner må setjast av innanfor utbyggingsområda av omsyn til landskap, biomangfald og behovet for grøne buffersoner utbygginga i fellesområde/fritidsbustadområde må konsentrerast slik at ein unngår unødvendige konflikt mellom skikøyring, fritidsbustadar og biltrafikk. Tiltaka må som hovudregel konsentrerast lengst nede i alpinområde, unna Stølsheimen landskapsverneområde nye og eksisterande stiar og turløyper med buffersone må leggast inn i plankart standardar for tilrettelegging og merking av stiar må utarbeidast 5 Fylkesutvalet ber kommunen utvide og justera føresegnene til kommunedelplanen: forslag til avbøtande tiltak for landskap og kulturminne i konsekvensutgreiinga må verte innarbeidd som juridisk bindande føresegner krav om terrengtilpassing av veger og skiløyper må spesifiserast krav til berekraftige energiløysingar må spesifiserast anlegg og bustadområdar må universelt utformast 6 Fylkesutvalet ber om at trafikktilhøva vert betra gjennom ulike tiltak: trafikkanalyse som tek høgde for dei tradisjonelle besøkstoppane må utarbeidast og følgjast opp med naudsynt vegutbetring tilrettelegging av trygg gang- og sykkelveg lang riksveg/interne veger må sikrast gjennom rekkefølgjekrav i føresegnene tilrettelegging av planfri kryssing for skiløypene må leggast inn i planane og sikrast gjennom rekkefølgjekrav Fylkesutvalet ber om at nemnde tiltak vert sikra opparbeidd gjennom utbyggingsavtalar. 7 Fylkesutvalet tek atterhald om byggjeområda og LNF-område for spreidd utbygging i planen inntil undersøkingsplikta i Kulturminnelova er oppfylt ( 9). Paul M. Nilsen Jan Per Styve Nærare informasjon: Planar, planar under arbeid 2

3 FYLKESRÅDMANNEN, : 1. Bakgrunn Voss kommune har sendt kommunedelplan for Myrkdalen på høyring. Høyringsfrist vart sett til For å rekke politisk handsaming i fylkeskommunen har vi fått utsett frist til Planforslaget omfattar arealdel samt konsekvensutgreiing. Fylkesutvalet skal gje fråsegn til planforslaget etter innstilling frå Kultur- og ressursutvalet. 1.1 Om handsaming i fylkeskommunen Planforslag vert i hovudsak vurdert ut i frå regionale interesser nedfelt i fylkesplanen, fylkesdelplanar og andre relevante fylkespolitiske dokument samt forvaltningsansvaret for kulturminnevernet. Dersom viktige regionale og nasjonale interesser står på spel kan fylkeskommunen fremje motsegn til arealdelen av kommunedelplanen. Motsegner vert i første omgang handsama av kommunen og i dei fleste tilfelle løyst på dette stadium. 1.2 Planprosess og medverknad Myrkdalen har vore handsama i fleire sentrale planar i Voss kommune. Kommunen vedtok eigen kommunedelplan for hyttebygging Her vart det tilrådd å gjennomføre ei samla vurdering av heile Myrkdalen i form av ein masterplan eller kommunedelplan. Gjeldande kommuneplan for Voss kommune vart vedteke Her vart det lagt inn eit krav om utarbeiding av kommunedelplan ved vidare utbygging av Myrkdalen. Oppstart av planarbeidet vart vedteke og høyringsfråsegn frå fylkeskommunen til planprogrammet vart gitt i brev av Planprogrammet vart godkjent Synfaring av området samt drøfting av planen vart gjort i planforum I tillegg har det vore eiga møte med fylkeskommunen om utforminga av Myrkdalen fjellandsby. Ei arbeidsgruppe og ei prosjektgruppe har vert knytt til prosjektarbeidet. Ordførar og plansjef har møtt som observatør i arbeidsgruppa. Utmarkslag og grendalag har deltatt i gruppene. Det har vert lagt stor vekt på informasjon og medverknad, mellom anna gjennom kontordagar og opne grendemøte. 