Reguleringsplan Vestnes sentrum - nytt planvedtak. Utval Møtedato Utvalssak Kommunestyret /2017

Transkript

1 VESTNES KOMMUNE Saksframlegg Arkiv: L12 Arkivsaksnr.: 2014/316 Saksbehandlar: Jan Rune Jacobsen Dato: Reguleringsplan Vestnes sentrum - nytt planvedtak Utval Møtedato Utvalssak Kommunestyret /2017 Saksprotokoll i Kommunestyret Vedtak: 1. I medhald av PBL godkjenner kommunestyret områdereguleringsplan for Vestnes sentrum, med plankart sist revidert , føresegner revidert og planomtale av Den 4.arma (mot vest) på E39-rundkjøringa er unntatt frå rettsverknad som følgje av uavklart motsegn frå Statens vegvesen. 3. Kommunestyret viser til argumentasjonen i saksutgreiinga med vedlegg og held fast ved forslaget om den 4.arma på E39-rundkjøringa. 4. Kommunestyret ber derfor Fylkesmannen snarast sende saka vidare med positiv innstilling til Kommunal og moderniseringsdepartementet for endeleg avgjerd. 5. Som følgje av at 4.arma på rundkjøringa er uavklara, kan eksisterande kjøretilkomst til Vestnes Idrettspark nyttast inntil vidare også til eventuelt ny p-plass og rasteplass Avrøysting: Innstillinga til administrasjonssjefen vart samrøysta vedteke.

2 Administrasjonssjefen si innstilling 1. I medhald av PBL godkjenner kommunestyret områdereguleringsplan for Vestnes sentrum, med plankart sist revidert , føresegner revidert og planomtale av Den 4.arma (mot vest) på E39-rundkjøringa er unntatt frå rettsverknad som følgje av uavklart motsegn frå Statens vegvesen. 3. Kommunestyret viser til argumentasjonen i saksutgreiinga med vedlegg og held fast ved forslaget om den 4.arma på E39-rundkjøringa. 4. Kommunestyret ber derfor Fylkesmannen snarast sende saka vidare med positiv innstilling til Kommunal og moderniseringsdepartementet for endeleg avgjerd. 5. Som følgje av at 4.arma på rundkjøringa er uavklara, kan eksisterande kjøretilkomst til Vestnes Idrettspark nyttast inntil vidare også til eventuelt ny p-plass og rasteplass SAKSUTGREIING: Årsaka til behovet for nytt planvedtak: Planvedtak vedkomande områdereguleringsplanen for Vestnes sentrum vart vedtatt i Vestnes kommunestyre den 15.desember I ettertid har Møre og Romsdal fylkeskommune i brev av 6.januar 2017 gjort merksam på at planvedtaket formelt sett er ugyldig. Grunnen er at eit automatisk freda kulturminne (ID ) skulle ha vore merka i plankartet og omtalt i føresegnene, sjølv om Riksantikvaren tidlegare har gitt løyve til inngrep i (frigitt) kulturminnet. Dette kulturminnet ligg mellom E39 og kommunal veg på nordsida av Straumen og har ingen praktisk innverknad på arealformåla i planen. Den manglande formaliteten er no retta opp i vedlagte reviderte plankart og føresegn. Under overskriftene Bakgrunn, Vurdering og Oppsummering nedanfor har adm.sjefen kopiert inn teksten i saksframlegg til kommunestyret den 15.desember Adm.sjefen har ikkje vurdert det som nødvendig å ta med vedlegga ein gong til og viser til saksframlegget i den samanheng til at vedlegga er tilgjengelege i saksframlegget til kommunestyret 15.desember. Bakgrunn: Planutvalet vedtok den å legge forslag til ny reguleringsplan for Helland sentrum (revisjonsdato 22. og ) ut til 2. gongs offentleg ettersyn. Sjå vedlagte utskrift av saksbehandling og vedtak. Det kom samordna uttale og motsegner frå Fylkesmannen (FM) og Statens vegvesen (SVV) i tillegg til 7 