Studenttingsmøter Møteprotokoll nr 6/14-15 Møtedato

Transkript

1 Tid 04. mars 2015 kl Stad Rokken, konferanserommet Til stades med stemmerett Til stades utan stemmerett AHL: Marie Havnsund, Nikolai Bjørnevik Flisnes, David Fiskaa AMF: Halvard Roald Kvamme AKF: Axel G. Lund, Melissa Nerland (tom. Sak 45), Bendik Aarsæther ASH: Alexandra Endresen, Marie Dahle Storfjord, Serghei Levcenco (tom. sak 42) Styret: Joanna Antoniak, Karoline Strand, Lisa Kalvø, Thomas Hesselberg Kontrollkomite: Eirik Nybø og Marius Heldal Hope Ordstyrar: Vilde Sævik Landsstyrerepresentant: Tormod Smedsvig Andre: Ecaterina Prostomolotova, Marit Aklestad (referent). Sak 00 14/15 Konstituering Styret innstiller Vilde Sævik som ordstyrar Vedtak: Studenttinget godkjenner Vilde Sævik som ordstyrar. Styret innstiller Eirik Nybø og Marius Hope som teljekorps. Vedtak: Studenttinget godkjenner Eirik Nybø og Marius Hope som teljekorps. Sak 01 14/15 Godkjenning av innkalling og referat Vedtak: Studenttinget godkjenner innkalling og referat frå dei to siste møta. Kommentar: Studenttinget tilføyer at møteslutt på møtet var kl Sak 02 14/15 Godkjenning av sakliste og dagsorden Det vert meldt inn to eventueltsaker. Sak 43 vert flytta til etter pausen. Vedtak: Studenttinget godkjenner sakliste og dagsorden. 1

2 Sak 03 14/15 Orienteringar Orienteringar frå arbeidsutvalet v/joanna Antoniak: - Aktivitet i arbeidsutvalet sidan sist - Informasjon om komande arrangement (Kompetanse Sunnmøre, word-kurs for studentar, kurs i psykisk helse, region- og landsmøte i NSO) - Vedtektsdokument med redaksjonelle endringar. Vedtak: Studenttinget godkjenner dei redaksjonelle endringane i vedtektsdokumentet. LS-representant Tormod Smedsvig - Informasjon frå landsstyremøtet - Val til nytt arbeidsutval i NSO i april - Høgskulestyremøte 29. januar. Valt tre nye dekanar, den siste blir valt no i mars. Sak 42 14/15 Val av jurymedlem til Studentprisen Vedtakssak Sakshandsamar : Thomas Hesselberg Det vert halde val på studenrepresentant frå SfS til juryen i Studentprisen. Dei tre studentrepresentantane i styret i SfS stiller til val. Votering: urneval. Vedtak: Studenttinget vel inn David Fiskaa til å sitje i juryen for Studentprisen. Sak 43 14/15 Trivselen i STiV Sakshandsamar Lisa S. Kalvø AU i STiV ynskjer innspel frå Studenttinget på kva som kan gjerast for å auke trivselen i STiV, og få studentar til å verte verande over tid, både i AU og i Studenttinget. Oppsummering av innspela frå Studenttinget: Inntrykket er at få studentar veit kva STiV eigentleg er og kva STiV gjer. Det er behov for bevisstgjering og tydeleggjering av kva ein kan oppnå ved å sitje i Studenttinget. Det er også lite kunnskap om korleis ein går fram dersom ein ynskjer å delta i Studenttinget. 2