1.3 Planframlegg for Myrkdalen Myrkdalen eit lite samfunn med 248 innbyggjarar, er lokalisert om lag 3 mil nord frå kommunesenteret på Vossevangen, retning Vikafjell. Hovudnæringa i bygda er framleis landbruk, men på mindre enn ti år har Myrkdalen gått frå å vera ei tradisjonell jordbruksbygd til å bli ein viktig reiselivsdestinasjon. Målet for planarbeidet er å gjera Myrkdalen til ein heilårleg feriestad. Å utvikla Nordens beste vinterfamiliedestinasjonen for ein internasjonal marknad er vektlagt. Samstundes skal området framstå som attraktivt for dei beste skiløparane. I tillegg til å vere alpindestinasjon, skal det tilretteleggast for tradisjonelle friluftstilbod med turstiar og langrennsløypar. Det er ei målsetting å bli anerkjend for god skilting av eit større nettverk av stiar/løypar. Planforslaget viser om lag 3400 nye bustadeiningar, fordelt på fleire områder (Tveite, Mørkve, Skjervheim, Hyrtamyrane, Nesheim og Ulvund) med ulike formar for fritidsbustadar, hotell, samt utviding av eksisterande senterområde i Voss Fjellandsby. Det er lagt til rette for utviding av alpinanlegget med fem nye skiheisar og mange løypar. Planframlegget har eit tidsperspektiv på år. Justeringar vil bli føretatt ved framtidig rulleringar kvart fjerde år. Planlagt kapasitetsutvikling er gjestar pr 3

4 døger innan 2013 og opptil gjestar pr. døger i Fordelinga mellom kalde og varme senger er tenkt 50/50. Målet er at Myrkdalen skal framstå som ein bærekraftig destinasjon med implementering av nye miljøvenlege løysingar, mellom anna med krav om bærekraftige energiløysingar. Vidare skal det utarbeidast modell for fellesgodefinansiering som mellom anna også skal gje kompensasjon til grunneigarar som ikkje har selt grunn til utbyggingsføremål/ driv reiselivsrelatert verksemd. Kommunedelplanen skal leggja til rette for vidareutvikling av Myrkdalen som ein god stad å bu og driva næringsverksemd, mellom anna innanfor gardsrelaterte næringar. Myrkdalen skal revitaliserast som bygdesentrum og framstå som ein viktig møteplass for myrkdølene. Kommunedelplanen er ein overordna plan, noko som inneber at planen ikkje viser arealbruk og tilhøyrande infrastruktur i detalj. For dei områda som vert vist som utbyggingsområdar, må det som hovudregel utarbeidast reguleringsplanar, før ein kan fremja søknad om byggjetiltak. Kommunedelplanen vil visa framlegg til avgrensing av delfelt for framtidig regulering. 2. Konsekvensutgreiing innhald og vurdering 2.1 Generelt Etter forskrift om konsekvensutgreiing (KU) etter plan- og bygningslova skal nye areal til utbyggingsføremål konsekvensutgreiast i ein kommunedelplan. 2.2 Vurderingstema Det er innhenta fleire fagrapportar med konsekvensutgreiing som grunnlag for planarbeidet. Desse ligg innanfor hovudtema: Miljø Naturresursar Samfunn Risiko- og sårbaringsanalyse Her tek vi for oss tema innan miljø og samfunn. MILJØ Naturmiljø og biomangfald Det er utarbeid eigen rapport om naturmiljø og biomangfald. Kvar enkelt seksjon av planområdet er vurdert i høve til området sin verdi for natur og biomangfald. Hovudnaturtypane i landskapet er skog, myr, vassdrag, fjell og kulturmark knytt til gardsbruk i drift. Dei fleste utbyggingsfelta er verdivurdert til å ha mellom liten og middels verdi. Planane grensar til Stølsheimen landskapsverneområde som er verna med heimel i naturvernlova. Ingen av dei planlagde tiltaka vil råka fjellareal i landskapsverneområde. Tiltaket er vurdert til ikkje å ha negative konsekvensar for landskapsverneområde. Hovuddelen av inngrepa ligg i inngrepsnæreområde (under 1 km frå inngrep), medan den vestlege delen av løypetraseane strekk seg inn i område som ligg 1-3 km frå inngrep. Omfanget og konsekvens av tiltaket vert sett til middels negativ konsekvens med omsyn til reduksjon av inngrepsfri natur. 4

