Saksnr. Utval Møtedato 003/17 Formannskapet Sakshandsamar: Monika Lysne Arkiv: K2 - L12 Arkivsaksnr. 16/592-7

Transkript

1 Lærdal kommune Sakspapir Saksnr. Utval Møtedato 003/17 Formannskapet Sakshandsamar: Monika Lysne Arkiv: K2 - L12 Arkivsaksnr. 16/592-7 Privat Detaljreguleringsplan for Einemomarki - handsaming av motteke planframlegg Kort samandrag: Norgeshus AS har sendt framlegg til privat detaljreguleringsplan for Einemomarki over til kommunen. Etter oppstartsvarselet kom det inn fem innspel til planarbeidet. Utbyggjar ber kommunen vurdere om planframlegget skal leggjast ut til offentleg ettersyn og høyring. Rådmannen si tilråding: Formannskapet vedtek at nytt framlegg til privat Detaljreguleringsplan for Einemomarki ikkje vert lagt ut til offentleg ettersyn slik det ligg føre. Formannskapet ber om at endringane som kjem fram i vurderinga vert innarbeida i eit eventuelt nytt planframlegg, alternativt at utbygginga skjer i tråd med gjeldande reguleringsplan for området Formannskapet Framlegg frå Gro Starheimæter (SP): Formannskapet meinar at planframlegget er i tråd med ynskja utbyggingspolitikk i Lærdal kommune, og ein ynskjer å gå vidare med planframlegget. Før ein legg planen ut på offentleg ettersyn ber ein om at endringane som kjem fram i vurderinga vert innarbeidd i planframlegget. Framlegg frå Kåre Mentz Lysne (AP): Formannskapet vedtek at nytt framlegg til privat Detaljreguleringsplan for Einemomarki ikkje vert lagt ut til offentleg ettersyn slik det ligg føre. Formannskapet ber om at endringane som kjem fram i vurderinga vert innarbeida i eit nytt planframlegg.

2 Trond Øyen Einemo (H) gjekk frå som ugild ved handsaming av saka. Frode Myklebust (V) møtte. Røysting: Framlegget frå Gro Starheimsæter vart vedteke med 3 mot 2 røyster. FS-003/17 Vedtak: Formannskapet meinar at planframlegget er i tråd med ynskja utbyggingspolitikk i Lærdal kommune, og ein ynskjer å gå vidare med planframlegget. Før ein legg planen ut på offentleg ettersyn ber ein om at endringane som kjem fram i vurderinga vert innarbeidd i planframlegget. Vedlegg: REV Planbeskrivelse Einemomarki.docx REV A Reguleringsbestemmelser Einemomarki.docx Detaljregulering for Einemomarki Møte angåande Detaljregulering for Einemomarki Plankart Einemomarki-A3-L.pdf Vedlegg 3 Merknader.pdf Vedlegg 2 Referat fra oppstartsmøte.pdf Vedlegg 1 Sol-skyggestudie.pdf ROS analyse Einemomarki.docx Aktuelle lover, forskrifter, avtalar m.m. Plan- og bygningslova Saksutgreiing Norgeshus AS fremja på vegne av utbyggjar ynskje om oppstart av nytt reguleringsplanarbeid for Einemomarki, som vart handsama i kommunestyret Kommunestyret vedtok då at kommunen stilte seg positiv til oppstart av Detaljreguleringsplan for Einemomarki. Utbyggjar har varsla oppstart, og det er kome inn 5 merknadar til oppstartsvarselet: Statens vegvesen, brev datert Ber om at siktrydding i kommunalt kryss Hansegardsvegen vert utførd før ei eventuell byggjestart. Fylkemannen i Sogn og Fjordane, brev datert

3 Landbruksavdelinga har ingen merknadar til planarbeidet Miljøavdelinga peikar på aktuelle interesser som bør vurderast og sikrast i planen er m.a. grønstruktur, landskap/estetikk, naturmangfald, born og unge og universell utforming. Det bør særleg vurderast korleis ei slik blokk vil passe inn i det etablerte bustadmiljøet. Viser elles til merknadane om landskap/estetikk i deira tilleggskriv Viktig med tilstrekkeleg leikeplassar for born i alle aldrar i nærmiljøet. Viser til merknadar om «samfunnstryggleik og beredskap» i tilleggskriv Kari Johanne Hagheim, epost sendt Trur ei lågblokk på 4 etasjar vil bli veldig dominerande i forhold til dei husa som allereie er bygde her, og det vil stenga både for utsikt og solforhold. Liv Ingeborg Einemo Øverland og Geir Berge Øverland, brev datert Går sterkt i mot at gjeldande reguleringsplan med 2 høgder vert endra Dagens reguleringsplan