VILLREINNEMNDA FOR OTTADALEN

Transkript

1 1 Referat frå møte i Villreinnemnda for Ottadalen Møtedato : 19.februar Møtestad : Tunstugu, Lesja bygdatun (ved Lesja kyrkje) Møtetid : 10:00 16:00 Frammøte: Stryn: Johan Berge Lesja: Marit Hole Tynnøl Rauma: Kari R. Hoem Dovre: Solveig Gråberg Skjåk: Øystein Breie Lom: Syver Plassen Stranda: Inger Line Kammen møtte ikkje i staden møtte varamedlem Tor Arne Grande Vågå: Tom Erik Damstuen møtte ikkje varamedlem Anne Sjetne kunne heller ikkje møte Norddal: Gunn Olsen møtte ikkje varamedlem Jostein Tafjord kunne heller ikkje møte Luster: Kjartan Kvien møtte ikkje varamedlem Torill Otterhjell kunne heller ikkje møte Sakliste: 01/09 Godkjenning av innkalling 02/09 Godkjenning av referat frå møte /09 Høyring av verneframlegg og konsekvensutgreiing for Breheimen nasjonalpark og tilgrensande landskapsvernområde og naturreservat 04/09 Lesja kommune - Revisjon av kommuneplanens areal del 05/09 Tidspunkt for neste møte 06/09 Merking av kløvstigen mellom Stryn og Skjåk, på Vassvenda 07/09 Orienteringar frå sekretæren i Ottadalen villreinutval Utskrift av møtebok pr.e-post: Direktoratet for naturforvaltning, Tungasletta, Trondheim Fylkesmannen i Møre og Romsdal, Fylkeshuset, Molde Fylkesmannen i Oppland, Serviceboks, Lillehammer Ottadalen villreinutval, Skjåk Kommunane

2 2 Saksnummer/år: 01/09 Møtedato: 19.februar 2009 Saksansvarleg: Bjørn Dalen Tittel: Godkjenning av av innkalling Villreinnemnd for Ottadalen sitt vedtak: Innkalling og sakliste vart godkjent, samrøystes.

3 3 Saksnummer/år: 02/09 Møtedato: 19.februar 2009 Saksansvarleg: Bjørn Dalen Tittel: Godkjenning av referat frå møte Saksdokument: Referat frå møte i nemnda utsendt av Fylkesmannen i Møre og Romsdal Saksutgreiing Viser til tidlegare utsendt referat. Villreinnemnd for Ottadalen sitt vedtak: Referatet vart godkjent, med følgjande merknader: Til sak 21/08. Tema på neste års Reinheimenkonferanse blir mest mogleg om rein, men dette er ikkje bestemt.

4 4 Saksnummer/år: 03/09 Møtedato: 19.februar 2009 Saksansvarleg: Bjørn Dalen Tittel: Høyring av verneframlegg og konsekvensutgreiing for Breheimen nasjonalpark og tilgrensande landskapsvernområde og naturreservat Saksdokument: 1.Brev frå Fylkesmennene i Oppland og Sogn og Fjordane dagsett Verneplan, med vedlagt kart over området i målestokk 1: Konsekvensutgreiing. 13 delrapportar.vedlagde rapportar: Villrein i Breheimen-Mørkridsdalen og Utredning av vern i Breheimen-Mørkridsdalen. Konsekvensutredning for landbruk og tamrein. 4.Forvaltningsplan skisse, lagt ved høyringsdokumentet. (Fylkesmennene ynskjer innspel til denne sjøl om den ikkje er på høyring no.) Saksutgreiing Høyringsprosess Høyringsfristane i høyringsbrevet frå fylkesmennene: 25.februar for private høyringsinstansar(ottadalen villreinnemnd) 10.mars høyringsfrist for kommunane og fylkeskommunane 1.Organisering Fylkesmennene bad om at kommunane oppnemnte referansegrupper som skulle følgje verneplanarbeidet. Referansegruppene har hatt møte både lokalt og med fylkesmennene. Fylkesmennene har også organisert eit eige kontaktforum Kontaktutvalget for Breheimen Her har ordførarane og representantar for rettshavarane vore representert. For å kunne samordne vernet mellom kommunane og rettshavarane vart Samrådingsutvalget for Breheimen oppretta. Medlemmar har vore: LOM Simen Bjørgen, leiar Kommune 2686 Lom Ole Magnar Hoft Rettshavar 2687 Bøverdalen SKJÅK Rolv Kristen Øygard Kommune 2690 Skjåk Stig Aaboen Rettshavar 2690 Skjåk LUSTER Torodd Urnes Kommune 6866 Gaupne Per Hauge Rettshavar 6876 Skjolden Sekretær Bjørn Dalen 2690 Skjåk I både kontaktuvalget og samrådingsutvalget har saksbehandlarane vore representert. Desse har vore: Lom - Sander Sælthun Luster Steinulf Skjerdal Skjåk Bjørn Dalen Gjennom prosessen har det vore møte i Kontaktutvalget og nokre få i samrådingsutvalget. Referansegruppene har hatt jamnan møte både internt i kommunane og med fylkesmannen. Fylkesmannen har hatt kontordag i kommunane. Dette var annonsert slik at innbyggarane kunne kome å få informasjon. Det har vore fleire synfaringar i regi av fylkesmannen og her har fleire problemstillingar vorte diskutert og stort sett funne si løysing.