5 Kommentarar: Utgreiinga tek grundig for seg konsekvensane og kjem med gode forslag til avbøtande tiltak. Vi stør opp om konklusjonar i Norsk Natur Informasjon si rapport. Der vert det peika på at for å redusera negativ verknad av arealtap og fragmentering av areala, er det viktig å setje av gode restareal i utbyggingsområda. Desse vil utgjere ein viktig grønstruktur, innehalde nøkkelområde for biomangfald og skape samanhengen med landskapet utanfor tiltaksområde. Dette må ligge som premiss for vidare detaljplanlegging i komande reguleringsplanar. 5

6 For å redusere slitasje innanfor verneområde, vil det vere viktig med tiltak som konsentrert utbygging av fritidsbustadane i sona lengst unna verneområde. Merking av stiar vil kunne for å kanalisere ferdsle i området. Informasjon om verneverdiane vil og vere gode tiltak for å hindre slitasje. Landskap Konsekvensar av tiltaka for landskap er i hovudsak knytt til det visuelle og verknader av tiltak på viktige landskapselement og opplevinga av desse. Dei nye byggeområde er store i omfang og vil vera synleg i store deler av dalen. Dette gjeld og for sjølve alpinanlegga. Nye utbyggingsområde er i hovudsak plassert i skogbeltet, høgare oppe i dalsida enn landbruksområda. Nede i dalen vil framleis dagens kulturlandskap representere det dominerande visuelle uttrykk. Natur- og beitelandskap med stølar ligg over skoggrensa. Rundt stølsområda er det lagt inn LNFområde (100 meter) for å kunne sikre dei mot direkte inngrep samt dominerande visuell påverknad frå løyper og heisar. Toppunkta for skiheisane er flytta nedover i terrenget for å hindre silhuettverknad. Landskapsanalysen syner at slik toppunkta no er plassert, er Stølsheimen ikkje innafor tiltaket sitt visuelle influensområde. Samla er konsekvensar av tiltak vurdert til liten til middels negativ konsekvens for landskapet. Kommentarar: Utgreiinga tek for seg konsekvensane og beskriv moglege avbøtande tiltak. Vegar bør i størst mogleg grad tilpassast terrenget, slik at ein unngår store skjeringar som vert synlege på lang avstand og tek lang tid å lækja. Fyllingar langs vegar må såast til. Høgder er viktige i landskapsbiletet. Toppar og visuelt utsette område bør ikkje byggjast ned. I alpinområda må ein ta omsyn til terrenget ved utbygging, og minimera terrenginngrepa. Løypene bør leggjast slik at ein kan laga dei på snøen utan å tilpassa terrenget til løypene. Myrkdalen er eit svært snørikt område, difor bør dette i stor grad vera mogleg. Nær stølsområda er det særleg viktig å minimera terrenginngrep. Meir om tilpassing av bygg vert tatt opp under kulturlandskap. Kulturminne og kulturlandskap Kulturminneinteressene er godt utgreidd i konsekvensutgreiinga. Dette er òg eit resultat av at Kultur og idrettsavdelinga ved fylkeskommunen kom tidleg med i prosessen og at ein i samråd med både planleggjar (Opus Bergen as) og tiltakshavar (Voss fjellandsby AS) fekk gå inn og gjera ei grovmaska registrering av planområdet. Dette gav eit viktig oversyn for å kunne vektleggje planområdet sitt potensial for funn av automatisk freda kulturminne og elles andre verneverdige kulturminne. Ein fekk difor eit godt grunnlag for å kunne unngå seinare konfliktar mellom planlagde tiltak og kulturminne. For planleggjar vart det også eit verdfullt bidrag med omsyn til utarbeiding av kulturminnedelen i KU. Det er difor all grunn til å honorere den positive innstillinga tiltakshavar har vist gjennom prosessen med omsyn til kulturminnedelen og det påfylgjande nære samarbeidet fylkeskommunen heile tida har hatt med planleggjar. Det er ikkje registrert sikre automatisk freda kulturminne innan planområdet. Det har heller ikkje vorte prioritert å senda inn dateringsprøvar