Møteinnkalling. Breheimen nasjonalparkstyre

Transkript

1 Møteinnkalling Breheimen nasjonalparkstyre Utvalg: Møtested: Svar per e-post, ekstraordinær sak. Dato: Tidspunkt: Saka vert avgjort per e-post til adresse: Eventuelt fråfall må meldast snarast på tlf Vararepresentantar møter etter nærare beskjed.

2 Saksliste Utvalssaksnr ST 48/13 ST 49/13 Innhald Lukka Arkivsaksnr Godkjenning av innkalling og sakliste - val av to medlemmar til å skrive under protokoll saman med styreleiar Sak - Tillatelse til landing med helikopter for flytting av tilsyns-/sankebu frå Dulsete til Haugssveidalen 2003/ /4411

3 ST 48/13 Godkjenning av innkalling og sakliste - val av to medlemmar til å skrive under protokoll saman med styreleiar.

4 BREHEIMEN NASJONALPARKSTYRE Sak Arkivsaksnr: 2013/ Sakshandsamar: Eldrid Nedrelo Dato: Utval Utvalssak Møtedato Breheimen nasjonalparkstyre 49/ Sak - Løyve til landing med helikopter for flytting av tilsyns-/sankebu frå Dulsete til Haugssveidalen Dokument i saka: Søknad av om løyve til landing med helikopter for flytting av tilsynsbu. Løyve til oppsetting av tilsyns-/sankebu i Haugssveidalen, datert Søknad om løyve til oppsetting av tilsyns-/sankebu i Haugssveidalen, datert Søknaden vert vurdert i samsvar med: Forskrift om verneplan for Breheimen. Vedlegg 1. Breheimen nasjonalpark. Forskrift om verneplan for Breheimen. Vedlegg 5. Mørkridsdalen landskapsvernområde. Naturmangfaldlova Søknaden Elin og Johannes Hauge søkjer om løyve til bruk av helikopter for flytting av ei tilsynsbu frå Dulsete til Haugssveidalen. I telefonsamtale den viser Johannes Hauge til at det vil vere behov for frakt av utstyr for gjennomføring av tiltaket, og at det er behov for inntil to hiv med helikopter. Tiltaket er planlagt gjennomført i august, men dato er enno ikkje fastsett. Verneformål, verneforskrift og framlegg til forvaltningsplan Søknaden må handsamast etter verneforskriftene for Breheimen nasjonalpark og Mørkridsdalen landskapsvernområde. Formålet med Breheimen nasjonalpark er å ta vare på eit stort, samanhengande og villmarksprega naturområde som inneheld særeigne, representative økosystem og landskap utan tyngre inngrep. Vidare er det mellom anna lagt spesiell vekt på å ta vare på eit variert biologisk mangfald (jf. 2 i verneforskrifta for nasjonalparken), og ålmenta skal ha høve til uforstyrra oppleving av naturen gjennom utøving av naturvenleg og enkelt friluftsliv med lita grad av teknisk tilrettelegging. Plantelivet skal vernast mot skade og øydelegging av alle slag (jf. verneforksrifta 3 pkt. 2.1), og dyrelivet, medrekna hi, reir, hekke-, yngle- og gyteplassar er verna mot