medfører høg utnyttingsgrad, og ei ytterlegare auke i bueiningane vil medføre ein auka trafikk i eit sårbart område som er nytta av skuleelevar, barnehage og idrettsanlegg. Meiner det ikkje er teke tilstrekkeleg omsyn til den auka trafikkmengda vil ha på infrastrukturen. Reagerer på vedlagde illustrasjon som ikkje på nokon måte syner den reelle høgda på 4 etasjersbygget som no vert planlagd. Eit så høgt bygg vil på ein uakseptabel måte ta lys og utsikt. Linda Olsen og Trond Ø. Einemo, brev datert Vil på det sterkaste motsette seg at det blir lagt til rette for ytterlegare fortetting og bygging i meir enn to høgder på Einemomarki. Ei fortetting med ytterlegare 15 einingar, vil gje ei uakseptabel høg utnytting, samt gå på bekostning av omkringliggjande strukturar og bebyggelse. Det er faktafeil at (som grunneigar seier i Sogn Avis) at bygget ikkje blir høgare enn omkringliggjande bygningar. Høgste mønehøgd i nærleiken er Fleirbrukshallen med mønehøgd 16,3 m.o.h. Ei blokk vil ende på 13 m med flatt tak, rekna med planert terreng, vil dette gje 16,6 m.o.h. I ein elles mørk dal med lite utsyn, vil ei slik blokk nært på, gjere vondt verre for oss som allereie er etablert i nabolaget. Blokka vil vesentleg begrense utsyn, fortettinga vil skape større trafikk i ei gate med mange mjuke trafikantar som eldre, skuleungar og barnehage, dermed vil det skape potensielt større konfliktnivå i nærområde.

4 Planframlegget er ein full revisjon av gjeldande reguleringsplan, og er utarbeida av Norgeshus AS på vegne av utbyggjar for Einemomarki. Hensikten med planen er å leggje til rette for utbygging på eiendommene 28/8, 30/1 og 30/28. Planen inneheld fleire endringar frå tidlegare vedteken plan for Einemomarki. Planlagd busetnad er no tenkt i form av konsentrert småhusbebyggelse og blokkbebyggelse. Bebyggelsen vil bestå av leilighetsbygg med 2-, 3- og 4 roms leiligheiter (17 bueiningar), 10 kjeda einebustadar i rekkje og ei blokk i fire etasjar med 14 bueiningar. Føremålet med planen er å bidra til auka fortetting i Lærdal og redusera press på omkringliggjande areal. Området vart regulert i 2007 gjennom Reguleringsplan for Einemomarki, og er regulert til bustad i Kommunedelplan for Lærdalsøyri (2008). Tiltakshaver fikk i 2015/2016 tillatelse til å byggje leiligheitsbygg med til saman 18 bueiningar. Delar av området er difor per i dag utbygd og under utbygging. Tiltakshavar ynskjer å byggje fleire bueiningar enn det gjeldande plan tillet, i tillegg til å endre på plassering av bygningar, høgare utnyttingsgrad, plassering av parkeringsareal osv. Det er difor naudsynt med en ny plan. I skissa som vart lagt fram under oppstartsmøte var omsøkte leilighetsbygg teikna inn, i tillegg til ein fire etasjers blokk. Skissa synte også einebustadar i kjede. Vurdering Administrasjonen er svært positiv til at utbyggjar/grunneigar er i gang med å gjennomføre utbygging av område til bustadeiningar. Område har vore regulert til bustad sidan 2007, og delar av området er utbygd. Det er positivt at utbyggjar no ynskjer å gjennomføre utbygging av resten av området til bustadføremål, då dette kan dekke eit behov for bustadeiningar i kommunen. Administrasjonen vil og trekkje fram utbyggjar sin planlegging av leikeareal sentralt i planområde som positiv i høve born og unge sine interesser. Eit område som i stor grad er skjerma frå trafikkflyten i området er sett av til leikeareal for born, i tillegg til at grøntarealet i vest vert vidareførd. Når kommunen mottek framlegg til privat reguleringsplan, skal framlegget leggjast fram til politisk handsaming innan 3 mnd for spørsmål om kommunen ynskjer å leggja plandokumentet ut til offentleg ettersyn og høyring. Kommunen signaliserer då til utbyggjar at utbygginga er i tråd med ynskja utbyggingspolitikk i kommunen, og at ein ynskjer å gå vidare med planframlegget som er overlevert til kommunen. I den politiske handsaminga av eit privat planframlegg, kan ein og kome fram til at utbygginga ikkje er i tråd med ynskja utbyggingspolitikk, og/eller planen kan vera mangelfull, slik at ein ved politisk handsaming,