frå dei områda som truleg har største potensial for føyrreformatorisk datering, då det ikkje lengre er aktuelt med tiltak innanfor og i nærleiken av desse områda. Dette gjeld spesielt Bygdastølen og Røvhaugen på Årmotsida. Andre område med høg kulturminneverdi, der det ikkje er planlagt tiltak, er areala rundt Storebotn, Tveitastølen og Hiurdi. To dateringsprøvar vart tekne ut frå to tufter ovanfor Skjervheimstølen. Desse er ikkje analysert enno, mest på grunn av at prøvestikka viste særs lite akkumulering av kulturlag. Truleg skriv tuftene seg frå etterreformatorisk tid. Alle dei registrerte tuftene ligg innanfor buffersona for stølsområdet som plankartet viser som LNF-område. På austsida av Myrkdalsvatnet er det føreslege to mindre område for hytter/fritidsbustader. Eit større område mellom desse ligg inne under nasjonal registrering av verdfulle kulturlandskap, men tiltaksområda vist i kommunedelplanen vil ikkje komma i direkte kontakt med dette kulturlandskapet. Tilrettelegging og utforming av parkering for område F9 må ta omsyn til det verdfulle kulturlandskapet. Det skal ikkje vera vegframføring til hyttene. 6

7 Elles er det eit visst potensial for funn av automatisk freda kulturminne og andre verneverdige Kulturminne knytt til eldre busetnad og stølsdrift. Alle framtidige planar og tiltak skal vurderast nærare med omsyn til arkeologiske registreringar etter 9 i Kulturminneloven når dei enkelte reguleringsplanane vert lagt fram. For kulturlandskapet som heilskap bør føresegnene leggja vekt på fylgjande: Store bygningskroppar som serviceanlegg, hotell, store einingar med fleire bustader bør i størst mogleg grad leggjast inn mot terrenget i bakkant, slik at ein unngår eventuell silhuettverknad. Verknad av bygningsmasse vert avbøtt med material- og fargeval som passar til omkringliggjande terreng. Terrenginngrepa ved utbygging må vere minst moglege og mest mogleg av lauv- og furuskogvegetasjon må stå att. Sikring og skjøtsel av stølsbygningar, bjørkefelt, engevegetasjon, steinmurar og andre landskapsstrukturar vil gjera området meir attraktivitet og auka opplevingsverdien av landskapet i samband med utbygging. Fylgjande avbøtande tiltak er alt gjort for kulturminne og kulturmiljø: Stølsområda er sikra med ei LNF - buffersone mot bygging og andre tiltak som ivareteke opplevinga av det tradisjonelle kulturmiljøet. Sikring og skjøtsel av stølsbygningar og stølsmiljøa (inkludert tufter), lauvskog, engvegetasjon, steinmurar og andre landskapsstrukturar vil gje større attraktivitet og betra opplevingsverdien av kulturmiljøet i samband med utbygging. Steingardar, bygningsmurar etc. i heile planområdet bør i størst mogleg grad bevarast. Kulturminna, tufter, kolgroper, steingardar o.a., som til no er registrert i området, er koordinatfesta med GPS og bør saman med ståande stølsbygningar og andre tidlegare SEFRAK-registrerte bygningar inngå i plangrunnlaget for detaljprosjektering og nyttast som ein positiv ressurs i samband med eventuell utbygging. Ein bør i størst mogleg grad unngå bygging langs visuelt eksponerte skrentar/høgder for å dempe verknadene av utbygginga i høve til kulturlandskapet omkring. Disse avbøtande tiltaka bør formulerast som juridisk bindande føresegner til kommunedelplanen slik at dei gjev føringar til detaljplanlegging gjennom reguleringsplanar. Energi Nyare fritidsbusetnad kan vere energikrevjande. I utbygginga i Myrkdalen skal det arbeidast for å oppnå optimale og framtidsretta løysingar for energibruk. For næringsbygg (hotell, kontor m.m) og bygg for konsentrerte fritidsbustadar skal oppvarming vere basert på vassbåren varme. Det skal leggjast fram ei vurdering av