andre merknader. Motsegn og merknader vart behandla i planutvalet den i sak 50/2016. (sjå vedlagt særutskrift). Til møtet vart det også avklart at SVV på visse vilkår kunne trekke motsegna til område FK1 («Plommen»). Vilkåra gjeld krav om detaljregulering på FK1. I revisjon av er føresegnene 4.14 endra i samsvar med SVV sitt krav på dette punktet. Vidare er føresegnene endra i samsvar med pkt. 4-8 i referat frå drøftingsmøtet med FM/SVV den 10.mai. Dermed gjenstår berre motsegna mot den 4.arma på rundkjøringa. Føresegnene er elles justert i 3.2 og 7.3 etter innspel frå høvesvis Kystverket og Vestnes Småbåtforening. Planutvalet bad adm.sjefen arbeide vidare slik det er skissert i saksutgreiinga til møtet den og slik det går fram av referat etter møtet med FM/SVV same dato. Vidare bad planutvalet ordførar og adm.sjef gå vidare med saka så langt som nødvendig for å få avklart motsegna frå SVV, slik at 4.arm på rundkjøringa kan realiserast.

3 Adm.sjefen søkte om fråvik frå formelle krav, for å kunne realisere den 4.arma på rundkjøringa. Trass mange gode argument vart ikkje søknaden godkjent i vegvesenet si regionale fråviksgruppe. Neste steg var såleis mekling hos FM den Kommunen var politisk representert ved ordførar og leiar i planutvalet, samt planleggarane S.M.Fiksdal og J.R.Jacobsen frå adm. Meklingsforsøket førte ikkje fram, sjå vedlagt referat. Som følgje av dette må kommunen avgjer om dei vil ta motsegna frå SVV til følgje eller halde fast på sitt opphavlege forslag om den 4.arma. Dersom kommunen vel å halde fast på forslaget om den 4.arma, må det gjerast vedtak om dette, samtidig med at den 4.arma blir unntatt rettsverknad. Deretter må FM få skriftleg tilbakemelding om å sende saka til KMD for endeleg avgjerd. Ved slik oversending kan FM enten innstille positivt eller negativt, alternativt ikkje ha innstilling. Adm.sjefen gjer merksam på at oppdatert plankart vil bli ettersendt så snart som råd og seinast til kommunestyret si behandling av saka. Oppdateringane i plankartet består i hovudsak av følgjande: markere at den 4.arma blir unntatt frå rettsverknad erstatte avkjørsel med pilsymbol og fjerne byggelina på FK1 («Plommen»), som følgje av krav til detaljregulering. endra byggegrense på FKB1 frå 5 m til 2 m frå grensa mot fornminna på GTD1 Før kommunestyret gjer sitt vedtak, må SVV/FM formelt ha trekt motsegna til FK1 (Plommen). Vurdering: Når det gjeld vurderingane av andre merknader, viser adm.sjefen til behandling av innspel og motsegner ved 2.gongs offentleg ettersyn i planutvalet den 10.mai. I det følgjande blir derfor berre omtalt det som gjeld 4.arm på rundkjøringa. Motsegna frå SVV ved 2.gongs offentleg ettersyn bygger på følgjande moment: 1. Rundkjøring er i strid med nasjonal politikk, N100 og NA 2015/15. Det skal ikkje vere rundkjøring på viktige hovudvegar fordi det reduserer transportstandarden, jf. brev frå Samferdselsdep Kommentar: I brevet står det at rundkjøring kan byggast unntaksvis, for eksempel «der hovudvegen er ein sentrumstangent». Det blir gjort fråvik frå retningslinene basert på grundig vurdering av den faktiske situasjonen, trafikktryggleik, tettstadutvikling og omsyn til lokale forhold. Viser til relevante eksempel både frå Aksdal i Rogaland, Otta i Gudbrandsdalen og Bjugn i Trøndelag. I det siste eksempelet fekk Bjugn kommune medhald etter vedtak i KMD. Det kan også vere relevant å vise til «Statlege planretningsliner for samordna bustad-, areal- og transportplanlegging» og særleg pkt. 3 om mål: «Planlegging av arealbruk og transportsystem skal fremme samfunnsøkonomisk effektiv ressursutnyttelse, god trafikksikkerhet og effektiv trafikkavvikling. Planlegginga skal bidra til å utvikle bærekraftige byer og tettsteder, legge til rette for verdiskaping og næringsutvikling, og fremme helse miljø og livskvalitet.» 