5 sender planframlegget tilbake til utbyggjar, i staden for å leggja det ut til offentleg ettersyn og høyring. Planframlegget kan i sin heilheit verte avvist, eller ein kan i den politiske handsaminga koma med framlegg til endringar eller alternative framlegg til plan. Administrasjonen meiner at planframlegget som ligg føre, ikkje bør leggjast ut til offentleg ettersyn og høyring slik det ligg føre, då utbygginga ikkje er i tråd med ynskja utbygging gjennom Kommunedelplan for Lærdalsøyri (2008), at utbygginga har for store negative konsekvensar for nærmiljøet, at utbygginga kan skape ein uheldig presedens for vidare utbygging av Lærdalsøyri, at dei vanskelege trafikale forholda i området vert forverra ved gjennomføring av planframlegget slik det ligg føre, at utnyttingsgraden er for høg i framlegg til plan og at det ikkje er lagt opp til tilstrekkeleg parkeringsareal. Administrasjonen vil her gå gjennom dei områda av planframlegget som er grunnlaget for at ein ikkje rår til utlegging til offentleg ettersyn. Me informerer om at administrasjonen har hatt møte med utbyggjar, og etterfølgjande dialog angåande alle undernemnde punkt, for å skape ein moglegheit til å gjere endringar før politisk handsaming av planframlegget. Utbyggjar har etter dette gjort rettingar i formelle feil, men vald å ikkje gjort andre endringar før ny innsending til kommunen. Store negative konsekvensar og presedens ved å tillate blokk på 4 etasjar Lærdalsøyri er ein tettstad der busetnaden ligg i eit flatt område nedi dalføret, med høge fjell omkring. Det er i store delar av området utsyn utover mot fjorden, til opnare landskap. Dalføret har lite eller ingen sol nærast heile vinterhalvåret. Solforhold er difor utvilsomt eit viktig tema. I planframlegget vert det lagt opp til ei blokk på 4 etasjar, som kan verte omtrent 40 meter lang, plassert parallelt med den einvegskøyrde vegen ved barnehagen. Ein legg her opp til ei massiv blokk, på høgde med fleirbrukshallen nord for planområdet og høgare enn «Einemolåven» søraust for planområdet. I planomtalen kjem det fram at blokka vil få ein høgde på om lag 13 m. Utbyggjar har då ikkje medrekna eventuell oppheving av grunn på grunn av flaumsikringstiltak. I tillegg er det opna for moglegheit for at heis og trappegang kan vera 1 m høgare, det er opna for ulike moglegheiter for tak (dersom saltak, vert bygningen enno høgare), og det er opna moglegheit for takterasse med rekkverk dersom blokka vert bygd med flatt tak, noko som vil gje eit ytterlegare høgding av bygningen i forhold til solforhold, estetikk, landskapsomsyn osv. Administrasjonen er svært positive til at utbyggjar har fått utarbeida sol-/skuggestudie for si utbygging, for å synleggjere negative konsekvensar. I denne studien, kjem det fram at konsekvensane for solforholda mesteparten av året ikkje vil ha serlege konsekvensar for bustadar i området. Administrasjonen vil likevel peike på at på grunn av dårlege solforhold på Lærdalsøyri, er solinnstrålinga om sommaren svært viktig for innbyggjarane, og har og eit helseperspektiv. Det bør difor etterstrebast å få dei negative konsekvensane av utbygginga i forhold til skuggelegging av bustadtomter ned på eit minimumsnivå. Ein vil og peike på at det i skugge-studiet kjem fram at naboar sør for planområdet kan miste solinnstråling på kveldstid om sommaren. Administrajonen meiner ein bør utarbeide sol-/skuggestudie ein