ulike alternativ for miljøvenlege og berekraftige energikjelder med tilråding av val av løysingar for området i seinare reguleringsplanar/utbyggingsplanar. Denne vurderinga skal også omfatte byggetekniske tiltak og energistyringstiltak med sikte på å redusere energibruken. Framtidige regulerings-/utbyggingsplanar skal ha fokus på enøk baserte tiltak, som til dømes: Vassbåren varme skal installerast i større næringsbygg (hotell, kontor m.m.) og i større konsentrerte bygg for fritidsbustadar i senterområda Det skal leggjast til rette for fjernvarme i større bygg (hotell) i senterområda Vurdera bruk av nye fornybare energikjelder som til dømes solcelle energi, pelletskaminar osv. Bruk av intelligent og fjernstyrt temperaturstyring Kommentarar: Ambisjonane i planframlegget er å framstå som ein berekraftig destinasjon. Ein har her sjansen til å bli eit føregangsområde. Vi vil rå til at reguleringsplanane gjev detaljerte krav for å kunne gjennomføre dei nemnde ambisjonane. Det bør til dømes vere aktuelt å knytte jordvarme til vassbåren varme også i dei einskilde fritidsbustadane. 7

8 SAMFUNN Friluftsliv I konsekvensutgreiinga vert nokre av dei sentrale utfordringane for det aktive friluftslivet sett i fokus. Utfordringa i høve til utbyggingsalternativet er å sikre dei grøne korridorane mot dei store friluftsområda og det aktive friluftslivet på fjellet, spesielt i Myrkdalen vest. Alpinanlegget vil leggje beslag på terreng som har stor verdi for det tradisjonelle friluftslivet som per i dag registrert med svært viktig verdi for friluftslivet (jf. prosjekt om Kartlegging og verdsetting av regionale friluftsområde i Hordaland, Hordaland fylkeskommune). Eksisterande stiar og innfallsportar til Stølsheimen må takast med i kartgrunnlaget og gjerast attraktive, mellom anna må den planlagde korridoren for langrenn/ fjellskilauping forbi Hyrtamyrane og Flatmyrame verte utvida. Kommentarar: I høve til Fylkesdelplan fysisk aktivitet, idrett og friluftsliv er eitt av måla at fylkeskommunen skal arbeide med å sikre grunnlaget for allemannsretten og leggje til rette for det enkle friluftslivet. Hovudmålet er at flest mogleg skal kunne vere aktiv kvar dag i anlegg eller i område der dei bur. Å arbeide for at større nasjonale og internasjonale arrangement vert lagt til regionen, er i og samsvar med fylkesdelplanen. I så måte kan planane for Myrkdalen vere positivt for næringsutviklinga lokalt og regionalt, men det er viktig at dei ikkje vert i strid med både fastbuande og tilreisande sitt tradisjonelle friluftsliv. Det er positivt at områdeutviklinga planlegg å ta omsyn til friluftslivsinteressene gjennom merking av stiar, oppsetting av informasjonstavler og at nye og eksisterande friluftslivsanlegg skal utformast universelt. Dette er tiltak som er med på å gjere friluftsområda i Myrkdalen allment tilgjengeleg og gje moglegheit for fleire til å utøve eit aktivt friluftsliv i område nært der dei bur. Vi gjer merksam på at det er ein føresetnad for idrettsfunksjonell førehandsgodkjenning av planar, med omsyn til tilskot frå statlege spelemidlar, at skianlegg fyller krav til universell utforming, slik disse krava er utforma i den nye diskriminerings- og tilgjengeleggeitslova i plan- og bygningslova. Trafikk Konsekvensane for trafikk er utgreidd. Det er utrekna ein trafikkauke på riksvegen frå ÅDT = 1000 sør for Voss Fjellandsby i 2007 (Statens vegvesen, vegdatabanken) til ÅDT = 2500 ved full utbygging. Jf planutgreiinga vil dette fører til større press på vegnettet, men ikkje i så stor grad at kapasiteten vert sprengd. For å unngå ein flaskehals vert det planlagt ei utbetring etter den markerte svingen i bygdesenteret. Særleg