2. Høg fart på ein eller fleire av armane reduserer kapasiteten i rundkjøringa og kan medfører store forsinkelsar. Kommentar: I praksis er det berre muleg med høg fart på E39-armane (fartsgrense 50 km/t), medan lokal trafikk kan bli ståande å vente på å kome seg inn i rundkjøringa. Det er med andre ord ikkje kapasiteten på E39 som blir redusert. I enkelthøve kan mykje trafikk og eventuell høg fart på europavegen medføre tilbakeblokkering på Fv 160 gjennom sentrum. Det vil i slik samanheng ikkje vere negativt om trafikk som skal til Idrettsparken, rasteplass eller friluftsområdet kan bruke den 4.arma.

4 3. 4.arm gir skeivere fordeling av trafikken mellom E39 og sentrum. Kommentar: Vestnes kommune ser det som positivt og ryddig å skilje trafikken som skal til sentrum for å handle etc. frå dei som skal drive fritidsaktivitetar. Det er press nok på sentrumsgatene om ikkje all trafikk til Idrettsparken, rasteplass og Kråkvika regionale friluftsområde skal fortsette å kjøre der. Noverande situasjon er uoversiktleg, med mange konfliktpunkt og uheldig blanding av mjuke og harde trafikkantar, i tillegg til at eksisterande undergang ikkje er høg nok for store kjøretøy. 4. Vegen blir ein avkjørsel, noko som er nedbygging av transportstandarden. SVV skal ivareta storsamfunnets veginvesteringar og ein ser at over tid har Vestnes bygd ned hovudvegen med tosidig aktivitet, slik at denne har måtta bli lagt om fleire gonger. Kommentar: Tettstadutvikling er utelukkande positivt og er ikkje brukande som motargument i slike saker. E39 har stort innslag av lokaltrafikk på denne staden, såleis kan det ikkje vere slik at det berre er gjennomgangstrafikken som skal takast omsyn til, framfør innbyggarane og utvikling av tettstaden. Slik adm.sjefen tolkar regelverket, er det nettopp derfor det fins unntak når vegen går gjennom eller tangerer eit sentrum. Historisk (med utgangspunkt i bruene over Vestnes-straumen) er det slik at hovudvegen gjennom kommunesenteret på 50-talet vart flytta ca.100 meter vestover og på 90-talet ytterlegare ca. 50 m. SVV har slik sett aldri flytta vegen vekk frå sentrum og det har såleis heile denne tida vore viktige funksjonar på begge sider av vegen, som til dømes Idrettsparken. Etter drøftingsmøtet har SVV lagt til: 5. SVV fryktar at mjuke trafikantar vil nytte avkjøringa (4.arm) og springe over rundkjøringa Kommentar: Eksisterande tilkomst/undergang til Idrettsparken og undergangen/turvegen ved Vestnesstraumen gir 2 attraktive mulegheiter for mjuke trafikantar å krysse europavegen planfritt og trygt. Det er ikkje empirisk dekning for å hevde at mjuke trafikantar kryssar over rundkjøringa, sjølv om dette er fullt muleg også i dag, sidan anleggsvegen (4.arm) er tilgjengeleg (rett nok grasgrodd). Adm.sjefen har heller ikkje kjennskap til at det er registrert statistikk eller ulykkesfrekvens, som tyder på at uheldige forhold ved rundkjøringa. 