6 gong til, der eventuell takterasse, heissjakt osv også vert lagt inn, og leggje inn analyse også for august, ein sommarmånad som sola står lågare enn i juni, og skuggelegginga kan bli meir omfattande. Å tillate ei blokk på 4 etasjar midt i dalføret, der busetnaden ligg i eit så flatt og opent område, kan gje eit inntrykk av ein stor massiv «klosse» midt i busetnaden. Estetiske og landskapsmessige omsyn tilseier at dette ikkje er ynskjeleg. Dersom ein tillet ei slik utbygging her, vil det vera vanskeleg å «hente seg inn att» seinare, og det kan verte vanskeleg å hindre ei slik utbygging andre stadar, der det gjerne passar enno dårlegare inn i bygningsmiljøet. Å tillate ei slik blokk midt i dalføret, vil utan tvil skape presedens til framtidige søknadar, og denne saka vil kunne nyttast til å få gjennomførd blokk-bygging fleire stadar på Øyri. Administrasjonen meiner at Lærdal ikkje er i ein slik situsjon at me treng å presse utnyttingsgraden så høgt, tilnærma ei tett utbygging i store tettstadar og byar. Det er ynskjeleg at området vert bygd ut, og positivt at det vert lagt opp til fleire einingar enn berre einebustadar, slik at ein får ei god utnyttting av arealet. Men administrasjonen meiner denne utbygginga går langt forbi det som det er behov for, og det ein bør tillata for å ta vare på bygningsmiljø, byggeskikk, utsyn, solforhold, estetikk og nærmiljøet. Optimalt bør utbygginga avgrensast til maksimalt å tillata 2 etasjar, slik som det var planlagd i opprinneleg plan, og er lagt opp til i Kommunedelplan for Lærdalsøyri. Dersom det skal tillatast 3 etasjar, er det viktig at estetiske omsyn til landskap, utsyn osv veg tungt i sakshandsaminga, og at det difor vert lagt opp til ein toppetasje der delar av bygningsmassen er smalare enn resten av bygningen, slik at bygningen ikkje framstår som «klosseaktig» og massiv. Forverring av ein allereie vanskeleg trafikal situasjon i området og for lite parkeringsareal Området rundt planområdet, og spesielt langs Skulevegen har i dag store trafikale utfordringar, spesielt med tanke på trafikktryggleik for mjuke trafikantar. Det er i området mange sårbare trafikantar til ulike tider av døgnet, både knytt til barnehage, skule og pleie- og omsorgsheim, og i tillegg mange kveldsaktivitetar ved skule og idrettsanlegget. Spesielt ved bringe- og hente-tider ved skulen, er det utfordringar når skulebussane og besøkande fyller tilgjengelege parkeringsareal og foreldre må stoppe i vegbana for å setje av/hente borna. Etter delar av Einemomarki vart utbygd, ser ein at fleire av dei besøkande til dei nye rekkjehusa parkerer på skulen og barnehagen sine parkeringsareal. Dette bør sjåast på som eit teikn på at det bør vurderast å auke parkeringsareala for dei allereie utbygde områda i planarbeidet. I planframlegget vert det lagt opp til minimalt med parkeringsplassar per bueining, dvs. 1 parkeringsplass per 1-3-roms, og 1,5 parkeringsplassar for 4-roms og einebustadar. Utbyggjar grunngjev denne planlegginga med at området ligg så sentrumsnært, at fleire ikkje har behov for bil. Mange utbyggjarar opererer etter gamle normer for berekning av parkeringsareal for utbyggingsområde. Det har dei siste åra vore ei utvikling der ein ser at fleire husstandar har bil, og fleire familiar enn tidlegare har to bilar. Folk nyttar bilane meir enn før, i tillegg til at dei ynskjer parkeringsareal nærast inngangen på bygningen. Ein veit og at i Lærdal er det ein stor del av innbyggjarane som pendlar til nabobygder, noko som ofte gjer at det er naudsynt med eigen bil. Administrasjonen meiner utbyggjar må leggje opp til eit betydeleg større tal