på dagar med stor trafikk i samband med høgtider, kan gje utilfredsstillande trafikktryggleik ved S 1 Voss Fjellandsby for skigåarar som skal krysse vegen til turområda på andre sida. For å bøta på dette problemet kan ein laga planfri kryssing for gåande/ skigåarar og/eller setja ned fartsgrensa forbi fjellandsbyen. Det er sett krav til parkering innanfor dei ulike senterområda. Kommentarar: Trafikkanalyse tar utgangspunkt i sokalla normal aktivitet (35 % belegg). Her saknar vi betre berekningar for dei brukstoppane vi tradisjonelt har i Norge, dei tre vekene knytt opp til jule, vinter og påskeferie. Vi meiner at trafikkløysingane må ta betre høgde for desse toppane samt og ein eventuell høgare bruk enn 35 %. Ambisjonane for prosjektet er å trekkje til seg ein internasjonal marknad. Dette vil kunne medføre ein stabilt høgare bruk gjennom heile vintersesongen med høge brukar tal kvar einaste helg. Trafikken både til område og internt i område kan bli stor. Utbetring av vegen må påreknast. Det må leggast til rette for sikker gang- og sykkelveg langs riksveg/interne veger for å sikre mjuke trafikkantar. Planfri kryss må nyttast for skiløypene av omsyn til trafikksikring og god trafikkavvikling. Det må stillast rekkefølgjekrav om gjennomføring og opparbeidinga sikrast gjennom utbyggingsavtalar. Det må etablerast store nok snuplassar og oppstilling for bussar ved dei anlegga som er retta mot dei ålmenne brukarane av området. I tillegg saknar vi ein meir omfattande vurdering av parkeringsbehov for dagsturrister som vil kome både frå Bergen og Voss. 8

9 2.3 Omtale av område i konsekvensutgreiinga Dei ulike tema er konsekvensutgreia. Konsekvensane for tema miljø er samla sett vurdert til liten til middels negative konsekvens. Dei fleste av tema under miljø er vurdert til å ha middels og stor verdi. I denne samanheng er det viktig å peika på dei avbøtande tiltaka som er føreslått under alle tema. Undervegs i prosessen er det gjennomført mange justeringar, og alternative lokaliseringar har blitt drøfta slik at tiltaket i minst mogleg grad kjem i konflikt med naturverdiar, kulturverdiar eller dei lokale interessene i dalen. Naturressursane er konsekvensvurdert til liten negativ konsekvens. Område med høg verdi for landbruket vil stort sett framleis liggja i LNF-område. Områda som er foreslått til utbyggingsområde er av grunneigarane karakterisert som mindre produktive område med omsyn til landbruks- eller beiteføremål. Konsekvensane for tema samfunn er samla sett vurdert til store positive konsekvensar, med unntak av tema friluftsliv som er vurdert til små positive konsekvensar. Her må ein kome inn med gode avbøtande tiltak, til dømes sikre stiar og løyper og buffersone til desse. Utbygginga som kommunedelplanen legg opp til vil ha samfunnsmessige konsekvensar for nærmiljøet, og i stor grad for næringslivet i dalen. Konsekvensutgreiinga gjev ein god oversikt på eit overordna nivå, men det er vanskeleg å få eit godt nok inntrykk av kor stor utbygging dei ulike delområda vil kunne tåle. Dette må takast opp på reguleringsplannivå. 9

10 3. Arealbruk med føresegner 3.1 Bustadområde Det er vist tre mindre bustadområde i planen langs riksvegen i dalen. I tillegg er det lagt opp til 20 nye bustadar i S3 Myrkdalen bygdesenter samt bustadar for personale i senterområda S1, S2 og S3. Kommentar: Det er sett av nokså små areal til ny bustadbygging nede i dalen. Det er og lagt til rette for bustadar i fleire av dei kombinerte utbyggingsområda. Ved rullering av planen må det vurderast om bustadområda må utvidast. Utbygginga vil kunne skape nye arbeidsplassar mellom anna knytt til fritidsvarer og tenester og dermed større bustadbehov. 