3 På studenttingsmøta må det vere låg terskel for å stille spørsmål eller be om ekstra forklaring og utdjuping. Ein må skape eit trygt og godt miljø i gruppa, med passe balanse mellom det sosiale og det faglege. Det kan informerast betre om sosiale aktivitetar som går føre seg i STiV vise at det er kjekt å vere aktiv i STiV. AU bør utnytte betre sjansen dei har når dei går rundt i klassene og informerer ved studiestart. Denne type ansikt-til-ansikt-kontakt er veldig viktig, og då er det avgjerande at ei planlegg godt kva ein skal seie, får fram bodskapen, og viser at ein har det kjekt i vervet sitt. Eit forslag er at ein på klassebesøk legg opp til ein kort klasseromdsdiskusjon som eksempel på korleis saker vert diskuterte i STiV. Ein bør ikkje overdrive tydinga av det som skjer i STiV. Ein må gje eit så realistisk bilete som muleg av aktiviteten i STiV, og gje studentane eit ærleg bilete. Det bør heller ikkje vere slik at ein rekrutterer studentar gjennom å tilby gratis mat. Ein må engasjere studentane gjennom det studentpolitiske arbeidet, og mulegheita til å påverke tilhøva og studiekvardagen ved HVO. Tidlegare studenttingsrepresentantar kan stille opp i rekrutteringsfasen. Ein kan med føremon nytte studentfora som Peikestokken og nærnett for å nå ut til fleire studentar. Sak 44 14/15 Profileringsmateriell Sakshandsamar: Karoline Strand AU ynskjer innspel frå Studenttinget på kva type profileringsmateriell STiV bør satse på framover. Studenttinget kjem med fylgjande forslag: - STiV-kondomar - Sticky cleaner? Blir lite brukt, hamnar fort i søpla - Gode pennar - Eingongstatovering - Buff - Snapper-refleks heller det enn dei tradisjonelle refleksa - Lommelykter på nøkkelring - Blokker med post-it og merkelappar til pensumbøker - Paraplyar gjerne fylle på med utlånsparaplyar med STiV-logo - Gjenbruksposar 3

4 - Klistermerke - Vindusskrape til bilen - Tøysebriller med nase og bart - Blå leppestift/lypsyl - 80-talls panneband Sak 45 14/15 Overhaling av nettsida Sakshandsamar: Karoline Strand AU ynskjer innspel frå Studenttinget på kva som kan gjerast med nettsida for at ho skal fungere betre. Oppsummering av innspela frå Studenttinget: Sida framstår som veldig omfattande og rotete per i dag. Logo og det øvste på sida er stilreint, men under er det kaos. Blant anna gir scrollefunksjonen og feltet med ordskya eit rotete inntrykk. Det er ynskje om ei meir minimalistisk og moderne side. Sida bør vere tilpassa mobil og nettbrett Ein får ein større wow-effekt dersom ein skiftar ut alt, enn dersom ein beheld deler av det gamle oppsettet. Det manglar informasjon om korleis bli med i STiV Ein må rydde opp i språkblandinga mellom nynorsk og bokmål, og gå inn for ein standard. I staden for å skrive «Facebook», «twitter» osb, bør ein bruke logoane som lenke. Det kan vere ein ide å ha ein liten «kontakt-oss»-knapp nedst på alle sidene. Studenttinget er positive til at PR-studentane køyrer ei evaluering av sida, med tips til korleis gjere det betre. Sak 46 14/15 Eventuelt Sakshandsamar: Joanna Antoniak /15 Overføre ansvaret for å føre rekneskap for Fadderveka til sekretariatet i STIV Sidan det har vore litt rot med rekneskapet til Fadderveka 2014, der blant anna 4

5 Frifond krevjer tilbakebetalt ein delsum, ynskjer Fadderveka 2015 at organisasjonskonsulenten i STiV får ansvar for å føre rekneskapet for Fadderveka. Vedtak1 : organisasjonskonsulenten i STiV får ansvar for å føre rekneskap for Fadderveka Vedtak2 : Ei eventuell omdisponering av midlane STiV tildeler til Fadderveka må vente til rekneskap er endeleg rapportert til Frifond /15 Endring i valreglementet ved HVO Joanna legg fram dei foreslegne endringane i valreglementet. Studenttinget diskuterer føremoner og ulemper ved endringa knytt til tidspunkt for val av studentrepresentantar i valnemnda. Vedtak: Studenttinget har diskutert saka og stiller seg positive til endringane /15 Sosialt i Studenttinget Arbeidsutvalet ynskjer å arrangere ein fest for studenttinget ila vårsemesteret. Datoforslag er fredag eller fredag Stad: hos David og Halvard. Tema: cocktail party, noko på hovudet. Meir info kjem på FB-sida. 5