7 parkeringsplassar, og minimum 1,5 plass per 2 og 3-roms, og 2 plassar per 4-roms og einebustad i rekkje. Offentlege parkeringsplassar kan ikkje takast med i berekningane i det heile, då det er nok press og utfordringar knytt til dei offentlege parkeringsareala slik situasjonen allereie er i dag. I planframlegget vert det ikkje omtala tilstrekkeleg dei trafikale forholda og konsekvensen utbygginga vil ha for området. I fylge plankartet, vil ein f.eks få to avkøyrsler frå området rett ut i Skulevegen, ved busshaldeplassen til skulen. All trafikken til og frå utbyggingsområdet, er kanalisert ut i Skulevegen. Generelt i området, er det fleire kryssløysingar og område langs køyreveg som er problematiske i høve trafikktryggleik slik situasjonen er i dag, og ei slik stor utbygging, vil generere ein god del meir trafikk inn i området. Administrasjonen meiner utbyggjar bør sjå på løysingar med berre ein avkøyrsle ut i Skulevegen (allereie eksisterande avkøyrsle), og at resten av trafikken frå området vert kanalisert ut i Einemovegen (på austsida av bommen), slik at ein får mest mogleg av trafikken rett ut på RV5. Einemovegen er i dag ein breid køyreveg, der det er rom for å lage fortausløysing og fartsdemparar for å leggje til rette for auka trafikk. Klima- og miljøtiltak, flaum og overvatn I opprinneleg plan for Einemomarki, vart det sett krav om at utbygginga skal vere klimavenleg, dvs. med lågenergibustadar. Dette er ikkje med i den nye detaljreguleringsplanen. Administrasjonen meiner at klima- og miljøtiltak er svært viktig for alle kommunar å ha stort fokus på, og dette må med i alle planverk i kommunen. Å setje krav om miljøtiltak er enno ikkje lovpålagd, men kan vere ein del av kommunen sin utbyggingspolitikk, miljøpolitikk og knytt til visjon (f.eks «Lærdal den grøne kommune»). Kommunane får sterke føringar frå departement, Fylkeskommunen og Fylkesmannen om å ta med omsyn til klimaendringane og det er viktig at alle kommunar bidreg til å gjere tiltak for å reversere endringane. Slike tiltak kan vere å redusere energiforbruk, auke kollektivtransport, minske CO2 utslett og anna forureining osv. Eit svært viktig tiltak for å redusere energiforbruket vårt, er å minske behovet for ny produksjon av energi. Administrasjonen meiner difor det må setjast krav om lågenergibustadar, og at det vert lagt til rette for tilknyting til framtidig vassboren varme i området. Klimatilpassing handlar ikkje berre om å reversere klimaendringane, men også å tilpasse seg til dei endringane som er komne, og kjem dei neste tiåra, som f.eks meir nedbør, større utfordringar knytt til overvatn, VA, flaum osv. I framlegg til reguleringsplan har utbyggjar teke omsyn til flaumfare, og lagt dette inn i både ROSanalyse, plankart og føresegner. Utbyggjar har i sine berekningar for flaum nytta Flaumsonekart for Lærdalsøyri (2013) med klimapåslag (20 %). I dette flaumkartet, er det teke omsyn til klimaendringane, og lagt på forventa 20 % forverring av situasjonen ved framtidige flaumar i Lærdalsvassdraget. Det er positivt at utbyggjar ynskjer å vere «føre-var» i sine berekningar, noko kommunen i utgangspunktet ynskjer at utbyggjar skal vere. Kommunen har vore i dialog med NVE om dette, og då det ikkje er lovpålagd å nytte klimapåslaget, og kommunen er i gang med arbeidet med å flaumsikre Lærdalselvi, har me vorte samde med NVE om å nytte flaumsonekart utan klimapåslag for utbyggingstiltak på Lærdalsøyri. I flaumsonekartet utan klimapåslag, er berre mindre del av utbyggingsområde

8 trua av flaum. Utbyggjar kan difor endre plankart og føresegner deretter. Det er likevel viktig at det vert teke omsyn til auka mengde overvatn/bakvatn, og at utbyggingstiltak kan øydeleggje for naturleg drenering. Asfalt og pakka grus og jord, har ikkje så god dreneringsevne som grøntareal, plener og anna vegetasjon. Det bør takast med i føresegnene eit punkt om at plan/løysing for lokal overvasshandtering skal leggjast ved byggjesøknaden, og godkjennast av kommunen i byggjesakshandaminga. Grad av utnytting I opprinneleg reguleringsplan for Einemomarki (2007) vart utnyttingsgraden (bebygd areal) sett til maks 30 %, 35 % for eit delområde, og maks 38 % for eit mindre delområde. Til samanlikning er maks utnyttingsgrad for vanlege bustadtomter i Lærdal sett til 25 %. Det vil seia at det allereie i 2007 vart lagt opp til ein høg utnyttingsgrad av område, ei