5 5 Fagrapportar Tidleg i prosessen vart det utarbeidt fagrapportar for fylgjande felt: Geologi og landformer (NINA Registrering av landbruket (Aurland Naturverkstad) Biologisk mangfald (Miljøfaglig Utredning) Kartlegging av landskap (Aurland Naturverkstad) Kartlegging av reiseliv, gardsturisme,turguiding og friluftsliv og anna naturbasert næringsutvikling (Vestlandsforskning) Villreinen i Ottadalsområdet (NINA) Villreinen i Ottadalsområdet (NINA) Mest relevant for villreinnemnda er sjølsagt villreinrapporten(nina rapport 227) utarbeidt av NINA. Denne rapporten kom i stand etter kritikk i samband med vern av Reinheimen. Her vart det frå fleire hald påpeikt at forholda for villreinen var for dårleg utgreitt. Rapporten er ein grei oversiktplan med status for området fyrst på 2000-talet. Rapporten foreslår at ein radiomerkar villrein for å følgje dei (GPS) for å sjå om ein kan finne problemområde for villreinen og område han ikkje brukar, samt kvar og når utvekslinga finn stad. 2. Konsekvensutgreiing (KU) Vi stilte oss noko undrande til dette arbeidet sidan det likevel skulle lagast eit KU-program. I samband med vern av Reinheimen var det laga brukarrapportar av referansegruppene i kommunane. Vi synes dette var eit godt utgangspunkt for lokalsamfunnet for å kunne synleggjera sitt syn på saka heilt i forkant av prosessen. Det ga også ei god moglegheit for å kunne fokusere på kva lokalsamfunnet meinte var viktig. Men for fylkesmennene var det sikkert nyttig for å lære kvalitetane i området betre å kjenne. Ein sit att med det inntrykket at staten, i utgangspunktet, var usikker på om det i det heile teke var noko å verne i dette området. Eit moment som forsterkar dette inntrykket er at det for Skjåk sin del ikkje var innlagt noko forslag til verneareal i Breheimen i NOU 1986 nr.13-ny landsplan for nasjonalparker. Så endar kommunen opp med å få eit verna areal på opp imot 1000 km².jfr. Skjåk kommunestyre sak 10/06. Det er lagt fram konsekvensutgreiingar for 13 tema: Naturmiljø Villrein Landskap Kulturminne og kulturmiljø Landbruk og tamrein Kraftressursar Råstoffutvinning av kleberstein ved Hovdestulfjellet Friluftsliv og naturoppleving Reiseliv Hytter og andre bygningar Samferdsle Motorferdsle Lokalt tilhøyr og framtidig forvaltning Konsekvensutgreiingane(del B i verneplanen) er utarbeidt av ymse institusjonar etter at arbeidet var lagt ut på anbod av fylkesmennene. Generelt kan ein seie at dei er av ymse kvalitet. Det er heller ikkje alle felt som er like sentrale å utgreie for Breheimen. I verneframlegget side dei enkelte rapportane drøfta opp imot vernealternativa. Side 54 er konsekvensane for delområda stilt opp og vekta i forhold til dei 4 alternativa:

6 6 * 0-alternativet- forvalta som nå * Alternativ 1A- Nasjonalpark med landskapsvernområde i fylgjande område Mysubytta og Strynefjellsvegen i Skjåk, Høydalen i Lom, Mørkridsdalen og Vigdalen i Luster og følgjande reservat, Røykjeskålsvatnet(Skjåk), Høyrokampen(Lom) og Mørkrid(Luster) * Alternativ 1B Nasjonalpark med landskapsvernområde i fylgjande område Mysubytta og Strynefjellsvegen i Skjåk, Høydalen i Lom, Vigdalen i Luster. * Alternativ 2 heile verneområde som landskapsvernområde KU-villrein har analysert kva slag verneform som vil vera best for villreinen i framtida. 0-alternativet er vurdert som liten negativ til middels negativt Fylkesmennene konkluderer med at Alternativ 1A og 1B er svært like. Alternativ 2 (landskapsvernområde)er vurdert som noko mindre positivt enn 1A og 1B. KU programmet er generelt sett ganske bra utgreitt. Det dannar såleis eit godt grunnlag for å vurdere kva slags kategori som er det beste for vern av Breheimen. 3.Høyring og offentleg ettersyn av forslag til verneplan Høyringsdokumenta Fylkesmannen har gjort ein formidabel jobb på den korte tida som har vore til rådvelde, grunna press frå sentralt hald. Arbeidet er gjennomført og solidt. Både kart og verneframlegg er eit godt utgangspunkt for høyringsinstansane for å vurdere vernesaka. I tillegg er det eit stort underlagsmateriale som underbygger framlegget. 3.1.Avgrensing av området Området er stort og det meste av areala er foreslege verna som nasjonalpark. Berre i mindre avgrensa område er området verna etter andre vernekategoriar, d.v.s landskapsvernområde og naturreservat. Landskapsvernområde er generelt ei mildare form for vern enn nasjonalpark og naturreservat er strengare. 3.2.Val av verneform Vurdering Verneforslag 1A og 1B skil seg ut som dei mest positive. Desse 2 alternativa er forholdsvis like, berre med den skilnad at alt.1a har nasjonalpark-landskapsvernområde-reservat, medan alt.1b har nasjonalpark-landskapsvernområde. Her vil ein tilrå 1A(NP+LVO+NR) som det beste forslaget for å ta vare på villreinen i Breheimen. Føresetnaden er at vernevedtaket følgjer dei grenser og reglar som ein har kome fram til i prosessen. 3.3.Vernereglar(utkast til forskrift) Generelt Verneforskriftene følgjer standard forskriftsmalar som er utarbeidt for kvar vernetype. Fylkesmannen har stort sett lagt opp verneforskriftene slik at punkta i dei enkelte paragrafane berre er av generell art. Derimot er det heimla utdjuping av paragrafane/punkta i forvaltningsplanen. Dette gjer at arbeidet med forvaltningsplanen blir svært viktig for Breheimen. Ein har følgjande kommentarar til verneforskriftene: Verneforskrift for Breheimen nasjonalpark - 2 Formål har som eit av sine formål - ta vare på leveområde for villreinstammen i Ottadalen villreinområde. Kommentar: Viktig at villreinstammen i Ottadalen er prioritert i formålsparagrafen

7 7-3 Vernereglar punkt 1 Landskapet. Forvaltningstyresmakta kan gje løyve til: 1.3.A)ombygging og mindre utviding av bygningar i samsvar med retningsliner fastsett i forvaltningsplanen Kommentar: Utviding av hytter er kontroversielt i forhold til villreinen. Bruk av omgrepet mindre er relativt. Når dette skal utgreiast i forvaltningsplanen må det setjast klare grenser for storleik på ein slik måte at det ikkje fører til utvida bruk. - punkt 3 Dyrelivet. Forvaltningstyresmakta kan gje løyve til: c)iverksetting av tiltak for å få villreinen tilbake i søre del av Ottadalen villreinområde, i samsvar med retningslinjer fasett i forvaltningsplanen Kommentar:Her er det teke omsyn til at rein kan setjast ut sjølv etter at vernet er gjennomført. -5.Ferdsel Her er det opna for løyve til å gjennomføre bruksprøver for hund i område og til tider som er godkjent i forvaltningsplanen. Kommentar: Det må setjast klare grenser for denne aktiviteten i forvaltningsplanen Hundar må ikkje sleppast lause i tida 1.mars-20.august i område fastsett i forvaltningsplanen. Kommentar: Nemnda bør vurdere om perioden er lang nok i forkant. Ordinær bandtvang startar 1.april. -6.Motorferdsel. 6.3 c) bruk av beltekøyretøy på vinterføre eller flyging lågare enn 300m over bakken i samband, med leiting etter beitedyr og teljing av dyr. Kommentar: Her er det heimla teljing av villreinen k)oppkøyring av skiløyper i ytre delar av nasjonalparken i Grotliområdet i samsvar med retningsliner fastsette i forvaltningsplanen. Kommentar: Det er viktig at villreinnemnda blir teken med på råd når arbeidet med forvaltningsplanen blir sett i gang. Verneforskrift for Strynefjellet landskapsvernområde - 2 Formål har som eit av sine formål - ta vare på biologisk mangfald i området, serleg vekt på leveområde og trekkområde for villreinstammen i Ottadalen villreinområde. Kommentar: Viktig at villreinstammen i Ottadalen er prioritert i formålsparagrafen 5.7. Hundar må ikkje sleppast lause i tida 1.mars-20.august i område fastsett i forvaltningsplanen. Kommentar: Nemnda bør vurdere om perioden er lang nok i forkant. Ordinær bandtvang startar 1.april. -6.Motorferdsel. 6.2.Reglane i 6.1. er ikkje til hinder for: c)snøbrøyting av Gamle Strynefjellsvegen etter 10.juni i samsvar med retningsliner fastsette i forvaltningsplanen. Kommentar: Nemnda bør vurdere oppstart av brøyting. 6.3 f) flyging lågare enn 300m over bakken i samband, med leiting etter beitedyr og teljing av dyr.