3.2 Fritidsbustadområde Det er planlagt sju nye område for fritidsbustadar med til saman 1327 einingar. Fritidsbustadane kan oppførast i einskilde einingar eller bli gruppert i rekkjetun eller klyngetun med opp til 12 einingar i kvar bygningskropp. (frå føresegnene). Dei nye områda er konsentrert opp mot dei nye løypetraseane med stor konsentrasjon rundt Skjervheim/Mørkve lengst i sør. (F 5 og F 6). Dei vel 650 einingar i desse områda representerar ei betydele utbygging. I tillegg kjem enda fleire einingar som vil bli lokalisert i S4 Skjervheim/Mørkve senter område. Eit av fritidsbustadområda, Hyrtamyrane F 3, skal det i tillegg leggast til rette for idrettsanlegg. Her planlegg ein 200 einingar, alle lokalisert i tilknyting til alpintraseane. Kommentar: Sjå samla omtale under kombinerte område. 3.3 Næring Det er berre lagt inn to nye næringsområde i planframlegget. Dette gjeld eit mindre område for næring nede i Myrkdalen, samt eit mindre område på Skjervheimshaugen, i nedre del av ein av alpinbakkane. Der skal det leggast til rette for servering og servicefunksjonar. I tillegg vil næring verte lokalisert i fellesområdar. Kommentarar: Vi har ingen kommentar til at næring stort sett er lagt til dei kombinerte områda. 3.4 Kombinerte områder Det er sett av fire områder for kombinerte føremål. Desse kombinerer sentrumsfunksjonar, med ulik samansetnad av sentrumsområde, fritidsbustadar, næring og idrettsanlegg. Områda er S1 Voss Fjellandsby senterområde (2000 nye einingar), S2 Mørkve (150 nye einingar), S3 Myrkdalen bygdesenter (100 nye einingar) og S4 Skjervheim/Mørkve (250 nye einingar). Dei kombinerte områda skal ha ei rekkje funksjonar i samband med drift av alpinanlegget, skiheisar, fritidsbustadar, hotell, serveringsstadar og ulike næringsføremål. Føresegner og retningsliner omtalar kva som er tillate i det einskilde område. Einingane innanfor dei kombinerte områda omfattar alle typar fritidsbustadar (hytter, leilegheiter), i tillegg til hotell. Det totale talet på einingar omfattar ein kombinasjon av varme og kalde senger. Grunneigarane i Myrkdalen ynskjer i særleg grad å fokusere på overnattingsverksemder (varme senger) for å få ei varig attåtnæring til jordbruket. 10

11 Kommentarar: Kommunedelplanen viser ei omfattande utbygging med store nye fritidsbustadfelt samt fleire nye tett utbygde senterområde. Myrkdalen har store potensial og det er særs viktig at ein tek dei riktige grepa for å leggje til rette for ein god skidestinasjon. Ambisjonane er i tråd med ny reiselivsstrategi for Hordaland som har visjonar om at fylket skal vere best i Norden innan natur- og kulturbaserte opplevingar. Med det potensiale Myrkdalen representerar og dei ambisjonane som ligg føre, vil gode formar for arealdisponering vere avgjerande for suksess. Det er vanskeleg å ta konkret stilling til kor stor utbygging dei enkelte delområda kan tåle. Dette er ein overordna plan og detaljplanlegging må gjennomførast på reguleringsplannivå. Konkret kapasitet i dei einskilde delområda må vi difor kome tilbake til når det føreligg skisse og detaljplan på regulerings plannivå. Vi saknar likevel illustrasjon for korleis sentrumsområda skal byggast ut, med unntak av skisse for Voss Fjellandsby S 1. Vi saknar og ein betre illustrasjon av korleis fritidsbustadane skal lokaliserast, til dømes innanfor felt F 3, Hyrtamyrane. Her vert det lagt opp til ein samlokalisering mellom alpinløyper og bustader. Detter er krevjande med omsyn til trafikkløysingar og trafikksikring. Lokalisering av bustadar kan og virke avgrensande for potensiale for skikøyring. Myrkdalen tek mål av seg å vere ein nyskapande og