5 skade og unødig forstyrring (jf. verneforskrifta 3 pkt. 3.1). Også kulturminne skal vernast mot skade og øydelegging (jf. verneforskrifta 3 pkt. 4.1). Hovudformålet med Mørkridsdalen landskapsvernområde er å ta vare på eit natur- og kulturlandskap med økologisk verdi, kulturell verdi og opplevingsverdi og som er identitetsskapande. Ålmenta skal ha høve til natur- og landskapsoppleving gjennom utøving av naturvenleg og enkelt friluftsliv med lita grad av teknisk tilrettelegging. Plantelivet skal vernast mot skade og øydelegging som kan endre det verna landskapet sitt særpreg eller karakter vesentleg, (jf. verneforskrifta 2.1), og kulturminne skal vernast mot skade og øydelegging som kan endre det verna landskapet sin eigenart vesentleg (jf. verneforskrifta 3 pkt. 4.1). I utgangspunktet er all motorferdsel forbode i Breheimen nasjonalpark og Mørkridsdalen landskapsvernområde (verneforskriftene 3 pkt. 6.1), med unntak gjeve i 3 pkt. 6.2 og 6.3. Det aktuelle tiltaket fell ikkje inn under nokon av dei spesifiserte dispensasjonsreglane. Søknaden må difor handsamast etter verneforskrifta 4, jf. naturmangfaldlova 48. Etter verneforskrifta 4 kan forvaltningsmyndigheita gjere unntak frå forskrifta dersom det ikkje strir mot formålet med vernevedtaket, og ikkje kan påverke verneverdiane nemneverdig, jf. naturmangfaldlova 48. Begge vilkåra må vere oppfylte for at det skal kunne gjevast løyve. Søknaden skal også vurderast etter prinsippa i naturmangfaldlova Vurdering Breheimen nasjonalparkstyre har i styremøte den gitt løyve til oppsett av tilsynsbu i Haugssveidalen på gitte vilkår. Haugssveidalen er ein sidedal nordaust for Dulsete. Hauge har om lag 80 sauer på beite. Sauene beitar i området Stilla Råsane Haugssveidalen, både innanfor Mørkridsdalen landskapsvernområde og Breheimen nasjonalpark. Haugssveidalen ligg i bratt terreng, ca. 2,5 t gange frå parkeringsplassen på Hødnevollen. For å kunne føre forsvarleg tilsyn med beitedyra meiner Hauge det er behov for ei tilsynsbu i området. Han søkjer difor om løyve til bruk av helikopter for å flytte bua frå Dulsete i Mørkridsdalen landskapsvernområde til Haugssveidalen innanfor Breheimen nasjonalpark. Beitedyr i området er viktig med tanke på skjøtsel av kulturlandskapet i Mørkridsdalen landskapsvernområde. Hovudformålet med Breheimen nasjonalpark er å ta vare på eit stort, samanhengande og villmarksprega naturområde som inneheld særeigne, representative økosystem og landskap utan tyngre inngrep. Vidare er formålet med nasjonalparken m.a. å ta vare på; eit høgfjellsøkosystem med eit eigenarta og variert biologisk mangfald, leveområda til villreinstammen i Ottadalen villreinområde, vegetasjon og landskap, å ta vare på kulturminne, og ålmenta skal ha høve til natur- og landskapsoppleving gjennom utøving av naturvenleg og enkelt friluftsliv med lita grad av teknisk tilrettelegging. Hovudformålet med Mørkridsdalen landskapsvernområde er å ta vare på eit natur- og kulturlandskap med økologisk verdi, kulturell verdi og opplevingsverdi og som er identitetsskapande. Vidare er formålet med landskapsvernområdet m.a. å ta vare på stølsvollar, kulturminne og naturbeitemarker, og ålmenta skal ha høve til natur- og landskapsoppleving gjennom utøving av naturvenleg og enkelt friluftsliv med lita grad av teknisk tilrettelegging. Motorferdsel er i utgangspunktet forbode i verneområda då dette kan ha negative effektar på verneverdiane gjennom forstyrring, slitasje og støy, og det er difor eit overordna mål å redusere motorferdsel til eit minimum. Etter første alternativ i verneforskrifta 4, jf. naturmangfaldlova 48, kan forvaltningsmyndigheita likevel gjere unntak frå verneforskrifta dersom det ikkje strir mot formålet med vernevedtaket.