8 8 Kommentar: Her er det heimla teljing av villreinen. Verneforskrift for Røykjeskålsvatnet naturreservat Ingen kommentarar: Verneområdet omfattar i ubetydeleg grad villreinområdet. Verneforskrift for Mysubytta landskapsvernområde -6.Motorferdsel. 6.3.f)bruk av beltekøyretøy på vinterføre til kvisting og oppkøyring av eksisterande skiløyper i samsvar med retningsliner fastsette i forvaltningsplanen. Kommentar:Det må fastsetjast tidsrom for når løypene kan køyrast opp i forvaltningsplanen. g) bruk av beltekøyretøy på vinterføre eller flyging lågare enn 300m over bakken i samband, med leiting etter beitedyr og teljing av dyr. Kommentar: Her er det heimla teljing av villreinen. Verneforskrift for Høyrokampen naturreservat Ingen kommentarar: Verneområdet omfattar i ubetydeleg grad villreinområdet. Verneforskrift for Høydalen landskapsvernområde Ingen kommentarar: Verneområdet omfattar i ubetydeleg grad villreinområdet. Verneforskrift for Mørkridsdalen landskapsvernområde Ingen kommentarar: Verneområdet omfattar i ubetydeleg grad villreinområdet. Verneforskrift for Vigdalen landskapsvernområde - 3 Dyrelivet. Forvaltningstyresmakta kan gje løyve til: c)iverksetting av tiltak for å få villreinen tilbake i søre del av Ottadalen villreinområde, i samsvar med retningslinjer fasett i forvaltningsplanen Kommentar:Her er det teke omsyn til at rein kan setjast ut sjølv etter at vernet er gjennomført. -5.Ferdsel Her er det opna for løyve til å gjennomføre bruksprøver for hund i område og til tider som er godkjent i forvaltningsplanen. Kommentar: Det må setjast klare grenser for denne aktiviteten i forvaltningsplanen. -6.Motorferdsel. 6.3.?)bruk av beltekøyretøy på vinterføre eller flyging lågare enn 300m over bakken i samband, med leiting etter beitedyr og teljing av dyr. Kommentar: Det bør inn ein heimel i forskrifta for teljing av beitedyr og dyr, med tanke på framtidig villrein i området. Villreinnemnda ber fylkesmannen vurdere innspela og innarbeide det som er reelle forslag i verneforskriftene. Andre innspel bør takast omsyn til i utarbeiding av forvaltningsplanen. 3.4.Forvaltningsmodell I spørjeundersøkinga (NIBR notat 2008:106) går det fram at ein stor del av lokalbefolkninga ynskjer at kommunen skal ha ansvaret for forvaltningsoppgåvene. I verneplanframlegget kommenterer fylkesmennene sjølve dette med:

9 9 - det første punktet indikerer at kommunane bør være aktive i planlegging og forvaltning i området, uansett val av forvaltningsmodel. Vurdering For villreinforvaltninga er det viktig å få ei mest mogleg einskapleg forvaltning. Kommunane har sagt klart ifrå at dei ynskjer lokal forvaltning av verneområda, i sitt samrådingsutvalg. Det er derfor viktig å finne fram til ein modell som både verkar samordnande og samtidig tek omsyn til lokale interesser. Eit fellesutval bør har representantar både frå grunneigarar og kommunane. Det bør vera ein sekretær/naturforvaltar som samordnar sentrale saker og aktivitetar, og grip fatt i saker gjeld bl.a. villreinen. Regelforvaltninga kan godt ligge i kommunane, men for aktørar som Ottadalen villreinnemnd er det greitt å kunne forhalde seg til ei felles adresse for Breheimen verneområde i tillegg for koordinering av oppgåvene. Ottadalen villreinnemnd vil at eit felles kontaktutvalg for forvaltning av Breheimen skal ha representantar både frå grunneigarane i den enkelte kommune og frå kommunane sjølv. I tillegg er det viktig at villreinutvalet er representert. Det bør vera ein person i fast stilling, sekretær/naturforvaltar, som samordnar sakene som skal inn til fellesutvalet. Regelforvaltninga kan godt ligge i den enkelte kommune Oppsynsmodellar Oppsyn i verneområde er eit statleg ansvar etter lov om statleg naturoppsyn. Såleis vil det bli oppretta stillingar i samband med vern av Breheimen. Mest truleg 2 heile stillingar. Oppsynet må samarbeide med lokale oppsyn. SNO-oppsyn er allereie inne i området i samband med jerveregistrering og uttak av skadedyr. I tillegg deltek dei i teljing av villreinen. Det er mange oppgåver som skal løysast i det framtidige området av Breheimen Dette gjeld tilsyn med ferdsel, villrein, skjøtselspoppgåver og ikkje minst offentleg-rettsleg oppsyn som må styrkast. Ottadalen Villreinnemnd ser det som viktig å styrke den statlege oppsynsverksemnda. Tilføring av 2 stillingar vil vere til stor nytte også for villreinforvaltinga. 3.6.Forvaltningsplan Skisse til forvaltningsplan er lagt ved verneframlegget. Dette er ikkje på høyring nå, men fylkesmennene tek gjerne imot innspel. Slik verneforkskriftene er oppbygdt for Breheimen er det lagt stor vekt på at mange moment skal avklarast i forvaltningsplanen. Det seier seg sjølv at forvaltningsplanen ikkje kan godkjennast før verneforskriftene er på plass. Såleis må det bli ein eigen prosess på dette seinare. Den prosessen må villreininteressene ta del i. Det er her ein kan finne fram til gode praktiske løysingar som er til det beste for villreinen. Ottadalen villreinnemnd ser på utkastet til forvaltningsplan som eit godt grunnlag å arbeide vidare med fram mot ein fullkomen forvaltningsplan. Nemnda ber om å bli teken med på råd i prosessen rundt utarbeiding av forvaltningsplan. Villreinutvalet må vere med i sjølve planlegginga.

10 10 Innstilling: 2. Konsekvensutgreiing (KU) KU programmet er generelt sett ganske bra utgreitt. Det dannar såleis eit godt grunnlag for å vurdere kva slags kategori som er det beste for vern av Breheimen. Val av verneform Her vil ein tilrå 1A(NP+LVO+NR) som det beste forslaget for å ta vare på villreinen i Breheimen. Føresetnaden er at vernevedtaket følgjer dei grenser og reglar som ein har kome fram til i prosessen. Vernereglar(utkast til forskrift) Villreinnemnda ber fylkesmannen vurdere innspela og innarbeide det som er reelle forslag i verneforskriftene. Andre innspel bør takast omsyn til i utarbeiding av forvaltningsplanen. Forvaltningsmodell Ottadalen villreinnemnd vil at eit felles kontaktutvalg for forvaltning av Breheimen skal har representantar både frå grunneigarane i den enkelte kommune og frå kommunane sjølv. I tillegg er det viktig at villreinutvalet er representert. Det bør vera ein person i fast stilling, sekretær/naturforvaltar, som samordnar sakene som skal inn til fellesutvalet. Regelforvaltninga kan godt ligge i den enkelte kommune Oppsynsmodellar Ottadalen Villreinnemnd ser det som viktig å styrke den statlege oppsynsverksemda Tilføring av 2 stillingar vil vere til stor nytte også for villreinforvaltinga. 3.7.Forvaltningsplan Ottadalen villreinnemnd ser på utkastet til forvaltningsplan som eit godt grunnlag å arbeide vidare med fram mot ein fullkomen forvaltningsplan. Villreinnemnda ber om å bli teken med på råd i prosessen rundt utarbeiding av forvaltningsplan. Villreinutvalet må vere med i sjølve planlegginga. Villreinnemnd for Ottadalen sitt vedtak: 2. Konsekvensutgreiing (KU) KU programmet er generelt sett ganske bra utgreitt. Det dannar såleis eit godt grunnlag for å vurdere kva slags kategori som er det beste for vern av Breheimen. Val av verneform Her vil ein tilrå 1A(NP+LVO+NR) som det beste forslaget for å ta vare på villreinen i Breheimen. Føresetnaden er at vernevedtaket følgjer dei grenser og reglar som ein har kome fram til i prosessen. Villreinnemnda ser vernealternativa 1A og 1B som like gode i høve til villrein. Vernereglar(utkast til forskrift)