leikende destinasjon. Sett i høve til den ambisjonen, er det sett av lite areal til off-pist, både i fjellområda, og ikkje minst nede i skogsbelte. Her må ein ta lærdom av anlegg som til dømes Hemsedal, samt ta høgde for at vi ikkje i dag fult ut kjenner framtidas skikøyrar si preferansar. Å leggje bustadane for nær skiheisar og potensielle køyreområdar er å legge opp til konflikt. Dette gjeld for alle skiområde. Vi vil rå til at ein foretar ein grundig vurdering av kor stor utbygging dei ulike delområda vil tåle. Ein bør vere svært varsame med å byggje ut langt oppe i skibakkane, også for å unngå konflikt mellom biltrafikk og skikøyring. 3.5 Friområde Skisse, plan for S1 Voss Fjellandsby I alpinområdet er det planlagt seks stolheisar (fem nye) og seks skitrekk (nokre nye). Terrenget er velegna for ei omfattande alpinutbygging og planeframlegget viser ein utbygging med kapasitet på skiløparar pr. dag. Masterplanen er utarbeidd av Ecosign frå Whistler, ein topp internasjonal skidestinasjon i Kanada. Det er satt av grøn buffersone mot Myrkdalselva og Myrkdalsdeltaet er sett av som friluftsområde. 11

12 Kommentar: Sjå kommentarar under Fellesområde. 3.6 Trafikkareal I planframlegget er det ikkje satt av eige areal til parkering, gang- og sykkelveg etc. Det er lagt inn i føresegnene at parkeringsplassar må vere opparbeidde til å dekke det behovet som utbygginga på ein kvar tid initierar. Kommentar: Når det gjeld parkeringsplassar, må det og bli tatt høgde for dagsturistar. Vidare saknar vi til rettelegging for mjuke trafikkantar i form av gang og sykkelveg langs køyrevegar i planområdet samt planfri vegkryssingar. Desse bør sikrast utbygd ved at det vert stilt rekkefølgjekrav i reguleringsplanane. 4. Oppsummering Målet for planarbeidet er å gjera Myrkdalen til ein heilårleg feriestad. Å utvikla Nordens beste vinterfamiliedestinasjonen for ein internasjonal marknad er vektlagt. Samstundes skal området framstå som attraktivt for dei beste skiløparane. I tillegg til å vere alpindestinasjon, skal det tilretteleggast for tradisjonelle friluftstilbod med turstiar og langrennsløypar. Ferdig utbygd vil alpinløypene( med fem nye heiser) og overnattingstadane, gje kapasitet til vel personar pr dag. Myrkdalen vil kunne bli ein av Norges største alpindestinasjonar. Målet er at Myrkdalen skal framstå som ein bærekraftig destinasjon med implementering av nye miljøvenlege løysingar, mellom anna med krav om bærekraftige energiløysingar. Det er planlagt ein rekke nye fritidsbustadområde og senterområde. Konsekvensane for miljø, naturresursar og samfunn er utgreia. Konsekvensutgreiinga gjev ein god oversikt på eit overordna nivå, men det er vanskeleg å få eit godt nok inntrykk av kor stor utbygging dei ulike delområda vil kunne tåle. Dette må takast opp på reguleringsplannivå. Nye utbyggingsområde er i hovudsak plassert i skogbeltet, over landbruksområda. Nede i dalen vil framleis dagens kulturlandskap representere det dominerande visuelle uttrykk. Plassering av 3400 nye fritidsbustadar, hotell og serviceanlegg gjev utfordringar. Gode formar for arealdisponering i vidare planlegging vil vere avgjerande for suksess. Dette gjeld ikkje minst innanfor alpinområda der ein må unngå konflikt mellom skikøyring, fritidsbustadar og biltrafikk. Trafikktilhøve må sikrast. Utbetring av riksveg må påreknast. Det må leggast til rette for trygg gangog sykkelveg langs riksveg/interne veger for å sikre mjuke trafikkantar. Av omsyn til trafikksikring og god trafikkavvikling, må ein nytta planfrikryss for skiløypene. Det bør stillast rekkefølgjekrav om gjennomføring av desse tiltaka. Gjennomføringa kan sikrast ved utbyggingsavtalar. 12