6 Det går fram av naturmangfaldlova 8 at offentlege avgjerder som gjeld naturmangfaldet så langt det er rimeleg skal bygge på vitskapleg og erfaringsbasert kunnskap om naturmangfald, samt effekten av påverknader. Kunnskapen om naturmangfaldet i området er henta frå verneplan for Breheimen med konsekvensutgreiinga på deltema villrein og biologisk mangfald, Naturbase, ArcGis prosjekt om hekkande rovfugl i Sogn og Fjordane, Fylkesatlas og Fjelloppsynet i Luster. Ein konstaterer at aktiviteten ikkje vil føre til inngrep i landskapet av nokon art, men for dyrelivet og friluftsliv kan motorferdsel ha ein forstyrrande effekt. Bruk av helikopter er i dette tilfellet aktuelt like utanfor bruksområdet for villrein, og normalt er det heller ikkje villrein i tilgrensande område. Nasjonalparkforvaltaren kan såleis ikkje sjå at tiltaket åleine vil ha nokon påverknad på villrein. Det er ikkje registrert hekkelokalitetar av rovfugl, verdifulle artar, ansvarsartar eller raudlisteartar i det aktuelle området, og ein kan ikkje sjå at tiltaket vil påverke særeigne eller representative økosystem. På Dulsete er det ei slåtteeng. Ein vurderer at bruk av helikopter ikkje vil føre til slitasje på naturtypen eller påverknad slik at landskapet sin art og karakter vert endra vesentleg. Forutan to gamle tufter i Haugssveidalen er det ikkje registrert andre kulturminne i området. Av verneformåla går det fram at «Ålmenta skal ha høve til uforstyrra oppleving av naturen gjennom utøving av naturvenleg og enkelt friluftsliv med lita grad av teknisk tilrettelegging.» Tiltaket vil vere av forbigåande karakter, og med dei vilkåra som er sette i løyvet med avgrensing av tal turar, samordning med anna flyging i området i eit avgrensa tidsrom, meiner nasjonalparkforvaltaren at tiltaket ikkje strir mot formålet med vernevedtaket i nasjonalparken eller i landskapsvernområdet. Sjølv om tiltaket isolert sett i liten grad vil påverke naturverdiane og kulturlandskapet, må den einskilde søknaden vurderast i lys av prinsippet om samla belastning, jf. naturmangfaldlova 10. Breheimen nasjonalpark og Mørkridsdalen landskapsvernområde grensar til fire andre landskapsvernområde og Høyrokampen naturreservat. Ved vurdering om samla belastning må alle områda sjåast i samanheng. Eksisterande påverknad i området er i hovudsak bygningar, beiting, utøving av tradisjonelt og enkelt friluftsliv, jakt og fiske. Tiltaket er av forbigåande karakter og ein er ikkje kjend med andre tilsvarande tilfelle. Nasjonalparkforvaltaren kan ikkje sjå at tiltaket vil føre til auka motorferdsel i området. Med dei vilkåra som er sett meiner nasjonalparkforvaltaren at den samla belastninga av motorferdsel og mogleg framtidig aktivitet i Mørkridsdalen landskapsvernområde og i Breheimen nasjonalpark vil vere akseptabel. Etter nasjonalparkforvaltaren si vurdering føreligg det tilstrekkeleg kunnskap om naturmangfaldet og kva effektar tiltaket vil ha på dette mangfaldet. Føre-var-prinsippet er difor ikkje vektlagt i saka, jf. naturmangfaldlova 9. Det er ikkje aktuelt å stille fordyrande vilkår. Det er heller ikkje aktuelt å vurdere anna transportmiddel for gjennomføring av tiltaket. Naturmangfaldlova 11 og 12 vert difor ikkje vurdert nærare. Etter dette meiner nasjonalparkforvaltaren at tiltaket isolert sett ikkje strir mot formålet med vernet og det første vilkåret i 4, jf. naturmangfaldlova 48 første ledd er oppfylt. Det andre vilkåret som må vere oppfylt etter 4, jf. naturmangfaldlova 48 første ledd første alternativ, er at tiltaket «ikkje kan påverke verneverdiane nemneverdig». Verneverdiane er i følgje verneforskrifta for nasjonalparken i hovudsak eit stort, samanhengande og villmarksprega naturområde som inneheld særeigne, representative økosystem og landskap som er utan tyngre inngrep, jf. verneforskrifta 2. Og for Mørkridsdalen landskapsvernområde er hovudformålet å ta vare på eit natur- og kulturlandskap med økologisk verdi, kulturell verdi og opplevingsverdi og som er identitetsskapande, jf. verneforskrifta 2. Som det går fram av vurderinga av 8 ovanfor, vil det aktuelle tiltaket stort sett ikkje påverke naturverdiar, økosystem eller kulturlandskap nemneverdig. Nasjonalparkforvaltaren meiner difor at det andre vilkåret i 4, jf. naturmangfaldlova 48 første ledd første alternativ er oppfylt. At vilkåra er oppfylt gir likevel ikkje søkjar krav på løyve. Det må gjerast ei konkret vurdering om det skal gjevast løyve, der ein vurderer fordelar og ulemper ved løyve. Nasjonalparkforvaltaren viser til at bruken av helikopter har eit avgrensa omfang og vektlegg at det ikkje inneber

7 vedvarande forstyrring eller varig inngrep, men at aktiviteten er av forbigåande karakter. Nasjonalparkforvaltaren viser elles til løyvet om oppsetting av tilsynsbua når det gjeld behovet for ei tilsynsbu i Haugssveidalen. I det nemnde løyvet er det m.a. vektlagt at bua er naudsynt for å kunne ha sau på beite i området. Med dei gitte vilkåra meiner nasjonalparkforvaltaren at det kan gjevast løyve til tiltaket. Nasjonalparkforvaltaren sitt framlegg til vedtak: Med heimel i verneforskriftene for Breheimen nasjonalpark 4, jf. naturmangfaldlova 48 og Mørkridsdalen landskapsvernområde 4, jf. naturmangfaldlova 48 gir Breheimen nasjonalparkstyre løyve til inntil to landingar med helikopter på Dulsete og i Haugssveidalen for flytting av tilsynsbu og transport av utstyr som er naudsynt for oppsetting av bua. Vilkår Løyvet gjeld i perioden 1. august til 30. august Løyvet gjeld ikkje søndagar og andre heilagdagar. Bruk av helikopter skal avgrensast til det som er strengt naudsynt, helst til ein dag dersom det er praktisk mogleg for gjennomføring av tiltaket. Under flyging skal det takast særleg omsyn til naturmiljøet, særleg dyreliv, og friluftsliv. Evt. landing i Haugssveidalen skal skje godt utanom dei to tuftene og den gamle stølsvollen. Flyginga må avklarast med SNO Luster seinast dagen før flyging. Kontaktperson er Liv Byrkjeland, tlf: Dersom det er villrein i området når transporten er planlagt bør transporten utsetjast til villreinen har trekt vekk. Dispensasjonen skal takast med ved flyging og visast ved kontroll. Rapport om dato og stad for landing, og tal turar skal sendast til Breheimen nasjonalparkstyre innan 1. oktober Løyvet gjeld ikkje rein persontransport. Så langt det er mogleg skal transporten evt. samordnast med Skjolden grunneigarlag eller Skjolden beite- og sankelag.