11 11 Villreinnemnda ber fylkesmannen vurdere innspela og innarbeide det som er reelle forslag i verneforskriftene. Andre innspel bør takast omsyn til i utarbeiding av forvaltningsplanen. I tillegg har villreinnemnda følgjande merknader: Til verneframlegget - tekstdelen: Dyreliv: Arbeidet med å få villrein attende til dei sørvestlege områda i Breheimen må få høg prioritet. Den merka stien mellom Trulsbu og Illvatn må fjernast Kulturminne og kulturhistorie: Det må setjast i gang arbeid med vidare registrering av kulturminne i samband med villreinfangst i Luster sine område. 4.8 Framlegg til overvaking: Villreinen sin bruk av Ottadalen villreinområde må overvakast, dette må også omfatte områda som no ikkje har villrein. 4.9 Innspel og merknader i verneplanprosessen: DNT må ikkje få bygga hytte ved Illvatn sjølv om ho vert liggande like utanfor verneområdet. Merknader til vernereglane: Breheimen nasjonalpark. - 3 Vernereglar punkt 1 Landskapet. Forvaltningstyresmakta kan gje løyve til: 1.3.A)ombygging og mindre utviding av bygningar i samsvar med retningsliner fastsett i forvaltningsplanen Kommentar: Villreinnemnda meiner at mindre utviding av bygningar i enkelte område kan vera uheldig. Nemnda må kunne ta del i slike problemstillingar tidleg. 5.Ferdsel -5.1.Nemnd meiner følgjande tillegg må kome med: Kommentar: Det må tilretteleggast med meir informasjon om villreinen og korleis ein skal oppføre seg i forhold til den Hundar må ikkje sleppast lause i tida 1.mars-20.august i område fastsett i forvaltningsplanen. Kommentar: Nemnda meiner at starttidspunkt for bandtvang må setjast til 1.februar k)oppkøyring av skiløyper i ytre delar av nasjonalparken i Grotliområdet i samsvar med retningsliner fastsette i forvaltningsplanen. Kommentar: Nemnda må takast med på råd dersom reinen kjem i konflikt med oppkøyring av løyper i området på det aktuelle tidspunkt. Verneforskrift for Strynefjellet landskapsvernområde Hundar må ikkje sleppast lause i tida 1.mars-20.august i område fastsett i forvaltningsplanen. Kommentar: Nemnda meiner at starttidspunkt for bandtvang må setjast til 1.februar.