relativt høg fortettingsgrad av bustadarealet. Administrasjonen meiner det i utgangspunktet bør leggjast opp til fortetting og relativt høg utnyttingsgrad av ledige tomter og utbyggingsområde på Lærdalsøyri, for å blant anna unngå at ein seinare må ta i bruk jordbruksareal til bustadområde. Administrasjonen meiner likevel at utnyttingsgraden som no er planlagd for område (35-45%) er svært høg, og at dette kan gå på bekostning av estetikk, landskapsomsyn og bygningsmiljø. Utbygginga vert svært tett, og i tillegg er blokka som er planlagd, 2 etasjar høgare enn det som fyrst vart tillete som maksimalt etasjetal for utbygginga. Fortetting er i utgangspunktet positivt, men omsynet til nærmiljøet, estetikk og bustadmiljø må også takast med i vurderinga. Administrasjonen meiner og det er viktig å ta med i vurderinga om kommunen verkeleg har så lite areal tilgjengeleg, og eit så enormt press på bustadmarknaden, at det er behov for å fortette så mykje at det kan samanliknast med utbygging i byar og større tettstadar. I framlegg til planføresegner 4.7 sett følgjande krav: «Ny bebyggelse skal ta hensyn til, og tilpasses omkringliggende bygg og skal knytte sammen, forsterke og/eller videreutvikle eksisterende strukturer». Administrasjonen meiner at for å oppfylle dette kravet, må maksimal utnyttingsgrad setjast ned. Diverse tilleggskommentarar I planføresegnene er det teke med ei føresegn ( 3.7. Frisikt) om at det skal foregå rydding av frisiktsoner mellom Hansegardsvegen og RV 5 før det kan gjevast løyve til tiltak i planområdet. Dette er ei føresegn som gjer seg gjeldande langt utanfor planområdet, og på privat grunn. Administrasjonen meiner dette er ei sak som må takast opp i andre høve, og ikkje knytast til reguleringsplan for Einemomarki, og spesielt ikkje i føresegnene. I plankartet bør det synleggjerast kva som er eksisterande bygningar. Slik plankartet no er framstilt, er det ikkje gjort noko utbygging i området. Det bør setjast krav til utanomhusplan til byggjesøknaden (beplanting, renovasjon, snølagring osv) i føresegnene. I utrekning av utnyttingsgraden, skal private parkeringsanlegg vere med i berekninga, noko som ikkje er gjort i planen slik den ligg føre. ROS-analysa må kvalitetsikrast, blant anna er det peika på at det i området er fare for

9 masseras-/skred og skade på kulturminne, men ikkje fare for flaum og radongass, sjølv om det er lagt inn tiltak for dette. Administrasjonen reknar med dette berre er feil i rapporteringa som vert retta opp ved eventuell utlegging til offentleg ettersyn. Planføresegnene inneheld svært lite detaljar om tenkt utbygging og er såleis eit begrensa styringsverktøy for både utbyggjar og kommunen. Planføresegnene bør innehalda meir detaljerte føresegner kring kva som er tillete, og kva som krev opplysningar om i byggjesøknaden kring for eksempel karnapp, balkong, fargesetting, materialval, rekkverk, markiser, vindu (smårutete?), gjerdetype, møneretning osv. For blokkbygningen meiner administrasjonen at det bør setjast opp betydeleg meir detaljar i føresegnene enn utnyttingsgrad, taktype og høgde på bygningen. Det bør leggjast fleire føringar kring f.eks balkong, materialbruk, vindauge, takterasse, rømningsvegar, universell utforming osv. Administrasjonen viser her til dei detaljerte reguleringsplanføresegnene for hyttebygging på Filefjell til samanlikning, og meiner det er viktig at eit så sentralt bustadområde som Einemomarki får minst like gode styringsverktøy som utbygging av hytter i høgfjellet. Administrasjonen meiner på bakgrunn av punkta som er gjennomgått, at det ikkje ligg til rette for å leggja framlegg til Detaljreguleringsplan for Einemomarki ut til offentleg ettersyn og høyring slik det ligg føre. Administrasjonen vil rå til at utbyggjar gjer endringar i tråd med punkta som sett opp i vurderinga før ny innsending av Detaljreguleringsplan for Einemomarki.