6. SVV etterlyser vurdering av alternativ til 4.arm Kommentar: Adm.sjefen viser til at alternative løysingar er vurderte. Dette gjeld både utbetring av eksisterande tilkomst/undergang ved Idrettssparken og tilkomst etter Fv 160 og gjennom institusjonsområdet på Myra (Hellandheimen). Ingen av alternativa er funne forsvarlege og løyser ikkje utfordringane med trafikkavvikling og trafikktryggleik i sentrumsområdet. Ved meklingsmøte den held SVV fast ved motsegna i samband med 2.gongs offentleg ettersyn og gjorde greie for at Region midt ikkje har myndigheit til å opne for ei slik 4.arm på ein europaveg. SVV peika elles på følgjande alternativ: 7. Eksisterande tilkomst til Idrettsparken vil vere eit alternativ, dersom den blir utbetra. Kommentar: Adm.sjefen viser til kommentaren under pkt. 6 og presiserer at muleg utbetring i høgde er svært marginal og berre gjeld eine kjørebane. Dette vil såleis ha liten nytte. I tillegg vil tilkomsten til Idrettsparken fortsatt vere den same, med omsyn til manglande oversikt, blanding av ulike trafikantgrupper og konfliktpunkt både i Fv 160 og Stadionvegen. Oppsummering Adm.sjefen meiner SVV har lagt for lite vekt på tilpassing til lokal kunnskap, lokal utvikling og lokale forhold og held fast på at nytten av den 4.arma for funksjonar, trafikksituasjonen og utvikling i Vestnes sentrum er større enn teoretiske ulemper for gjennomgangstrafikk på E39. Andre alternativ er vurderte, men ikkje funne forsvarlege.

5 Rundkjøringa er oversikteleg og trygg med etablert 50-sone, som gjer at trafikken glir roleg og fint forbi (Snart 20 års erfaring underbygger dette). Etter adm.sjefen sitt skjønn ville det neppe vere aktuelt å bygge anna enn rundkjøring på denne staden om vegen skulle byggast på nytt i dag. Anna ville ikkje vore forsvarleg, av omsyn til trafikktryggleik. Det er ikkje plass til planfritt kryss og T-kryss med 80-sone ville truleg bli ein ulykkesgenerator. Dei 2 eksisterande undergangane for mjuke trafikantar sikrar også gode mulegheiter for mjuke trafikantar å krysse europavegen planfritt og på trygg måte. Ein 4. arm som tilkomst til Idrettsparken, Kråkvika friluftsområde og rasteplassen vil også vere oversiktleg og trygg. Det kan knapt finnast betre alternativ som avkjøring til ein rasteplass. Når det gjeld trafikken til Idrettsparken, er aktivitet og arrangement her i hovudsak lagt til kveld og helg. Dermed er det liten samtidigheit med trafikktoppane på europavegen. Frykta for at trafikk frå 4.arma skal påvereke gjennomgangstrafikken i nemnande grad, er såleis grunnlaus. Her må også leggast til at mykje av trafikken som skal til Idrettsparken uansett kjem på E39 og vil elles mått bruke arma mot sentrum. Eventuell auka totaltrafikk i rundkjøringa er dermed også marginal. Adm.sjefen rår til at kommunestyret ber FM legge vekt på dei faktiske forholda, lokal utvikling og dei grundige utgreiingane Vestnes kommune har gjort og at FM sender saka vidare med positiv innstilling til endeleg avgjerd i KMD. Særutskrift til: Møre og Romsdal fylkeskommune Fylkesmannen i Møre og Romsdal Statens vegvesen Vedlegg: 1 Plankart inkl 4.arm rev Plankart ekskl. 4.arm rev Reguleringsplan Vestnes sentrum - reviderte føresegner 5 04_ Planomtale datert Møre og Romsdal fylkeskommune - merknad til vedtak