12 12-6.Motorferdsel. 6.2.Reglane i 6.1. er ikkje til hinder for: c)snøbrøyting av Gamle Strynefjellsvegen etter 10.juni i samsvar med retningsliner fastsette i forvaltningsplanen. Kommentar: Opning av Gamle Strynefjellsvegen den 10.juni er greitt. Snøbrøyting kan starte 14 dagar før opning under føresetnad av at brøytekantaneiskjeringane ikkje er til fare eller hinder for at reinen kan passere k)oppkøyring av skiløyper i ytre delar av nasjonalparken i Grotliområdet i samsvar med retningsliner fastsette i forvaltningsplanen. Kommentar: Nemnda må takast med på råd dersom reinen kjem i konflikt med oppkøyring av løyper i området på det aktuelle tidspunkt. Forvaltningsmodell Ottadalen villreinnemnd vil at eit felles kontaktutvalg for forvaltning av Breheimen skal har representantar både frå grunneigarane i den enkelte kommune og frå kommunane sjølv. I tillegg er det viktig at villreinutvalet er representert. Det bør vera ein person i fast stilling, sekretær/naturforvaltar, som samordnar sakene som skal inn til fellesutvalet. Regelforvaltninga kan godt ligge i den enkelte kommune. Villreinnemnda meiner fylkesmannen skal inn i kontaktutvalget som fullverdig medlem Oppsynsmodellar Ottadalen Villreinnemnd ser det som viktig å styrke den statlege oppsynsverksemnda Tilføring av 2 stillingar vil vere til stor nytte også for villreinforvaltinga. Villreinnemnda meiner SNO-oppsynet må overvake tilstanden mellom tamrein og villrein kontinuerleg, slik at tamrein ikkje kjem inn i villreinområdet. 3.7.Forvaltningsplan Ottadalen villreinnemnd ser på utkastet til forvaltningsplan som eit godt grunnlag å arbeide vidare med fram mot ein fullkomen forvaltningsplan. Nemnda ber om å bli teken med på råd i prosessen rundt utarbeiding av forvaltningsplan. Villreinutvalet må vere med i sjølve planlegginga. Vedtaket var samrøystes. Utskrift sendt: Fylkesmannen i Oppland, Serviceboks, 2626 Lillehammer Ottadalen villreinnemnd, 2690 Skjåk Kommunane

13 13 Saksnummer/år: 04/09 Møtedato: 19.februar 2009 Saksansvarleg: Bjørn Dalen Tittel: Lesja kommune varsel om oppstart av kommuneplanens arealdel Saksdokument:Brev frå Lesja kommune dagsett Planprogram Saksutgreiing Villreinnemnda har fått oversendt planprogrammet for rullering av kommuneplanen i Lesja kommune. I følgebrevet ynskjer kommune innspel og eventuelle merknader til planprogrammet. Planleggar Rigmor Bøe i Lesja kommune kjem og vil orientere om planarbeidet. Planen er oversiktleg og lett å sette seg inn i. Når det gjeld Lesja kommune og villrein så er kommunen av dei i,landet som har størst utfordringar. Lesja har villrein i alle fjell og utbygging i og i nærleiken av fjelloområda blir alltid kontroversielle. Det er derfor viktig i plansamanheng å vurdere kva slags område som er minst sensitive dersom det er planar om utbygging. For villreinnemnda er det viktig å ha fokus på sørsida av hoveddalføret og Lordalen. For hoveddalføret ligg det utfordringar i området inn mot Asbjørnsdalen. I Lordalen er det signalisert opprusting av eksisterande veg. Det er viktig for tilkomst til dalen at ein har god veg. Det er ikkje ynskjeleg at vegen blir rusta opp slik at trafikken aukar merkbart langs indre delar av vegen. Her er det fleire krysningar for villrein mellom Tverrfjellet på nordsida og Vigga på sørsida. Det bør tilretteleggast med informasjon ved Nysetra. Ein viktig del av informasjonen må vera retta mot informasjon om villreinen, den bruken den har av området og sårbarheit. Det blir viktig å prøve å avgrense trafikken mest mogleg til området rundt seterstulen og lengre nedover dalen. Sørsida av dalføret gjennom Lesja er lite utbygdt og framstår som eit urøyvd område. Frå villreininteressene si side er det positivt å sjå at Lesja kommune framleis held fast på denne strategien. Utfordringa ligg i å halde dei områda reinen brukar mest mogleg fri for ferdsle og utbygging. Såleis bør ein å unngå tilrettelegging i området inn mot Asbjørnsdalen Slådalsvegen går i randsona av villreinområdet og er kontroversiell i forhold til villreinen. Kommunen signaliserer -utvikling av Slådalsvegen som attraksjon og for økt turisme-. Sett frå villreinen sin ståstad er området sterkt pressa som det er med fleire store kraftleidningar og vegen over til Vågå. Det har viser at reinen nyttar lite området aust for vegen. Det er ikkje trekt eintydige konklusjonar for kvifor det er slik. Lesja og Vågå kommuner bør samarbeide om ein plan for nytting av vegen og områda rundt som har sterk forkus på villreininteressene. Villreinnemnda og villreinutvalget bør delta i dette arbeidet. Innstilling: Ottadalen villreinnemnd kjem med følgjande innspel og merknader: Lordalen Det bør tilretteleggast med informasjon ved Nysetra. Ein viktig del av informasjonen må vera retta mot informasjon om villreinen, den bruken den har av området og sårbarheit. Det blir viktig å prøve å avgrense trafikken mest mogleg til området rundt seterstulen og lengre nedover dalen.

14 14 Asbjørnsdalen Villreinnemnda ynskjer at Lesja kommune har fokus på minst mogleg kanalisering av ferdsle inn i området i og rundt Asbjørnsdalen Slådalsvegen Lesja og Vågå kommuner bør samarbeide om ein plan for nytting av vegen og områda rundt som har sterk fokus på villreinen sin bruk av området. Villreinnemnda og villreinutvalget bør delta i dette arbeidet. Villreinnemnd for Ottadalen sitt vedtak: Som framlegget samrøystes med følgjande tillegg: Dovre kommune må saman med dei 2 andre kommunane samarbeide om framtidig planlegging og tilrettelegging i området langs Slådalsvegen. Utskrift sendt: Lesja kommune, 2665 Lesja

15 15 Saksnummer/år: 05/09 Møtedato: 19.februar 2009 Saksansvarleg: Bjørn Dalen Tittel: Tidspunkt for neste møte Villreinnemnd for Ottadalen sitt vedtak: Årsmøte i villreinnemnda blir avhalde same dag som i utvalet, den 18.april Utskrift sendt: Ottadalen villreinnemnd, 2690 Skjåk

16 16 Saksnummer/år: 06/09 Møtedato: 19.februar 2009 Saksansvarleg: Bjørn Dalen Tittel: Merking av kløvstigen mellom Stryn og Skjåk, på Vassvenda Saksdokument: E-post frå Statens vegvesen v/werner Harstad Saksutgreiing Statens vegvesen har vendt seg til Skjåk kommune om moglegheit for å utvide tilrettelegginga av besøkspunkt lands gamle Strynefjellsvegen som er Nasjonal turistveg. I e-post til kommunen seier Harstad: Hei, her er stipartiet vil målte inn med GPS i fjor. Det er i såfall denne strekningen vi kunne tenke oss å merke litt tydeligere enn de stokkene og stolpene vi har i dag. Hvordan er dette i forhold til villreinen tror du? Skulle vi loddet stemningen nærmere med Fylkesmannen? Ein ser det som naturleg at denne saka blir lagt fram for villreinnemnda til behandling. Historikken rundt tiltaket er at Skjåk kommune og turistvegprosjektet la til rette eit opplegg slik at reisande kunne besøke Vassvendingsherberget (ein gamal steinbu) og gå eit mindre strekke etter den gamle kløvvegen. Dette vart gjort ein gong på slutten av 1990-talet. Det er dette opplegget det no blir søkt om å få utvide. I forhold til villreinen er prosjektet kontroversielt. Grunnen til dette er at trekket som går på vestsida av Vassvendtjønnene kryssar over på eidet mellom tjønnene. Her ligg det og ei reinsgrav som stadfestar den gamle trekkvegen. Den merkinga som har skjedd i området er av liten omfang, men det er og eit spørsmål om det er ynskjeleg med merking her. Det er mange kulturminne i området å bruke i tilretteleggingssamanheng. Det er samtidig eit viktig trekkområde frå Mårådalen, mot vest til Tystigen og mot nord over fjellet til Breiddalen. Skal ein ta vare på villreinen i området i eit langsiktig perspektiv er det ikkje ynskjeleg med ei utviding av tiltaket vestover. Villreinnemnd for Ottadalen sitt vedtak: Villreinnemnda vedtek at planane om tilrettelegging langs kløvstigen på Vassvenda skal vurderast i samband med utarbeiding av forvaltningsplanen for Breheimen. Villreinnemnda er i utgangspunktet skeptisk til omfattande inngrep i området. Utskrift sendt: Statens vegvesen-lillehammer v/werner Harstad, pr e-post

17 17 Saksnummer/år: 07/09 Møtedato: 19.februar 2009 Saksansvarleg: Bjørn Dalen Tittel: Orienteringar frå sekretæren i Ottadalen villreinutval Saksdokument: Teljing av rein oversikt Presentasjon av Lineprosjektet-Øvre Otta Kvoteforslag notat. Saksutgreiing Sekretæren orienterte om: 1. Lineprosjektet og framdrifta i det. 2. Teljing av av reinen og problematikken rundt at det har auke med rein i sørområdet med ca.70 dyr. Desse har mest truleg kome frå Vest-Jotunheimen 3. Orientering om kvoteforslag for jakta 2009.